رواية ناديه الفصل الثامن والأربعون 48 بقلم انين الليل

سراج 

 الكم تعرفون مقدار الحيره الي انا بيها واول مره احس انو اني مربط وما اگدر اسوي شي لان ما عندي اي دليل 

حتى على ضوئه ارتب نفسي واعرف هي وين ممكن تكون

بقيت ابيت هادي وانا محتار وين ممكن تكون راحت ناديه وليش گايله الصديقتها رايحه ويه ابن عمي 

::اووف منج ياناديه اووف ليش هيج تسوين 

:: لا انتي ما مسويه اي شي انا الي اعرفج اكيد اكو شي

طلعت بره ورحت للديوانيه البره سديتها عليه وبچيت حييل بچييت وانا اگول 

::وينچ ندووش شجاي تسوين عدله لو ميته ليش رحتي ما گلتي وراي اختي وراي حنين ما گلتي انا هسه

غادي نار عليج بس ما اگدر احچي لازم ابين گدامهم قوي

حاولت الزم نفسي وخابرت كل معارفي وانطيتهم اوصافها وخابرت ولد عمي جميل وخبرتهم 

وهمه گالو راح نهتم بالموضوع  

وخابرت محمود ابنهم وطلبت منه يسوي كل جهوده ع الحدود رد عليه 

   - - ولا يهمك سراج هسه راح انطي اخباريه بس اتاكدلي ما خذه جوازها او لا 

رحت داخل البيت لگيتهم گاعدين وكلهم سكته باوعت الشمس وحچيت 

::ام احمد انتي وقيس امشي اصعدي وياي اريد اشوف الغرفه واحچي ويه حنيين

هادي گلي // شكو ؟

::ماكو شي بس خلي احچي وياها بهدوءيمكن خافت من شافتكم شلون تعيطون وانت صرت تضربها 

هادي گلي بعصبيه //واموتها سراج بس خلي الزم الخاينه ما ارحمهن اثنينهن بس خلي اعرف طريق ذيج 

ويصير خير اله ادفنهن عدلات 

:: على كيفك ابو ياسر 

هادي وكف //. هاا هنوب تكلي على كيفك (اتقرب عليه وياشر باصبعه ) انت ياسراج كله منك انت 

چنت لازمني عنهن صار سنين

اتنفست بعمق ما جاوبته شمس وقيس صعدو وياي وصلنه للغرفه شفت حنين گاعده بالزاويه وهي تبچي 

وصلت شمس يمها وهي اتگلها 

: عمه حبيبتي اسكتي لا تبچيين 

باوعت وتبرطم //عمه اختي اختي راحت عمه اختي وين ندووش وين 

باوعتلي وگالت //عمو سراج وين ندووش والله هي ما شردت عمو والله ما شردت 

شمس حاچتها // يمكن احد ماذيها

هزت راسها // لا عمه من لمن ...ورفعت راسها وسكتت 

سالتها :: حنين لمن شنو 

حنين دنگت //من عمو قيس حچى على عمه افراح بعد محد سمعنا كلمه لو حچايه واحنا مبتعدات عن الكل 

شمس // ها يعني افراح ما صارت تحچي لو تعصب 

حنين // لا والله عمه تخاف من عمي قيس الله ينطي ما صارت تحچي علينه ولا تعير ولا تسب

تستمر القصة أدناه

قيس عض شفته وشمس بچت 

سالتها الحنين :: زين هي ما گالتلج شي مثلا تريد تسافر او تطلع من هذا البيت 

حنين باستغراب //تسافر لا ولا مره جابت طاري السفر

::وطلعتجن من البيت 

حنين //عمو ندووش كل همها اخذ السادس وانجح حتى ...... وسكتت

:: بابا ليش سكتي فهميني حتى شنو

هي بقت مدنگه اشرت القيس وشمس يطلعون طلعو سالتها 

:: حنين احنا ابحدنا ولو ناديه شنو مسويه ما اخلي احد اياذيها صدگيني بس انتي لازم تساعديني 

حتى الگاها وهسه اريدچ اتفهميني 

هي جاوبتني وهي تبچي // عمو والله ناديه ما تنهزم بس هي گالتلي شدي حيلج وانجحي من السادس وبس 

يخطبج مرتضى ابن عمي كرم وتعقدون نروح نعيش ياهم بالبيت ومن تتزوجين نروح نعيش ابيت بابا 

وقررت بعد زواجي ناخذ بيبي جميله ويانه ونداريها

:: زين حنين هذا الكلام يمته 

حنين رفعت راسها //عمو قبل يومين والله ما اچذب عليك 

جريت نفس :: مصدگج بس وين راحت 

حنين //عمو اختي مستحييل تروح وتتركني 

:: يعني يجوز لان عرفت مرتضى يريدج واهله راح يخطبوج گالت خلي انهزم

حنين هزت راسها // لا عمو مستحييل اختي ما تتركني (صارت تبچي وتگول ) عمو اكيد ندووش بيها شي 

عمو ندورش ما تعوفني شگد اتحملت واتمرمرت وچانت تگدر تنهزم لكن هي ما بيوم فكرت لو تفكير 

(بعدين كانما اتذكرت شي ) اي عمو اتذكرت  

سألتها :: اي اي بابا شنو 

حنين // عمو مره لمن رحنا ويه المحامي گلتلي اخذي جنسيتج انا سالتها شنو ناديه تردينه نشرد 

هي گالتلي ابد ولا تفكرين بيوم ننهزم اذا سويناها يعني احنه صدك بنات مياده ومو بنات عباس

سالتها :: حنين عمو جواز ناديه وين 

: ها اي هسه انطيك ايا 

وراحت فتحت الكنتور الي ما باقي شي بمكانه وطلعت جنطه بيها جوازاتهن اثنينهن 

اخذت الجواز وباوعت الحنين وگتلها 

:: حنونه تردين ترحين البيت كرم لو البيت قيس اخاف افراح تاذيج هي وهادي

هي رجفن شفايفها او وگعن دموعها / لا عمو ابقى منتظره اختي حتى لو يعذبوني مي خالف لان انا متاكده اختي 

ما انهزمت وهسه ترجع بس انت دور عليها الله يخليك ادري بس انت تلگاها 

هزيت راسي هي گلتلي //عمو سراج (باوعت الها صارت تشهك وتبچي ) بداعة بيبي منيره وبداعة جدو منير 

وبداعة عباس جيبلي اختي لان شگد ناديه گلتلي هدمي الهرم ماكو قاعده تصير فوك لكن انا ما قبلت بعدنا لازمين

 بيك الله عليك لا تهدنا

وصارت تبچي وتگول //والله ناديه ما تنهزم 

هزيت راسي وانا عيوني مدمعات جاوبتها 

:: راح ادور عليها والكاها لاتخافيين 

 نزلت وشفت هادي كاعد ومدنك وكرم واكف منتچي وياسر يدخن 

وعمار يحرك برجله باوعتلي نوال // هاا بس كون گالتلك على مكان اختها

ما جاوبتها طلعت وطلع وراي كرم وهادي وقيس والولد ولده گلت الهم :: انا متاكد البنيه انخطفت 

قيس //شلون سراج 

::اي مثل ما اگللكم بنيه مرتاحه ماديا وضامه فلوسها عد مرت عمها واهم شي عدها اختها تريدها تنجح

 من السادس ليش وبهالوكت تختار تنهزم ليش ما تنتظر اتامن على اختها

تستمر القصة أدناه

هادي هز راسه // لا انت متوهم متوهم سراج هي صارت صلفه اخر ايام وترادد 

كرم //كلام هادي صحيح والا ليش تگل الصديقتها انا رايحه ويه ابن عمي لو ما مبيته النيه ومخليته جوه ابطها 

قيس يهز براسه // لا حول ولا قوة الا بالله 

هادي جاوب. //نعرف هي وين اذا باعت البيت 

قيس // تحجي صدك هادي يابيت

هادي // الي اقصده انو احنه لازم نكون واعيين خاف توكل محامي شخص يبيع املاكها 

كرم // بهاي عندك حق ابو ياسر 

شلت تلفوني وانا متعجب من ردة فعل كرم واتصلت بعلي المحامي وگتله :: اريد اشوفك 

رحت انا وهادي وكرم وقيس وفهمته على اختفاء ناديه وطلبت رايه

هو گال 

:بالتوكيل العندي والوصايه الي عد سراج نوقف اي بيع واي مشترا والاجارات انا استلمهن كل شهر وانطيهن الها 

اتفاجات سالت المحامي :: استاذ علي انت مو گتلي هي سقطت الوصايه 

المحامي // ولو هاي اسرار وما لازم تطلع لكن بحكم الظرف الي صار لازم ابينها الحقيقه هي گلتلي هيج اگول 

لكن انت بقيت وصي على املاك البنات وهسه من حق حنين تسقط الوصايه بس هي من حقها تسقطها عنك 

 اما ناديه فلا الحين حضورها

جاوبته :: مو هذا موضوعنا اريدك تعمل جهدك بالعقاري ويم المؤجرين وبالمحكمه وشتخسر يمي 

:تدلل استاذ فضلك مغرگنا وحتى ست ناديه ما تستاهل الي يصير الها 

::تسلم اشكرك 

من ردنا نطلع المحامي گال // استاذ سراج لازم تحررون شكوى باختفاء البنيه لان يجوز 

باوعتله باستغراب ::يجوز شنو استاذ 

المحامي //يجوز لاسمح الله تطلع متوفيه مقتوله او مثلا

::مثلا شنو علي احچي لا تسكت 

:العفو استاذ انت التعرف بهاي الامور يجوز لان منهك ناسي الي اريد اگوله يجوز احد مقشمرها ماخذها 

ويه عصابه فهاي كلها بيها تبعات قانونيه لازم تنطوون المركز خبر باختفائها 

:: اي والله كلامك صحيح راح من بالي من گد ما اتفاجأت بالخبر 

المحامي //الله يكون بالعون وانا حاضر استاذ سراج اعين واعاون 

::ما تقصر ابو حسين ممنون منك فيمان الله

ركبنا بالسياره وهادي گال // من وره بنات مياده راح انفضح چان لازم اموتهن وره امهن ولا هاي المصيبه 

قيس //على كيفك هادي هسه احنه شمدرينا هي وين 

هادي بنتر // لا نعرف كلنه نعرف شنو هنه نسينا امها منيه نسيتو مو تبچي وتلطم وكتلت روحها وكل ساع

طايحه والناس راكضه بيها للمستشفى ولزمت عده وهي كاتلته ها نسيتو لو تذكروها لو ما هي ...وسكت 

باوعتله وگلت :: ليش سكتت لو ما ناديه ما طلع حق عباس

هادي بعصبيه // وهسه هي وين عمي الساس موجود 

قيس // لاتخلي ابختك هادي 

هادي //تحچون صدك شني اخلي ابختي البت هسه وين جاوبوني 

قيس //الله اليعلم 

كرم //لا ابواحمد كلام هادي صحيح وينها لو موجوده چان بينت هسه عوفونا مثل ما گال المحامي لازم نخبر المركز

1

هادي دار على كرم // شنو كرم تريد تفضحنا ؟

قيس // ما سمعتوا المحامي اذا لگوها عدله ميته على گولة المحامي هم الكم يد بكتلها او تدرون بيها لان ما انطيتو خبر  

هادي //انا بالنسبه الي رجال الي اسمي ومركزي ما اسجل دعوه باسمي لو مو يلكونها ميته 

جاوبته ::بس انت عمها او ولي امرها

تستمر القصة أدناه

هادي //عمه العماها عمها ياعم هذا بروح ابوك كافي سراج ما اروح ولا اوصل عود من يلگونها ذاك 

الوكت احلها 

قيس //ما يصير مو بكيفك 

هادي // بكيفي وبكيفي لحد يصير عنتر براسي 

قيس // عو هذا شلون حچي

هادي راد يحچي حاولت ابرد الموقف حركت اديه :: مي خالف خالتي ام كرم تقدم باسمها الشكوى انا اخذها تگول 

بنات ابن اختي وما عدهن احد وانا اتصرف 

نزلت هادي وقيس ورحت انا وكرم البيتهم وبس شافتني جميله سالتني وانا اگللها // الله كريم 

اندك الباب واجت زهراء هي وبتها سالها كرم//شنو جايه ابحدج وين رجلج 

زهراء سلمت وراحت تباوس عمتي // عنده شغل ما اجه حجزلي بالطياره واجيت ابحدي صدك الي سمعته

كرم // اي صدك بت مياده خلت راسنا بالطين 

جميله // صلي على محمد يمه كرم حرام عليك 

كرم بنتر // شحرام عليه ما اتگليلي وين راحت من امس لليوم ما تفهميني 

زهراء // الله العليم ابو مرتضى يجوز صاير وياها شي 

كرم // امنت باالله مخطوفه ياالله ما خابرو ما گالو نريد فديه وج زهراء هي گايله الصاحباتها رايحه ويه ابن عمي

جميله تباوعلي باستعطاف. // يمه سراج شو ساكت 

كرم بعصبيه // شيگول ها يمه شتردينه ايگول اشو الكل يدافع الها 

زهراء // كرم انا لو ما اعرف شنو ناديه وشنو اخلاقها ما اجي ولا احچي ناديه مستحيل تسويها ما تنهزم 

وما ينضحك عليها 

كرم باستهزاء وهو يفتح حلگه بدون صوت زهراء هزت راسها // اي كرم ناديه بعز مراهقتها بشهادة سراج 

وهي لابسه البجامه جوه دشداشتها خاف تنام وخاف تتكشف شنو ما نعرفها لو ما شايفيها

كرم // بس الفلوس والكليه الهن دور وچانت عايشه بحرمان وبضيم طبعا تتغير الف درجه 

زهراء // لا اله ناديه ايموتها هادي ويزورك وجهه هو ومرته خو افراح تسب وتغلط وتعيب عليها وهي بقت 

ما فكرت لو بلحظه تنهزم 

كرم بنتر // انتي لان تحبينها تدافعين عليها 

زهراء// لا كرم صدگني ناديه مرت عليها مآسي وما فكرت تنهزم وانت تدري بيها شگد عانت 

صدگوني البنيه مخطوفه مكتوله بس شارده مستحييل

جريت نفس وانا ما اگدر احچي باوعت العمتي :: ياالله امشي للمركز گولي بت ابن اختي طلعت وما رجعت وانا

اكمل الباقي 

زهراء // وليش ما يروح هادي ؟

جاوبتها باستهزاء :: يخاف على مركزه واسمه 

كرم واگف ويحچي // حقه لا تلومه ضحكت علينه وقشمرتنه ومبينه نفسها فقيره (ضرب كف بكف ) مع الاسف 

زهراء //لا تخلي ابختك كرم كلنه عدنا بنات

كرم يهز راسه // اي حچايه والثانيه لا تخلي ابختك عدنا بنات ش...

قاطعته جميله بنتر // اگلك شبيك اتسودنت مو انت دووم تحچيلي على ضيمهن والسوته افراح بيهن 

كرم //مو چنت مطي واحچي على المره هي افراح لو ما شايفه شي عليهن تحچي بس شايفه هواي شغلات وانتن 

ما شاء الله بس تفك حلگها خابرتن قيس اللحد ما هسه خوش سووت بينه فضيحه ما تنسي اكبر من فضيحة امها 

جميله باوعتلي وگالت //امشينه عمه هذا ضايع الحچي ويا

تستمر القصة أدناه

اخذت جميله الي الطريق كله وهي تگلي 

: سراج يمه اذا ناديه شردت فشردت من افراح وضيمها لا تصدك كل الكلام 

مارديت عليها گلبي يحاچي بناديه ويعاتب بيها ويامن رحتي ومنو هذا ابن عمج الامنتي ورحتي ويا 

وصلنه وانا فهمت الضابط الي حرر كلام جميله ورجعتها للبيت

طلعت للفندق بعد ان خابرت رضا هو لاگاني وگلي خلي نگعد بالصاله لكن انا ارتايت نطلع للغرفه رضا گلي 

:رحت للمستشفيات وسالت وللطب العدلي وماكو اي شي حتى طلعت غواصين وكل شي ما حصلو

باوعلي گلي // سراج احچي فهمني 

جريت نفس وانا مختنك :: شفهمكً رضا ناديه راحت 

رضا // على كيفك انت شتگول 

:: شمدريني شمدريني رضا

رضا // لا سراج تدري گلبك وعقلك شيگلولك على بتك الربيتها 

شبكت اصابيعي وضليت اضرب على حلگي ضربات خفيفه وفركت عيوني رضا گلي 

- - - من جهتي گلبي بارد هسه نلگاها 

باوعتله هو گلي // سراج احچي شتفكر 

جريت نفس ::ناديه مخطوفه بس الشي الي يخليني متعجب المفروض الي يخطف يخطف حنين مو ناديه 

رضا عكف حواجبه // ها وليش ؟

جاوبته :: اذا چانت نية الخاطف فلوس يخطف حنين ويساوم ناديه لان حنين مسويه الناديه توكيل ومو بس هيج ناديه

 تملك اكثر من حنين عشر مرات والناس الغربه ما تعرف شتملك يجوز واحد اثنيين يعرفون ناديه هي المسؤوله 

عن املاكهن 

باوعلي رضا وگال //يعني شنو 

::يعني الي خطف ناديه واحد تعرفه واله ناديه شلون تگول ابن عمي واجاها للكليه يعني اذا ما تعرفه وحاول يخطفها

او يركبها بالسياره بالگوه چان قاومت استنجدت بالحراس الامنيين لا ناديه راحت وركبت السياره بارادتها

رضا صفك ايده // انا خوك يعني ناديه راحت ويه واحد تعرفه وخطفها حتى يكتلها 

:: اي لان الغريب الي يخطفها ليش يكتلها اله اذا 

رضا //قصدك 

هزيت راسي ما جاوبت لان مجرد التفكير يخليني اتخبل رضا گال // يابويه يامسكينه 

باوعتله وگلت :: لذلك لازم نتحرك 

:وانا وياك خلينه نروح للكليه ونشوف الكاميرات

هزيت راسي :: اي والله جبتها امشي هسه 

: وين سراج 

:: امشي اروح على ولد يستحصلي موافقه للعماده اشوف الكاميرات 

ياالله امشينه

ركبنا بالسياره وصرت اسوق واتحسرت رضا گلي // على كيفك استهدى بالرحمن 

دخنت :: رضا كلش خايف على حنين من هادي ومرته 

رضا جاوبني // الها الله الله يصبرها بلكت نلگاها اليوم باچر انت بس گول ياالله 

اتحسرت ::ياالله

وصلنه يم الولد بعد ان خابرته هو كلي ساعتين والموافقه يمك انت رووح ارتاح ونبقى على تواصل رجعنا للفندق 

راح رضا جابلي گهوه شربتها وگتله :: لازم اروح اشوف شسوي 

:اي بس اكل لك لگمه 

:: تتصور اگدر اخلي شي بحلگي 

هز راسه // اي الخاطر ناديه وهاي المسكينه حنين

من اتذكرت حنين حصرتني البچيه خابرت زهراء الي گالت هي هسه ابيت هادي انا گتلها 

:: زهراء حاولي تبقيين هناك يم حنين شكم يووم 

زهراء // اعتمد سراج ولا يهمك بس اريدك تفهم تره ناديه لو شنو ما يصير ما تنهزم

تستمر القصة أدناه

اندك باب الغرفه وجابو صينيه موصي عليها رضا اكلت لكمتين وخابرني المنتسب دليته ع العنوان 

وجابلي الموافقه خابرت كرم الي كال // منين اكو هسه دوام 

:: صحيح بس اكو حرس ومسؤولين تريد تروح لو اروح ابحدي 

كرم //. روح سراج انا خلي اشوف هادي شيسوي 

:: خلص راح اخابر قيس ونتلاكى هناك

ورحنا انا ورضا بعد ان خابرت قيس وصلنه للكليه العصر ولگينه موجودين هواي موظفين وحراس امنيين انطيتهم الورقه 

ودخلوني على المدير الاداري الي خابر العماده وسمحو ان يشغلون الكاميرات وشفتها طلعت تقريبا الساعه 12وثلث 

وصارت تمشي ما شفنه سياره ركبت بيها لكن شفتها توقفت وخابرت وبقت تمشي الى ان توارت عن الانظار 

اتشكرتهم وطلعت اباوع ما شفت ع الطريق موجوده كاميرات لان الكليه السكن موجود داخلها وهي قريبه ع 

الشارع الدولي الي يربطها اباقي المحافظات

من طلعنا چان السكوت سيد الموقف قيس وگف بسيارته قريب الشارع وهو يگلي // ها سراج 

نفخت الدخان وهزيت راسي :: البنيه طالعه بارادتها 

قيس // يعني شنو 

:: يعني ما مخطوفه طالعه بارادتها ورايحه ويه واحد تعرفه 

رضا // بس شفتها لمن تخابر حركات اديها كانما تگلى ليش مبتعد 

قيس // اي صحيح وراحت تمشي عادي يعني مو مال وحده طالعه وخايفه احد يشوفها

ركبنا السياره وقيس راح البيت هادي وانا رحت ويه رضا وهنا رضا صار يسوق وانا ثگل راسي نمت 

من كثر التعب والتفكير غمضت عيوني وانا اشوف ناديه تستنجد بيه طفرت رضا گلي 

  - - - اسم الله سراج نام نلگاها وين تروح

/////////////////////////////////.////////

ناديه

فتحت عيوني وانا مشبكه من اديه الرجليه عبالك طفل مگمط راسي ثگيل وحلگي شاديه عرفت نفسي مخطوفه 

والي خطفني ياسر بس ليش هيچ سوا وياي 

اتذكرت الي صار خفت وانا اشوف نفسي مربطه وهنا اجت ابالي كل الامور الي صادفتني بحياتي بسرعه 

مرت عليه عبالك كتاب وجاي اقرا

بچيت واتمنيت هسه انا بحضن بيبي منيره غمضت عيوني واشوف سراج وهو يبتسم ويهز براسه وصوته يگلي

:: ناديه انا القاعده الي لازمتج انتي وحنين لاتخافيين 

بچيت رغم صوتي ما يطلع واتذكرت حنين وانا اسال نفسي 

... ... هسه حنيين شتسوي وشلون راح تتصرف عبالها رحت وعفتها لو عبالها متت

طاحن دموعي وانا روحي خاويه وافكر بياسر واگله ... ... هنت عليك يانذل ليش هيج 

بعدين اكول ... ... مستحيل ياسر يسويها هذوله الي خطفوني اكيد يردون مني لو فلوس لو يتخلصون مني 

... ... معقوله ياسر فكر ممكن افضحه گدام السيد والشهود وراد يتخلص مني 

... .... لا ياسر اخر كلمه گالها اخذچ واموت لا مو ياسر (نفخت ). اذا مو ياسر منو ناديه منو احتمال ذوله

 يردون ايكتلوني وياخذون فلوس

خفت لان الروح عزيزه لكن بنفس الوكت اتذكرت سراج من يگلي:: لازم الواحد من يمر بموقف صعب يصير 

اذكى شي حتى لو خايف لازم يبين نفسه ما يخاف ويتصرف بذكاء

تستمر القصة أدناه

وانا ما اتصور اكو موقف اصعب من هذا الي مريت بي 

بقيت متمدده حتى ما حاولت اگعد او اعيط بقيت متمدده وانا اترقب باي لحظه يجون يقتلوني او يجوز يغتصبوني 

لكن گلت من اشوفهم لازم ابين نفسي الهم انا قويه وعندي فلوس اگدر انطيها الهم مقابل حياتي

اتذكر كلام بيبي منيره من تگول //البني ادم لازم يحافظ على فلوسه لان هنه الي يفيدنه وكت اليحتاج

وهذوله اكيد خطفوني حتى ايساوموون على الحلال العندي

ما اعرف شگد مر من وكت وسمعت همهمه بره عرفت اجو الي خطفوني سمعت واحد يحچي بصوت عالي 

هذا نفس الصوت الي خله ايده على حلگي من فتحو باب الكرفان مستحييل انسا هو يگول

- يعني يمته انفذ 

- وليش مو هسه محد يندل هذا المكان 

- زين بس قبلها فلوسي وبعدين انفذ 

- اجي مو بعيد

حاولت اجمع الكلام الي سمعته وارتبه وطلعت بنتيجه انهم خاطفيني حتى يقتلوني وانا ويه قاتل ماجور 

صرت اقرا آيات قرآنيه چانت بيبي منيره تقراهن على راسي من چنت زغيره حتى توخر الخوف مني والكوابيس 

الي تجيني من وره حادثة مياده صرت اقرا ايات وادعيه وصرت اقرأ اية الكرسي واسور على نفسي

  ... ... ... بسم الله على نفسي وعلى قلبي وعلى روحي وعقلي وجوارحي 

واقرا الايات الي حافظتهن وادعي ربي بجاه النبي واهل البيت الي ينجيني من القوم الظالمين

انفتح الباب وانا گلبي يدگ صرت اقرا الايه الكريمه وارددها 

(وجعلنا من بين ايديهم سدا ومن خلفهم سدا فاغشيناهم فهم لا يبصرون)

وصرت اگول ياالله يامحمد ياعلي

وقررت احاول انقذ نفسي بكل ما اوتيت من قوه اتقرب يمي چان نفسه الرجال الي اول مره لزم حلگي 

وخدرني چان جثل وعنده لحيه جسمه يشبه المصارعين هو باوعلي وانا اباوع وانا ساكته اي حركه ما تبدر

مني اباوعله بعيوني وادعي واستنجد 

وهو يباوعلي بدون ما يتكلم هزيتله راسي اتقرب مني ودنك وگلي// تردين ماي

انا هزيت راسي هو راح فتح ثلاجه طبعا من الخوف ما منتبهه وطلع بطل ماي فتحه بايده گعدني 

وخر قطعة القماش ولزم البطل وهو شربني شربت وانا اتنفس باوعتله وگتله ... ... شكرا

رغم انا خايفه لكن شفت بوجهه علامات الذهول لان سمعني اتشكرت اله وما حاولت اعيط او استنجد او حتى اقاوم 

رجع القماش على حلگي وهو يباوعلي ومستغرب من هدوئي

طلع وانا قررت اكسب وكت وانا احچي ويه نفسي

... ... اكيد هسه عمي كرم خابر سراج واكيد راح يلگاني صار لازم اكسب الوكت على ما يلگوني

رجع عليه باوعتله شفته يباوعلي چنت خايفه وارجف اشرتله بعيوني غمضتهن حييل وفتحتهن وحركت راسي اجه

يمي وخر القماش من حلگي سالني // شتردين 

انا بلعت ريگي ... ... الحمام الله يخليك الحمام

تستمر القصة أدناه

باوعلي وانا اتلوى او سويت روحي اتلوى فكني وگلي // شوفي ذاك الحمام اهنا هيمه يعني تصرخين تنهزمين محد 

يلگاج بس الچلاب وكلها بوليسيه موجوده ياكلن بشر لان دووم مجوعيهن فاذا تنهزمين باي مكان الحكج 

وادفنج بمكانج ترحين سكته وترجعين سكته افتهمتي

ما جاوبته اكتفيت بهز راسي وگفت حركت رجلي الثانيه خدرت بقيت واگفه بعدين رحت امشي گوه ودخلت للحمام

 سديته عليه باوعت اكو بي هوائيه عاليه بس شنو وراها ما اعرف غلبتني دموعي وانا خايفه وخايفه كلش وانا اشوف

 هذا الوحش وما اعرف شيريد مني گلت بيني وبين نفسي

... ... خلي احاول اكسب وكت هي محاوله يااما يكتلني او اگدر اعرف هو شيريد مني اهم شي ناديه لا تضعفين 

ناديه اتصرفي بذكاء لا تضيعين وتضيعين اختج

لذلك ارتايت ما احاول اتذاكى علي واحاول قدر المستطاع اعرف هو ليش خطفني 

طلعت شفت مغسله غسلت اديه وبعدين غسلت وجهي ومسحته بساعدي مال ايدي ورحت گعدت ابمكاني 

لگيته واگف اباب الحمام اجه يمي ايريد يشبگني بالحبل گتله

...جوعانه 

باوعلي وگال //اي بس هذا ما يمنع اربطج

ربط رجليه وترك اديه فتح الثلاجه طلعلي كيك ابو السمسم وانطاني اثنيين انا اخذتهن وصرت اكل هو يباوعلي

  اكلتهن وشربت شويه ماي واجه يمي ربط اديه وخله القطعه على حلگي

بقيت گاعده وهو طلع وانا صار يتهيأ لي اشياء واحاول اجمع الحوادث الي صارت طلعت بقناعه انو ياسر 

ورا سالفة خطفي خاف افضحه دز عليه ذوله حتى يتخلصون مني 

بقيت گاعده ومترقبه الباب يمته ينفتح واكيد بفتحته راح تكون نهايتي بقيت استغفر ربي 

يمكن نمت بفعل المخدر لان گعدت وانا راسي ثگييل بس ما اعرف يمته گعدت او بيش الساعه

بقيت گاعده وهو فتح الباب انا اهنا قررت احچي ويا لكن مو كل شي مره وحده خلي يطمن الي هذا قاتل 

يعني عنده ذبحي سهل مثل ما يذبح دجاجه 

اجه يمي لان انا اشرتله براسي وخر الربطه گتله وانا عبالك چنت اركض ... ... ماي الله يخليك 

انطاني الماي شربني بدون ما يفكني باوعتله راسا گتله ... ...شگد دفعولك حتى تخطفني

هو ما جاوبني اجه يخلي القماش على حلگي حچيت بسرعه 

... ... شگد ما ينطووك قليل لان انا املك هواي شكد ما تتوقع ونصيحه لا تگللهم للي دزوك عليه تره ايگلولك 

اكتلها وما راح تحصل بس شي بسيط 

هو انتبهلي استغليت الفرصه وحچيت ... ... واول وتالي تلزمك الشرطه وهمه يطلعون لا يعرفوك ولا اصلا 

مودينك اسمعني وبعدين احكم واكيد المثلك ذكي ما يضيع فرصه

هو خله القماش على حلگي وطلع وانا حاولت اتحرك حتى اسمع شنو يحچي او ويامن لكن ما گدرت صرت اقرا ايات 

واستغيث برب العالمين واندب اهل البيت يوگفولي

كان اكثر تفكيري بحنين الي هسه الله اليعلم شنو صار بيها حسيت اكو صوت سياره مشت من يم المكان حاولت اگعد

 وانا اباوع للغرفه انتبهت هي تقريبا بيت او صاله لان موجوده يمكن غرفه داخلها صرت اتخيل وانا ارجف من 

الخوف اتخيل هذا الرجال يجيب ضحايا اهنا ويعذبهم ويكتلهم 

............ بس انا ليش ياسر يدزه عليه حتى يكتلني اي هو 

ياسر منو غيره هو خطفني ومن گتله اذا تجيب السيد يعقدلي اگله ما موافقه وهو جبرني دز هذا عليه حتى يكتلني 

اي هو مبيت النيه لان بس طلع اجه هذا يعني هو ورانه بس ليش يا ياسر ليش تسوي بيه هالشكل

تستمر القصة أدناه

... ... فكري ناديه لازم ما تبينين اله انتي تعرفين الي خطفج اهم شي تفهمينه الهذا انو انتي مستعده تنطينه الي 

ايريده ولازم تخلينه يتطمن بس اشلون 

... ... فكري ناديه فكري وراج حنين ومستقبلها انتي مو مهم بگد ما حنين اقلها انتي دخلتي للكليه ولزمتي فلوس 

وحنين كل همها باكيت عصير ولفه وچبس وهسه من حبت مرتضى صار همها تتزوج وتستقر

صارت عيوني يجرن وانا اتذكر حنين وفرحتها بالچربايه لو گعدتها ع التلفزيون لو شگد دارتني من چنت بالسادس 

ودموعها من تنقهر عليه وهي اتگلي //ندووش اذا صار بيج شي انا ما اعيش وراج

صارت الدنيا ظلمه بقيت الليل كله وانا گاعده واول مره اتمنى اغفى وانام لان بصراحه وانا فاتحه عيوني اخاف 

بقيت استغفر واسترجع واقرا ايات واصلي ع النبي ما اعرف يمته نمت وهاي اول مره تصير وياي رغم خايفه 

بس سبحان الله نمت ما اعرف الساعه بيش گعدت شفت اكو ضوه عرفت هذا الصبح صار اكثر شي بيه صاحي 

هو اذاناتي الي صرت اسمع او يتهيأ الي اسمع صوت سيارات لكن بعيده گلت 

  .......... اذا صدك يعني هاي اصوات سيارات كبار وهاي معناته الشارع العام مو كلش بعيد عني

حاولت ازحف واوصل للغرفه رغم خايفه وصلت لگيت الباب مسدود 

دفعته لكن ما انفتح رجعت المكاني وانا اباوع چانت الدقايق الي تمر عليه عبالك سنين حسيت بصوت السياره يم البيت 

صار گلبي يدك حييل واجه نفس الشخص وهو يباوع للحصير الجواي شلون مسحوح من مكانه اجه يمي وفك الحبل وگلي 

  - - روحي للحمام

دخلت للحمام وانا احس بكل جسمي خدران باوعت للمفرغه حاولت اشوف اي شي بس ما گدرت وما اگدر اگمز 

لان اخاف على رجلي طلعت شفته هالمره 

گاعد ع القنفه وصلت يمه وهو طلع وكانما اتذكر شي راح وبسرعه رجع شافني ابمكاني هو استغرب انطاني العلاكه

بيها خبز وفلافل گلي //اكلي 

باوعتله گتله ...اريد چاي

هو ابتسم البرودي ما جاوبني انا اكلت وانا ساكته وهو طلعلي بطل ماي شربت من شافني كملت هو رجع ربط رجليه 

وراح دخل الغرفه يم الدرج ما منتبهه الها غاب شويه ورجع جابلي كوب بي چاي فك ايد وحده انا صرت اشرب 

هو طلع بره وشويه رجعلي انطاني ماي وربطني ما خلاني احچي وطلع وانا بقيت مربوطه وفاتحه عيوني 

وهيج خلصت اليوم وثاني يوم نفس الشي يفكني اروح للحمام اطلع الگى علاكه بيها لفه وكوب چاي اكلهن

 ويرجع يربطني اكثر من ست تياام وانا كل حركه او لحظه تمر بيه عبالي هو جاي وبيده مسدس او سچين 

يريد يذبحني

هو بس ينطيني الاكل وبسرعه يطلع ما يحچي وياي لكن هالمره. قررت احچي ويا حتى لو يكتلني لان 

خلص انتهيت اديه ورجليه ما صرت احس بيهن والجوع نهاني والخوف من الموت الي بكل حركه يتهيأ الي 

اجه وفتح الحبل ورحت للحمام و بقيت واكفه وانا افرك برجليه واعصر باديه واحرك جسمي واكول 

... ... ناديه لازم اليوم تحاچينه لارم ما تخلينه يطلع اله تتفاهمين ويا هذا مجرم واكيد يسوي هذا الشي الخاطر 

الفلوس 

............... اشتري نفسج اشتري نفسج الخاطر اختج لا تبينيله انتي خايفه منه لازم يعرف انتي عندج فلوس 

وهاي فلوسج هي الي تنقذج اكسبي وكت كرم وسراج ما يتركوج

تستمر القصة أدناه

طلعت غسلت اديه او وجهي بالمغسله واجيت يمه لگيت صمونه ما اعرف شنو بيها وچاي وبطل ماي من شافني 

اخذتهن هو طلع انا باوعتله وگتله ابرود رغم خايفه 

... فكرت 

هو ما جاوبني دار وجهه يريد يطلع 

رجعت سالته ... ... زين انت شتريد مني (ما خليته يجاوب وگفت ولحگته)

... ... ادري بيك دازينك حتى تكتلني بس انا ما ماذيه احد واعرف انت هذا شغلك بس خلي نتفاهم العجبك كلامي

 عجبك ما عجبك انت بكيفك انا يمك وامري بيدك

باوعلي انا هزيتله راسي هوگلي //احچي 

شويه اتشجعت ... ... اول شي خلي اگعد ع القنفه لان احس اعضامي اتكسرن 

رحت امشي وگعدت هو بقه واگف ومچتف ادي سالني // شتردين تحجيين 

جريت نفس وصرت احجي بسرعه ... ...شوف عمو الي دزوك عليه حتى تخطفني وتكتلني شكد راح يدفعولك 

نگول عشر ملايين مثلا 

لو خلي انگول خمسه وعشرين لو خمسين معناتها انا شگد غاليه

هو باوعلي بانذهال انا حچيت ... ... ومبين من وجهك همه ما دافعيلك هلگد مبلغ زين انت اسمعني وفكر 

وشوف الي يصرف الك سوي 

من شفته يسمعني انا شويه اطمنت گتله ... ... الي گدامك تملك هواي وما اگلك مستعده ومستعده لان اكيد انت مار 

عليك هواي ناس خاطفهم او كاتلهم بس خلي اگلك انت حتى لو تحصل الفلوس وتكتلني اكيد راح يلقون القبض 

عليك بيوم بشهر بسنه لان ما فهموك انا ولد عم ابوي شلون واصلين تكول بيت مال عنكبوت

هو رفع حواجبه انا هزيت راسي //. يعني باللحزاب وبالحكومه وحتى عدهم معارف ويه الناس الموزينه 

عض شفته بتهكم انا بقيت احچي رغم خفت 

 ... ... فاانا اگلك اذا انت خاطفني حتى تبيع الكليه مالتي اقصد التجار الاعضاء او ما اعرف شنو 

ف الي راح تحصله قليل مقارنه بالي املكه وما يهمني وياك مجموعه او ابحدك الي يهمني انت

هو گلي // احچي من الاخير لو ماكو اربطج وما اريد اسمع منج شي 

انا بسرعه ... ... زين من الاخير انطيك خمسمية مليون 

هو باوعلي باستهزاء وعدم تصديق انا هزيتله راسي گتله ... ... قليل 

جاوبني وهو رافع حواجبه // يعني تردين اتفهميني انتي تملكين 500مليون 

انا بثقه ... ... اي واكثر تگدر تكول املك مليار ونص شويه اكثر والا ليش دزوك تخطفني وتقتلني اكيد انا مو 

فد شخص مهم بالدوله او رئيسة حزب

- - ليش ما تگولين عدهم ثار وياج 

... .... فرضا لاتكلي انت الي جاي تسوي خدمه ما تاخذ عليها اتعاب 

هو رد عليه // زين خلي نگول صدگتج شنو الضمان 

جريت نفس ... ...تمام انت تفكر وتداورها براسك ومن توافق نحجي شوف انا ما اعرف اسمك خلي اگلك 

انت من تاخذ الفلوس راح تصير انسان ثاني محترم وتسوي شغل محترم بدل هاي سوالف الخطف والقتل

 بس المهم ما مطلوب بجرائم سابقه

هو ابتسم باستهزاء // ها وليش 

... ... حتى تبدي حياة جديده او اگلك حتى لو مطلوب تگدر تبدي حياتك خارج العراق 

هز ايده وگال // انتي طفله وتحلمين

  جاوبته ... ... وانت ذكي وفكر زين بس ارجع واگلك الي دزوك لا تخابرهم وتگلهم هيج گالت لان راح ايگلولك 

اكتلها وننطيك الي تريده بس بربك اذا طلبت 500 مليون شتتصور ينطوك اكيد ايوعدونك ينطوهن الك بس 

حتى يتخلصون مني وراح ايبلغون عنك لان اكيد راح تبتزهم وهمه اكيد ابالهم شي انت فكر وداورها براسك 

يجوز تكول هاي اتچذب بس تگدر تتاكد وارجع واگلك اتاكد بس مو من الي دزوك 

وخلي اكلك انا الوحيده الي املك حق التصرف بفلوسي فكر ولا تضيع الفرصه من ايدك

چنت احچي بسرعه هو باوعلي ورجع ربطني بدون ما يحجي من راد يوصل الحلگي گتله 

... مي خالف ابقى ع القنفه لان الكاع اتاذيني 

هو هز راسه بدون ما يحچي وطلع وانا بقيت گاعده واسترجع كل كلمه گلتها غاب ساعه ورجع اجه يمي وفكني 

وگلي //روحي للحمام 

انا رحت بس حتى امشي رجليه وطلعت رحت للمغسله غسلت اديه بالصابون وبعدها غسلت وجهي واجيت گعدت

هو گلي // سولفي بس بدون ما تحميين

انا حسيت انو هو بدا يلين باوعتله وگلت ... ... شلون شنو قصدك 

: قصدي مفهوم احچيلي شنو عندج وبدون چذب 

... ... حقك وبدون ما اسولف قصتي تگدر تتاكد رووح المنطقتي واسال عن سعر البيوت وتعال نحچي 

هو گلي //يعني تردين تفهميني كلامج صح 

هزيت راسي ... ... اي صح والا ليش يردون ايكتلوني 

حك لحيته //يكولون بيناتكم ثار

... ... زين وانا اگلك روح واسال من بعيد لبعيد اي شي ما عندي ويه كل احد انا ابنيه يتيمه بس انا واختي وعندي 

املاك ورث من ابوي وبيبيتي كتبتلي بيت الي ابحدي والبيت بشارع تجاري وانت رجال تخلص شغل للي يدفع اكثر 

هو عض على شفته وگال // شوفي ياويلج اذا تچذبين 

انا حچيت بابتسامه ... ... اگلك يتيمه لا اب ولا اخ وعد بيت عمي وعندي خير ليش ما يكون من نصيبك ليش تكتلني

 وانا ما مسويتلك شي ليش تاخذ ذنبي وانت جايتك فرصه تصير بيها خوش انسان وتترك كل هاي الحياة القذره

هو خزرني انا بينت عدم خوفي وهزيت راسي وانا اگله 

... ... لاتزعل بس هاي الحقيقه واكيد انت جبرتك الظروف اتذكر الفرصه تجي للبشر مره وحده والذكي هو الي 

يستغلها مثل ما الناس استغلت قوتك وقوة اعصابك وگلبك الحديد انت استغل الفرصه الصالحك فكر وبعدين نحچي

هو گام طلع انا بقيت گاعده اباوع ماحاولت اتحرك ولا اصيح بقيت اباوع للبيت اريد احفظه اسمعه يحچي بالتلفون

اهنا اتذكرت كلامه يطلبوني ثار 

     ضربت على گصتي كانما اتذكرت شي .........خوالي همه وره سالفت خطفي وهو چان يراقبني ومن شاف 

ياسر راح اجه خطفني وحرك الكرفان حتى ايفهمه انا احترگت يعني معقوله كل هاي السنين وما نسو دم مياده 

وانو انا الي وصلتها الحبل المشنقه

////////

الفصل التاسع والأربعون من هنا 

شكرا لزيارتكم عالم روايات سكيرهوم