رواية المتمرد والصغيرة الفصل الثامن والأربعون بقلم رسل
_____
ماكو شي يختار سِعرة
غيرك يحدد غلاك !
المشكلة يسّعرك شخص ،
بيعة المتوازي بايع
والتوازة يبيع غالية برخص .
______
ابو فهد : صوت ما اسمع وحق القران اكسرج مو ضالة تدورين زعلات
.. كمت ابچي اكثر شي اكرها بالدنيا هذا اسلوبة يخليني اكره نفسي اذا اني زعلانة و اذا هو زعلان لازم الحق ويا
دفعني للغرفة و طب و قفل الباب رفع اللحاف و شمرني على الچرباية
ابو فهد : صوووت ماريد يلا انطمري
.. من يگلي ولا صوت الله يشمر علية البچي تغطيت و ضليت ابچي و اشهگ اجة اجة نام و تقرب علية گرصني من خصري على كيف هو اني خاصرتي توجعني ضليت اتحرك اريد يوخر
گرصني قوي ..
ابو فهد : ركدي لتخليني اضربچ
.. شاغت روحي من الالم درت وجهي عليه و حضنتة حيل و طگيتهة بچية
اديان : عليك الله لتگرصني هيج عليك الله
.. شفتة نصدم و غمض عيونة النفس مالتة صار عالي حسيت جسمة كام يرجف حضني قوي
ليا وكت اضل هيج يذلني و احتمي بي منة ملييت اني من هذا الوضع تعبت شايلة حمل مو بگدي اريددد امي يمي تگلي سوي هيج و عوفي هذا الشي
هيفاء بس اسولفها تضل تذكرلي غلطاتي و توگف وية اخوها متروح تحاچي و تگلة على كيفك وياها اني عايشة شعور ما چنت اعيشة قبل لا عند اهلي و لا من اجيتهم
مادري شنو اريد ماريد واحد يمشي كلمتة علية اكره واحد ينصحني جان من يضربني ما اسكت هسة لا اريد اخذ حقي بالساني اليغلط علية ما اسكتلة
.. خاصرتي وجعها يزيد مينقص وخرت ايدي من حضنة لزمتهة و ضليت ابچي
ابو فهد : هاي شبيچ يابة ما گرصتچ قوي انا
اديان : اخخخ يمة وينچ
.. طفر من الچرباية و اجة لجهتي و رفع الدشداشة شفتها صاير مكان الضربة ازرگ
ابو فهد : اشتعلوووو هاي شنو لچ لتگليلي من الگرصة
اديان : بالحزام هاي بالحزام
ابو فهد : هسة وين اوديججج ماكو دكاترة
.. طلع مادري وين ضليت ابچي اندك الباب و طبت بشرى
بشرى : يا يا دهر شمالج خية
.. اشرتلها على خاصرتي رفعت الدشداشة و شهگت
زيد : ام سراب شكو شبيچ
بشرى : طبو خوية طبو شمسوي الشيخ بيها مدمرها
ابو سراب : شنو ضاربها
... شگد استحيت من نفسي بوقتها
بشرى : اي ضرب ضرب
... شوية و طب هوَ و اجتي ويا دكتورة نفسها الي اجتي من اخذني اول مرة .. طلعو همَ بقت بس بشرى و الدكتورة هو واگف يم الباب يباوعلي
ضربتني ابرة مسكن الآم و كتبتلة اسم عصارة گالت هاي لازم تستمر عليها لحد متطيب و البنية جسمها ميتحمل ياريت تراعون نعومة جسمها
ابو فهد : يلا دكتورة السايق منتظرج
.. انطاها فلوس و راحت و بشرى باستني و طلعت گبل نمت
كعدت على برودة بجسمي شفتة لازم العصارة بيدة
كعدت اريد اكوم ماريدة هوَ يحطلي لزمني من چتفي و رجعني على المخدة
ابو فهد : هششششششش ماريد حركة
.. ضل يمسدلي هو بس ايدة من يضغط شوية تشوغ روحي
ابو فهد : كومي تريگي
اديان : ماريد
..رفعني من الچرباية
ابو فهد : كومي شو كومي
.. كمت هو سندني و نزلني كعدني على الكرسي و هم كلهم يباوعون صدك حتى بالافلام الهندية ما صايرة شنو بالليل يبچيني شنو الصبح هو ينزلني و يگعدني
فدعة : يايمة اسم الله شبيها البت
ابو فهد : مابيها اكلو
فدعة : ماكو غيرك شمسويلها يخايب
سليمة : چا غير رجلها انتي شلج غرض بيهم
فدعة : فهد حبوبة گوم جيبلي ذاك النعال
الحجي : شمسوي للبت شو ما تگدر تمشي
ابو فهد : لتكفرونيييييي مرتي مرتييييي مالكم غرضضضضص
فدعة : انا اشوفن موتت البت تصير على ايدك
و انتي يالغمة شمالج ساكتة
اديان : ها
فدعة : شمسويلج هذا
.. باوعتلة و باوعتلهة و ضليت منزلة راسي
فدعة : خايب ترفة و انتة ايدك بالضرب ما تنجرع شمالك وي اليتيمة
ابو فهد : الاسمع حسة انعل والديه اتزقنبو و سكتو يلااااااا
.. محد حچة حتى صوت بالاكل ماكو شبعت و گمت صعدت
مرر اسبوعين هوَ يهتم بية و يجي ينطيني علاج بس ما نطقت ويا و لا حرف خاصرتي صارت زينة و لون الضربة راح ....
كعدت الصبح لگيتة بعدة نايم غسلت و نزلت همَ گعدو
الحجي : چا وين ابو فهد
اديان : نايم
ابو سراب : روحي گعدي مو من عوايدة ينام لسة
.. صعدت لگيتة بعدة نايم مديت ايدي على چتفة حتى احركة و يگعد بس حراراتة عااااااااااااالية خفت عليه هوااي
ضليت احرك بأيدة
اديان : ابراهيم ابراهيم
ابو فهد : امممممم
اديان : اكعد الساعة بالعشرة
ابو فهد : صيحيلي زيد
... صوتة بالگوة يطلع ركضت نزلت جوة
اديان : زيد ابو فهد يريدك
الحجي : شبي ابو فهد
اديان : حرارتة عالية
.. ركضو زيد و ابو سراب صعدت وراهم سندو و نزلو اخذو للمستشفى گعدت ابچي بالغرفة اوففف يربي ليصير بي شي
لا اسم الله ماكو شي
ورا ساعة اجوية گعدو بالصالة
فدعة : يا يمة تحرسك الزهرة اسم الله شجاك
زيد : فلاونزا و ضغطة مرتفع
فدعة : شرفعة مو امس شحلاة طولة
... شفتة يتنفس بصعوبة و يباوعلي رحت يمة حضنتة و گمت ابچي
همَ ابتسمو هو حط ايدة على ظهري و سحبني الة
ابو فهد : مابية شي بوية هسة اصير زين و ارجع اكسر راسچ
.. رفعت راسي باوعتلة و رفعت حاجبي هو گام يضحك
زيد : اني اتكفل الشركة ابقة ارتاح
الحجي : واذا الكعدة مو گوية انا اروحن بيها
ابو فهد : شجاكم يابة مابية شي بس فلاونزا صدگ تحچون
فدعة : چا غير يحبوك
.. سندتة و صعد الدرج
ابو فهد : هاي مگضيهة لو انتي تصعديني لو انا اصعدج
اديان : هههه
ابو فهد : چا لو ادري من زمان متمرض
... طب سبح و صعدتلة الريوك اخذ العلاج و رجع نام و على الغدة كالو لتگعدي عفتة نايم و صعدت نمت يمة
العصر گعد گال شوية صرت احسن نزل و نزلت سويتلة غدة
3 ايام و صار زين رجع يطلع للشركة و للگعدات و انطاني مفتاح غرفة افراح گال مكياجج تلگي بيها اخذتة و رجعتة
بالليل جنت العب بالتليفون دخل هوَ نزع ملابسة و حط الجگاير و السويچ على الكومدي وحضني طفيت التليفون و حطيتة على الكومدي
ابو فهد : مشتاقلچ
اديان : هو مگابلتك اني
ابو فهد : دنچبي راح يصير فوگ الشهر عايفچ على راحتچ
اديان : ماريد عفية
ابو فهد : اديان شجاچ هم رجعتي
اديان : ترى لسة شايلة عليك من ضربتني بس گلبي ما طاوعني من شفتك مريض نسيت كلشي
ابو فهد : انا ضربتچ بدون سبب
اديان : وخر حباب وخر والله مشايف روحك شلون تضرب
ابو فهد : مو گايلچ تچفي شري اديان المرة تتعلم من اول كفخة و اول ضربة بعد متعيد الغلطة الا انتي ضاعت الحلول وياچ اجيبج منا تزرگين منا
جبتج بالعيني و اغاتي تتعززين علية جبيتج بالضرب تراددين عاقبتج بمرة گمتي تذبلين يوم ورا الثاني انا حابچ و مشتريچ والله و محسود عليچ بس هم مايدرون اني منعول ابو ابوي
اديان : من گد ما ضربتني اني هيچ صرت اضوج منك
ابو فهد: يايوم انا ضربتج بدون سبب بس مرتين من ورا بناتي و سليمة و رديتلچ حگچ من چانت افراح هنا شحلاتچ چنتي
شو هي راحت و انتي گبيتي مرادد و كسر حچي و صلافة
يعني جاي توضحيلي انا الا تحط فوگ راسي مرة يلة امشي عدل
اديان : بس تتزوج تطلگني
ابو فهد : انا من ذيچ المشاكل و المصايب ما طلگتچ من تالي تردين اطلگچ انا روحي معلگة بيچ
اديان : بس ماريد هسة
ابو فهد : هايهية متردين متردين علة راحتج بس بالچ مني هذا الوضع ما يصرفلي
.. دار وجهة و نام اني هم نمت الصبح گعد ضايج
ابو فهد : حضريلي الدشداشة الجديدة بسااع
اديان : و ليش تصيح
ابو فهد : حضريهاااا هسة
.. فتحت الكنتور ادور عليها من يصيح حتى ايدي تكوم ترجف
ابو فهد : شووو وخرييي
.. سحبها و لبسها لف الغترة و لبس الساعة و المحابس و لزم السبحة و يرش عطر خرب شكد احبةةة يربي
اخذ تليفونة و طلع
نزلت يم بشرى ساعدتها
سليمة : راح نسافر انا و الحجي لايران نزور الرضا
بشرى : ترحون و ترجعون بالسلامة
اديان : عليمن رايحة للرضا هو هم ما يريد هيج شكول
سليمة : موتي على كيف موتي
اديان : عليمن حياتي سحورتج واصلة لسابع جار و مسوية روحج مؤمنة و تردين تزورين
سليمة : هم الج عين انتي مو يومية منزلج مكسرة تكسر
اديان : اني شاكة انتي حتى من الضرب تغارين لان الحجي مابي حيل يرفع ايدة و انتي تردين واحد يكسرج
سليمة : ياااا والله الا اگلة اليوم و اشوفن انا لو انتي
اديان : دمشي لج المكفخة
بشرى : هههههه ولج اديان بسچ حبيبة
.. هي طلعت من المطبخ
بشرى : ولج لا تسويلج مشكلة عايزين احنة
اديان : خلي تطيررر
.. اجوي على الغدة بعدهم ما طابين و ركضت سليمة
سليمة : شيخ گبل لا تدخل و هاي گدام الحجي رايدة اشورك بموضوع
ابو فهد : هسة دخل نرتاح
سليمة : لا خل اگلك
الحجي : شكو شصاير
سليمة : جنت اطبخ وية بشرى طبت اديان انا كلت لبشرى نريد نسافر لايران اديان طاحتلنة دك غلط انا و الحجي و دگلي انتي تغارين مني لان ابو فهد يضربني
و الحجي رجلج ما يگدر يرفع ايدة و تريدين يگومچ و يگعدج بكتلة و الحجي مابي خير بالله عليكم تقبلوها انا ما حاچيتهة خليتكم انتم تتصرفون
زيد : هسة يلا خوية ما صار شي جاهلة هم علة كيفج وياها
فدعة : چا هي مچذبة هم حچت الصگد
اديان : من الگبر للچذابة لچ اني شوكت هيچ حچيت
ابو فهد : ادياااااااااان
اديان : ها
ابو فهد : امشي اعتذري من ابوي و بوسي راسة
اديان : بس اني ماسويت شي
ابو سراب : امشي بوية كفي الشر خل نرتاح و نكعد
اديان : والله ما كلت هذا الحجي كلة هي جذابة
زيد : اديان امشي يابة اني بعدين افتهم منج
... ضليت واكفة على الدرج ما تحركت
ابو فهد : ادياااااااان
... شفت زيد و ابو سراب و بشرى يأشرولي ما گدرت افشلهم و هوَ صار عصبي رحت يمة
اديان : اسفة عمو بس والله ما گلت هذا الحچي كلة
.. بستة و هو مسح على راسي
الحجي : ما صار شي بوية تتعلمين
ابو فهد : تعاي
.. رحت يمة انطاني المحفضة و السويج و السبحة
ابو فهد : كبرتي بعيني
اديان : بس والله هي چذابة
ابو فهد : يعني تقنعيني ما گايلة هيج
اديان : لا گلت بس هي كامت تزيد
ابو فهد: چا هو الحچي من ينگل هم لازم الواحد يچمل فوگا
اديان : شكد اكرها هاي الحية ام سبع روس
ابو فهد : هههههههههههههههههه خرب اهلچ وخري من يمي
اديان : لتگوم تبوگ كلماتي
ابو فهد : هو انتي كلچ بأسمي بس هاي من گد ما تگوليهة حتى انا لزگت بلساني
.. صعدت الغراض و نزلت لكيتهم كاعدين و سراب تجيب المواعين من المطبخ و تحط بالسفرة
فدعة : ما سمعتو خبر على افراح بعد شو مالها ذكر
سليمة : حابسهة اخوها بالغرفة ما يخليها تطلع
فدعة : اليجي من ايدة الله يزيدة انتي هم ديري بالج
سليمة : انا شلي غرض بكلشي و حاطيني بالنص
فدعة : نتبلة عليج حبيبة نحب نداهرج
اديان : ليش منو حطلي سحر ذيچ المرة
زيد : محمد صلواااات اشتغل البرنو
سليمة : يا انا غير حاطة الاحترام گبال عيني والله ادوسن ببطنها
ابو فهد : وين تدوسين اضن ما سمعت
سليمة : اتداهر وياها شمالك شيخ
ابو فهد : ها حسبالي
... كامو يضحكون كملو غدة رحت سويت چاي و صبيتلهم
سليمة : يعع شمالج خية چايچ مر
زيد : لا خوية حلگچ مر مابي شي مو جاي نشرب
ابو فهد : ما عجبج كومي سوي مو تشتغل عدچ
سليمة : هسة شجاكم انا ابتلي احجيلي حجاية بهذا البيت
الحجي : بوية هم علكيفكم
.. همَ سكتو اني صعدت سبحت و ظفرت شعريدو شغلت السبلت اجيت انام طب هو للغرفة غطيت راسي لان بردت هو سد البردة صارت الغرفة ضلمة
اجة نام يمي ورفع الغطة
ابو فهد : نايمة
اديان : لا بس راح انام
ابو فهد : و هسة شلون
اديان : شنو
ابو فهد : مشتاگلچ شجاچ
اديان : ماريد والله مالي خلگ
ابو فهد : لتكفرينة بالاسلامممم البارحة خليتچ على مايچ حتى ما تگولين ماخذني بس علمود يسد شغلتة
حقي اخذة منچ اذا رضيتي واذا ما رضيتي انا ما اتحاسب عليه چا عليمن متزوجج اذا كلشي لا و مالي خلگ
اديان : هو گول اريد اتزوج و فضها
ابو فهد : ما اقندرررر ياهو كالچ اقندررر
جري عدل و اتأدبي ما اكل نعل و اتزوج مرة لخ
اديان : هسة شتريد
.. شال الغطة و شمرة علية
ابو فهد : انعلبوج لابو الميتزوج عليج
بت الگو**يد حرت بيا طريقة اجيبج
.. تغطيت و نمت
مو بيدي والله اريدة قريب علية و اريد انام بحضنة بس اضوج من يگلي على هاي الشغلة كعدت العصر لگيتة ماكو و للعشة ما اجة سئلت زيد گال معزوم
دگيت عليه انطاني رفض احس نفسي ضوجتة هواي خلي اضغط على نفسي و اتقبل السالفة هو هم حقة و بدة يمل من عندي
اخذت سيت نوم لبستة و كويت شعري و حطيت مكياج
اخذت العطر و رحت يم المراية الطويلة ارش
صدقة لله شنو هاي اللعابة ههههههه
شوية و دگ
ابو فهد : شعندچ داگة
اديان : ردت اشوفك وين
ابو فهد : مالچ غرض عبالي رايدة شي هسة انا جاي
اديان : اريد بقلاوة
ابو فهد : و منين الگالچ هسة عود باچر اوصي الولد يجيبون
اديان : خوش
ابو فهد : ولو متستاهلين
اديان : باي
سديتة و رتبت الغرفة و ضليت العب بالتليفون طب هوَ شغل الضوة
رفعلي حاجبة رحت يمة چان لازم علاگة حطهة على الثلاجة
اديان : وين چنت
ابو فهد : بالمگبرة چنت اشتعلت عشيرتچ
اديان : هههه
.. تقرب علية صرت وي الحايط
ابو فهد : چا ليش تخليني اغلط عليچ
اديان : مادري اضوج
ابو فهد : يوجعج شي
اديان : لا
... باسني بشفتي وضمني لصدرة
ابو فهد : احبجججججججج
اديان : وحگ علي نسيت ههههه
ابو فهد : اي وحگ علي هههههههههههه
... نزع ملابسة فتحت العلاگة جايب بقلاوة
اكلت قطعتين و هو هم اجة اخذ وحدة
ابو فهد : شذكرچ بيها
اديان : مادري اشتهيتهة
ابو فهد : وين اكو بقلاوة تاكل بقلاوة هاي ماصايرة گبل
اديان : ههههههه
.. راح تمدد اني شربت مي و رحت نمت على صدرة
هو ضل يمسد بأيدة على ظهري ضليت امشي اصبعي على رموشة و حواجبة يخبلن اني ماعندي هلگد حواجب و روموش ثخينة
ابو فهد : ها بوية حرشة
اديان : ههههه لا بس عيونك حلوات
ابو فهد : ميغلن عليچ
ابو فهد : ميغلن عليچ
.. بستة بعيونة
ابو فهد: يعني بشرفج تمرمريني هيچ و تلعبين بأحوالي
و من اريدچ تگليلي مالي خلگ
اديان : مالي خلگ
ابو فهد : انعل والديچ هسة و علي
.. ههههههه
وووووو ..
دخل يسبح و اني دخلت ورا حضني و فتح الفيس ضل يگلب بي و اني اباوع ويا من ضمن الصور طلعت صورة كمال
ابو فهد : مني**
سد التيفون و حضني بس حضني قوية حتى اختنگت حسيتة ضاج
.. سمعنة صوت فدعة تصيح هو ركض لبس الدشداشة و نزل اني جنت لابسة دشداشة قصيرة بدلتهة و نزلت كلهم و اگفين بالصالة
فدعة: ولكم يالغمان اجاني ابوي بالحلم
زيد : دخيلك يابو فاضل بس لا هجولتينة من غرفنة علمود ابوج
فدعة : ولك يعايب يگلي ان ما اجيتي تزورين گبري ناخذچ يمنة
زيد : يا الله يا قريب الفرج
.. شالت النعال و ضربتة طگوها ضحك كلهم
ابو فهد : هسة انتي بشرفج صايحتني من فوگ وانا حسبالي طابلنة حرامي لو دخيل
فدعة : ها لازم گطعت رزقك على النص
.. هم ضلو يبتسمون بس هو ضاج
ابو فهد : انتي ما تلزمين السانچ شني السالفة
فدعة : خايبين اخذوني لگبرة لا ياخذني وياهم
الحجي : الفجر انا اخذج اشوف واحد من الولد ياخذنة
... ضلو يضحكون اني صعدت نمت الصبح ما لگيت فدعة و لا الحجي و لا سليمة
مشت الايام عادية ...
نزلت جوة
ابو سراب : وهم شنو ستوهم تذكروها راح يصيرلها اربع سنوات هنا
ابو فهد : گوا**يد هي ما شايفتهم اصلا نزلت عليهم المحنة
زيد : هم شگالولك
ابو فهد : يردون يشوفوها
زيد : همَ بس يشوفوها مو مشكلة عبالي يردوها
ابو فهد: اعلگ عگلهم گلايد برگبهم وحق نحر الحسين
الحجي : لا بوية مو بكيفهم هي حرمتك قابل بساع تروح وياهم
ابو فهد : لحد يگللها مابين افضها وياهم ادري بيها منا وغاد كل سالفة و كالت وديني لخوالي
اديان : خوالمن
ابو فهد : چانت عايززززة التمت
_____
ذكرتة و طاحت من العين كلمة
الما يگدر يجيبة لا يجيب أسمة
_____
ابو فهد : چانت عايزة التمت
اديان : شنو شبيكم
ابو فهد : تعاي وراي
.. صعد و صعدت ورا و قفل باب الغرفة
ابو فهد : اي اديان
اديان : ها
ابو فهد : باعي بوية خوالچ من تالي نزلت عليهم الحنية و يردون يشوفوچ
اديان : من شوكت
ابو فهد : البارحة خابروني صاعد عدهم هرمون الخولّة
اديان : هسة على كيفك قابل راح اروح وياهم اني
ابو فهد : اذبحچ و ما انطيچ و روح امي
اديان : ههههه لا ماروح وياهم اصلاً
ابو فهد : اديان اذا گالولچ نطلگچ عود صدگ تنسيني و ترحين
اديان : طبعاً لا انتة صحيح تضربني و تسوي وياي شغلات مو حلوة بس انتة تعبت علية اكثر من اهلي و خوالي ما ذكروني حتى امي تريد هسة من يجون اعوفك و اروح وياهم
.. اجة علية حضني حيييل و باسني من راسي
ابو فهد : اخخخ يابة انا من تالي هذا الشيب طايح بعشگچ
... نام و حضني و نمت ثاني يوم الصبح گعدت غسلت و نزلت
حضرت الريوگ وي بشرى هو گعدو و هو نزل
ابو فهد : زيد كمل اكل و امشي تسوگ اليوم خطار يتغدون
الحجي : يا هم
ابو فهد : خوال اديان
سليمة : يايمة من تالي طلعولج خوال وين چانو مضمومين
ابو فهد : كرمينة بسكوتچ
.. كملو الريوگ و ابو فهد طلع و زيد راح جاب مسواگ و بشرى و سليمة يطبخن
فدعة : يخايبة ربچ ما يخلي عبدة وحيد
اديان : بس اني ما اعوف ابو فهد
فدعة : ارگعچ بالنعال اذا تعوفي غير
.. ورا شوية صاحتلي بشرى
بشرى : تعاي باعي من الشباك خوالج طبو
.. باوعتلهم دخلو و وراهم ابو فهد و زيد و الحجي
همَ خمس زلم دخلو تلاثة لابسين عگل و دشاديش و اثنين لا بنطرون و قميص
ضلو فوگ الساعة بالمضيف محد طلع بس اجة زيد اخذ مي و چاي ورا شوية اجة هوَ
ابو فهد : تعاي
اديان : ها
.. عدل الشال و نزل الردن و حط ايدة ورا ظهري و دخلت للمضيف همَ گامو
جواد : ما شاء الله شونچ بعد خالچ
اديان : زينة
عادل : ان شاء الله مرتاحة
اديان : اي مرتاحة
جواد : بعد خالچ والله انا مادري شلون احچي وياج بس انتي تدرين المرحومة فصلية و احنة حالتنة جانت مو تمام بألف ياحيف نجيب اللگمة بس ربچ ما يخلي الحال يدوم
الحمدلله ربچ فتحها علينة و ابوچ الله يرحمة گبل سنتين خابرتة عليچ گال متزوجة و مرتاحة و هم ندري اميمتچ و اخيتچ ماتن كتل ما انتحرن و انا اريد ابيض وجهي كدام امچ بيچ
گبل چم شهر خابرنة على عمامچ گالو مسافرين لسوريا و هناك استقرو و اجانة زلمة معدل گبل اسبوع گال بت اختكم عد ناس معذبيها و ما مرتاحة و انا هم ذيچ الفترة امچ تجيني بالمنام هواي
و تعتب علية هواي خابرت عمامچ بالتواسيل يالله انطونة عنوانچ و جبتلچ خوالچ و اجيت و انتي مثل ما تفضل الشيخ عاقدة محكمة يعني التردي يابة يجرالج حتى اذا طلاگ
ابو فهد : شنوووو طلاگ شو گمت تهوبززز
الحجي : على كيفك بوية خل نفتهم
مصطفى : اي اديان اذا معذبيج احجي احنة نطلكج و ناخذج ويانة لبغداد و التردي يصير
اركان : هي مكملة مدرسة
زيد : مكملة الثالث متوسط
اركان : يلة حتى ترجعين تدرسين احنة بظهرج معليج
قائد : على كيفكم لتدوخوها هي تقرر
اديان : لا محد معذبني
جواد : احنة منعوفج بعد كل فترة و نجي نچيك وضعج كتلج لتخافين القانون وياج و احنة وياج
اديان : لا خالو گتلك مرتاحة هنا
مصطفى : ليش تچذبين مو كاتليلچ جهال اثنين و شاردة منهم و لازميچ
اديان: ما اروح وياكم
قائد : مخوفها عمي
.. ركض عليه ابو فهد لزمة من ياختة
ابو فهد : لو ما گاعدين بمضيفي چان فرغت الشاجور براسك
جواد : على كيفك شيخ مو هيج بس وصلنة حچي لاعبين بالبت جولة و هي مبينة خايفة
ابو فهد : لا تضلون تتفلسفون براسي مو لابسلي عگال و گاعد ترعد يمي مرتي ما طلگها و هي ما تريدكم تچفو شري لا اردكم لبغداد مفصخين
جواد : زحمة شيخ هذا الحچي ما يصير
ابو فهد : دمشي لك جاي من تالي تريد تاخذها لو بيكم خير جان اخذتو حق اختكم الحرگوها يا
جواد : الظاهر انتة مايفيد وياك هذا الحچي امشونة وانتي اديان فكري زين لتخسرين الاول و التالي شنو گعدتچ يم رجال اكبر من ابوچ امشي اني اتكفلچ
ابو فهد : امشي طلعو برا يلاااااااا برااااااااا
... طلعو من البيت و هو اخذ حباية مال ضغط و گعد بالصالة ضل يسب بيهم و يفشر
ابو فهد : و انتي ما وصيچ عود ركضي وياهم لبغداد
زيد : هسة البنية مو گالتلهم كلشي ما سوالي
ابو فهد : واني شمسويلها
اديان : كتلك ما اروح وياهم باقية على گلبك
همَ گامو يضحكون ..
فدعة : وين لاگيها يالاغم
.. صعدت فوگ ضليت افكر بحچيهم يعني اذا اروح لبغداد انزع الجبة و اكمل دراستي و اطلع و اطب بكيفي
بس ماكدر اكسر بخاطرة و هو يحبني
ما نزلت على الغدة هو صعد ..
ابو فهد : ليش ما اكلتي
اديان : ما اشتهي
ابو فهد : شبيج ضايجة
اديان : مضايجة بس دايخة
ابو فهد : حقجج بوية بس خلي بالج مصلحجية و القران ياخذون فلوسج و يشمروج هم امج اختهم ما حافضو عليها تردين يحافضون عليج
اندك الباب
ابو سراب : ابو فهد انزل ذولة جايبين الشرطة
ابو فهد : لا يا گو***
.. نزل و نزلت ورا هم طلعو كلهم و صار صياح بالشارع اني و بشرى نباوع من الشباك ابو فهد راد يضرب خالو جواد بس لزمو الشرطة
بعدين اجة زيد ..
زيد : اديان لبسي عبا يردون يحاچوچ
.. اخذت العبا حطيتها على مَتني و عدلت الشال و طلعت
- السلام عليكم
اديان : و عليكم السلام
- بابا انتي مرتاحة ببيت زوجج لو لا احنة كلنة وياج و ذولة خوالج تگدرين تتطلگين و ترفعين عليه دعوة و يعوفج
اديان : عمو اني مرتاحة هنا و خوالي مشايفتهم قبل اليوم يلة اجوي شافوني و يردون يطلگوني
- چا شنو دگولون معذبيها
جواد : عمي تخاف من عندة
- اخي البنية مو صغيرة و مبينة متريد تتطلگ ليش تهجمون بيوت
جواد : انا كل فترة اجي اشوفج و اذا لگيتچ متأذية
تتطلگين غصباً ما عليچ
- يلا اودعناكم و اسفين على الازعاج شيخنة
ابو فهد : بالريش بوية
.. طلعو و هو باسني من راسي
ابو فهد : والله و ما ضاع بيج التعب
... ابتسمتلة و صعدت فوگ شنو هاي الحنية النازلة عليهم و هم اليوم شافوني و شفتهم خاف صدگ يردوني علمود الغايب
انفتح باب الغرفة و دخل هوَ نزع الدشداشة و تمدد على الچرباية
بس الابتسامة مرسومة على وجهة
رحت حطيت راسي على صدرة حضني حيل ..
ابو فهد : بهاي الدنيا كلها ما اطيچ وعلي
اديان : حتى اني ما اعوفك
ابو فهد : اوووووووف شگد اعشگچ
حضنتة و نمت ...
كعدت العصر جوعانة نزلت لگيت على الكاونتر برتقال اخذت وحدة ورحت يم فدعة
فدعة : عفية عليج الاصيلة ما تهد رجلها
اديان : شعبالچ لعد
فدعة : شو لسة ما حبلتي
اديان : يمكن حامل بس مادري بعد ماريد اكول نوب يطلع ماكو و اتفشل
فدعة : چا هو رجلج سترچ قابل يفشلچ يالعوبة
اديان : راح اروح اگلة بس ادعيلي
فدعة : روحي انا مطمنة من يمچ بس لا دگليلة هسة
ادري بي مفضوح و سليمة اذا درت تحير شتعمل و تطيحة
اديان : خوش
زيد : انتن من الگاچن سوة الزم گلبي
فدعة : تعاي حبيبة هو انتة هم محسوب من عدنة
زيد : هاي الهيبة و اللحية و الشوارب ما تارسات عينچ
فدعة : عليمن صرت شايب و لسة ماعدك مرة
زيد : فدعة سدي هذا الموضوع رحمة لرجلج
فدعة : بس گلي خايب شناگصك
زيد : مو هسة اگلچ من يجي وكتها
فدعة : گلبي لاعب منك
ابو فهد : حياهم الله
فدعة : هلا بشيخ السلف
ابو فهد: طربيني بعد بيتي شگد تردين
زيد : هههههههههههههه والله اني هم گلت فدعة شعدها
فدعة : انچب يالعايب اريدن عبا جديدة و شيلة
ابو فهد: احچيلي الفلوس شگد
فدعة : الخير و مدت ايدة ييمة
ابو فهد : تحاسبي انتي واديان شگد تگول انا انطيچ
اديان : مليون
زيد : لك ذني صافات اليوم اشرد احسلك وعلي
ابو فهد: ادري شتسوي بي تردين تشتريلها زلمة
اديان : ههههههههههههههه خرب
ابو فهد : اشتعلو خوالچ
زيد : اناخوك گلب على خوالچ بعد
اديان : ميتين انطيها
فدعة : يا بعد رويحتي
زيد : اديان كلة تضرب بالعالي صايرة
ابو فهد: ههههههه يرخصلچ نزليلها ميتين من القاصة
زيد : ابو فهد عفية قاصة ما تفرغ ادري يخلفن فلوسك
فدعة : عينك ولك مادام ما ينساني الله مبارك بيها
زيد : من دبش
ابو فهد : چاي يابة
زيد : اي والله چاي معدل
.. رحت سويتلهم چاي كلهم گعدو بالصالة و ابو سراب دز فهد يجيب من الفرن كًعك
قدمتلهم الچاي و صعدت طلعت من الفلوس ميتين و قفلت الغرفة انطيتهن لفدعة
فدعة : خايبة انا من يوم الطبيت لهذا البيت صفيت وياچ و عشگتچ
چا همزين طلعتي تستاهلين
سليمة : هنً فلوس الشيخ قابل من جيب ابوها
فدعة : الله يموت الحساد و العواذل و يچفيچ شر سحورتهن و سمهن
... زيد غص بالچاي و هم طگوها ضحكة
ابو سراب : عمي فدعة و علي محد يندگ بيچ
.. صعد يبدل و صعدت ورا سبح و كشخ و طلع
بقيت بالغرفة العب بالتليفون نزلت المغرب لگيت بشرى مكملة طبخ صعدت سبحت و حطيت مكياج شوية و نزلت
ب ثمانية كلهم اجوي من برا صبو عشة اكلت شوية و شبعت هم شربو چاي و طلعو بالشارع يم ولد عمهم نضفت المواعين اجتي سليمة يم السنك اني وخرت
رحت اخذت المواعين من الميز رجعت على السنك حطيت المواعين احترگت ايدي بالمي ضليت اطفر هي طالعة من المطبخ كاعدة بالصالة
اديان : لججججججججج حقيرة شنو هاي النذاااااااالة
امدااااااج يا جااااااااهلة
بشرى : شبيج ولج صوتج
اديان : هاي القندرررررة فتحت المي الحار و طلعت
... طب هو و زيد يركضون اجة هو حط ايدة على حلگي
ابو فهد : لجججج ادبسززز شنوو هذا الصوت انفضحنة
... دفعتة حيل
اديان : لتحاچيني انيييي حاچي هاي الحيييييية فتحت المي الحااااار على ايدي
.. لزمني من ايدي و صعدني للغرفة
ابو فهد : لج ساق** متعرفين تحچين بصوت ناصي
اديان : هي هاي الهامتك دوخررر يلا وخرررر
ابو فهد : لج خرب بأهلچ لتصيحين احچي شبيچ
اديان : هاااي القندرررررة حرگت ايددددي
.. ضربني راشدي
ابو فهد : بت النعال احچي وياج كردي اني اكلچ لتصيحين لتقندرين فضحتينة
اديان : ايدي تحرگني و القرآن تحرگني
.. سحبني من زندي و نزلني جوة
ابو فهد : عبا بساع
.. انطتة سراب عبا حطها على راسي
ابو فهد : سليمة اذا اجيت و لكيتج هنا انعل والد و الديج
.. صعدني بالسيارة جانت بالگراج اخذني للمستشفى و اني ابچي و هو يسب بسليمة
حطولي عصارة دهن و لفوها بشاش و انطو اسم العصارة حتى يجيبها
ابو فهد : شون صارت
اديان : زينة شوية
.. وگف گبال مطعم جاب بيتزا و ببسي
ابو فهد: ليش صايرة متاكلين هواي
اديان : ماريد
ابو فهد : و العباس ما ردت اضربچ بس ردتچ تسكتين ماكو و من ضربتچ سكتي
اديان : ماريد سليمة بالبيت يلا و الله اذا الكاها اروح لخوالي
ابو فهد : يا صلاتك يا محمد بعدنة بسم الله ما گايلين
اليوم اليوم عرفتيهم ترى
اديان : اي معليك يلا
ابو فهد : هسة اخابرهم دللي
اديان : يلا
... سحب التليفون و طلع بالارقام مكتوب قائد دگ عليه
ابو فهد .. الوو .. رجعتو لبغداد لو لا ... تعالو اخذوها باچر
... اي تريدكم .. هايهية .. الله وياك
تأمرين بعد بشي
اديان : لا
ابو فهد : هسة اكلي هاي مو تگولين احبها
اديان : ماكدر اكل من ورا ايدي
.. و گف السيارة و گام هو يوكلني و يشربني ببسي
اديان : بعد ماريد
ابو فهد :هن قطعتين
اديان : شبعت
.. وصلنة للبيت سليمة ماكو اني كلت يجوز بغرفتها لان
محد يلفيها صعدت گبل شمرت نفسي على الچرباية
هو طفة الضوة و اجة نام يمي
ابو فهد : يعني تعوفيني
اديان : اي
ابو فهد: اووووف يلا ضلت عليچ
اديان : حتى تتزوج براحتك
ابو فهد : سكتي اديان هو اني عمري ما بقالة و انا حالف بعد ما اجيب فوك راسج
اديان : خابر خالو كلة اديان متروح وياكم
ابو فهد : ههههههه و هو ياهو المخابرة
اديان : والله عرفت تچذب بس سويت روحي مصدگتك
ابو فهد : و دام سويتي روحچ مصدكتني اثنين چذابين
اديان : انتة بديت بالاول
ابو فهد : هسة انتي جذبتي لو لا
اديان : اي
ابو فهد : چا هايهية
.. صار فوگاي باسني و حط راسي برگبتي و يتنفس قوي و النفس حارر
اديان : لحيتك تجرح رگبتي
ابو فهد : ادري لحية سچينة دركدي بوية ايدج ملفوفة لتتحركين
اديان : شجاي تسوي برگبتي
ابو فهد : شغل كبار بوية مو بعمرچ
وووووو ..
اديان : شلون اسبح بلة
ابو فهد : هسة اني اعلمچ
.. شالني من الچرباية و دخل للحمام
اديان : لا ماريد عليك الله استحي
ابو فهد : شبيج يابة انا رجلچ غمضي عيونچ معليچ ...
طلعني و لبسني ملابس و غطاني و اني مغمضة عيوني فدددد مستحية هو اجة نام وحضني
ابو فهد : مايرادلها ترى سويتيها قصة
اديان : كافي اسكت
ابو فهد : هههه صار
اديان : سليمة بالبيت
ابو فهد : لا رايحة لاهلها تبچي دگول يتبلون علية
اديان : يا حية يا كلبة
ابو فهد: لج اكبر منج الاحترام حلو بوية
اديان : ختولي و انتة لازم صدگتها
ابو فهد : باچر تلگيهم هي و اهلها هنا و انا اعرف شلو اهچها و اتصرف
اديان : شنو اهچها
ابو فهد : ارزلها يعني
اديان : و يعني بس ترزلها
ابو فهد : هسة دنامي مالچ دخل خليها وراي
نمت ...
كعدت على صوتة
ابو فهد : شيوجعج شعجب لسة نايمة
اديان : الساعة بيش
ابو فهد : ب 12
اديان : غير تگعدني
ابو فهد : شوراچ مو ابدچ ملفوفة
گعدي عمامي هنا كلهم
اديان : اي كايمة
... فتح باب الكنتور
ابو فهد : شتلبسين اطلعلچ حتى انزل
اديان : لا اني اگدر
ابو فهد : رجلج اني ليش تضوجين من اعاملج هيج عبالج استنكف
اديان : لا والله مو هيج
انطيني هذا الرصاصي
ابو فهد: غيري
اديان : لعد الوردي
ابو فهد : لا الرصاصي احلة چا
اديان : ههههه
.. اخذة لبسة الي و فتح ايدي و جدد الشاش
ابو فهد : هسة شبيج ليش هيج ترجفين قابل اول مرة شايفج
اديان : هاااااا
ابو فهد : هههههه يلا بوية يلا
.. حط الشال على راسي و هو وگف يحط عطر
اديان : حطلي
ابو فهد : هههههه صار يابة
نزل و اني نزلت ويا حط ايدة ورا ظهري باوعت للصالة صايرة مجزرة يالكعبة ذولة شكد
اسماعيل : هلا يابة سلامات ماتشوفين شر
اديان : شكراً عمو
ابو فهد : تعاي كعدي هنا
ام غزوان : يا خايبة بس لا صدگ هاي سواية سليمة شجاها غدي
- هسة سليمة بكلشي لاطشيهة المرة شلها غرض هي البت مبينة ملعبة
ابو فهد :هاي البت مرتي تصير ام كامل
اسماعيل : كرمينة بسكوتج و سدي حلكچ
سجاد : ورا الغدة نتناقش هسة خل ناكل
ولاء : اهمشي البطن اي وعلي ذني سوالفهن ما تخلص
اديان : قصدك اختكم سوالفها متخلص
ولاء : انا اخوك عمي لا اختي و لا اعرفها عود يكولون سليمة تصير بت عمي
.. گامو يضحكون
ابو فهد : لتنطين من مكانچ و تحچين وياهم لا اكسر راسچ
سجاد : انا يگولون تصير اختي
زيد : ههههههه دنچب هاي واگفة وين لگيتهة
.. صبو غدة سفرة من الطول للطول اجتي هيفاء باستني
كعد و گعدني يمة
