رواية اغفري لي الفصل التاسع والأربعون بقلم أوتار حزينة
يمامه
من صرنا بالسطح ام احمد كالت
«،،،حنين شبيج وي هاشم وليش متعاركه
ويا
رفعت حواجبي وسالت
«،،،هو شحجه الج
«،،،كال انتي متعاركه ويا وكايله اله محد
يريدك هنا لا اهلي ولا مهيب
«««زين ماكلج اني ليش هيج حجيت ويا
صفنت عليه كملت
«،،ام احمد انتي مو غشيمه عن حماج وتعرفي
هو شنو
«،«اعرفه بس الولد عرف غلطه وبعد ماسوالج
شي
«،،،لا سوه لماريا
فگت عيونها مذهوله وسالت
«،،شسوه لماريا
حجيتلها السواه صاحت بصوت
مكتوم
«،ولج صدك تحجين
عيوني راحت لباب السطح هي اجت
بسرعه الوجه لونه اصفر ومخطوف
«،،ولج ماريا صدك هذا متحارش بيج
«««اي عمه
لطمت خدها وكالت
«،،عزه العزاك هاشم ولك دنت نفسك حتى
بنت اخويه
«،،،عمه عفيه اسكتي لايجي احد ويسمع
«،،هذااا شلون ويا والله ثائر كال اذا سمعت
بي بعد مسوي شي يسود الوجه
الا اكسر رجلي واكعده
مكسر بالبيت
ماريا باوعت عليه بخوف كلت
«،،،،هاي السالفه محد يعرف بيها غير اني
وانتي وماريا واني كتلج الصار حتى تعرفين
تصرفين ويا لان اعرف عمو واخوج اذا عرفو ماراح يسكتون اله
«،،،ولا بابا وباسل هم
ماريا حجت وكامت تبجي كملت
«،،،عمه والله اني ماعندي شي ويا هو كلي
تعالي فوك اريد احجي وياج بسالفه شمدريني هيج
راح يسوي بيه لا ويكول اني اجيت علي
كامت تشهك بالبجي ام احمد كالت
«««حسبي الله عليك هاشم سودت وجهي
كدام الغريب والقريب
ماريا ماانتبهت سالت
«،،شلون عمه والله اني خايفه منه
«،،، انتي شمسويه حتى تخافين منه
هو الي لازم ينداس راسه
بالقندره لان تجاوز
كل الحدود
جاوبتها بغضب وكملت
«،،اني اعلمك والله عرفتك اجذب
وكلت الا مسوي شي للبنيه
وهيج حجت
«،،،،هو هددها
ماريا حجت الها الي حجاه انهدت
«،،ياكل خره والله اطيح حظه اذا فكر
يمس شعره من حنين مااا
اشرت بعيوني الها افتهمت وسكتت رددت
««،اني ااعلمك هاشم ارجع للبيت واخلي
ثائر يعرف شغله وياك
سكتت وصارت دم كملت
«،،لاتحجن شي لاي احد عيب من اخوتي
حجت هالكلام وكامت تبجي رددت
«،،،والله مالي وجهه بعد اوكف بي كدامهم
اذا سمعوا بهذا شمصخم ويجوز حتى مايظلون
يرجعون
«،،،،اني مااريد احجي شي اخاف من بابا
وعمو مهيب
ماريا حجت وكملت
«،،،وهم والله مااريدج تنقهرين من ورايه
«،،،انتي شعليج ماما الغلط منه هو
ردت عليها واشوفها صارت فد مره كملت
«،،،خلوها بينا هاي السالفه واني اعرف شغلي
ويا
«،«خاف يجي ويسويلنا سالفه اني وحنين
«،،لا ماراح يجي مع احترامي الج ام احمد
حماج جبان وبس بي يهدد
النسوان
«،،،وليش ازعل هو ثبت هالشي
ردت عليه بقهر وكملت
«،،بسيطه اني ارجع للبيت واعلمه شلون
يتحارش بيج واني الي راح اطرده
من بيت اهلي واكسر رجلي
بعد اذا وصل لهنا
هي ماظلت يمنا رجعت وي ولدها لبيتها
ساعه 1 بليل اني نايمه جهازي دك اخذته من جوه المخده عبالي مهيب شفت رقم غريب
مافتحت الخط انطيته رفض
لان عرفته هاشم
رجع اتصل ماجاوبت فصل ورجع هم
دك فتحت الخط بس ماحجيت
شي اجاني صوته
يحجي بغضب
«،،عبالج راح اجوز منج لا والله والا يجي
يوم وتوكعين بأيدج وذيج الساعه
بس تلزمج ايدي الا اكسرها
لهاي عيونج الگويه
مارديت كمل
«،،ااني اعلمج ولج ااني اترزل من وراج
ومن وره منو من ورة وحده خدامه تفله ماتسوالها
«،،هاي انت كلتها خدامه بس نفسك دنت عليه
رديت علي بروده صاح
«،ااانجبي كحبه ساقطه من انعل ابوج
لا بو الجابج
سديت الخط بوجهه رجع اتصل حضرته
ومسحت رقمه اجتني رساله من
رقم الخ فتحتها كلام كله فشار وغلط ومسبه وتهديد حضرت الرقم ومسحت المحادثه
بعد لا اتصل ولا دز صفنت ودمعتي
بعيوني
جنت عبالي راح ارتاح هنا بس الي مكتوب علي
القهر وشلعان الگلب يظل هيج
طول عمره
مااعرف منين اتلكاها منه لو من مهيب الي
جنت احسه ضام شي بگلبه
وراح يفاجأني بي
بالايام الجايه
ثاني يوم ام احمد خابرت
وكالت هي حجت ويا وجذبني اني وماريا وراد يذبها براس البنيه بس هي مرزلته وطاردته
من بيت اهلها ومو كايله لرجلها لان خافت يكتله وتصير مشكله جبيره بينهم
الصار بيني وبينه ماحجيته حتى
ماتصير مشكله اللخ وهم كلت هو بعد لا يجي ولا اشوف خلقته يعني ماراح يكدر يسويلي
شي طمنت ماريا وكتلها السالفه انسدت وهو بعد مايجي لهنا البنيه ارتاحت ورجعت
لطبيعتها
جنات
توترت من هاي الكعده الراح تصير
بين كريم واهله وبين عمي واهلي
اروح واجي بالصاله
واردد
«،،مافضت هالكعده
«،،لا جان خابرني ابراهيم وكال فضت
حجت هيج وكملت
«،كافي تروحين وتجين والله فريتي
راسي وياج
رحت كعدت يمها رديت
،،،خايفه من الي راح يصير
«،،ابو ارشد حكيم وعاقل ويعرف شلون
يصرف
«،،اي بس خايفه منه هو لا راح وياهم
«،،لا مااعتقد هو مو كلج مااروح
«،،اي وادعي من الله صدك ماراح لان اعرفه
بس يشوفه راح تعلك بينهم
«،،عوفج من ابو ادريس اني خوفي من ابوج
واخوج لا يكومون يدرون فلوس
وفصول منه
«،،،عزه اذا سووها والله يفشلونا كدام
ابوه
«،،اي هو هنا اللطم
النوب توترت بعد اكثر وخفت لا يسوها
ومن صدك يسودون وجهي كدامه
وكدام اهله
«،،جنات خابري لابو ادريس وشوفي
بله وينه
«،،مااكدر دانيه احسه كام يتحسس من
هالموضوع ويضوج اذا اجيب سيرته كدامه
««ههه انه يقااار
«،باعي هاي تضحك واني راح اموت من خوفي
««وداعتج اني مو شايله هم غير بس لاهلج
لان اعرف سوالفهم واعرف كريم
هسه انعصر هو واهله
وترزل رزاله تسوه
عمره
«،،،اريد يجوز مني لان تعبني كلش
حجيتها بقهر ردت
«،،راح يجوز منج وبعد حتى خياله ماتشوفي هذا تورط من اجه لبيت اهلي عباله مثل ذيج المره
يسكت اله مايدري ضمها الها وزاد الحساب
واليوم اجه وكت الدفع
الساعه مشت ومرت ساعتين ومحد اتصل
علينا ولا احنا كدرنا نتصل عليهم
فزيت من جهاز اختي دك فتحته بسرعه
وكالت
«،،،هلا ابراهيم
رحت بسرعه يمها كعدت هي فتحت
السماعه كال
«،،لايظل بالجن فضينها
«،،ها يعني شسويتو
«،،من اجي احجيلكم
«،بس كلي شصار
«،،مو هسه ياعيني اجي واحجيلكم
كلشي
«،،يله ابو يوسف
گلبي هبط من سمعت صوت ارشد الخط انسد
حجيت فاكه عيوني
«،،،،،ولج هذاا راح وياهم
«،،اي سمعت صوته بس الظاهر ماصاير
شي لان شفتي ابراهيم يحجي
طبيعي
«،،يارب ماكو شي
كعدنا ننتضره على نار عبالي هو يجي
ويا بس الي اجه ابو يوسف
من كعد اختي بسرعه
حجت
«،،ها شسويتو وشصار بالكعده وابو ادريس
جان وياكم
«،،،وحده وحده ياعيني صلي انطيتهن
جاوب مبتسم هي انهدت
«،،،يمعود احجي مو راح نتخربط
«،،،اكعدي واني احجيلج الصار
اختي كعدت يمه كال
«،، الشيوخ كعدت واهله اجوي بس هو مااجه
دانيه باوعت عليه كمل
«،،رفض يجي ويكعد وهالشي خله شيخهم بعد
ماسمع بالسواه يصير عصبي وحتى حجه بسالفه بيتها الي اخذه ورزل ابوه واخوته ذيج الرزاله
«،،يعني شيخ تميم ماحجه
«،،،لا شلون ماحجه كال البنيه صارت بنتنا
والي يمسها يمسنا ومو احنا الي نرضها
اسمها يصير على لسانه او لسان غيره
«،،بله هو هيج حجه
اي وكال
،،،واذا انعادت منه مره ثانيه اديره من الديره
وانتو ويا ومحد يكدر يوكف بوجهي
ولا يگلي انت ليش هيج
سويت لان ابنكم
تجاوز كل
الحدود
«،،،وماحجو شي يعني هم شيخهم
،،لا مافگو حلگهم بكلمه وشيخ نوفل انطاه
الحگ ووكف ويا
«،،،ابو ادريس ماحجه شي
«،،لا جان ساكت لان ابوه ماقصر بالحجي
وهم عيب هو يحجي وهو موجود
وكاعد
«،،زين هو راح يقبل بهل الشي
«،،الشغله حمت علي وصارت بيها نفي
وهالشي راح يخلي يجوز منها وهم
اخذو تعهد من اهله مايجي بعد
ولا يندك لا بيها ولا
بيت عمي
«،،خوش حجي هذا وقوي
دانيه ردت وكملت
«،،بعد هالتهديد والتعهد بعد لا يكدر يجي
ولا يشوفنا خلقته
بيت اختي تعشو يمي وبعدين راحو لبيتهم
كعدت وحدي بغرفتي جهازي بايدي
اريد اتصل علي بس خجلانه
ومااعرف شراح احجي
بس هو اتصل
جاوبت
«،،هلا ارشد
«،هلا بالروح والگلب
جنت عبالي راح احس بي ضايج من الكعده
والكلام الصار كمل
«،،،شلونج اليوم يبعدهم كلهم
«،،الحمد لله انت شلونك
«،اني بخير مادام سمعت هالصوت الحلو
غزله جان حلو كلش وخلاني اخجل وارتبك
ترددت بعدين سالت
«،،يعني مو ضايج من الصار اليوم
«،،،،انتي ضايجه
سكتت بعدين كتله
«،،،،،اي لان هالشي صار من ورايه اني
وماردتك تنغث لا انت ولا عمو
«،،،،ماعاش الي يغثج ويغثنا والسالفه فضت
وراحت واريد بعد من الله الرجال
الي يندك بينا شلون مااشوفه
الخبالات على
اصولها
حجه هيج وشفته من هد علي بالمصرف
وضربه جان واحد ثاني كتله مال غضب
واعصاب كمل
«،،عوفج من هالسالفه وخلينا بالمهم
راح ادزلج باجر صور اثاث وغرف نوم اختاري
واثثي بيتنا ولا تهمج الفلوس
اريد عشي اني وياج
يطلع توب التوب
وركزي على غرفه
النوووم
اكد على اخر كلمه وخله خدودي تشتعل
نار مارديت وطولت هو
ضحك وكمل
«،،،،انهزمت البنيه
هم التزمت الصمت كال
«،،الو يمعوده ام الغيره وين رحتي
«،،،،هياني
«،،ههه اسمع الصوت عبالك جاي من جوة
بريج
«،،مو كافي
«،،ههههه
ضحك بصوت ورد
«،،،،لا لان توني بديت بالغزل
«،،،،،بله بريج هم غزل
هم ضحك بصوت اني ابتسمت رد
«،،،،تريدين كلام غزل يبعدهم
سكتت ردد
«،،،والله احجي اني مو بخيل بيهن بس
اريدج گبالي من احجي حتى
اشوف الخلقه من تخجل
واطبق الكلام قول
وفعل
گلبي كام يدك بجنون وزاد ارتباكي كتله
«،،راح اروح
«،،ههههه
ضحك وبعدين سكت طول وكال
«،،،،لا ظلي راح ابطل حجي ثگيل
اخلي بعدين من
«،،،،اارشد
«،،،ها يبعد عيون ارشد وگلبه وروحه وعيونه
غيرت الموضوع كلت
«،،انت يالون بالك للتخم
«،،،،،الموضوع تغير بس يله راح امشيها
الج
«،،،،تره انت جنت تحجي بي
«،،،ههه هم صدك
رد وكمل
«،،،،رصاصي طوخ او فاتح وخلي كلاسك
مااريد شي فخم ومبالغ بي
«،،اني هم هيج احب
ارشد
شفت جنات اخذت راحتها وياي بالكلام
وفرحت بهل الشي ظلينا اني وياها نحجي
عن اثاث بيتنا واخذتنا السوالف ابني
اجه يمي كلت
«،،،ادريس اجانا
««،،لعد تماره وين
«،،،نامت يم ريهام
سكتت بعدين سالت
«،،،،،هي الي ربتها
ذبيت حسره ورديت
«،،،اي
خفت لا تسال عن الصار كلت
«،،جنات من نزوج مااريدج تسأليني عن الماضي
ولا اريد احجي بي اريد انسى واعيش وياج واني عبالك مزوج اول مره حتى ولدي راح احسبهم ولدج اانتي موو ولد ذيج اا
سكتت وبلعت كلمه ساقطه لان ابني
كاعد يمي
«،،،الشي الي يضوجك ماراح اسوي ارشد
واني هم راح اعتبر روحي انت
اول واحد بحياتي
ردت بصوت مخنوك وكملت
«،،،،وادعي من الله انت تصير اليه السند
والامان الي اريده بهل
الدنيا
«،،،،والله لا اصيرلج امان وسند وحزام ظهر
ورجال وخيمه فوك راسج واريدج
انتي هم تصيرين اليه كلشي
حلو بحياتي
والحلوه نورت حياتي وسويت الها احلى
عرس وبارقى قاعه ،،، جانت رافضه
تلبس بدله ورادت حفله بسيطه
بس اني رفضت لان ردت
اشوفها بدله الحنه
والعرس
ردت افرح بيها من گل كلبي واسوي الجنت
اريد اسوي من اول مره شافتها
عيوني
ردت احس هاي اول فرحه اليه وهذا زواجي
الاول والاخير
جنات
ارشد صمم الا يسوي عرس رغم رفضي لهل
الشي بس هو قفل وزعل عليه
لان ماردت هالشي
اخر شي قبلت وسويت الي راده سوينا
الحنه والعرس بنفس اليوم
كعدت بكوشه لابسه بده حمره خجلانه وصايره دم ومااعرف ليش احس بروحي هاي اول
مره ازوج
اشوف الكل يركص وفرحان بيه بس
اني افكر بهل الشعور الي صيطر عليه
خواتي علكن الجو هنا وكرايبنا وخواته
وياهن هن ونسوان هوايه
گرايبهم امه كاعده
وي كم وحده
وهم نفس
الخلقه
بهل الايام لا اجت ولا شفتها جنت اعرف
شعورها تجاهي مبين هالشي من
اول يوم اجت بي
مشيت الامور لان صارت هوايه مشاكل من
ردت ارتب بيتي امي خلت روحها ويانا اني
ودانيه وابتسام وباقي البنات
هم رادن يجن
شفتها صعبه كلنا نروح للبيت وامه تعاملها
بهل الشكل وطلعت حجه كتلهم
هو راح يرتبه وي خواته
ومارحت هو حس
بس ماحجه
شي
انتبهت ادريس اجه وكام يركص وي
ولد بعمره تماره ويا اباوع الهم واتخيلهم
راح يصيرون بحظني ويصيحوني
ماما عيوني غوركت من تخليت اني راح اسمع
هاي الكلمه من عدهم
ام فهد اجت ليمي وكالت
«،،راح يجي ارشد
گلبي هبط وكام يدك بسرعه
الهلاهل علگت وطب
جان
لابس دشادشه بيضه وبشت اسود
عكال ويشماغ احمر
العيون التقت والوجه ضحك
ولده راحو علي شال تماره وكاد ادريس عيونه عليه
نزلت راسي وارتبكت بعد اكثر اجه بزفه
حلوه وي الاغنيه من خواته وعماته
امه كامت علي بوسته بعدين رجعت لمكانها
كعد يمي ادريس يمه
وتماره بحظنه
ماحجه شي بس وره مشوار اشر
لام فهد اجت علي ماادري
شحجه وياها هزت
راسها ابتسمت
وكالت
«،،اي اجت
ماافتهمت شيريد جنت اباوع عليهم
دار وجهه عليه وشفت بيهن
نظرات الاعجاب
وابتسم
وره لحظات دانيه اجت وكالت
«،،،جنات تعالي وياي
«،،وين
«،،امشي وانتي تعرفين
كمت هو هم كام ريهام اخذت تماره
وادريس راح يم جدته جنت مااعرف شكاعد
يصير مشينا لجوه طبينا غرفه
مثل الاستديو هم
بيها كوشه
صفنت وباوعت علي كال مبتسم
«،،اريد اخذ جم صوره وهناك اعرف ماراح
اخذ راحتي لان الكل راح يدحك علينا
«،،هسه البنيه تجي وتاخذلكم الصور
ام فهد حجت طلعت وراها اختي گلبي
كام يدك بجنون من شفته
صفن عليه والملامح
تغيرت كال
«،،جثير هالجمال على گلبي
سكت وقرب مني جرني من خصري علي
وكمل
«،،اليوم شراح يصير بيه
سحبت روحي منه وانداريت كلت
«،،وين راحن البنات
«،،ههه هسه يجن
رد وكمل
«،،بس بعدين من نصير وحدنا منو راح يجي
اخته طبت وكالت
«،،،،ارشد اجت البنيه
«،،هلا بيها
اني ماجنت متوقعه هو يريدنا ناخذ صور ليوم عرسنا ولا عرفت هو مرتب هالشي
اخذنا صور وجنت خجلانه منه والتوتر
زاد مانقص
وراها راح من يمنا لبست بدله العرس وشفت
نظرات الاعجاب بعيون خواته
وكامن يصلن على النبي
لان طلعت حلوه
كلش
طلعت وياهن طبيت القاعه الهلاهل اشتغلت
وره مشوار دانيه اجت شايله
كاب غطتني وكالت
«،،راح يجي هو واخوته وولد عمه
لميت ايدي بحظني اخفي رجفتها
ام فهد نزلت الكاب على وجهي وكالت
تضحك
«،،،ارشد كال مااريد اي شي يطلع منها
وغطوها زين
علكو اغنيه شايف خير ومستاهلها سمعت
الهلاهل عرفته طب رفعت عيوني جان جاي
وي اخوته فرحانين بي وكامو
يهوسون اله هم وولد
عمهم
وكفو بنص القاعه هو بالنص مبتسم صارت
هوسه ووالولد علگو الجو
وره مشوار هم طلعوا اجه ويا خواته وامه
امي يمي وخواتي دانيه كومتني ماباوعت
علي تفاجأتزمن ذب البشت مالته وغطاني بي وي الكاب كال
«،،يله ام فهد خلي نطلع لان تاخرنا جثير
«،،اي
لزم ايدي وحجه يم اذني
«،،يله يالغلا امشي
كادني وطلعنا بزفه حلوه هو ساعدني وكعدني
ليكدام اجه وصعد يمي اشوف
اهله حركو الجو بره
كلها سيارات حديثه وجانو هوايه كال
«،،دحكي عليه
درت وجهي علي صفن بعيوني وحجه
الوجه يضحك
«،،جانت امنيتي ازفج اليه وصارت
والله انطاها اليه
عيوني غوركت لان حجاها بفرحه جبيره
وعيونه تلمع من الفرح كمل
«،،،ياگبر فرحتي بيج
نزلت راسي اريد ابجي من ندمي لان رفضته
واخذت ذاك ردت وتمنيت
الوكت يرجع حتى
اخذه اله
حرك وطلع وكالها الا ازفج زفه حلوه
واخلي الكل يحجي بيها وصدك سواها
وصارت زفتنا تخبل
من طبينا الشارع مالتهم سيارتين صارت
من جهتي ومن جهته وطلعو شباب
وكامو يرمون
من خوفي مديت ايدي اله لزمها
وكال
«،،لاتخافين يبعد الروح
اخذونا بزفه لبيتنا جان مسافه عن بيتهم
وشفت هوايه رجال واكفه بره
وياهم ابوه اشر الهم
ومحد بعد كام
يرمي
طبب السياره للكراج دانيه اجت ورانا هي
وام فهد وعماتها امه وياهن نزل
واجه عليه فتح
الباب وكال
مبتسم
يله انزلي
لزم ايدي ونزلت طبيت للاستقبال مال
بيتي بزفه هو وياي بعدين طلع وره مشوار
خواتي باركن اليه هن وعماته وطلعن
ظلت بس دانيه وعمته وداد الي حجت اليه
قصتها وام فهد وامه
سمعت رمي بره وهوسه شباب عرفته
اجه وگلبي كام يدك
بجنون
حسيت الحراره صعدت لوجهي وايدي
عرگت،،،، بالكراج الشباب علگوها
امه طلعت هي وعمته
دانيه كالت بفرح
وعيون مغوركه
والله صار احلى عرس واحلى
زفه
ام فهد طبت واجت
خلت الكاب على جتفي وكالت
راح يجي ابويه
مارديت عيوني ظلت على الباب مااعرف
بشنو احس كلشي صار بيه خوف ارتباك قلق توتر خوف وشلت هم شلون راح اتصرف ويا بهل الليله
گلبي فز من طب يضحك ويا ابوه متت
من الخجل من شفت عمي نزلت
راسي ورفعت الكاب على
شعري
قربو من يمي عمي حجه
«،،مبروك بنتي وشايفين كل الخير
واسال الله ان يجعل ليلتكم مباركه
ويرزقكم الذريه الصالحه
الي تفرح گلبكم
ماكدرت ارد من خجلي هو كال
«،،امين يابه
ابوه كمل
«،ديربالك عليها لهاي الجوهره وخليها
بعيونك وانتي هم بنتي ديربالج
على ارشد وخلي بعيونج
لان ابني يستاهل
واحد يخلي
بعيونه
صوتي طلع وجاوبته
«،،ان شاء الله عمو
حظن ابنه وكله
«««مبروك يبعد ابوك وشايف كل الخير
شفته تاثر وابوه هم جاوبه
«،تسلم شيخ والله يخليك اليه ويطولي
بعمرك
باسه من ايده ابوه سحبها وباس
من عيونه كله
«««ويخليك اليه يالغالي
حجه هيج وطلع من يمنا دانيه باركت
النا هي وام وفهد وطلعن عمته
اجت وخلت ايدي
بايده وكالت
«،،،مبروك يمه وشايفين كل الخير والله
يرزقكم الذريه الصالحه الي
تفرح كلبكم
«،،،،امين عمه
امه كالت بنفس الخلقه
«،،مبروك وشايفين كل الخير
«،،تسلمين يمه
رد عليها كالت
«««اني رايحه اذا تحتاج شي خابر
شفت خلقته تغيرت بس ماحجه شي
طلعت من يمنا عمته
«،،،،زواج الدهر ان شاء الله والله يسعدكم
يايمه
«،،الله يخليج اليه عمه ويطول بعمرج
باسته متاثره وتريد بس تبجي دعت
النا هوايه وبعدين طلعت من
يمنا هو وياها
ظليت وحدي بالاستقبال رجع وره لحظه
طب مبتسم وسد الباب من
شفت النظرات درت
وجهي
وحسيت كل جسمي كام يرجف قرب مني
الما صار قريب كلش جنت
احس بنظراته عليه
ماحجه شي
وطول
باوعت علي الوجه فرحان هو
والعيون كال
«،،ابويه يگلي خليها بعيونك مايدري انتي
بعيوني من زمان
سكت وكمل
«،،وهالعيون اخيرا تكحلت بشوفتج بثوب
العرس الابيض بس
باوعت عليه من كال بس تفرس
بملامحي بنظرات لعبت بحالي لعب
وكمل
««بس والله انتي الي محليه الثوب
مو هو الي محليج
نزلت راسي هو بعد ماحجه شي وره
لحظه مد ايده وخر الكاب من شعري وذبه
ليوره حجه بصوت متغير
«،،شراح تسوين بيه بهل الليله
وضعي كله تخربط ردت اسحب روحي
منه ماخلاني جابني عليه
يردد
«،،وين يابه وين يبعد الروح
«،اارشد ااني
سكتت من نزل راسه وباسني من رگبتي
غمضت عيوني بقوه اخذني لحظنه
بهداوه وخر ولزم
وجهي بأيده
الاثنين
فتحت شفت الملامح تغيرت والوجه
صار دم والنظرات جانت
مركزه بعيوني
بعدين صارت على شفتي
كال
««،هينه راح اموت واحتيي
حجه هالكلام وباسني ولمني بقوه لصدره
ضعت بين ايده ودخت من
الكلام الي سمعته
ومااعرف الصار ولا شلون اني تجاوبت
ويا هو بكلامه الحلو وغزله خلاني اعيش ويا لحظات حلوه بعد ماجنت متوقعه
اني راح ارتبك ومااكدر
اكمل هاي الليله
ويا
يمامه
بهل الايام مهيب كام يحجي وياي على كد
الحاجه وبروده وسحب روحه مني
لا كام يتصل ولا يراسل
ولا بعد فتح وياي
الموضوع نفسه
كلت هذا يااما جاز مني لان جرحت كرامته
او عرف الي جان بي اعجاب رجال
ببنيه وراح من رفضته
وهالشي خلاني
ارتاح لان بطل
يلح عليه
رجع يدوام يطلع الصبح ويرجع وي
اذان العصر ومرات بليل يطلع وي
اصدقائه
العصر اذن وسويت جاي
جنت وحدي بالمطبخ سمعت الباب
انفتح كلت هو اجه ياره
اجت كالت
«،،حنين اكو كيك
«،،اي سويت الصبح
طب كالت
«،،هلو عمو
«،،،هلا ياره
ماريا اجت سلمت
«،،،هلو عمو الصاك
«،،هلا بنت اخويه الحلوه
«،،،ههه بله منو احلى اني لو ياره
عمو كول اني وضوجها لهاي الشايفه
روحها
«،،مالي خلقجن ولجن انتن وحده احلى
من اللخ وعوفني اروح ارتاح
«،،،لاا لحظه خلي ناخذ سلفي وياك
واصور فديو اخلي بالانستا
واكتب علي عمي
النقيب الصاك
ماريا حجت درت روحي شفتها وكفت
بصفه واخذت الهم صوره
ياره كالت
«،،اني هم عمو اليوم الي اخلي صديقاتي
بامريكا يزحفن عليك وكلهن
صاكات
وكفت بصفه تاخذ صوره رحت للسنك
غسلت كم حاجه ماريا
سالت تضحك
«،،عمو اليوم راح تجيك هوايه طلبات صداقه
«،،،ماأكول لاا بس بعد عمج اريدهن
حلوات مو جگمات وشايفات ارواحهن
نغزني ومشى من يمنا
الايام مشت وهو وضعه يوم عن يوم كام يصير احسن وعاف العوجيه وكام يمشي مثل قبل
وهم رجع يتمرن بالجم
ولازم جدول اكل خاص بي خاله ماجانت
تعرف تسوي اكله والحجيه طلبت
مني اسوي اله
بليل كاعده بغرفتي اتصفح تك توك
اجتني رساله منه فتحتها
جان جدول اكل
كاتب
«،،،هذا اكلي سوي مثل الجدول
بالضبط
«،،،تمام
ماكتب شي بعد راح قريت الجدول
جان مسوي اسبوعي وكاتب شاسوي
ريوك وغده وعشه وسناكات
رجع اتصل كتب
«،،الغده لازم يكون حاضر الصبح حتى
اخذه وياي
«،،تمام
ويا السناك شوفي اذا محتاجه شي
اكتبي حتى اجيبه
«،،بس شوفان ماعندنا
«،،تمام باجر اجيب وياي من ارجع
سالت
«،،البيض تريده اربعه بالريوك مثل ماكاتب
«،،سوي مثل مامكتوب
حسيته يأمر كمل
«،،الي كاتبه سوي مو صعبه عليج تفهمين
المكتوب
مارديت رجع كتب
«،،الريوك اريده قبل الساعه 8
والغده ويا اريده
جاهز
«،،تمام
ضوجني وراح ذبيت جهازي من ايدي
اعرفه ليش هيج كاعد يسوي
وتمنيت خاله تسمع كلامي
ونرجع للبيت
راح يظل يدوس بيه حتى
بس يقهرني لان رفضته
اني بهمي وقهري اذكرت راد غده لباجر
كلت هذا شوكت اسوي لازم
هسه احضره اله
جانت ساعه 12 كمت وطلعت رحت للمطبخ
جهازي بايدي اقره بالجدول
اول يوم صدر دجاجه واحد ويا تمن ماعون
صغير وخضار مسلوگه كلهن لازم
اسويهن بزيت الزيتون
طبيت طخيت واحد
بصدره رجعت
ليوره جان
هو كلت بسرعه
«،،،اسف ماا
قاطعني
«،«خير اشوفج جايه للمطبخ
«،،،،اريد اسوي وجبه الغده لباجر
«،«واني اكلها بايته
نتر صفنت علي كمل
«،،باجر اكعدي من الصبح وسوي الغده
حجه هيج ومشى وكف اندار وكمل
«،،اذا صعبه عليج تسوين الي اريده كولي
حتى اشوفلي وحده غيرج
«،،،لا مو صعبه
جاوبته مشى وراح لغرفته رجعت لغرفتي
كال
«،،جيبيلي مي
لزمت يده الباب بقوة نتر
«،،،سمعتي
«،،اي
«،،،،عجل ماجاوبين
ماباوعت علي رحت للمطبخ جبت بطلين
مي ومشيت لغرفته جان الباب
مفتوح هو كاعد ولازم
جهازه كال
«،،خلي على الطبله
خليتهن انداريت حجه
«،،اشو جايبه بطلين رجعي واحد
ماحجيت شي بس الغضب ترس ملامحي
رفعت روحي عيوني صارت
بعيون الخزره بيهن كال
«،،بعد وبعد والله الا اخليج تكرهين روحج
واليوم الي اجيتي بي لهل الدنيا
درت وجهي منه اردد بداخلي
«،،اني من زمان كارهه روحي واليوم الي اجيت
بي لهل الدنيا ومو محتاجه الك
حتى تجي وتكرهني بيهن
جهازه دك نتر بي
«،،ااطلعي وسدي الباب وراج
طلعت من يمه وسديته بدون مااباوع علي
رحت لغرفتي كعدت هناك مخنوكه ودمعتي بعيوني ومقهوره من الكاعد يسوي
بيه ومااعرف شلون راح
اتصرف ويا اذا
ظل هيج
يتعامل
وياي
لا عيوني غفت ولا كدرت انام غفيت ساعه
وكعدني المنبه كمت غسلت ورحت للمطبخ
سويت مثل ماراد جهزت اله الغده وخليته بحافظات
عمو جان يطلع بنفس وقته وكفت احضر
الريوك طب
«،،صباح الخير بنتي
««صباح النور عمو
«««ها اشوفج كاعده من وكت
«،،سويت غده مهيب
«،،ها بس ليش هسه جان بليل سويتي
وحضرتي اله
هو طب كال
«،،،صباح الخير يابه
«،«هلا ابني صباح النور
سال
«،،،،الريوك جاهز
«،،اي
خليت ريوكه كعد كلت
«،،عمو اطك البيض الك
««اي بنتي سوي هسه اروح اشرب حبايه
المعده واجي
راح من يمنا وظلينا وحدنا كال
«،،،جايج
اخذت القوري وصبيت اله بالكوب
حجه بدون مايباوع عليه
«،،تاكدي من المسواك مالتي وشوفي
خاف تريدين شي ثاني دزي
اليه
«،،،تمام
«،،الغده جاهز
«،،اي
«،،سويتي نفس الجدول
«،،اي
«،مااريد اي غلط بالاكل
«،«ماكو اي غلط
جاوبته ورحت اطك بيض لابوه طب
كال
«،ريوكج بنتي
«،،اي عمو
طكيت اله بيضتين وخليتهن كدامه
هو كام وراح غسل رجع كال
«،«وين الغده
«،،هاي العلاكه
اخذها وكال
«،،،اني رايح يابه
«،الله وياك ابني
اليوم مر بسرعه والعصر اجه هو رجع كعد
يحجي وي خاله ارؤى اني
طلعت رحت للماطور
علكته اشوف
المي اجه
جان جاي اخذت الصونده وفتحت البوري
سگيت السنادين وغسلت الكراج
عمو اجه من الجامع
سال
«،ها اجه المي
«،،،،اي عمو
«،،،الحمد لله عود اسگي السنادين البره
«،،اي هسه اسگيهن
طب لجوه طلعت سگيت السنداين حارث
اجه بسيارته وكف يم بيتهم
نزل وسلم
«،،،،شلونج حنين
«،،،،هلا اخويه
«،،،عبالك اجه المي
«،،،،اي الظهر اجه
«،،الحمد لله من اجه لان دحنا بهل اليومين
من انگطع
حجها يضحك ابتسمت وماحجيت
شي ردت ارجع لجوه سال
«،،،مهيب كام يدوام مو
«،،،اي
«،،وضعه صار زين
«،،،،اي الحمد لله صار زين
«،،الحمد لله والشكر
حجه هيج وكمل
«،،،،،سلامي اله
«،،،يوصل
طبيت سديت الباب والبوري
لميت الصونده وخليتها بمكانها رحت للمطبخ ياره كاعده ولازمه جهازها ويمها امها وخاله ارؤى
مشيت للصاله هو جان واكف ويباوع
للشاشه مال الكامرات
حارث جان بعده بره يم سيارته ينزل
كم حاجه
«،،،حنين خما انگطع المي
الحجيه سالت دار وجهه عليه شفت الخلقه
مگلوبه والخزره بالعيون
«،،لا خاله
جاوبت ومشيت لغرفتي طبيت اذكر
كلامه وتهديده اليه
وره المغرب طلع تعشينا هو ماكو اني
كاعده وياهم ياره كالت
«،،بيبي جدو احزرو عگب باجر عيد ميلاد منو
«،،،،انتي
ماريا حجت بضحك
«،،،عاابت الا تخربين ام اللحظه
خربت ضحك وردت
«،،لازم اخربها مااكدر الا اضوجج
«،،شفت جدو والله تغار مني
«،،عوفج منها وكولي شتريدين
هديه يبعد جدج
ياره باوعت لماريا وسوت دوده
كالت بزعل
«،،هيج جدو صرت وياها عليه
«،،لا مو انتي هم راح اشتريلج وياها
«،،،عاااشو
ماريا صاحت واجت باسته من خده يارة
كالت
«،،جدو اريد اسوي حفله جبيره كلش
واعزم خالاتي وبناتهن وها هم خوات خاله
ارؤى والبنات
«،،اي يابه ليش لااا وشوفي شتحتاجون
للحفله واني حاضر
«،،لا يابه اني اسويها الها
عمو منير حجه گله
«،،لا والله محد راح يسوي حفله ياره غيري اني
والا اسويها توب التوب ووياها تجيها
اغلى هديه
«،،تسلم عمو والله يخليك النا
امها جاوبته كملنا عشه وجلفت المواعين
اني ويااهن ماريا كالت
«،،،لازم نشتري بدلات ونروح صالون
«،،اي لعد شلون لازم باجر نروح للسوك ونشتري
اليه والج ولحنين
صفنت عليها كلت
«،،اني ليش
«،،ليش انتي ماتريدين تحضرين حفلتي
«،،اي بس يعني مايحتاج بدله انتي تعرفين
الوضع
«،،ياوضع
سالتني وباوعت لماريا كالت
««حنين تره والله لا احنا ولا بيت جدو نشوفج
مثل ماانتي تشوفين روحج
سكتت كملت
«««والله جدو وبيبي معتبريج مثل بنتهم وانتي
شفتي شلون يحبوج ويريدون خاطرج
«،،اعرف بس اني يعني مااريد اسبب الكم
احراج ااو
ياره قاطعتني وكالت
«««بله اسكتي تره هذا الكلام مايمشي عدنا لان
احنا ناس مثقفه ونعرف شغلج مو
عيب
مارديت كملت مبتسمه
«،«يالون بله بالج وتحبي
«،،يلوك الها الاسود بي لمعه لان هي حنطاويه وبيها شگار او لون رماني
«،،،باجر نروح ونشوف شنختار اني بالنسبه اليه
اريد اخذ لون بنفسجي فاتح وها خلي نشوف عمه ميسون حتى تاخذنا لصالون توب
«،،اكلج كملي،بسرعه حتى نروح نلعب بوبجي
من حجت ماريا اجه بالي منتضر لان جان
يلعب هاي اللعبه ذبيت حسره
وحسيت بروحي اختنگت
لان جنت مشتاگه
اله واريد بس
اشوفه
«،،،حنين تعرفين تلعبيها
«،،ها يعني
«،،ههه انتي نوب
منتضر هم جان يكولها اليه من العب بجهازه
واخسر جاوبت
«،،اي
«،،اكلج خلي نزلها الج حتى نسوي فريق اني
وياج ونسحك فريق باسل وآسر ورواد
«،،مو اني مو هلكد بيها
«،،تتعلمين يمعوده ياره جانت زيرو بيها وهسه
كامت تفوز على فرق
باوعت الها عدلت ياختها وكالت
«،،احم
«،،،وانتي مو شويه شفناج بالواقع شلون
جنتي لازمه المسدس وتضربين بي
وانقذتي عمو مهيب
«،،مو اني ماعندي مجال حتى العب وياكم
«،،«يمعوده احنا بليل نلعب وانتي ماعندج شي
بهل الوقت
«،،يله حنين كولي اي حتى نزلها الج
ونلعب
««،تمام بس يعني مو اضوجن مني اذا خسرنا
ماريا ضربت على جتف ياره وكالت
«««ويانا شرسه وبس ونخسر
ابتسمت كملت تاشر لروحها
«،،،،واني ظل القمر
«،،،والله حلوات الاسامي
«،،ههه وانتي شراح نسميج ها صدك
نفس اسمج بالفيس سحر العيون
كملنا شغل وكعدنا بالصاله وي بيبي
وخاله ارؤى يمامه بحظنها وخاله اعتماد
تخابر وتعزم بخواتها على عيد
ميلاد ياره عمو راح للكهوه
ويا ولده
نزلن اليه اللعبه وبدن يعلمني شلون العب
باسل حجه يضحك
«،،،ههه وجان تجينا نوب الخ
«،،«ليش الاولى منو
ماريا سالت بضوجه رد
«««ههه انتي
«،،اعلمك بس تنزل بوشنكي الا اخلي طلقه
براسك
«،،،اي نعم خاف اني اخليها براسج
«،،،اسم الله يمه شنوه هالحجي وشنو هاي
بوشنك
الحجيه سالت باسل رد
«،،ههه بوشنگي بيبي مو بوشنك وهاي
لعبه نتعارك بيها بالسلاح وواحد يقتل اللخ
«،،،اي مو احنا عايزين قتل تره شبعنا موت
وشبابنا راحت جوه التراب من
وره الحروب الي ماعاد
نخلص منها
حجت بقهر آسر كال
«،،وين نروح بيبي نلتهي بيها هاللعبه
«،اي التهي وخلي عيونك تروح منك
عض شفته وغمز على امه ملتهيه تلعب
وي يمامه وتحجي وياها
رواد كال يضحك
«،،ملتهيه بحمامه كش عاع
««،،هاا عبالك تحجون عليه
خاله ارؤى سالت باسل رد خربان ضحك
«،،لا ماما مو يمج التهي بحمامه
«،،يمه فدوه شوفها تباوع عليكم وتضحك
هالبنيه عبالك معجونه بعسل
حجت هيج وكامت تبوس بيها
وره مشوار ورحت للمطبخ اريد اخلي التعلوله
غسلت فواكهه وطلعت بقلاوه اني اشتغل باب المطبخ انفتح هو طب يدخن
والخلقه مگلوبه
انداريت ولهيت روحي اخلي بالمواعين
راح للبراد شرب مي
سال
«،،حارث شحجه وياج
جنت متوقعه راح يسالني هالسؤال
جاوبت
«،،سال عليك
«،،والي يسال يضحك وانتي تضحكين
اله
سكتت نتر
«،،ماجاوبين
ماريا اجت شافته كالت
«،،،هلوو عمو الصاك
درت روحي رد
«،،هلا ماريا
«،،،اامشي تعلل ويانا والعب ويانا بوبجي
«،،مالي خلك اريد اروح ارتاح
جاوبها ومشى من يمنا اجت ليمي
حجت
«،،،عمو مهيب صاير كآبه
مارديت شلت الصينيه وديتها ليم الحجيه
خاله ارؤى كالت
«،،بنتج نامت
«،،اي هسه اوديها للغرفه بس اجيب
باقي التعلوله
«،،مهيب اجه
الحجيه سالت رديت
«،،،اي
«،،،سويلي تعلوله ووديها اله
«،،،خاله هو عنده نظام وبعد ماياكل
«،،،،ها هم صدك والله صايره انسى
هوايه هالايام
آسر حجه بضحك
«««ههه بيبي صايره اولد ومن
«،،،،هااي شنو ولك عبالك جاي تحجي
عليه
ردت علي ماريا ترجمت
«،،ههه قصده مريه جبيره
«،،اي والله يايمه كبرنا وصرنا عجايز
كملت الهم التعلوله وشلت يمامه وديتها
للغرفه طبيت بدلت الها الحفوظه
وخليتها بفراشها
طلعت اريد اذبها بره بالحاويه واغسل شفته رايح للحمام لابس بس برموده وماكو فانيله
بسرعه رجعت لجوه
هاي اول مرة اشوفه هيج وخجلت كلش
وحسيت خدودي اشتعلت نار
وره لحظه مديت راسي جان ماكو طاب
طلعت ورحت للمطبخ خليت الحفوظه
بعلاكه ومشيت لبره ذبيتها
بالحاويه الي بالداخل
كلت خلي اشوف باب الجانبي مقفول رحت
علي جان مقفول باب المنور انفتح طلع هو بنفس
ملابسه الخاولي على جتفه
جمدت بمكاني سال
هاي انتي
ها ااي
كمت مااعرف احجي وجنبت اباوع اله
جنت اريد ارجع بس هو جان
واكف بنص الممر
كلت
«،،،،اريد اروح
«،،ماكلتي شحجه حارث وياج وخلاج
تشگين حلگج وتضحكين
حجاها بنبره غضب جاوبته منزله
راسي
«،،ماحجه شي
سكت وبعدين سال بصوت متغير
«،،،اكو شي بينكم
رفعت راسي وخزرته بغضب صفن بعيوني
وحجه
«،،لا ماكو لان انتي بارده وثلج حتى گلب
ماعندج
درت وجهي منه وجاوبته
«،،اريد اروح لجوه
قرب مني رجعت ليوره سأل
«،،ليش انتي هيج ليش هالبروده معقوله
ماحبيتي بعمرج ماحبيتي رجلج
ابو بنتج
««،لااااا ماحبيته ولا راح احب اي واحد
نترت بي بغضب وعيون مغوركه
وكملت
«،،،ووخر عاد خلي اولي لجوه
«،،هذا شسوه الج وخلاج هيج تكرهينا
«،،مايخصك هالشي
««،،هذا ماايخصني بس وكفتج ويا باب
بيتنا وتضحكين ويا هاااي
تخصني
رد بعصبيه وكمل
«،،وااياج بعد اشوفج واكفه ويا وتحجين
ضرب على راسه بقوه وكمل
««،خليهن راكدات يولي لا من صدك اطلعهن
عليج
«،،انت شتريد
سالت سكت وطول رفعت راسي خله عيونه
بعيوني رد بملامح مطعونه
«،،اريدج تحسين بس هالشي ماراح يصير ابدا
لان انتي ابرد من القطب الشمالي
حجه هيج وطب وسد الباب وراه
بقوه
ردت اصيح بوجهه اكله اني ليش،هيج
صرت اطلع الي بگلبي بس
ماكدرت والسبب
نفسه
جريت روحي بهمومي الثكيله ورجعت لجوه
رحت لغرفتي دمعتي بعيوني طبيت
هناك بجيت ودعيت على
اهلي بحرگه گلب
ومثل كل يوم اكعد امثل القوه واني زينه
ومابيه شي وبداخلي طفله تبجي
تريد حظن واحد حنين
ياخذها لحظنه حتى تحس
بالامان
جنت اشوف هالشي بي لان عرفته هو يحبني
من كل گلبه بس ماكدرت احجيله
وشاحجي واني جذبت
عليهم هاي الجذبه
الجبيره
ولو حجيت وكتله منو اهلي وشنو قصتي وقبل
بوضعي وارتبط بيه راح يرتبط بيهم غصب
بحكم اني بنتهم وهم اعرفهم ماراح
يعوفني بحالي من يعرفون منو
هو واهله شنو
الاحسن اسكت واظل رافضته وهو وي
الوكت راح ينساني ويشوف
وحده غيري
بهل اليومين التهينا بتحضير حفله عيد
ميلاد ياره العصر ام احمد اجت اخذتهن هن
وخاله ارؤى واعتماد للسوك رادني
وياهن طلعت حجه السياره
ماتكفي
واني جنت مااريد اطلع سوك ومكان بعيد
اخاف لا احد من اهلي يشوفني
واوكع بأيدهم وتنكشف
گذبتي
راحن ورجعن بليل كعدن بالصاله اني جنت
بغرفتي اسوي ممه ليمامه حتى
ترضعها الحجيه
ماريا صاحتني طلعت كالت
«،،تعالي شوفي شجبنا الج
شالت فستان اسود بي لمعه يخبل بس
جان مكشوف من الجتف وبي فرو ناعم كلش

سألت
«««حلو مو
انطيته الممه للحجيه وكلت
«،،اي بس يعني مو مكشوف
«،،عادي يمه تره محد راح يشوفج بي عمج والولد
راح يطلعون يتعشون بره ويتعللون
ومهيب عنده خفاره
الحجيه حجت ياره كملت
«،تره احنا هم اشترينا نفس الشي وهي حفله
بنات وكلها راح تلبس هيج
سكتت خاله ارؤى كالت
«،بله روحي شوفي وقيسي حتى اذا
صغير ابدله الج وشوفي الحذاء
هم
«،بس هيج زحمه خاله
لا مو زحمه رحمه وحالج من حال بناتنا
ويله امشي شوفي قياسه
ردت عليه بزعل
ماريا جابتهن اليه اخذتهن رجعت لغرفتي
سديت الباب اباوع علي متردده
البسه
لان عمري مو لابسه هيج لبس بس
كلت عيب افشلهن وهن اشترنا اليه وجابنا
فرحانات بي كلت خلي
اشوف روحي بي
لبسته اجه عليه فليت شعري طولان وواصل
لرگبتي لبست الحذاء وجان كعب
عالي
رحت للمرايه بالكنتور صفنت على روحي
وابتسمت بقهر لان شفت وحده ثانيه
كدامي مو يمامه الي اعرفها
والي عاشت سنين ضياع
بالشوارع وخلتها
تنسى هي بنيه
حسيت بهذا الاحساس من
لبست هذا الثوب الحلو والانيق والغالي
وردت اجرب هالشعور وي بنات بعمري وصار
هالشي رحت وياهن صالون خاله اعتماد
كالت حفي حواجبج لان ثخان
كلش ورتبيهن
ماكلت لا البنيه سوتهن اليه وحفت وجهي والخ
سرحت شعري وخلت مكياج فاتح
بس برزت عيوني
بكحل
من كملت الكل صفن عليه وشفت نظرات
الاعجاب بعيون خاله ارؤى الي
كالت لخاله اعتماد
«،،،،شوفيها شلون طلعت تخبل
«،،اي صلاوات على النبي هي حلوه ومن
حفت وخلت مكياج طلعت عبالك
لعابه
«،،تره راح ننغار من عدها لحنين
ماريا حجت بضحك
خجلت من عدهم وماحجيت شي
رجعنا وي خاله ارؤى لان جانت تعرف تسوق
من شافتني الحجيه صفنت عليه
هي وخاله ام ياسين
سالت
«،،هاي انتي حنين
««،،ههه لا شبحها
ياره جاوبت الحجيه كالت
«،،يمه صلاوات على النبي عبالك طالعه عروسه
«،،بس العريس منوو
ماريا سالت ردت
«،،،والله يايمه ربحان الي ياخذ حنين ويخليها
بيته هم خلقه وهم اخلاق وام بيت
معدله
«،،اروح اشوف يمامه
حجيت خاله ام ياسين ردت
«،،نامت يمه انتي بدلي لان ماظل شي ويجون
الخطار
««،يله بسرعه امشن بدلن واحنا وياجن
خااله اعتماد حجت مشيت للغرفه شفتها
نايمه وترضع بدلت ولبست سوار
الذهب والكلاده
بس استحيت اطلع كعدت اعدل بثوبي
مره وبشعري مره ثانيه واباوع
لروحي بالمرايه وره مشوار
صارت هوسه بره وصوت دي جي اشتغل
ماريا طبت كالت
«««يله تعالي اجوي الخطار
«،،ها اي روحي هسه اجي
اجت جرتني من ايدي وكالت
«،،اامشي وياي اعرفج خجلانه من عدهم
طلعنا سوه ورحنا للاستقبال جنت اعرف
خوات خاله ارؤى واعتماد وبناتهم لان اجوي
عليهن اول مااجوي من السفر سلمت
عليهم وكعدت يم الحجيه
هم شفت نظرات الاعجاب
بعيونهم
وره مشوار كمت اشوف يمامه خاف كعدت
من الصوت رحت للغرفه فتحتها
رشفتها نايمه ردت
ارجع ياره طلعت
كالت
«،،،حنين بدربج جيبلي جهازي خالته على
الشحن بغرفه عمو مهيب
«،،تمام
جاوبتها فتحت الباب كلت
«،،هسه اجيبه الج
طبيت رحت اخذته من الميز انداريت
فزيت وشهگت بخوف من شف
شكرا لزيارتكم عالم روايات سكيرهوم
