رواية اغفري لي الفصل الخمسون بقلم أوتار حزينة
خـل اصـفن عــليك
شعـندي غـير عيـونك
دنيـاي بـدونك عـتمه
وكل نـوري مـن جفونك
مهيب
جان المفروض اليوم خفارتي بس ولد وياي خابرني كال باجر عنده عزيمه عشه ويريد ياخذ مكاني واني باجر استلم خفارته سلمتها اله
ورجعت للبيت
وصلت بيت اهلي نزلت سمعت صوت الدي جي جانت حفله عيد ميلاد ياره كلت مااطب من الباب الرئيسي خاف اكو احد بالكراج او المطبخ رحت للباب الجانبي فتحته وطبيت فتحت باب المنور
مشيت اسمع الاغاني والبنات عالكات الجو
دحكت للصاله و احد مشيت لغرفتي فتت
سديت الباب ذبيت هدومي ورحت للزوايه اخذت كلابيه لبستها الباب انفتح وصوت حنين
حجه
«،،هسه ااجيبه الج
طبت ماشافتني ،،،راحت للميز گلبي فز وكلشي
تخربط بيه من شفتها شلابسه وشلون طالعه
اندارت شافتني شهگت بصوت وصاحت
«،،يمممه هاي منين طلعت
صفنت عليها مذهول وگلبي انلعب بي لعب من شفتها شلابسه وبهتت حتى صوت ماطلع من عندي من مشت بسرعه،،،تحركت سديت
الباب قفلته ووكفت
كدامه
رجعت ليوره ادحك عليه بخوف
حنين
فزيت من شفت مهيب كدامي ردت
اطلع تحرك بسرعه وسد الباب
وقفله
گلبي كام يدك سريع ورجعت ليوره من
شفت النظرات تغيرت هي والخلقه
رد يتفرس بيه من فوك
ليجوه بنظرات
كلها اعجاب
ولهفه
«،،ولج انتي الي منين طلعتي اليه
ردت شي استر روحي بي من نظراته شفت
ستره الدوام مالته على الجربايه
شلتها بسرعه ومن كل عقلي
خليتها على شعري وجتفي
حجيت بغضب
«،،وخر خلي اطلع
«،،،وين تطلعين يابه وانتي صرتي هنا
خله ايده على كلبه وكمل بصوت متغير
«،،،فهميني اني شلون راح اطلعج منه ومن هذا
اشر لراسه ردد
«،،علميني يولي اني شلون اكدر اطلعج منهن
سكت بعدين ون
«،،اخ ولج اخ كلت خلي ادوس على گلبي وانساج تالي هو داسني وماخلاني اطلعج منه
مشيت وكف كدامي حجيت بعصبيه
«،،،شلوون وياك تريد تفضحني انت
«،،،ولج حني عااد وارحمي بحالي
حجه بصوت مخنوك وكمل بتوسل
«،،،،ارحميني حنين وكولي اي تره راح اموت
بحسرتج
«،،،،،الله يخليك افتح الباب وخليني اروح
والله غلط وجودي وياك واني
بهل الشكل
«،،،انتي بايدج تخلي مو غلط بس كولي
اي واني اصيرلج اهل وسند وعز ومال
«،،،،والله ماااكدر افهم انت راح تتعب من ورايه
لان الفرق بيني وبينك جبير
«،،لج ااانتي الي افهمي عااد اني راضي بگلشي يجي من وراج وراضي والله بوضعج بس اانتي كولي اي
رد بوجه مطعون وكمل
«،،،،حنين كافي تعذبين بيه والله تعبت واني
اريدج
حجه وقرب عليه رجعت ليوره بسرعه انطخيت بالجربايه وكعدت ردت اكوم اجه عليه بخفه
كعد يم رجلي على رگبته وخله ايده حاجز
حتى مااكوم صار قريب مني كلش
كمت وجهي انطخ بصدره رجعت كعدت
صحت بي
«،،مهيب وخر مني والله مااريد اضربك
لزم ايدي ردت اسحبها منه جلب بيها بقوه
خلاها على خده وكال صافن
عليه بنظرات مااعرف
شسوت بيه
«،،اضربيني شتريدين تسوين بيه سوي
والله راضي بكلشي يطلع منج بس كلمه لاا
لادكوليها
حجه بتوسل وعيونه غوركت توسلت
بي
«،،بس خليني اطلع
وخر ايدي من خده ،، وباسها وشمها بنفس
طويل ردت اتحرك اضربه ارفضه
مااعرف شصار بيه ردد
وهو يبوس بيها
«،،كولي موت ولا دكولين عوفني روحي بايدج هااي
خلاها على گلبه جان يدك سريع
كمل
«،،،بايدج هاي تخليني اعيش وتخليني اموت
دموعي نزلت من شفته يتوسل بيه بملامح
كلها قهر كمل
«،،،،،حبيني ولج مثل مااحبج والله عفت كلشي
لخاطرج ولخاطر هاي عيونج الحلوه
سكت من اختنك وكمل
«،،،من شميت عطرج بذاك اليوم واني انتهيت
گلبي الكام يفكر مو عقلي حسيتج صرتي اليه اقرب من النفس بس
عيوني بعيونه وكمل بقهر
«،،بس انتي صرتي ابعد من الحلم
سحبت روحي منه وكمت هو كام وياي
مقهوره علي وعلى
روحي
لان ماكو هيج رجال يذل روحه لبنيه لو ما
يحبها من صدك صارت حرب بداخلي اريد
اكله اي ومرة لاا بس گلبي مال
اله ورفض يسمع عقلي
نسيت او ردت انسى اني منو وبنت منو وشنو قصتي وردت اعيش ويا قصه حب حلو
باوعت علي ينتظره جوابي بلهفه كلت
«،،لا اني مو ابعد من الحلم
الوجه ضحك سال
«،،،،يعني شنو
نزلت راسي وجاوبت
«،،،يعني انت تستاهل اني احبك
«،،واخيرااا كلتيها
صاح بفرح وقرب عرفت شيريد
اشرت بأيدي وخزرته
«،،ولا خطوة مهيب
ابتسم ورجع فزيت من يده الباب تحركت وصوت خاله ام ياسين حجت
«،،حنين يمه وينج
بدون شعور رحت علي دفعته للكنتور
كام يفتر بمكانه واني ادفع بي
ويسال
«،هااي شدسوين
«،،طب جوووه بسرعه راح يشوفونا سوه
««،ولج بس اوكفي
ماكو تخبلت فتحت الباب مال الكنتور
ودفعته لجوه هو مذهول ومايعرف
شيسوي او شنو يحجي
سديته علي
مشيت،،، فتح الباب كال
مبتسم
«،،،الستره فوك راسج
شمرتها يم الزوايه اخذت نفس وذبيته
فتحت الباب وكلت
«،،ها خاله
«،وينج يمه ووين جهاز ياره
«،،،،ها مو الستره اقصد جان مو شاحن غير شويه
وانتظرته يشحن
الحجيه صاحتها كالت
«،،جيبي وودي للبنيه
«،،تمام تمام
راحت من يمي رجعت اخذت الجهاز اريد
انهزم اني وثوبي المشلح من يمه
فتح الباب طلع راسه
صحت بي
«،،طب جوو
ضحك اخذلي تحيه ورد
«،،،حاضر سيدي
طلعت من يمه گلبي يدك بجنون مبتسمه
واحس بشعور اول مره احسه
وفرحانه كلش
انطيت الجهاز لياره ووكفت اباوع للبنات شلون
يركصن ماريا اجت جرتني من ايدي
وكالت
«،،تعالي اركصي وياي
«،،،لاا مااكدر
سحبت روحي منها كالت
«،،،والله ازعل عليج اذا مارگصتي وياي
ياره دفعتني للنص جانت اغنيه العب وحدك حبيبي
بالساحه هي كامت تهز كدامي
صاحت تضحك
«،،العب
جنت فرحانه بي ونسيت خجلي رگصت وياها
تهز واهز وياها بس اني اعرف اكثر
منها
صرت اكبالها هي تهز جتف واني وياها
الجو اشتعل ماعفنا الرگص
الا خلصت الاغنيه
مهيب
اروح واجي بالغرفه فرحان كلش والضحكه
تارسه وجهي اردد وي روحي
ومو مصدك السمعته
منه اردد
«،،،ولك كالتها كالت احبك
سمعت اغنيه العب بالساحه كمت اهز جتف
واطك اصبعتين فرحان كلش
واحس اني بهل اللحظه
اسعد انسان
سمعت الهلاهل وصوت البنات صار عالي
كلت
«،،علك الجو العب وراح اعلگها وااخذج ياام
عيون وكحه
كعدت كمت اريد اروح عليها اتاكد من
السمعته وصلت الباب كلت
«،،،ولك ارجع وين رايح مو قبل شويه ضمتك
بالكنتور حتى محد يشوفك
خربت ضحك من اذكرت الموقف رجعت
اهز واطك اصبعتين
«،،،يممه من العرمه ماالتي والله راح تلعب
بحالي لعب بس بارد على گلبي
كلشي سوي بيه
رجعت كعدت انتظر هالحفله تنتهي واضحك
وي روحي مثل المخبل
يمامه
الحفله خلصت والخطار راحو مشيت لغرفتي مبتسمه واحس بفرحه جبيره بگلبي باوعت
لغرفته اذكر كلامه وياي وشلون
ضميته بالكنتور
طبيت بدلت سويت
ممه ليمامه لان كعدت واخذتها
خاله ام ياسين يمها بالمطبخ رحت عليها
شفته كاعد وخالها بحظنه شافني النظرات تغيرت ابتسم وكال
«،،،اليوم شلون راح انام بعد السمعته
خزرته وعضيت شفتي
هو هم عض شفته وكمل بعيون
وكحه
«،«اموت بهل الخزره واضيع بهل العيون
«،،كاافي
جاوبته بخوف ماريا طبت تهز شافته
كالت
«،عموو وينك اليوم احترك الجو
جان ناقصها بس انت
«،،شغلي اغنيه شايب دگلي واني اعلكلج الجو
«،،العب والله لاسويها ووولج ياره
وينج عمو مهيب راح يعلك الجو اليوم
راحت من يمنا بسرعه هو كام جاب
يمامه ليمي انطاها اليه مركز
بعيونه على وجهي
اخذتها من بسرعه وكتله بخوف
ابدا مو مفضوح
ضحك بصوت وكال
شغلن الدي جي بعد عمجن اليوم اشوفجن
الشايب شراح يسوي
طلع من يمي الكل التم بالصاله اخوته ابوه
وام احمد وولدها شغلو اغنيه
شايب دكلي جان متقصد
هالاغنيه
وكفت يم باب المطبخ الداخلي اباوع علي
يهز وي ولد اخوته والبنات وعمو مفيد
نزل للساحه وابوهم يركص
ويفر السبحه
من سمعت هاي الاغنيه اذكرت حنين وشلون
رگصت اني وياها عيوني غوركت
حسيت شي طفى
بيه
انسحبت من يمها ورحت لغرفتي كعدت هناك
يمامه بحظني وارضعها صافنه
عليها ودمعتي نزلت
وره مشوار جهازي دك جان هو فتحت
الخط سال
«،،بيج شي
«،،،لا
««عجل ليش رحتي من يمنا
«،،اريد انيم يمامه
«،بس اني شفت عيونج غورگت ومشيتي
مقهوره من يمنا
«،مابيه شي هيج شويه تعبت
«،،اكيد حنين
«،،اي
«،،،ارتاحي لاتسوين شي
سكتت كمل
«،،اليوم اني اسعد واحد بالكون
وفرحتي بيج كلش
جبيرة
«،،تعرفين شسويتي بيه من كلتي اني
احبك خليتني افتر بالغرفه واضحك
وي روحي مثل المخبل
سكت وكمل بضحك
««بس خاله ام ياسين الي مااعرف شادعي
عليها خربت ام اللحظه وخلتج
تضميني بالكنتور
اذكرت شسويت وخجلت منه كلش
ردد
«««بس تعالي جااي ولج هااي شلون طالعه
خبلتني من شفتج شلابسه
وشنو هالشعر وين جنتي
ضامته عليه
«،،اروح
«««لاا وين رايحه اليوم ماافكج للصبح
اريد احجي وياج اطلع الي
بگلبي
ومهيب طلع الي بگلبه ردت اني هم احجيله
قصتي بس عبالك واحد يگلي لااا
راح كلشي يتغير وتخسرين
حبه وحب اهله بس
يعرفون انتي منو واهلج
شنو
جنت اسمعه يحجي وياي فرحان بيه
كلش واني احس بشعور صيطر عليه بقوه
هالفرحه الي احنا بيها راح يجي
يوم وتنگسر
ليلى
سويت سونار وعرفت بيه ولد هالشي
شفت فرحته بعيون قائد واهلي
وخصوصا بابا كال
بعيون مغوركه
«،،هذا اليه بس يجي اني اربي
«،،اي والله ادم مالتنا اني وابوج وبس
يجي ناخذه منكم
قائد ضحك غمز اليه ورد
«،،،ههه اخذو مااكول لا حتى الجو يخلى اليه
اني وليلو
خجلت لان حجاها بوكاحه وكدام بابا وماما
من صعدنا لغرفتنا كتله
«،،انت ابدا ماادوس بريك بالكلام تحجي
لو كاعد بنص عشيره
«،،هههه على اساس ابوج مايعرف شكاعد يصير
فوك
فكيت عيوني وصحت
«،،ولك عييب استحي على روحك
«،،منين استحي منج
جاوبني وقرب العيون وكحه والخلقه تضحك
جرني علي كمل من حظن خصري
««،غشيم حجي فاروق ومايعرف اني
لاعب طوبه بنته الحلوه
ضربته على صدره بهدواه كال
«،اوي الحكيني ماما سعاد اني جاي اتعنف
ضحكت هو ضحك وياي وكال
«««الكرش جاي يهتز
وخرت وكلت
«««عاابت الا تصنف
حظني من وره وجابني على صدره رد
من خله وجهه بركبتي
«،،والله احبج انتي رشيقه وانتي مدعبله
دارني علي سكت صافن عليه ردد
«،«فرحان يولي وفرحتي بيج وبابني بس
الله يعرف شگبرها بگلبي
«،،واني هم واريده يطلع يشبهك بكلشي
«،،عجل راح يعنس
«،،ههه ليش
«،،،لان ابوه مو حلو
صفنت علي وجاوبته هايمه بي وحابته
حب جبير
«،،بس انت بعيوني احلى الرجال
نفخ روحه كلت بسرعه
«،،بس اني احلى منك بهوايه
«،،،هههه
خرب ضحك كملت
«،،،اي ديربالك تصير مغرور
حظني لصدره وكال
«،،،اني صاير مغرور بيج انتي لان هيج
جمال حب هيج خلقه
اشر لروحه بسته من خده وجاوبته
«،،،واني اموت بهل الخلقه السمره واعشگ
كلشي بيها
بسته من رگبته وشميته منها بنفس
طويل حجه بصوت متغير
«،،،اي وبعد
«،،بعد ماكو شي
جاوبته اضحك مشيت شالني وكال
«،،لا يابه بعد وبعد
خربت ضحك خلاني على الفراش كام
يبوس بيه يردد
«،،،ابوج مو يريد ادم خلي نشد حيلنا
حتى نسوي الخ النا
«،وولك هو اني بعد جبته حتى اسوي الخ
«،،خلي بالاحتياط
فحطتت من الضحك هو وياي وخر شعري
من وجهي وصفن بعيوني باسني منهن
ومن خدي وبعدين شفتي
حظنته وبادلته لهفته
ثاني يوم بليل خابرت غاده وبشرتها بيه ولد
كالت
«،،،هاا مو كتلج بيج ولد سونار رانيه
مايغلط
«،،ههه والله صدك بس اكلج هي شطلع
بيها مااخذت سونار
«،،اخذت وطلع هم بيها ولد
«،،،ياكلبي هسه فرحت هي وجعفر
««،طاروا من الفرح ووكلنا فرحنا الهم وان شاء
الله ادكومن بالسلامه وتفرحن بولدجن
«،،امين
جاوبت هي سالت
«،راح تسوين عمليه مووو
«،،اي لان الدكتوره كالت انتي
ماراح اجبين طبيعي عندي ضيق
بالحوض مثل ماما
«،،يله احسن والله الولاده الطبيعيه
يموت وجعها
«،،اي بس هم العمليه مو بسيطه وانتي
تعرفين القصيريه بعد
«،اي والله سبع طبقات راح تنفتح يله يشرف
سيد ادم
«،،اكلج غيري السالفه كمت اخاف
«،هههه لاتخافين هاي ساعه المنسيه على
كوله بيبي فطم وباجر اسمع بيج
صايره حامل مره الخ
ضحكت وحجيتلها على بابا شحجه
وقائد خربت ضحك
وردت
««،بله كلج اخلي احتياط
«،،اي ولج
«،،والله علي سوالف تخرب ضحك
«،،هذا قائد وسوالفه
«،،رجلج دمه عسل مثل الي عندي
«،،بس العندج ثكيل
««ههه بس يم ربعه وناسه يمي يصير
اخف من الهوه
«،،ههه انزول عليج
قائد طب كلت
«،«غدو اروح اجه الحب مالتي
«،،،هاي شنو عبالك متفقين اني هم اجه
«،،ههه عبالك يله مح حب اروح
«،،مح مح گلب الج ولابنج بااي
جنات
احلى ايام كمت اعيشها وي ارشد والحب الي حجه بي شفته قول وفعل كعدت الصبح جان كاعد وصافن عليه ابتسم وكال
«،،صباح الخير ياعسل
ابتسمت وجاوبته
«،،،،صباح النور
صفن بعيوني وكال
«،«اني بهل اللحظه اشوف نفسي عايش
بالجنه
سالته
««مرتاح وياي
«،،شنو مرتاح كولي اكبر من هاي الكلمه
رد وكمل من جابني علي ردد
بنظرات حلوه
«،،ماكو كلمه توصف الي كاعد احس بي
واني اشوفج بحظني وبين
ايدي
سكت تفرس بملامحي ردد
«،تعرفين من حبي الج اريد اخليج
جوه گلبي وعيوني
تنهدت بحظنه باسني من گصتي بعدين
من خدي ردد بهمس
«،انتي عافيتي جنات الي الله رجعها
اليه
باسني من شفتي وضعت ويا بلحظات
تخبل وره مشوار كعدنا نتريك
بالمطبخ كلت
«،،،ارشد اريد ادريس وتماره يجون يمي
صفن عليه كملت
«،،يعني مو مايصير يظلون بيت اهلك
وهذا بيت ابوهم
ابتسم ورد
«««تريدين اجيبهم هنا
««اي والله
جاوبت بفرح وكملت
«،،،اليوم جيبهم يعني مو مثل كل مره للظهر وترجعهم خليهم يتعلمون عليه واني
والله ادير بالي عليهم وماراح اخليهم
يحتاجون شي
الفرح ترس وجهه رد
«،،،مشوار اجيبهم بس ها تره انتي تعرفين ولدي وكحين وراح يتعبوج مو ادكولين بعدين
ماكلت هالشي
ابتسمت وجاوبته
«،،،،عادي على گلبي مثل العسل وكاحتهم
«،،واني مو مثل العسل وكاحتي
رد يضحك جاوبته مبتسمه
«،،،انت رئيس العصابه
«،،،،ههه
ضحك بصوت ورد
«،،حتى ذمج حلو وعسل
سكت واني هم كال وره لحظه
«،،،،شحلاه هالكعد وانتي كبالي
«،،،خاف باجر تمل مني
جاوبته مبتسمه رد
«،،،،جان مليت من قبل خمس سنين
گلبي كام يدك بجنون كمل
«،،ليش ظل الگلب يريدج هو والعگل
هم اختنگت وتندمت من رفضته نزلت راسي
حس وكام اجه ليمي سال
«،،،شبيج جنات حجيت شي ضوجج
«،،لا بس يعني اني هيج
ماكملت لان دموعي نزلت جر كرسي وكعد
يمي كال
«،،احجي يابه شنو الي كدر حالج
صفنت علي القلق بملامحه كلت
«،،ليش رفضتك وانت ليش مادگيت رجل
واخذتني حتى لو غصب
صفن عليه كملت بشهكه
«،،جان لا انت ولا اني شفنا هيج وقهر
«،،،قسمه الله وهو راد النا هيج
رد بخنگه وكمل
«،،،اعرفي اني لو ذبحت روحي بذاك الوگت
ماراح يصير الي اريده لان قدر
ربج كتبه انتي تروحين
لغيري واني ازوج
غيرج
نزلت راسي ابجي من قهري من نفسي
قرب يمي رحت لحظنه بدون
مايمد ايده لمني لصدره كال
«،،مو جنا حلوين ليش فتحنا هالجروح
وخرت منه وجاوبته
«،،،ندامانه لان رفضتك
ابتسم ورد
«،،اي اندمي واكلي بروحج وعضي اصابيعج
ندم اكو وحده عاقله ترفض شيخ ومدير
مصرف وهيج واحد حلو
كمل الوجه يضحك
«،،بس عوضيني وادفعي ثمن هالندم حب
ودلال مااكول لااا
مسح دموعي بايده وحجه
«،،،،وهاي الدموع بعد مااريد اشوفها بعيونج
ابدا اريدج تضحكين اليه اريد اشوف ذيج الضحكه الي اخذتلي عقلي وگلبي وخلتها سنين تروح وتجي
بالي
جاوبته
«،،والله مو عاقله من رفضتك
«،،ههه اي كتلج مخبله
ابتسمت والجو تغير قرب وجهه من وجهي
وكال
«،،،بس والله احلى مخبله
باسني من خدي يردد
«،،جنتي انتي جنات ودوه لروحي صرتي
جابني علي وكعدني بحظنه يتفرس
بملامحي بشوگ همس
«،،شكثر احبج يبعدهم كلهم عاشك اني
والي عاشكها انتي
رديت علي من بسته من خده
«،،واني هم احبك واموت عليك ياشيخ
گلبي وروحي
««،اوف ولج
رد وباسني من شفتي وخر الوجه يضحك
كال
وين جنت ووين صرت
خله عيونه بعيوني وكمل
من اخذتج ناري انگلبت جنة
وره مشوار طلع وكال
«،،اروح اجيب ولدي
فرحت كلش وانتظرته يجيبهم تاخر
ساعه وكلت يجوز كعد وي
ابوه بالمجلس
سمعت الباب انفتح طلعت من المطبخ
شفته اجه شايله تماره وادريس
يمشي ويا
گلبي فز من الفرح من شفتهم بس انتبهت علي ملامحه متغيره اخذت تماره منه
ادريس طب يكمز شايل طوبه سالته
من سد باب المطبخ
«،،،بيك شي
«،،،لاا
رد بس صوته متغير جنت اعرف امه ماتحبني
ومارادتني اله شفت هالشي بتصرفاتها
قبل العرس ووراه بالسبعه
ومن عزمونا استقبلتني
بروده ومادرات بال
اليه
خواته هن الي يحجن وياي ويسولفن
شفته ضاج بس جان ساكت من
رجعنا ماحجه شي ولا
اني حجيت
سألته من ورث جگاره وكعد يدخن
«،،،ارشد صاير شي
«،،،،لا جنات ماصاير شي
«،،،،بس يعني انتي رحت مابيك شي
واجيت مااعرف شبيك
ذب حسره ورد
«،،،،ماكو شي هيج سالفه صارت وراحت
صفنت علي اخذ نفس طويل وذبه
كلت
«،،،،عمه ماقبلت تجيب ولدك يمي
سكت رحت كعدت يمه تماره نزلت من
حظني راحت تلعب بطوبه جابها اخوها ويا
«،،،،لاا
«،،،،،بس اني احس هيج صار
باوع عليه بعدين دار وجهه يباوع لولده
كال
«،،،،اذا امي حجت وياج اي شي لاجاوبيها
كولي اليه واني اعرف اتصرف
وياها
«،،هو شصاير حتى هيج تحجي
سحب نفس اللخ وذبه رد
««انتي مو غشيمه جنات وشفتي تصرفات امي
وياج
سكت بعدين ذب حسرة وكمل
«،،،الي كتلج علي سوي
«،،،،تمام
جاوبته بهدؤ من شفته ضاج كلش وصار
اعصاب صفن على ولده غيرت
الموضوع كلت
«،،اسوي يخني وبرياني للغده
«،،اي سوي
«،،،،ولدك ياكلوه
هز راسه باي طبخت الغده هم يمه يلعبون
بالصاله جنت مشتريه الهم مكعبات
وملاعيب هوايه
اذن كلت اصلي واجي اصب غده مشيت
ليمهم شفته شايل تماره
كال
«،،،هاي عاملتها اروح اوديها لريهام
«،،لاا ليش توديها اني هسه انظفها
ارتبك ورد
«،،،مو خاف ماتعرفين
ابتسمت وجاوبته
«،،،لا ليش مااعرف تره جنت اساعد
اختي بولدها وعندي خبره
الوجه فك كملت
«،،،اروح اجيب الخاولي واجي اخذها منك
«،،تمام
رحت للغرفه جبته ورجعت اخذتها منه
طبيت الحمام نظفتها هي تحجي
وياي كلام مو مفهوم
وتضحك
«،،يمه فدوه شلون بنوته تخبل
بستها لفيتها بالخاولي طلعت هو كاعد
يم ادريس يسون عماره من
المكعبات
رتبت تماره بغرفه النوم وطلعت شايلتها
خليتها يمه سأل مبتسم
«،،ها تمت المهمه بنجاح
«،،ههه اي
«،،الوح ماما
اشرت لبره عرفتها تريد ريهام ابوها رد
«،،بعد شوي نروح ابقي يمنا والعبي
وي ادريس شوفي شكاعد
نسوي
«،،اروح اصب الغده
«،،اي روحي
طبيت المطبخ افكر بولده اعرف راح ياخذون
وقت يله يتعلمون عليه ومو بسهوله
هالشي
صبيت وكعدت تماره بحظني اكلتها
اباوع اله يضرب ثريد ويا
ادريس يكله
«،،،اي اكل بعد ابوك وصير عظام اكشر
شافني اباوع عليهم كمل يضحك
«،،لاتصيرين نازوكي مثل الجماعه شوفهم
شلون ياكلون بطرف الخاشوكه
«،،ندور رشاقه احنا مو تماره
حجيت ويها وبستها من خدها رفعت
راسي صافن والوجه تغير
ذب حسره وكال
««،،عاشت ايدج والله الاكل ماينشبع منه
«،،الف عافيه
تماره غفت بحظني كمت غسلت الها حلگها
ووديتها لغرفتي خليتها على
الجربايه وغطيتها
رجعت للمطبخ هو كام وادريس ويا راحو
يغسلون كملت جلف وتنظيف
مشيت للصاله شفته متمدد
ويمه ادريس وغافين
رحت جبت بطانيه وغطيتهم كمت اثاوب
والدنيا جانت مغيمه والجو مال
نوم
مشيت لغرفتي طبيت تمددت يم تماره
تغطيت وياها جبتها لحظني
فرحانه بيها كلش وعبالك
الله زرع حبها هي
واخوها بگلبي
حظنتها لصدري اريد احس بشعور
الام من تحظن طفلها لحظنها
غمضت عيوني من
غوركت ودعيت
الله يرزقني منه
جاهل حتى
تكمل فرحتي بي
ارشد
كعدت مااعرف بيش ساعه دحكت ابني
يمي اكو غطه علينا اذكرت اني
تمددت واخذته لحظني
من غفى وغفيت
ويا
كمت وغطيته رحت للغرفه النوم طبيت
وكفت من شفت جنات نايمه
وبحظنها تماره
مشيت بهدؤ ووكفت قريب منهن صافن
واحس من صدك هي راح تصير
الهم ام وتعوضني وتعوضهم
عن امهم والصار بينا
من وراها
تمددت بالجهه الثانيه وصفنت عليها ودعيت
ربي يفرح گلبها بجاهل مثل ماهي
فرحت گلبي من رادت تلم
ولدي لحظنها
مهيب
كاعد وي الولد ومبتسم حسين سال
«،،ها ولك اشوف عصافيرك طايره هالايام
قائد ابتسم وهم سأل
«،«صاير شي احنا مانعرف بي
«،،اااي ولكم واخيرا كالت اي
«،،منو ام يمامه
«،،،ليش ااكو غيرها بالگلب
رديت على حسين قائد كال
«،،يالله يعني اخيرا انفگت الجبسه مالتك
وفرحت گلبك وكالت اي
هزيت راسي فرحان حسين سال
«،،،،راح تخطبها
«،،اي عجل شلون
جاوبته باوع لقائد وسال مرة الخ
«،،،انت كلت لاهلك يعني انت تعرفهم
راح يوافقون عليها
عكدت حواجبي سالت
«،،،وليش مايوافقون عليها
«،،،تردد بعدين جاوب
«،،انت مو تعرف وضعها البنيه ارمله وعدها
بنيه واكيد خاله زينب ماراح تقبل
تاخذها الك
«،،وشبيها يابه الارمله يعني لان صارت هيج
هاهيه لازم ماتزوج وبعدين منو
كلك امي ماراح تقبل
بيها
«،،،،رديت بضوجه قائد كال
«،،مهيب حسين مو قصده شي انت تعرف
تفكير بعض الناس وانت مو مزوج
قبل ولا شايف دنيا وامك
هسه اكيد هي وابوك
يردولك بنيه يعني
مو مزوجه قبل
ضجت كلش وجاوبته
«،،،والله اني المزوج مو هم وراضي بيها وهذا
وضعها لان اعرف بروحي بس
هي الي راح تفهمني واعيش
وياها مثل ماجنت
احلم واريد
قائد سكت حسين كال
«،،مااعرف احس باهلك راح يرفضوها صح
انت كلت هم يحبوها كلش بس
من راح تحجي بيها يختلف
الوضع ويجوز اجيب
الاذيه الها
صفنت على حسين من حجه كمل
«،،من رفضتك اول مرة كلت من وره هالشي
هي ماقبلت بيك
جاوبته
«،،،اني مو غشيم حسين اعرف هي رفضتني
من وره هالشي وهي كالته اليه
وهم من وره اهلها ماقبلت
بيه لان انتو تعرفون
هي شنو جان
وضعها
حجيت هيج وكملت
«،،،ومايهمني لا اهلها ولا اهلي وحتى لو
عارضو وماقبلوا بيها مااهتم،،،،،اسوي
الي براسي اسوي واخذها غصب عن الكل
لان اعرف بروحي اني مستحيل
اكدر اعيش بدونها
الولد سكتو بعد ماحجو شي كمت وره مشوار
ورجعت لبيتنا خابرتها جاوبت
«،،هلا مهيب
«،،هلا بل تسطر سطر وكلشي بيها خطر
وهلا بالتارسه گلبي فرح
سكتت كملت اضحك
«،،شلونج يانظر عيوني
«،،زينة
«،،،مشتاك الج موت
ماردت كلت
«،،،شلون بيه اظل اتغزل وانتي ذابتها
على الصامت
«،،،مو انت تعرف تحجي هيج واني صفر
بهل السوالف
«،،،يعني شنو قصدج اني لوگي
«،،لاا انت سرسر لوگي
«،،ههههه
خربت ضحك من ردت هالرد كلت
«،،،ولج ليش هالقصف
«،،،اجذب يعني مو انت جنت ابو نسوان
وتعرف كل سوالف الزحف
هم ضحكت ورديت
«،،تبت والله والتوبه اجت على ايدج
«،،زين اذا تبت وين جنت لحد هاي الساعه
«،،تغارين عليه
«،،لاا
«،،جذابه يولي والله تغارين وميته غيره
«،،اكلك مااريد اعرف وباي اريد انام
«،،والله بس اسدين الخط اجي لغرفتج
«،،اعقل مهيب
«،،،ههه اني مخبل مو عاقل
«««اول مره تحجي صح
«،،هههه من وراج ماظل عقل براسي
سكتت وكملت
،،،اكلج ماتريدين اجيبلج شي حلو
«،،لا اكلت بقلاوه قبل شويه
«،،،اني مو شايف بقلاوه تاكل بقلاوه
تغزلت ماردت كملت
«،،،دكولي انت البقلاوه ياحظي
«،،مو انت شكلك مو مال هيج دلع
«،،،وشبي شگلي يمه عبالك مااعجب
«،،لا مو قصدي الي افتهمته يعني انت نقيب
وشكلك هيبه وتشتغل بالداخليه
واشوف مايلوك الك
هيج كلام
«،،يمه گلبي انلعب بي
رديت وكملت
«،،ولج هذا احلى غزل يكون يمي جاان بست
«،،،مهييب استقر
«،،،هههه
خربت ضحك كلت
«،،حاضر سيدي
«««جاي تروح زايد واني تره مااحب
هيج سوالف
«،راح اسكت هسه بعدين اطلعها بيج من
نزوج
كلت هيج وكملت
««حنين اني راح احجي بموضوعنا وي
اهلي
صاحت بخوف
«،،،لاا مهيب مو هسه
«،،ليش يولي يعني على شنو ننتضر
«،،خليها هسه يعني اني بعدني مو مستعده
لهل الشي
عكدت حواجبي سالت
«««ليش انتي مو متاكده من حبج اليه
«««لا لايروح بالك بعيد والله اني احبك بس
يعني خايفه من
سكتت كلت
«،،،،انتي خايفه من ردة فعل اهلي
سكتت كملت
«،،اني اعرف بشنو تفكرين واكلج حتى لو اهلي
اعترضو عليج اني اخذج اخذج
«،مهيب هم حقهم اذا اعترضو لان انت تعرف
اني منو وشنو وضعي
«،،،لا مو من حق اي احد يعترض لان اني
الي مزوج مو همه وبعدين تعالي جاي
انتي شوكت تبطلين من هاي
السالفه
«،،ياسالفه
«،،مال وضعج كلما احجي وياج ادكولين هالكلمه
شبيج انتي اشو ام بيت معدله وتخبيلن
وجثيرات مثل وضعج ازوجن
واستقرن بيت
حجيت هالكلام سكتت مااعرف ليش اجاني
احساس هي بيها شي وماحجته
اليه سالت
««حنين اكو شي مخليج هيج متردده بسالفه
زواجنا
ماردت وطولت بعدين كالت
«،،،لااا ماكو شي بس اني يعني اني اريد نظل
هيج فتره الما اتعلم عليك
ابتسمت ورديت
«،،،بس انتي صارلج جثير يمنا مو معقوله مااتعلمتي عليه
«،،،اني قصدي يعني تعرف هيج شي لازم
كامت تأتأت بالكلام كلت مبتسم
«،،يولي انتي متأكده من روحج انتي
جنتي مزوجه
سكتت كملت
«««اني جاي احس بيج لا شايفه رجال ولا مزوجه قبل
ضحگت وكملت
«،،،،طمستي بالخجل مو
«،،انت وصلت
غيرت الموضوع
«،،اي وصلت ووكفت يم البيت
،،،،من اطب اقفل الباب وشوف باب
الجانبي بدربك
«،،،ههه تامرين امر
«،،واقفل باب المطبخ لان اكثر من مره تنسى
مفتوح
«،،،صار وحاضر وتأمريني امر يبعد روحي
ويبعد گلبي وعيوني
«،،،ونام من وكت لا تظل سهران
«،،،لا بهاي اكلج كمتي اجفصين وياي
«،،،يا ليش
««،،لان جاي ادكولين مااريد اسهر ولا احجي
وياك
«،،لا والله مو هيج احب احجي وياك
بس كاعد اشوف الصبح من تكعد بس تثاوب
««،،خايفه عليه يولي
«،،اي شلون مااخاف عليك اني شعندي
غيرك
گلبي كام يركص من الفرح وتمنيت اليوم
قبل باجر اخذها حتى ابرد نار گلبي
الي مشعوله بي من وره
حبها كلت
«،،اوف ولج وجت عندي وين راح اولي
بهل الليل
«،،هاا ليش وين تريد تروح
ضحكت وكلت
«،،ولج لو ما يمامه جان كلت انتي بعدج بنيه وجاي
اجذبين عليه بسالفه زواجج
سكتت نزلت وكلت
«،،راح اطب للبيت بس من اروح للغرفه مالتي
افتح كام ونحجي تمام
سمعتها ذبت حسره وردت
«،،تمام
«،،،احبج ولج واموت عليج
«،،واني هم احبك واموت عليك
«،،،يله راح اطب
«،،تمام
حمزة
اني كاعد بليل يم غاده عمي فاضل ابو جعفر
خابرني جاوبت
«،،هلا عم
«،،هلا حمزه شلونك بويه
«،،،الحمد لله بخير واسال عليك
«،،تسأل عليك العافيه
«،،،الله يعافيك
سكت بعدين كال
««،انه والله خابرتك بشغله ومااعرف
اذا تكدر توكف اليه بيها لو لاا
«،،،كول عم شنهي الشغله وانه حاضر وان شاء
الله مااقصر
«،،والله ياابني رايد دين منك حتى اكدر ارتب
البستان لهل الموسم ومن نبيع
الحاصل اردهن الك
«،،تأمر امر شكد تريد
«،،والله انه محتاج عشر ملايين
«،،ادلل من عيني باجر ادزهن الك بأيد جعفر
«،،،تسلم وليدي وبارك الله بيك
«،،،حاضر انه واذا تحتاج بعد اكثر كول
عيوني الك
«،،،سالمه عيونك وليدي لا هن بس ذني وبارك
الله بيك ماقصرت
«،،،بيك خير وادلل ولاتشيل همهن شوكت ماصارن
عگبهن اليه
«،،،لا هو بهل السنه اعگبهن بأذن الله
«،،براحتك عم
«،،،تشكر وليدي والله يخلي الك علي ويرحم
ذاك الاب الطيب
«،،،ويرحم والديك
«،،اترخص انه ومشكور مرة ثانيه
«،،هلا عم
سديت الخط شفت غاده تعاين عليه
بضوجه سألت
«،،،شنو عمك يريد فلوس
«،،،اي
«،،وراح تنطي
«،،اي وليش ماانطي
سكتت وردت وره لحظه
«،،،ذوله عمامك وولدهم مايعرفوك الا
من يريدون فلوس
عكدت حواجبي وجاوبت
«،،،شنو قصدج غاده
«،،،قصدي فلوسك ضمها بجيبك لان محد
يستاهل تنطي ولا توكف اله
«،،هذا عمي مو غريب
عمك هذا مايعرفك الا من يريد فلوس ومو بس
هو لا عمك صالح هم وولدهم مايعرفوك
ولا يتصلون عليك الا وكت
المصلحه
نترت بغضب
«،،هذا الشي مايخصج يخصني انه وبس
صفنت عليه وردت بغضب
«««الي يخصك يخصني لان هذا تعبك وجاي
اشوفه يروح لناس ماتستاهل
«،،ولج ذوله عمامي لو ملت وعال عليه غريب
يوكفون اليه
«،،اي شفته لابن عمك شسوه هددني بفديو
وراد يقتلك
كمت وصحت
«««جاااي تعيرني بي
لااا بس جاي اشوفك هم منو نسيت حمزة
من هد عليك قاسم وناصر من وره ذيج الدايحه
وعمك فاضل واكف هو وولده ماكالو الهم عيب
هالشي ولا فگو حلگهم بكلمه
«،،،،ااانتي شبيج لان ردت انطي عمي كمتي تفتحين دفاتر قديمه
حجيت باعصاب ردت بنتره
«،،روح دااينه حمزه بس احب اكلك شما سويت
الهم ماراح تخليهم يحبوك لان اني
اعرف هم شنو بس انت
شوكت تعرف هالشي
مااعرف
««ولج الله يحب العبد الي يفرج عن ضيقه
اخوه المسلم وهذا عمي اخو ابويه
يعني مو غريب عليه خابرني
وطلب مني دين شتريدين
ارده غاده وافشله
واني اعرف بروحي اكدر اساعده
ماردت دارت وجهها مني كملت
«،،،هو انه الغريب جااي اساعده مو عاد الي
من لحمي ودمي
التزمت الصمت صحت
««ولا انتي ولا غيرج يخلوني اگطع صله الرحم
وياهم ولا اي احد يكدر يخليني
ماامد ايدي بالمعروف الهم
او لغيرهم
ردت بروده
«،،،براحتك الفلوس فلوسك وهذا تعبك
انت
«،،ااي تعبي انه ومحد اله فضل عليه
كامت وراحت خلت علي بفراشه طفت الضوه
وراحت تمددت غطت روحها
لراسها
اخذت الجگاير وطلعت من يمها صاير نار
رحت للغرفه الثانيه كعدت
هناك ادخن
اول مره تحجي وياي هيج ابدا ماجانت
تتدخل بشي يخصني ولا تسال شجاها هسه
حجت وغثتني
غاده
من طلع كعدت دمعتي بعيوني ومقهوره من كلامه اني گلبي علي وهو حجه كلام قهرني كلش جنت اشوفه ينطي ويداين والفلوس لو ترجع نص
لو ماترجع ابدا
وهو من ورة طيبه گلبه جان يعوفها الهم
وياريتهم يستاهلون لان عرفتهم
هم شنو ناس مصلحجيه
وعيونهم على الخير
الي سواه بتعبه
جنت اريده يعرفهم هم شنو وحجيت وشفت
نتيجه كلامي ضاج وصار عصبي
وسمعني كلام اول مره
اسمعه منه
حسيت اني غريبه عنه ولازم ماادخل بشي
يخصه او يخص فلوسه دمعتي
نزلت وكمت ابجي
الباب انفتح هو طب درت وجهي منه
سمعته ذب حسره سده واجه
ليمي كعد وكال
«،،غاده افهمي هذا عمي وواكع بضيجه
شلون ماا
قاطعته بغضب امسح بدموعي
«،،شتريد سوي حمزه سوي الفلوس فلوسك
والتعب تعبك تريد تحرگهن تنطيهن
اني بعد ماعليه بيك واصلا
زايده من حجيت
وادخلت بشي
يخصك
«،،مو هيج الحجي فلوسي فلوسج
«،،لا مو فلوسي
نترت بي وكملت
«،ولاتخصني اني عرفت حدودي وياك
وبعد ماتسمع مني اي كلمه
تمس عمامك او
ولدهم
تمددت وغطيت روحي
«،،استغفر الله ياربي
ردد هيج وكام من يمي كمت ابجي بخنگه
حسيت بي كعد بجهته سحبت روحي
منه ورحت يم الحافه
سمعته ذب اكثر من حسره ورة
مشوار حجه
«،،شلون يعني راح تجافيني بهل الليله
مارديت
«،،غيده تره زعلج يتعبني
التزمت الصمت
تمدد بصفي مد ايده يريد
ياخذني لحظنه صحت
بي بشهكه
«،،،لاااتلزمني وعوفني
سحب روحه مني ورد بغضب
«««كفرت انه من كلت ماعليج بهل السوالف
فزيت وجاوبته
«««ااي كفرت لان اني گلبي عليك وانت
بكلامك الي كلته اليه حسستني
اني غريبه عنك
كعد ورد
«،،،،لا مو هيج الحجي
«،،،لا هيج حمزه
«،،ماراح تفض يعني
«،«تفض من تعوفني وماتجي يمي خلاص
جاوبته ورجعت تمددت غطيت راسي هو بعد
ماحجه شي تمدد يمي وماحاول
يطخني
مااعرف شوكت نمت كعدت هو ماكو كمت
راسي يوجعني كلش واحس
دمار يدك بي
علي بعده نايم غسلت وطلعت رحت للمطبخ
رانيه واكفه تسوي ريوك يمها
بيبي كلت
«،،،،،صباح الخير
«،،،،هلا يمه
بيبي جاوبت صفنت عليه سالت
«،،،،بيج شي
«،،،،،،لا
رانيه خلت ماعون البيض وسالت
«،،شنو باجيه
«،،لا
«،،چا شبيها عيونج ورامه
«،،،راسي يوجعني كلش ومانمت زين
«،،،خاف هم هبوط
«««لا ماعندي دوخه
جاوبت رانيه بيبي كالت
«،،تريكي يمه واشربي جاي هسه يفك
وجع راسج
«،«اي
اكلت كم لگمه شربت جاي وكمت التهيت
بالشغل افكر بالصار بينا ومقهوره
منه كلش
وي الاذان رضعت علي ونام بحظني هو طب
باوع عليه من سد الباب
درت وجهي منه ظل واكف يمه بعدين
راح للميز خله السويج والمحفظه
سال
«،،راح تظلين هيج
مارديت
«،،غاده هالاسلوب مااحبه
«««شتريد حمزه
جاوبته وباوعت علي رد من قرب
«««اريد غيده الي تتلاكني بوجه يضحك
ماجاوبت كعد يمي كمل
«،،،انه مو متعلم على هيج جفى ويتعب گلبي
زعلج
عيوني غوركت جاوبته
«،،،،انت جبتها لروحك
ذب حسره رد
«،،هذا عمي شلون يعني تريديني ماا
قاطعته بغضب
««حمزه هالموضوع يخصك انت اني بعد ماعليه
بي ولا اريد احجي باي شي
يخصك او يخص
فلوسك
صفن عليه بعدين رد
«،،يعني شلون راح نظل هيج والزعل
بينا
سكتت كمل
««غيده والله مااكدر على هيج شي
دمعتي نزلت كال
««لاتبجين وتحرگيني والله ماجنت اقصد
الي حجيته وياج
«،،اني غريبه حمزه اني دگلي ماعليج بيه
ولا بفلوسي
جاوبت بشهكه كملت
«،والله ماحجيت الا من خوفي عليك لان جاي
اشوفك تنطي ومايرجعون الك
اختنگت رد
«،،احسبيهن يم الله كولي هذني صدقات على
راسي وراسج انتي وابني
مارديت كمت من يمه رحت خليت
علي بفراشه رجعت اخذت الشال اريد اطلع
كام واجه لزمني سحبت روحي
وكلت
««،حمزه عوفني
لمني لحظنه ورد
،،،اسف والله ماجنت اريد اقهرج
بجيت بحظنه باسني من راسي يردد
«،،كافي يابويه والله دمعتج غاليه عندي
ومااحب اشوفها بعيونج
حجه هيج ورجع حظني جنت زعلانه منه
كلش وردته يرضيني لان اعرف
بروحي اتعب اذا
ظل الزعل
بينا
سحبت روحي منه لزم خصري سال
«،،،رضيتي وياي
باوعت علي رديت
«،،«اني مااكدر ازعل عليك وتعرف ليش
ابتسم ورد
«،،بله ليش
مشيت لزمني وجرني لصدره باسني من
رگبتي وكال
«««لان تحبيني ياجمره گلبي
دارني علي عيوني بعيونه وكمل
«،،،وانه استاهل هالحب مو بله
«،،راح اخليك بحسره تسمعها مني
«،،ههههه
خرب ضحك حظني بقوه ورفعني
لفوك خله وجهه بوجهي
خبث وكال
«،،صايره ثگيله ياجمره گلبي عدالك
الوزن زايد
«««نززلني
«،،،،هههه
ضحك بصوت عالي كلت
«،،،نزلني خبيث اعرفك ليش هيج حجيت
صفن بعيوني وعض الشفه ورد
«،،،والخبيث شراح يسوي هسه
«،،،حمزه اكعد راحه
«،،گعدت ليله واريد اعوض
«،،،وولك مو هسه وكت غده
ماكو تفاهم تخبل عليه واخذ الي يريده
وره كم يوم العصر وكفت اسوي جاي رانيه يمي
وبيبي علي بحظنها علي طب ينهد وصاح
«،،،ووين حمزه
«،،شكوو شصاير
بيبي سالته هو اجه من جوه شافه سال
«،«هااي شبيك
الحك قاسم عالوا علي بيت متعب وجتلوا بستانك
هو سمع هيج طلع بسرعه طلعت وراه
اصيح
««حمزة ااوكف
شفته ركض للبستان وراه جعفر مشيت اريد
اروح وراه رانيه لزمتني
وكالت بخوف
«،،وين رايحه
عووفيني خلي اروح علي
بيبي اجت لزمتني وصاحت
««وين يالمعزايه رايحه شتريدين يشوفج
ويتخبل عليج
«،،،،،اني شااحصل من قاسم
اذا صارله شي
صحت وكمت ابجي ردت اروح
ماخلني وره مشوار كامت تمطر طبينا جوه
وكفت اني ورانيه بالباب بيبي تدعي مايصير شي واني گلبي يدك سريع وميته خوف شفته اجه يمشي بسرعه والخلقه تخوف وراه جده
عمامه وولدهم راح للاستقبال
مشيت اريد اروح علي
سمعته صاح
حمزة
سمعت شحجه علي وطلعت اركض للبستان
هو وياي وجعفر سمعت هوسه
وشفت ولد متعب گاضين قاسم ويجتلون
بي تخبلت وهديت عليهم
جريت عزيز
ضربته بوكس شمرته بالگاع صارت هوسه
وناس كامت تضرب ناس عمامي
اجوي هم وجدي جرونا
من عدهم
وابوه وعمامه اجوى كضوهم عزيز صاح
ويريد يهد على ابن عمي
«،،،جتاالك انه قاسم والله لاااذبحك
واخلي دمك بطولك
«،،انت زلمه سووويها شلون ماانه اخلي دمك
بطولك
صحت بي خزرني ورد
«،،بيك خير روح اجتلك عااارك يااعار
تخبلت من عيرني بزهره وجريت روحي من
عمي مهدي بقوه هديت علي
هو بنص اهله ووكعتله دك
بوكسات
جروني منه اصيح
«،،،ولك والله لااااذبحك عزيز جتاالك انه
والله مااخليك تشتم الهوه
على هالكلام الي
كلته
الاوادم التمت علينا انفض بروحي اريد
اروح اجتله بس اهله گضوه هو
واخوه واخذوهم من
يمنا
كمت اهدد بي وحلفت الا اجتله
نفضت روحي من ايدهم وعگبت للبيت امشي
بسرعه وغادي نار اريد اذبح روحي
من السمعته طبيت المجلس
صحت بخبال
«،،،،ااااخ بووويه
غاده
سمعت صاح ركضت علي شفته شال
طبله وضربها بقوه على شاشه البلازما وكسرها
عطت
«،،،كااافي حمزه
رحت علي جان متخبل
لزمته نفض روحه مني جر دشادشته وشگها
وصرخ
«،،،ولكم اااخ انه اتعير انه ابو جمره يعيرونني
بيها لها الساقطه
جدو طب هو وعمامه وولدهم شافوو شمسوي
محد حجه بيبي سالت
«،،،ولكم يمه شكو شبيكم وي بيت متعب
«،،،هينه ولك انه الك
حجه هيج مشى من يمنا بسرعه وطلع راح
للغرفتنا طب اني وراه گلبي هبط من
راح للكنتور عرفت شيريد وصحت
«،،لاااا حمزه عوف سلاحك
شكرا لزيارتكم عالم روايات سكيرهوم
