 |
رواية دعني احطم غرورك الفصل التاسع والاربعون بقلم منال سالم
في مكتب حسين الدمنهوري ،،،،
-يوسف: وايه اللي رجعها الوقتي
-حسين: عشان تخرب بيت العيال
-يوسف: مش هيحصل
-حسين: انا حكيتلك يا يوسف ع اللي حصل كله ، وانت كنت من زمان عارف طراطيش عن الموضوع ، لكن الوقتي احنا عيلة واحدة فلازم تخلي بالك معايا
-يوسف: عيب يا سحس تقول كده ، احنا هنقفلها بالمرصاد ،وإياك بس تفكر أنها تقرب من عز ولا من جانا
-حسين: الله المستعان
-يوسف: بس انت هتقول لجانا ان أمها رجعت
-حسين: مش عارف
-يوسف: استنى أما الأولاد يرجعوا من المصيف ونقولهم
-حسين: ممم...
-يوسف: لازم جانا تعرف عشان متتفاجئش
-حسين: ربنا يسهل
.......
عودة مرة أخرى للمصيف، كان عز الدين جالساً على الأريكة في داخل الغرفة ويتحدث مع والدته على الهاتف ،،،
-عز : أيوه يا ماما ، احنا بخير
-عايدة: والعروسة ازيها ؟؟
-عز: زي الفل وعشرة
-عايدة: ربنا يهنيك يا حبيبي .. ناديهالي أكلمها
-عز: لحظة يا ماما .. يا جااااانا .. يااااا جانا .. تعالي كلمي أمي عاوزة تسلم عليكي
-جانا من الداخل: ثواني وجاية
-عز: يالا يا جانا، بتعملي ايه جوا
-جانا: ثواني ، ثواني
كانت جانا تحاول أن تغلق السحاب ( السوستة) الخاصة بفستانها القصير ، ولكن كان السحاب معلق ، لذلك اضطرت أن تخرج إلى الخارج وهي تضع شالاً فوق ظهرها ليغطي (السوستة) وما يوجد أسفلها
-جانا من على بعد: هات التليفون
-عز ناظراً خلفه : طب ما تقربي
-جانا: أنا كده كويسة
-عز وهو يمد يده : خدي
اخذت جانا الهاتف لتتحدث مع عايدة هانم وأدارت ظهرها لعز ، ولم تدري أن عز مازال ينظر لها وبالفعل رأى جمالها المخبيء
-جانا: هاي أنطي
-عايدة: .........................
-جانا: Don't worry .. حاضر
-عايدة: .........................
-جانا بضحكة: ههههههههههههههههههههه ماشي .. اوك
-عايدة: .....................
-جانا: الله يسلمك أنطي
أنهت جانا المكالمة مع عايدة هانم ومدت يدها بالهاتف لعز لكي يأخذه ، ولكنه جذبها بشدة إليه لتفقد توازنها وتسقط فوق حضنه ،،
-عز بهزار: ما تنشفي كده
-جانا محاولة النهوض: انت اللي قاصد تشدني جامد
-عز: مش بتعمليلي سبع رجالة في بعض
-جانا: وسع بقى وسيبني أقوم
-عز وهو محاوطها بذراعيه : تؤ ، مش موسع
-جانا وهي تدفعه : يوووه ، اوعى ، هه .. حاسب
-عز: ايه الحلويات دي كلها
-جانا بتوتر: ايه في ايه؟
-عز: ده انا شوفت كل حاجة
-جانا: شوفت ايه ؟؟؟؟؟؟؟؟
-عز: انت عندك حسنة في ضهرك ؟
-جانا وهي تضع يدها خلف ظهرها: دي فين دي
-عز بخبث : اهي أنا شايفها منورة وسط البياض ده كله
-جانا: لو سمحت عيب كده !!
-عز: هو أنا بعاكسك .. يا شيخة ، ده بدل ما تفرحي اني ببصلك أصلا
-جانا: لأ معلش انا عارفة قيمتي كويس ، والناس كلها عارفة ده
-عز مبدياً غضبه : قولتيلي بقى ، اتاريكي كنتي مبسوطة من معاكسة البتوع دول ليكي
-جانا: عندهم نظر وبيشوفوا
-عز: بت انتي متخلنيش اموتك دلوقتي
-جانا: متقدرش تعـــ.......
-عز متحدياً ومقاطعاً: مات الكلام
نهض عز الدين من مكانه وهو يحملها بين ذراعيه ، فأخذت تقاومه بشدة، فألقاها فوق كتفه وذهب بها إلى داخل الحمام وأنزلها في البانيو ثم فتح الدش فوقها ،،،
-جانا: انت مجنوووون ، سيبني !!
طشششششششششششش
-جانا: اااااااااه ، المياه ساقعة
-عز: احسسسسسسن ، خليكي تفوقي لنفسك شوية
-جانا: طب Take this ...
أفرغت جانا محتويات الشاور جيل في عينه واخذت تدعك في وجهه بيدها ،،،
-عز: ااااااااااااااااه .. عيني يا بنت الايه ،
-جانا: تستاهل ، عشان تحرم
-عز: طب خدي بقى انتي كمان
قام عز بافراغ الشامبو فوق رأسها فدخل في عينيها
-جانا: اااااااااااااااااااه .. عينيا
-عز: واحدة بواحدة .. كده خالصين
-جانا: والله ما هسيبك
ظلت جانا تبحث حولها عن اي شيء لتفرغه فوق رأس عز الدين ، ولكنها لم تجد إلا الليفة
-جانا: هشرحك بالليفة الخشنة دي
-عز وهو يخلع تي شيرته ويوليها ظهره : طب ادعكيلي ضهري لأحسن مش طايل الحتة دي
-جانا: انت بتهزر
-عز: لأ ، يالا اشتغلي
-جانا وهي تضربه في ظهره: انسان بارد
-عز بضيق وقد امسك يدها: تاني مرة لو مديتي ايدك عليا هكسرهالك ! انتي فاهمة
-جانا: سيب ايدي
-عز وهو يضغط على يدها بقوة: طولة لسانك وبفوتها ، لكن مد الايد ده مش هيعدي يااااا نوووجة
-جانا متألمة : طيب ، طيب !!
-عز بخبث وقد أرخى قبضة يده : بس تصدقي .. دي أحسن مرة اخدت فيها شاور..
-جانا بخجل: يا سلام ، عجبك اوي
-عز: جداااااااااااااااااااااااااا ، ولا انتي ليكي رأي تاني
-جانا بقلق: آآآآآ... طيب ، الوقت finished .. ممكن بقى تديني سكة
-عز: أديكي ايه ياختي ؟؟
-جانا: سكة عشان اعدي اغير هدمومي العُصرة دي
-عز بخبث: طب و ليه تغيريها ؟؟ ما كده حلو اووووي
ظل عز الدين ينظر إليها بتفحص وإلى ملابسها المبتلة الملتصقة عليها وعينيه مليئة بالحب والاشتياق
-جانا: اييييه ، انت !! بتبصلي كده ليه ؟
-عز: بشوف ان كان في حسنات تانية ولا لأ ؟؟؟
-جانا: قليل الآدب !!
خرجت جانا من الحمام وهي تبتسم ، وظل عز الدين مراقباً اياها ..
-عز: بكرة تندم آجمييييييل
.................
في فيلا يوسف الكيلاني ،،،
-ياسين: وربنا اللي بيحصل ده حرام !!
-عايدة: ليه بتقول كده يا سينو
-ياسين: يعني يا ديلة عاجبك أفضل أنا كده ، والبيه عز ظايط وهايص ع الأخر
-عايدة بضحك: هههههههههه ، ياني عليك ، اصبر شوية
-ياسين: أنا خلاص قربت أفقس جمبكوا هنا ، بجد الصبر بحححح من زمان عندي ، جوزوني بقى لأحسن أعمل اعتصام عن البونية ومش هامشي إلا لما نرحل سوا أو يانا أخدها ونرحل برضوه سوا
-عايدة: طيب ، اما يجي عمك يوسف هكلمه يكلم عمك حسين
-ياسين: وهو أنا لسه هستنى عمي يوسف اما معرفش يعمل ايه وبعدين عم حسين ده عنده فقد ذاكرة ليا ، كل أما يشوفني يقولي انت مين يا عم انت !!!
-عايدة: ههههههههههه الله يحظك يا سينو
-ياسين: أهو ده اللي باخدوه منكم ، كركر وهيء وميء وكلام نظري لا يودي ولا يجيب ، وأما أسأل ع العملي بتاعكوا تقولولي أمك في العش ولا طارت
-يوسف مقاطعاً: مين اللي طارت يا بني ؟
-ياسين: أمي
-يوسف: ولد ، اتكلم كويس
-ياسين: مش هتحن عليا بقى وتتبناني وتجوزني بنت صاحبك
-يوسف: اصبر وانا هظبطك
-ياسين: ياخوفي لتضيعني
-يوسف: هاااااه ، قولت ايه !!
-ياسين بلهجة صعيدية : جولت أمر دنابك ..
