رواية جذبني فمك البني الفصل التاسع والأربعون 49 بقلم عبير إدريس

بسم الله على نفسي وعلى قلبي وعلى من احببت

بسم الله على ديني وعلى عقلي وعلى من عشقت

بسم الله على ملكي ومملكتي ومن اخذت فؤادي 

بسم الله على روحي وراحتي وروعه مقلتي

بسم الله على ضميري وعلى وجداني بالتعامل مع من احببت

بسم الله على طاهرتي و ملهمتي وعلى حبيبة القلب..

بسم الله على سيلين وعلى روحها وعلى جسدها اعيذك بالله من الشيطان الرجيم ومن الهمزات واللمزات... 

بسم الله على دينك وعقلك

بسم الله على قلبك ونفسك

بسم الله على روحك وجسدك.. 

يارب الارباب ويامسبب الاسباب اجعلني سببآ في شفاء عبدتك سيلين بنت وضاح... 

حاط ايده على راسها ويقره عليها بخشوع بعدين كام وفرش السجاده كبر وصلى ركعتين في وقت الزوال قرأ في الركعه الاولى بعد الحمد التوحيد والفتح الى ايه ( وينصركم الله نصرآ عزيزآ ) وفي الركعه الثانيه بعد الحمد سورة التوحيد والانشراح... 

سجد وبجه بصوت رجولي متوسل برب العالمين يشفي حبيبته من كل الامراض .... 

كمل ورفع السجاده من على الارض تقدمت عليه وحضنته. 

نرمان : قبل الله عزيزي.. 

ادهم : منا ومنكم صالح الاعمال. 

نرمان : تدري بجيتني شلون صوت وشلون دعاء حلو هاي وين شو مقاريته ...

ادهم : الدعاء طلع من كلبي مجرد باوعت لوجها..

نرمان : نيالها لسيلين عليك حتى الادعيه تصيغها على شكل شعر.. 

ادهم : بعد ملهمتي ... 

نرمان : ايابه سيلين ملهمتك والله عمي نيالها اريد واحد هيج يحبني. 

ادهم : ماكو.. 

نرمان : ليش ؟؟ 

ادهم : حبي لسيلينه وبس ميتكرر. 

نرمان : رغم الالم والصعاب العشتها وياكم بهاي الفتره لكن عيشتوني بجو خيالي شنو من حب تكنه الها. 

جر نفس وكعد يم رجلها على الجربايه باوعلها وكال. 

ادهم : جنت دائما اكول الدنيا مابيها راحه والراحه هيه عباره عن كذبه بس من شفتها وحبيتها صارت هيه راحتي يعني مجرد احجي وياها نفسيآ ارتاح. 

نرمان : الله يريحك ويبعد عنك كل سوء ويحفظها الك.

ادهم : ادعيلها وبس انه ما محتاج للدعاء. 

نرمان : فدوه لكلبك اروح. 

ادهم : اسم الله عليج يابه. 

نرمان : مجعت تره انت لحد الان بدون ريوك خاف نسيت داذكرك..

ادهم : اصلي وصبي. 

نرمان : ماشي بس سؤال الصلاه الصليتها هسه لاي حاجه وليش بهذا الوقت صليتها. 

ادهم : هذه الصلاه خاصه لرفع الصعوبات اذا وقعتي بمصيبه صليها ركعتين وقت الزوال ... 

نرمان : اشوفك يوميه تصليها. 

ادهم : اعالجها بعلمي وبالصلاه والقران وعسى ولعل اكدر ارجعها مثل قبل..

نرمان : هسه لو بس تحجي احنه بخير ،، قبل جانت تكول بابا تعيط هسه خرست فد مره ليش. 

ادهم : دخلت بطور السبات والعزله تعب جسمها انهدت هدت عبالج هينه هاي الفتره الانسحابيه انتي غير مشهدتي حالتها شلون ترجف بيدي وتبوس بيه نصت على رجلي تريد اخلصها من الألم. 

نرمان : اووي ياعيني صدك تعرفت عليك لو لا...

ادهم : لا بس تصيحلي بابا الحكني بابا تعبت بابا ما اتحمل بعد. 

نرمان : ممكن اذا صحت ترجع لعقل طفله لان قريت هيج شي وردت اسألك ونسيت هذا سببه الادمان لو التعذيب النفسي. 

جر حسره وفرك كفوف ايده بعضها وكال. 

ادهم : التعذيب النفسي المستخدمه وياها ماعارف يستخدمه بالطريقه الصحيحه واكو احتمال لاعب بالنظام الغذائي مالتها ممكن حارمها من السكريات او من الدهون لهذا صار عدها تساقط قوي بشعرها من كلتلج بالدوام ، وبسبب غباءه وصلت لهيج مرحله الحمدلله ما مستعمله بالطريقه الصحيحه جان فعلا حتى البروفيسور ميكدر يعالجها.

نرمان : وممكن هو مارادها تفقد عقلها تماما جوز تلاعب بيها وبس..

ادهم : ماعرف انه هذا تحليلي واللي استنتجته من حالتها وكلامج لهذا ماكاعد اعرف هل من الممكن تطول فترتها العلاجيه سنوات او اشهر لان لاعب بأعدادات عقلها متعبها نفسيآ... 

نرمان : زين ممكن تتعالج بصوره نهائيه او تضل شوائب بنفسيتها او تعاني من عده امراض. 

ادهم : شوفي اولا انه راح ابذل قصارى جهدي بعلاجها لكن تضل يمها تستجيب وياي او لا ثنين راح تعاني من امراض ممكن يضعف عدها القلب او ممكن يتأذه القالون عدها .. 

نرمان : هيه اصلا تعاني من القالون العصبي ...

ادهم : اعرف وهسه زاد عدها لان تلزم بطنها ومرات تبجي منها خصوصا بليل مع العلم نظمت الها وجباتها الغذائيه حسب الوصفه الكتبها الطبيب المختص بس مع ذلك تعاني من الألم الحاد لهذا رجحت عدها ضرر بالقالون .. 

نرمان : هسه انت شوكت تبلش بعلاجها. 

ادهم : اليوم بليل ننقلها بغرفه ايمن خلصتوها مو ؟ 

نرمان : اي كلشي كامل. 

ادهم : عاشت ايدكم .. 

عفته ورحت للمطبخ حضرت شغلات الغده وخابرت على ايمن.. 

نرمان : ها ايموني وين انت 

ايمن: كاعد اشتري شجره 

نرمان : شجره شنو 

ايمن: شجره الامنيات هههه 

نرمان : لا صدك 

ايمن : اي والله شبيج 

نرمان : احجي عاد لتضوجني. 

ايمن: ادهم كال جيب اكبر شجره صناعيه واهم شي اوراقها خضره.

نرمان : زين ليش شيسوي بيها 

ايمن : ماعرف. 

نرمان : جيبها ونشوف .. 

ايمن : ماشي محتاجه شي علمود اجيب تره ما اطلع بعد اتغده وانام. 

نرمان : خابرتك اريد تجي على الغده راح اصب. 

ايمن: انتضروني تره انتحر بيكم 

نرمان : ههههه منتضرين يلا استعجل انت والشجره. 

ايمن : حاير شلون راح اوصلها للبيت السياره متكفي. 

نرمان : اجر بيكم 

ايمن : ليش مو لوري بطرانه 

نرمان : احترم تره اني اختك الكبيره 

ايمن : وشكايل هسه هههه يلا روحي خلي اشوف وين اضم الشجره .. 

نرمان : وصلها بسلامه للبيت تره تترزل. 

ايمن : وداعتج يسويني شجره بس تتضرر..

نرمان: هم صدك هههه. 

ايمن : يلا رايح 

نرمان : الله وياك. 

سديته وضحكت شيسوي بالشجره مادري.. 

انتضرت لحد ما رجع ايمن فات للبيت يدردم 

ادهم : شبيك متكلي. 

ايمن : دهاك معود خبلتني انت وشجرتك ردت اجيب قرد بدربي فد مره. 

ادهم : عليمن تجيب واحنه عدنه قرد. 

ايمن : هاي عليه. 

ادهم : لا محشوم يلا فوتها للغرفه وتعال تغده سبع. 

حجاها وضربه على كتفه ايمن ابتسم ودخل الشجره لغرفه سيلين الجديده ،رحت صبيت الغده وكلنا تغدينه بهدوء كملت غده وكمت خليت الجاي على النار التفتت على ادهم وسألته. 

نرمان : ادهم مو هواي تركنه مرايم بيت اهلي وصار لازم ترجع. 

جان مدنك ياكل عكد حاجبه وكال. 

ادهم : ماكدر تتأذه نفسيتها بس ترجع. 

نرمان : مو سيلين احسن صارت وبطلت صراخ. 

ادهم : يا بطلت شايفه بليل شلون تتوحش على غفله وتعيط. 

نرمان : هم رجعت تحلم نفس الحلم. 

هز راسه ب اي وسكت. 

ايمن : يا حلم متفهموني. 

نرمان: تحلم واحد يخنكها وتصيح لاااااا ماريد ارجع لذيج الغرفه ومجرد ادهم يكعدها ترجع تنام ومتحجي.

ايمن : شلون سالفه هاي هذا مخوفها اكيد. 

ادهم : صار الجاي اريد انام ساعه واكعد. 

نرمان : شويه بعد توني خليته. 

ادهم : منتضرج انه بغرفه المكتب. 

نرمان : ماشي يخدر واجيبه. 

ادهم : عاشت ايدج . 

كالها وراح ...

ايمن : شبيه مجاوبني صدك جذب.

نرمان : تعبان متشوفه..

سكت واني لميت السفره وغسلت المواعين واخذتله الجاي لغرفته دكيت الباب وفتت لكيته كاعد على الحاسبه ومندمج خليت الجاي بصفه وباوعت شنو يقره ، مطلع تقارير بعلم النفس لدكتور بريطاني التقرير مكتوب بالانكليزي وهو مركز ويه كل كلمه ويحدد اللي يريده يسويله نسخ لصق بمكان ثاني. 

نرمان : وصلت لشي ..

ادهم : تقريبا .. 

نرمان : شوكت تبلش وياها علاج فعلي. ..

ادهم : بالاول نخلص من سالفه الادمان وترتاح يلا ابلش ما اكدر اضغط عليها اكثر. 

نرمان : هم صح زين انت شنو علاجك بالضبط خليني اساعدك علمود هم ترتاح انت واذا ماموجود اني بدالك. 

ادهم : حاليا اراقبها واحاول احافظ على نفسيتها سويتلها نظام غذائي يعني اعالجها من الداخل يلا ابلش بالحاله النفسيه 

نرمان: قصدك تعالجها جسديا. 

ادهم : همممم 

حجاها وارتشف حسوه من الشاي .... 

ادهم : غيرتي ملابسها اليوم. 

نرمان : غيرتها 

ادهم : والغيارات الداخليه تره الصبح تبللت. 

نرمان : صونده الادرار تحركت وجنت نايمه محسيت عليها. 

ادهم : مو كتلج هاي شغلتج يعني انه ما اكدر وبس هاي عليج شلون تخليها هيج. 

نرمان : ادهم والله نعست مكدرت اكعد هواي واني مرتين بليل جيت شفتها وطلعت زين ممكن نستبدلها بحفاظات كبيره. 

ادهم : ماعرف ماعرف ميت قهر على حالتها وكلبي مشكوك شك.. 

نرمان :الله يساعدك والله كلنا مقهورين عليها مو بس انت. 

ادهم : الله كريم ، روحي شوفيها وغيري ملابسها. 

نرمان : اي .. 

رحت للغرفه لكيتها نايمه باوعت على ملابسها مابيهن شي ومتدرره بالكيس غيرت الممتلئ بواحد ثاني..غطيتها وطلعت.. 

صاحني ادهم ورحت لغرفه سيلين الجديده باوعت على الغرفه وضحكت. 

ادهم : شو تضحكين.. 

نرمان : ليش جايب شجره وهلكد كبيره ومرجوحه وبعد شنو جايب قفص بلابل بس فارغ و لعابات ههههه.. 

ادهم: لان كلهن راح احتاجهن بعلاجها. 

نرمان : بس اني مقريت هيج شي ابد ادهم منين تجيب هاي السوالف. 

ادهم : من جنت بالخارج مو بس ندرس لا ياخذونه نطبق بالمراكز والمستشفيات فتشوفين المرضى مدلليهم دلال سواء بغرفهم او بالحدائق وضروري يتوفر اللون الاخضر مثل الزرع لهذا جبت هاي الشجره وبعدين اكلج شنو راح اسوي بيها اما بالنسبه للمرجوحه احتاجها من اعالجها اهزها بيها علمود اشتت انتباها من الشي الضايجه منه . 

نرمان : تدوخها يعني. 

ادهم : ممكن نكول تسليه . 

نرمان : زين والقفص شنو. 

ادهم : اذا تقبلت الاصوات اجيبلها كناري او بلبل علمود تبدي تتقبل الاصوات شويه شويه لان هسه لا متقبله صوتنه ولا اي صوت ثاني فكرت ابلش بأصوات الطيور .  

نرمان: اروح فدوه لذكائك انت دكتور واني دكتوره. 

ادهم : انتي متعبتي على نفسج انه ١١ سنه ادرس بهذا المجال عدا الدورات والندوات وكلشي يخص هذا العلم تلكيني سباق بيه انتي اكتفيتي بدراستج ودراستج تختلف عن دراستي ولتنسين انتي تخصصتي بشي مختلف عني تماما ...

نرمان : اكيد علم النفس بيه فروع هواي بس انت اشوفك ملم بهواي امور اكثر مني. 

ادهم : بس سيلين ترجع صحتها اعلمج على كلشي وراح تتغيرين هواي.. 

نرمان : عود اني كيفت صرت وياك بنفس الجامعه بعدني اول سنه وانت اخذت اجازه ممكن تقطعها لو راح تستمر بيها. 

ادهم: هاي السنه اكيد ما ارجع اله سيلين تكوم لحيلها وتستعيد نشاطها والباقي يم ربج شنو كاتبلي اشوفه. 

نرمان: ونعم بالله. 

كملنه حديثنه طلعت من غرفته ورحت لغرفه سيلين فرشت بالكاع ونمت حسيت على ادهم يكعد بيها علمود تاكل ، كعدت كأنما لعبه لا تعرفنه ولا تعرف نفسها تاكل وترجع تنام. 

كعد كبالها خله خاولي على صدرها علمود لتوكع اكل وتدمر ملابسها وبلش يوكلها على كيفه ويه كل لكمه يهمسلها 

ادهم : صحه

عافيه

حبيبتي. 

يحجي كلمه كلمه ويه كل لكمه ... 

نرمان : ادهم نحن هنا. 

التفت عليه مبتسم ورجع يوكلها خال ايده جوه حلكها والثانيه لازم بيها الخاشوكه. 

ادهم : لج هاي النفس شتحجين انتي. 

نرمان : مو اني هنا يمعود هههه. 

ادهم : افقد من اكعد كبالها ماحس بأي احد ولا اسمع ولا اشوف اشوفها هيه وبس. 

نرمان : حرام عليك والله صار عندي عوق بالمشاعر. 

ادهم : هلكد ماعزيزه عليه واحبها اتمنى اشيلها بجيبي وين ما اروح او اضمها ويه اغراضي الاحبها. 

نرمان : كافي عفيه اسكت دمرت نفسيتي راح ارجع انام ولتضل تتغزل ..

ادهم : هههه والله ما اضمن نفسي كدامها ليش اكذب.. 

نرمان : ههههههه.. 

نمت ساعه وكعدت لكيتهم ماكو طلعت رحت لغرفه سيلين الجديده لكيتهم بيها هيه نايمه وهو كاعد يتصفح بالموبايل. 

نرمان : تريد شي لو اروح اسبح. 

ادهم : سلامتج. 

نرمان : الله يسلمك.. 

بعد مرور ست اشهر على العلاج من الادمان بلشت تصحى سيلين وشفائها من الادمان اوشك على الانتهاء ، هنا قرر ادهم يعالجها نفسيا لكن شلون راح يعالجها هسه راح نشوف.. 

سيلين 

الهي لا اتذكر من انا والى من انتمي من هم عائلتي من هم احبابي شعور يعبر عن البؤس النفسي لدرجة فقدت التعرف على الاشخاص المعروفين لدي ......ولكن .... 

عطتتتتتتتتتتت بعلو صوتي 

سيلين : اه ه ه ه ه ه ه ه ه ه ه ه 

دخلو ثنين للغرفه ماعرفهم منو بالاصح عقلي مكاعد يجمع حتى اعرف ذوله منو بس اللي سمعته ومتأكده سمعت صوت او كمت اتقبل اسمع اصوات واخيرا... 

نرمان : الف الحمد لله حجتتتتتتتتت سيلين كعدت كعدت ..

تقرب منها ادهم وهمس.. 

ادهم : شنو شبيج 

سيلين : ماريد ارجع بذيج الغرفه ماريد ماريد.. 

ادهم : رجعتي تحلمين نفس الحلم ... 

هزت راسها ب اي... 

ادهم : زين عرفتيني انه منو ؟؟ 

باوعت علينه ثنينه وكالت...

سيلين : اي عرفتكم .... 

ادهم : منو انه 

صفنت عليه وعكدت حاجها. 

ادهم : مو كلتي عرفتكم انه منو شنو اسمي. 

سيلين : انت بابا وضاح.. 

جر نفس ادهم وغمض عينه رحت يمه ربتت على ضهره علمود يرخي اعصابه. 

فتح عينه ورجع سألها ويأشر عليه. 

ادهم : هاي منو تعرفيها ؟ 

اشرت براسها اي.. 

ادهم : شنو اسمها؟؟ 

حجاهاا مستفهم ... 

سيلين : عمه ياسه. 

هنا ادهم متحمل ضرب ايده حيل وكال... 

ادهم : ضرب عقلها مترجع هاي مترجع مستحيل.. 

نرمان : كول ياالله ادهم شنو السالفه تره توها كعدت وكامت تتقبل اصواتنه جانت مجرد تسمعنه تعيط شويه شويه من نحجي وياها راح تتغير. 

ادهم : مادري مادري عقلي راح يوكف تعبت..

نرمان : انت جنت تتوقع اول متحجي ويانه راح تحجي طبيعي لهذا انصدمت. 

ادهم : ادري راح تكلي انه وضاح وهيه من اول يوم شافتني كالت بابا بس انتي شجابج على ياسه. 

نرمان : اكيد تتذكر احن ثنين عليها وعقلها الباطن كاعد يسترجع الاحداث شويه شويه ويتذكر الشخوص وهذا مؤشر كلش زين بتقدم حالتها. 

ادهم : هم صح بس تعبت اريدها ترجع مثل قبل صبري خلص يا نرمان ..

نرمان : حقك اعرف تعبت واني راح اخذ اجازه من الدوام واساعدك. 

ادهم : ياريت نرمان ياريت تعرفين ذاك اليوم اجتها الشهريه وحرت شنو اسوي تالي اتصلت على ايفين اجتي بدلت الها. 

نرمان : يااا شو محجيتلي . 

ادهم : ماحبيت احجي بخصوصياتها لاي احد بس هسه كتلج لان فعلا محتاج تضلين يمي. 

نرمان : اضل ماعندي شي ولو ايفين كل يوم تخابر تريد تساعد واني اكللها بعدين. 

ادهم : محتاجج اكثر انتي تفهميني وذكيه وسريعه ذيج ساعه افهم بيها واشرح وكل شويه تكلي ليش وانه اتخبل من اصخر واحد ويكلي ليش ويكعد يستفسر مني...

نرمان : صح بيها طبيعه محلوه كلشي تسأل 

ادهم : وهسه صارت اتعس من تزوجت فهد. 

نرمان : ههههه فعلا اخذت اطباعه كلها..

سيلين : عمه تعاي نامي يمي. 

ادهم باوعلي وبهت واني هم.. 

خله ايده على عينه واشرلي اروحلها وهو طلع نمت بصفها خلت راسها على ايدي وحشكت جسمها بحضني كأنما تريد تهرب من الواقع خايفه ...

كمت امسد على شعرها واسولف وياها. 

نرمان : شنو تحسين وشنو يوجعج. 

سيلين : بطني توجعني وراسي يأذيني. 

نرمان : وبعد. 

سيلين : ادوخ هواي 

نرمان : مممم كملي. 

رفعت راسها باوعتلي.

سيلين : عمه. 

نرمان : هاا . 

سيلين : شوكت نرجع لبيتنه وهاجر وتقى ليش عافوني وراحو. 

اني هنا صفنت ناسيه عدها خوات واصلا ما اجه ابالي على الله كتلها . 

نرمان : اي نروح ميخالف بس نامي اول .. 

ضحكت وغمضت عينها نامت تسحبت على كيفي غطيتها وطلعت.. 

لكيت ادهم يشرب جكاره بره بالحديقه شافني طفاها وتقرب مني ..

ادهم : هااا حجت شي. 

نرمان : ذكرت اسمين ماعرفهم منو 

ادهم : منو بله 

نرمان : هاجر وتقى . 

عكد حاجبه وكال 

ادهم : ذني خواتها المتوفيات الله يرحمهن وشنو جاوبتيها. 

نرمان : الله يرحمهن كتلها اي نروح وهذا هو 

ادهم : حلوو يعني بلشنه نستعيد الذاكره بس بشكل عكسي. 

نرمان : شلون يعني بشكل عكسي 

ادهم : من الماضي للحاضر وهسه فكرت يعني ست اشهر راحت بين علاج الادمان والتهيئه النفسيه للعلاج اذن ضلت ست اشهر نطرح منها ٣ استذكار للماضي و٣ استرجاع الحاضر يعني هيج راح اكدر اسيطر على عقلها وابرمجه من جديد. 

نرمان : شلون مفهمت. 

ادهم : سيلين راح يرجع عقلها مادام تذكرت خواتها وتذكرت عمتها بس مو كلشي راح تتذكر ممكن ماضي بعيد وحاضر قريب .. 

نرمان : قصدك الماضي والحاضر مو كلشي تتذكر ..

ادهم: هسه اي وممكن بعد سنه هم يعني الاغلب راح تتذكر الاذيه فقط احتمال افعالي وياها ماراح تتذكرها لان انه جديد نزلت على الساحه وهذا حظ اخوج. 

نرمان : يبووو يعني راح تكون انسان جديد عليها. 

ادهم : لا مو جديد راح تتذكرني وتتذكرج بس متتذكر كل تصرفاتنه ممكن تتذكر الاذيه اللي سببناها الها وبس.

نرمان : يبوو يعني ذاكره عكسيه سيئه. 

ادهم : بالضبط. 

نرمان : زين ليش. 

ادهم : ماعرف حسب دراستي لحالتها ذيج الفتره جمعتها ويه افعالها وتصرفاتها طلعت النتيجه هيج. 

نرمان : زين شكد تحتاج ترجع طبيعيه ميه بالميه. 

ادهم : ماعتقد ترجع ميه بالميه اكدر اكول ستين بالميه. 

نرمان : زين شنو راح تكون تصرفاتها بالفتره الجايه حتى نعرف شلون نتعامل وياها. 

ادهم : راح نتفاجئ بهواي امور ولازم نكون مستعدين لكلشي. 

نرمان : مثليش. 

ادهم : انتحار تمرد عنف جلد الذات كره هواي امور سلبيه. 

نرمان : ماعرف حرت.. 

ادهم : المهم هسه عينج عليها اكمل جكارتي واسبح واجي. 

نرمان : على كيفك ويه روحك بالجكاير. 

ادهم : اعوفها بس تصير زينه 

نرمان : وعد 

ادهم : وعد 

ابتسمت وفتت ، بليل كلش جنت نايمه كعدت على صوتها تحجي بحلمها كمت يمها علكت ضوه التيبلام باوعتلي عكنشت وجها وعاطت. 

سيلين : اريد بابا وين بابا.. 

نرمان : اهدأي حبيبتي هسه اصيحه الج..

سيلين : باباااااااا اريد باباااا

نرمان : صار صار...

حجيتها وطلعت من الغرفه رحت لغرفه ادهم اخر فتره كمت بس اني انام يمها وهو ينام بغرفته لان تعبان رحت كعدته اخترع. 

ادهم : شكو شبيها. 

نرمان : على كيفك مابيها شي بس تريدك ههههه. 

ضحك. 

ادهم : تريدني. 

نرمان : اي والله. 

دنك راسه حك شعره وفات للغرفه

 الي ضحكنه ثنينه وخصوصا هو حتى وجها صار احمر دم فتحتله ايدها واشرت على المكان البصفها يعني تعال نام هنا التفت عليه يضحك .. 

ادهم : استغفر الله هاي شلون بيها. 

نرمان : ابوها مو حرام 

ادهم : وانه جد جدي مشتعل انوب انام بصفها شلون بله .. 

نرمان : معليه اني انت وبنتك راح اروح انام. 

ادهم : تعاي بابه وين عايفتني . 

سيلين : بابا .. 

نرمان : هههههههههههه استلم بابا وين ايمن وفهد عنك. 

ادهم : اموتج والله لو حجيتي يصنفوني تصنف. 

نرمان : دنام نام والصبح اشهرك. 

ضحك وشال طرف البطانيه وكعد بصفها كال ...

ادهم: ربي انت اعلم بالنيات والله نيتي شريفه. 

نرمان : ههههههههه حجي يفيدك ابو الاداهم حجي يفيدك. 

ادهم : لج تعاي نامي بصفي علمود تغفى واروح لغرفتي لتورطيني انه رجال اصلي واخاف الله. 

نرمان : ههههه اويلي عليك ادهم حتى حبك بخبال. 

 يحجي ويايه و سيلين جرت ايده فتحتها ونامت عليها وهذا انصدم ضل يضحك ويفرك بلحيته. 

نرمان : يلا عادي ابوها ابوها. 

رجع راسه ليوره يضحك هلمره شالت ايدها وحضنته حيل. 

ادهم : يمعوده شسالفه لخاطر الله. 

نرمان : ههههههههه اخ يابه راح اموت.

ادهم : انه الراح اموت ومحمد ولج تعاي اخذيها مني مو انترست حرام. 

نرمان : مو كتلك ابوها. 

ضل متمدد بس ابد ملتفت على سيلين عينه عليه وكلساع يضحك. 

نرمان : اطلع اذا خجلان.

ادهم : لا عليج الله ضلي . 

نرمان : زين ليش اخذ راحتك نام 

ادهم : ولج ما اضمن نفسي بنت ال **

نرمان : ههههههههههه حموت باجر شسوي بيك بسيطه.

ادهم : شلون حظ اسود هلمره عبالها ابوها كامت تشوفني وضاح بله بشرفج هذا الوجه يشبه وضاح. 

نرمان : ههههههههه كافي عاد تره فصلت .. 

جريت كرسي وكعدت كبالهم كل شويه سيلين لو حاضنته لو خاله ايدها على وجها وهذا ضاع وتخربطت احواله كلها.. 

نرمان : هذا من ضمن الكورس العلاجي. 

ادهم : انه ادري شلون بلوه وقهر هذا . 

نرمان : وين جانتلك .. 

ادهم : اي بالله.

مجرد غفت سحب نفسه وكام دخل اصابعه بشعره متوتر ومرتبك همس ..

ادهم : نامي بصفها انتي علمود تأمن. 

نرمان : ماشي.. 

نمت بصفها مجرد حست بيه حضنتني ...

ومشت الايام وسيلين كامت تموت علينه اني وادهم بس تحبنه بخيالها وبغير شخصيات ، اللي همه وضاح وياسه.. 

وره اسبوع كامت تسولف ويانه بس شيش بيش وبلش ادهم وياها العلاج النفسي اول يوم كعد كبالها وبلش يسألها. 

ادهم : شنو اسمج ؟؟ 

صفنت بوجها ضحكت وكالت. 

سيلين : سيلين وضاح. 

ادهم : شكد عمرج ؟ 

فرت عيونها وباوعت عليه ورجعت باوعتله رفعت ايدها ثنينهن وطلعت اصابعها كلهن يعني عشره. 

ادهم : عمرج عشره.. 

هزت راسها ب اي. 

ادهم : انه وضاح لو ادهم. 

سيلين : بابا 

ادهم : لا انه اسمي ادهم 

عقجت وجها وهزت راسها بنتر رافضه الفكره. 

سيلين : لا انت بابا. 

ادهم : انه ادهم 

سيلين : بابا 

ادهم : ادهم 

سيلين : بابا 

ادهم : ادهم 

وضل يكرر عليها الى ان كامت تصيح لاااااااا انت بابا. 

وكامت تضرب وجها رحت لزمتها ضلت تضرب بيه متريديني تقرب ادهم يمي لزمها...

ادهم : تركيها وخري ... 

شافت ادهم كمزت بحضنه حضنها وضلت تسأل بيه.. 

سيلين : انت بابا. 

هز راسه ب اي وهمس 

ادهم : اي انه بابا. 

سيلين : لتخليهم ياخذوني. 

ادهم : منو ياخذج. 

سيلين : ماعرف ميحبوني.

ادهم : منو ميحبج.. 

اشرت على نرمان وعلى جهة ثانيه من نباوع ايمن واكف.. 

ادهم : ذوله ميحبوج ..

سيلين : اي 

ادهم : لا يحبوج ويداروج هنا كلنا نحبج محد يضوج منج. 

سيلين : لا بس انت تحبني همه ميحبوني.. 

وكامت تصيح وتأشر علينه علمود نطلع 

اشرلنه ادهم نطلع وطلعنه وضل هو وياها ثاني يوم جنه نايمين الظهر اني يمها والولد بغرفهم فزينه على عياطها كمت وكفت يم يراسها وادهم فات يركض يصيح.

ادهم : شكو شبيها.

نرمان : ماعرف غفل كامت تصيح.

ادهم : اهووو معقوله رجعت تحلم.

نرمان : ماعرف والله..

لهناك وكامت تتقيء وانكلبت عيوينها ليفوك ادهم خلاها بحضنه وضل يضرب على وجها وينفخ عليه ، كامت تاخذ هوه من نفس ادهم وترجع تزفره اختنكت بالاكثر ادهم شالها وطلع يمشي وصاح.

ادهم : لبسي اي شي وتعاي ويايه.

نرمان : اي جيت.

بدلت على السريع وطلعت ادهم كاعد يمها ليوره جانت خاله راسها على كتفه وتتنفس بصعوبه وايمن واني ليكدام وصلنه للمستشفى من الطوارئ اخذوها كبل شدولها مغذي من بعد الفحوصات طلع ضغطها هابط والسكر هم كمل المغذي ورفعو عنها الاوكسجين بعد ما رجع نفسها طبيعي..

وهيج مشت الايام احنه متريدنه ومرات تصيح علمود نطلع، وتريد بس ادهم كامت متتقبل اي شي من عدنه وحتى ايفين متريدها شكد تحاول وياها متتقبلها تطلع ايفين تبجي ويجي فهد ياخذها وتروح.... 

بلش ادهم وياها بكورس علاجي بالعقاقير الطبيه علمود يهيئها للعلاج النفسي وبالكوه ننطيها الكبسول تسد حلكها متقبل .. 

ادهم : تره ازعل عليج اذا متاخذيه وما انام يمج. 

بس تسمع هيج تفتح حلكها يخلي الكبسول ويشربها مي.. 

ومشت الايام واليوم النه سبع اشهر ... 

جانت دنيا العصر رحت يمهم بالغرفه طبعا غرفه سيلين صارت بيت ادهم يطلع منها بس على كد الحمام حتى الاكل وياها ياكل كلش تعلق بيها لدرجه تضحك يضحك وياها تبجي يبجي تنام ينام تاكل ياكل .. 

كعدت يمهم وجان معلق اوراق صغار بالشجره صار عندي فضول اعرف شنو فكرتهن لهذا سألته..

ادهم : شنو هاي الاوراق.. 

التفت عليه وكال. 

ادهم : هسه تعرفين. 

انتهى من تعليق الاوراق وراح لسيلين كومها من ايدها وجابها يم الشجره همسلها بحنيه وصوت عذب...

ادهم : اخذي ورقه .. 

باوعت عليه تضحك. 

سيلين : هاي؟ 

ادهم : بكيفج اخذي وحده اللي تعجبج. 

كل ورقه بيها شريط لون سحبت الورقه شريطها لونه بني ادهم التفت عليه مبتسم. 

نرمان : يعني شنو؟؟

ادهم : هيه تحب هذا اللون يعني بدت تتذكر. 

نرمان : يا الله ياالله.. 

رجع التفت على سيلين وطلب منها تفتح الورقه. 

ادهم : فتحيها واقري شنو مكتوب.

فتحتها وعكدت حاجبها. 

سيلين : انت اقراها. 

ادهم : زين عوفيها معليج بيها سحبي ورقه ثانيه. 

سحبتها فتحتها وقرتها. 

سيلين : هاي طوبه..

تقربت منهم لكيته راسم طوبه. 

اندهشت من عقليته ومن اسلوب علاجه يعني تفاجأت شي ميخطر على بال احد لو الف سنه متجي ابالي هيج طريقه. 

ادهم : صح يا حلوه هسه اخذي وحده بعد. 

تباوع عليه وتضحك وجها يخبل بدت تسترجع عافيها رغم سواد جوه عينها وتعبانه بس وجها ويه شعرها المخربط ونازل منا ومنا تخبل طالعه لابسه بجامه سمائيه واكمامها طويله مغطيه نص من كفوف ايدها. 

سيلين : هاي ؟ 

ادهم : اي هاي. 

اخذتها فتحتها وكالت 

سيلين : هذا عصفور 

ادهم : صحيح يا جميله .. 

حجاها ولزم راسها باسها. 

ابتعدت تضحك. 

ادهم : اجيبلج من هذا العصفور. 

سيلين : ماحبه 

ادهم : حلوو كلش. 

سيلين : بكيفك. 

ادهم : اليوم اجيبلج منه. 

سيلين : ماشي..

وهيج استمرو يفتحون باقي الاوراق قسم عرفتهن وقسم لا الرسوم تكدر تميز بس قراءه متكدر من نامت طلعنه بره كعدنه. 

نرمان : ادهم 

جان مرجع راسه ليوره على القنفه وحجه بصوت تعبان.

ادهم : هممم 

نرمان : ليش سيلين تتذكر الاوراق البيهن رسم وتتعرف عليهن الكتابه متكدر تقراها. 

ادهم : عدها صعوبه بالتركيز شويه شويه تتعود واعلمها. 

نرمان : مادري حيره بس ليش هواي تحجي بنومها البارحه ابد مسكتت وحتى من تفتح عينها تسولف حجي مامفهوم نصه. 

ادهم : نتيجه الادمان تصير عدها حاله هلوسه بصريه مرات سمعيه وكلاميه لهذا تحسيها مجنونه بس هيه لا عقلها تعبان شويه شويه يرجع.. 

نرمان : يارب. 

ومشت الايام واليوم النه تسع اشهر وغفل كعدت سيلين لكت ادهم نايم بصفها ، شافته عاطت كعد مخروع راد يوكع من الجربايه باوعلها جانت عاكده حاجبها واني راسي كام يموتني هم بليل منايمه من وراها وهم كعدتنه على عيطه جان يوم جمعه وكلت ماعندي دوام اليوم انام زين .... 

سيلين : هاي شعندك هنا نايم. 

ادهم : غير ابوج.. 

سيلين : عمو شبيك شنو ابويه مو عيب. 

نرمان : ههههههه صدك شنو ابوها متستحي انت. 

ادهم : لج انصفيني .. 

نرمان : معليه ناركم تاكل حطبكم ههههه حلها يادكتور..

التفت عليها ادهم .. 

ادهم : باعي افهمج بس اول جاوبيني انه منو ؟ 

سيلين : عمو ادهم 

ضحك فرحان. 

ادهم : صحيح انه ادهم وذيج منو

اشر عليه باوعتلي عاكده حاجبها. 

سيلين : نرمان.. 

ادهم : ابوسج من عقلج صحيح ياعمري. 

سيلين : هاي شبيك عمو شو رحت زايد ...

نرمان : والله لو تدرين . 

باوعتلي وكالت 

سيلين : بشنو؟ 

نرمان : يعني جنه ضايجين عليج ومقهورين. 

سيلين : هاااا.. 

ادهم : شنو تتذكرين . 

سيلين : كلشي 

ادهم: كلشي كلشي.

سيلين : اي كلشي. 

كام وسحب الكرسي كعد كبالها. 

ادهم : البارحه وين جنتي 

من سألها عكدت حاجبها ونصت تنفست سريع وكالت. 

سيلين : محبوسه بغرفه كلشي بيها ابيض حايطها ابيض ضواها ابيض اسرتها ستائرها ملابسي وحتى اكلي . 

ادهم يستمع الها بأنصات ورافع تك حاجبه بحركه مقهور على مركز كل قوته ماعرف شلون اعبر عن تعبيرات وجها بس ككل تعبيرات حنينه. 

ادهم : زين هاي الغرفه شكد جنتي تضلين بيها ومنو جان يخليج هناك. 

سيلين : سامر. 

ادهم : ليش 

سيلين: معليك. 

ادهم : تمام معليه بس احجيلي بعد شنو صار وياج واذا من البدايه بعد احسن. 

سيلين : جوعانه. 

رخت ملامح ادهم وابتسم التفتلي وكال. 

ادهم : سويلها اكل يمعوده. 

نرمان : تدللو عيني هسه اسوي. 

رحت للمطبخ سويت اكل وخليته يمهم كعدو ياكلون هو وياها ، بس اعصابها مشدوده من ادهم ماعرف حسيتها ضايجه منه.. 

كملوا اكل وطلبت تروح للحمام سبحت وهيه مغمضه عينها وساده اذنها اني وكفت على صفحه اول شي مقبلت افوت وياها بعدين قنعتها وكتلها ما اباوع بس اوكف يمج وكمت اسرق نضرات لان اخاف عليها كملت ناوشتها المنشفه والملابس وطلعنه رجعنه للغرفه . 

سيلين : وين حجابي ليش اني بدون حجاب كدام عمو وليش نايم يمي جان 

نرمان : كلشي نحجيلج بس اول انتي 

احجي لادهم. 

هزت راسها ساكته ..