رواية زهور بنت سلسبيل الفصل التاسع والاربعون
ليفتح الباب وتدخل فتاة تمشي بغرور وصوت
ضربات كعب حذائها يعلوا بالمكان ليرفع الجميع راسة لاعلي يجدوا.
زايد / نهال بتعملي ايه هنا في الوقت المتأخر ده.
نهال / تجلس تضع قدم علي الاخري بغرور جايلكم بعرض مغري لتنقذوا بيه سمعتكم وتلحقوا تنهوا الباقي من المشروع من غير خسائر.
زيدان / ايه الكلام ال بتقوليه ده وعرفتي ازاي ال حصل ومحدش يعرف حاجه بره الشركه.
زايد /هب واقفا قطع المسافة بينه وبين نهال لينقض عليها ممسكها من يدها بعنف يغرس اصابعه في رسغها، ماهي وضحت اهي يا زيدان الهانم طلعت وراء كل ال حصل وجاية تساومنا بعد ما أتاكدت
من نجاح لعبتها.
زين / حضرتك يا طنط نهال طب ليه وانتي وحده من العايله ال يضرها يضرك زيك زي الكل.
زايد / انت بتكلم مين دي ميهمهاش غير مصلحتها
بس هي جات بنفسها .
ليصمت علي تعالي أصوات رنات هواتفهم جميعا.
زين /الو ايوه يا ماما.
زيدان ايوة يا عمي.
زايد / قوله يروح علي البيت ليجزب نهال يجرها خلفه زيدان انت وزين انهي باقي الشغل وكل الموظفين من بكرة يتحقق معاهم واي واحد يشك فيه متورط مع الهانم نزله علي المخزن تحت وسبهولي وانا هتعامل معاه بنفسي.
ليخرج من باب المكتب و يهبط من مصعد خاص بالادارة بعيد عن باقي الشركه ليهبط بها الجراج
يدفعها الي سيارته ويغلق خلفها الباب لا يستمع
الي صوت صرخاتها .
ليدخل السيارة وينطلق بها دون ان يلتف لها
حتي توقف أمام القصر يترجل من سيارته بسرعه
يفتح الباب من جهتها ويجزبها من السيارة يدفعها امامه ليدخل القصر يجد عمه وشقيقاته وزوجته وزوجة شقيقه ووالدته منهارة من البكاء.
ليرمي نهال علي الارض اسفل قدم والدته.
زايد / طبعا كلكم عرفتم ال حصل والخسارة
ال حصلت، عاوز اعرف مين ال بلغكم والخبر
لسه متنشرش.
عمه / نهال اتصلت بيا من ساعة وقالت ان
عبدالرحيم تعب واتنقل للمستشفي.
امال / في ايه يا زايد نهال عملت إيه عشان
تعمل فيها كده.
اتت تساعدها علي الوقوف.
زايد / أمال مكانك واياكي تلمسيها، وانتي عرفتي منين ال حصل .
امال /تنظر إلي نهال بعينها تسالها ماذا فعلت.
زايد / إنطقي ومل واحده هنا تقول ال حصل من غير ما اسال.
امال / نهال اتصلت بيا وقالت المشروع ال دخلتم فيه خسر وان في مخلفات في المباني المنتهيه.
ايات / أمال بلغتني من شوية.
زينب / امال لسه مبلاغانه
زينه / جوزي اتصل بيا وقالي اى حصل من عشر دقايق وقال ان اسهم الشركه نزل بطريقه رهيبه في البرصه.
زايد / زينة اتصلي عليه خاليه يجي هنا حالا من غير ما تقوليله اي تفاصيل فهمه قوليله اخواتي مش هنا وماما تعبت اوي ورفضه تروح المستشفى .
ليلتف للفتايات حول جدتهم وسيليا إبنته التي
تجفف دمعات جدتها ليبتسم لها.
لينادي علي ابنة شقيقته.
زايد / نوران خدي سيليا واطلعي بين فوق. لتصعد نوران دون ان تتحدث تمسك بيد سيليا وتصعد لاعلي.
زايد/ يتجه الي نهال يجزبها لتقف امامه.
قولي ليه عملتي خطتك الحقيرة دي ليه.
ليشير لها لتصمت اول ما بداءت تتحدث .
انا هقولك عملتي ايه وازاي نفذتي بس هسيبك
تقولي مبرراتك قبل ما تحكمي علي نفسك.
زايد / وهو يشير علي نهال الهانم قدرت
تغوي مدير الأدارة الهندسية للمشروع
وعملت معاه إتفاقية قذرة وفي نفس
الوقت اتفقت مع كام مهندس ومقاول
وصحفي فاشل عاوز يشتهر بسبق صحفي
لا ومكتفتش بكدة لا أجوزت عرفي جوز زينة
الباشا المحترم إجوز الهانم واتفق معاها
علي تدمير الشركه وتجي الهانم تساومنا
علي انقاذ الشركات وبمعن أدق تنقذنا من الحبس
باننا ما نصدق ونقبل بمساومتها ونديها الفندق بمجموعه سلسلاته قصاد إنها تدينا دليل
البراءة وتدينا تسجيلا ت بصوت المقاولين
والمهندس المسئول علي الكارثة وبكدة
تكون ضربت عصفورين بحجر واحد
تخلص من اتفاقها مع المهندس وتاخد
الفندق ال طول عمرها بتحلم بيه.
ليصمت فور سماعه صوت سيارة بالخارج
يقترب من النافذه يري زوج زينه يهبط من
سيارته ليشير للجميع بالصمت ويجزب نهال
يجلسها جوار عمه ويخرج مسدس من جيبه يشير لها
به.
تفتح زينب الباب ليدخل زوج زينة وتغلق خلفه بإحكام.
زايد / أهلا أهلا يا عريس شرفت.
زوج زينه عاصم / يلتف حوله تختفي أبتسامته
وهو يري تجمع كل افراد العائله بمن فيهم بناته الصغار.
عاصم / بتوتر ولجلجه في ايه يا زايد.
زايد يشير له بالجلوس جوار نهال.
ااقعد جنب عروستك مع ان الجواز من فترة بس لسه عرسان جداد بردة.
عاصم يبتلع لاعابة ينظر الي نهال برعب والي زينه.
ليحدثها .
عاصم / زينه حبيبتي في ايه مش فاهم زايد بيقول ايه.
زايد / ممثل فاشل يا عاصم لعبتكم اتكشفت، عارف سبحان الله كله بالصدفة هحكلكم
من كام ساعه طلبت طلب من غادير تحيبة من مكتب جدها وزينه دخلت عليها وعشان زينه متعرفش هي بتعمل ايه بمكتب جدها اخدت ملف لقته علي المكتب بسرعه وخرجت وللعجب يا أخي الملف ده
في ورقة جوازكم العرفي وكام صورة ليكم انتم
الاتنين في اوضاع زباله، ومعلومة صغيرة جات
قدامي وانا بقراء التقرير ال مع الصور خالت الشك زاد جوايا واديت المعلومة دي لضابط صحبي وهو
ال جابلي كل المعلومات ال كنت محتاجها واتفقت
معاه يعمل الخطه وحتي البرصه اتفقت مع كام وحد من طرفي يوقعوا الاسهم وبعد ما وصلتك المعلومه
ليك الاسهم عالت بصورة رهيبة.
بس كان ناقص حاجة واحده نهال تجي الشركه برجليها عشان ادي الامان لشركها هناك ويكشف
نفسه هو وكل اعوانه وقد كان وزيدان وزين
قاموا بالواجب وزيادة.
الجميع مصدوم مما يسمعوا.
زينة إقتربت من زوجها ووقفت أمامة
زينه/ سبب واحد يخليك تعمل ال عملته .
عاصم / نظر للارض ولم يفتح فمه.
زينه / بصريخ انطق سبب واحد يخليك تعمل كده
وكمان تجوز بنت عمي ال مفروض اختي متربيه معانا امي ياما سهرت بيها.
عاصم / زينه انا انا غلطت سامحني انا اسف قدرت
تغوني وتلعب عليا وانا ضعفت واجوزتها.
زينه /عزر أقبح من زنب بس هقول أيه انا ال استاهل كل ال أنا فيه كنت عامية عن أفعالك القذرة وبصدق كلامك من غير ما اناقشه.
زايد / وانتي يا ست نهال مبرراتك ايه.
نهال / تنظر لهم بحقد. لان بكرهكم كلكم وبحقد عليكم وخصوصا انتي يا زهور بحقد عليكي حب عمي ليكي ولادك حواليكي، انتي الوحيدة اى مكنتيش موافقه علي جوازي من زياد وما كتفتيش بده لا كنتي عارفة بجوازة من واحده تانيه ، ولادك جنبك وانا امي ماتت واتربيت من غبر ام بابا سبني واجوز وعاش حياته كنتي بتعقبني علي اي غلطه صغيرة
عملتها عمي وبابا رموني لاول واحد اتقدملي عشان يخلصوا مني حتي حلم عمري الفندق والاراضي ال جنبه ومشروع المجموعه السكنيه باسمي ال كنت بحلم
بيه ووافقت اجوز زياد المعاق عشان احقق حلمي.
لما اجوزه والفندق وثروته تبق كلها ملكي عملت ايه
تنظر لزياد بحقد. لتكمل كلامها.
انت مصدقت يوم الوصيه انك بقيت مدير الفندق
فاكر بعدها بفترة جيت عرضت عليك تدخل شريك معايا عملت ايه فيا طرتني وقلتلي نجوم السماء ااقربلي من الفندق وعملت منه سلسله فنادق بنفس الاسم حتي لما قولت لك خلي الفندق واديني الاراضي قلت ايه وقتها دي حق اخواتك وهم اتنزلوا لبنت
زياد عليه عارف انا بقي ال طول السنين دي بخطط
ازاي اوقعكم.
بابا ال قاعد جنبي ده مش قادر يتكلم اول واحد انتقمت منه لما قتلت مراته وبعدها خطتت لكل واحد هنا انا ال زقيت صحبتي علي احمد اخويا لحد ما حبها واجوزها وانا ال بعت لزينب فيديوا جوازة
وانا ال اقنعتها تطلب الطلاق وايات وامال كنت بعرف كل الاخبار منهم من غير ما يحسوا،
وكمان انا ال بوقف البحث عن بنت زياد وعشان
لحد دلوقتي مش عارفين توصلوا ليها بالرغم
من نفذكم وعلاقتكم.
ومش هتعرفوا توصلولها عارف ليه عشان حالا في واحد من طرفي قدر يوصل ليها وبعت ال يقتلها
لتضحك بهستريا شفت بقي اني لعبت بيكم كلكم
قدرت تكشفني وتوقعني لكن بردة انا نجحت في تدمير كيان عبد الرحيم الغمراوي بكل جبروتة
وقتلت بنت زياد قتلتها زي ما قتلتوني كلكم.
زهور / تصرخ بها انتي مجنونه ايه الحقد ال جواكي
ده زنبها ايه البنت عشان تقتليها عملتلك ايه انطقي هي فين انطقي.
نهال / بهستريا خلاص قتلتها قتلتها من ساعتين بس قتلتها وصورتها وهي ميته معايا علي التليفون أهي.
لتفتح هاتفها امام الجميع بروا فتاة غارقة بدمها وبجوارها لفيف من الناس وهناك سيدة تجلس بجوارها .
لتصرخ زهور الجده وتسقط ارضا من هول ما راءت
زايد / اقترب من نهال يصفعها عدة صفعات علي وجهها لتسقط عند قدم والدها المنكس راسه لاسفل
لم يرفعه من وقت ما جلس لتصرخ نهال به.
نهال / بابا قوم دافع عني ولو مرة واحده قوم
لتهز والدها وتصرخ وهو يميل علي جانبة دون أن
يتحرك. ليبعدها زايد عنه ويعدل عمه يتحسس عرقه النابض ليفزع ينادي علي ابنة شقيقته.
زايد / نوران بسرعه اتصلي علي الاسعاف.
ليستغل زوج زينه تلك الحالة يحاول الفرار
ليقف مبتعدا علي الباب وهو يري زين وزيدان وخلفهم مجموعه من الضباط يدخلون المنزل
ليعود للوراء.
زيدان / اتفضل يا حضرة الضابط سمعت بنفس إعتراف المسئولين عن ال حصل وأكيد شفت
بنفسك إعتراف المهندسين والمقاولين مين
اتفق معاهم وخالهم غشوا في مواد البناء
والاساسات.
نهال تصرخ بهستريا ممسكه بيد والدها قوم يا بابا قوم دافع عني ولو مرة واحده قوم لسه ملحقتش افرح بإنتقامي منهم قوم متسبنيش انت كمان
ايات تضم والدها وبجوارها امال يهزنها وتبكيان /
بابا قوم متسبناش مالنلش غيرك .
نهال تصرخ بابا الحقني يا بابا قوم ابعدهم عني لتصرخ في الضابط وهو يبعدها عن والدها تضرب يده ابعد عني سبني انا معملتش حاجه انا
يدوب انتقمت لنفسي منهم.
ليجزبها الضابط ويأمر احد المجندين بوضع الكلابشات بيدها وتصتحب هي وعاصم الذي يستنجد بزينه وبناته .
ليرحل الضابط بعد وضعهم بسيارة الشرطه متوجه بهم للتحقيق معهم.
بينما زايد والجميع يلتفون حول عبدالرحمن
الذي لا يتحرك.
ليقوم زايد بحمله بمساعدة زين ووضعه علي الفراش في اقرب غرفة وتغطيه وجهه وجسده بمفرش السرير ويخرج تارك امال وايات يجلسون حوله
يبكون وينادوا عليه.
زايد / زيدان تعالي معايا المكتب انت وزين وزينب ساعدي ماما ودخلوها أوضتها انتي وزينه وادوها ادويتها وخالي زينه جنبها وحصلينا علي المكتب.
زايد / جفف دموعه المتساقطه / زين اتصل علي حمزة وحازم يرجعوا مالهوش لازمه يفضلوا برة اكتر من كده وعرفهم بوفاة جدهم عبد الرحمن.
وانهم ينزلوا علي اول طيارة.
وانت يا زيدان / اتصل بكل معارفنا وبلغهم بوفاة عمي ونزل نعي في كل جرايد البلد.
وانا هروح وراء نهال اعرف طريق بنت زياد ولو معرفتش هقلب البلد لحد مااوصل لليها.
زيدان بصوت متحشرج من البكاء / مش وقته يا زايد
بعدين نشوف الموضوع ده دلوقتي نشوف هنعمل ايه وهنخرج ازاي من المصيبة دي انت عارف بالرغم من القبض علي المسئولين عن ال حصل ال انت بنفسك عارف حجم الضرر وان المشروع خلاص فشل ودخلين علي إلأفلاس.
زايد / زين اخرج نفذ ال قلتلك عليه، وياريت تبعت نوران لهنا.
بعد خروج زين جلس زايد بجوار زيدان.
زايد / هجنن يا اخي لولا الصدفة مكناش عرفنا مين السبب وال مش قادر اصدقة ليه بابا لما عرف بجواز نهال وعاصم سكت ليه وازاي مقراش التقرير وقتها.
زيدان/ مش ممكن يكون قراه بس في حاجه منعته
يحكي او يصرف.
زايد /قصدك اتهدد بحاجه معينه زي بنت زياد مثلا
زيدان /او حيات حد فينا.
زايد /معتقدش حاس ان بابا كان مرتب لحاجه وال حصل ده برجله وخصوصا كل الامور جات وراء بعضها.
دق الباب دخلت نوران بصحبة زين وهو يضمها ويحاوط كتفها بيده يهداءها من شدة البكاء.
زايد / وقف واشار لها لترتمي بحضنه وتبكي بقهر.
زايد / علي شغلك يا زين متقلقش نوران هتبق كويسه اهم حاجه تنفذ ال قلتلك عليه.
زين نظر نظرة حزينة إلي نوران واوم براسة وخرج.
زايد / ااقعدي جنب خالك زيدان واهدي شوية
واسمعي كلامي.
زايد / نوران عاوزك تتمسكي محتاجك. دلوقتي تدخلي تعملي ليا بحث علي اسم زهروان زياد
واول ما توصلي لحاجه بلغيني.
اومت نوران براسها وخرجت وخرج زايد وزيدان
للخارج بعد انتهاء كليهما بانهاء بعض الامور.
والاطمئنان من نجاح عملية والدهم، وبداؤوا في
إجراءات العزاء لعمهم بعد حضور الطبيب وأعلان ساعة الزفاة.
••••••••••••••••--
زهور تقف بعد تكريمها من المحافظ واستلامها لشهادة تقدير بأسمها وبعد الانتهاء وقفت بجوار
احلام والدكتور احمد لتفاجاء باحد يضع يده عليها من الخلف لتلتف بسرعه لتصدم من نفس الرجل التي راءته في السوق ابتسم لها بمكر ورحل قبل ان تتحدث.
يختفي بين الحضور .
زهور ظلت تحوب بعينها المكان لم تجده لكن لديها شعور بوجود احد يراقبها لتطلب مت الطبيب احمد اللانصراف.
زهور/ستي انا تعبت مش يلا بينا بقي هنفضل لحد امته خلاص التكريم خلص والباقي مالوش لازمه.
أحلام /أنا كمان تعبت يلا بينا قبل الدنيا ما تليل.
زهور /هقول لبابا أحمد ونمشي علي طول.
أحلام /طيب قوليلة وانا هشاور لتاكسي علي ما تجي.
خرجت أحلام من القاعه التي يتم بها التكريم
تقف تنظر الي باب القاعه فور رؤيتها لزهور التفت
تشير إلي. عربة إجرة لتقف أمامها واحده.
أحلام /اخبرته العنوان .
السائق / تمام يا مدام المهم ما يكونش شارع مقلقل وعيال تقرفني .
أحلام /متقلقش البيت في اول الشارع والارض مساويه.
السائق / بخبث إتفضلي إركبي إحنا قدام المحافظة والوقفه هنا ممنوعه.
أحلام /ثواني يا تطلع قدام شويه بنتي جايه هناك أهي.
السائق / شاورلها وأركبي بدل الوقفه في الزحمة دي وال رايح وال جاي بيخبط فيكي، وانا هستناها قدام لو الامن اخد باله من وقفتي هنا هيسحب الرخصة.
أحلام / اشارت إلي زهور وصعدت إلي السيارة
لينطلق السائق للأمام يقف علي بعد خطوات وفور إقتراب زهور ادار المحرك مستعدا للانطلاق .
زهور خرجت من القاعة الملحقة بمبن المحافظه
تتلفت يمين ويسار تبحث بعينها علي جدتها لتجدها
تقف علي مقربة من الطريق تشير إلى عربة لتسرع بخطاه بين الحشود امام المبني من أهالي الطلبة المكرمين تخترق الطريق بينهم وهي تحاول ان تشق طريق لتتنفس الصعداء وهي تقترب من مكان وقوف جدتها لتراها تصعد الي العربه وتشير لها علي الامام لتكمل سيرها بين الحشود تتلق ضربه من هذا وتعتزر لهاذ حتي خرجت من بين الحشود وتسرع بخطاها
تجاة محل وقوف عربة الإجرة لتنزل من علي الرصيف تعبر الطريق لتصل للعربه لتسقط أرضا غارقة بالدماء أثر إسصتدام عربة مسرعه بها وتكمل سيرها بسرعه.
أحلام راءت ما حدث وهي تنظر من الزجاج الخلفي للسيارة لتصرخ.
أحلام / زهوررررررر. لتمد يدها لفتح الباب لتصرخ والعربه تنطلق بها بسرعه جنونيه لتصرخ بالسائق تحثه علي الوقوف ليلتف لها ويرش بوجهها رزاز
لتغيب علي الوعي.
