رواية اوجاع يتيمة الفصل الخامس بقلم جمانه السعيدي
ضل عامر يحاول يفتح الباب شويه وسمعت صوت رساله اجت التليفون التفتت
شفت تليفون اخته الزغيره ناسيته
اجتني فكره اخابر حسام هو يخلصني من هاي الشده
...كتله `دقيقه بس ابدل وافتح الباب
...يله ياحلوه انتضرج
سحبت التليفون طلعت اسم حسام لكيت التليفون بي بس ترميشه رمشت علي مرتين
واني ادعي يارب يسمع الترميشه
نزعت ثوبي ولبست دشداشه بسرعه
هو يلح يله ماخلصتي وينج شكاعد تلبسين درع
خابر حسام الوووووو
تعمدت احجي بصوت عالي واسمعه
الو حسام اني ايناس الباب انقفل عليه باب غرفة البنات
.....اي هسه جايج
عامر كال خرب اني اعلمج
مايكدر ينزل لان حسام راح يلاكي على الدرج فتح باب المخزن ودخل
اجا حسام ها ايناس شبي الباب ادفعي عليه وفري المفتاح
اني راسا فتحته لان هو اني قافلته من جوه
جمانه السعيدي
ايناس اي الحمد لله انفتح
حسام الحمد لله شكد صارلج جوه
...لاتوني صعدت ابدل ونسد عليه خل ننزل لان عمتي جاي اصيح عليه
وفعلا نزلنا جوه وهو بقه بلمخزن شويه ونزل وراي وهو يخزرني
كملت عشه وعشيتهم ونضفت المطبخ وهو طلع وحسام يتصفح بتليفونه
....عمه تحتاجين شي اريد اصعد انام تعبانه
...لا اصعدي ما احتاجج
تعمدت اصعد من وكت واقفل بابي عليه حتى اسلم من عامر
تمددت واني افكر
احجي العمي والحسام على عمايل عامر
بس اذا احجي شراح يسووله
اذا صدكوني وحجو علي ويجوز حسام يضربه راح تصير مشكله بلبيت وراح اكون اني سببها
زين خو ما راح يكعدون يمي طول النهار يحموني
راح يطلعون ويبقى هو وامه مكابليني وما اعرف شنو ممكن يسون بيه
خل اسكت احسن اليه
اكو مثل يكول اذا اجتك ريح قويه وماتكدر اتصدها
دنك وخليها تعدي لازم حيل انتبه واكون حذره
رجع للبيت عامر بلثنين ونص وكبل صعد للغرفه
لان يعرف اني وحدي بلغرفه
ومتاكد اني اخاف منه
يكسر بلباب
ويصيح افتحي الباب احسلج لا اكسره
وين ترحين مني اني اعلمج
اني تغطيت حيل وسكتت لان هسه حسام نايم اذا ارمشله مستحيل يكعد تغطيت وسكتت
بس صوت الدك على باب الغرفه قوي كعد الي بلبيت واسمع حسام صعد
ويحجي ويغلط
طاح حضك يمته يصير براسك خير شعدك صاعد ما تستحي
ولك هذا الخره الي تشربه ماخله براسك عقل
وسحبه نزله جوه
اني اطمنت ونمت
الصبح نزلت اشتغل مثل كل يوم والبنات للعصر وهنه بعدهن ما جايات
للعصر اندكت الباب فتحته لكيته مره حلوه ومرتبه
كالت اريد امج
كتلها قصدج ام حسام
..اي عيوني ام حسام
دخلتها للصاله ورحت صحت عمتي ورحت اسوي جاي
دخلت عمتي وسلمت عليها وتعارفن
طلعت اقارب العريس رجل سمر
وشايفاتني بلعرس وجايه تخطبني
...عيوني اني جايه اخطب بنتج شفناها بلمهر وعجبتنا
..منو ميثاق
...ولله ما اعرف اسمها
واني ابني خريج وعندا سياره
وعندا محل موبايلات بلسوك وحالتنه الماديه كلش زينه شطلبون يجرالكم تدللون
اني هنا دخلت جايبه الماي والجاي
...صاحت المره اي هي هاي الشفناها بلمهر وعجبتنا واني اليوم جايه عليه
باوعت عليه عمتي ونزلت حواجبها
هاي هاي مو بتي بت حماي وعايشه عدنا
جمانه السعيدي
واشرتلي خلي الصينيه واطلعي
طلعت واسمعها تكل المره
هاي ماتفيدج وكيحه وملعبه وصخه
بس اذا تردين بتي موجوده حلوه ونادره وام بيت
....لاعيوني اني اريد هاي
... اسفه ماعدنا بنات للزواج
...زين كلي الابوها وارجع غير وكت
...هو وين ابوها بلسجن بس اني اكلج هاي البنيه ماتصير
الكم ابد لاتجين ولاتعبين نفسج
وطلعت المره من بيتنا فشلانه
اني ماضجت على الولد بس ضجت من كلامها عليه وما اكول بس حسبي الله ونعم الوكيل عليها وعلى ضلمها
بدت السنه الدراسيه الاخيره الحسام
وكل عاده اني انتضره وحضرله الغدا واغسل ملابسه واكويهن لان هو يستاهل
السنه اني رابع عام وعمتي بس تتهدد عليه بطلوها بطلوها
شتريد اتصير عيوني دكتوره
لكن عمي كان مساندني وما يقبل يكلهى مثل ما بناتج يداومن هي اداوم
وموضوع الخطبه ابد ماجابتله طاري ولاحجت العمي عنه ابد
وبيوم انتضر حسام وجهزتله الغدا
جاي يتغدا وحضرتله الجاي صبيتله ونكلب الكوب على ايدي وحتركت
وهو طفر يمعوده شسويتي غير تنتبهين شو خل اشوف ايدج
جان الحرك بلجف واني كمت ابجي من الحرك
حسام اشرب سم من وراي أحتركت ايدج
كال يله بدلي خل انروح انضمد ايدج
بدلت ونزلت وهو بعدا بمبلاس الدوام واخذني للمضمد ضمد ايدي ونطاني عصاره ورجعنا
كلساع يكول كله بسببي
وصلنا لكيت عمتي كاعده وعمي طالع
...هاا شبيها الخاتون
...يمه احتركت ايدها
..عياره تلكا حرك ازغير وخبصتك
وانت صدكتها ورحت تركض اداويها تتعاير حتى لاتشتغل
جمانه السعيدي
...يمه يا شغل رحمه الاهلج
الجلد انزع من ايدها وانتي همج الشغل
حسام روحي ارتاحي ايناس والبنات اليوم يشتغلن ابدالج
رحت صعدت فوك بلغرفه
وهنه كملن العشى وتعشن وما صاحني اتعشى
ولمن سئلهن حسام كالن دزينالها عشى فوك تتعشى
وهنا حتى ما صعدنا يطمنن عليه
بقيت كاعده وحدي
واندب حضي المصخم
شكرا لزيارتكم عالم روايات سكيرهوم
