رواية أزمة ثقه الفصل الرابع بقلم جمانه السعيدي
عشتار...مافكرت بزعل اخوي
ولا فكرت خسرت السند الحقيقي بهاي الدنيا من بعد رب العالمين
بس كنت افكر اني من راح انطي هذا المبلغ الجواد
راح ارد جزء من فضله عليه
فضله لان هو متقبلني مثل مااني
وتنازل عن حلمه يصير اب وسكت وما طالبني باي شي
لازم اني اوكف وياا حتى يكبر
حتى اكدر ارد جزء من هذا الفضل
الفلوس بس لزمتها انطيتهن اله
بدون ماافكر اخذ اي ضمان منه كنت حاسه وجوده بحياتي هو الضمان الحقيقي
بعد شريد اكثر من وكفته وياي
كدر جواد بهاي الفلوس بكبر شغله وصار يكدر يشتري ويبيع بكيفه
صادفت عطلة اخير السنه
عشتار.. جواد اني جاي اضوج من البيت وانت كل الوقت
مشغول عني
حتى بيت علي زعلانين عليه مااكدر اروح عليهم
جواد...على شنو زعلانين حقج وأخذتي على شنو الزعل بله
عشتار...اريد اجي وياك للشغل اساعدك انت مو كلت انتي شريكتي بلعمل جمانه السعيدي
جواد...اي تعاي اهلا وسهلا
عشتار...صدك تحجي لو تشاقا
جواد...ليش اتشاقا اصلا اني محتاج احد يلزمني الحسابات
ليش اطلع واحد غريب وممكن يلف ويدور من وراي
انتي اولا
عشتار..من باجر راح اجي اساعدك
جواد...مو تجين الصبح الصبح ماكو شغل
الضهر جهزي الاكل وتعالي نتغدا هناك ونبقى بلشغل
عشتار تمام
ثاني يوم كعدت من النوم كلي نشاط نضفت البيت وحضرت الغدا تبسي لحم وتمن علي شعريه وزلاطه
سبحت وبدلت وطلعت الساعه ١١ ونص رحت للمجمع
بطريقي اشتريت خبز للغدا
وصلت كعدنا نتغدا اني وجواد وانطيت اكل للعمال
اكو عمال ثنيين يساعدون بتحميل الاثاث
بدا جواد يعلمني شلون اشتغل واسعار الاثاث وشكد ممكن كل حاجه تتحمل عموله
حبيت العمل وفرحت بي
اشوف ناس واحجي وياا العملاء واطلع من بيتي
اكو تغير حلو صار بحياتي
تعلمت على كلشي بسرعه
وكل يوم اروح بلهفه للمجمع احلى وقت كنت اخلصه هناك كل يوم اتعلم شي جديد
جواد اعتمد عليه بكلشي
اذا اكو اثاث يطلع يروح يشوفه ويجيبه بلسياره الكيه حمل
مالته واني ابقى بمكانه
هو هم كان مطمن على العمل لان اني موحوده بلمكان
عرفت كل تفاصيل الشغل وكمت اشتغل حتى احسن من جواد
العمل شغلني عن علي ومافكرت اصالحه ابد
ولا هو فكر يقرب عليه بعد ماسمع مني كلام مثل السم علمود الورث
مجمعنا صار اكبر مجمع لبيع الاثاث المستعمل
صرنا معروفين بلاسم والناس تجينا من كل مكان
الشغل علينا زاد
رب العالمين فتح علينا أبواب الخير
مشروعنا كبر اكثر واكثر جمانه السعيدي
شغل سنتين صار عدنا خير من الله وابدال المجمع ثنيين
حتى من اروح للدوام من ارجع اكون محضره الاكل من بليل اجهزه واطلع كبل للشغل
ماارتاح ابد وابقى واكفه واشتغل واسجل منا لمن نرجع بليل هلكت نفسي بلشغل كل هذا العمل بس
حتى جواد يكبر ويصير اله الشغل الي جان يحلم بي طول عمره
نسيت نفسي ونسيت صحتي
كنت متوقعه هذا الجهد والعمل راح يرد عليه
حب وامتنان
كنت متوقعه جواد راح يبقى وفي اليه كل عمره ومستحيل يفكر يعوفني لو يزوج وحده غيري
الحد ماخلصن خمس سنوآت زواج
ودخلنا بلسنه السادسه
واني على نفس وضعي ارجع من الدوام ماابدل ملابسي اجيب الاكل واطلع حتى اساعده بلعمل
بليل انام على وجهي من التعب
الحد ما جواد سلمني هذا الفرع وهو راح للفرع الثاني
كنت اشتغل بهمه وتفاني واصرار
وهو دائما يكول مااكدر أأمن احد على حلالنا غيرج
الناس الغريبه تبوك حلالنا
واني مصدكه وذابحه نفسي على الشغل
بيوم اجا واحد عندا اثاث بيت كامل يريد يبيعه ومستعجل على بيعته لان يربد يطلع للخارج هو وعائلته
اتصلت من التليفون الارضي على الفرع الثاني
مايرد اتصلت أكثر من مره مايرد
الفرع الثاني كلش قريب علينا بلشارع الوانا
الولد الي جاي يبيع كان مستعجل
اضطريت اروح اشوف ليش مايرد عليه
وصلت مالكيته سئلت العمال علي كالو طلع وياا وحده
عدها اثاث شويه ويرجع
اني ماكان ابالي اي شي رجعت للشغل وطلبت من الولد اما ينتضر شويه او يعوف عنوانه وجواد يجي ورا
الولد عاف عنوانه وراح
بعد نص ساعه اتصلت هم مايرد
الموضوع قلقتي
بعد ساعه هم مايرد اني اعرف جواد حريص على العمل وعلى مواعيد العمل
ساعتين يله اجاني للمجمع
عشتار.. وين جنت حيل اتاخرت
جواد... رحت اشوف اثاث بيت وحده اجتني ورحت وياها البيتهم
عشتار. اتاخرت
جواد...هااا مو اكثر من مكان بقيت افتر وياها بسيارتي وتعرفين ازدحام الشوارع
عشتار. واحد اجا عنده اثاث ومستعجل على البيع عاف هذا لعنوان
جواد...تمام اني اروح اشوفه جمانه السعيدي
عشتار.. ماخليت ابالي اني كنت اكثر من واثقه من جواد
بعدها بيومين اتكررت هاي السالفه
هم طلع وماارجع من سئلت العمال كالو طلع وياا ست ازهار
عشتار...منو ازهار
العمال.. هاي وحده أمورها الماديه زينه هم تشتغل بلاثاث
عشتار بديت شويه اشك مايصير كل يوم عدها اثاث
واذا هي تشتغل بلاثاث ليش تجي علي وبطلع وياها
جان هي تبيع وتشتري وحدها
مامعقوله نفس الشغله وواحد يساعد الثاني
بليل من رجعنا للبيت
عشتار.. منو ازهار
جواد...ازهار
عشتار...اي هاي مرتين تطلع وياها العمال يكولون تشتغل بلاثاث المستعمل
جواد...اي عادي عدها بضاعه ورحت شفتها
عشتار.. يعني ماشفت العمال نزلو بضاعه اليوم للمحل جديده شنو اشتريت منها
جواد..مااتفقنا على السعر
عشتار.. بس انت اتاخرت
جواد. اهووووشنو تحقيق خوما تحقيق اليوم شبيج
ترا هاي شغلتنا نشوف ببها أشكال واللوان
اليوم انتي شسامعه
عشتار.. مجرد سوال ليش صرت عصبي
جواد .. اني تعبان وراسي صاير طبل وانتي بطرانه
عشتار.. سكتت لان هو رادني اسكت
هاي الحاله اتكررت اكثر من عشر مرات
العمال هو نبه علبهم مابحجون اي شي كدامي
بس اني كنت اتصل علي واعرف هو طالع
احنا النسوان نشم الخيانه عن بعد
هو من يطلع يشتري شي مايتاخر بس من بطلع وياا ازهار
لا يتاخر
واكثر شي تجي تأخذه بسيارتها من بعد الضهر
ساعه ويرجع
قررت اراقبه واشوف شنو القصه
اتفقت ويا واحد من العمال بس توصل يرن عليه رنه وحده لان مابكدر يتصل جواد راح يشوفه
مجرد رنه واني افتهم
المهم رن عليه راسا اني عفت كلشي ورحت اراقب المجمع الثاني من بعيد
طلع هو وياها وحده بيضه كصيره شويه جسمها تارس
مكيجه فول مكياج ولا بسه ذهب مدندشه ادندش
طلعو هو وياها يسولفون ويضحكون صعدت بلسياره
وراحو
اني راسا اشرت للتكسي وكتله تطلع ورا هاي السياره
كنت مركزه على السياره
الي صاعدين بيها منا لمن وصلو بيت كلش حلو
دخلو ثنيينهم وطبكو الباب
نزلت وقررت اسئل هاي منو
بقيت انتضر مااعرف اسئل منو
طلعت وحده من بيتها تكرمون تشمر الزباله
عشتار....هلو حبيبتي
...هله عيوني
عشتار. اسئل على بيت ازهار طبعا احجي وياها وكلبي يدك سريع من العصبيه
.. اي هذا اليت الي وراج
عشتار...خاف الوقت مو ملائم اذا دكيت الباب هسه
هي ويا منو ساكنه جمانه السعيدي
...هي قبل عايشه وحدها بس صار كم شهر ازوجت
بس زوجها ماموجود دائما بلبيت
دكي الباب وشوفي
عشتار.. ازوجت انتي متاكده
...اي متاكده هي حجتلي كالت خاف الناس تحجي
هذا الي يجي وياي زوجي
اني سئلته ليش مايبقى وياج تكول مزوج ويخاف زوجته تعرف
صار تقريبا شهرين من ازوجت
حبابه ازهار تستاهل كل خير
عشتار. شكرا كلت بكلبي شهرين باضالم واني مااعرف
الله ينتقم منك ومنها
عفته واني دمي يفور جواد مزوج عليه اني
بعد كلشي سويته علموده يزوج عليه
رجعت بحركه وكسرت الباب تكسر
طلعت وهي لابسه ثوب قصير تول اسود وفاتحه الشعر
كانت مرعوبه من دكت الباب
لان اني فلشته تفشل من العصبيه
فتحت الباب وكالت شكووو منو انتي
طلع وراها جواد لابس فانيله وشورت بس شافني
اتبسمر بعدين كال عشتار
ازهار.. منو عشتار
عشتار....هااا شنو هذا المنضر اللطيف
ليش ماكلت اني ازوجت جان باركتلك ليش عرسك سكته
لولو ووش لووووش ياناس تعالو باركو الرجلي الشفيه ازوجت
قرب عليه وحاول يسد حلكي
جواد.. اش فضحتينا
عشتار.. فضحتك بعدك ماشفت شي
بله مااستحيت
ولك بعت اهلي علمودك بعت اخوي واشتريتك
ولك لا بقى ذهب ولا فلوس ولا صحه ماقدمته الك
صدك تحجي رايح مزوج هاي عليه
اي اكيد كلت خليها من المدرسه للشغل تفتر مثل الثور بلشغل واني ازوج واتونس براسها وفلوسها
صدك ناقص وعديم المروئه
سحبني من ايدي ودخلتي لبيت جوا
جواد. اش مااسمع صوتج اني ماسويت شي غلط ازوجت حالي حال الناس
انت متخلفين واني اريد جهال
تردين ابقى عليج طول العمر اني من حقي يصير عندي اطفال
عشتار.. كلشي فات كوم وهذا الكلام كوم ثاني عبالك واحد وطعني بكلبي
جاي يعيرني مايصير عندي اطفال
وكفت كباله ودموعي نزلن منا منا ماعندي اي رد على كلامه
احس كلبي راح يوكف من الحركه والقهر
عشتار...لو اني لو هي فهمت لو لا اني مو اضحي بعمري وفلوس وصحتي علمود انت تروح تزوج
جواد...اني مااعوف ازهار اني من حقي اصير اب
من حقي يصير عندي اطفال
فهمتي لو لا
عشتار... رجعلي كل فلوسي كلشي ذهبي وفلوسي وروح الجهنم الحمره انت وياها
جواد..كلشي مالج يمي اذا تكدرين اثبتين اني اخذت فلوسج اثبتي
انت كلشي مالج يمي تردين تبقين ببتج
واجيج يوم واحد بلاسبوع وباقي الايام يم ازهار
تردين ولي الاهلج مالج مكان بيتي
عشتار...كلامه ينزل على كلبي مثل النار المشتعله
مسحت دموعي وكتله وينهم اهلي
اهلي خسرتهم بسبك بقيت تحرض بيه لمن خسرت اخوي الوحيد علمودك
اخذت كلشي املكه وهسه واكف كبالي وجاي تنكر كلشي
جواد..هذا الي عندي تردين تبقين بيتج وعلى وضعج
اجيج بوم واحد بلاسبوع
واخلص باقي الايام هنا اريد الحك اعيش ايامي
اربد الحك يصير عندي اطفال
عشتار.. ليش ماكلت هذا الكلام اول زواجنا
ليش كلت اني اعالجج الحد مايصير عندج اطفال
ليش اخذت ذهبي وفلوسي يله اذكرت يصير عندك اطفال
روح الله لايسامحك لادنيا ولا آخره
الله ينتقم منك
شكرا لزيارتكم عالم روايات سكيرهوم
