رواية مشروع شمال الفصل الرابع
انا مستغرب جدا ازاى هو مش شايف الشقة وهي قدام عنيه ، متأكد بيستعبط عليا ، اتضايقت منه جدا ودخلت من البلكونة ، لما لقاني زعلان قالی
في ايه يا عماد بس مالك ؟! اهدى ياعم وبعدين يمكن اكون انا مش واخد بالى ، الدنيا ضلمة والعمارة مش واضح اوى
... اصلك انت حسستنى اننا مجنون يعنى وبعدين ياسيدي انا هوريهالك ، احنا لسه خارجيين امبارح واتصورنا شوية صور مع انى حلفتلها انى مش هوريهم لحد علشان هي مبتحبش حد يتكلم عليها بس انا هوريهالك علشان انت اخويا وعلشان اثبتلك كلامي وان انا مش بقولك كلام وخلاص
طلعت موبایلی من جيبى حضرت الصور وهو واقف جنب وقعدت اقلب فيها ، لقنى لوحدى فى الصور ، نظرات العطف اللى كنت شايفها فى عين هيثم فى الصور خلتني دمعت ، حضنی وقالي
اهدى يا صاحبي ، كل شئ هيبان ، انت لازم تاخد هدنة كده تعيد التفكير في الموضوع ده وتفتكر كويس كل اللى حصل الفترة اللي فاتت
... والله العظيم كانت معايا وكنت بشوفها يا هيثم ، انا مش عارف ازای مش ظاهرة في الصور
ندهت على اختى الصغيرة زي المجنون وشديتها من ايديها وطلعت انا وهي وهيثم البلكونة وقولتلها :
بصى كده يانور شوفى الدور التالت حد ساكن فيه ولا لأ في العمارة اللي قصادنا ديه
.... العمارة فاضية كلها مفيش غير الدور الاخير بس هو اللي منور
سابتني ودخلت وفضلت واقف مش عارف ايه اللى بيحصلي ، حسيت ان هيغمى عليا ، دخلت جوه الاوضه بتاعتى واستأذنت هيثم انه يمشى ، الدنيا قعدت تلف بيا ونمت ومحستش بأى حاجة ومقدرتش اروح الشغل الصبح من غير حتى ماستأذن اني هغيب ومكلمتش حد ، لكن هيثم بعتلى رسالة وقالي :
انا قولتلهم فى الشغل انك تعبان وعندك دور برد شديد ومش قادر تتكلم وانك بتستأذنهم فى اجازة لحد ماتشد حيلك علشان لو حد سألك باقي عارف
مهمنیش كل اللى بيقولك يتحرق الشغل ، انا كل اللى هامنى دلوقتى انى اعرف ريماس فين ، انا لو ادمنتها وعشقتها مش هحس الاحساس ده ، طلعت تليفوني وقعدت اتصل عليها لقيت تليفونها مقفول
حالتي بقت سيئة جدا ، كل يوم حالتى بتزيد سوء عن الأول ، مبقتش ولا باكل ولا بشرب واللى بيكمنى بزعق فيه ، بعد يومين من الاكتئاب التام ، نزلت وآلت الراجل اللي مسئول عن العمارة وسالتة عن حد ساكن في الدور لا ، عملت كأني عايز
اشترى شقة فى الدور التالت ، لكن قالي
= والله يا استاذ عماد الدور التالت متأجر لراجل ابن ناس اوى ومراته وبنته الوحيده ، عيلة كده بنت حلال ميتخيروش عنك
سألته بلهفة وقولتله:
هما بييجوا كل اد ايه ياعم ابراهيم ؟
والله كانوا الفترة اللى فات بييجوا لكن معرفش بقالهم كام يوم مجوش ، هو فيه حاجة يا استاذ عماد ؟! هو انت تعرفهم
... ابدا ابدا ياعم ابراهيم ، متشكر جدا
مشيت علشان الراجل ميحسش بأى حاجة لكن زود حيرتي بشكل غير طبيعى ، ممكن تكون ريماس فعلا موجودة طب والصور اللى مش ظاهرة فيها دى ايه ؟؟!
قررت ساعتها انى احاول انساها وارجع الشغل تانى ، وفعلا رجعت الشغل وعدى يوم ورا التانى وحالتى بدأت تتحسن ، والحمد لله بدأت اخرج من اللى انا فيه ، كأن كان عندى اعراض انسحاب وقربت تنتهى.
وفي يوم بليل الدنيا كانت حر جدًا الفتح البلكونة علشان تدخل هوا في الاوضة ولمحت من ورا الستارة اضاءة موجودة في الدور التالت من العمارة طلعت جرى واتصدمت جدا من اللى شوفته
