رواية مشروع شمال الفصل الخامس
اول ما دخلت للبلكونة شوفت الراجل اللى شوفته في السوق مع ريماس ، وعلشان الكد لنفسي انى مبحلمش ولا بتخيل زي كل الايام اللى فاتت نزل جرى وطلعت العمارة ووقفت في الدور التالت ، باب الشقة كان مفتوح وتقريبا كان فيه صنايعية شغالين والراجل واقف في وسطهم بيشرحلهم هو عايز يعمل ايه في الشقة
كان فيه اتنين كمان موجودين ، ست كبيرة غالبًا مراته ، وبنت من ضهرها تشبه لحد كبير جدًا ريماس ، لكن العجيب ان البنت متلفتتش نهائى علشان اتأكد انها هي ولا لأ ، وبسبب الاحداث الغريبة اللى غاتلي قبل كده ، طلعت التليفون بتاعى وصورتهم علشان اتأكد انهم موجودين وانى مش شايف اشباح ، واول ما رجعت البيت ندهت على اختى نور ووريتها الصور وسألتها :
شايفة ايه في الصور؟
... ناس غريبة معرفش مين دول
اطمنت انى مش مجنون وان فعلا انا شايف الناس دى صح وان الراجل ده هو هو الراجل اللى شوفته في قلب السوق
وقررت اعرف مين الناس دول وايه حكايتهم وريماس ليه اختفت من حياتي فجأة وايه السر والسبب فى التهيؤات اللى غاتلي بسببها دى .
وقررت كمان انى اراقبهم واعرف كل حاجة عن الموضوع ده ، وبقيت بطلع البلكونة كل يوم بالليل وابص على الشقة واشوف فيه حد فيها موجود ولا لأ ، وفى يوم كده لاحظت بنات كتير لابسين لبس غريب جدا وطالعين البيت والساعة كانت 2 بليل ، استغربت جدا وقولت يمكن يكون ناس جاية زيارة للدول الاخير خاصة ان نور الشقة اللي في التالت مشتغلش.
تانی یوم برضو حصل نفس الكلام ورضو نور الشقة مولعش لكن بعد دقايق حسيت زى ما يكون فى نور شمعة كده اشتغل في قلب الشقة ، والموضوع اتكرر برضو بعد بيوم وهنا بقى قررت انى انزل اشوف الموضوع ده ايه
وأنا طالع لمحت عم إبراهيم عليه عن العمارة نايم وفي ساابع نومة، حد مخدره، ولما طلعت الدور التالت طبعًا كان بابا الشقة مقفول لكن قربت منه وسمعت همس وحاجات غريبة جدًا بتحصل جوه وعلشان محدش ياخد باله نزلت وعديت الشارع من الناحية التانية وقولت هستنهم لحد ماينزلوا واحاول اراقب ای حد فيهم يمكن اقدر اوصل لحاجة.
وبعد ساعة ونص بالظبط، نزلت البنات من الشقة ومعاهم الراجل الكبير وواحدة ست شكلها غريب جدًا حطة حلق في مناخيرها وواحد فى شفايفها وواحد فى حواجبها وودنها وراسمة على جسدها ، والبنات كلها ايديهم مربوطة بأنهم متعورين في نفس المكان من ناحية كف ايديهم.
البنات شكلهم مش نضيف ، یعنی شبه اطفال الشوارع اللى احنا بنشوفهم بالصدفة ، الراجل طلع جيبه وادى كل واحدة
بنشوفهم بالصدفة ، الراجل طلع فلوس من جيبه وادى كل واحدة فيهم مبلغ والبنات عينهم كانت محمرة جدًا بدرجة كبيرة ، بالرغم من انی واقف بعيد لكن لاحظت عيونهم جامد واقل من ثواني عربية ميكروباص كبيرة جت ركبوا فيها بسرعة ، ومشيوا على طول وطبعًا ملحقتش اعمل اى حاجة .
لكن اللي طلعت بيه من الموضوع ان فيه سر كبير ورا الدور التالت ده والشقة دى .
طلعت البيت ونمت علشان اصحى الصبح للشغل بتاعي ، في الشغل طبعا كنت عمال افكر ومن فترة طويلة هيثم قرر انه يجي ويسألني عن حالى ومن غير تردد حكتله كل اللى حصل ، اتردد شوية وسرح وقالي
انا خايف اقولك انى عايز اروح واتأكد بنفسي لاني خايف تكون بتعمل زي المرة اللى فاتت ومفيش اى حاجة من اللى بتقولها دى
... عموما انا هخليك تشوف بنفسك وبما ان بيتك قريب من بيتنا ،
اول ما الاحظ حاجة غريبة هكلمك تنزلى تحت
عدى يومين ومفيش حاجة حصلت والت يوم رجعت من الشغل على المغرب ، بفتح البلكونة لقيت ريماس واقفة في الشباك
