رواية نهوة صقر الفصل الرابع بقلم جمانه السعيدي
صكر....طلعو بيت عمي علي زعلانيين شكد حاول عمو يحيى يرجع عمي علي بس ماقبل
زعل على زعل زوجته وزينه
خلي يزعل مايهمني المهم اني سويت الشي الي شفته صح
وبعد مايهمني الباقي
كملنا عشى وزفينا العريس ساعدتهم غسلنا البيت كله
امي وجدي رجعون للبيت الساعه عشره
واني بقيت للثنتين بليل لمن كملنا كل الشغل رجعت للبيت
بس شنو صاير خرده من التعب
ثاني يوم بقيت نايم للضهر من كد ماتعبان
بعد اسبوع من العرس جدي فاجئني
جدي...تعال اكعد اريد احجي وياك
صكر...امرني
جدي...نروح اني وياك البغداد حتى نصالح عمك
صكر...مااروح اني ما غلطان علي حتى اصالحه
جدي...ميخالف يبقى عمك وله حق عليك
صكر...ميخالف بس مو هسه من باجر تبدي امتحانات اخير السنه من اخلص نروح حتى نزور الكاظم ع بطريقنا
جدي...ميخالف
ميخالف
بلشت امتحانات اخير السنه وكنت مخصص كل الوقت للقرايه الهندسه مو سهله ابد
من خلصت الامتحانات يومين استراحه وقررنا نروح الجمعه حتى نلكا عمو علي بلبيت لان عطله
صلينا الصبح وطلعنا بوجهنا للأمام الكاظم زرنا وتريكنا
الساعه ب١١ اجرنا سياره البيت عمي علي
السايق ماقبل يدخلنا بفرعهم المجاري كانت طاكه
نزلنا اني وجدي وعبرنا على الطابوكات
الحد ماوصلنا للشارع ناشف
صكر...جدي بس اعتذر اعتذار بسيط واذا ماقبل ترا مااكعد اتوسل بي اني صح وهو وبته غلطانيبن
جدي...ماعاش الي يخليك تعتذر ويقلل من قيمتك
صكر...فدوه اروحلك جدي اني رافع راسي بيك
جدي...انت زلمه معدل بس شنسوي للناس العوجه
جمانه السعيدي
قربنا على بيتهم اباوع زينه تمشي قريب بيتهم لابسه بنطرون جينز حصر وبدي ضيك وايدها بيدا واحد
ويتمشون ويسولفون ويضحكون
بعدين هو خله ايدا على كتفها وهي تضحك وماخذه راحته
اني امشي وراهم زينه ماشافتني ابد
باوعت زين قربت عليهم اي ولله هاي زينه
واني ركضت بعصبيه
خليت ايدي بياخد قميصه وسحبته ليوره
سحبته بقوه وضربته بوكس
راسا جدي لزمني زمخت علي ابن الكلب وين خال ايدك
عوفني جدي عوفني
شفته شلون حاضنه
الولد افتهم اني اقاربه راسا شرده
شرد مني اجيت الحكه جدي ماقبل
جدي لازمني مايقبل يعوفني
زينه...هاي شسويت ليش اضربه انت شعليك
صكر...اني شعليه عافني جدي لان الولد نهزم قربت وضربته راشدي حسيت ركبته طكت
حقيره ابدال ماتستحين على نفسج تكولين شعليك
راسا زينه ركضت دخلت بيتهم
بعدها تفتح للباب لزمته من شعرها
جدي...عوفه صكر عوفه
على صوت عياطه وصياح جدي اخوها فتح الباب
جمانه السعيدي
سيف...شكووو
صكر...اني بعدني لازمه من شعرها صحت ويني عمي
نايم كاعد
هي تخرمش باضافرها بايدي حتى اعوفه
زينه...عوفني حقير مخبل انت شعليك شنو دخلك اله اشتكي عليك واخليك تعفن بلسجن
صكر...عمي عمي تعال اطلع
طلع عمي وشافني لازمه من شعرها وهي تصرخ
عمي...عوفه شبيك ليش هيج كامشه
صكر...بتك المصون تمشي وياا واحد وخاله بحضنه
بلشارع ويسولفون ويضحكون
زينه..جذاب
صكر...من العصبيه كمت احجي ماادري بنفسي دكات كلبي اسمعه واضحه
صكر..اني جذاب هذا جدي يشهد على حقارة بتك واستهتاره انت نايم وماتدري
عمي...عوفه شلعت شعرها
صكر..عفته وهي راسا دخلت للبيت
عمي..انت شكو جاي خير
جدي..هو هذا استقبالك النا
عمي...ماتشوفه شلون لازم زينه
جدي...هو هذا الي هامك بلموضوع ماهمك بتك وياا واحد حاضنه بلشارع
صدك ماعندك غيره تفي عليك وعلى اخلاقك
الي تسمح البنتك هيج تصرف بلشارع وهي ماخذه راحته
صكر...ربيه مو بس اكل ولبس
جدي...امشينا الحجي وياهم ماله قيمه
صكر...اني.رايح وبتك منهيه ماتزوج اي واحد غيري
مو حبا بيه اريد ازوجه
بس اريد اربيه من جديد لان من وراك راح اجيبلنا العار
زينه سمعته كال منهيه ومتزوج واحد غير
طلعت عليهم
زينه...شنو منهيه يامتخلف وين اكو بعد نهوه اقسم بلله
اشتكي عليك واكول بلمعارضه واخليهم يشمرونك بلسجن
باقي حياتك
جدي.. امشينا نطلع ذوله مايفتهمون شنو الاخلاق
التفت جدي على عمي انت واكف وبنتك ترد علينا مع الاسف
صكر....طلعنا من بيتهم واني احس كلبي يدك براسي من العصبيه
امشي بسرعه واللهث
صعدنا للنهضه ورجعنا البيتنا
ماكدرت انام بلسياره لو اتخلص من العصبيه الحد ماوصلنا للبيت
عمو علي....صحيح كلام صكر تمشين وياا واحد وخالج بحضنه
ام زينه...يمعود خل يولي جذاب
علي...وعمي هم جذاب
ام زينه ...اكبر جذاب يردون يركبون الحق علينا ابدال مايعتذرون من عملتهم مال العرس جاي يبرزون عضلاتهم كدامنا شلون فلم دخلو بي علينا حتى ينهون على البنيه
علي...تعرفين شنو نهوه يعني بتج وكف حاله اذا ازوجت
بدون مانفك النهوه تصير حرب واني مامستعد
اعادي اهلي وادخل حرب وياهم
ام زينه...اهلك عاد نمونه شلون اهل خل يعادونا بعد احسن شمحصلين منهم
جمانه السعيدي
صكر... يومين واني بعدني عصبي واي واحد يحجي وياي
اكمز علي
امي...شبيك من رجعت من بغداد وانت عصبي ووضعك ماعاجبني
صكر.. ماكو شي
امي...شلون ماكو شي انت بزر بطني واعرفك زين
صكر. ماكو بس تعاركنا وياا بيت عمو اني وجدي
امي...ليش الله يستر مورحتو تتصالحون
صكر...الهانم لابسه لبس لايرضي الله ولا عباده وتمشي وياا واحد ماخذه بحضنه وتضحك بلشارع
امي...منو زينه
صكر.. اي خرا
امي...وانت شعليك ابوها موجود ويتصرف
صكر...لا نكولين شعليك بيت عمي وسمعته من سمعتي
امي...همه بغداد عادي عدهم ابوها وين
صكر.. ابوها نايم بلعسل وعايفه براحته
امي...يطبه مرض لا تعصب من وراها
صكر...شلون مااعصب واني اشوفه تغلط
امي...فدوه اروحلك عوفه بحاله
من هاي العركه انكطعت كل علاقتنا بيت عمو علي
لايجونه ولا نروح عليهم
ولا نسمع اخبارهم
جمانه السعيدي
حتى جدي بطل يكول نتصالح بعد الي شافته بعينه
بدت المرحله الاخيره وامتحنت ونحجت واخيرا اتخرجت مهندس خلصت من الدراسه
بعد بس التعيين وتكمل الحسبه
امي.. يمه ازوج بعد كلبي الحمد لله تخرجت بعد شكووو
صكر...اتعين بلاول وبعدين الزواج
امي..البيت جبير وفارغ علينا اريد اشوف جهالك
صكر..كلشي بوقته حلو
بقيت ادور عمل منا لمن يطلع التعيين
اشتغلت هواي شغلات منا لمن طلع تعييني ولله الحمد
رجعت امي تحجي بموضوع زواجي واني ارفض
مااريد ازوج لان امي تريدني ازوج
ازوج من الكه الانسانه المناسبه
صار سنه وسبع اشهر واحنا متقاطعين وياا بيت عمووو
حسيت بلندم لان نهيت عليه
هي ماتصير اليه ولا اني اصير اله بعد ليش نهيت عليه
كانت لحظة عصبيه
ماكدرت اسيطر على نفسي واني اشوفه بهذا الوضع
قررت ادز على بيت عمي واكول اني فكيت النهوه
خل زينه تشوف نفسه
ولو مااعتقد همه مهتمين النهوتي ولا يقدرون معنى النهوه
بس اني بعد مااريد زينه
شكرا لزيارتكم عالم روايات سكيرهوم
