رواية نهوة صقر الفصل الخامس بقلم جمانه السعيدي
صكر....وصلنا السقوط بغداد ودخول الامريكان للعراق
بلبدايه الناس كانت تستبشر خير ان الامريكان راح يغيرون وضع العراق للاحسن
حتى ساعدوهم هووواي
ماكنا متوقعينهم غزاة وجاين حتى ينهبون خير العراق
بعد دخولهم بفتره بدا الوضع يتزعزع
وصار الخطف والنهب والقتل
والعداوات العشائريه اشتدت
والحال بالعراق كل مايطمن
وبغداد بلاخص وضعها صار يخوف
واكثر العوائل قررت تعوف بغداد وتلجاء للمحافظات
لان كانت اكثر امان
ومن ضمنهم عمي علي
الي اتفق وياا عائلته يجون المحافضتنا حتى يستقرون عدنا منا لمن تستقر الأوضاع ويرجعون
بهاي الفتره اكو قوات كانت تضرب الامريكان
والأمريكان نصبو سيطرات وخاصه على مداخل بغداد
وكل الطرق الي تطلع منه
بكل المحافظات نصبو هاي السيطرات
بس اكو محافظات تواجدو بيه بشكل مكثف
مثل بغداد والنجف والبصره
اما باقي المحافضات كانت وحدات تفتيش خارج كل محافظه وخاصه بمناطق الجنوب ماكانو يحتكون بلناس هوواي
جمانه السعيدي
المهم بكل نقطة تفتيش اكو كامرات واكو قناصين امريكان
تحسبا الاي هجوم يصير
طبعا هم كاتبين قطعه قبل لا توصل للتفتيش
احذر المنطقه تحت سيطره الجيش الأمريكي وتوجد كامرات مراقبه
عمي قرر يجيب عائلته ويجي يستقر يمنا منا لمن تتحسن الأوضاع
شكد صارله مبتعد عنا ومايسئل على اساس زعلان
بس من احتاج مكان امن اول ناس فكر بيهم احنا
من وصلو السيطرة اللج كان ازدحام موطبيعي
الاف الناس تريد تطلع من بغداد خايفين من الأوضاع هناك
الازدحام جبرهم ينتظرون ٣ ساعات حتى يوصلهم التفتيش
بهاي اللحظه مااعرف منو ضرب على الرتل الأمريكي
وهنا الامريكان بدو يضربون عشوائي
حتى يخوفون الناس
ويحمون نفسهم من الاعتدئات الي عليهم
من سوء الحظ هاي الضربات اول مابدت بيت عمي
كان عمي يسوق وزوجته كاعده بصفه ويوسف ورا
اما زينه كانت متملله من الانتضار مدده ورا وراسه بحضن
يوسف
عمي من اول ضربه هو وزوجته مات لان الضربه اجت بلدماغ فلشته
ويوسف خطر
اما زينه من الهبطه شامره نفسه ومضروبه
بحيث حلكه مشكوك على نص خدها الايمن وعيونها
مضروبات ثنيننهن يعني مجروحات
وجرح براسه وكسر برجله
بعد ساعه من امنو الامريكان المكان يله نقلو الجرحى
للمستشفى خاص بيهم
بس وصلو للمستشفى يوسف مات لان ماحصل اسعافات بسرعه
كانت زينه مغمى عليه اثر الضربه وماتعرف هي وين
جمانه السعيدي
ثاني يوم يله وصلنا الخبر عنهم
واحد من السواق شايفه ويعرف عمو علي واجا وصلنا خبر
لان هو بلازدحام قبل شويه حاجي وياا عمو علي
وعمي علي كايله اريد اروح البيت عمي منا لمن يستقر الوضع وارجع
بلحظة ضرب سيارة عمي هو كان قريب علي بس كدر يحمي نفسه بلسياره وطلع سلامات
طبعا كلشي قدر قدر هذا الرجال يطلع مابي شي
وقدر عمي طلع من بيته هو وعائلته حتى تكون نهايتهم
بهاي الطلعه
السايق كال كلهم ماتوووو
المهم اني وجدي ثاني يوم قررنا نروح للمستشفى
بلكت نكدر نشوفهم وناخذ الجثث حتى ندفنه
المنطقه كانت محاصره بلامريكان
كدرنا نقدم مستمسكاتنا حتى ندخل نشوفهم
شلعو كلبنا وماقبلو ندخل
بعدين اني شفت ولد مترجم عراقي يشتغل وياا الامريكان
هذا الولد كان صديقي بلكليه بس بغير قسم
بس شافني سئلني عن سبب وجودي هنا
شرحتله الموقف
كال انتضر اني هسه اساعدك
راح تقريبا نص ساعه يله رجع
جمانه السعيدي
المترجم....هاي العائله كلهم ميتين بس اكو بنيه باقيه عايشه
البارحه سوولها عمليه لان رجله مكسوره
واكو جرح براسه
هسه اساعدكم حتى تشوفوها
جدي....بس اطلبك طلب يسلمونا الجثث حتى ندفهن
المترجم...احاول انشاء الله
رجع غاب علينا ساعه كامله طبعا هذا كله واحنا واكفين
برا بلشارع قبل التفتيش
والمستشفى جوووا محد يدخل
رجع علينا الولد المترجم كال جبتلكم ورقه ادخلون جوا
وتستلمون الجثث
دخلنا بلاول رحنا الزينه حالته تبجي الكافر
ماتعرف اهله ميتين
راسه مربوط وعيونه ثنيينهن وارمان بشكل مو معقول
وزرك ومخيطين الجرح الي بوجه
جرح جبير تقر يبا اربع اصابع على خدها ومفتوح على حلكه
وكفت بصفه كانت نايمه
صكر...زينه زينه
اول مره ماحاجتني
صكر...زينه شلونج طبعا هي ماتشوفني لان عيونها ورامه
حيل
زينه...هاااا هااا طبعا تحجي بصوت ناصي والكلام كوه يطلع من حلكه لان الخياط الي بخدها يوجعها اذا حجت
صكر...تسمعيني انت زينه
زينه...اهل اهل تريد تكول اهلي
صكر...لا تخافين انتي زينه
زينه...تع..بابا ناا
صكر...ارتاحي
صكر رحت للولد صديقي المترجم حتى يجيب ورقه نستلم
الجثث
رحنا استلمنا الجثث جدي بس شافهم كام يبجي
عليهم طلعوهن النا بسياره الاسعاف
خارج حدود السيطره
بعدين احنا اجرنا سياره واخذنا الجثث ورجعنا لولايتنا
سويناها تشييع واخذوهم جدي وعمامي حتى يدفنونهم
بلنجف
صكر....ني رجعت للمستشفى لان زينه بقت وحدها
بقيت واكف برا منتضر صديقي يطلع حتى يدخلني جوا
ساعتين واني واكف برا يله طلع بس شافني اجا عليه
صكر...بت عمي جوا ومابقه اله احد اريد ادخل ابقه يمه
منا لمن تتحسن حالته
راسا حجا وياهم ودخلنا اني ويااا
اخذني الغرفته كبل
لكيته واعيه بس ماتكدر تحجي وماتكدر تشوف وماتكدر تمشي
زينه الي السانه شطوله هذا حاله
الكادر كان عراقي أمريكي مختلط والعلاج كان أرقى علاج
وحتى الاكل يقدمون اكل كلش زين
والماي كله ابطاله من هاي الكبار وكلاصات سفري
تجي الممرضه كل وقت تنطيه العلاج
وتعقم عيونه وتجيك الضغط والسكر وتطلع
جابولنا اكل زينه اكله خاص الي هو شوربه وعصير
لان ماتكدر تلوج الاكل بحلكه
واني اليه قطعة دجاج وصمونه وتفاحه وبرتقاله وما عون زغير مقبلات
رفعته شويه حتى تاكل
حركت ايدها لزمت ايدي
زينه...منو تحجي وهي ساده اسنانه
صكر....الوحش
زينه...شنو الوحش
صكر...مو انتي تسميني الوحش اني الوحش جاي اساعدج
زينه...منو انت
صكر...اني صكر
زينه...صكر شجابك وين اهلي
صكر....خل اوكلج بلاول
حاولت ادخل الخاشوكه بحلكه بس ماقبلت وخرت وجه
...وين اهلي انت شجابك هنا
صكر...اهلج تعرصو الحادث وجاي ياخذون علاج
يعني مكسرين ومايكدرون يساعدونج اني راح اساعدج منا
لمن تتحسن حالتج
زينه...انت شلون عرفت
صكر...عرفت يله اكلي لا تشلعين كلبي
سندت ضهرها على المخده وبديت اوكله وشربته وماي
الحد ماكالت كافي
جمانه السعيدي
لان ماتكدر تكووم خالين جيس للادرار
اخذته فرغته
زينه....عوفه تجي الممررضه
صكر...خاف تتأخر وهو مليان
زينه...مايصير
صكر...لا يصير
رحت فرغته ورجعت لكيته تتلمس بالجرح على وجه
زينه...مبين جرح جبير
صكر...لا مو جبير وسهل بس بعدا مورم من الخياط
اتلمست راسه كالت هذا الجرح يوجعني
صكر...هسه تجي الممرضه واخليه تنطيج مسكن
زينه....شكلي تخربط كله
صكر..مابيج شي هسه تصيرين احسن
زينه...شعري ضوجني مفتوح ويصير على وجهي من انام
صكر...باوعت ماكو بس الشاش يمي
قطعت منه قطعه اكثر من شبر
صكر...دقيقه اني اجمع شعرج جمعته وربطته ورا
بليل اجت الممرضه
الممرضه...لازم كمادات ماي حار للعين كل اربع ساعات
صكر...ماعندي خاولي يصير استخدم الشاش
الممرضه اي
رحت للصحيات جبت مي حار
صكر...زينه خل اسوي كمدات لعيونج
زينه...مو حارات حيل
صكر...لا دافيات
قربت عليه وخليتهم على عيونه
زينه...ليش اتعب نفسك وياي
صكر...لان بت عمي واذا اني مااوكفلج بهيج موقف منو يوكف وياج
زينه....عايف حياتك وكاعد يمي جاي اتعبك
صكر...ماكو اي تعب
زينه...اسفه
صكر...على شنو
زينه...لان حجيت عليك آخر مره
صكر.... لا تحجين حجي زايد خل الجرح بوجهج يطيب
زينه....شكرا
صكر...العفو
