رواية سراج السادة الفصل الخامس بقلم عسق ادريس
سيرضيك سيجبر بخاطرك.
اللهـّم استجب لنا ما نعجز عن قوله، وما يصعب علينا صياغته وأنت تعلمه، اللهـّم وتقبل كل دعوة ساكنة في صدورنا ولا نعلم كيف نرفعها إليك
♡.
قنواتي تلغرام وانستا بنهايه البارت ♥.
خلينه ويا سادتناا..... 🤍.
"الماضي"
"جهاد"
_:: سيد اني بس تبت وقررت اعدل حياتي وابتعدت عن حلاوات الدنيا ومغرياتها حياتي بدت تتخربط لاضلو احباب لافلوس لا شغل لا عافيه سيد غير اني اتقربت لله ولازم يحبني وينطيني شو الله اخذ مني والله يعني سيد لاتزعل مني تمنيت ماتايبه
ابتسم السيد وهز راسه ودار علينه
_عبد الرؤف:: هواي اسئله مثل هذه السؤال ليش من نتقرب لله تبدي الدنيا تضيق علينه؟ ليش من نعوف الحرام نتأذى؟ ليش من نحب الله ونسعي اله يبعدنه عنه؟ ب الواقع هذه الي احنا نشوفه
الصحيح انو الله سبحانه وتعالى
يبدي يرتب حياتنه احنا من تقربنه لله وعفنا الدنيا
وتوجهنه لله خلص يعني احنا سلمنه انفسنه لله
الله عز وجل يبدي يعدل
يعني مثلا اني وفلان علاقه سنواتت عل حلوه والمره ضحك وسوالف ونروح ونرد بدرب واحد شمعنى من توجهت لله تعاركت ويا وابتعدنه؟
هوا ب الواقع الله شافه راح يضرنه ب المستقبل وراح ياذينه ف الله طرده من حياتنا يعني معقوله الله يبعدك عن انسان صالح ووجوده ايجابي بحياتك؟ لا
الله شافه راح يضرنه بيوم راح يسبب النا مشكله الله شافه راح يقهرنه راح يفضحنه راح يأذينه راح يبجينه راح يبوكنه راح يضللنا عن الطريق الصح بعده عنك طلعه من دائرتك
رحت لله تمرضت؟ اي شلون يكفر عن ذنوبك القديمه؟ يعني انت قبل لا اتوب جنت بايك وكاتل وظالم وعاق وسالب حق غيرك وكافر وزاني وتريد ترجع تفتح صفحه جديده ويا الله وتريدها تمشي وياك؟ ماضال ذنب ماسويته وتريدها تنفتح بوجهك لا صعبه هيج
المرض والبلاء وضيقه الدنيا والفقر وفلان ابتعد عني وفلان كرهني وفلان فضحني هاي كلهن زينات الك مو شينات المرض حتى يغفر الك الي سويته قبل فلان عافك حتى لايضرك بعدين شغلك تعسر؟ شدراك باجر ماراح يضرك هذه الشغل شدراك شنو ممكن يسبب الك؟
الي يصبر عل هذن كلهن اله بعد الصبر جبر وبعد كسر الخاطر جبر للخاطر بعد الحزن فرح بعد الدموع ضحك احنا نشوفها اذيه النا والله يشوفها عوض وفرح وجائزه النا كله فرج هذن كلهن حلوات النا احنا نشوفهن مرات وهنا حلوات
_:: سيد ليش يعني بعد التوبه الله يقرب النا الذنب رغم احنا تبنه منه؟ يعني مو لازم الله يساعدنه حتى نبعد عن الذنب
_سيد رؤف:: اليوم اني تبت عن اكل مال اليتيم وفتحت صفحه جديده الله هم يريد يختبرنه يشوفنا صدك تايبين؟ يسدها بوجهنه بطلت من شغلي ضاعن فلوسي تمرضت واحتاج فلوس العلاج الدنيا كلش سدتت بيبانها كلها يخليني اعتاز فلوس اليتيم يحلي الذنب بعيونه يخلينه نعتازه يخلينه نتمشي للذنب التبنه منه غصبنا علينا شلون يتأكد من صدقنه؟ ب الذنب العفناه يحلي يمنه يحلي الحرام اذا التأب والانسان فعلا رايد هاي التوبه راح يبعد وماراح يفكر بيها ماراح يشتاق للذنب حتى وان الدنيا ضاقت علينه يعرف شلون يفتحهه
اما الي توبته شكال وحجي بس لا هذه يركض للذنب
_:: سيد ليش مثلا من بين عشره تشوف تسعه طالعين عن الطريق واحد يمشي بدرب الله؟ والله يكدر يخليهم كلهم يمشون بنفس الدرب
_السيد عبد الرؤف:: اليوم من تشترين خضره يا خضره تشتريها الزينه لو الذابله؟
_:: الزينه والجديده طبعا
_السيد عبد الرؤف:: الله سبحانه وتعالى هيج يستنكينه يشوف الزين بينه ياخذه يجره اله ممكن اكو باكه كرفص نعناع فجل كراث حلبه ريحان اكدر اطلع من هاي الباكه شي يفيدني ماشمرها اخذ الزين منها واشمر المو زين بس مثلا تشوفين باكه كلش ذابله وصايره سوده ولونها كالب هاي بشنو تفديني؟ وين احطها؟ ماخذها اخذ الزين والي اكدر اعدله والمو زين اشمره ماكدر اعدله هذه شعدل بي؟
_بس الله جان يكدر يعني مايخلي يذبل وياخذه قبل لا يوصل لهاي المرحله؟
_السيد عبد الرؤف:: شدرانا ماحاول ويا؟ شدرانا الله ماجر الفجل من جذره حتى يطلعه وهوا طازج بس الفجل ضل مجلب وماقبل ضل بمكانه عاجبه التربه والماي والشمس والهواء العنده؟ مايدري بيوم التربه تصير غير صالحه اله لو الشمس تغيب ب الشتاء لو الماي ينكطع ويصير جفاف؟ لو يصير اعصار وهواء قوي يشيله من مكانه؟ الله حاول ويا بس هوا ماقبل عجبته المغريات عافه للمغريات
_سيد سؤال هوا الله سبحانه وتعالى اذا يريدنا ويحبنه كلنا مؤمنين ليش مايخلينه نروحله؟
_السيد عبد الرؤف:: الله يباوع النا من من جوا اذا بيوم اني سويت ذنب وندمت لو 1 ب 100 عل هذه الذنب وحسيت بشويي من الندم الله يجينه بس الله هم يريد من عدنا حركه شوي نحرك نفسنه بين كل ثنين وكل حبيبين لازم الطرفين يسعي مو بس طرف واحد مو بس الله يسعينه احنا هم نسعي لله بين الاخوان بين الزوجين بين الصدقاء حب متبادل من الاثنين يعني انتِ اليوم تشوفين فلانه تحبج وتريد تسولف وياج وتتود الج بس هيه ماتحاول ترحين الها انتِ من وحدج لا! هيه تريدج هيه تسعيلج من تشوفيها سعت انت اسعي الها امكن هيه خجوله بس اذا تشوفيها جامده وصنم ماتتحرك لاتسعين ولاتتحركين الها انتضري يبدر منها موقف وبعدها تصرفي
شفت الكل مندمج ويا كلام السيد الشابات والبنات الصغار الي يجون يتعلمون من السيد وهذه محاضره كل يوم جمعه ينطيها السيد للبنات بس داخل الحوزه في النجف الي تحشد بيها النساء كلهن ويسألن انواع الاسئله والسيد ينطيهن الجواب وجه السيد سؤاله للبنات الصغيرات
_السيد عبد الرؤف:: راح اسئل سؤال والشطوره الي تجاوب الها هاي العابه
حجاها وطلع من العلاكه لعابه باربي حلوه ضحكت من البنات كلهن رفعن ايديهن وهوا حتى ماسأل السؤال بعد؟ ضحك السيد
_السيد عبد الرؤف:: معركه بدر بين منو ومنو صارت؟
كلها رفعت ايدها تجاوب
_بين الكفار والرسول والمسلمين
_السيد عبد الرؤف:: جيد كم عدد المشكرين والمسلمين؟
رجعت الهوسه وكلها تريد تجاوب
_المشركين عددهم ب الاف والمسلمين 300
_لااا غلططط
واهنا كبت بينهم والسيد يحاول يهدي النفوس وهاي تصيح غلط والثانيه صح والثالثه تكلها معليج الرابعه تكلها لاا انت معليج جانت عركه بينهم رغم السيد منطيهم درس عن الهدوء والخلاق بس بعد اكبر وحده بينهم عمرها 6 سنوات
_السيد عبد الرؤف:: بناتي كافي الي تحجي ازعل عليها
كلها سكتت وكعدت بمكانها باوعلهن السيد وضحك
_السيد عبد الرؤف:: زين يعني عدد المشركين اكثر من المسلمين يعني اكيد المشركين يفوزون لان اعدادهم اكبر بس الي فاز هما المسلمين بس شلون؟
_ااستاد الله انزل الملائكه تعارك ويا المسلمين
ضحك السيد وهز راسه
_السيد عبد الرؤف:: صح بس شلون انزلهم كانو هيئه بشر ام ملائكه او شلون؟
كلها انطت جوابها الي تكول بشر والي تكول ملائكه اكو تكول مايشوفونهم جان السيد مبتسم لجوبتهن ويهز راسه
_السيد عبد الرؤف:: الله انزل الملائكه بهيئه رجل واحد يعني الملائكه نزلو بهيئه وحده منو هذه الي نزلو يشبهو؟
كلها صفنت ماتعرف الجواب والسيد منتضر وحده تجاوب شاف محد تعرف الجواب حب يقرب الهن الاجابه
_السيد عبد الرؤف:: شخص كلنا نحبه؟
كلها صرخت بصوت واحد
_الامام علي (ع)
ضحك السيد
_السيد عبد الرؤف:: بمعركه بدر الملائكه نزلت ويا المسلمين بهيئه الامام علي بحيث المشركين استغربو لان ياهو يشوفو ايده رجله يكلوله منو سوا بيك هيج يكلهم الامام علي داخو شلون الامام علي كدر يبارزهم كلهم نفس الساعه
السلام عليكم يا امير المؤمنين بده السيد يسولف ب قصص واحاديث واحد المواضيع الى اطرق الها كانت
_السيد عبد الرؤف:: دخل قبيصه بن يزيد الجعفي عل الامام الصادق فسأل الامان الصادق اين كنتم قبل ان يخلق الله سماءا مبينه وارضا مدحيه او ظلمه او نورا؟
الامام الصادق جاوبه ب كنا اشباح نور حول العرش نسبح الله قبل ان يخلق ادم بخمسه عشر الف عام فلما خلق الله ادم افرغنا في صلبه فلم يزل ينقلنا من صلب طاهر الى رحم مطهر حتى بحث الله محمد ف نحن عروه الله الوثقى من استمسك بنا نجا ومن تخلف عنا هوى لاندخله في باب ضلاله ولانخرجه من باب هدى ونحن رعاة ديت الله ونحن عتره رسول الله ونحن القبله التي طالت اطنابها واتسع فناؤها من ضوى الينا نجا الى الجنه ومن تخلف عنا هوى الى النار
قال اذا كان يوم القايمه جعل الله حساب شيعتنا علينا
انتهى الوقت وبدت النساء تخرج اجت وحده من البنات الاصغار للسيد لابسه محرم ابيض كعدت يم السيد تضحك ضحك السيد وخله ايده عل راسها ضحكت وضهرت اسنانها المكسره ابتسمت وياها
_:: سيد شنو يعني الحانيه
_السيد عبد الرؤف:: الحانيه؟
_:: اي انت مساع كلت فاطمه الزهراء اسمها الحانيه
_السيد عبد الرؤف:: الحانيه من الحنان من كثره حنانها عل اولادها سميت الحانيه وكنيتها ام ابيها
اجت الثانيه مدنكه وتمشي وراها ثنين يمشن مدنكات ضحكت عليهن شلون يزحفن ب اتجاهنا لان كلها بدت تطلع كعدن ورا صديقتهن مدنكات شافهن السيد وضحك رفعت وحده من البنات ايدها
_:: سيد الامام الحسن ليش سموو الحسن؟
_السيد عبد الرؤف:: الامام علي قال ماكنت لاسبق باسمه رسول الله والنبي محمد قال ماكنت لاسبق ربي عز وجل ف اوحى الله الى جبرئيل وقال انه قد ولد لمحمد ابن ف اهبط فاقرأه السلام وهنأه وقل له ان علياً منك بمنزله هارون من موسي ف سمه باسم ابن هارون فقال النبي وما كان اسمه؟ قال جبرائيل شبر فقال النبي لساني عربي لان شبر كلمه عبريه مو عربيه ف جبرئيل قال سمه الحسن
_:: الله سيدد واسم الامام الحسينن
_:: سيددد اي والسيده زينب
_:: سيدد وام كلثوممم
صفن السيد عليهن وصغر عيونه صارن وحده تباوع للثانيه ضحك السيد
_السيد عبد الرؤف:: باجر نسولفهن كلهن
تحمسن وكامن اجت ابنيه شابه لازمه سبحه خضره سلمت عل سيد وكعدت كدامه
_سيد بلا زحمه عليك احجيلي عن تسبيح الزهراء
بده السيد يسولف عن تسبيح الزهراء وهيه قصه طويله لاكن اختصرها ب
_السيد عبد الرؤف:: الرسول قال لفاطمه اعطيك ماهو خير لك من الدنيا وما فيها؟ قال سبحي ثلاثا وثلاثين واحمدي ثلاثه وثلاثين وكبري اربعه وثلاثين ف لزمت فاطمه الزهراء هذه التسبيح بعد كل صلاه ونسب اليها
اترخصت وكامت بعد مانتهتت دار علي السيد مبتسم سرعان ماتغير وجهه للاستغراب والخوف
_السيد عبد الرؤف:: مالها ام ابيها؟
ضحكت متصنعه الضحكه هزيت راسي ب لا
_جهاد:: مابيه شي سيد
دنى لصفحتي مستغرب يباوعلي بشك واني مبتسمه
_السيد عبد الرؤف:: علويتي تضم عل ابوها؟
_جهاد:: ليش هيه علويتك تكدر تضم عليك شي
_السيد عبد الرؤف:: شنو المتعبج؟
_جهاد:: سيد البارحه مانمت زين واجيت للحوزه اخذت درسين للطالبات والنساء ف تعبت
_السيد عبد الرؤف:: متأكده؟
_جهاد:: متأكده سيد
_السيد عبد الرؤف:: اشوف عيونج عدل خاف تجذبين
_جهاد:: يعني عيوني مايجذبن
_السيد عبد الرؤف:: السان يكذب والعينان تحكي الحقيقه
ضحكت خاله عيوني بعيونه صغر عيونه يتفحص واني حاصرتني الضحكه
_جهاد:: بشر سيد
_السيد عبد الرؤف:: عيونج بيهن قهر علويتي بس راح اخليج براحتج من تحسين الوقت المناسب للكلام
هزيت راسي ب اي كمت من مكاني
_جهاد:: سيد اروح ارتاح لان اذا ضليت انام اهنا ساعتين واجي اكمل درس استماع القرأن
_السيد عبد الرؤف:: روحي بنيتي ارتاحي ولاتجين اخلي غيرج يكمل الدرس
_جهاد:: لا سيد درسي اكمله
_السيد عبد الرؤف:: روحي علويتي ب 9 اريدج يمنه
_جهاد:: ان شاءلله
ودعته وطلعت من الحوزه اتمشه صارت بوجهي هيه جايه واني رايحه باستني من خدي وبستهه
_جهاد:: بعد وكت
_مزن:: ركض ركض اجيتتت وين رايحه انتِ؟
_جهاد:: راجعه للبيت
_مزن:: راجعه ليش؟ ودرسج
_جهاد:: السيد دبر الموضوع
تمشت وياي باوعتلي مستغربه
_مزن:: جهوده بيج شي؟
_جهاد:: مبين علي؟
_مزن:: ذيج هيه مبينه ضايجه ومقهوره احجيلي شبيج؟
_جهاد:: البارحه ماكدرت انام
_مزن:: ليش شبيج مريضه؟؟؟
حجتها وخلت ايدها كصتي تتفحص حرارتي هزيت راسي ب لا وكملت مشي
_جهاد:: لا
_مزن:: اجل شبيج؟
_جهاد:: همام
_مزن:: همام شبي؟
_جهاد:: اني ماعرف شبي هل فتره حيل متغير صاير بارد وحتى مايسولف تخيلي يرجع من الحوزه يحط راسه وينام؟
_مزن:: يمعوده مقهوره عل هاي؟
_جهاد:: مامقهوره بس مستغربه
_مزن:: جهوده جاي يصير عليهم اجهاد وتعب هل فترة مرتضى كلي جاي يجون معممين جدد وطلاب للحوزه ف طبيعي تشوفينه تعبان وماله خلك لاتضوجين ولااتقهرين بنفسج رجعي ارتاحي ونامي وحتى درسج راح اخذه اني وعوفي التفكير فدوه اروحلج صفي بالج وذهنج
هزيت راسي ب اي وودعتها تمشت اكمل طريقي مادري احس محد راح يفهمني والبعض يشوف الموضوع مبالغ بي شفت فقار جاي ب اتجاهي
_فقار:: السلام عليكم
_جهاد:: عليكم السلام هلا فقار
_فقار:: هلا بيج عمه يلا امشي
_جهاد:: شنو وين؟
_فقار:: السيد دزني اوصلج للبيت
_جهاد:: مايفوتها السيد
_فقار:: راد يجيج هوا بس السيد مهدي ورضا اجوه ف وصاني عليج
شفتت رجال معمم مدنك ويمشي متوجهه للحوزه
_جهاد:: فقار منو هذه دوم اشوف السيد ويا
_فقار:: هذه الشيخ......
_جهاد:: هااا مبين جديد ب الحوزه مو!
_فقار:: تقريبا اشهر سيدنا حيل يحبه دارس دكتوراء هم
_جهاد:: تحس وجهه لطيف ومحبوب
_فقار:: صح السيد يشوفه مؤثر ب النفوس ب المستقبل
_جهاد:: شلون
_فقار:: طرحه للمواضيع يجذب المقابل يخلي غصبنا عنه يفهم الموضوع
كملنا طريقنه متوجهين للبيت الي مايبعد عن الحوزه ودعت فقار ودخلت للبيت هادء نفس ماعفته نزعت العباءة والربطه غسلت وجهي وتمدتت عل فراش ماخذني النوم الى عالمه
مافزيت غير عل صوت باب الكنتور وهوا ينفتح فتحت عيوني شفت ينزع ب العباءة مالته شافني فتحت عيوني ابتسم بوجهي وتقدم لجهتي باسني من راسي
_همام:: كعدتج
_جهاد:: لا .. يمتى اجيت؟
_همام:: تقريبا نص ساعه
_جهاد:: ليش ماكعدتني اسويلك اكل
_همام:: شفتج تعبانه كلت اخليج ترتاحين
_جهاد:: اي هواي تعبت اليوم
_همام:: الله يساعدج حبيبتي كومي اذن من نص ساعه
_جهاد:: استغفرالله فاتتني الصلاه بوقتها
_همام:: مو هواي يلا كومي
كمت من الفراش للمغسله اتوضى فرشت مصلايتي اصلي كملت الصلاه وسبحت تسبيح الزهراء وكمت اسوي اكل شفت الساعه ب 8 بعد عندي ساعه اروح لبيت اهلي اتصلت عل ايليا رد علي
_ايليا:: هلا ب عمتنه الحلوه
_جهاد:: هلا ب ابن اخوي الحلو
_ايليا:: شنو عمه داكتها ناعم من الاخير فلوس ماكو
_جهاد:: انجب لك شنو شفتني 24 ساعه اطلب منك
_ايليا:: رجاءءء عمه بعد انجب وهذن ماكو الكدامج مهندس يعني ابسط حركه منج اسجنج
_جهاد:: لحظه هيه الهندسه شدخلها ب السجن؟
_ايليا:: ها والله مادري انا هم استغربت
_جهاد:: دتعالي ب ال 9 الى ربع
_ايليا:: صايرين يمج ب 9 الى ربع
ودعته وكملت اسوي عشه دخلت للغرفه شفته صافن ويهز براسه بس شافني ابتسم
_همام:: ها علويه
_جهاد:: سويت عشه
هز راسه وكام ياكل كعدت كدامه صافنه علي ياكل بهدوء
_جهاد::همام حروح لبيت اهلي
_همام:: هسه؟
_جهاد:: اي هسه
_همام:: يلا اخلص واوديج
_جهاد:: لا ايليا راح يجي ياخذني
عاف الخبزه من ايده وباوعلي عاكد حواجبه
_همام:: شنو موضوعج؟
_جهاد:: موضوعي؟
_همام:: انا اهنا شنو جهاد؟ زوجج يعني شورج وطلعاتج وطباتج بيدي مال يجيج واحد من اخوانج لو ولد اخوانج لو ابوج السيدد هاي مو يمي ماكوو طلعه برا هذه البيت بدوني انا ماتخطين خطوه برا عتبه الباب بدون شوري انا يعني انا الاس والاساس اهنا فاهمه علويه؟ هل مره بس تطلعين بدوني غيرها ماكو
حجاها وكام من الاكل عل طول كلامه اني مصدومه وساكته من رد فعله واسلوبه من يمتى يحجي وياي هيج؟؟؟ اني دوم اطلع ويا ولد اخواني ولان ماردت اتعبه وادري بي تعبان اتصلت عل ايليا خليت ايدي عل وجهي تايهه تغير همام تغير همام مو مثل قبل اكو ان ب الموضوع شلت الصينيه وعزلت الاكل لبست ربطتي والعباءة دخلت للغرفه شفته نايم طلعت من الغرفه انتضر ايليا رن تلفوني شفته ايليا رفضته وطلعت شفته واكف صافنه ب تلفونه
_جهاد:؛ ها
_ايليا:؛ شسالفه عمه شيصير لو راده
_جهاد:: خاف يخلص الرصيد
_ايليا:: انا اتصلت يعني رصيدي يخلص
_جهاد:: مابيه احجي
_ايليا::هنه حجايتين
_جهاد:: مابيه احجيهن
تمشينه اني صافنه وهوا يردد ب قصيده حديث الكساء واحد الابيات كانت
_روت لنا فاطمه خير النساء.. حديث اهل الفضل اصحاب الكساء
_تقول ان سيد الانام.... قد جأني يوما من الايام
فقال لي اني ارى في بدني ضعفنا
_اراه اليوم قد انحلني
قومي علي بالكساء اليماني وفيه غطيني بلا تواني
_قالت فجئته وقد لبيته مسرعه وبالكساء غطيته
_وكنت أرنو وجهه كبالدر في اربع بعد ليال عشر
فمت مضى الا يسير من زمن
_حتى اتى ابو محمد الحسن فقال يا اماه اني اجد رئحه طيبه اعتقد بانها رائحه النبي اخ الوصي المرتضى علي
_قلت نعم هاهو ذا تحت الكسا.. مدثر به مغطى واكتسى
_فجاء نحوه ابنه مسلماً مستأذنا قال له ادخل مكرما
_فما مضى الا القيل الا جاء الحسين السبط مستقلا
_فقال يا ام اشم عندك رائحه طيبه كأنها المسك الذكي وحق من اولاك منه شرفا اظنها ريح النبي المصطفى
_قلت نعم تحت الكساء هذا بجنبه اخوك فيه لاذا
فاقبل السبط له مستأذنا مسلما قال له ادخل معنا
_وما مضى من ساعه الى وقد جاء ابوهما ا الاسد ابو الائمه الهداة النجبا المرتضى رابع اصحاب الكسا
_قال يا سيده النساء ومن بها زوجت في السماء اني اشم في حماك رئحه كأنها الورد الندي فايحه يحكي شذاها عرف سيد البشر وخير من لبى وطاف واعتمر
_قلت نعم تحت الكساء التحفا وضم شبليك وفيه اكتفنا
كانت هاي القصيده من القصائد الجميله والمحبه للقلبي لانها تحكي حديث الكساء بطريقه شعريه جميله وصلنه للبيت دخلت شفت شاهيناز وعاتكه ب الصاله يدرسن من شافني ابتسمن وكامن يرحبن بيه
_شاهيناز:: هلاااا عمههه
_جهاد:: هلا ب شاهيناز
_عاتكه:: شلونج عمه
_جهاد:: زينه وانتن؟
_عاتكه:: غركانات ب الامتحانات
_جهاد:: يلا يلا هانت كلها ايام وتخلص ابوي وين؟
_ايليا:: ب المطبخ العلويه مسويته بنكلادش تكرب علي
_جهاد:: شنو ولك؟
_شاهيناز:: ايي عمه ب المطبخ يسوي عشه
_عاتكه:: شيخ محشي عمه
ضربت عل صدري وتمشيت للمطبخ
_جهاد:: يمههه خليتلج ابوي يطبخلج يمههه شفتيني ماموجوده كلتي استغله مووو
دخلت وشفت السيد مسرفن اردانه وواكف عل طباخ يحوس ب المحلبي وامي كاعده عل كرسي ماخذه راحتها من شافتني كامت
_علويه زهراء:؛ شنو ولج جايه تعاركيني عل رجلي
_جهاد:؛ لاعيني لااا تاليها سيد عبد الرؤف يسوي محلبي
_علويه زهراء:: سيدد روايه من يمك
_السيد عبد الرؤف:: الامام علي (ع) يقول دخل علينا رسول الله وفاطمه جالسه عند القدر وانا انقي العدس قال يا ابا الحسن ما من رجل يعين امرأته في بيتها الا كان له بكل شعره على بدنه عباده سنه صيام نهارها وقيام ليلها
_شاهيناز:: هوا سيد انت متونس تسوي محلبي
_ايليا:: باجر تلكي يلف كبه وسمبوسه
_شاهيناز:: يمعودد لففف انت ويننن
_ايليا:: لففف كبه؟؟
_شاهيناز:: ايييي اول البارحه من عمتي طلعت العلويه طلعت الحشو وكلتله تعال لف وياي والسيد تونس يلف ويرد ليورا والعلويه انسحبت عل ماخلص الها صينتين
باوعت للعلويه مخنزره وهيه مامهتمه راحت تتمشه يم السيد وهوا يضحك هزيت راسي
_جهاد:: ماكو فايده بعد ابوي ددللج زايد
_السيد عبد الرؤف:: اذا مادلل حبيبتي وشريكتي وانسيه روحي منو ادلل؟
كعدت اطفر من حركتي والعلويه خجلانه والسيد كل شوي يشمر حجايه حلوه يخليها تبتسم دخلو الساده شافو السيد يسوي محلبي تقدم غضيمر يضحك اخذ الخاشوكه من السيد يحوس بداله
_غضيمر:: ارتاح سيدنا
توجهه السيد للثلاجه طلع خيار وخضره وطمامه وخس وكعد عل طاوله يكصص بيهن
_فقار:: شنو هاي انوب سيد
_السيد عبد الرؤف:: زهرتي تحب الزلاطه ويا المحشي
جنت فاتحه جدر المحشي من حجاها درت علي مبرطمه
_جهاد:: لا يابه والله اغار
_علويه زهراء:: شنو تغارين تغارين عل رجلي مني؟؟
_جهاد:: رجلج قبل لاانولد اني هسه ابوي اني يعني الي بس
_السيد عبد الرؤف:: مفرقد من يمك ليمونه وملح لعمتك جهاد تحب المحشي ويا ليمون
ضحكت اطفر والعلويه دارت عن السيد زعلانه وهوا يضحك كل واحد اخذ صفحته ب المطبخ
_السيد عبد الرؤف:: ايليا ماذا كان اسم درع الامام علي الذي باعه لمهر فاطمه الزهراء؟
_ايليا:: الحطيمه سيد لانها كانت تحطم السيوف
_السيد عبد الرؤف:: شاهيناز اين اقيم حفل زفاف فاطمه الزهراء في الجنه؟
_شاهيناز:: في السماء الرابعه عند البيت المعمور اجتمع ملائكه السماوات كلها في السماء الرابعه ونصب منبر الكرامه وهو منبر النور وقال جبرئيل
(الحمدلله ردائي والعظمه كبريائي والخلق كلهم عبيدي وامائي زوجت فاطمه امتي من علي صفوتي اشهدو ياملائكتي)
_عاتكه:: الله ب زواج فاطمه الزهراء والامام علي امر الطير ان تغني وغنت وامر شجره طوبى ان تنثر عليهم اللؤلؤ الرطب والياقوت الاحمر وشهد على تزويجهم اربعين الف ملك
تذكرت روايه زفاف الامام علي وفاطمه الزهراء ابتسمت ودنكت شكد احب هاي الرواية عفت البيدي وابتسمت من اتذكر السيد من سرد النا الروايه
_السيد عبد الرؤف:؛ فتره العقد والزفاف بين فاطمه الزهراء والامام علي طالت بدون قصد بس الامام علي كان يخجل ان يطلب رسول الله بزوجته وكان الرسول ايضا يحافظ على كرامه السيده فاطمه الزهراء لان لايجوز ان يزف ابنته قبل مطالبه زوجها
طالت الفتره شهورا وبقى الامر مسكوتا عنه
واخيرا جاء عقيل الى علي يسأله عن سبب السكوت ف الامام علي جاوبه ب استحي ان اطلبه لاكن عقيل لح عل الامام علي فخرجا يريدان الدخول عل الرسول التقت بيهم ام ايمن تكفلت ب الموضوع وذهبت الى ام سلمه واعلمت نساء النبي ف اجتمعن عن عائشه وحدقن ب الرسول
قالت ام ايمن يا رسول الله لو ان خديجه باقيه لقرت عينها بزفاف فاطمه وان عليا يريد اهله فقر عين فاطمه ببعلها واجمع شملهما
فقال النبي محمد فما بال علي لايسألني ب ذالك؟
قالت الحياء منك يا رسول الله
فقال الام ايمن انطلقي الى علي فأتيني به
خرجت ام ايمن فاذا علي يتنظر ليسألها عن جواب الرسول وحضر علي عند الرسول وجلس مطرقا رأسه نحو الارض حياء منه
قال رسول الله اتحب ان تدخل عليك زوجتك
قال الامام علي نعم فداك ابي وامي
رفعت راسي مبتسمه شفت السيد صافن علي دنكت خجلانه اضحك كملنا الاكل ونقلناه للصاله فرشنه السفره وكعدنا ناكل كعدت يم السيد اكل
_ايليا:: عاشت ايدك سيد خوش محشي
_شاهيناز:: الله سيد شكد طيبه السمبوسه
_فقار:: سيد انت مسوي الكبه؟ عاشت ايدك
_غضيمر:: شوف ابداعات السيد مسويلنا عصير رمان
_عاتكه:: سيدد نطيني من زلاطه العلويه كلش طيبه
_حميده:: سيد خال كركم للبتيه طيبه شو
_مفرقد:: سيد عاشت ايدك البيض وباقله رهيب
_حوراء:: سيدد ماي من يمك
صفن عليهم السيد واني صافنه ويا درت عل امي
_جهاد:: يمه انت شنو سويتي بلا؟
_علويه زهراء:: سيد شنو سويت
_السيد عبد الرؤوف:: شجعتني عل طبخ
غصو اخواني ب الاكل ونسوانهم يضحكن وامي مبتسمه بفخر هزيت راسي وكملت اكل
_ايليا:: المحلبي شو بس اسم ب السفره
_شاهيناز:: زياده اطباق بس
ماجنت اعرف شنو مضموم الي ب المستقبل وشلون الزمن راح يختبرني.........
"عاتكه"
الكل جان هادء وساكت دخل مفرقد
_مفرقد:: ابو ميرزا اجه
عدلنا كعدتنا اني والبنات دخل ابو ميرزا مدنك
_جادح:: السلام عليكم
ردينه السلام كلنا نفتح باب المصلا وطلع السيد باوع لجادح وهز راسه دنك ابو ميزرا
_السيد عبد الرؤف:: هاي وانا امنتك
_جادح:: سيد طلبت مني وماكدرت اردها
_السيد عبد الرؤف:: طلبت منك؟ تعرف الموضوع يأذيها حتلو طلبت جنت تكدر تسده من يمك
هز ابو ميرزا راسه ساكت دخل السيد للمصلا لاف علينا ابو ميرزا
_جادح:: وينها عمه الساده
_غضيمر:: تخربطت انطوها مهدء ونامت
_جادح:: ليش شبيها؟
_مفرقد:: سيد تعرف شنو بيها
_جادح:: ازمايل لاتباوعون هيج تدرون بيه ماكدر اكلها لا واحد يدخل يشوفها اذا كاعده اريد احجي وياها
_ايليا:: ابو ميرزا ضلت جم ساعه وياك رجعت فلشت البيت عل روسنا استر علينا لاتشيل سجينتها وتركض ورانا
_جادح:: لاتصير تافهه وادخل شوفها عندي موضوع وياها
كام ايليا يروح يشوفهه ونفتح الباب الغرفه طلعت عمتي عيونها حمر وايديها ملفوفه ضامد بس شافت جادح بجت ادك ب ايدها
_جهاد:: جادح كبر ابني وينننننن ماهو دورت مالكيتههه ابنييي وين ضميتووو كبره سيدد عبد الرؤف ابنيي كبره وينننننن حرمتني من ثاره تريد تحرمني من كبره
_جادح:: علويه باجر انا اطلع انبلش الكبور كبر كبر
_جهاد:: ابويييي ابوييي يدرييي بس مايقبللل يحجي مايقبلل مايقبللل تحجي وادك عل وجهه ركضنا اني والبنات الها نهدء بيها وهيه تصرخ تعاتب ب السيد كل شوي تريد تدخل للمصلا ونلزمها
_جهاد:: بويهه ابوسسس ايدكك بس اطلع كلي كبره وين بس اشوف كبره حرمتوني منهه تردون تحرموني من زياره كبره جادح جادح تلكاه زعلان عليي شلون ماا اجيه مو؟ اي زعلان ادري بي ابني زعلان علي كلهههه منككك سيدد عبد الرؤف انتت السبببببببب ماسامحكممم مثل ماقهرتوني ب ابني
تبجي وادك عل وجهه وترجع تتوسل
_جهاد:: بويه اطلع بس كلي وينه والله ماسوي شي اكعد حبابه بس اطلع كلي بيا فتحهههه دفنته
سكتت تعبانه كعدناها عل قنفه وهيه صافنه جان صاحت من مكانها تسمع السيد
_جهاد:: والله احرككممم هسه اجيب نفط واحركممم كلكمم
_جادح:: خل اطلع وحركيهم علويه
_شاهيناز:: هسه هيه مال ضحك ماتشوفها منهاره
_جادح:: تعاي انت منو شايفج انا قبل
_ايليا:: سيد واليرحم والديك شسويت النا
دارت عليهم عمتي شافتهم يتناكرون خزرتهم من شافوها خازرتهم فزو ساكتين مسحت دموعها ودخلت للغرفه دخلت وراها اني وملاك شمرت نفسها عل جربايه وتغطت ضليت واكفه فوكها صافنه عليها جرتني ملاك من ايدي واشرتلي نطلع
طلعت شفت البنات بس الولد والجادح ماموجود كلها طشت لمكانها ترجع تنام صعدت للغرفه انام والبنات صعدن وياي
ثاني يوم ماشفت احد العلويه والسيد مختفين نزلت شفت غضيمر ب الصاله يشد ب عمامته
_عاتكه:: غضيمر رايح للحوزه مو
_غضيمر:: اي عندي درس لطلاب الحوزه
_عاتكه:: اجي وياك؟
_غضيمر:: يلا
صعدت للبنات اشوف اذا يرحن بس ولا وحده كالت انا
_شاهيناز:: بطني وضهري ورجلي وراسي ياذيني مابيه حيل
_مهجان:: ادري شسالفه خو موتي توج مابيج شي
_شاهيناز:: ايي بس هسه اجتني ضربه ببطني
_حميده:: سوده علي خاف الطفل هذه راد يكعدج
اخذت عبايتي وربطتي والنقاب لبستهن ونزلت شفت غضيمر شايل بيده كتب الحوزه من شافني نزلت اخذ سويج السياره وطلع كدامي مشيت ورا وصعدت ب السياره شعل السياره وتحرك
_عاتكه:: غضيمر هوا جادح اني ليش ماشايفته قبل
_غضيمر:: انتِ حوله
_عاتكه:: لاصدك ولامره شفته وتوني ادري عند السيد عبد المعز ولد من زوجته الثانيه زين هيه ليش ماتجي اهنا؟
_غضيمر:: ماتجي اهنا لان هيه مسكنها بغداد يم اهلها وجادح نادرا يتودد لكربلاء ونجف لان بيته وشغله ب بغداد واكو غير جادح اخو بعد
_عاتكه:: عنده اخوان بعد؟
_غضيمر:: اي مغل وغضمبر
_عاتكه:: اللهه يشبه اسمك غضمبر
_غضيمر:: اي هوا السيد سماهم
_عاتكه:: زين هما وين؟
_غضيمر:: ببغداد
_عاتكه:: زين هوا جادح متزوج وين زوجته؟
_غضيمر:: مطلق
_عاتكه:: يااا مطلق ليش عدهم ابن خطيههه غضيمر
_غضيمر:: ادري خطيه انا مطلكهم
_عاتكه:: زين بعد اوكف شنو علاقته ب عمه الساده قويه
_غضيمر:: تربو سوه ب الطفوله وجادح يعتبر عمتي جهاد اخته الجبيره وعمتي تثق بي اكثر من عدنا هم
خلصنه الطريق انا اسأل وهوا يجاوب وهذه الشي الحلو ب اخواني مايملون مني رن جهاز غضيمر رفعه وابتسم
_غضيمر:: الخير بطاريه.... هههه ب الخير سيد ب الخير.. وين؟... يلا انا راح اوصل... ان شاءلله.. مع السلامه
سد الاتصال عرفت المتصل جادح وصلنه للامام صف غضيمر سيارته ونزل نزلت ورا نمشي سوا دخلنا للصحن اشرلي غضيمر امشي ورا مشيت متوجهين للجه الخروج عل مقابر كل ماشوف هذه المكان اتذكر فاطمه من ضاعت شفنا جادح واكف صافن عل قبه من شافنا تقدم ب اتاجهنا يسلم جادح ك شخصيه وشكل جدا ملفتت وكارزما ضخم وملامحه حاده لون عيونه مميز وجميل اكيد طالع عل امه حلو يعني اني ماذم السيد معز بس هذه الانتاج مو انتاجنا رغم احنا الساده جميلين
_جادح:: شلونك سيد شلونج علويه
ردينه اني وغضيمر بدى يحجي ويا غضيمر واني درت اباوع لاجواء الصحن الجو صاير حلو بي بروده جمال القبه ولونها الذهبي لو جمال زوار الامام ب مختلف الاعمار مرت من يمي بنوته صغيره لابسه محرم تركض كدام اهلها وعبايتها طايره ابتسمت عل المنظر فجاءة اجاني احساس اريد اصير امكن شنو الموضوع
_جادح:: هلا بدفانا هلا ب اليحفر كبورتنا
التفتت مصدومه من سمعت صوته اي هذه نفسه نفس الصوت هذه؟!
_دلهب:: هلا ب الساده
نفسه دلهب دفان النجف؟ شفت يسلم عل جادح وغضيمر كرعته تلمع لمع لابس دشداشه سوده ووطبره الحاجب وملامحه نفسها نفسها ماتغيرت صارت عينه بعيني دنكت اباوع للكاع بدو يحجون مواضيع عشوائيه سلام وكلام لقطت من كلامهم انو اكو شخص جاي للنجف منو هو ماعرف ختم دلهب كلام ب
_دلهب:: باجر جزام جاي للنجف
_جادح:: يلا حبيبي اجه اليساعدك ب الدفن
"شاهيناز"
فتحت عيوني ببطء حسيت بشخص حاضني من الخلف درت راسي اشوف ملاك حاضنتني من ضهري ونايمه دفعتها ابعد ايديها
_شاهيناز:: هيوو وخري عني شكو شابكتني
ولاتحركت وضلت مكمله نومتها دفعتها ورجعت حضنتني بقوه
_شاهيناز:: ملاكك وخري شجاج اريد اكووممم
بقت مكمله نومتها استغفرالله هسه هاي شسويلها ابعد بيها وترجع تحضني بقوه طكيتها بخفه عل راسها
_شاهيناز:: اليشوفجج يكول تنكط حنيه ولاجنج نفسج الخليتي الخيل يشمرني من ضهره وخليتهم ينسوني ب البيت ويرحون
_ملاك:: خوب انتِ ماتنسين
_شاهيناز:: هاا شو كعدتي مو جنتي نايمه
_ملاك:: هوا انتِ تخلين الواحد ينام
_شاهيناز:: اكلج اشوفج هواي تحبين تنكتلين
طفرت من مكانها تباوعلي صفح عيونها مورمات من النوم شفت البنات كلها نايمه حكت ملاك راسها
_ملاك:: شو عاتكه ماهي
_شاهيناز:: راحت للحوزه
هزت راسها صافنه كمت لازمه بطني مشكلتي ب الشهريه تجيني مرتين كل شهر اول مره تجي ثلاث ايام والمره الثانيه ثلاث ايام تحسها ماخذه تناوب سحبت ربطتي وطلعت من الغرفه انزل نفتح باب الغرفه واجت ملاك تركض وراي
_شاهيناز:: خير
_ملاك:: شوشه اني جوعانه
_شاهيناز:: شتردين يعني اشلعلج لحم واوكلج؟
_ملاك:: عابت نزلي للمطبخ وطلعي اكل انطيني لان اني استحي افتح الثلاجه
_شاهيناز:: واني ماستحي مثلا!
_ملاك:: لا انتِ متعوده عليهم مو مثلي
هزيت ايدي ساكته لان اني هم جوعانه نزلنا سوا البيت هادء ماكو احد ماستغربت لان اعرف هذه وقت روحتهم للحوزه دخلنا للمطبخ كعدت ملاك عل كرسي واني رحت للثلاجه صفنت ب الثلاجه والتفتت لملاك
_شاهيناز:: اكلج شناكل
_ملاك:: شنو ب الثلاجه
_شاهيناز:: طماطه بيض بتيته بيتنجان اجبان خضره فلفل بارد فواكه زبد هذه خيار هم
كعدت اعدد الها وهيه تهز راسها كامت وكفت يمي صافنه عل ثلاجه
_ملاك:: نسوي بيض وطماطه!
_شاهيناز:: ماحب البيض ب الطماطه
_ملاك:: بتيته وبيض؟
_شاهيناز:: لا ماحب البتيته ويا البيض
_ملاك:: نسوي طماطه لاجعه؟
_شاهيناز:: انت شتردين تسوين
_ملاك:: مادري كتلج استحي اني
_شاهيناز:: تستحين وصالج ساعه تعدديلي
التفتنا من دخل السيد للمطبخ شافنه مادات راسنه ب الثلاجه ابتسم
_السيد عبد الرؤف:: السلام عليكم
ردينه السلام وملاك انسحبت للطاوله
_السيد عبد الرؤف:: ها شتسون
_شاهيناز:: سيد ملاك جوعانه تريد اكل
_ملاك:: ها
_السيد عبد الرؤف:: جوعانه ملوكه؟
_ملاك:: اي سيد من البارحه نمت بدون اكل
هز السيد راسه وتوجهه لثلاجه كعدت يم ملاك صافنه عل سيد سرفن ردنه وطلع من المجمده فخد دجاجه وتوجه للمغسله خله جيس الدجاجه ب جدر وفتح علي الماي رجع للثلاجه وطلع فلفل بارد وبصل غسلهن وكعد يمنه عل طاوله يثرم وبده يقره
_شلون بيه وثكل وزن حسابي×2
ونمله من المعاصي كتابي
_شلون بيه لو قرب مني الاجل×2
واخذ سمعي الموت والساني انشجل
_وضلت عيوني تدير اعلى الاهل
تشوفها تهل الدمع لمصابي
_شلون بيه النفس لو مني خمد
وملك الموت اخذ روحي وصعد
للمغيسل طلعو مني الجسد
كمل السيد تردده للقصيده
_شلون بيه بجفن لو لفوني×2
للكبر عكب الغسل شالوني
_نزلوني بحفرتي وواروني×2
وكام دفاني يهل اترابي
خلص ثرم وكام خله الثرمهن ب المشخل وغسلهن اخذ الدجاجه وشال منها الجلد وبده يكصص بيها قطع صغيره خله الفلفل بارد والبصل ب التاوه وخله الزيت وشعل الطباخ عليهن ندستني ملاك تهمس
_ملاك:: اكلج السيد يعرف يطبخ
_شاهيناز:: اي السيد يحب يطبخ ومايستنكف من هل شغله
_ملاك:: الله شكد حلو هيج
ابتسمت صافنه عل سيد جان السيد ويا كل حركه يصلي عل محمد وهذه الشي الي ثار الفضول عد ملاك
_ملاك:: سيد ليش كل شوي تصلي عل محمد؟ يعني هيه الصلاه حلوه بس لاحظت من غسلت الدجاجه ومن ثرمت الفلفل والبصل وخليت الزيت وغسلت الخضروات صليت
_السيد عبد الرؤف:: الامام الحسين (ع) يقول اذكرو النبي وكثرو الصلاه عليه فانه من صلى على النبي صلاه واحده صلى الله عليه في الف صف من الملائكه ولم يبقى شيء مما خلق الله عز وجل الا صلى على ذاك العبد وقال رسول الله (ص) اولى الناس بي يوم القيامه اكثرهم علي صلاه
"صلو عل محمد وال محمد ♥."
صلينه اني وملاك عل محمد واله كمل السيد طبخ ممكن البعض يشوفها عيب انو نكعد والسيد يطبخ بس ب الواقع السيد دوم يطبخ ومايخجل من هذا الموضوع لهذه السبب بقينا كاعدات وماكمنا نساعده لان بالواقع هوا يعجبه يطبخ وحده خله الدجاج عل خضروات وقبقهن طلع شربت عنب من الميز وماي من ثلاجه خله الشربت فوك الماي ورجع فتحت التاوه يكلب ب الاكل طلع خبز من المجمده وضل يكلب بي عل طباخ جاب الخبز والعصير يمنه طفه الطباخ ونزل التاوه من الطباخ خلاها ب الصينيه وجابها يمنه ابتسم وكعد كدامنا
_السيد عبد الرؤف:: يدللن العلويات
ابتسمت اني وملاك وبدينه ناكل والسيد صافن وكل شوي يهز راسه ب لا دخل ساجد بيده القران سلم وردينه السلام توجه للسيد
_ساجد: سيد القرعه
اخذ السيد القران من ايده وبده يصلي عل محمد استغربت ملاك حركه السيد وعافت الخبزه صافنه عل السيد
_ملاك:: شنو قرعه
رفع السيد راسه وابتسم وهوا ساكت
_عبد الرؤف:: اللهم ان كان في قضائك وقدرك ان تفرج عن وليك وحجتك فب خلقك في عامنا هذا وشهرنا هذا فاخرج لنا رأس ايه من كتابك نستدل بها على ذالك)
فتح القران وحسب سبع ورقات حسب عشر اسطر من ضهر الورقه السابعه وخله صبعه عل السطر ال 11 هز راسه ورجع كرر الحركه مره ثانيه هز راسه والتفت ل ساجد
_عبد الرؤف:: انتظر لصلاه المغرب وشوف
هز ساجد راسه واترخص من عدنا وطلع التفت السيد لملاك الجانت صافنه
_عبد الرؤف:: قرعه القران يعني استخاره القران يعني مثل اي و لا تخلين القران يختار الج الدعاء الي كلته تقري وتفتحين القران من الصفحه الي تفتحي عليها تكملين لصفحه السابعه من ضهر القران تحسبين 10 اسطر وتاخذين السطر ال 11 الايه الي تجي بهذه السطر هيه الجواب تكررين الحركه مره ثانيه وتشوفين الجواب مره ثانيه واذا جنتي شاكه من تصلين تستخرين الله ب الموضوع التردي من تقومين من الصلاه الي يطيح ب كلبج خذي به
جانت ملاك صافنه عل كلام السيد واني اكل لان اعرفهن كلهن السيد علمنه عليهم درت لملاك مستغربه
_شاهيناز:: ملاك السيد عبد المقتدر مايدرسكم؟
نزلت راسها واخذت الخبزه تاكل
_ملاك:: لايدرسنا بس اني ماحضر للدرس البنات يعرفن هاي المواضيع واني ماسألهن
_عبد الرؤف:: اي شي تردين تعرفي انا موجود والبنات موجودات مو عيب تسألينه
هزت ملاك راسها ب اي اترخص السيد وطلع من المطبخ خلصنه اكل وكمنا نعزل ب المواعين ونغسلهن انتبهت ملاك مو مثل مامتخيله هيه مو سيئه بس هيه تتصنع هذه الشي تريد تطلع نفسها مو زينه؟
_ملاك:: كعدي شاهيناز اني اغسل المواعين هذن
هزيت راسي وخليتها تغسلهن سويت انسحاب من المطبخ بعد هيه رادت تغسلهن خليها براحتها.....
"قدس"
قدس:؛ يمعودات وين صار الكبر مو راح اطيح من التعب.!!
حجيتها ونزلت دبه ماي الورد ب الكاع خليت ايدي عل ضهري تعبانه انتجيت عل واحد من الكبور الموجوده صافنه عليهم ساعتين ضبط فرو وادي السلام فر بينه فتحت ايدي اباوع عل حمار البيها ﻤن الدبه شكبرها وشكدها شايلتها وافتر بيها من مساع خلت ايدها عل عيونها مقدمه شفايفها اشرت عل مسافه وصاحت
_قادسيه: اعتقد بهاي الفتحه دربنا
دنكت شالت طابوكه بيدها تريد تهبدها بيها طفرت قادسيه ضامه روحها وهاي تتحلف تشمرها عليها
_قس:: خايبه وكفل زينب انيمها براسج فريتنا المكبره فر ماضل كبر ماسلمنه علي هاي ثالث فتحه ندخلها
_سقار:: قادسيه صدك جذب مو حتى الموته حفظو وجوهتنا
_قدس:: اكلج انتِ تدلين الكبر وين؟
_قادسيه:: لاوين
_قس:: احتركو الجابوج جا من تركضين بينه صالج ساعه احنا والدبات ماكلتي ماندلهن خايبات عوفني اكتلها
_قادسيه:: شكلولج علي 24 ساعه لابسه عباتي وجايه للنجف هما اخوانج الشفيه مادلوني وين كالو يم قطعه عشيره ال.....
_قس:: خايبات ذاك كبر فارغ دخل ادفنها بي
عفتهن يتناكرن وكعدت مطنكره هسه هاي هم سالفه كعدن كالبات وجهنن
_سقار:: كله من وراجن كتلجن نروح لاهل الستوتات ماقبلتن
_قادسيه:: لايمه اخاف من اهل الستوتات تاليتهم كاتلينه ومتاجرين ب اعضائنا
_قس:: شلون اعضاء عندج كيلو كدام وكيلو ورا هوا غير جنج عوده اذن منفوخه بس من راسج
ضحكنا اني وسقار وهذن طنكرن عل بعض درت اباوع للكبور انتبهت اكو كبر حيل تعبان تحس محد زايره قبل كمت من مكاني اخذت الدبه العندي وفتحتها متوجه للكبر اغسل بي واقرا الفاتحه
قس:: غسلي حيل يبعد اختج عل اقل هذول الموته يستفادون بهذه الماي لو نضل ندور كبر ابوج لباجر مانلكاه
_قادسيه:: اكلج لاتباوعيلي هيج تحسسيني 24 ساعه خاره ب المكابر
_قس:: جاا الطريق كله نافخه صدرج اندله واندله
درت عليهن صافنه الوقت يمر واحنا بمكانه المكابر تخوف كل مايمشي الوقت مو بصالحنه
_قدس:: كومن كومن اخر شي اذا مالكينه نرجع بعد نقره الفاتحه منا
صاحن ياعلي وكامن عل حيلهن شالن دباتهن ومشن المكان ضيك وكبر بصف كبر جنا نصعد عل كبور ونعتذر من اهلها لان مجبورات صار كدامنا شارع وعل الصفحتين كبور سمعت صوت نعي نسوان وبجي شفت مجموعه جبيره ملتمين عل كبر ينعون يمه
_قس:: بنات نسألهم؟
_قدس:: اوكفن اهنا اروح اسألهم واجيجن
عفتهن. وكفات وتمشيت الهم ضليت واكفه عل مسافه عليهم الناس مندمجين يبجون حتى استحي اكسر عليهم جنت صافنه عليهم ومتررده اروح سمعت صوت زلمه جبير متقدم باتجاهي
_:: ها بويه تفضلي
شفته زلمه جبير لابس عكال ودشداشه سوده جاي ب اتجاهي تقدمت ب اتجاها متوتره
_قدس:: السلام عليكم
_:: عليكم السلام هلا بيج بويه
_قدس:: البقيه بحياتكم خاف ازعجتكم
_:: لايبوي مامش ازعاج انه استغربت وكفتج محتاجه شي
_قدس:: اي والله عمو
_:: ابشري بويه شنهي الرايدته
_قدس:: والله عمو عدنا كبر والدي جايين نزوره بس احنا مانندل ب الضبط وين لان دوم يجون ويانا خوانه وهما ياخذونا هل مره ماكدرو يجون وجينه وحدنا كالو يم قطعه عشيره ال...... وامانه احنا مانندلها وين
_:: شعجب ماسألتي الدفانين
_قدس:: يردون فلوس عمو واحنا جايات اهنا عل كد العدنا
_:: هاااا والله يبوي مادري اتصلج عل دفانا بلكت يندل
_قدس:: اي والله عمو تسوي فضل
مد ايده بجيبه طلع جهازه يتصل تقدمن البنات يمي حجه ويا واحد ب الجهاز بعد سلام فتح ويا الموضوع والزلمه يشرح النا ويحجي ويانا وقس تسأله يدقق اكثر
ابتسمت بوجهه شاكره لفعله
_قدس:: شكرا عمو
_:: الشكر لله يبوي
انسحبنا اني والبنات قاصدات المكان الي دلانه علي
_قادسيه:: مو كتلجن جوا القبه الذهبيه
_قس:: يمتى كلتي لج
_سقار: اكلجن ويهنا هيه القبه
_قس:: امشن نسأل
اخذنا الطريق شكو واحد نشوفه نسأله شفت القبه الذهبيه من بعيد ركضت والبنات شالن عبيهن يركضن اتذكر الكبر جان جوا القبه بمسافه التلفتت اقره ب اسماء الكبور
_قادسيه:: هذا بناتتتت
التفتت عل جهه قادسيه شفتها تركض لجهه القبر دمعت عيوني قبل لا اوصل للكبر ركضت ويا البنات ودموعي يصبن صاحت قس وهيه رافعه ايدها
_قس:: جيتك يابه جيتك جنت مضيعتك يابههه
تكومنا اني والبنات عل كبر نبجي محاوطات الكبر من الجهتين شفت الكبر ابتسمت بحزن
المرحوم علي مجتبى
2014/2/4
شمرت روحي عل كبر ابجي وامسح ب الكبر قس تبوس ب اسمه وقسار تمسح عل صورته وقادسيه تعاتب تجمعنه اني والبنات عل بجيه وحده
_قادسيه::يابه شفت ولدك شلون خلونا نضيع من جنت عايش تخاف علينه من الهوا لو مر من يمنه وهسه ولدك ماقبلو حتى يجون ويانا للنجف يدلونا كبرك
_قس:: كو/اويد يابه ولدك ماعدهم غيره
جنت ابجي ومقهوره من سمعت قس رفعت راسي وضربتها عل راسها
_قدس:: استحي عل نفسج
_قس:: مجذبه سم
دارت قس تمسح بدموعها وتباوع صفح خزرت قس وكمت اخذت دبه ماي الورد اغسل الكبر والبنات كعدن يقرن سوره يس كعدت وياهن اقره كملنا وبقينه كاعدات نقره ادعيه وسور كمت من مكاني
_قدس:: بنات اريد اروح للحمام
_قس:: شوفيلج حفره هنا
_قسار:: اكلج قس شعجب انت ماتستحين هيج؟
_قس:: يعني شكلت اني وطلعت ماستحي!
_قادسيه:: شوفي اكو مناك مثل البيت العام اجيناه بي حمام
_قسار:: بابا هاي مكبره واكو بيها كبور
_قس:: مثلا هيه رايحه للموتى لو للحمام؟
_قدس:: اي اتذكر اكو بيها كبور اطفال
_قادسيه:: نجي وياج؟
_قدس:: تحتاجن الحمام انتن؟
_قس:: اني اي
_قدس:: وانتن؟
_قسار:: مخنوكه اني اريد اضل اهنا اعاتب ابوي
_قدس:: اني هم
هزيت راسي واخذت قس ومشينه للمكان المقصود اتذكر مرتين دخلناه ويا اخواني مره ومره من اجينه ب اربعينه ابوي جان مثل البيت جبير داخله غرفه وحده بيها مجموعه قبور وخارجها حديقه جبيره واكو حمام وعل كبر الحديقه اكو كبور للطفال دخلنه جان مكان غريب ويخنك دخلنه اني وقس هيه تمشي كدامي واني وراها اوزع انضاري عل مكان
_قس:: يلا دخلي
_قدس:: خاف ماكو ماي
توجهت لطرممه متوجهه عل واحد من الكبور فتحتها الماي يصب هزيت راسي ودخلت للحمام منضره مخيف واظلم فتحت الماي البي يصب... كملت من الحمام وطلعت مالكيت قس صحت ب اسمها اكثر من مره ماترد تمشيت عل جهه الحديقه المكان يخنك ويخوف صح ضهر والضوه موجود بس شعور غريب بهل مكان يكفي هوا مكان للموتى سمعت صوت نفخه بزونه وراي كمزت خايفه اباوع بزونه سوده تمشي عل السياج ورافعه نفسها تباوعلي تريد تطفر
هشيتها بيدي حتى توخر بس هاي لا بكل مره تتقدم ب اتجاهي شلت طابوكه من الكاع وشمرتها ب اتجاها متوقعتها راح تتركني بس الي صار لا؟ رجعت كامزه من طفرت عل الارض تركض ب اتجاهي
صرخت بقوه خايفه اركض وهيه وراي طلعت من السرداب اصرخ بكل مره التفت اشوفها تركض بقوه ب اتجاهي منضرها يخوف عيونها البيض والسواد القليل بنص عينها كفيل يخليك تحسبها جني يركض وراك مو بزونه
التفت اباوع الها توني اباوع كدامي وماشوف غير انشمرت بداخل كبر محفور ب الجديد طحت عل ضهري بداخل الحفره غمضت عيوني رايحه لغير عالم....
