رواية إبن دار الايتام الفصل الرابع بقلم جمانه السعيدي
قصي بس رجعت بليل اتصلت عليه لمى
وبدينا نحجي اني وياها
لمى اني ما اعرف ليش ارتاحيتلك حيل
قصي اني هم ارتاحيتلج شخصيتج حلووه ومميزه
لمى شكرا تدري اني اتمنى الكه شغل وانخلص من هذا الفراغ الي اني عايشه بي
قصي انتي شمخلصه دراسه
لمى علوم سياسيه
قصي يعني تكدرين تحللين الوضع الراهن للعراق هههه
لمى لا تحشش عليه تعرف هاي الشهاده لو بدوله اجنبيه
جان اجتني الوظيفه قبل لا اتخرج
بس شسوي الحضي العاثر الي خلاني عايشه بلعراق
قصي وعسى أن تكرهوا شيئا وهو خيرا لكم
لمى وانت شنو مخلص دراسه
قصي اني مخلص سادس اعدادي ادبي
لمى وليش ما كملت
قصي ضروف منعتني اكمل
لمى وليش ماتكمل هسه اكيد هسه ضروفك احسن من قبل
قصي اي ولله مفكر اكمل اريد ادرس محاما على حسابي
الشهاده حيل مهمه بحياة الانسان
وخصوصا هسه العراق كله معتمد على الوضايف
لمى خوش فكره محامي زين انت عندك طموح
قصي انتي امج وابوج موضفين
لمى بابا عقيد بلجيش السابق ومتقاعد الصراحه بابا كان حيل موالي للنظام السابق
وهسه وبعد يحلف براس صدام ويكول العراق ضاع من بعده
ولهذا السبب
راتبه متوقف اكو ناس وشت علي وحتى رادو يقتلو
بس الله ستر
لذالك على طول كاعد بلبيت وما يطلع الانادرا
وماما مدرسه متقاعده
وعندي اخ واحد يدرس كليه عسكريه ازغر مني بسنتين
وهذا كلشي يخص حياتي
وانت
قصي اني ما عندي عائله وانسان مكافح واحب الشغل
اهم شي عندي بلحياة الشغل
حتى رب العالمين يكووول العمل عباده
لمى يعني وين اهلك
قصي ميتين اهلي واني عايش وحيد اكثر انسان مقرب مني صديقي محمد
ما اعرف شفتي لو لا الي جان كاعد على مكتب المحاسبه
لمى اي شفته
قصي وهاي حياتي باختصار
لمى زين ماتريد موضفه تشتغل عندك
قصي بشرفج اشجاب العلوم السياسيه على الطبخ
لمى حتلو بس أرحب بلزباين
قصي هههههه وشلون ترحبين بلزباين
لمى اهلا وسهلا تفضلوا مع ابتسامه حلوووه صدك اذا توضفني يمك راح يزيدون الزباين الضعف
قصي يعني قصدج راح يجون علمودج
لمى اكيد ليش اني ابتسامتي شويه اصلا يبيعوها علاج بلصيدليه
قصي خل افكر
لمى تحجي صدك
قصي لا طبعا اتشاقه ووحده مثلج شلون اعوفه وسط العمال اصلا شغل المطعم راح يوكف
لان العمال راح يبقون يباوعون عليج ومايشتغلون
وهنا اني ابدال ما اطور شغل المحل اخرب
على نفسي
ويوكف شغل المحل
لمى خيبت آمالي زين اوكف على الحسابات
قصي لا هذا مكان اخوي محمد وما اقبل أبدله باي احد
لمى هيج تحبه
قصي موبس احبه وما تخلى عنه ابد محمد سبب
نجاحي بلشغل
اول مره محمد شافني سلمني بضاعه وكال روح بدون ما يعرفني
مجرد كتله اريد شغل ومحتاج مساعده
ساعدني بدون مايسئلني حتى ما فكر اني اكذب او صادق ويااا
واخذني ويااا للفندق لان ماكان عندي مكان انام بي بوقته
اني شنو اسوي ما اكدر اوفي حقه ابد
جمانه السعيدي
لمى دير بالك تحجي هيج كدام زوجتك لان اكيد راح تغار من محمد
قصي اني ما مزوج
لمى تمام لان حسيت وانت تحجي عنه كلك حماس
وتعلق بي
قصي مو كتلج اكثر من أخ بلنسبه اليه
لمى يله اعرف انت تعبان وتريد ترتاح تصبح على خير
قصي وانتي من اهل الخير
سديت التليفون شويه واجتني رساله من لمى
شكرا للصدفه الي عرفتني عليك
عيونك حلوات ونضراتك بيهن جاذبيه عجيبه
قصي كمت اضحك
اكذب اذا اكول ما فرحت بكلامه هاي اول مره احجي ويه
بنيه
يمكن حتلو كنت مفكر ازوج مستحيل احلم بوحده مثل لمى
كلشي بيه حلوووه
ماشاء الله كامله ومكمل مثقفه وحلوه وخريجه
ثاني يوم كوه كعدت من النوم كلام لمى خلاني سهران
وماكدرت انام بسهوله
رحت للمطعم بلعشره اجتني رساله منه
صباح الخير
رديت عليه صباح الخيرات
لمى فكر زين اني خوش موضفه
قصي ضحكت
قصي محتاج طباخه تعرفين اطبخين
لمى لا عفيه اني اموت من المطبخ اصلا الي يزوجني لازم يجيب اكل جاهز لووووووو يكون عندا مطعم
قصي خلاص عرضج مرفوض لو طباخه لو ماكو وضيفه
لمى فكر راح تتندم
جمانه السعيدي
قصي فكرت اريد طباخه وكون شاطره بكل الطبخات
وأهم شي تطبخ باجه وكراعين
لمى لا شكرا اني الباجه من ريحته اشرد
شكرا سحبت العرض
وما اريد اتوظف يمك
قصي براحتج ونصيحه تعلمي طبخ احلى شي بلدنيا الطبخ
لمى بشرط انت تعلمني
قصي اوكي ماعندي مشكله اني تعلمت الطبخ واني عمري عشر سنوات
لمى ماشاء الله شاطر
بليل رجعت اتصلت بيه وبقينا نحجي للصبح
اثاري الحب متعب ويعلم على السهر
واني أكثر شي اكره السهر احب انام واكعد من وكت
بعدين صرنا كل الوقت نحجي سوااا
لمن صارت هاي المكالمات ادمان
وكدرت تخليني اتعود عليه
ودائما تجي للمطعم هي وعائلته
ومرات نلتقي برا المطعم
اني ما اكذب عليكم حيل حبيته وتعلقت بيه يمكن لان اول انسانه بحياتي
كانت لمى الحب الحقيقي والاول بحياتي
بس كنت خايف لاتعرف اني من دار الايتام وتتخلى عني
كم مره حاولت ابتعد عنه
بس ما اكدر هي ماكانت تنطيني اي مجال ابتعد
جمانه السعيدي
كانت حاضره بكل لحضه بحياتي
واني مثل الي ما مصدك
لازم التليفون اربعه وعشرين ساعه
كل الوقت نحجي سوا
واني اكل واني اشرب واني اخلص شغل
صار اكثر من تعلق
صار حب قوي يجمعني بيه
وما اتخيل حياتي من دونه ابد
بعد اربع اشهر من هاي العلاقه
فاجئتني بيوم وكالت
لمى قصي اني احبك
قصي فرحت وخفت بنفس الوقت
فرحت لان هي تحبني مثل ما احبه وخفت لاتعرف حقيقتي وتعوفني
يمكن يصير بيه شي وما اكدر اتحمل ابد
لمى ليش سكتت يمكن راح تكول عليه جريئه
بس اني احبك من اول مره شفتك بيه
لمى من سكت قصي اني سديت التليفون وبقيت منتضره يتصل عليه واشوف ردت فعله شنووو
قصي قررت انهي هذا القلق الي اني عايش بي
خلاص راح احجي الحقيقه
وخل ايصير الي يصير
قصي اتصلت عليه ومن اول رنه رفعت التليفون
وكالت اني اسفه
قصي لا انتي مو غلطانه اني هم احبج وتعودت عليج
لمى تحجي صدوك
قصي اي بس اكو شي انتي ماتعرفينه عني
لمى كووول شنوووو
قصي اني ابن دار الايتام اني نولدت ولكيت نفسي بدون اهل وحتى ما اعرف اهلي منو
راح تقبلين ترتبطين بيه واهلج يوافقون تكونيين زوجتي
شكرا لزيارتكم عالم روايات سكيرهوم
