رواية نصف عذراء الفصل الخامس بقلم جمانه السعيدي
صعد فهد بدل ملابسه ونزل واني جهزتله الغدا كعد ياكل وهو ساكت واني كملت تنظيف المطبخ وحضرت الجاي
كام يغسل اديه واني صبيت الجاي وخليته على الكاونتر وشلت الصينيه
هو اخذ الجاي وصعد وماحجه اي شي وياي
اني كملت ودخلت للغرفه
مر على وجودي يمهم اسبوعين وبديت اتعود عليهم واشتغل وياهم بلبيت
كلما اصفن اتمنى هاي الايام ادوم وماتخلص ابد
لان حاسه بامان موطبيعي يمهم
ام فهد تعاملني مثل بناتها وحجي سعد كله يصيحلي بويه
قرر فهد بيوم الجمعه ياخذني يفرني بلشوملي عسى اذكر شي
لو اشوف احد واذكر اهلي
جمانه السعيدي
كال مانروح بلسياره نروح مشي ونروح للسوك بلكت نصادف احد يعرفج او انتي تتعرفين على احد
وفعلا الساعه بلعشره بدلت ولبست عبايه وهو بدل وطلعنا
فهد... باعي انتبهي زين اذا اذكرتي شي كولي
نرجس...ميخالف
يمشي واني امشي ورا عبرنا الشارع اني صعدت الرصيف قبله وملت ردت اوكع هو وراي سندني من ضهري
فهد...انتبهي لاتوكعين
مشينا ودخلنا للسوك افترينا شكد ورجعنا مره ثانيه
فهد...هاااا ما اذكرتي شي
نرجس...لا ما اذكرت اي شي
فهد...يله امشينا
بقينا نمشي ونفتر بلشوارع تقريبا ساعه كامله
هو متصور اني من الشوملي ويفتر بلشوارع
ويكول اذا هي ناسيه اهلها اكيد همه اذا شافوها يعرفوها
فهد امشي واكول ياربي شلون محد يعرفها التفتت ماكو بصفي هاي وين راحت
انداريت واني مفزوع
لكيتها كاعدا على مصطبه يم الرصيف بيني وبينها تقريبا عشر متر
رجعت عليها ليش كعدتي
نرجس...تعبت من الصبح لهيسه تفتر بيه رجليه كامن يوجعني
فهد...يله استراحي شويه هسه يجي الخط ونصعد اني وياج
فهد كعدت بصفه وهي تضغط على رجليها وتصيح اخ يوجعني
فهد...شكد مشيتي نمونه
نرجس...عندك نمونه من الصبح ليهسه اركض وراك ركض
ماشاء الله مو رجلين عندك عبالك بايسكل
فهد...اي افتحي عيونج عليه خليني ما امشي
عاد عيونج خضر يجوز يحسدن اكثر
نرجس...لا احسدك ولا شي بس عله كيفك من تمشي
فهد ...يله كومي اجا الخط
وكفت السياره صعدت اني وصعد فهد وراي اني كعدت وفهد ماله مكان بقه واكف وعصبي ومنزل حواجبه
لان يفتر من الصبح وماحصل شي ابد
مشت السياره بسرعه وهو وكع عليه واني طكيته بضحكه ماكدرت اسيطر على نفسي
هو بلبدايه خجل وبعدين باوع عليه شافني اضحك وكام يضحك
اريد اسكت ما كدرت ضامه حلكي واضحك علي
نزلنا من السياره واني بعدني اضحك
التفت عليه وكال
ومرض شبيج تضحكين
نرجس...متت بطني كامت توجعي من الضحك
فهد...اضحكين عليه اني اعلمج
نرجس...ولله موقصدي بس الموقف يضحك
فهد....يله امشي انشاء الله من نوصل احجي كلشي وخليهم يضحكون عليه
نرجس..اكيد لا ما احجي
وصلنا ودخلنا للبيت ولكل سئلنا هاااا ما كو احد عرفج
نرجس...لا محد عرفني ابد
كمت كلما اسمع مهند جايهم ادخل للغرفه وبعد ما اطلع ابد منها وهو اسمعه يسئل عني كلما يجيهم
مهند خاله جيبي البنات ياخذن ملابس جبت ملابس تخبل
ام فهد...انشاء الله باجر اجيبهن
مهند....كلهن حتى هاي البنيه نرجس وياهن
جمانه السعيدي
ثاني يوم صممت ام فهد اروح وياهن بس سجى ماقبلت تروح ويانه
وصلنا للمحل ونخبص بينا خبص
اني بقيت واكفه على جهه لان ما اريد اكلفهم وبعدين شسوي بيها الملابس قابل
بس خالتي ام فهد صممت اختار اي شي يعجبني
جاي اباوع على الملابس
وخالتي وندى راحن يقيسن فستان عجب ندى
ما احس اله مهند واكف وراي
مهند...دخيل الله مو عيون
نرجس راسا ردت اعبر وانهزم منه لزملي الطريق
مهند...شدعوه هذا التكبر
نرجس...رجا انطيني مجال عيب هذا الي جاي تسوي
مهند...بس انطيني مجال وشوفي شلون ادللج دلال ما صاير
نرجس...انت تخبلت وندى
مهند....تروحلج فدوه
نرجس...لا انت صار العقلك شي
مهند...الي يشوفج شلون يبقى براسه عقل
نرجس...ابتعد عن طريقي لا اصرخ وافضحك
مهند...اكول تتحرش بيه ولان ماقبلت هددتني تصرخ
نرجس...ندى اختي ومستحيل اقبل اجرحها
مهند...عوفي هاي المثاليات انتي اكيد شارده من مصيبه
اني قابل بيج بكل وضع وادللج دلال
نرجس...مديت اديه ودفعته اريد اشرد منه
وهو قرب يريد يبوسني
واني ادفع بي جان تصيح ام فهد نرجس
نرجس وينج حبيبتي
نرجس...اي خاله اجيت. ....هو ابتعد واني اريد اوصل يمها رجليه كوه شايلاتني
كلني ارجف ولعنت الساعه الي قبلت بيها اجي يم هذا الحقير
جمانه السعيدي
ام فهد...هااا عجبج شي
نرجس...لاخاله كلشي ماعجبني
ام فهد....اخذي اي شي حبيبتي مايصير تطلعين ماتاخذين شي
نرجس...فدوه خاله خل نرجع للبيت بعد ما اكدر
ام فهد...يله مشينا
وطلعنا واني افكر بندى شكد فرحانه خطيه
وهذا الانسان مايستاهلها ابد
كرهته شكد حقير
للجمعه الوراها قرر فهد ياخذني دكتور ويسويلي فحوصات
ويعرف ليش اني فاقده الذاكره
امشي وادعي يارب احميني صحيح اني جذبت بس حتى احمي نفسي
يارب ساعدني وخلصني يارب العباد يالله
رحنا بسيارة فهد ووكف بلمكان الي دعمني بي وكال هنا انتي طلعتيلي هذا المكان مايذكرج بشي
نرجس...لا مايذكرني
رجعنا صعدنا ومشينا واني خايفه لاينكشف امري
وصلنا للعياده ولحمد لله مالكينا الدكتور طلع مسافر
سفره مفاجئه
بقيت بس احمد ربي واشكره
صعدنا بلسياره ورجعنا
فهد....انتي من الشوملي لو مكان ثاني
نرجس...ما اعرف
فهد.. انتي لو منا جان هسه اهلج كالبين الشوملي يجوز انتي من محافضه ثانيه
نرجس...ما اعرف
فهد....كله ما اعرف ما اعرف يجوز مسويه مصيبه وشارده
لان مستحيل ماتذكرين اي شي
نرجس....من الخوف والتوتر وعصبية فهد كمت ابجي
ماتحملت
حسيت كلشي جاي امر بي اكبر من طاقتي واكبر من تحملي
ليش هيج جاي يصير بيه
كمت ابجي حيل
وكف السياره على صفحه
فهد...اسكتي موقصدي
نرجس....اهي اهي اذا مليت مني عوفني هنا وروح
جمانه السعيدي
فهد...شلون اعوفج
نرجس...انت مالك ذنب تتحملني
فهد....هاج هاي الكلنس امسحي دموعج بعد ما احجي اي شي بعد....اسفه ازعجتج
نرجس...اني ولله عاذرتك جاي احملك مسوليه وانت مالك ذنب
فهد...لااليه ذنب اني دعمتج وانتي بسببي ناسيه كلشي
نرجس...اني ما اريدك تتحمل هاي المسوليه
نزلني هنا وروح واني مسامحتك حتلو نسيت بسببك
فهد تحجين صدك شلون اعوفج مستحيل
اذا ماتلكه اهلج ما اعرغج ابد
شكرا لزيارتكم عالم روايات سكيرهوم
