رواية عوده مستحيله الفصل الخامس بقلم جمانه السعيدي
نسرين...ماكو غير ارجع الاهلي بس شلون ارجع وشراح اكول وين جنت ويامن رحت
شلون ارجع واني مااندل والطريق بعيد وماعندي فلوس
شنو موقفهم راح يصدكوني
مستحيل راح يصدكون كلامي
اكيد راح يذبحوني
اغبى وحده بلدنيا اني شلون عفت اهلي واجيت ويه هذا
التافه عديم المسوليه
المفروض من كال ننهزم ارفض شلون اعوف اهلي
فكرت اشوف رجال جبير خير شيخ بهاي المنطقه واحجيله قصتي بلكت يكدر يساعدني
كمت امشي الدنيا ضهر والحراره فول الشمس احسه زرفت
دماغي ولا اكل ولا ماي عطشانه
بلعومي يبس من البجي والعياط
امشي شويه وارتاح شويه هواي مشيت تقريبا نص ساعه
شفت مره طالعه تشمر الزباله تكرمون
جمانه السعيدي
نسرين شلونج خاله
...اهلا وسهلا
...خاله اريد ماي عطشانه
...اي تدللين
دخلت بيتهم وجابتلي مي واجت
...اني ماشايفتج بهاي المنطقه
شربت الدولكه كله من كد ماعطشانه
نسرين . اي خاله اريد اسئلج هم اكو شيخ هنا رجال جبير يحل مشاكل الناس
....اي بيت شيخ سعدووون هذا شيخ عام والناس كله تقصده من كل مكان
حتى بلدوله معروف سبع عشاير جوه ايده
انسان محترم وحقاني وكلمته وحده وماتنزل الكاع
نسرين ...وين بيتهم من رخصتج
...اطلعين كبل تمشين يمنه فرعين والثالث تمشين النهايته
اطلعين البيوت كله اكو جسر زغير تعبرينه
يصير كبالج بستان جبير كلش
هو هذا بستانهم
نسرين...شكرا خاله
...ادخلي عدنا غسلي ورتاحي وبعدين روحي
نسربن....شكرا خاله تسلمين
جمانه السعيدي
رحت على وصف المره امشي كوه اسحل برجليه سحل
وصلت للجسر شفت البستان بس عبرت الجسر
كب العياط من داخل البستان
والناس كامت تركض
كلما أقرب اكثر صوت العياط يعلى اكثر
بستان كلش جبير وبي باب حديد جبيره
الباب مفتوحه والناس تدخل
دخلت ويه النسوان جوا
بيت حلو ومرتب بس مو كلش جبير تقريبا ١٥٠ متر داخل البستان حسب مافهمت هذا بيت زوجت الشيخ الزغيره
والبيت الجبير الزوجته الاولى ام عامر
البيوت ثنيينهن داخل البستان
النسوان يسولفن بينهن زوجت الشيخ ماتت
زوجت الشيخ الزغيره ماتت
اسمعهن يكولن خطيه من زمان مريضه
دخلن النسوان ودخلت وياهن
وحده تكول للثانيه خطيه ماعدها بنات يبجن عليه
بس ابنه خطيه الضاهر عدها ولد واحد
النسوان دخلن للبيت ويعيطن
متوفيه بلمستشفى وبعدهم ماجايبينه
اني كلش تعبانه والصاله جانت بارده كلش
دخلت وكعدت بلركن
المكان انترس نسوان والعياط كب وناس داخله وناس طالعه
ياربي اني شكد فكر
يعني وليد ماطلع رجال ووفه وعده اليه ولا اكدر ارجع الاهلي
والشيخ الي اجيته يساعدني ماتت زوجته
يمكن بعد شويه والقيام تقوم
خرب حضي المصخم
جمانه السعيدي
المهم كامن ينعن على الام والاهل واني كمت ابجي صدك الاهل عزوه وسند
بعد اكثر من ساعه
جابو زوجت الشيخ شايلينه بتابوت
واكو ولد طويل جسمه خشن لابس بنطرون وقميص اسود وخال على راسه جراويه شفته من ضهره
يصرخ يصرخ من كل كلبه
يشيلونه من التابوت ويرجع يحضنه
اربع ولد مايكدروله
بعدين طلعوها وهو يركض حافي وراها
من شفته هيج حسيت اني فرطت بامي وابوي
الام والاب نعمه ماتتعوض ابد
جمانه السعيدي
ناس راحت وياهم للتشيع وناس رجعت
المكان متروس نسوان محد انتبه الوجودي نهائيا
اجت مره شخصيه وملابسه كلش حلوات وغاليات كالو هاي زوجت الشيخ الاولى
النسوان كلهن عزنها
وكابلنها وكامن ينعن
رجعت كعدت واني افكر بحضي الاغبر
على عيني ماتت المره
قبل لا احجي مشكلتي
النسوان غطن وجوهن ويبجن
واني خليت فوطة امي على وجهي وكعدت افكر
شراح اكول للشيخ
احجي الحقيقه
خاف مايصدكني ويشك بشرفي مثل ماسوت ام وليد
زين اذا رجعني الاهلي وسامحوني
شلون حياتي راح تكون وياهم
اكيد هسه خبر اختفائي انتشر والعالم كله عرفت
كسرت وجهم
اني رسبت امي شدت وياي
وابوي قرر يزوجني وماقبل يسمعني
شلون راح ارجع اعيش وياهم
وبيا وجه
اهلي واعرفهم راح يدمرون حياتي ومستحيل يسامحوني
اني لو ابقى اعيش هنا خدامه بيت الشيخ ولا ارجع الاهلي
مااعرف وين راح يصفه بيه الوكت
وهذا تهوري وين راح يوديني
لان تعبانه رغم صوت البجي والكلام عالي
اني كاعده بلركن ومغطيه وجهي غفيت من التعب
من امس الصبح مانايمه صار تقريبا يومين منايمه
ماحسيت غير بنيه ندستني يله عشى مااعرف شكد نمت
اكثر من ساعتين واني بنفس مكاني وغافيه
لان مغطيه وجهي محد حس بيه
فتحت عيوني ووشلت الفوطه من وجهي
شفت السفره ممدوده والاكل ريحته تخبل
تمن وعلي لحم ومرك اصفر وخضره وخبز وروبه
والغرفه متروسه نسوان
من شميت ريحة الاكل فقدت لان كلش جوعانه
قربت واكلت بشراهه فضيعه
لمن شبعت كلش
جمانه السعيدي
طلعت غسلت اديه برا ورجعت
شالو السفره وجابو جاي
شربت ثنيين استكاين حسيت نفسي صرت احسن
المكان من كد مابي نسوان
محد سئلني انتي منو وليش جايه هنا
النسوان كاعدات ساعه يبجن ساعه يسولفن
اجن نسوان من اقاربهم وكلبن الجو بلعياط
فاتحه وبيت الشيخ شكد عالم تجي
ناس فوك ناس ازدحام فضيع
بعدين بدوو يفرشون فراشات الاقاربهم حتى ينامن
واني خلولي فراش
راسا تغطيت ونمت خاف يسئلوني انتي منو
النسوان متوقعين اني وحده من اقاربهم لان بس اقاربهم
يباتون عدهم
بقن النسوان يسولفن واني غطيت راسي
وكامت الحسبات تاخذني وجيبني
منا لمن غفيت
اكيد اهلي هسه كالبين الجووو ويدورون عليه
اهلي مايستاهلون بنيه عاصيه وعاق مثلي
كان لازم اكون مطيعه واسمع كلامهم
ابدال مااني هسه بايته بيت ناس مااعرفهم ابد
ثاني يوم كعدت الصبح على صوت الحجي والسوالف
النسوان كعدن يصلن
طلعت غسلت وتوضيت ورجعت اصلي
دعيت رب العالمين يسترها وياي
ويحميني اعرف نفسي غلطانه بس غلطي عن جهل
وعدم ادراك ووعي
مافكرت قبل لا اخطي هاي الخطوه
جابو الريوك خير من الله تريكت وبدت النسوان تجي
لطم ونواعي وعياط طول النهار
واني كاعده بنفس مكاني
جمانه السعيدي
اكل واشرب وانام واحاول اتهرب من الوجوه الي تحاول تعرف اني منو
اتلث ايام وخلصت الفاتحه اقاربهم كامن يرجعن كلمن البيته
بقيت اني وكم وحده
اجت وحده اسمه ام امل تشتغل عدهم بلبيت
ام امل انتي منو
نسرين اني جايه للشيخ اريده بشغله كلش مهمه
ام امل..من اول يوم بلفاتحه اشوفج هنا مارحتي
نسرين اي اجيت للشيخ ولكيت الفاتحه وبقيت منتضرته
ام امل اخذج الزوجة الشيخ تحجيله مشكلتج
نسرين لا اريد الشيخ سعدون اني احجيله مشكلتي
ام امل هسه فاتحه والشيخ مخبوص خل تخلص
الأربعين وتعاي
لان الفاتحه بيت الشيخ يعني للاربعين يله يستقر الوضع بهذا البيت
نسرين ... ولو يمته مافرغ الشيخ احجيله مشكلتي
ام امل انتي ماعندج اهل
شو زغيره وحلوه شعجب جايه وحدج وتكولين انتضر الشيخ وين اهلج
نسرين...اريد الشيخ واحجيله قصتي
ام امل..براحتج حبيبتي
جمانه السعيدي
شفته راحت الزوجت الشيخ وحجت وياها وتاشر عليه
رجعت وكالت زوجت الشيخ تريدج
نسرين كمت من مكاني ورحت يمه
كاعده واكو نسوان ثنيين كاعدات يمه
زوجت الشيخ انتي منو وشتردين
نسرين اعذريني اريد الشيخ احجي ويااا
.ام عامر زوجت الشيخ ..احجيلي واني اكله تعرفين هسه هو ملتهي
نسرين انتضره منا لمن يخلص حتلو بعد شهر
.ام عامر.....عاد نعرف اسمج حتى انصيح عليج بي
خفت تعرف اسمي وينتشر الخبر اكو بنيه اسمه نسرين بيت الشيخ ويوصل الخبر الاهلي
كتله اني اسمي زينب
زوجت الشيخ اهلا وسهلا انشاء الله مشكلتج مكضيه
شيخ سعدون ماكو مشكله مايكدر يحله ابد
شكرا لزيارتكم عالم روايات سكيرهوم
