رواية زوجه ثانيه الفصل الخامس 5 بقلم جمانه السعيدي

انخبص البيت لان طارق دخل السجن 

طبعا عمي ماكان مندهش ان طارق طلع يشتغل ويه عصابه 

اكيد لان يعرف ابنه حرامي سابقا 

اجتمعت العائله وكل واحد كام يقدم حل الهاي المصيبه 

بس بلاخير خالتي قررت تتوسلطه يم ابن عمها الي بلبرلمان 

وفعلا راحت واخذتني وياها 

حتى تتوسل باسمي واكون اني الوسيله بهاي الواسطه

زوجته يتيمه ومسكينه ومالها احد غيره هو سندها بلحياة 

ويمكن تموت نفسها اذا صار علي شي 

طبعا اني مدنكه وساكته واتمنى يبقى بلسجن ولايطلع ابد

بلكت اخلص من عندا 

بلكت اطلك      

هو كاللها روحي ولايكون خاطرج اله طيب 

رجعنا للبيت وبقينا ننتضر التطورات بقضية طارق  

يومين وثالث يوم كالو طلع طارق 

لو تعرفون شلون طلع 

رتبو اوراق ان اكو تشابه بلاسماء وان طارق مو نفس المجرم 

لا المجرم شخص ثاني وتشابه الأسماء خلاهم يلزمونه 

ورجع طلع طارق العار مره ثانيه 

الإنسان إذا يخطى ومايلكه واحد يحاسبه على اخطاءه 

راح يتمادى بلخطء اكثر واكثر 

كعد يومين بلبيت والناس انكلبت علينا كلها تبارك على طلعت طارق من السجن 

واني وساره نركض ركض 

اما باقي الجناين يجن خطار شويه ويرحن 

واذا مايجن بعد احسن لان البيت ينكلب من جهالهن 

بس خلصت هاي الهوسه رجع طارق يطلع ومايرجع اله نص اليل 

ورجع عمي يتحرش بيه ويضوجني 

فد يوم جاي اغسل ملابس بلحمام 

اني ملابس طارق وقمصان اغسلهن بايدي لان بلغساله 

يخربن والدكم توكع 

جاي اغسل جان خالتي تكول اني وساره طالعين للسوك 

ديري بالج على الجدر بقه على النار 

طلعن وبقيت كاعده اغسل ملابس وافكر حياتي مالها معنى ابد 

لا اطفال ولازوج بي حظ والا امي تفهمني واكدر احجيله

وعلي ما اريد اشغله بمشاكلي ابد 

لكن الوحده سيطرت عليه يجوز لوعندي طفل جان وضعي اهون على الاقل ينسيني التعب والضيم 

ما اعرف شنو نهاية قصتي الحزينه 

رفعت راسي جان اشوف عمي كبالي يمه احس كلبي وكف من الخوف  

شلون اخلص نفسي

فاطمه هاااا عمو 

.....هلو حبيبت عموووو 

فاطمه وكفت على حيلي واحاول اجمع قوتي و الكه فكره اخلص نفسي بيها منه لان هذا انسان لاذمه ولاضمير 

قرب عليه ويضحك ضحكة غدر 

اجتني فكره وقررت انفذها لو صايبه لو خايبه 

فاطمه اوكف اني مستعده انفذ كلشي تريده والطريقه الي تريحك 

اصلا اني شمحصله من طارق اكيد اذا اتفقت وياك راح استفاد اكثر 

.....تحجين صدك ولله اله ادللج دلال ما صاير واخليج اميره بهذا البيت وتامرين وتنهين بكيفج 

فاطمه كمت اجر بلكلام ويااااا حتى اضيع وقت بلكت ترجع خالتي واخلص 

   فاطمه اسمع قبل كلشي خل نتفق كلشي واله ثمن اريد تسويلي راتب اصرف منه شني اني ضاله على كم فلس اخذهن من خالتي 

هنا كام يتقدم عليه 

.....بس راتب اصلا حددي مبلغ الي يعجبج واني حاضر 

فاطمه مديت ايدي واشرتله اوكف 

اوكف ماكملنا الاتفاق 

..... اطلبي عيوني واخذيهن 

فاطمه ما اريد عيونك اريد ذهب تعرف طارق اخذ ذهبي كله وما رجعه اليه واني حالي حال البنات اريد البس ذهب 

.....من باجر اخذج للصياغ وادندشج ذهب ادندش 

بعد عندج أوامر ثانيه 

فاطمه.......هسه تعوفني والتقرب مني منا لمن تنفذ طلباتي 

واني كدامك قابل وين اروح 

.....لا هذا الكلام موحلووووو هسه اخذ الي اريده ونعتبره عقد بينا اني وياج 

فاطمه.....ادفع بلاول واني اكون تحت امرك مستحيل اخليك تقربلي بدون ماتدفع  

طبعا هو عندا راتبين راتب تقاعد وراتب وضيفه وهميه عينه بيها هذا كرايبهم البرلماني 

يعني يلعب بالفلوس لعب 

طبعا حتى خالتي صار عدها راتب وحدها وراتب قوي 

سجلوها مضطهده بلنضام السابق وكامت تستلم راتب وحدها 

وولدهم هم كلهم تعينو بس هذا العار طارق يردون يعينونه بس ماعند شهاده 

وعمتي قررت تشتريله شهاده وتعينه بلكت يستقر 

نرجع السالفتنا كتله ادفع واني تحت امرك 

....هسه مو تدللين شكد تردين سحب ايدي وباسها 

ساعته حسيت كل جسمي كزبر 

طبعا هم حتى عمي اخو ابوي اخذو بصفهم لكوله وضيفه حارس بمدرسه وعينوووو 

وصار بصفهم ومايرفض الهم طلب ابد 

فاطمه....اريد ٥٠٠ الف هااا دفعه اولى ترا 

....هواي خمسميه 

فاطمه بكيفك انت راح تأخذ وحده زغيره وحلوووه 

احسن من هاي الي عندك 

احجي واحس حرراتي صارت اربعين واكول وينج خاله 

ارجعي بسرعه وخلصيني 

كل الكلام خلص   

اخاف يمل من كلامي ويهجم عليه 

.....صار تعاي وياي للغرفه واني انطيج الفلوس 

فاطمه كلت بكلبي ياربي خلصني يا الاهي انت الي تكدر 

تخلصني من هذا الموقف 

فاطمه..... لا اني راح اسبح واستعد بين ما انته تحضر الفلوس 

.....لاتسبحين اني اريدج مثل مآ انتي 

فاطمه.....شبيك مستعجل خمس دقايق واخلص 

رجع سحب ايدي وباسها 

....زين انتضرج مو تتاخرين خاف خالتج ترجع  

فاطمه....بس احسب خمس دقايق هو طلع واني راسا قفلت الباب باب الحمام قوي وبي سركي من جوه جبير  

فتحت الدوش ونهاريت بجي   

ياربي كافي ياربي بعد ما اكدر 

هاي الضروف أقوى مني اني ما اكدر عليها 

اذا ماتخلصني اكتل نفسي 

محد غيرك يفهمني ياربي انت الرحمن الرحيم 

ارحمني وساعدني 

قويني حتى اكدر اتحمل 

خلصني من هاي المصيبه 

اني ما اريد اعصيك    

خلصني ياربي 

شويه ودك الباب   

  ...... يلله ياحلوووه خلصتي 

فاطمه.....مسحت ادموعي اريد احجي ما اكدر العبره خانكتني جمعت قوتي 

  فاطمه شويه وطالعه 

....هاي حضرتلج الفلوس لو تدرين انتي شكد عاجبتني 

من اول مره شفتج بيه

حرامات وحده مثلج ياخذها طارق 

اني لوشايفج قبل جان خطبتج اليه 

وخليتلج بيت وحدج واصير خادم اللج 

يله خلصي الشوك كتلني   

فاطمه......هسه دقيقه اصبرلي 

.....اه لو تدرين شكد منتضر هاي اللحضه هاي اسعد لحضه بحياتي 

فاطمه......كاعده وادعي ( اللهي مسني الضر وانت ارحم الراحمين )

لان طولت علي بدا يحس بغدر 

كام يدك بلباب حيل 

فاطمه.....اني اردد ( اللهي مسني الضر وانت ارحم الراحمين )

هنا سمعت الجرص دك فرحت اكيد اجه احد ينقذني 

يارب رحمتك الواسعه 

سمعت صوت خالتي   

فرحت مسحت ادموعي وفتحت الباب    

طلعت شفت خالتي وساره راجعات 

وهو يباوع عليه ويخزر بيه والفلوس بيدا اقصد الخمسميه خلاهن بجيبه ودخل للغرفه 

اني من الخوف والتعب كعدت بلكاع 

خالتي......هااا فاطمه شبيج 

فاطمه.....شويه تعبانه احس نفسي مريضه اكدر اروح الاهلي اريد ارتاح كم يوم

خالتي اكيد امشي اني اوديج الاهلج 

صعدت جبت عباتي والبوشيه لبستهن وجبت دشاديش اثنيين ابدل بيهن 

نزلت عمي سو نفسه يخابر ويكووول 

.....وين تروح اللزمك اللزمك يعني شني اطير 

بس ولله اله اندمك على هاي السالفه 

اخليك تتوسل بيه وتكول سوي اي شي يعجبك وتبوس رجليه 

خالتي طبعا مامفتهمه الموضوع 

طلعت من البيت واني اكول 

    لاتتوعد ولاتهدد اكو رب العالمين موجود ومايرضا بلضلم ابد هو ياخذ حقي منك 

راح ابقه اردد حسبي الله ونعم الوكيل 

اني فوضت أمري لله هو حسبي

   وهو الي يكدر عليك اني ما اكدر 

وصلت للبيت وخالتي رجعت 

  صحت مريم كتلها اريد فراش اريد انام تعبانه 

مريم شبيج انتي مريضه 

فاطمه هسه ما اكدر احجي اي شي عوفيني ارتاح وبعدين نسولف 

تمددت بس ماكدرت انام ابد اتخيل الموقف ودموعي ينزلن 

جان ضعت على لحضه جان ضاع كلشي 

الحمد لله الي انقذني منه 

بعد ما ارجع اللهم ضاع من عمري خمس سنوات بدوون ما افتهم شي 

ضاعت حياتي ويه ناس ماتستاهل    

يارب اخذ حقي من كل واحد اذاني وضلمني وتعبني

بقيت اسبوع بيت اهلي 

احس نفسي مريضه عقلي مايقبل يجاوز الموقف 

خلص الاسبوع وأبو طارق دفع عمي عليه حتى ارجع للبيت

عمي اجه عصبي وعيونه بكصته

ويصيح وين فاطمه 

بس شفته عرفتهم دافعين عليه 

بس هلمره لو يذبحني ما ارجع 

فاطمه هاااا عمو  

عمي شني حضرتج كاعده هنا خطار زعلانه 

فاطمه لا خطار ولازعلانه مريضه   

عمي شبيج مريضه صارلج اسبوع هنا وعايفه خالتج وحدها 

فاطمه.... خالتي ماعليها شي ساره يمه بلبيت 

عمي اليوم أجمعين ملابسج وترجعين وتبوسين ايد خالتج وعمج وهاي سالفة تجين وتكعدين هنا تنسينه

فاطمه.....اعذرني ما اروح اله اصير زينه 

عمي شني بكيفج لو تعاندين حضرتج 

فاطمه لا اعاند ولاشي رجلي مو بلبيت يغيب شهر واكثر بعد اني شعندي باقيه اني مريضه ما اكدر 

عمي إذا كل وحده رجله يروح يشتغل تعوف بيت زوجها   

الدنيا تخرب 

فاطمه.......ارحمني عمي انت ماعايش حياتي 

اني عايشه بجحيم 

لايغرك البيت الجبير ولايغرك فلوسهم ذوله عائله زباله 

تعرف شنو زباله 

عمي انجبي لا اكص الساني فهمتي الله يرحم ايام الفكر 

شفتي النعمه وتبطرتي عليها 

فاطمه اني هاي النعمه ما اريدها ارجع اكل خبز وماي وما اريد هاي النعمه افهمني ما اكدر احجي كل الحجي 

عمي كلامج ما مقبول ارتاحيلج يومين واني اجي ارجعج الهم 

طلع عمي  

 واني كمت ابجي محد فاهمني ولاواحد مقدر وضعي حتى عمي مستعد يذبني بلنار حتى لايخسر وضيفته الي همه جابوها اله

ثاني يوم اجت خالتي عليه تشوفني 

وصممت تاخذني للطبيب لان امبين عليه تعبانه 

وجهي اصفر 

بس اني ماقبلت كتله خليني ارتاح واصير زينه