رواية خطيئة الماضي الفصل الخامس بقلم جمانه السعيدي
رونق اي اني راح احجيلك
أثير يله احجي اسمعج
رونق بس لازم تقدر موقفي وتعذرني
أثير احاول احجي اسمعج خل افتهم شنو المشكله
رونق اني بعمر ست سنوات جنت كلشي ماافتهم
ولله العظيم كلشي ماافتهم
أثير اي كملي
رونق اخوي احمد حاول يتحرش بيه بحجت اللعب
انطاني الايباد وحلويات
وحاول يغتصبني بسبب الأفلام الزفت الي كان يشوفه
جان زغير ومراهق واني طفله وماافتهم
أثير فتحت عيوني احس حراره بجسمي صعدت
رونق بلبدايه كان بس يتحسس جسمي وماقربلي ابد
واخر مره نزعني كل ملابسي وحاول يقربلي
وامي دخلت بهاي اللحظه
الله ستر وماصار شي ابد
امي عاقبتني أشد عقاب والحد هذا الزواج كان عقابي مستمر
هذا الزواج عقاب اليه حتى تخلص مني ومن مسوليتي
جمانه السعيدي
أثير واني اكول شبيج ليش ماعاجبج العجب وماده بوزج
صدك انتم عائله زباله
الاخو مدمن افلام اباحيه
واتحرش باخته واني شمعرفني انتي بنيه
يجوز لاعب ببج لمن مال
وهسه امج حبت تصلح الموقف وسوتلج عملية ترقيع
واني الغشيم الي طحت بلنص
همزين كشفتكم على حقيقتكم
انتم صدك زباله
رونق ولله العظيم ماصار شي من الي ابالك ابد
أثير اس ولا كلمه لا عبه جوله وجايه تبيع شرف عليه
لكتني غشيم وتريد تعبرهن عليه
يله كومي بسرعه هسه اخذج الاهلج اني اعلمهم
اني يضحكون عليه
رونق فدوه افهمني
أثير اني فهمت كلشي يله بسرعه الله شكد يحبني وكشفج اليه
لا ياحقيره شارده مني ولا انتي خوش ممثله
ومشيتي دور المستحه والخوف عليه
خوش عائله كلش محترمين اخوهن حامي الحمه هو الي يلعب بعرضهن
رونق اذا كنت ضايجه مره كلامه عليه وعلى اهلي
دمرني الف مره
بدلت وكلشي مااخذت وياي
سحبني وصعدني بلسياره ورحنا الاهلي
وصلنا وكسر الباب وحرك الجرص حرك
طلعت امي مفزوعه من صوت الباب
بس فتحت الباب دفعني عليه
أثير هاج بنتج طلعت معيوبه وماتفيدني ابد باجر توصل ورقة طلاكه
صعد سيارته وراح
امي سحلتني من ايدي شكو شصار طلعتي مو بنيه
ولله عرفتج لاعبه لعب
رونق الله واكبر وين اروح وين اولي شنو مو بنيه
هو اصلا مقرب عليه ابد
امي ليش رجعج خامس يوم عرسكم احجي ليش أثير يحجي عليج هيج
شكوووو
رونق كلشي ماكوووو ولله كلشي ماكووو
امي اذا ماقربلج مثل ماانتي تكولين ليش هيج يحجي
رونق امي صارت عصبيه وكامت تضرب بيه كل قوته
واحمد وخواتي يباوعون وماحاولو يخلصوني من ايده ابد
مو تتني تموت
ملخت شعري زوركت جسمي
واني ساكته لان ماعندي رد عليه ابد
تعبت من الضرب وسكتت
جمانه السعيدي
راحت شويه واني بعدني بلطرمه كاعده وحالتي لاتسر حبيب ولا عدو
شعري تكطع وملابسي تبهذلن ووجهي ازرك من الضرب
اجت امي بعصبيه
سحلتني من شعري ودخلتني جوه
امي احجي ليش رجعج زوجج وليش يريد يطلكج
رونق ما سلمته نفسي انتي مو صار ١١ سنه تعاقبني لان
قبلت اسلم نفسي الاحمد
يعني غلط الوحده تسلم نفسه الاي رجال
واني امتنعت اسلمه نفسي ولان امتنعت هو توقع اني مو بنيه ولمن سئلني ليش
حجيتله كلشي صار وياي من جنت طفله لليوم
وشلون احمد حاول يتحرش بيه وشلون انتي بقيتي تعاقبني طول عمري
جمانه السعيدي
امي حقه لو اني بمكانه اكسرج تكسر مو بس اطلكج
انتي حقيره وماتصيرلج جاره ابد
ليش ماسلمتي نفسج ليش رجعتي عليه
ولج ماعولت افتك منج
ليش رجعتي عليه
رونق من البدايه كتلج مااريد ازوج مامستعده للزواج
انتي صممتي على هذا الزواج
امي هو انتي مو مال خير ولد موضف وعنده شقه وسياره ومحترم وطاير بيج
صرتيلي ست عفيفه ومنعتي من حقوقه وهسه رجعتي عليه وراح تصيرين مطلكه
اني ليش رب العالمين ورطني بيج
ليش ياربي اني شسويت ليش ذبيت عليه هاي اامصيبه
ياربي لو تاخذ رونق لو تاخذني
تعبت مااكدر اتحمله بعد
عافتني وراحت كمت اسحل بنفسي سحل ودخلت للغرفه
صعدت على الجربايه وتغطيت
اخواتي يباوعن وساكتات ابد ماحاولن يجبرن خاطري
ليش احجي عليهن
اني امي تعاملني هيج ليش هنه يعاملني احسن منه
الضهر رجع بابا واسمعه تحجي عليه وتغلط
وهو مسانده بكل كلامه
كعدو ياكلون وماكلفو خاطرهم يجيبلولي اكل
بقيت بغرفتي لمدت اسبوع مااطلع ابد من ينامون اجيب شي اكله اي شي بس اصبر نفسي بي
وفعلا أثير دز ورقة طلاكي
جنت قبل بعين اهلي مو راحه وشريفه وهسه كملت
صرت مطلقه
ابد ماحاولو يدافعون عني ولا حاولو يطلعوني من حالتي النفسيه الصعبه
كنت شي زايد بحياتهم وماله داعي
برائيهم اني ام المصايب
اشوف خواتي يداومن واني بمكاني اتحسر
حاولت افتح هذا الموضوع ويه امي
بس ماقبلت
امي اس تحلمين ترجعين للمدرسه شمالني مخبله اخليج
اطلعين ودخلين بكيفج
حتى اجيبيلنا مصيبه ثالثه
رونق اروح وارجع ويااا خواتي
امي ذني خواتج تنسينهن وماااشوفج تتقربين عليهن
نهائيا فهمتي
كافي انتي مصيبه بحياتي تردين تعلميهن على دروبج
شكد حاولت بس بدون فايده
كنت اخلص شغلي وارجع ارسم
هنا رجع احمد يتحرش بيه اني هسه فريسه سهله
لان مطلقه واي شي يصير عادي
بس اني جنت حذره اذا هو موجود بلبيت ادخل غرفتي واقفله عليه
اخاف خاف يطردوني من البيت ووين اروح
ماعندي مكان اروحله ابد
شكد حاول وياي لان اني مااروح للدوام وهو مايداوم
يبقى بلبيت
بس اني اقفل باب غرفتي عليه واكعد واسكت
هو يطلع حجج تعاي اريد اكل لو اريد جاي
بس اني ابد ابد مااطلع اله اهلي يرجعون من برا
كلما افكر اكول شنو النهايه
لادراسه ولا اهل بيهم خير مع لقب مطلقه
ليش اني الدنيا معاكسه وياي يمته ينفتح باب الفرج
الكل بلبيت مايحجون وياي وكنما مسويه جريمه
كنت افرغ كل وقتي للرسم
ارسم اشياء حزينه حيل
اشياء تشبهني وتشبه وضعي حيل
فات ست اشهر على موضوع طلاكي
واهلي ماغيرو معاملتي ابد بلعكس كلهم يكرهوني ويحقدون عليه
الحد ما يوم اجانا بابا وكال اكو واحد تقدم الرونق
امي اي بشرك الله بلخيررر منوووو
بابا واحد اخو صديقي بلعمل
امي اي موافقه
