رواية سراب الفصل الخامس بقلم جمانه السعيدي
سراب....كعدت ابجي واندب حضي الاسود
شني من ام هاي
بعد هذا الاتصال مااتصلت عليه ابد
حقه عروس وملتهيه بعرسها اني منو بحالي
كمت اطلك والوجع اخذني اتصل عليه وماترد
تخبلت من الوجع اول مره اطلك ومااعرف شنو الطلوك
اصرخ ولج يمه تعاليلي
اخذتني ام رشيد ورشيد للمستشفى حتى اجيب
وجهي اصفر وحالي حال
الدكتوره من شافت حالتي حولتني مجموعه فحوصات
طلع عندي فقر دم بسب سوء التغذيه
الدكتوره...ماما انتي وين تحاليج والسونار
سراب..ماعندي
الدكتوره انتي مامراجعه قبل
سراب...ابد اخ دكتوره الحكيلي
الدكتوره..ليش ماتراجعين عندج فقر دم اخاف اجازف بولادتج
سراب...دكتوره طلعي وخلصيني حتلو اموت بعد مااكدر
الدكتوره...اريد دم من مصرف الدم
دزت ورقه بيد رشيد وراح تبرع بلمركز وجاب دم مطابق الدمي
الدكتوره كالت راح نخلي نص بطل خاف تصير عندج مضاعفات
وبعد الولاده نخلي باقي الدم
خلت الدم بلمغذي واني الطلوك ذبحني
وصلت حدي وكمت اصرخ بعد مااكدر
الدكتوره بنفسه جيبتني تخاف عليه
جمانه السعيدي
بس سمعت صوت ابني يبجي كمت ابجي وياااا ياربي الحمد لله والشكر
الدكتوره بقت يمي لمن اطمنت على حالتي وخلتلي باقي بطل الدم ومغذي
لمن تحسنت حالتي يله طلعت
وصتني اتغذا زبن علمود الطفل
طلع ولد يخبل كلش حلووو
من رجعت للبيت عمتي جابتلي دبس وكالت اكلي هذا يزود الحليب
وابد ماجابولي اكل زين لو معلاك
اتصل على امي وماترد الحد ماطلعت السبعه
اتصلت بيه وردت عليه
سراب...بمه شلونج اتصل وماتردين
امي...مشغوله شلونج
سراب...الحمد لله جبت ولد يخبل سميته انمار
امي...بلعافيه
سراب...هم تجين اشوفج
امي...من افرغ اجي مع السلامه عندي شغل
سدت التليفون وبعد مااتصلت بيه كنت منتضره مكالمه منه حتى اطمن عليه
بعد اسبوع الولاده
رشيد...باجر ترحين تنضفين بيت اهلي
سراب...بس ابني زغير وبعدني تعبانه من الولاده
رشيد...شنو تعبانه لو كل وحده اجيب اسوي مثلج نعزل
مااريد كلام زايد
البنات عدهن امتحانات ترحين تنضفبن وطبخين
عافني وطلع ياربي روحي ممروده ارضع وتعبانه وتعاي نضفي واطبخي
هنا شبيهن ماينضفن ويطبخن
اخذت ابني ورحت عليهم خليته بلغرفه وبلشت انضف واطبخ
كلما اوكف احس الكاع تفتر بيه لان عندي فقر دم
بس شسوي حكم القوي على الضعيف
جمانه السعيدي
بليل من رجعت البيتي
سراب....رشيد اني جاي ادوخ مااكدر اشتغل لان عندي فقر دم
رشيد...اي خوش حجه حتى لا تشتغلين
سراب...اي حجه توني جايبه وارضع وجاي مااكل اكل بي خير
رشيد..استغفر الله احمدي ربج وشكري غيرج مالاكي نص هاي النعمه الي انتي بيه
سراب..ماكايله شي بس اريد شي اقوي بي كلبي
رشيد...اسكتي لاتحجين دوختني احنا مو ناكل مثلج ليش ماندوخ
سراب...غير ارضع
رشيد...وشنو متعجبه ترضعين
سراب..ماطلعت وياا بنتيجه ابد بخيل حتى على ابنه
امه راحت جابتلي ملابس شحالهن للطفل
بس مااكول غير حسبي الله عليهم
الراتب وين يخلصه ماادري
لا اكل بي خير ولا لبس بي خير ولا عيشه زبنه
بعد شهر من ولا دتي اتصلت امي كلمتين وسدت التليفون
وكنما تخليص حق
دخل رشيد
رشيد...ويامن تحجين
سراب..امي
رشيد..امج ام الرجوله شكد واحد صارو
سراب...ليش تحجي عليه
رشيد...حطمت الرقم القياسي بلزواج هذا الثالث
سراب...مو غلط بلحلال احسن ماتسوي شي بلحرام
رشيد..ادافعيله خاف انتي مثله تردين تخلصين مني حتى تزوجين هذا وطلكين هذا
سراب..ماله داعي هذا الكلام ابد
رشيد....هااا جرحت احساسج امج راح تدخل موسوعة كنس للأرقام القياسه بلزواج حتى ازوجت اكثر من صباح
المطربه البنانيه
سراب...كمت من يمه كلامه مثل السم ينزل على روحي
اكيد كل الناس تحجي هيج على امي
الله يسامحه ماتعرف تختار صح ابد
ورا شهرين رجعت اتصلت بيه
سراب...ماما شلونج ليش ماتتصلين مشتاقتلج
امي...زينه انتي شلونج
سراب...الحمد لله اشتريتي بيت
امي...هااا اي اشتريت
سراب ...مرتاحه
امي...اي مرتاحه قابل شعندي
سراب...وين ساكنه بلبصره بلكت الله يهدي رشيد واجي اشوفج
امي...لا اني يمكن اجي اشوفج
عليمن تجين انتي وابنج زغير
سدت التليفون ورجعت كطعت الاتصالات عني
من اتصل بيه يطلع التليفون خارج الخدمه
جمانه السعيدي
رشيد جابلي حب مانع مايريد اطفال خاف يصرف عليهم
وحتى اهله مايردوني احبل بعد
لان خوش خدامه قايمه بكل واجباتهم
واني أكثر وحده مااريد اطفال لان حالتي لاتسر حبيب
ولا عدو
بعد ماصار عمر ابني سنه ونص خلال هاي الفتره كله يمكن امي اتصلت بيه اربع مرات بس
وكلما اطلب عنوانه تكول اني راح اجي وتتهرب مني
واني رضيت بوضعي وسكتت
بعد صار عندي طفل وين اروح لازم اقبل بهذا الواقع واسكت
صار عمر أنمار سنتين واني ماشايفه امي ابد
حتى اتصال ماتتصل بيه بطلت
واني ساكته نسيت عندي ام مثل ماهي نستني
وبيوم اتفاجئت اندكت باب المشتمل طلعت لكيته امي
شكد فرحت من شفته مشتاقتله
شايله بيده طفل زغير عمرا تقرببا سنه وشهرين
تفاجئت من شفته شكله كله متغير مو مثل قبل
استقبلته ودخلته للبيت
سراب...لو تدرين شكد مشتاقتلج ماتصدكين وين كل هاي الفتره شذكرج بيه
امي..مشغوله
سراب..منو هذا الحلو
امي...هذا ابني
سراب...شنو شنو ابنج انتي صار عندج ولد
امي...اي بس ازوجت ماكنت ماخذه احتياطاتي وحملت
شكد حاولت انزله بس ماكدرت
سراب...يااا تحجين صدك اني صار عندي اخ
اخذته منه وبسته يخبل
امي...وبعد عندي خبر مو حلو اني انفصلت
سراب...ياستار ليش
امي..مشاكل بيني وبينه وصلنا الطريق مسدود وانفصلنا
سراب...والبيت
امي..البيت باسمه
سراب..بعتي بيت ابوي واشتريتي بيت الواحد غريب
امي...قشمرني شسوي قابل
سراب...وهسه شلون
امي...اريد اخلي اخوج يمج يومين علما احاول اشوف محامي يرفعلي دعوه علي بلكت ارجع فلوس البيت
هذا طفل زغير مو حمل شايلته وافتر بي
سراب...شسمه
امي...مصطفى
سراب...ميخالف اذا يومين ميخالف بس كون ترجعين فلوس البيت
امي...اكيد ارجعهن انعل والدي شنو هو بكيفه
سراب...الله كربم
امي..هاي جنطت ملابسه وغراضه هو ياكل بس بليل
يريد ممه حليب
هذا الحليب والممه وهذا مصرف اله
سراب...ميخالف عوفي
امي....عفيه بنيتي
طلعت امي واني اللوم عليه من البدايه حذرته وكتله هاي الزواجه مابيه توافق ابد
الله يصلح حاله
والنوب حبلت وجابت هسه هي مال حمل
هذا الطفل المسكين شنو ذنبه بلله
أنمار يبجي يغار منه وهو مستغرب وايبجي
واني راسي صار طبل من وراهم ثنيينهم
رجع رشيد وشاف مصطفى
رشيد..منو هذا
سراب..اخوي
رشيد..اخوج منيين
سراب..امي جابت ولد
رشيد..امج عدنا
سراب..لا راحت بشغل وترجع تاخذ مصطفى
رشيد...امج شركة الإنتاج مالته مفتوحه
سراب....رزق
رشيد...وهذا المحروس راح يبقى عدنا اني مااصرف علي
سراب...لا امي جايبتله كلشي يومين وتجي تاخذه
رشيد..وين راحت
سراب..اكو مشكله بينه وبين زوجه تريد تحله
رشيد..خاف اطلكت
سراب...هااا لا مااطلكت
لا تخاف راح ترجع تاخذ ابنه مراح تصرف علي
