رواية اخذوني دفع للدار فصليه الفصل الخامس بقلم زينب الموسوي
وشنو ذنبي ؟
عايشلي بحلم تايه
لا لاگيلي عين تنـام
ولا لاگي اليفسرني
........//////
نهر : بعد مانزل الولد الي دريت بعدين اسمه غضب اكل وطلع بديت اشتغل وانضف ماضل شي ما نضفتة حيل تعبت وحيلي نهد جنت اشتغل بيت اهلي بس مومثل هسه التعب والضعف هد حيلي جنت اسمع على الفصليات بس ماصدكت لمن عشتها الحمدالله والشكر رب العالمين خليت وصارت ساعه 12 الضهر جاي اطلع سريع ع مود ارجع الغرفتي قبل لايجي هذا الاسمه رجلي وجان انضرب بواحد وكعت بالكاع وكلت ....
........./////
سامر : بعد مااخذو نهر فصليه حيل تاذيت وصار عندي تانيب ضمير اريد اموت من القهر كله مني كله بسببي جنت مادخن ضليت ادخن وماعندي غير اشتغل وادخن وانام حتى الاكل شبه كطعته واسمع ابوي يكولً
علي : اخ يا سميه اخ بنتي هدت حيلي هد شيخلص السنه وترجعلي بحضني
سميه : شبيدنه يا ابو عبدالله لومارايحه جان خسرنه ثلاثه من خوانها وهم كعدنه نون عليهم على الاقل هيه هسه عايشه وتتنفس وترجعلنه
سامر : يمه كله مني انه السبب
علي : قضاء وقدر بويه شوف روحك اللتفت لروحك يابويه مايصير هيج تارك نفسك وصحتك كلما جاي تتراجع
سامر : مارتاح اذا ماجيبها يمنه بويه هاي وحيدتنه
ردو عليه : الله كريم بويه
........../////////
ليث : دخلت للبيت وانه مدنك وجان انضرب بوحده وطيح بالكاع رفعت راسي وانه معصب انتي ثوله ماشوفين ضليت صافن عليها وعلى جمالها وصيحت عليها انتي منو وبطلي بجي شفت التلفون نكسر ردت عليه وكالت
نهر : انه نهر شيخ
ليث : تذكرت هايه نهر الفصليه الي جايبيتها رئسا عصبت وكضيتها من شعرها وهيه مستمره تبجي وبقيت اضرب بيها اضرب بيها وصلته لغرفته دفعتها وسديت الباب وانه كلبي بعده نار شابه بيه اخ ياعلوان اخ لومارايح ماصار هذا كله اخ
خليت وصعدت وانه عصبي نار شويه واسمع امي تصيح
قسمه : ليث يمه تعال اكل
ليث : نزلت وسلمت عليهم وكعدنه ناكل شويه وطب عمي شهر وعباس و صدف وغزل كلبي فز من مكانه الها وضليت صافن عليها وهيه هم تباوعلي اخ ياصدف لوماهيه الفصليه تصيرين الي وملكي سلمو واجه عباس كعد يمي
عباس : لك ها ضلع شلونك شخبارك
ليث : عباس شخصيته كلش حلوه ويحب يشاقه رديت عليه زين بخير وانته شلونك
عباس لك هسه صرت زين يلا انريد نسوف مرتك
ليث : ضربته وكتله مو مرتي هاي فصليه اباوع الصدف مبتسمه انه رديت الابتسامه
عباس : هسه فصليه خدامه نريد نشوفها غزل كالت ايه من الجمال وهنيال الي تصير اله بعد ماترجع الاهلها
ليث : ضليت صافن تذكرت شكلها صدك جانت ايه من الجمال شوي وكتله خلي تخلص المده واشمرها شمره الجلاب بيت اهلها
رد ابوي وكال فهد : عيب يبا البنيه خوش بنيه رغم صارلها يومين بس كلش حبابه ونضيفه ومبينه بنت ناس وعالم
شيخ عكاب : اي والله بويه البارحه طحت ولوماهيه جان انه ميته كعدت الصبح اصلي صلاه الفجر وزلكت (يعني طحت ) بالحمام وهسه اجت لحكتني وكومتني ع ماوصلت لغرفتي مبينه حيل حبابه
سميه : اي والله ياشيخ حيل حبابه
نور : اي بابا حيل حلوه
طبعا ماكتلكم لجين تدرس بغداد يم بيت عمي هناك وكل سبوعين تنزل يومين وتروح
ليث ضليت ساكت خلصنه اكل وكمنه للديوان وكعدنه نسولف على ماصارت الساعه 9:30 وجان انشوف .......
.......//////
نهر : بعد مانضربت بهذا الطويل الشيخ ليث باوعت عليه كلش حلو سبحان الرسم معالمه وشخصيته مبينه واضحه عليه بدون مايتصنعها ضليت صافنه وابجي ع ماصاح انتي ثوله ماشوفين منو انتي كتله انه نهر
بس كتله هيج هوه رئسا كضاني من شعري وضل يضرب بيه واخذني لغرفتي وسد الباب كعدت ابجي وابجي ع مانمت مادري بروحي ع مانفتح الباب بالليل اقريبا ساعه 10 بالليل
.......///////
سامر :بعد تانيب الضمير الي احس بيه اخذت سويج سيارتي وطلعت للبصره اسال عن بيت الشيخ عگاب الفارس ع ماوصلت طحت بيه دخلت لديوانهم ساعه 9:30 تقريبا كلها باوعتلي ومبين عليهم ملامح الغضب والعصبيه تقربت للشيخ عكاب وطحت يم رجله وكتله
سامر : شيخ ابو ايدك ابوس رجلك رجعلي اختي واخذ روحي راح اموت وامي وابوي راح يمًوتون بسبب فراكها هيه مالها ذنب انه الي كتلت علوان انه
شيخ عكاب : الفصل تم وكلها سنه وترجعلكم بتكم حتى بحر الدم يوكف روح ارجع لديرتك لا يهجمون عليك ويكتلونك روح
سامر : ماضلت كلمه ماكلتها وماحسو بيه اخذت روحي وطلعت امشي سريع وفجأه صار بوجهي ضوه ابيض وبعد ماحسيت بشي ابدا
....../////
ليث كاعدين بالديوان وفجأه نشوف واحد دخل علينا شكله اعرفه بس ماجاي اتذكره
من حجه عرفته اخو الفصليه النذل الي كتل اخوي وحبيبي ردت اكوم وكضني ابوي كلي اكعد وين كايم سمعت جدي حجه ويا خله وطلع وراها طلعوا الشيوخ وبيت عمي راحو ودخلت اعصابي فاقدها كلش فتحت الباب كل قوتي ودخلت عليها كتلها موتتها تموت حتى خشمها ضل يصب دم طلعت حركه كلبي بيها واغلط عليها اجت امي عليه
قسمه : ولك يمه عوفها راح تموت بيدك
ليث : خليني اطلع حركه كلبي يمه خليني
وراها دفعت امي وقفلت الباب كتلهم الي يوصل يم الباب مايلوم اله نفسه قفلت الباب وصعدت فوك غسلت ايديه بيهن دمها لهاي الكلبه اخت العار الفصليه وبدلت ملابسي ونمت .....
.........////////
نهر : انفتح الباب وماشوف الا هذا الاسمه ليث هجم عليه ويضرب من كل مكان اخير شي ماحسيت بالضرب من كد الالم وحكي وخشمي صبو دم اجت امه وكالتله عوفها يمه ولك عوفها راح تموت بيدك اسمع يكلها خليني يمه خليني اطلع حركه كلبي بيها بعد ما اغمى عليه ماحسيت بشي غير لمن كعدت الفجر جسمي يوجعني ماكدر اكوم وكلش بردانه واحس عندي حراره بجسمي ضليت ازحف ازحف على ماوصلت لفراشي وتمددت واجت بالي ذكرياتي القديمه واخواني وامي وابويه وضليت ابجي وينج ياماما وينج مستعده اتحمل كلشي منج بس ارجع الج اخ يابابا راح اموت ضليت صافنه بالفراغ وضليت على هالحاله يومين محد اجه وفتحلي الباب ودنه وانه يوم عن يوم اشوف روحي اذبل وكلشي بيه يموت وينكسر وبديت اضيع بالاشعور ضليت ماحس باي شي يمي بس صافنه وحتى دموعي خلصت وماضليت حتى احجي بيني وبين نفسي صار الصبح اليوم الثالث على حبستي ونفتح الباب عليه ودخلت خالتي وشهكت
قسمه : يمه سوده عليه ولج نور نور وينج
نور : ها يمه شافتني وضلت مصدومه
قسمه : تعاي يمه تعاي ودي مرت اخوج للحمام وغسليلها ونيمها يمج بالغرفه يلا ولج
نهر : اجن كومني ودني للحمام وطلعت وجان اشوف .......
........//////
ليث : بعد مانمت وكعدت ثاني يوم الصبح مر اليوم عادي بين الديوان والبيت وغرفتي ماجت على بالي هاي الفصليه ونسيتها كلش كاعدين بالديوان وجه عمي شهم كال الجدي
شهم : بويه جايين على بنيتي صدف ناس خطابه واجيت اخذ رايك شتكول بويا
شيخ عكاب : والله يا ابني اذا خوش ناس توكل بالله
ليث : كاعد واسمع شنو يحجون بينهم وانه دمي ضل يغلي وجان اكوم واحجي عمي بنتك انه رايدها ع سنه الله ورسوله ارفض الناس الجايين
جدي وابوي : هاي الساعه المباركه بويه تتزوج ومنو بنت شهم والنعم ماختاريت
شهم : كبع وخذ شيخ وين اللكه نفسك انه
شيخ عكاب : بس بويه موهسه منا لمن دور سنه اخوك علوان
ليث : اي جدي بس اهم شي احجزها اليه
قرو فاتحتي انه وصدف وهسه رتاحيت صارت بسمي والي بقينه بس نعقد وباقي اليوم مشه عادي وعدن يومين وانه ماشوف هايه الفصليه وين راحت بعدين اليوم ثالث تذكرت الي صار وانه عايفها بالغرفه محبوسه نزلت اركض لامي وكتلها يمه يمه
قسمه : هايمه شبيك
ليث : يمه هاج هذا المفتاح وروحي طلعي هايه من غرفتها
قسمه : ولك يمه واخيرا حنيت صارلي اليوم ثالث كلبي مشلوع شلع عليها ومقهوره لا اكل ولا شرب
ليث : دخلت الامي وشفتها شهكت وصاحت نور وجان يطلعون ساندينها شفتها حيل تاثرت من منضرها انه شمسوي بيها وهيج ناسيها هيه هم روح ومالها ذنب شفت نضرها الي مادري شنو افسرها بس اخترقت جسمي واخترقت كلبي وهيه عيونها بلون نهر دجله من كد ماجميلات باوعتلي وراحت للحمام شوي وسمعت نور صرخت .....
......//////
نهر : طلعت وجان اشوف هذا واكف باوعتله بنضره حقد وانه اكول الله يكسر ايدك الي ضربتني حسبي الله ونعم الوكيل بساعتها كرهت شكو رجال على وجه الكره الارضيه وحقدت عليه وكلت شوكت اخلص صارلي سبوعين بس وبعدً 11 شهر وسبوعين اخ يايمه سندتني نور ودخلت وياي للحمام
نور : دخلت وياها ونزعتها بديها وجان اشوف يم ضلعها دويريه حييره زركه ع بنفسجيه وجان اصرخ
نهر : شافت شي بجسمي وصرخت انه ضليت اباوع وبجيت شويه ونفتح الباب ودخل عليه هذا الاسمه ليث وكال
ليث : نور شبيج شصار
نور : ولك ليث اللحك شوف طبعا من دخل سحبت نهر بديها وغطت جسمها
ليث : شسوف شصار
نور : لتفتت على نهر ورفعت البدي شفت اخوي ملامحها تغيرت
ليث : كومي كومي طلعيها هل ناخذها للمستشفى كومي
نهر : لبستني نور عبايه منها وصعدتني خالتي للسياره ورا وانه ماحس بشي من الالم بس الاعرفه ماكدر اوكف ولا اكعد وصلنه للمستشفى واخذوني للطوارئ وهذا الاسمه ليث وياي وجان تسألني الدكتوره ........
شكرا لزيارتكم عالم روايات سكيرهوم
