حكايات زوج و زوجة ( عز وعهد ) الفصل الرابع
كانت قاعدة تشرب قهوة بشرود
في الاستراحة اللي بين القاهرة و الاسكندرية.
جت بنت و قالت: لو سمحتي ممكن أقعد معاكي، علشان مفيش مكان.
قالت بابتسامة: طبعا.
قعدت البنت وطلبت قهوة
البنت اللي كانت قاعدة: أنتِ مسافرة القاهرة.
: أنا جايه من القاهرة و مسافرة الاسكندرية.
=وأنا جاية من الاسكندرية و مسافرة القاهرة
: أنا من الاسكندرية وكنت في زياره الى القاهرة
= أنا من القاهرة و كنت في زيارة الى الاسكندريه.
اسمك ايه
: عهد.
البنت بصيت بصدمة و قال: عهد تصدقي أنا كمان إسم عهد .
= بجد صدفه غريبة
و قعدت كل واحدة فيهم تفتكر مشكلتها.
////////////
في منزل عهد اللي من القاهرة
: أنتِ ايه مش ناويه تتغيري بقا أصل أنا زهقت منك ومن شكلك ده.
ردت بحزن: يعني أعمل ايه يا عز ،على يدك أنا حاولت اكتر من مره ومفيش فايدة
عز بقرف: عندك حق مفيش فايدة فيكي، يا شيخه أنا بتكسف أعرفك على الناس و أقول دي مراتي
الجملة كسرت قلبها، سألت بدموع قهر: لدرجه دى يا عز أنا وحشه اوي كده.
عز بصوت عالى: و أكثر من كده بصي على نفسك فى المرايا أنتِ عامله زي الفيل.
ردت بدموع: حرام عليك يا عز أنا عاملة رجيم قاسي ورحت عند دكاتره كتير والكل قال إن دي هرمونات وان الجسم الرفيعه والتخين ملوش دعوه بالاكل.
عز: طبعا لازم يقول كده لما يشوفك.
:ليه يعني
=يخاف على نفسه واللي فى العياده منك لاحسن تاكليهم
عهد بدموع: ليه وأنا باكل البشر.
عز باحت_قار: تصدقي بالله أنا بخاف على نفسي منك.
: ربنا ها يحسبك على كل ده يا ،أنت ظا_لم.
عز ببرود: ربنا يسامحني علشان اللي أنتِ فيا ده، و أقولك أنا ليه مش بقرب منك لانك مش عاجبني بصي لمنظرك قدم المرايا وأنتِ تقرفي من نفسك.
وكان خارج من باب البيت بعد لما كسرها بكلامه
وقبل لما يخرج بص لها و قال:
معاكي شهر واحد بس يا تخسي يا اما اتجوز عليكي.
وخرج بعد ما كمل على كسرت قلبها 💔
جريت على أوضتها وقفت قدم المرايا
نظرت لنفسها
مكنتش كده قبل الجواز كانت جميلة.
: أنا عارفه اني أهملت نفسي شويه لكن رجعت على طول وحاولت كتير أعمل رجيم لكن مفيش فايده اعمل ايه
الشكل ده حاجه من عند ربنا ليه يارب ليه مافي ناس كتير بتاكل ومش تتخن يارب سامحني
بس اعمل ايه عز قال لو مش خسيت يتجوز عليا أنا بحبه أوى اعمل ايه يارب
//////////////////
فى منزل عهد اللي من الاسكندريه
بعد ما حدث زي ما حصل في بيت عهد اللي من القاهرة بضبط
و كمان جوزها اسمه عز.
تقف أمام المرايا
عهد بدموع: اخس عليك يا عز
أنا بحبك اوى وعمري ما اهتمت الا بيك تجي تعمل كده فيا علشان شكلي اتغير ،كده أنت عمرك ما حبتني حبت شكلي بس.
وكملت بتحدي:
عايز تتجوز براحتك بس بعد ما خليك تندم، هعمل كل حاجه علشان قبل الشهر أكون زي عارضه الازياء..
مر ثلاث اسابيع
و عهد اللي من اسكندرية و اللي من القاهرة
بيعملوا كل حاجه علشان يخسوا
وفعلا بعد رياضه كتير وحرمان من الاكل وفعلا بدأت تبان النتيجة
و طبعا الأزواج مبسوطين.
في شقه عهد اسكندرية
عز بسعاده: شوفتي لما خستي شويه بقيتي قمر ازاي ولسه لما تكملي تكوني أحلي و أحلي.
:ولو عرفت أني بقيت تعبانة اوي من قلت الاكل والرياضة الكتير
= مش مهم المهم أنك بقيتي حلوة
: عندك حق مش مهم صحتي المهم شكلي قولي فاضل أسبوع والشهر يخلص ناوي تجوز برضو.
عز بأمر : معاكي أسبوع لازم
تخسي خمس كيلو او اتجوز عليكي.
ردت بتحدي: أن شاء الله اخس أكتر من خمس كيلو.
عز بأمر: غصب عنك مش بمزاجك يا عهد.
: طبعا
&&&&&&&&&&
باقي يومين على إنتهاء الشهر
فى شقة عهد في القاهرة
عهد بخوف: عز أنت مصمم برضو أنك تجوز عليا.
عز بعصبية: بصي أنا مش أنكر أنك بقيت حلوة، بس لسه برضو مش زي زمان أو اللي فى دماغي يلا معنا يومين ونشوف توصلي لفين.
عهد بدموع: أنت ليه كده بتحب توجعني حرام عليك.
عز بهدوء: أنتِ فاكره أني مش بحبك أنا بعمل كده علشان بحبك ، أنا خايف عليكي
ابتسمت ابتسامة استهزاء
//////////////////
بعد انتهاء الشهر
عز بسعادة: ازاى عملتي كده يا عهد، أنا قولت تخسي خمس كيلو أنتِ خستي عشره كيلو فى أسبوع.
:الاداره يا عز الاراده أنا كنت كل ما ازهق افتكر كلامك الجارح ليا ونظرت الاحتقار اللي تبص ليا بيها كنت بتشجع اوي و أقول لازم اثبت لعز أني قويه وان الحصول على جمال الشكل حاجه سهلة ، و الحصول على جمال الروح حاجه صعبة اوي
انت عمرك ما حبتني أنت حبت شكلي يعني لو دلوقتي عملت حادثة وشكلي مش بقا حلو تسبني وأنا مش عايزه كده
أنا دخلت التحدي ده مش علشان أمنع أن تجوزك لا أنا عملت كده علشان نفسي علشان احرق قبلك وقولك بعد ما بقيت زي ما أنت عايز، أنا اللي مش عايزك.
عز باستغراب: أنتِ بتقولي ايه
: طلقني
= نعم
:طلقني يا عز, لانك شخص حقير و واطي و ملكش أمان
//////////
في القاهرة
عهد بسعادة : مبسوط يا عز
عز بسعادة: طبعا أنتِ في شهر واحد تغيرتي تماما.
عهد بهدوء: افرض تخنت تاني أو حصل حاجه وبقيت مش حلوه تعمل ايه تجوز عليا ولا تطلقني.
= أنا عملت كده علشان مصلحتك علشان صحتك أنا كنت خايفه عليكي.
عهد بصوت عالى: كاذب أنت خايف على شكلك قدم الناس أنت قولت كده.
عز بندم: صح قولت بس والله بحبك، صحيح زعلت من شكلك بس خوفت أكتر عليكي أنتِ عارفه أن السمنة خطر على الصحة و مقبرة الجمال.
قالت بدموع: أنا قدرت اخس في غيري متقدرش ، تعمل ايه تروح تموت أو جوزها يتجوز عليها علشان شكلها اتغير بعد الجواز.
عز بحزن: عهد مش أحنا ساعات ناخد الدواء رغم أننا عارفين أنه مر علشان نخف،
عارف أني كنت صعب بس آسف سامحني يا عهد
ردت بدموع: للاسف رغم كل ده أنا مش عرفت أزعل منك لأن قلبي بيحبك اوي كنت طول الوقت بقول لازم اخس علشان متجوزش عليا ،ليه يا عز مش عارفه ازعل منك رغم أني عارفه أنك انك ممكن تسبني لاي سبب
عز بحب: آسف والله بحبك أنا كنت بموت وانا بقولك كلام يزعلك
قالت : مسامحك بس لو عملت اي غلطه تاني عمري ما اسامحك...
💝💝💝💝💝
في الاستراحة
عهد اللي من الاسكندرية ، سألت نفسها: أنتِ شايفه أنك قرارك تسبي عز كان صح.
صح جدا ،صحيح خسرت عز بس كسبت نفسي.
مش ندمانة على قراري..
و سألت عهد نفس السؤال: كان قرار صح أنك تسامحي عز
كان قرار صح جدا ، مر سنتين على الموضوع ده وعز يعاملني بحب وحنيه واحترام، مش ندمانه أني سامحت
ومشيت كل منهما لطريقها
واحدة سامحت و التانية لا
كل منهما لها تفكير و حسابات.
