رواية مليكه الفصل الرابع بقلم جمانه السعيدي
مليكه...اجا جدي بس حسيته حيل ضايج
واكو حسبه اباله
اني اعرف جدي زين اذا شي يضوجه يبين على وجه راسا
مايكدر يضم ابد
دز على خوالي واجتمعو اجتماع مغلق وبيبي وياهم و خالي ناضم هم جان موجود مجاز
بقو هواي بلصاله والباب مسدود عليهم بس اني مااهتميت ابد
مطلعه لعبة بلموبايل وكاعد اللعب
بعد ساعه وربع او اكثر اجت بيبي
بيبي...مليكه تعاي جدج يريدج
مليكه...خليت التليفون ورحت وياها
دخلت كلهم يباوعون عليه
جدي...تعاي اكعدي اريد احجي وياج
مليكه...استغربت من الوضع اكيد اكو شي
جدي.... انتي بنيتنا وعزيزه عدنا
مليكه....شكو جدو خوفتني
جدي...ابوج اتوفا قبل ست سنوات الله يرحمه
مليكه....ادري
جدي...وجدج مات قبل ست اشهر ابو ابوج
مليكه...واني شعليه
جدي....جدج عاف املاك وبيوت ومحلات وولده يردون يقسمون الارث كلمن ياخذ حصته
اليوم المحامي اتصل عليه
يكول مليكه لازم تكون موجوده حتى تستلم حصته من ورث ابوه
مليكه...مااريد منهم شي الله يحفظك اليه انت مامقصر وياي بشي ابد
جمانه السعيدي
جدي....بس خوالج الهم رائي ثاني يكولون هذا حقه ولا زم تاخذه
انتي كلشي مافتهمتي من ابوج من كان موجود لا اضيعين حصتج
هاي الحصه ممكن تأمن مستقبلج
خالي.ناظم...اي بابا لا تعوفين حصتج انتي اولى بهاي الفلوس اخذو ابوج عدل منج وهسه ياخذون حصتج
خالي كاظم....لا تعوفيلهم حتى الف دينار كافي عايشين كل هذا الوقت مايسئلون عنج
خالي سعد... احنا مامتعاجزين منج بس هذا حقج لا تعوفينه
مليكه...اي خل يجيبون الفلوس اليه هنا
جدي....هنا المشكله انتي لازم ترحين وياهم البغداد
تبقين فتره بيت ابوج
لان هيج معامله ماتخلص لا بشهر ولا شهرين
علما يصفون الاملاك ويبيعون
انتي لازم تكونين موجوده
مليكه...يعني اروح اعيش وياهم
خالي ناظم...فتره علما تستلمين حصتج وتجين
مليكه...مااروح شني اروح اعيش وياهم مااريد
اني مااكدر افارك جدي
جمانه السعيدي
جدي...يابعد حيلي وعيني اني هم مااكدر افاركج
بس هذا حقج ولازم تاخذين حصتج
الضاهر حصتج جبيره والا مايلحون هيج
زوجت ابوج تريد تبيع البيت الي عايشين بي اخوانج
وهو باسم ابوج هم تطلعلج حصه
يعني الج حصه من ورث جدج ومن بيت ابوج
ليش اضيعين كلشي
اني اكول روحي ترا هم مايكدرون يبيعون ويشترون اذا ماانتي موجوده وتوقعين
يعني كل الاجراءات راح تتوقف اذا مارحتي
المحامي هاي ثالث مره يتصل عليه
جمانه السعيدي
خالي سعد....روحي بابا انتي بعد صرتي جبيره وتفتهمين
واحنا هم نتصل نطمن عليج منا لمن تخلص كل الاجراءات
مليكه...التفتت على جدي جدووو تروح وياي
جدي...شلون اروح وياج يعني ثنيبنه نكعد عدهم
واني هم عندي شغل مااكدر اعوفه
اني راح اوصلج بايدي واطمن عليج
وكل يوم اتصل بلمحامي اسئله على الاجرائات واتصل بيج اطمن عليج
حبيبتي انتي اني مااعرف شلون اكدر افاركج
بس راح اتحمل الخاطر مصلحتج
مليكه...فض الاجتماع بس اني مافرحت ابد شلون راح اكدر اعيش وياا زوجت ابوي
شلون راح اتحمل الوضع
شلون راح يعاملوني اني لا شايفتهم ولا اعرفهم
ضجت كلش رغم بنات خوالي كلهن اجتمعن يمي ويباركلي
وفرحانات
وحده تكوول هنيالج صرتي غنيه
وحده تكول مو ترفعين خشمج علينا
وحده تكووول شلون حظ عليج راح تجيج كومه فلوس
وانتي كاعده وساكته
وحده تكول اذا استلمتي الفلوس وزعي علينا احنا هم بنات خوالج
كل هذا واني ضايجه ومافرحانه بلفلوس ابد
مااريد افارك اهلي مااربد اطلع من هذا البيت ابد
حتلو كم يوم مااريد
مليكه..جدي بليل اجا يمي كعد اني قربت لزمت ايده ونمت على جتفه وكتله اني خايفه
جدي...ليش خايفه وباسني براسي
انتي بعد جبيره وهذني الفلوس حقج
واني باي لحظه تحتاجيني بس اتصلي بيه اطير واجي
يمج وكل شويه اتصل عليج اطمن
بس اريد اوصيج كم وصيه
بتي مااريد نفس اللعب والحركات هنا هنا احنا اهلج
ومانضغط عليج
اريدج هادئه مرتبه قليلة الكلام لمن يسئلونج جاوبي
فكري بلكلام يله اجاوبين
عاقله مودبه هادئه
مااريد يكولو جده ماعرف يربيه هاي البنيه مخربطه
مليكه...لا تخاف جدو راح ارفع راسك
جدي...بعد مااوصيج انت ذكيه وصيري حريصه على نفسج فهمتي لو لا
مليكه انشاء الله
جدي...حضري نفسج باجر اخذج البغداد اوصلج اطمن عليج وارجع
وبس تحتاجيني تلكيني فوك راسج
مليكه...احبك جدوو
جدي...واني اموت عليج باحبيبت جدووو
ثاني يوم كعدت تريكت وسبحت وبدلت لبست بنطرون جينز وبدي مشمشي وربطت شعري وطلعت كذله
خليت عطر ولبست حذاء فلات
وأخذت ملابسي الجدد الي اشتريتهن خليتهن بلجنطه
اجن بنات خالي يودعني
وبيبي انطتني مصرف وجدي هم انطاني فلوس
وطلعنا اني وجدي تقريبا الساعه بلعشره الصبح من البيت
ساعتين ونص وصلنا البغداد طلعنا كبل للكاظم اخذت إسدال صلا ودخلت زرت طلعت رجعت الاسدال
وبقيت انتضر جدي لمن طلع
طلع لزم ايدي وكال لا تخافين اني نخيت موسى بن جعفر
يحفضج من كل مكروه
لزمت ايد جدي وبسته
جمانه السعيدي
بعدنا مطالعين من الكاضميه اتصل المحامي
جدي...اي اجينا راح نصعد تكسي ونجي
المحامي...منتضركم
جدي...نجي على مكتبك وانت تاخذنا للبيت
صعدنا تكسي ورحنا تقريبا نص ساعه يله وصلنا المكتب المحامي
نزلنا ودخلنا للمكتب
المحامي حلو مرتب تقريبا عمرا ٣٥ سنه لابس قاط صحراوي
وقميص سمائي فاتح
المحامي ضياء.سلم على جدي وكالي هلو خالو شلونج
اقدملكم نفسي المحامي ضياء اخو هاجر زوجت المرحوم
جدي...اهلا وسهلا
ضياء...هله بيك شرفتنا
جدي...النا الشرف
ضياء...استريح خل اجيبلكم جاي
مليكه..كعدنا وجاب جاي
ضياء...شويه الاجراءات راح اطول لان اكو غلط باسم الجد الرابع الابو مليكه
انشاء الله نصحح الاسم ونعرض الاملاك للبيع
وبس نبيع تاخذ مليكه حصته كامله
بس تخلص كل الاجراءات نعرض بيت ابو مليكه للبيع
بس ينباع وتخلص الاجراءات
ترجع الكم مليكه وحصته من الورث
جدي...بس حاول تستعجل لان احنا مامتعودين نفاركه ابد
ضياء...بأسرع وقت انشاء الله
مليكه...أخذنا المحامي البيت ابوي بسيارته اني وجدي
وصلنا البيت يخبل وبمنطقه راقيه بغداد
اني بقيت فاتحه حلكي
ابد مامتوقعه ابوي واخواني عايشين بهيج مكان
واني عايشه حياة بلا معنى ومخربطه
عاد كون اكدر اعيش وياهم كم يوم لمن يخلص كلشي
وارجع البيتنا
شكرا لزيارتكم عالم روايات سكيرهوم
