رواية مليكه الفصل الخامس بقلم جمانه السعيدي
مليكه...ضياء نزل قبلنا ودك الباب
طلعت وحدا بنهاية الاربعين بس مرتبه شكله
ضياء...صباح الخير الجماعه وصلو
هاجر...اهلا وسهلا
مليكه...كان ترحيبه بينا بارد
جدي...السلام عليكم شلونج بويه
هاجر...الحمد لله تفضلووو
دخلنا البيت كلش حلووو وضخم والأثاث يخبل
جدي...اني مااريد اعطلج هاي مليكه يمكم الحد ماتخلص
المعامله ديري بالج عليه
هاجر...تمام
جدي...جدو مليكه اي شي اتصلي عليه واني كل يومين اتلاثه احولج رصيد
مليكه ...حضني جدي وطلع
من شفت جدي يطلع ويعوفني وحدي ضجت حيل ودموعي نزلن
بعدين ضياء وهاجر عافوني وحدي ودخلو جوا
بقيت وحدي
شويه واجاني ضياء
ضياء...اخذي راحتج
اجت هاجر...جيبي جنطتج وتعاي
مليكه..شلت الجنطه ودخلت ورها البيت حلو من جوه
وكلش مرتب
صعدنا فوك بيتهم من فوك مثل الجوه كلش مرتب
فتحت باب غرفه وكالت هاي غرفتج
غيري ملابسج وارتاحي بعد ساعه الغدا
جمانه السعيدي
الغرفه زغيره بس حيل مرتبه بيه سرير نفر وكنتور بابين
وميز مرايه زغير الشباك يطل على الشارع وحديقة بيتهم
.
كعدت صفنت وعاتبت ابوي اذا عندا هذا الخير كله
ليش عايفني ومايسئل عليه
ليش اني بيش اذيته ماجان يحب امي ومايريدها
اني شنو ذنبي ليش عايشه حياة ماله معنى
وهو وجهاله عايشبن غير حياة
راسا اندكت الباب اني جنت صافنه كمزت
كمت فتحت الباب بنيه حلوه تخبل اطول مني وبيضه
وشعرها سرح
نورهان....هلو صباح الخير
مليكه...صباح الخير
نورهان...اني نورهان اختج
مليكه...ابتسمت لمن كالت اختج شكد حلوه هاي الكلمه
حجايته نزلت على كلبي وفتحته
قربت عليه اني فتحت ايدي
هي دخلت وحضنتني
مليكه...شعور حلووو الله اني عندي اخت
ودي ابقه حاضنته ومااعوفه
نورهان....اني سامعه عندي اخت وجانت امنيتي اشوفج
مليكه...الله انتي شكد حلوه
نورهان...انتي الاحلى واخيرا اتحقق امنيتي وشفتج
مليكه...ممكن احضنج بعد
ابتسمت وفتحت اديه ورجعت حضنتها
رغم هي ازغر مني بس طويله اطول مني
نورهان...الغدا جاهز تجين نتغدا
مليكه...بس اغير ملابسي
نورهان تمام واحنا ننتضرج باستني بخدي وطلعت
فتحت جنطتي وطلعت تراك وبدلت وخليت معطر
باوعت الساعه بلثنتين الضهر
شكد جنت خايفه بس من شفت اختي حسيت بلامان
جمانه السعيدي
نزلت اسمعهم يسولفون ويضحكون
راسا اجت عليه نورهان ولزمت ايدي
دخلت للمطبخ كاعدين على ميز الطعام
ميز خشب جبير يكفي عشر نفرات
والمطبخ حديث لونه ابيض يجنن
نورهان...اعرفج اخوي الجبير سند
ولد جبير اكبر مني طويل وشخصيه جسمه كله عضلات
شعرا حالق قصير وشوارب وعيونه حيل حادات
(هذا ابن زوجت بابا)
مليكه...اهلا وسهلا
سلم عليه وكعد
نورهان...وهذا اخوي الزغير محمد
مليكه...كان عمرا تقريبا ١٤ سنه ومدنك يلعب بلموبايل
كال اهلا وهو يلعب
هاجر...عوف التليفون واكل
نورهان سحبت كرسي وكعدتني امه راسا خزرته
على اساس همه مقامهم عالي واني مو مستواهم
كامت تشيل اكل و تخلي كدامي بس حسيت نفسي مستحيه مااكدر اكل
اكل على كيف شويه شويه
نورهان...ليش ماتاكلين
مليكه...جاي اكل
كلما ارفع راسي الكه سند بياوع عليه
سند...انت وين واصله بدراسه
مليكه...سادس اعدادي
سند...سادس تبينين ازغر
مليكه...اي اني ناعمه
نورهان....يبووو لا اذكريني بلسادس سنة الاخ اني سادس وشايله هم السادس
راسا زوجت ابوي حجت بعصبيه اني مو كلت ماكو كلام على الاكل
نورهان... حاضر ماما
مليكه...عم السكوت ومحد حجه بعد
جمانه السعيدي
راسا كام سند
سند...الحمد لله اني اليوم عندي تدريب ماارجع من وكت
راح غسل وصعد شويه ونزل لابس تراك رياضي اسود وبيده جنطه رياضيه
وطلع
هاجر...نورهان نضفي المطبخ وياج
كلهم كامو واني ونورهان شلنا ألمواعين وكعدنا نغسل ونسولف
نورهان...عوفيهن اكعدي وخل نسولف اني اغسلهن
مليكه...لا اساعدج تدرين اني شكد حبيتج
نورهان...واني اكثر اتمنى نبقى على تواصل اني وياج
مليكه...اكيد
كملنا وصعدنا اخذتني الغرفته
غرفه جبيره وبيه اثاث تركي ومرجوحه ام العش
والستاره بيضه تول
والتبريد يشتغل بس دخلت من المنضر والبروده حسيت نفسي نعست
نورهان...ليش هيج بشرتج تعبانه تعاي اخليلج كريم مرطب
مليكه...لا
نورهان...شو تعاي بشرتج تعبانه
مليكه كعدتني وخليت كريم الوجهي والاديه والركبتي
نورهان...اوكفي اخليلج سيروم الشعرج يصير حلوو
خلت سيروم الشعري
بعدني خلتني عطر كلش طيب
نورهان...مادام عطله كل يوم اخليلج كريمات منا لمن وجههج يصير بي حيويه
شنو هذا تراكج عبالك مال ولد
اوكفي عندي تراك زغير عليه بس كله حركات
فتحت الكنتور وطلعت تراك اسود وردي بس كلش حلووو
راسا كالت يله البسي خل اشوفه عليج
مليكه...عندي تراكات
نورهان...انتي تستحين مني شنوو
مليكه ...وكفت وهي راسا نزعتني التراك ولبستني ذاك التراك
ابد ماحسيت نفسي مستحيه منه
وكانما اعرفه من زمان
بقينا بلغرفه نسولف ونضحك عدها ثلاجه زغيره بغرفته
طلعت كيك وعصير وكرزات
وكعدنا نحجي اني وياها
للمغرب اتصل جدي يطمن عليه حجيت وياا وياا بيبي
مليكه...لا تخافون اني يم اختي جدووو اختي تخبل
تمنيت متعرفه عليه من زمان
جدي...هسه ارتاح كلبي بقيت بقلق عليج من طلعت
جمانه السعيدي
الساعه بلتسعه نزلنا اني ونورهان نحضر العشى
هاجر معزومه طالعه
وسند بعدا ما راجع ومحمد يلعب بغرفته اكس بوكس
طلعنا كبه وفنكر جاهز وكلينا وزلاطه
دزينا لمحمد اكل بغرفته واني ونورهان كعدنا نتعشى
هي متابعه مسلسل كوري
طلعته بلايباد وكعدت تحجيلي قصته واني اندمجت وياها
كملنا ونضفنا المطبخ وصعدنا
نورهان...هاج هاي الغسول اغسلي وجهج وتعاي اخليج كريم ليلي الصبح تلكين وجهج يخبل
ماتعرفين نفسج ابد
غسلت وجهي وخلتلي كريم ورحت الغرفتي انام
لان كاعده من الصبح وحيل تعبت
الصبح كعدت بثمانيه رحت الغرفة نورهان نايمه
كلهم نايمين حاولت ارجع انام ماكدرت
نزلت جوااا دخلت للمطبخ اشرب ماي
راسا دخل سند لا بس تراك رياضي بدي وشورت وعركان
الضاهر جان يركض
يعني رياضه صباحيه
شافني اول راد يطلع من المطبخ بعدين رجع
سند...صباح الخير
مليكه...صباح الخير
سند...شكاعد تسوين
مليكه كلشي مااسوي
سند... ممكن اذا مااتعبج اريد بيض سلك وحليب اريد اطلع
عندي تمرين
علما اسبح وابدل
مليكه...ميخالف بس مااندل الحليب وين
راسا تقدم وفتح المحلق مال الكاونتر وطلع علبه
سند..هذا الحليب والبيض بلثلاجه اذا مااتعبج
مليكه...ماكو اي تعب
طلع من المطبخ واني كلت بكلبي محد معاملني هاي المعامله ابد شدعوه هلكد تحترمني
مربيتك هاجر خوش تربيه مو مثل الزمايل العدنا
شكرا لزيارتكم عالم روايات سكيرهوم
