رواية فصلية الشيخ اركان الفصل الرابع بقلم رقية
_أرق ... تمام عمري مشتني غصون تلكانة ولد يشبه أركان عرفتة أخوو سلم علية
_أمير ... هلا خيتي شلونج شنون صرتي
_أرق ... تمام الحمدلله رحت بلغرفة ضليت يومين على نفس الحالة وأركان ماشفت وجهة
ثالث يوم كعدت شبعانة نوم باوعت الساعة 6:00 طلعت محد كاعد رحت كعدت بلحديقة
الجو يخبل شمس هستوهة طالعة واصوات العصافير هدوء يخبل ضليت صافنة أذكرت أهلي هواي مشتاقتلهم هسة شلونهم بدوني أفتقدوني لو لا كاعدة أحجي وابجي واحد خلة أيدة على جتفي رفعت راسي أركان
_أركان ... كعدت الصبح شبعان نوم طلعت كلت خل أدرب بلحديقة لكيت أرق كاعدة ومخلية راسها بين رجليها تقربت عليها سمعتها تحجي وتبجي نقهرت عليها خليت أيدي على جتفها هية بسرعة باوعت شافتني بعدت أيدي وكامت تريد تروح لزمتها من زندها
_أرق ... أركان تركني😡
_أركان ... أرق أني أعتذر منج على الصار مجان قصدي هيج أذيج بس عصبتيني وماصيطرت علة نفسي وأذيتج
_أرق ... لا تعتذر ولا ابد
_أركان ... أرق سامحيني والله مامرتاح حتى أمي متحجي وياي لأن هيج سويت
_أرق ... اي لعد ضل هيج أحسلك هوة هذا اليعصي كلام أمة وترة مو رجال الي يضرب مرة خليها أبالك ماحسيت ألة وراشدي علة خدي بسرعة لزمت خدي
_أركان ... من كالت مورجال ماتحملت ضربتها راشدي أنتي موصوجج صوجي جاي أعتذر منج ولي منا يلة
_أرق ... مشيت اسمعة يحجي باوعت علي وحاجيتة السفيه ينطق بما فيييه حجيت بصوت عالي باوع علية واجاني يمشي بسرعة أني بسرعة طفرت للغرفة وقفلت الباب أجة يدك بلباب ويحجي
_أركان ...أفتحي الباب لو هسة أكسرة على راسج
_أرق ... ماااا والله ماأفتحة
_أركان ... ضلي لا تطلعين قابل ماراح أشوفج بعد
_أرق ... ورة ساعة طلعت رحت للمطبخ لكيت عمتي كاعدة صباح الخير
_أم أركان ... هلة صباح النور بنيتي شلون صرتي يمة
_أرق ... الحمدلله عمة
_أم أركان ... أطلب منج طلب بنيتي
_أرق ... طلبي كلبي
_أم أركان ... ماريدج تكوليلي عمة أذا تحسبيني مثل أمج كوليلي يمة الله شاهد معزتج بكد غصون
_أرق ... أوكي ماما بست راسها تريكتي
_أم أركان ... لا بنيتي بعدني هسة كعدت
_أرق ..خوش راح أكعد غصون واجي أسوي علمود نتريك سوة رحت أريد أكعد غصون بعدني ماواصلة الغرفة شفت أركان نزل من الدرج هوة بسرعة باوعلي وخنزر أجة علي أني رجعت للمطبخ ركض ختلت ورة عمتي أجة أجة راح يكتلني والله
_أم أركان ... علة كيفج هاي شبيج منو أجة
_أرق ... أركان راح يكتلني أني حجيت هوة دخل
_أركان ... صباح الخير يمة
_أم أركان ... هلة حجت ودارت وجها منة
_أركان ... أرق أطلعي من ورة أمي لو اكلب البيت عليج مبينة شتاقيتي للحزام
_أرق ... والله ما أطلع علمود تكتلني
_أم أركان ... أرق شبي وياج
_ أرق ... سولفتلها الصار بس ما كلتلها جنت أبجي لان لبارحة كالت أذا بعد تبجين أزعل عليج وهوة جان وراي وسمع اني مادري بي ألة غصون حاجتة يلة عرفت بي وراي أني بدون ماباوع علي رحت للغرفة
_أم أركان ... لا بنيتي اكو وحدة هيج تحاجي رجلها أني ماأرضة عليج
_أركان ... شوفي علمود بعد لا لتحمليني بس الذنب
_أم أركان ... أرق اذا تريديني أرضة عليج روحي أعتذري منة ألة يسامحج يلة هوة مو أجة أعتذر منج هسة أنتي روحيلة
_أرق ... أوكي تدللين ماما بس هاي الخاطرج رحت يمة حاجيتة أني أسفة على الصار
_أركان ... مااقبل أعتذارج
_أرق ... من كال ماأقبل تقربت علي بستة بخدة هسة هم متقبل
_أركان ... كتلها مااقبلما مااحس الة هاي تقربت علي وباستني حاجيتها يابة لو كل يومية أزعل
حتة اخذ مثل هاي البوسة
_أرق ... لو تموت مابوسك بعد وحاجيت عمتي ماما راح أروح أكعد غصون واجي
_أم أركان ... روحي بنيتي
رحت كعدت غصون ورجعت أسوي ريوك لكيتة كاعد وية عمتي يسولف وياها جاي أسوي ريوك
أركان حجة
_أركان ... يمة كعدت الصبح لكيت ناس كاعدة بلحديقة وتبجي أنتي مو متقبلين
_أم أركان ... منو هذول الناس حجتها وباوعت علية
أني ضليت ساكتة وأخزر😠 بأركان هوة يضحك أنوب رجع يكمل ألها حجة أشياء أني ممسويتها يكلها لكيتها لازمة سجينة تريد تذبح نفسها
_أرق ... ماما والله مامسوية هيج يجذب عليج حجيت ودمعت عيوني🥺
_أركان ... شفتها حاجت أمي ودمعت عيونها كسرت كلبي كمت عليها وحضنتها أفااا مريتي تبجي واني موجود
_أرق ... بعدت منة وحاجيتة أبتعد مني بعد زعلت والله مادام هيج تجذب رحت كملت ريوك وخليتة كدامهم وتوجهت أطلع من المطبخ وعمتي حاجتني
_أم أركان ... وين رايحة تعالي تريكي
_أرق ... عافيات ماريد طلعت تلكتني غصون صبحت علية
_غصون ... أرق شبيج تبجين منو وياج
_أرق ... مابية شي حبيبتي روحي تريكي رحت للغرفة وسديت الباب وكعدت
_غصون .. دخلت المطبخ كاعدين أمي وأركان
صباح الخير
_أم أركان وأركان ... صباح النور
_غصون ...يمة شبيها أرق تبجي منو وياها
_أم أركان ... هية واخوج يايمة
_غصون ... أركان شبيك وية البنية فوك ماجبتوها من حضن أهلهة أنوب أنتة عليها بليل كل ما أكعد البنية تناشغ وتبجي خطية والله لو أدور كل النسون العدنة متلكة مثلها
_أم أركان ... يمة أركان تراها البنية مضلومة واني أول مادخلت البيت حبيتها روح كوم رضيها وخل تجي تتريك
_أركان ... سمعت كلام أمي وغصون حقهن يحجن اني هواي أذيتها رحت عليها دكيت باب الغرفة ودخلت وتقربت عليها كاعدة على الجرباية وصافنة بلكاع أرق أني أعتذر والله جنت أشاقة ماعبالي تاخذينها صدك
_أرق ... أركان روح مني ساعة تكسر وساعة تجبر روح ماريد أحجي وياك
_أركان ... أرق كبري عقلج وكومي وياي نتريك ترة جوعان
_أرق ... هذاك الريوك روح تريك ما لازمتك
_أركان ... ماروح ألة أنتي وياي
_أرق ... لعد ضل كاعد هناية أني ماكوم
_أركان ... كافي أرق كومي علمود العصر أخذكم نفتر
_أرق ... أبتسمت😊وكتلة صدوك والله
_أركان ... أي والله يلة كومي
_أرق ...أكوم بس بشرط
_أركان ... وهوو
_أرق ... تاخذلي أيس كريم🍧
_أركان ... جنج على أيس كريم أذا ماكو أني أصيرلج أيس كريم عمي بس كومي
_أرق ... هههههه وشلون أصيرلي أيس كريم
_أركان ... أصيرلج ماعليج أنتي وانطيتها ايدي يلة شوو كومي
_أرق ... أنطاني أيدة علمود أكوم لزمتها وكمت ضل قابض أيدي رحنة للمطبخ وخرت أيدي منة دخلنة كاعدات عمتي وغصون
_غصون ... من الأول هيج صيرو وريحوني
_أرق ...غصون العصر تحضري أروح نفتر أركان كال
_غصون ... عااااااا😆 صدك والله نطلع العصر
_أركان ... وسمممم نصي صوتج فضحتينة هسة ألكة المنطقة كلها متحضرة واكفة بلباب تروح ويانة على هاذ صوتج
_أم أركان ... يلة يمة خاف جانتلك وحدة ويلة كادر الهة أنوب أجتك ثانية
_أرق ... والله يتحملنة شنسويلة😝
_أركان ... أنتي صبي الجاي لو ابتلي بيج هسة
_أرق ... هوة راح أصب قبل لا تبتلي صبيت الجاي كعدنة نتريك اني ويا وغصون كاعدة يمنة عمتي راحت ضلينة نسولف ونضحك
_غصون ... باجر النتيجة مالتي
_أرق ... صدوك والله نشالله ناجحه
_غصون ... تسلمين أنتي هم أنشالله أشوفج أحلة محامية👩⚖
_أركان ... من سمعتها تكلها أنشالله أشوفج أحلة محامية حاجيت أرق ليش أنتي قانون
_أرق ... كلية سنة أخيرة خلصت بس صارت السالفة وبعدني مامقدمة
_أركان ... تحبيت تقدمين لو أقدملج اني
_أرق ... صدوك والله تقبل 😊
_أركان ... أي قابل مجذب عليج
_أرق ... بكيفك شتكول أنتة
_أركان ... أقدملج وأنشوف
#بارت5
📝_الكاتبة رقية✔
_أركان ... أقدملج ونشوف
_أرق ... خلصنة ريوك لميت المواعين غصون راحت تنظف البيت واني المطبخ خلصتة طلعت
_غصون ... أرق كملت بس بقت غرفة أركان مابية تعبت والله عزليها أنتي
_أرق ... أوكي حبيبتي أرتاحي أنتي رحت لغرفة أركان فتحت الكنتور طلعت الملابس الوسخة بلسلة والنضيفة رتبتهم أنوب الميز عزلتة جاي أرتب بل عطورة سحبت عطر أسمة أنا الأبيض مثل مال بابا ضليت صافنة بي
