رواية زهور بنت سلسبيل الفصل الواحد والخمسون
الحياةالسعيدة ليس في مانتمناه
ربماتكون شخص يأتيك كهدية
يمنحها لك القدر
يخلق لك شخصاًيشبه روحك
شخصاًيصبح توأمك اونصفك الثاني
شخص يغيرقوانين الحياةيتحكم بمزاجك
شخص مهماكانت الأوضاع سيئةيبقى
ملاذك الأخير
شخص لاتدري أصابك بسهمه أم
داواك بترياقه
ورغم كل شئ تظل انت أجمل الأقدار.
تجلس عينها علي الممددة علي الفراش موصل بها عدة خراطيم طبية يتردد في اذنها كلام الاطباء
الحمد لله العملية نجحت بس للاسف هيكون
في قصور في رجليها اليمين مش هتقدر تمشي بيها زي ألاول .
لتضع أحلام يدها علي فاها تكتم شهقاتها
ليكمل الطبيب /ومع العلاج الطبيعي هتتحسن
بالتدريج صحيح هتقدر تمشي لكن مش زي الاول لكن كل ده العامل النفسي عليه عامل
كبير بلاش نظرة الشفقه ال هتلاقيها في عيونكم
تعملوا معاها كانها طبيعية وياريت تبعد عن اي مكان ليه ذكري مؤلمة معاها.ل
تنظر لها بحزن لية الدنيا معنداكي والحظ مفارقك وكل ما اقول خلاص هتتعدل وفرجت القيها تضيق من تاني ل تناجي ربها.
أحلام / يا رافع السماء بلا عمد يا جامع يوسف
بيعقوب يارازق النملة في الحجر إشف زهور
بحولك ورحمتك يارب عشمتين في عفوك
ورضاك يا كريم يا حليم يا لطيف الطف
بزهروان بنت زياد وسلسبيل وإجبر
بخاطرها وبخاطري بإنها ترجع
تمشي زي ألاول.
رفعت راسها للاعلي علي صوت
نداء وهمهمات لتهب واقفه تقترب من
الصوت تحاول فهم ما يقال لتسيل دمعاتها مع تعالي همهماتها ومناتها بكلمات ليست مفهومه.
لتمر الساعات الاولي لزهور بغرفة الافاقة بجوارها
أحمد ممسك بيد زهور.
أحمد / زهور زهور سمعاني فوقي فتحي عيونك
يلتف إلي أحلام.
احمد / فاهمه من كلامها حاجه مين ال بتنادي
عليه ده.
احلام / لا مش فهمه مش عارفه ليه اتاخرت
علي متفوق ايه رايك نسأل حد من الدكاترة ولا الممرضات .
أحمد / ابتسم لها وعاود النظر لزهور، التي بداءت بفتح عينها تأن من ألالم.
زهور / اه اه.
أحلام اقتربت منها واحمد وقف. يتحدثان بصوت واحد حمدالله على سلامتك يا حبيبتي .
زهور / ببتسامة آلم الله يسلمكم قالتها بصوت ضعيف.
احمد / ينظر الي وجهها الذي تنكمش ملامحه وصوت انينوها زهور حاسة بايه وايه ال بيوجعك
زهور / انا تعبانه اوي ضهري حاسة بنار فيه وريقي ناشف وحاسه بإيديا متربطين مش قادرة أرفعهم.
أحمد / الحمد لله يا حبيبتي كده العمليه نجحت الحمد لله وجع ضهرك من الجرح وطالما رجعتي تحسي بضهرك العملية نجحت ميه في الميه .
زهور / الحمد لله بس انا ريقي ناشف عوزة اشرب.
احلام احضرت كوب ماء وأقتربت منها حاولت جعلها تشرب منه لتنجح بمساعدة احمد لجعلها ترتشف بضع رشفات بللت فمها وحلقها.
ليدخل الطبيب المسئول عن حالة زهور يبتسم وهو
يري أحلام وأحمد يجلسان علي جانبي الفراش ممسكان بيد زهور.
الطبيب / حمدالله على السلامة اخبار مرضتنا إيه.
زهور / الحمدلله بس ضهري وجعني وايدي مش قادرة أرفعها ورجلي فيها نار بتخرج منها.
الطبيب / عال قوي كده نقدر نقول العمليه نجحت
بنسبه كبيرة والوجع ده مؤشر جميل بانك رجعتي
تشعري برجلك من تاني.
زهور / وجع جامد اوي مش قادرة اتحمله ولا اوصفه
الطبيب / متقلقيش كل ده طبيعي الممرضة هتابع معاكي وتديكي الادويه بمواعيد، هتساعدك متكسيش بالوجع وتنامي كويس، وحمدالله علي السلامة مرة تانيه ليخرج من الغرفه مناديا احمد
بعد ما تابع كل المؤشرات الحيوية والكشف علي قدمها واختبار شعورها باصابعها ابتسم لها كله
تمام كام يوم وهتقدري تقومي من علي السرير
ونبداء بالعلاج الفزيائي.
احمد /خرح خلف الطبيب يساله بقلق ما سبب
نظرته وامتعاض وجهه.
الطبيب / دكتور احمد مش هخب عليك وانا بشوف
حركه اصابع القدم اليمني أكتشفت انها مش بتشعر بيهم لاني شكتها فيهم ومشعرتش بوجع او حصل اي ردة فعل بعكس الشمال .
احمد / قصدك اية زهور مش هتقدر تدوس علي رجليها مرة تانيه.
الطبيب / لا موصلش الامر لده هي هتقف وهتمشي
لكن بصعوبه في البدايه بس بالاراده والعلاجات
هتقدر تمشي بس مش زي الاول.
ظل احمد يسال الطبيب وشكرة وعاود الدخول للغرفه يبتسم رغم حزنه ووجعه علي حالة زهور.
تمر الايام وزهور بداءت في التحسن ويوم وراء
يوم ليتصدم بعدم مقدرتها علي المشي بطبيعتها
مع تذايد الم قدمها.
حاولت كبت دموعها كعادتها تدفن المها وحزنها
استجابة الي كلام الاطباء وشرعت بالعلاج
الفيزيائي حضر الطبيب احمد يبتسم لها
ممسك بيدة عدة اوراق.
أحمد / بنتي عاملة اية دلوقتي.
زهور / ببتسامه الحمدلله كويسه.
احلام / لا مش كويسه طول اليوم زعلانه ومش بتتكلم من وقت ما عرفت ان التنسيق نزل وهي
ساكته ورافضة تاكل وتشرب.
احمد / يقترب منها وايه ال مزعلك يا جميل.
زهور / التفت للجهه الاخري دون التحدث.
أحمد / امم شكل الموضوع عويس وانا
معرفش علي العموم خالينا دلوقتي
نكتب رغبات الست زهور واي كلية
تحب تدخلها وبعدين نناقش الزعل
زهور / التفت له بسرعه بفرحه.
بجد انا هدخل الجامعه وهلحق
ااقدم.
أحمد /اكيد طبعا تلحقي متلخقيش
ليه انتي ناسيه ترتيبك من الاوائل وكل كليات
القمه بتناديكي.
زهور / جلست تثني قدمها علي الفراش واقتربت منه تضمه لو ابويا الحقيقي مش هيعمل ال بتعملة معايا
ده ربنا يقدرني وارد جزء من افضالك عليا.
أحمد / افضال ايه يا مجنونه انا ابوكي وانتي بنتي
برضاكي او غصب عنك.
يلا نخلص كتابة الرغبات عشان الحق اوديهم بطريقي للمركز عندي عملية مستعجلة.
نزلت زهور من علي فراشها بمساعدة احلام ممسكه بيدها وباليد الاخري تستند زهور علي حافه الفراش
لتصل للاريكه بالغرفه وتجلسها اخلام بجوار احمد
وبداءت في قراءة الرغبات لتغمض عينها وتضم شفتها لتفتحهم مرة أخري مخرجه تنهيدة قويه
لتتحدث / انا مش عوزة كليات قمه ولا حاجه
انا هدخل اي كليه عاديه منها مش ملزمه احضر كتير
وسهل اذاكر موادها بالبيت واروح على الامتحانات
وفي نفس الوقت ما نتحملش مصاريف أكتر من طاقتنا.
أحمد / انتي ايه ال بتفكري فيه ده مصاريف ايه ال
شغلاكي دي اخر حاجه تفكري فيها وهتدخلي طب زي ما كنتي بتحلمي.
احلام / ببكاء هو انا كنت قصرت معاكي قبل كده لما ااقصر دلوقتي ، ليه عوزة تنسي حلمك ووعدك بانك
هتكوني دكتورة قد الدنيا وتثبتي للكل انك ااقوي
منهم ومن كلمهم.
زهور / تنظر لقدمها عوزة زمتكم الطب ينفع في حالتي دي ادخل طب او صيدله او حتي اي كليه
عمليه، واثبت لمين ياستي شكلي انكتب عليا
اعيش واموت زهور بنت سلسبيل.
احمد / سيبك من الكلام ال لا بيودي ولا يجيب
خلينا نكتب الرغبات وال ربنا ريدة يكون.
زهور / ونعم بالله بس زي ما قلت طب باشكاله لا
يعن لا.
احلام متدخله / خلاص خلاص نمسك العصاية من النص نكتب كل كليات القمه غير الطب وال تجي
هي نصيبك وتدخليها.
أحمد /بس يا ست احلام.
زهور / مقاطعه ما بسش زي ستي ما قالت هو ده ال هنعمله .
احمد خلاص ماشي زي ما انتم عوزين.
بداء احمد بتسجيل الرغبات حتي انتهي منها جميعا
وقف يجمع الاوراق.
احمد / يدوب الحق ااقدمهم مكتب التتسيق فاضل ساعه ويقفل. محتاحين متي حاجه انا للاسف
مش هقدر ارجع عندي كام عمليه بالمركز متاجلين.
خرح احمد وقدم الاوراق لمكتب التنسيق وذهب للمركز الخاص به لعمل العمليات الجراخيه.
مرت الايام وزهور ما بين العلاج الطبيعي
والجلوس بالقرب من النافذة دايما شاردة
مرت ايام اخري خرحت زهور للمنزلها
بعد محاولات فاشله من احمد اصتحابهم
معه لمنزله او شراء منزل خاص بهم.
احلام عاودت للعمل وقامت بفتح
دكان صغير بجوار روخيه تبيع به الخضار والفاكهه
تساعدها زهور لتمضيه وقت فراغها حتي ياتي معاد الذهاب لجلسات العلاج الطبيعي .
لتفيق في احد الايام علي صوت زغاريت في الخارج
لتخرج مستنده علي عصي طبيه تجد احلام ممسكه بورقه وتهلل بفرحه وهي تقترب منها.
تبارك لها مبرووك يا زهور جاتلك كليه الهندسه
.
زهور / رغم فرحتها بدخول كلية من كليات شعرت بغصه شديد.
اتي احمد ومعه سيدة جميله عرفهما على بعض واحتفالوا جميعا بدخول زهور كلية الهندسه.
