رواية اغفري لي الفصل الثاني والخمسون بقلم أوتار حزينة
يمامه
شاحجي كلشي انكشف واني انتهيت وانتهت قصتي ويا من باوع عليه وخزرني خزره موت لم العقد والهويات بايده بقوه وكام يرجف من غضبه
شمرهن واجه عليه بسرعه وضربني
راشدي من قوته انشمرت بالگاع
«،،،لااا مهيب
عمو اجه لزمه نفضه وسحب مسدسه من وراه
ووجهه عليه جنت اريد اموت بس
مو بأيده لان اعرفه بس
يسويها راح يموت
ورايه
كمت اسمع عياط امه وخاله وعيوني علي
كام يرجف من غضبه والسلاح
رجف بأيده رفعه لفوك
ورمى كم طلقه
وصاح بخبال
«،،ااااخ ولج ااااخ
ابوه لزمه جر روحه منه ونزل سلاحه ينهد من الغضب باوع عليه بنظرات تذبح
والوجه مطعون والعيون
مغوركه جز على
سنونه وكال
«،،،راااح اعوفج لان برگبتي دينج بس اكلج
حسبي الله عليج ونعم الوكيل
والله ياخذ حگي منج
ويحرگ گلبج مثل
ماحرگتي گلبي
حجه هالكلام وطلع من يمنا بسرعه ابوه لحكه
هو وامه ابويه هد عليه جرني من
شعري يغلط ويفشر
محد من المنطقه ادخل واخذوني بفضيحه
من يم بيت خاله
مهيب
الي سمعته خبلني وخلاني اطلع من يمها
فاقد للعقل اسمع ابويه يصيح ورايه
هو وامي
وصلت السياره وضربتها بوكس قوي
والخ تخبلت كمت اضرب بالحديد
بقوه ابويه گضبني
وصاح
«،،،كاافي ولك راح تأذي روحك
مشيت من يمهم رجع گضبني وصاح
«،،ولك وين راايح امشي ااصعد منا العالم
جرني للسياره ارجف من غضبي اردد
بجنون
«،،،اني ولج ااني تضحكين عليه
«««كافي وااصعد
صاح بي فتح الباب دفعني لجوه
صعدت امي كعدت يمي هو صعد وحرك بسرعه
صحت بخبال
«،،ليييييش ياااربي ليش
«،،،ولك شصااير بينك وبينها
«،،الصااار انضحك عليييه يمه
صحت ونفضت روحي لفوك كملت
«،،اااخ ولكم رااااح اموت
تخبلت كمت انفض بجسمي لفوك
«،،،وولج ليييش ليييش
كمت اضرب على وجهي اصيح
«،،امدااني يمه ولكم اامداني اني الي جنت
اضحك على البنات انضحك عليه
«،،ولج لو ميت ولا ساامع السامعه
ذبحت روحي من قهر السمعته
«،،ولك يمه كااافي
امي صاحت بيه وحظتني اصيح
«،،ولج يمه راااح اموت
«،،،اسم الله عليك يمه اني اموت قبلك
اخذوني لبيت حالي حال نزلت طبيت اعصابي
كلها ترجف وكبت بيه حراره صعدت
لراسي ضربت سندانه جبيره
وفلشتها
«،،كااافي شبيك انت تخبلت
ابويه صاح بيه صحت بخبال اشر على روحي
«،«ااني يابه اااني ينضحك عليه
«،،،،ولك يمه انت شنو رايدها
«،،اااي ومن ساااعه السوده من ردتها وحبيتها
سكتت من اختنگت وكملت بجنون
وعيون مغوركه
طلعت مو ارمله يمه
«،،،،ياابه انت سمعت شحجوا
موو كولو جذب السمعته ولكم
جذبوا عليه تره راح اتخبل
بس لااا اني سمعت اي وشفت ولكم
شفت عقد زواجها هي وذااك وطلع اسمها
يمامه مو حنين واني طلعت زوج
وكدرت تضحك عليه
واااخ من السوته
بيه ااااخ يااابه
صحت بخبال وجريت قميصي وشگيته ابويه
گضبني وامي تصيح وتبجي
«،،ولك كااافي راح يصير بيك شي
تخبلت وهديت على الغرفه الجانت كاعده
بيها وكمت اكسر
بالغراض
قائد
رجعت من الشغل افكر ب ليلى وبالي مشغول
بيها لان عمليتها قربت ومابقى الها غير
ايام وتولد
وصلت للبيت نزلت طبيت للمطبخ سلمت على خاله وصعدت لفوك رحت للغرفه هي واكفه تصفط الهدوم
شافتني ابتسمت واجت عليه لميتها بحظني بستها من خدها
وكلت
«،،راح التعب بس شميت عطرج
وخرت ابتسمت وردت
«،،واني هم من اشوفك ارتاح كلش
وافرح لشوفتك
««،،شلونج اليوم
«،،،زينه
جاوبتني وكملت
«،،اروح اسويلك غده
«،،،لا مااريد
صفنت عليه سالت
«،،،،بيك شي يعني صارلي فتره اشوف اكلك
قليل وبس صافن
«،،والله صاير مااشتهي
«،شعجب مو انت تسحك الاخضر واليابس
دحكت عليها مبتسمه ذبيت حسره جاوبت
«،،، افكر بيج
««ههه انت دائما تفكر بيه ومو جديد هالشي
سكتت كالت وره لحظه
«،،لا الموضوع عبالك جاد لان ماضحكت
خير ابو ادم شبيك ليش المزاج
متخربط اليوم
«،،شايل همج
وخايف عليج كلش
كعدت رحت يمها تنهدت وردت
«،،اسكت قائد تره اني هم خايفه ومتوتره بس
كاعد اگابر واسوي روحي سبعه كدامك
انت وماما وبابا
«،،شأريد احجي اكلج لاتخافين هو اني ميت خوف
«،،،لا عفيه شجعني تره من اشوفك هيج
اخاف بعد اكثر
جهازي دك طلعته من جيبي جان عم محمود
فتحت الخط فزيت من سمعت
صياح مهيب هو حجه
«،،يابه قائد تعاال علينا بسرعه
«،،شكو عم شصاير
«««ولك اابني تعال مهيب تخبل وبعد مااكدرله
وخايف علي لايسوي شي
بروحه
«،،جاااي
سديت الخط ليلى سألت بخوف
«،،شكو قائد شصاير
«،،مااعرف مهيب ماادري شبي
نزلت بسرعه خابرت حسين وكتله تعال على
بيت مهيب مااعرف شبي ،،،،صعدت سيارتي
ورحت عليهم،،،،، وصلت دگيت الجرس اسمع
صوته يصيح ابوه فتح
الباب وصاير فد
مره
«،،ولك يابه الحك علي ابني تخبل ماظل
عقل براسه
مشيت بسرعه ويا طبيت من الاستقبال
اسمعه يصيح وشي يتكسر
رحت وره ابوه طبيت غرفه تفاجأت
من شفته يكسر بالاثاث مو شخص ثاني
واحد مخبل الشفته جدامي رحت گضبته بقوه
ينفض بروحه ويصيح
«،،وولج ليييش سويتي بيه هيج لييش
امه متخبله علي وتبجي وحالها حال ابوه گضبه وياي نفضنه وراح على الميز تواليت وضرب المرايه
بأيده بقوه وكعت علي صحت بي وگضبته مره
الخ
«،،،ولك شبيك شجااك
اريد اگضبه ماكو متخبل وينفض بروحه
لفوك الجرس كام يفشر عليه
ويغلط
«،،،عووفني كواااد ولك عووفني
الجرس اندك صحت
«،،عم هذاا حسين
طلع من يمنا بسرعه امي تعيط
«،،ولك يمه كااافي راح تروح من ايدي
ماكو فاقد وصاير فد مرة حسين طب
گضبه وياي ينفض بروحه
ويغلط علينا اسمعه
يصيح
«،،،اااريد اموووت ولكم اااريد اموت
الله لاااايوفقج عساااها بحظج
وبختج حرگه گلبي هاااي
حجه هالكلام وانهار بين ايدينا
اخذنا من الغرفه يسحل برجلي اسمعه يبجي بخنگه
امي تبجي علي وتحجي على
ام يمامه
عرفت صاير شي جبير وخلاه هيج يصير
ودينا لغرفته خلينا على الجربايه
من تمدد انتبهت ايده جاي
تنزف كلت
«،،،خاله جيبيلي خاولي فد شي اخلي
على ايده لان جاي تنزف
«،،سوده بوجهي وساعه السوده من اجت
وطبت بيتي
حجت هيج وراحت جابت خاولي من
الكنتور انطته اليه حجه
بصوت رايح
«،،اطلعوا وخلوني وحدي
«،،ولك يمه ليش كاعد تسوي بروحك
كام وصاح بخبال
«،،اااطلعوا تره راح اهج من البيت وبعد
ماتلكوني باي مكان
«««ام منير اطلعي وخلي الولد يمه
ابوه حجه اخذ امه وطلعوا من يمنا
كعد لازم راسه يون بقهر جنت اعرفه هو هسه
محتاج يكعد وحده مريت بهل الشي
واعرفه بشنو يحس
اشرت لحسين وطلعنا من يمه
ابوه يروح ويجي بالصاله امه كاعده تبجي
شافتنا فزت وكالت
«،،،يمه لاتعوفو وحده
«،،خلي وحده خاله واحنا راح نظل رايحين
جايين علي
كعدت تبجي بقهر حسين سأل
«،،عم محمود نكدر نعرف شصاير وخلاه
هيج يصير
«،شاحجي يابه والله اني لحد هسه مو مصدك
السمعته
ابوه رد كعد وكمل بتعب
«،،،طلع يحب ام يمامه ويريدها واني لا ادري
ولا اعلم
«،،،جنت اشوفه يباوع عليها بس كلت مهيب
عيونه تحب الحلوات وهي حلوه
بس والله جانت ثكيله وشايله اخلاق تخبل وماشفت منها شي تجاهه بالعكس
جانت تتعامل ويا
بأدب ومافد
يوم شفت منها شي مو حلو
امه حجت وكملت
«،،،شمدريني هو طلع يحبها وهي شلون املته
بحبها شلون يمه وهي طلعت مو ارمله
ومهزومه من رجلها واهلها
كالت هالكلام واختنگت
فكيت عيوني مذهول حسين كال
«،،شنوو يعني ام يمامه رجلها طلع عايش
«،،،اي ومهزومه منه ومن اهلها
وطلع اسمها يمامه مو حنين
ابوه جاوب بقهر صفنت على حسين
سألت
«،،،،زين انتو شلون عرفتو هالشي
حجالي الصاير بيت ام ياسين اسمع ومذهول
من الكاعد اسمعه حسين سال
««،،عم انتو ماشفتو هويتها هو ماشافها
«««لا يابه ماشفنا اي شي يخصها وثقنا بيها
لان اجت وي ام ياسين وصدگنا
بقصتها من حجتها
النا
««،زين انتو ما سالتوها هي ليش
سوت هيج
سالت امه ردت
««،ولك يمه سألنا وهو سألها ساكته لا حجت
كلمه ولا دافعت عن روحها
ابوه راح لغرفته دحك علي ورجع امه
كالت
«،،خما بي شي
«««لاا تمدد
«،،،سوده عليه يمه شسوه بروحه من وراها
رجعت تبجي تردد
«،،شلون سويتي هيج وشلون خليتي
يحبج وانتي على ذمه
رجال ثاني
يمامه
ماجنت خايفه على روحي بكثر خوفي على
يمامه الي طگت من البجي
وماسكتت
جنت اعرف شراح يصير بيه وشفته اول
ماوصلت لبيتنا بس طبيت قويدر
جرها من ايدي وانطاها
لسعيد خزرني
وكال
«،،،اني ولج انضرب من وراج ومن منو
من الگواد مالتج
صحت بي ارجع ليوره
«،،،،تاج رااسك هذاا
تخبل وهد عليه كام يضرب بيه بوكسات
نزلت للگاع احمي روحي اسمع
يمامه تبجي وتصرخ
دعيت عليهم
«،،،الله يااخذك انت ابويه ياااظلام
التمو عليه مثل الذيابه وكتلوني كتله موت
اخر شي قويدر لزم راسي وضربه
بالگاع فقدت الوعي
وره مشوار فتحت ووعي شويه شويه كام يرجع
اليه حسيت بروده بكل جسمي وصايره
ثلج شفت روحي بالمخزن
الجنت كاعده بي
اني وحنين
سمعت صوت يمامه تبجي ابويه
صاح بيها زادت بالبجي صوتي
طلع مبحوح وبصعوبه
«،،،جيبوووها ياظلام يالمتخافون الله
ماسمعوني اسمعها تصرخ صرخت
«،،ووولكم جيبوها يمي
الباب انفتح قويدر طب هو وابويه ومنيره شايلتها
سعيد وكف يم
الباب
شافتني صاحت
«،،،اامه
جابتها ذبت روحها عليه حظنتها لصدري
تبجي بشهكه وصوت قوي كلت
«،،،حسبي الله عليكم كلكم ونعم الوكيل
الله ياخذ حقي منكم واحد واحد
ياظلام يالمتخافون
الله
قويدر هد عليه لزمني من وجهي
وعصره بقوه وصاح
«««والج عين تحجين ياااگحبه ولج والله لو اذبحج هسه مايبرد گلبي
حجه هيج وضرب راسي بالحايط يمامه
عاطت وختلت بحظني
هو حجه
«،،،،عبالج ماراح نلگيج صادج سعيد من
شافج وي هذا النقيب من طلعتو
من المستشفى
«««شجنتي تسوين ويا بهل الليل وبالمستشفى
سعيد سأل مارديت علي منيره كالت
«،،،اكيد مسويلها شي وراحت تشوف نفسها
«،،،انطيتي رووحج موو
ابويه حجه مارديت ضربني جلاق اجه
بصفحتي بجيت بخنگه كلت
«««كلكم راح تصيرون شريفين براسي وانتو
جنتو تريدون تبيعونا اني واختي
لابو جون
منيره كالت
«««عواد هذا ماراح يعوفها لان الله اليدري شمسويه ويا وشايف منها حتى هيج يهد
عليك انت وقويدر
ويضربكم واكيد هسه راح يكوم يدور
عليها وخايفه لاتسويلنا
سالفه ويا
«،،،،،عليمن يدور وهو من عرف بيها مزوجه
تخبل وراد يگتلها
سعيد رد قويدر كال بغضب
«««والله فلا اعوفه مادام مد ايده علينا اني
وابويه
من سمعته شحجه نسيت وجعي وضعفي
وصحت بي بخزره
«،،،وروح ااامي ياقويدر اذا سويتله شي
الا اذبحك بسنوني اموتك
ولك اذا فكرت تمس
شعره منه
هو سمعني شحجيت هد عليه انداريت
احمي يمامه ضربني بوكسات
على ظهري وراسي
«««ولك كاافي راح تموت بأيدك
منيره صاحت بي جرته مني هي وسعيد
ابويه تفل عليه وكال
«««كحبه تريدين تذبحين اخوج من وره
الگواد مالتج
«،،،والله لاااذبحج واذبحه وهسه شوفين
يااساقطه
قويدر حجه ابويه انهد بي
««اااسكت ولك شتريد انت تبلينا وي الدوله
سعيد حجه
««،،عواد رجعلي فلوسي اني بعد مااريدها لبنتك
«،،ليش يابه ماتريدها خفت من هذا النقيب
قويدر رد علي جاوبه
«،،،،لاا ماخفت بس اني دفعت مهر بنيه مو
وحده الله اليدري شصار بيها
وشسوت ويا
«،،،،ايبااخ شوفو منو يحجي بالشرف وصاير
شريف براسنا
«،،،،ااحترم روحك قويدر واعرف احجي
«،،،ولك اسكت تره اني وياك طابخي سوه
ونعرف انت شنو وامك وخواتك
شنو شغلهن
سعيد سكت ابويه كال
«،،،،هااي ماظل هنا هسه تخابر صديقك الي
ياخذك لاربيل يجينا حتى ناخذها اني وياك
لابو جون تتفق ويا على سعر زين
وننطي هذا الي دفعه
«،،،وهاي بنتك شلون وين نوديها
منيره سالت سعيد رد
«،،،،اخذوها وياها وووين ماتريدون تودها
ودوها عسى ذابيها بالشارع
وهذا الصار قويدر وابويه اخذوني بليل لاربيل
طول الطريق يهددون بيه بيمامه
لا كدرت افك حلگي بكلمه
ولا كدرت اسوي
شي
جاعت وظلت تبجي
توسلت بيهم على مي وبسكت حتى
انطيها وجابوه اليه بالطريق
اكلت شويه وغفت
بحظني
جنت اريد انهزم من عدهم بس هم جانو حذرين وعيونهم عليه من شفت روحي راح انباع
لابو جون تندمت ندم جبير
لان ماحجيت اله قصتي
من الاول جان على
الاقل افتهم وعرف
اني بعدني بنيه
والصار كله
غصب
ماعليه
بس بعد مايفيد الندم وخسرته للابد وخسرت
روحي ويا ومااعرف شراح يصير
بيه من اوصل ليم هذا
الگواد ويمامه
وياي
دعيت الله وتوسلت بي يخلصني منهم
بمعجزه
والله استجاب اليه من وصلنا اربيل جانت
دنيا ليل طبينا شارع ضيق جان صاير حادث
صديق قويدر راد يرجع صارت
وراه سيارات
«،،هاي شلون سالفه
حجه ونزل يشوف شصاير صارت هوسه
والناس التمت ابويه حجه
بضوجه
«،،،ماتشوفه هذاا وين ولى وعافنا
«،،اي بس ديربالك من هاي الساقطه لاتنهزم
ابويه لزمني من ايدي بقوه قويدر نزل وراح ليم الحادث الشرطه انتشرت واجوي
وكفو يم السياره الي اني
بيها اثنين افترو عليها
راحوا للرقم
بعدين اجوي دكو الجامه اشرو اله انزل
ابويه توتر وخاف وسحب ايده مني
رجعو دكوا الجامه مايعرف
شسوي بس فتح
الباب ونزل
شفت قويدر والسايق اجوي من بعيد
بدون تفكير فتحت الباب وحظنت
يمامه بقوه لصدري
بس خليت رجلي بالگاع ركضت ماباوعت ليوره
طبيت دربونه ضيقه وخليت كل قوتي
بيهن وعبالك الله ساعدني وانطاني قوه
من عنده
يمامه كامت تبجي لفيتها بالباطنيه الي اخذتها من المخزن وحظنتها بقوه لصدري
ظلت تبجي
مااعرف وين طبيت ووين فتت بس اعرف
بروحي رگضت بين الدرابين لفتره
طويله
كعدت على عتبه باب فوگايه سقيفه
انهد وعرگانه كلش دموعي تارسه وجهي التفت خاف هم ورايه وسنوني وحده
اطك بالخ
ماكو احد والدنيا كامت تمطر وصارت ثلج
الفرع فارغ ومابي احد
كلت بشهكه
«،،وين اروح ياربي
كمت مشيت كم خطوه المطر بللني رجعت لنفس
المگان خايفه على يمامه لاتبلل
وكفت يم الباب انفتح رجعت ليوه
خايفه بس گلبي اطمأن من شفت رجال جبير
باوع عليه بعدين حجه بالكردي ماافتهمت
كتله
«،،،اني عربيه
حجه عربي مكسر
«،،انت شسوي هنا
منتضر اجه بالي كلت
«،،،،عمو اريد اتصل على اخويه
ماافتهم سويت على اذني اتصال
«،،ها اي
هز راسه رجع لجوه وبعدين اجه ويا مره
جبيره صفنت عليه مااعرف
شحجت ويا بالكردي
هو اشر الها
سكتت
انطاني جهاز بسرعه اتصلت على
اخويه بس فتحت الخط
حجيت
«،،،منتضر اني باربيل تعال اخذني
«،،صددك
«،،،اي ااي
«،،،،،انتي وين
«،،،،ها مااعرف
فريت راسي على المنطقه ماعرفت اي
شي كلت
«،،،منتضر مااعرف اني وين
«،،،،احد يمج
«،،،اي اكو حجي كردي اخذت جهازه واتصلت
عليك منه
«،،،،ولج شصاير
«،،،بعدين احجيلك الصار بس تعال عليه
ولك يمامه تبهذلت وراح يصير
بيها شي
«،،،،،انطيني الرجال
«،،،،هاك عمو
انطيته الجهاز حجه وي اخويه بعدين
سده اشر طبي جوه
خفت وهزيت راسي بلاا
«،،االمريه حجت بالكرديه تاشر على يمامه
جانت غافيه ووضعها تعبان كلش
واشرت لجوه
ترددت بعدين ذكرت اسم الله وودعت روحي
اني وياها امانه يمه وطبيت وراهم
فتت لغرفه دافيه وموقد مشتغل
حسيت بروحي صخنت
ولزمتني البارده
كعدت قريب من النار هم كعدو گبالي
صافنين عليه نزلت راسي
خجلانه منهم وامسح
بدموعي
ماحجوا شي لان مايعرفون عربي وره مشوار
الباب اندك كمت بفزه خايفه لا هم اجوي مو
منتضر الرجال طلع رجع وره مشوار گلبي كام يدك سريع جسمي فك وهدأت من طب هو
عليه ملهوف
من شفته
انهاريت
اجه حظني وكمت ابجي بصوت
قوي
الصار بعدين اخويه اخذني يمه يمامه سلمت
من الصار بينا بس اني وكعت مريضه
بالفراش يومين مااعرف وين صارت بيه
الدنيا اهذي والوب من وجع راسي وجسمي
ثالث يوم فگت الصخونه ووعي رجعلي
شفت روحي نايمه على فراش
بالگاع منتضر گبالي
بحظنه يمامه
ترضع ممه
شافني فز اجه سال بخوف
«،،ها يمامه شلونج اليوم
سحبت روحي كعدت خاولي وكع من راسي
مبلل بأيدي كانوله جاوبته وصوتي طلع
مخنوك
«،،،،زينة
كعد يمي يمامه اجت عليه خليتها بحظني
كال
«،،اكوم اجيبلج لكمه تاگليها صارلج
يومين على المغذي
طلع من يمي ورجع وره مشوار شايل صينيه
خلاها يمي بيها كاسه شوربه وفلافل
وصمون وزلاطه
حجه
«،،اكلي لكمه حتى يرجعلج حيلج
دموعي نزلت ذب حسره سأل
«،،منو مهيب
صفنت علي من سأل كمل
«،،،بهل اليومين من صخنتي ووكعتي عليه
ظليتي تهذين بأسمه
نزلت راسي وكمت ابجي بصوت
«،،،،ابويه وقويدر الي سوه بيج هيج
هزيت راسي باي
«،،احجلي الصاير ووين جنتي كاعده
وهذا الولد منو الي جنتي
تهذين بأسمه
طلعت الي بگلبي اله من اول يوم انهزمت بي
لحد هاي اللحظه وماضميت علي
شلون هو حبني وذبح روحه
عليه تفاجأ وكال
«،،،،ولج ليش ماحجيتي اله يمامه هذا نقيب
ويكدر يساعدج ويخلصج من
ذوله العارات
«،،مااريد اي شي منه
«،،ليش مو كلتي راد يزوجج
«،،اي بس خلي يبعد عني وعنهم لان انت
تعرف اخوك شنو هو
سكت كملت
«،،الولد اكثر من مره راد يكتلوه المايخافون الله
والله يخلصه من الموت ومو بعيده
لو خليته يتصرف وي اهلك
مايروح قويدر بليله
ظلمه ويغدره
«،،،يمامه والله يذبهم بالسجن ويخلصنا منهم
ومن شرهم واذيتهم
«،،،اي واخوك يدز جماعته ويخلصون علي
بداله
سكت بعدين رد
«،يسويها والله لان اخوج مجرم وماعنده
مخافه الله وجماعته انكس منه
جاوبني وبعدين كال
««،زين بس احجي اله الحقيقه خلي يعرف
انتي مظلومه وابويه انطاج لسعيد بدون
ماتدرين
«،،لااااا
«،،ليش يمامه
«،،بس يعرف ماراح يعوفني راح يجلب
بيه بعد اكثر
«،،يمامه بس فگري زين والله حرامات تخسرين
هيج ولد وانتي كلتي سوه المستحيل
حتى تقبلين بي
«،،ماراح احجي شي وخلي بعيد عني
«،،مو راح يكرهج
«،،خلي يكرهني وينساني
لان اني ماافيده لا ثوبي من ثوبه
ولا مقامه من مقامي
اخويه صفن عليه كملت بگلب ممرود
«،،،،خلي يروح ياخذ وحده يكدر يرفع راسه
بيها وباهلها مو اني لان اعرف
نظرات العالم شلون
راح تصير لو عرفو
هو اخذ وحده
جانت تشتغل خدامه عدهم واهلها
ناس عارات
منتضر سكت بعد ماحجه شي
الايام مرت عليه واني لا اطلع ولا اطب خايفه
من ابويه وقويدر لا بعدهم
هنا ويدورن عليه
اعرف بروحي اذا وكعت بأيدهم ماراح
يرحموني بهل المره يقتلوني ويذبوني
باقرب مزبله ويمامه
مصيرها يصير
مجهول
قائد
اروح واجي يم صاله العمليات متوتر
وخايف كلش على ليلى امها يمي هي وامي وابوها
واخويه احمد
سألت
«،،مو عبالك طولت جوة
«،،لا يمه ماصارلها جثير من اخذوها
امي ردت رحت وكفت يم الحايط وسندت
روحي علي ادعي بگلبي تطلع سالمه
هي وابني
وره وين ممرضه طلعت سالت
«،،،منو وي ليلى فاروق
«،،،،ااني
جاوبتها بسرعه الكل وكف يمها
ردت
«««مبروك اجاكم ولد
«،،،الحمد لله والشكر الك يارب
ابوها رد سالت
«،،،وهي شلونها
«،،زينه هي هسه بالافاقه من تكعد انطلعها
«،،،،اكدر اشوفها
««،لا مو هسه بعد الما تكعد ونوديها للغرفه
مالتها تكدر تشوفها انت والاهل
رجعت لجوه امي باستني فرحانه وكامت
تبجي
«،،مبروك يمه ماجاك
«،،تسلمين يمه
امها كعدت تبجي ابوها كال
«،فضت ام ليلى على خير واجانا حفيد
حجاها بعيون مغوركه ومبين علي الفرح
وره مشوار طلعوها من العمليات
اخذنها لغرفه خاصه
شلتها وخليتها
بالفراش
تون
«،،،اخ ماما
باستها وكالت
«،،سوده عليه فگها البنج وكامت تحس بالوجع
ابوها اجه ليمها باسها من گصتها وكال
«،،،اسم الله عليج بنتي
امي كالت
«،،اروح اشوف ادم خلوه بالخدج
وظل احمد يمه
ابوها كال
«،،،اني جاي وياج
ظليت بس اني وامها يمها حجت
«،،،شفتي شسوه بيه
حجت هيج وعرفت البنج بعده وراح تغرد
سالت مبتسم
«،،منو هذا وشسوه بيج
«،،ورطني
خربت ضحك امها كالت مبتسمه
«،،هذا البنج بعده بيها
«،،اي والا اصورها
«،ولك اكعد راحه والله بس تعرف انت مصورها
بهل الحاله الا تتخبل عليك
«،،،بروح ابوج خليني اصورها
حجيت هيج وطلعت جهازي كعدت يمها
احجي وياها
«،،،منو الي ورطج
«،،،ماما اذوني
«،،منو اشعل اهله الي اذاج
«،،اخ راح اموت
«،،،اسم الله عليج لعدوج الموت
«،،،بعد مااريد
«،،،عفيه بيج عاقله وتفتهمين
«،،اخ الوجع يموت
«،،بيه ولا بيج هالوجع
«،،،،قائد
«،،ها ياشريان گلبي
«،،،ابني وين
«،،،بالخدج يلعب طوبه
«،،،ولك كافي
خاله حجت تضحك اشرت الها كالت
««،انزول على عدوك والله هي الي راح
تلعب بيك طوبه بس تشوف
شلون مصورها
ظلت تون وتذكر اسمي
ابوها رجع كال
«،،الف الحمد لله والشكر وزنه زين هو
وصحته
شويه شويه رجعلها وعيها بس جانت تتوجع
من العمليه جابو ادم من
شافته الوجه
تغير للفرح
حظنته ومنظرها هي ويا اخذو گلبي
دحگت عليه كالت
«،،،،شوفه شلون حلو ومدنفش
مارديت حسيت حلمي االجنت احلم بي
من زمان تحقق وشفته جدام
عيوني واقع
الي عشگها گلبي ومتت عليها صارت
الي بعد تعب وعذاب جبير
وهذا ابني بحظنها
حسيت بفرحه جبيره
خلت عيوني تغورك
اندرايت مااريد احد يشوفني بهل الحاله
اخذت نفس وذبيته بعدين
دحگت عليها صافنه عليه
هي من دونهم
انتبهت
ابتسمت وكلت
«،،انتي داريتي زين وطلع مدنفش مثلج
«،،،جر صلاوات يمه لاتحسدها وتحسد
ضناك
امي ردت جرينا صلاوات على نبينا محمد
ورجعنا ثاني يوم وويانا نفر
زايد
كعدنا بالغرفه الجوه منا الما تصير زينه ونصعد
لغرفتنا اول ماصرنا وحدنا
اخذتها لحظني
وكلت
«،،،،مبروك ماجاج ام ادم
«،،،،وانت هم مبروك ماجاك ابو ادم
هم ليلى انشال من گلبي بس هم مهيب ظل
براسي وظليت افكر بي ومقهور
علي كلش
لان عرفت رجع للشرب من وره الصار بي
شفت روحي بي من صار بيه
الصار شلون ضعت
ومشيت بدرب
اعوج
وهو بعد ماعافه من وره هالبنيه هي بنفسها
رجعته الها وماعرف شلون راح
نخلي يجوز منه وينسى
الصار بي
كاعد يم ليلى ترضع ادم سالت
«،،شخبار مهيب
«،،،ضاع ووضعه صاير مايعجب
جاوبت وذبيت حسره كملت
«،،اني مااعرف ليش،احس هالبنيه بعد اكو
شي ضامته بگلبها
«،،اكثر من الي عرفه
جاوبتني رديت
««،الصار بينا خلاني بعد ماأستعجل بالحكم
على الناس
سكتت وصفنت عليه كملت
«««ليلى هالبنيه اني متاكد هي مظلومه واكو
شي صاير غصب ماعليها
«،،،ليش متاكد يعني سامع شي يخصها
«،،،لا مو سامع بس يعني اذا هي على ذمه
رجال شلون تورطه وادكله هي
تحبه
«،،اني هم فكرت بهل الشي بس يعني انت
كلت هو واجهها كدام اهلها وماحجت شي ولا دافعت عن نفسها
«،،،،هنا القتل هو هذا الي مدوخني اذا غصب
ليش ماحجت وهي تعرفه هو منو
وشيكدر يسوي الها
جاوبت وكملت
«،،والله دخت بهل السالفه وهو جاي
يقهرني كلش لان رجع يشرب من قهر الي
عرفه
«،صدك
صاحت مذهوله رديت
««اي ولج اي خابرته مايجاوب اضطريت اخابر
ابوه وگلي على وضعه حتى صاير مايروح
عليهم كاعد بشقته
«،،،قائد لاتعوفه خاف اسم الله يسوي
شي بروحه
صفنت عليها من حجت بخوف دارت
وجهها كملت
«،،صعبه من تحب من گل گلبك وتنغدر
عصرت گلبي من حجتها بحزن كلت اذكرت
السويته بيها ماحجيت شي كملت
«،،اخذ حسين وروح عليه لاتخلوه وحده
«،،،باجر اخذه ونروح علي
مهيب
انتهيت وكلشي مات بيه من سمعت السمعته
عالمي الي جنت راسمه بخيالي
انهار بلحظه
الجنت احبها وكتلت روحي عليها طلعت
وحده جذابه جذبت عليه وخلتنا كلنا نصدك
كذبتها
اني الي اضحك على البنات وابجي عيون تجي
وحده زعطوطه تضحك عليه وتبجي
عيوني رددت بقهر
وگلب ممرود
«،،ليش جلبت بيج ولك ليش ماااعفتها من رفضتك
اول مره هيج ااحسن شوف حالك
شلون صار صرت مضحكه
للكل
الباب انفتح طب اخويه منير كلت
«،،،،خلوني وحدي
اجه ليمي كعد وذب حسره كال
««،،شلون وياك راح تظل بهل الحاله
مارديت كمل
«،،مهيب اعرفك قوي وماتهزك مره
«،،لا هزتني وخلتني اصير مضحكه الكم
ولغيركم
جاوبته بغضب ابويه اجه وكف يم الباب
ماحجه شي كلت
«،،الله يخليكم عوفني وحدي ولاتخلوني
اولي لمكان محد يعرفه وين
«،،،ولك سفرنا قرب واني ماجاي اكدر اعوفك
بهل الحاله
«««لا عوفني اني اريد اظل وحدي ومااريد
اي احد يجي عليه ولا يشيل
همي
اخويه سكت ابويه گله
«،،منير ابني تعال
اخويه كام صافن عليه بقهر طلع وسد
الباب وراه ضربت راسي
بالجربايه اردد
«««اخ يابه ولكم ااخ من الكاعد احس بي
نار مشتعله بصدري ومااعرف
شلون اطفيها
والنار كمت اطفيها من رجعت للشرب وتركت
بيت اهلي وكعدت بالشقه مالتي
لا فاد بيه حجي ولا زعل
امي وابويه
ردت انساها تموت بگلبي وعقلي بس
لا نسيتها ولا كدر الشرب
يشيلها من راسي
عفت اهلي وعفت بيتنا لان جنت كلما اطب
اله اتخيلها بي واسمع صوت بنتها
اشوفها تمر من جدام
عيوني
رحت كعدت بالشقه مالتي صافن والجگاره
بأيدي هي براسي لا راحت ولا راح تروح
اعرف بروحي ماراح اكدر
انساها
لان حبيتها حب جبير وتعلقت بيها كلش
غمضت اذكر من اول مرة من شفتها لحد ماعرفت قصتها الحقيقيه ونيت وكلت
«،،وينج ولج تعالي شوفي حالي وشسويتي
بيه هديتني من الله لاينطيج
وخليتني جسد بلا
روح
الجرس اندك ماكمت ولا تحركت رجع دك
مادرت بال اتصال اجاني
جان قائد عرفته
بره
كمت جريت رجلي فتحت الباب جان
هو وحسين درت روحي منهم
ورجعت كعدت بنفس
مكاني
طبو صفنو على الميز شافو المشروب ماحجوا
شي كعدو قائد سال
«،،شلونك يول
ابتسمت بالم وجاوبت
«،،،شجاي تشوفني زين
سكت جريت گاس وشربته حسين كال
««،مو كافي سم
«،اذا راح تظل تحجي هيج اكلك اطلع بره
ماحجه شي ورثت جگاره الخ قائد
كال
«،،،اهلك يريدوك
«،،واني ماريد احد
جاوبته حسين سال
«،،راح تظل هيج قاهر روحك وقاهرهم
سكتت بعدين سالت بقهر
«،،هو هذا الحب الي جنتو تحجون بي
ماحجو شي كملت
«،،من خرب بي وساعه السوده من گلبي
دك وحبها
«،«يول قابل بس هي بهل ااا
اااش مااريد اسمع كلمه اكو غيرها
وروح ازوج
رديت على حسين وكملت
«،،هذااا
ضربت على گلبي بقوه وكملت
«،،ماااات ولكم حبها ومات
لا راح يحب بعد ولا
راح يدك بذيج
الداكه
ونيت وكملت
«،،ومن امداااه اي والله عاف كل البنات
وراح حب وحده طلعت مهزومه
من رجلها
اختنگت وكملت
«،،،،ولكم شلون راح اطيب فهموني شاسوي
حتى انسى
محد رد اشرت لقائد وكملت
«،،،ماراح انسى موو
ذب حسره هزيت راسي وكلت
«،،،اي ماراح انسى شفتك شصارك بيك
بس قصتك مو مثل قصتي
انت الظالم جنت
واني المظلوم
رجعت راسي ليوره اون
«،،اخ ولكم راح اموت من قهري
ماجان عدهم كلام يواسوني بي لان وضعي
جان وضع واحد منتهي لا كلام
يطيبه ولا اي شي
يكدر ينسي
الصار بي
جنات
ردت اخذ اجازه طويله واكعد بالبيت لان ردت
ارتاح من الدوام وهم اتفرغ لبيتي
وولده وكلت لأرشد وافق
وسوها اليه
بهل الايام التهيت ارتب بالبيت واسوي شغلات
على ذوقي وغيرت الديكورات وضفت
لمساتي يوم على يوم كام يصير
بعد احلى
رتبت غرفه لأدريس وتماره واشتريت الهم
زحليكه وخليتها بالحديقه واخذت سياره
حتى يلعب بيها بالكراج
هم شويه شويه كامو يتعودون عليه وكاموا
يظلون يمي ويباتون
واكفه اسوي الغده هم يلعبون يمي
كل ساع اباوع عليهم
الباب اندك شفت بالشاشه الي خاليها
بالمطبخ امه جانت كل كم يوم تجي
علينا تذب حجي وتغثني
وتروح رحت فتحت
الباب وكلت
«،،هلا عمه
«،،،،هلا
ردت بضوجه مثل كل مره
طبت سالت
«،،،وين جهال ارشد
«،،بالمطبخ
طبت لجوه اني وراها كالت
«،،هاي شلون تعوفيهم وحدهم والطباخ مشتعل
والجدر فوكاه
«««الجدر بعيد مو قريب من الحافه
كعدت تباوع للمطبخ وتفر براسها حجت
««ادريس ماتمشي وياي انت وتماره لبيتنا
«،،لاا ابقى هنا
وجهها تغير من رد هالرد باوعت عليه
سالت بنفس اللهجه
«،،ماصار عندج شي
صفنت عليها وجاوبت
«،«لااا
«،صدك شلون نسيت مو كالو انتي مايصير عندج
نغزتني والنغزه عبالك صارت بگلبي رديت من
انداريت
«،،اني مابيه شي رحت اكثر من دكتورة
وكالن اليه كلشي طبيعي عندج
«،،عجل اذا كلشي طبيعي عندج ليش ماصار
عندج من ذاك الي ازوج عليج
وطلگج
«،،امر الله عمه وقصتي مثل قصه عمه وداد
اخت عمو
جاوبتها وانداريت سكتت من رديت هالرد
باوعت على ولد ارشد وكالت
«،ابني صح عدنه ولد وبنيه بس اني اريدله
بعد خما يظل بس عليهم
مارديت كملت
«،،،لازم هم يجي بعد ولد حتى يصيرون حزام
ظهر اله ولاخوه واني ردت اله وحده من اهلي بس شاسويله ركب راسه وعاف البنات واخذج
الج
جان المفروض ماتحجي هيج لان هي تعرف
بنت اخوها شسوت بابنها بس لان
عبالها اني مااعرف بالصار
اخذت راحتها بالحجي
وماردت احجي بالي سمعته منه
حتى لا يزعل عليه
وهم مايهمني كلامها لان اعرفها هي شنو وشلون ماردتني اله وهم هو وصاني مااحجي وياها اي كلمه
«،،شسويتي غده
«،،،فاصوليا وتمن
كامت راحت لجوه ظليت بمكاني مامشيت وراها
رجعت وره مشوار سالت
«،،هاي مغيره ترتيب البيت
«،،،اي
«،،،وشبي ترتيب بناتي لازم ماعجبج
«،،لا ليش ماعجبني والله ماقصرن باي شي
بس اني ردت اغير كم حاجه
بيتي
«،،بيتج
ردت باستهزاء وفرت ايدها ماعجبني تصرفها
بس سكتت كالت
«،روحي دكتوره خلي تشوف وضعج اني
مااريد ادريس يظل بلا اخ
«،،الله كريم
«،،ودزي ولدنا النا لا تبدين بسوالف الجنه
والعمه
«،اذا تريدين اخذيهم وياج اني مو مانعتهم من
عدكم
«،،اي واضح
ردت وطلعت من يمي عيوني غورگت ودمعتي
نزلت لان سمعت منها كلام كلش
قهرني
غديت الجهال ونيمتهم بغرفتهم ارشد جان
يجي ساعه 2 ومااخليهم لهل الوقت
بلا غده
جان ماعندي شي كعدت بالصاله انتظره ولازمه جهازي ساعه وحده ونص سمعت الباب انفتح كمت
ورحت للمطبخ طب شافني
ابتسم كلت
«،،،الله يساعدك
«،،،هلا والله بالوجه الحلو
ذب جنطته على الكرسي فتح ايده رحت
لحظنه لمني بي ختلت هناك
اريد احس بالشعور
الي هو علمني
علي عيوني
غوركت
باسني من راسي وخر الابتسامه
راحت من شاف الدموع سأل
«،«شبيج يابه اشو العيون تريد تبجي
«،،مابيه شي
جاوبته ووخرت منه جرني من ايدي
سأل
«،،امي اجتي عليج
«،،اي
غثتج مو
««،لا ماغثتني وليش تغثني اني شويه
مخنوكه وضايجه
صفن عليه والخلقه تغيرت غيرت الموضوع
كلت
«،،ماسالت اليوم شمسويه
««شحجت وياج
«««ماحجت شي كتلك اني ضايجه لان صارلي
فتره مو طالعه
سكت كملت مااريده ينغث ولا يسويله
مشكله وياها وتصير من جوة
راسي
«،،المفروض ادكلي وين تريدين اوديج
ذب حسره ورد
«،،كولي وين تردين اوديج
يعني اعزمنا اني والجهال على عشه
نفتر شويه بالسياره ونشتري حلويات وشعر
بنات لتماره
حجيت مبتسمه هو ابتسم ولزم خدي سال
«««وانتي ماتريدين شعر بنات
«،،هههه اني مو صغيره حتى اريد
الملامح تغيرت وصفن بعيوني رد
«،،صغيره جبيره اظل ادللج واحسبج بنتي الصغيره
««راح تغار تماره من هالحب
جاوبته مبتسمه جابني لحظنه ورد
««تماره احبها حب اب لبنته بس انتي
سكت سالته
«،،اني شنو
«،،انتي حب الروح للروح
حجه هيج وباسني من شفتي
بليل اخذنا تعشينا بمطعم وافترينا جانت فرحتي
اكبر من فرحه ولده لان حسيت من صدك
هاي عائلتي وهم جهالي
رجعنا مبتسمه واحس بشعور حلو نيمت
الجهال ورحت يمه وهم عشت
ويا احلى لحظات
حياتي
غاده
وضع حمزه تعبني كلش لان ظل نفس وضعه
بليل تاخر رجع ساعه وحده طب عاكد حواجبه شافني كاعده ماحجه شي سد الباب خله السويج والمحفظه على الميز بدل كلت
«،،الى متى راح تظل هيج
طفى الضوه وكال
««،،اريد انام
اجه ليم الجربايه كعد كمت علگته ووكفت
يم الميز حجه بضوجه
«،،غاده طفي خلي انخمد
«،،اريد احجي وياك
«،،تعبان مالي خلك احجي اي كلمه
«،،انت شبيك وليش كاعد تسوي بروحك
هيج
«،،«كتلج مااريد احجي اي شي
«،،حمزه تره بس انت هيج مسوي بروحك
شوفهم شلون عايشين حياتهم ومو مهتمين لاي شي ليش بس اني وياك نظل عايشين بهل
القهر وهالمشاكل
«««لااان انه مو هم
نتر بيه بغضب كام اشر لروحه
«««انه الي وكعت براسي الملامه لان دللت
وخليتها تروح وتجي براحتها
وانه ااي كمت ادفع
ثمن هالشي
من الگريب والغريب
حجه اخر كلام بصوت مخنوك وكعد
رحت كعدت يمه ردد بقهر
«،،اعرف تعبتج وياي اعرف والله انه
شجاي اسوي بيج لجن مو بأيدي والله مو بأيدي
صدري هذا
فرك بقوه وكمل
«،،متروس قهر
حجه هالكلام ومال عليه حظنته ودمعتي
نزلت ردد
«،،اريدن اهج منا اروحن مكان بعيد ناسه ماتعرفني ولا تعرف شصار بيه وشلون انكسر
ظهري من اقرب
الناس اليه
من وره وضعه حتى نسيت روحي لا رحت على
الدكتوره ولا سويت تحليل وره يومين
الضحى اني بالمطبخ يمي بيبي رانيه راحت يم اهله جعفر طب وجهه مخطوف
بيبي سالت
«،،خير يمه صاير شي
«،،بله صاار
رد وكمل
«،،عزيز لگوه مقتول بالبستان مال حمزة
«،،عززه العزاااج فطم
گلبي هبط وصحت
شلوون جعفر ومنو قتله
«،،ولكم حمزه وين ذوله ذبوها براسه لان هدده
كمت الطم على وجهي جدو اجه
سال
«،،هاي شبيكم
«،،تعاال اسمع ياهادي عزيز انجتل وذبوها
براس حمزه
هي حجت هيج وجان نسمع شحطه سيارات
وصار رمي على بيتنا كمت اعيط
اني وياها
جعفر سد باب المطبخ بسرعه وصاح بينا
«،،طبن جووه
مااعرف شلون وصلت لغرفتي حظنت
علي لصدري يصرخ ويبجي
كعدت يم الكنتور كل جسمي يرجف ووابجي
كلت هسه يطبون
يگتلونا
اسمع صوت الجام تكسر وعياط بيبي
مااعرف شكد ظل الرمي وراها
سمعت صوت الدوريات
مال الشرطه
الرمي وگف اريد اتحرك من مكاني مااكدر
رجلي ماتن واحس گلبي راح
يوكف من الخوف
اردد
« راح يقتلوه
سمعت صوت رجال بره كمت بصعوبه ابني
بحظني يبجي طلعت اجاني
صوت يحجي
بقوه
«،،،حجي خلي ابنك يسلم نفسه تره
بصعوبه لزمنا العالم من عدكم
«««ابني مامسوي شي حتى يسلم روحه
«««هذا الكلام خلي يكوله بالتحقيق
«،،عزه العزااني
كمت الطم على وجهي الضابط كمل
«،،احنا راح نظل يمكم لان اهل المقتول
ماراح يعوفكم وخلي ابنكم يسلم
روحه النا حتى ماينقتل
بثار ابنهم
بيبي اجت حالها حال وتلطم على وجهها
تردد
«،،ضااع الولد ولكم رااح يجتلوه لوليدي
«،،،لااااا لاا بيبي لاتحجين هيج
صحت بيها جدو صاح
«،،ولك جعفر خااابره لايعگب
«،،جاااي اخابره
رد علي باعصاب كمل
«««حمزه لاتعگب للبيت ولك عزيز لگوه
مجتول بستانك اااي
صاح وكمل
وبيت متعب دگونا وهسه الشرطه اجت
ووكفت بره ويريدوك الك يريدوك
تسلم روحك مابينا
شي وحرمتك
وابنك مابيهم
شي
سكت بعدين كال
«،تمام تمام
سد الخط رحت يمه كتله
«،،كله لااايجي راح يگتلوا
رد عليه
«،،،راح يسلم روحه
شكرا لزيارتكم عالم روايات سكيرهوم
