 |
رواية دعني احطم غرورك الفصل الثالث والخمسون بقلم منال سالم
-عز: قوليلي يا جانا ع اللي مضايقك ،واقسم بالله ماهسمح لأي حد انه يأذيكي حتى لو كان مين
-جانا وقد بدأت تنساب دموعها: توعدني انك هتصدقني وعمرك ما هتكدبني !
-عز وهو يمسح دموعها: حبيبتي أنا مصدقك
-جانا: ولا هتعمل زي مرة النادي لما كنـ.....
-عز وقد وضع يده على فمها: شششش ، دي مرة ياجانا ، وبعدين متنسيش انك كنتي هرياني مقالب ، ولا نسيتي
-جانا: طيب ، الحكاية بدأت من وقت ما دادي الله يرحمه كان تعبان ، كان المفروض اننا هنزل كلنا معاه القاهرة ونسيب لندن بس مامي رفضت ده وأصرت أن Dad يتعالج هناك ، وهو بعد إلحاح وافق عشان يكون موجود معايا
-عز: طيب كل ده عادي ، فين بقى المشكلة ؟
-جانا: المشكلة كانت في Mom ، هي زي ما انت عارف businesswoman ، وليها شغل وصفقات مع ناس كتير
-عز: ها وبعدين
-جانا : وفي يوم dad كان راجع من بره و......
Flash Back◘◘◘ لما حدث
-سيلين على الهاتف: أه طبعا ، اطمن .. أنا هعرف أخد منه الفلوس
-المتصل:.............................
-سيلين: Yes, I am sure ، اومال انت مفكرني اتجوزته ليه
-المتصل: .........................
-سيلين: ههههههههههه ، متقلقش ، كله هيبقى لينا في الأخر انا هخليه يوقع ع ورقة الطلاق بعدها
-عاصم: بتكلمي مين يا سيلين؟
-سيلين بارتباك : سوري عاصم ، انت جيت امتى ؟؟؟
-عاصم: أنا بسألك انتي بتتكلمي مع مين ؟؟؟؟
-سيلين: with nobody
-عاصم: أنا سامعك بوداني بتكلمي مع واحد
-سيلين: So what ، وايه المشكلة
-عاصم: المشكلة اني جوزك يا هانم
-سيلين: يوووه ، مش أزمة هي
-عاصم: مش أزمة إني جوزك .. فوقي لنفسك يا هانم واعرفي انك مرات عاصم الدمنهوري
-سيلين: لأ فوق انت لنفسك ، وأنا سيلين بنت الحسب والنسب
-عاصم: طب يا بنت الحسب والنسب في واحدة تكلم واحد من ورا جوزها ؟؟؟
-سيلين: ده بيزنس
-عاصم: بيزنس ايه اللي بتكلمي فيه عن طلاقنا وتاخدي فلوسي
-سيلين بارتباك: آآآآ... آآ.. انت.. انت سمعت
-عاصم: انتي فكراني نايم ع وداني ومش عارف بلاويكي السودة ولا صفقاتك المشبوهة
-سيلين: اسكت انت متعرفش حاجة
-عاصم: لأ عارف كل حاجة ، انتي مفكرة اني أهبل ومش عارف بتودي فلوسي فين؟؟
-سيلين: دي فلوسي أنا
-عاصم: فلوس مين يا أم فلوس
-سيلين: فلوسي اللي مخلياني صابرة إني أعيش معاك ومستحملة قرفك ومرضك ، حتى بنتي مخليها شبهك ، أنا مش عارفة هي خدت ليه منك كل حاجة
-عاصم: الحمدلله انها طلعت شبهي ، هي الحاجة الوحيدة اللي مصبراني عليكي ، بس حطيها حلقة في ودنك ، مافيش مليم واحد بعد كده هتخديه مني
-سيلين: قصدك ايه ؟
-عاصم: قصدي اني هصفي كل أعمالي هنا ، وهرجع مصر تاني
-سيلين بجنان: انت اتهبلت
-عاصم: أبقى أهبل فعلا لو فضلت هنا ، أه وورقة طلاقك هتوصلك ، وبنتي هاخدها تعيش معايا ، مش هسبها في الجو الـ...... ده
-سيلين: You're crazy ، مش هيحصل ، ده بعدك ، بنتي هتفضل معايا ، وفلوسي هخدها منك
-عاصم: اعلى ما في خيلك اركبيه
-سيلين: يعني ايه ؟
-عاصم: يعني بعد يومين هنكون أنا وبنتي في مصر .. صح .. انتي طالق يا مدام
-سيلين بدهشة: What ؟
-عاصم: طالق بالتلاتة يا هانم ..
..........
◘◘◘-جانا: Dad, what's wrong ؟
-عاصم: جاجوو حبيبتي ، احنا نازلين مصر خلاص
-جانا: بجد دادي
-عاصم: اه يا حبيبتي
-جانا: What about mom ؟
-عاصم: أنا انفصلت عن والدتك
-جانا: ايه ؟ but why ؟
-عاصم: معدتش ينفع اني اكمل معاها ، هي طريقها غير طريقي ، وانتي بنتي وانا استحالة أسيبك هنا معاها ، فقررنا ننفصل بهدوء
-جانا: بس دادي مامي مش تستاهل ده
-عاصم: لأ تستاهل ، وده أقل حاجة اعملها بدل ما أذيها بجد ، اللي حايشني عنها هو انتي جانا
-جانا: يعني هي هتعيش هنا لوحدها !
-عاصم: معتقدش
-جانا: تقصد ايه دادي ؟
-عاصم: متخديش في بالك ، مش انتي حابة تعيشي معايا أنا ؟؟؟
-جانا: شووور دادي
-عاصم وقد اخذ جانا في حضنه: حبيبتي يا جاجووو ، انتي قلبي ودنيتي الحلوة
-جانا: love you dad
..........
◘◘◘-سيلين ببكاء: Your dad
-جانا: ايوه يا مامي
-سيلين: أنا أموت لو سيبتني لوحدي
-جانا: بس دادي تعبان ولازم أكون معاه لحد ما يخف
-سيلين: Your dad is a big lair ، عارفة طلقني ليه عشان بقوله عاوزة أعلم جانا كويس وآئمن مستقبلها
-جانا: مستحيل مامي
-سيلين: وانتي هتصدقني ليه ، ما أنتي the apple of his eye .. حبيبته
-جانا: لأ يا مامي ، بس دادي استحالة يرفض حاجة زي كده
-سيلين: لأ عمل كده ، ومنعني اني أشوفك ، عاوزز يحرمني منك !
-جانا: دادي مش ممكن يعمل كده
-سيلين : طيب أنا هسأله قدامك وهتسمعي بنفسك ، but hide behind that wall and you will know the truth
◘◘◘ أخبرت سيلين جانا بأن تختبيء خلف أحد الجدران لكي تسمع وترى بنفسها الحقيقة ((الكاذبة)) عن والدها ،،،
-سيلين: انت برضوه رافض تديني الفلوس
-عاصم: ده بعينك لو خدتي مليم واحد مني
-سيلين: ليه كل ده ؟ مش عشان خاطر our daughter ؟
-عاصم: متعمليش جانا حجتك
-سيلين مدعية البكاء : ليه بتعمل فيا كده ؟
-عاصم: انتي تستاهلي الحرق ع اللي بتعمليه
-سيلين: أنا بعمل كل حاجة عشان جانا تكون في مستوى كويس
-عاصم: عشانك انتي مش جانا
-سيلين: خلاص جانا هتعيش معايا هنا
-عاصم: لأ
-سيلين: عاوز تحرمني من بنتي
-عاصم: انتي اللي اخترتي طريقك
-سيلين: مش هسمحلك تاخد بنتي مني
-عاصم بهدوء: انتي معمركيش حبيتي بنتك ، ازاي اوافق اسيبك انتي اللي تربيها ، أنا لازم انقذ بنتي منك
-سيلين بصوت مرتفع: انت مش انسان ، انت monister
-عاصم: هه
وفجأة أخذت تصرخ سيلين بطريقة هيسترية وتمزق ملابسها بصورة عشوائية وتلقي بالزجاجات والكؤوس الفارغة على الأرض ،،،
-سيلين: بليز عاصم، بليييييز .. متعملش كده
-عاصم: انا جيت جمبك
-سيلين: جاااااانا ، Help me your dad is trying to kill me .. بس يا عاصم بليز
حاول عاصم ايقاف سيلين عما تفعل ، وجاءت جانا من الداخل ورأت منظر والدتها ووالدها يمسك بها
-جانا بخضة: What's going on ؟
-سيلين وهي تجري تجاه جانا: Your dad was attacking me ، بيهجم عليا
-عاصم: متصدقيهاش يا جانا ، هي كدابة
-سيلين: Look .. شوفي هو ضربني ازاي ، معندوش رحمة !!
-جانا: ليه يا دادي عملت كده
-عاصم: جانا
-جانا ببكاء : She's still my mom
-عاصم بحدة : جاااااااااااااانا ! انتي مش هتقعدي هنا ثانية واحدة ، اتفضلي هاتي الـ bag بتاعتك وانزلي فوراً
-جانا: سوري دادي ، انا مش هسيب مامي وهي كده
-سيلين: آآآه ، مش قادرة ، آآآآه
أدعت سيلين فقدانها للوعي حتى تضمن انشغال جانا بها وبالفعل نجحت في هذا
-جانا : Oh. Mom .. بليز فوقي
-عاصم: جانا حبيبتي
-جانا: دادي بليز ، Leave now ..
-عاصم: جانا انا نازل مصر خلاص ، انتي هتجي معايا
-جانا: Not now dad
-عاصم: يعني ايه
-جانا: يعني مش هقدر أسيب مامي كده ، هطمن عليها وأحصلك
-عاصم: بس يا جانا
-جانا: دادي مش ينفع !
-عاصم: براحتك يا جانا ، اطمني على مامتك وكلميني وهبعتلك التذكرة
-جانا: اوك
..........
◘◘◘ وصل عاصم إلى القاهرة بدون جانا وكان يبدو على ملامحه الآسى ،،
-حسين: حمدلله على سلامتك يا عاصم ، الله أومال فين جانا ؟
-عاصم: مع أمها
-حسين: طب ازاي ؟؟ انت قايلي انها جاية معاك
-عاصم: امها .. ربنا ينتقم منها عملت فيلم حمضان والبت صدقته وقالتلي يومين وهتكلمني عشان أجيبها
-حسين: ربنا ينجيها منها
-عاصم: ياااا رب
-حسين: طب يالا تعالى معايا ، سهير ودينا منتظرينك رغم انهم هيزعلوا أوي لما يعرفوا ان جانا مجتش معاك
-عاصم: معلش ملحوئة ان شاء الله
ظلت جانا على اتصال بوالدها تطمئن على أحواله وصحته التي كانت في تدهور مستمر رغم محاولته اخفاء هذا ، وحاولت جانا خلال تلك الفترة أن تقنع والدتها بأن تنزل لتزور والدها ولكنها كانت ترفض باستمرار حتى أنها منعتها من مهاتفته
.....
◘◘◘ وبعد هذا بثلاث أشهر ،،،
-سيلين: جانا ، عاوزة أقولك خبر
-جانا: ييس مامي
-سيلين: Your dad is .. .. باباكي .. مـ.. مات
-جانا بفزع: What ؟؟؟؟؟
-سيلين ببرود: زي ما سمعتي مات
-جانا ببكاء هستري : دادي ، حبيبي ، ليه سيبتني إهيء اهيء ، عااااااااا .. دادي
-سيلين: هو أنا قولتلك عشان تصدعيني
-جانا: ده دادي يا مامي
-سيلين: your father ده أكبر مغفل ، يستاهل اللي جراله
-جانا: مامي بليز حرام كده ، انا عاوزة أنزل فوراً مصر
-سيلين: لأ مش هيحصل
-جانا: ليييييه ؟؟ لازم آ.....
-سيلين مقاطعة: مافيش نزول لمصر أبداً ، خلاص كل اللي كان رابطنا بالراجل ده انتهى ، عارفة هو عمل ايه قبل ما يموت ، كتب كل أملاكه باسم أخوه مش حتى باسمك ، أخد كل فلوسي وحرمني منها
-جانا: مامي الفلوس مش مهم ، لكن دادي هوالــ.....
سيلين: Shut up .. مش عاوزة أسمع عنه حاجة ، اطلعي فوق ، أل الفلوس مش مهمة ، غبية زي أبوكي !!!!!
......
◘◘◘ ظلت جانا تبكي لأيام لفراق والدها ، فوالدتها خدعتها بالكذب وأوهمتها أن ابيها كاذب مخادع يحب المال أكثر من ابنته ، لكن اتضح العكس في الأشهر الأخيرة ، حتى أن عمها حسين حينما جاء لزيارتهم في لندن من أجل عودتها للقاهرة معه رفضت أمها هذا وحاولت الادعاء بالكذب عليه انه معتدي ولص ، ولكن نتيجة لخوفها مما قد يحدث له فضلت أن تظل مع والدتها
وظل الوضع كما هو عليه إلى أن ،،،،
-سيلين: جانا ، my sweetheart
-جانا: ييس مامي
-سيلين: تعالي قابلي آنكل رامز .. my husband
-جانا: ايييه ؟؟؟
-سيلين: زي ما سمعتي جوزي
-جانا: بس مامي آ....
-رامز: هاي جانا
-جانا لسيلين: ازاي مامي تعملي كده من غير ما تقوليلي حتى ؟
-سيلين: دي حياتي وأنا حرة ، مش هضيع شبابي ع الفاضي
-جانا بحزن: But mom !!!
-رامز: You look so beautiful Jana ... صح يا سولي
-سيلين: فعلا رامز، جانا جميلة
-رامز: أكيد ورثت الجمال ده كله منك !
-سيلين بغرور: شور بيبي .. يالا جانا سلمي على أنكل رامز
-جانا بقرف: هاي ، excuse me
◘◘◘ بعد أن علمت جانا بقرار زواج أمها قررت أن تكمل دراستها في جامعة داخلية حتى تتجنب مشاهدة أمها مع رجل غريب غير أبيها .. ولكن لم يبقى الوضع كذلك للأبد فبعد أن انهت دراستها كان عليها أن تعود مرة اخرى للمنزل
-سيلين: يااااه يا جاجووو ، كل المدة دي ومش تسألي ع مامي إلا بالفون وبس
-جانا: معلش مامي كانت الدراسة واخدة كل وقتي
-سيلين: خلاص هتقعدي معانا
-جانا: ييس ، بس لفترة مؤقتة
-سيلين: Why ؟
-جانا: هدور ع شغل وع سكن جديد
-سيلين: هتسيبني لوحدي
-جانا بتهكم : ماحضرتك معاكي انكل رامز .. يبقى ازاي لوحدك
-سيلين: أقصد يعني هتبعدي عني
-جانا:Mom, I am not young anymore .. انا كبرت
-رامز: مش معقول ، جانا عندنا
-جانا باقتضاب: هاي
حاول رامز الاقتراب من جانا وحضنها وتقبيلها ولكنها أبعدته عنها
-جانا: سوري أنكل، I am tired ..
-رامز بلؤم: Don't say uncle, just Ramez
-جانا: whatever
-سيلين بضيق: ايه الوقاحة دي جانا
-رامز: بيبي ، سيبيها ع راحتها ، It's okay
-سيلين: لأ لازم تعتذر عن وقاحتها معاك
-رامز: اوووه بيبي .. دي .. دي زي بنتي
جانا: عن اذنكم
....
-رامز: سولي بيبي ، ايه رأيك لو عملنا welcome party لجانا
-سيلين: اووه بجد رامز انت مش ممكن
-رامز: بيبي ، أنا ليا مين غيرك انتي و..و جانا
-سيلين بفرحة: أنا محظوظة اني معاك
-رامز بخبث: Me too
....
◘◘◘ -سيلين: يالا جانا ، قومي قيسي الـ dress ده ، رامز جايبهولك
-جانا بتأفف: مش عاوزة مامي
-سيلين: يووووه ، انتي غاويةة تنكدي عليا ، بقولك احنا عاملين الـ party دي عشانك ، وانتي مش سألة خالص
-جانا: محدش طلب منكم انكو تعملولي أي party
-سيلين: كتر خيره رامز اللي بيحاول يبسطك
-جانا: بليز خلي رامز بتاعك ده يبعد عني
-سيلين: احترمي نفسك جانا ، متنسيش ان رامز ده في مكانة your father
-جانا: استحالة ياخد مكان دادي
-سيلين: جانا لو منزلتيش فوراً أنـ........
وهنا دخل رامز غرفة جانا بدون أي استئذان
-رامز: سوري guys .. بس صوتكم عالي أوي
-سيلين: بجد أنا تعبت وزهقت
-جانا: ازاي تدخل my room without my permission ؟؟؟
-رامز: انا قولت سوري ، وبعدين انا خبطت بس محدش رد
-جانا: محصلش
-سيلين: يعني رامز هيكدب ، انتي طالما الحاجة مش جاية ع مزاجك بتنكريها
-جانا: مامي بسـ..
-رامز مقاطعاً: شششش ، اهدوا بس ، ايه المشكلة
-سيلين: جانا مش عاوزة تنزل الـ party اللي احنا عاملينها مخصوص ليها
-رامز: طب سيلين بليز ، انزلي انتي وانا هتكلم معاها
-جانا بقلق: No , wait mom
-رامز : يالا بيبي ، أنا هتفاهم معاها
-سيلين: اوك رامز
وبالفعل أخرج رامز سيلين من غرفة جانا وأغلق الباب ورائها ، ثم توجه بنظراته الثاقبة والوقحة ناحية جانا و................................
