رواية دعني احطم غرورك الفصل الرابع والخمسون
◘◘◘ أخرج رامز سيلين من غرفة جانا وأغلق الباب ورائها ، ثم توجه بنظراته الثاقبة والوقحة ناحية جانا و...
-رامز: ايه يا حلوة
-جانا: انت اللي ايه ؟
-رامز: تقلانة علينا كده ليه؟
-جانا: انت .. انت بتكلم كده ليه
-رامز: ماهو من يوم ما شوفتك وأنا برج من دماغي هيطير
-جانا: آآآآ.. انت .. آآآانت اتجننت !!
-رامز: ده انا أبقى مجنون لو سيبتك .. شوفي يا حلوة ، أنا مش هاجي جمبك بس لو معملتيش اللي هاقولك عليه ، صدقيني مافيش حد هيحميكي مني ولا حتى أمك
-جانا: You.. y..
-رامز: فكك من جو الأجانب ده ، ده أنا صايع قديم ، وأمك في تكة بلفتها وتحت جناحي وباشارة مني أوديها البحر وأرجعها عطشانة
-جانا بصدمة : هه .......
-رامز: أمك مفكرة نفسها واعية وأم العريف وهي بكلمة وقعت في المصيدة ، بس يا خسارة طلعت شحاتة رغم الهيلمان اللي وهمتني بيه ، أصل ابوكي فهمها صح ، لأ ولعبها كمان صح ، طلعها من المولد بلا حمص ، وانا اللي شربتها .. طلع معلم بصحيح .. بس الصراحة أما شوفتك عششتي في دماغك
-جانا: آآآ...
-رامز: متخافيش ، مش هاجي جمبك ، وقتك لسه مجاش ، وده بايدك تحدديه ، تعملي اللي هاقولك عليه هنبقى حبايب، هتعصيني ورحمة أبوكي ماهسيبك إلا وانتي هع هع هع هع ... شوفي انتي بقى !
-جانا والرعب قد تملك منها : طب.. طب.. انت عاوز ايه ؟
-رامز: البسي الزفت ده وانزلي قابلي الناس اللي تحت كويس ، ومتنسيش عيني عليكي يا حلوة ، انا عاوز اعمل شغل جامد في الحفلة دي ، عاوز أعوض خسارتي بسبب أمك
-جانا: آآآ.. اوك
-رامز وهو يقترب منها ويتشممها: بس تصدقي ، انتي عاملة زي التفاحة اللي استوت وطلبت أكلها
-جانا ببكاء: بليز ابعد عني !
-رامز وهو يعبث بخصلة من شعرها: هابعد يا حلوة بس متنسيش .. افردي وشك وتعملي بالحرف اللي أطلبه منك .. انتي فااااااااااااااااااهمة
-جانا: حاضر
.....
◘◘◘ نزلت جانا إلى الحفلة وهي ترتدي فستان أسود قصير يصل فوق الرقبة بقليل ، وعاري الكتفين ، أبرز مفاتنها وجعل العيون كلها مسلطة عليها ،،،
-سيلين: Com'n Jana .. This is my sweetheart, my baby girl ..
-أحد المدعوين: hello Jana, nice to meet you
-رجل أخر: Wow, you look gorgeous
-سيدة ما: Beautiful
-رامز: اووه جانا بيبي ، تعالي في حضني
وبالفعل حضنها رامز بكل قوة بينما كانت جانا تشعر بالاشمئزاز منه ،،
-رامز هامساً لها: كده انتي في السليم ، استمري
-جانا بقرف: طب سيبني بليز!
-رامز: مش بمزاجك
-سيلين: ايه يا رامز هتفضل ماسك في جانا كده ؟
-رامز مدعياً البكاء: مش مصدق ان بنتنا رجعت تاني لحضننا
-سيلين: اووه بيبي ، You're so kind ..
-رامز: ثانكس dear
كانت جانا تشعر طوال الحفلة بالقرف وخاصة أن عليها أن تطيع أوامر رامز من حيث التعامل مع الغرباء بكل حرية ،،،،
-جانا: مامي ، ممكن استأذن أطلع أرتاح فوق شوية
-سيلين: لسه بدري جانا ، الحفلة مخلصتش
-جانا: بس مامي ، الـ dress مضايقني
-سيلين: يووه ، خلاص جانا ارتاحي بس for 15 minutes .. اوك
-جانا : اوك مامي
◘◘◘ صعدت جانا إلى غرفتها وهي تبكي ، فكيف عليها أن تتحمل وقاحة ووساخة رجل مثل هذا ، وأمها التي لا تحب أي شيء سوى المال والمستوى الاجتماعي المرموق ، كيف ستحكي معها عما تعانيه وعما تواجهه بمفردها ...
بدلت جانا ملابسها وارتدت بيجامتها ثم أغلقت باب غرفتها جيداً ، وكلنها سمعت صوت رامز يتحدث في الهاتف بجوار حجرتها ، وربما لم يكن يعلم أن جانا موجودة بالداخل ،،،
-رامز: ايوه ، انا عند كلمتي
-المتصل: ....................
-رامز: اطمن ، مش انت عينك منها ، خلاص أنا هظبطها
-المتصل: .........................
-رامز: أمها مين ، لالالالا ، البت هبلة وبتخاف
-المتصل: ..........................
-رامز: بص ، هما كلهم في الحفلة تحت ، هات انت الشلة وانا مجهز تربيذة القمار ، والبت هتخدم علينا ..هههههههههههههههه ..
-المتصل: ...........................
-رامز: تلمسها بس مش اكتر من كده ، فاهم ، أه واهوو كله بتمنه ، انا عاوز أعوض خسارتي !!!!
-المتصل: ..........................
-رامز: لأ متقلقش ، انا معرف سيلين اني عازم new businessmen عشان صفقات جديدة ولازم يكون الترحيب بيهم ع مستوى عالي ، وانت فاهمني !!
-المتصل: .......................
-رامز: بالظبط كده لو حتى فكرت انها تقول لأمها مش هتصدق ،أيوه Money talks
-المتصل: ........................
-رامز: deal .. يالا متتأخروش ، انا مستنيكم
لم تصدق جانا أذنيها ، اذن فزوج أمها ماهو إلا مقامر ولا يهمه حتى أن يتاجر بشرف ابنة زوجته ، وأمها كل ما تسعى إليه هو الأموال حتى لو على حساب ابنتها .. فتحت جانا باب حجرتها بصورة مفاجأة لتحدث المواجهة مع رامز ،،،
-جانا بغضب شديد : انت انسان سافل وخسيس
-رامز وقد تفاجيء بوجود جانا: ايييه ده ، انتي ، انتي هنا من امتى ؟؟؟
-جانا: أنت أحقر انسان في الدنيا ، خدعت مامي وخدعتنا كلنا عشان الـ money و...ممممم
-رامز وقد كمم فمها: خشي جوه ، تعالي هنا
قام رامز بتكميم فمها واجبارها على الدخول إلى حجرتها ثم رماها بشدة على فراشها وأغلق الباب بالمفتاح ،،،،،،
-رامز: انتي فكرك هخاف اما تعرفي الحقيقة ، لأ يا شاطرة يبقى انتي متعرفيش رامز عبدالشكور
-جانا وهي تعتدل على فراشها : أنا هفضحك عند مامي وعند كل الناس ، وهبلغ عنك البوليس
-رامز وقد صفعها على وجهها: اخرسي يا بنت الـ ....
-جانا: وكمان بتضربني ، انا هوديك في داهية
-رامز: طيب اتفضلي وديني في داهية ، يالا أنا مستنيكي ، صوتي ولمي كل الناس ، وأنا هأقولهم بكل بساطة ان بنت الهانم مراتي بتغويني عشان أجي أوضتها وأعمل معاها علاقة
-جانا بخوف : آآآآ.. انت كداب
-رامز: شوفي مين هيصدقك ، وانا حجتي معايا ! طالع أناديكي تقابلي الضيوف وانتي عاملة الفيلم ده كله عشان تنفردي بيا ، والكل شايف أنا بعاملك ازاي قدامهم ، أنا بعاملك زي أبوكي ، لكن انتي هع ....
-جانا: آه يا واطي
-رامز وقد امسك وجهها بين يديه: مش لايق عليكي جو البيئة ده
-جانا: آآآآآآه .. سيبني
-رامز: متجيش تعملي صايعة على واحد اتربى في الشوارع طول عمره
-جانا: والله لأفضحك
-رامز: طب ما تيالا ، ها مستنية ايه ؟؟
-جانا وهي تبكي : مش هسيب حقي
-رامز: وأنا يا حلوة باخد حقي أول بأول
حاول رامز الهجوم على جانا والاعتداء عليها لكنها كانت أسرع في الحركة منه و دافعت بكل قوتها عن نفسها وخبطته بالأباجورة فوق رأسه ، فأمسك رأسه بيده متآلماً
-رامز: اه يا بنت الـ..... ، والله لأضيعك وأحسرك ع نفسك
-جانا وقد رشت البرفان الخاص بها على عينيه : مش هيحصل .. فشششششش
-رامز: آآآآآآآه ، عينيا .. آآآآآه
◘◘◘ لم يكن أمام جانا سوى حل واحد فقط هو أن تترك المنزل فوراً ، وبالفعل قررت أن تخرج من النافذة بعد أن أخذت حقيبة يدها ، فربما يتهمها رامز بمحاولة قتله أو الاعتداء عليه ، فمن سيصدقها اذا أخبرتهم أنها بريئة ، فكل الشواهد ضدها .. هكذا ظنت جانا ...
تسلقت جانا سطح منزلها ونجحت في الوصول إلى المدخل الخلفي للمنزل وأسرعت بايقاف سيارة أجرة وتوجهت نحو منزل صديقتها كاتي حيت طلبت عمها حسين وطلبت منه أن يساعدها في الخروج من لندن فوراً دون علم والدتها
ولما عادت إلى مصر قصت على عمها ما حدث ولكنها أخفت الجزء الخاص بمحاولة رامز الاعتداء عليها خوفاً من أي تطورات قد تحدث وفضلت أن تغير من شخصيتها تماماً ، ان تبتعد عن شخصية الفتاة الرقيقة أوروبية المظهر وتتحول إلى شخصية فظة ، وقحة ، بيئة في معاملتها مع الغرباء ،مستفزة ، كارهة لعالم الرجــال فيما عدا والدها وعمها ..... ◘◘◘
....................
عودة إلى الوقت الحالي ،،،،،
-عز وهو يحتضن جانا: ياااااااااااااااه يا جانا ، بقى كل ده حصل ومخبياه ، والواطي النجس رامز ده جاي بكل برود يسلم عليكي
-جانا وهي تبكي : يــ.. يعني . انت ...انت مصدقني
-عز: أيوه يا حبيبتي ، مصدق كل كلمة قولتيها ، وأقسم بالله لأجيبلك حقك منه الكلب ده
-جانا: بلاش يا عز ، انا خايفة عليك ، ده شراني ممكن يأذيك
-عز: بجد خايفة عليا
-جانا بتردد: آآآ..
-عز: يا شيخة انطقي بقى لأجل النبي
-جانا: أيوه بخاف عليك
-عز بشوق: بس !!
-جانا: ومش عاوزة حاجة تأذيك
-عز: ها ....
-جانا: متبقاش طماع
-عز: ليه يا بنتي منشفاها عليا ، حسي بيا يحس بيكي ربنا
-جانا: ما أنا أصلي ماشية بمبدأ شوق ولا تدوق !!
-عز: لا والله
-جانا: عشان متزهقش
-عز: ايوه نظام ان كان حبيبك عسل متلحسوش كله
-جانا وهي تخبط كف يده بكفها : الله عليك يا برنس
-عز: طب ممكن أدوق شوية عسل
-جانا: نعم !!
-عز: هااااا !! مش انا عملت اللي انتي عاوزاه
-جانا: ايوه
-عز: وكان المقابل تنفذي شروطي
-جانا بتردد: مظبوط
-عز: طب انا عاوز شوية عسل
-جانا: وأنا أجيبهولك منين الوقتي؟
-عز: أفندم ؟
-جانا: معنديش والله برطمان عسل
-عز: انتي غبية أبت !
-جانا بلؤم: لأ بستغبى
-عز: طيب !!!
قام عز الدين باغلاق باب الغرفة وخلع التي شيرت الخاص به
-عز بلؤم: انتي قولتلي رامز بوز الاخص ده حاول يقرب منك ازاي ؟، متخافيش أنا عاوز أعرف بس عشان أحاسبه بضمير !!
-جانا وهي تمثل : كدهون
-عز وهو يقترب منها: زي كده يعني
-جانا: لأ قرب كمان
-عز وقد اقترب أكثر منها: كده
-جانا: ايوه بالظبط
-عز: الله يخربيتك أرامز !!
-جانا: انت بتعمل ايه ؟
-عز وهو يحاوطها بذراعيه: بقدر المسافات
-جانا: بس هو معملش كده
-عز: الله يحرقه ، انا جوزك سيبني أحسبها صح
-جانا: طيب انجز
-عز: يجيلك ويحط عليك أرامز يا بوز الاخص
-جانا: ها خلصت ؟؟
-عز وهو يقبلها على خدها : طب هو باسك كده
-جانا: لأ
-عز وهو يقبلها على الخد الأخر: طب هنا؟
-جانا: لأ
-عز وهو يقبلها على جبهتها : طب كده؟
-جانا: أبداً محصلش !!
-عز وهو يقترب من شفتيها: طب .. طب.. هنا
-جانا بهمس: لـ...لأ
وبالفعل قبّل عز الدين جانا بعد طول انتظار ، وظلا هكذا لبعض الوقت إلى أن رن هاتف جانا
-عز: الله يحرقه ، وده وقته !!
-جانا: آآآ.. سوري
-عز: شوفي مين ، الهي ما تتهنى يا بعيد !
-جانا: اوووه دي دينا
-عز بهمس : ربنا ياخدها
-جانا : بتقول حاجة ؟
-عز: بقولك شوفيها عاوزة ايه ...........................
