رواية جذبني فمك البني الفصل الثالث والخمسون 53 بقلم عبير إدريس

حلاتك يا نجم يا متعب السهران💋

الاِستئذان قبل اخذ القُبلة يفسد لذتها❤

ادهم 

__________

سيلينه 

صباح الخير عليكم من بيتي وحياتي الجديده..

اعرف كلكم تريدون احب دكتور ادهم واتعلق بيه 

ونعيش بسعاده مطلقة ونخلف بنين وبنات... 

لكن حطو تحتها الف خط... 

التقبل يرادله نفسيه واني جنت اشوفه دائما اب روحي اليه وصديق مقرب واعز انسان على قلبي من بعد والدي وعمتي الله يرحمهم.. 

مافد يوم نمت وتخيلت احب هذا الانسان حب عشق بين حبيبن دائما جنت اتخيل فارس احلامي انسان بسيط مثلي ومثل ميولي يعني مابينه اختلاف فكري ... 

زواجي المتسرع من سامر بدافع حمايه اختي وسعادتها وبنفس الوقت اخلص من كلام الناس ومن كلام اهله واخفف الحمل الزايد عليه.. 

النقطه الاخيره والاهم مرضي والحاله النفسيه التبعت هذا المرض ، متصدكون اذا اكللكم ساعه احبه واريد اركض احضنه وساعه اتندم لان قبلت بيه واريده يتأذه.. 

شعور مو بيدي ولا اكدر اسيطر على انفعالاتي.. 

الشي المتدرون بيه اني لحد الان اخذ علاج للأكتئاب وبالخفاء اطلبه من نرمان يعني بدون علم ادهم.. 

هو تصور اني بديت استجيب للشفاء وتقدمت بمرحله مهمه بالعلاج لكن الميدري بيه اني كاعد امثل عليه مرحله الشفاء ليش مكاعد اتعالج لان من يحجي ويايه يصير عندي تضارب فكري ساعه اكول الوصلت اله بسببه وساعه اكول مستحيل يسويها ... 

وحرت وتهت بين الامرين.. 

لو جنت بعقل قبل يعني قبل ما اتمرض واتعرض للتعذيب جان كدرت اميز واوازن الامور بشكل صحيح.. 

حاليا حالي حال الجدار الواقف....

لا اكدر اتقبله واستمر ولا اكدر ابتعد لهذا عزلت روحي بالغرفه استمريت خمس ايام .. 

سادس يوم جنت نايمه بفراشي اندكت الباب ساعه تسعه الصبح .. 

سيلين : منو ؟ 

ادهم : احنه يابه .. 

سيلين : لحظة.. 

كمت ردت البس حجاب تذكرت صار حلال ههههه باوعت على نفسي بالمرايا جنت لابسه بيجاما ستن لونها بني غامق لفيت شعري ونزلت خصل متخبصه منا ومنا ، فكره جنونيه اجتي ابالي اخلي روج بني ماعرف ليش هيج ردت اسوي يمكن حبيت يشوفني حلوة ماريد يشوف الصفار البوجهي او اريده ينجذب اليه حتى احصل عبارات غزل منه .. 

الصراحه هنا صابني شعور بالغرور يعني حسيت عندي غرور بنفسي ولأول مره اني هيج اصير ... 

مايوم قسيت على انسان او حبيت اشوفه مذلول بس ويه ادهم غير ماعرف ليش شعور يتملكني اريده يتعذب بحبي واضل شالعه قلبه..

رحت فتحت الباب صار بوجهي جان مدنك رفع راسه شافني رخت ملامحه وابتسم ، ضحكت بيني وبين نفسي لان الجان ابالي صار فعلا.... 

سيلين : صباح الخير. 

ضل ساكت صافن بوجهي.. 

شويه شويه خيم الصمت بينه عبرته وطلعت من الغرفه رحت للمطبخ باوعت ميز الطعام عليه ريوك ملكي ضحكت ، ردت اندار واسأله هاي شنو المفاجأه مد ايده احتضنتني بقوه ، حسيت شفته لامست بشرتي طبع قبله رقيقه يم اذني وهمس بنفس دافي ... 

ادهم : وتيني كبرت بطريقه مثيره ، عيناها جميلتان وناعسه ترتدي ثياب بلون يعشقها قلبي ترفع شعرها بطريقه غير مرتبه ذوقها كلاسيكي تفاصيلها تثيرني تربكني تصيبني برجفه في ساقي تأخذني بدوامه العشق ياليتها تعي ما اقول... 

ارتبكت وبلعت ريقي التفتت عليه حاوطني بيده نفسه يصعد وينزل بأنتظام بس اني انفاسي صارت سريعه همس.. 

ادهم : شسويت اهدأي اهدأي ما مسوي شي اخذي نفس اي عفيه اعمق بعد هسه تمام ههههه..

جريت نفس براحه ودنكت عيني ايدي توسدت صدره ونضرات تتوزع بين ركبته ولحيته.... 

سيلين : عاشت ايدك هذا الريوك انت سويته . 

ادهم : مممم انه . 

سيلين : تعبت نفسك جان كعدتني اني اسوي. 

ادهم : وانه كعدتج حتى نتشارك بالاكل ونحس بلذته ...

سيلين : تسلملي بس شنو المناسبه 

ادهم : يسلمج يابه ، شفت صار كم يوم تتهربين مني وما ننجمع على سفره وحده لهذا بادرت وعزمتج ...

سيلين : شكرا ههههه. 

ادهم : ماكو مقبلات صباحيه. 

سيلين : يعني ؟؟ 

اشر بعيونه على شفتي.. 

سيلين : لا صير عاقل وحباب. 

ادهم : اكثر من هيج عقل تره ماكو متلكين... 

سيلين : ماعرف انتظر عفيه.. 

ادهم : انتظر ميخالف ماعندي شي.. 

سيلين : انت كل مره تكول انتظر وبعدين ترجع تطلب من جديد. 

ادهم : ما اطلب بعد هاهيه ههههه. 

سيلين : نتريك. 

ادهم : هااا اي يلا. 

سيلين: اتركني حتى اكعد. 

ادهم : ها ههههه.. 

سيلين : شبيك ادهم؟ 

ادهم : ميصير نبدل الاسم ؟ 

سيلين : شلون يعني ارجع اكلك عمو . 

ادهم : هههه عمو هذا هم حضي .. 

سيلين : لعد شكول. 

ادهم : اليسمعج يكول بنت ال ١٤ كلشي متعرف.

سيلين : ها ادهم بدينه بالبسامير. 

ادهم : ههههههه لا بالله بس انتي مسويه روحج فد مره كلشي متعرفين 

سيلين : وانت هم كلشي متعرف عن حياتي العشتها ويه سامر. 

عكد حاجبه وكال. 

ادهم : اكو شي ما اعرفه.. 

سيلين : ادهم اكو اشياء.. 

ادهم : احجيلي... 

سيلين : نتريك وبعدين. 

ادهم : سيلينه انه ما اكدر اعالج اذا ماعرفت بشنو مريتي لازم اعرف.. 

سيلين : بعدين ماريد اتذكر الله يخليك.. 

ادهم : هذا هو براحتج يله كعدي اكلي..

كعدنه ناكل دنك عينه على الجاي حركه بالملعقه بعدين كال..

ادهم : صار بارد 

سيلين : احميه ؟

ادهم : لا راح اشرب عصير..

سيلين : براحتك..

باوعلي وكال. 

ادهم : سيلي.. 

سيلين: هممم 

ادهم : انطيني ايدج. 

عكدت حاجبي وكتله 

سيلين : ليش؟؟؟ 

ادهم : مديها شويه وارجعها ههههه

مديت ايدي اخذها ولزم طرف اصبعي خلاه بكلاص العصير حسيت بروده العصير وراها سحب كلينكس ومسح اصبعي.. 

سحبت ايدي ورجعت اكل قسمت من الصمونه شويه وغمستها بالجاي رفعت عيني لكيته يضحك.. 

سيلين : شبيك ادهم شكو ؟ 

ادهم : هيج . 

سيلين : غير افهم. 

ادهم : اكلها هيج ماكو شي لتلحين هههه. 

سيلين : ماشي سكتت.. 

تريكنه بهدوء وعيونه تراقبني بصمت صاخب يعني صح ساكت بس مشاعره توصلني عبالك حروب داخليه بداخل عقله وقلبه .. 

ماعرف ليش قررت انطيه فرصه بس شوكت ما ادري لان حسيته متأذي كلش وحبي مأذيه فعلا... 

كملنه ريوك رفعت الصحون وبلشت اغسلهن .. 

ادهم : راح اطلع اجيب كم شغله كتبتهن نرمان تحتاجين شي انتي .. 

جنت منداره على السنك وبيدي الماعون اجلف بيه التفتت عليه وكتله 

سيلين : مخضر لو شنو تجيب. 

ادهم : اي ومنا وجاي انتي ترجعين تلزمين البيت ويه نرمان احب اشوف لمساتج القديمه بيه. 

سيلين : ماشي ...

حجيتها وابتسمت بهدوء ٠ 

طلع واني كملت تنظيف المطبخ التفتت على صوت اقدام تقترب من المطبخ.... 

سيلين : هاا كعدتي صباح الخير. 

نرمان : صباح النور حب شلونج اليوم. 

سيلين : زينه وانتي ؟ 

نرمان : كلش زينه تريكتو مو؟

سيلين : اي اخوج عزمني هههه 

نرمان : راقي ادهمج. 

سيلين : هههه شو ادهمي. 

نرمان : غير صار مالتج بعد. 

سيلين : ههههه 

جريت كرسي وكعدت وهيه وكفت تسوي ريوك الها. 

سيلين : نرمان تدرين بشنو احس.؟ 

نرمان : شنو ؟ 

سيلين : احس بشعور غريب ماعرف افسره 

نرمان: مثليش احجيلي بلكت اكدر اساعد. 

سيلين: باعي من يتقرب مني ادهم احس بحب واتجاوب وياه بعدين من نبتعد اندم على الصار واضل الوم بروحي واتذكر عمتي شي يذكرني بالصار بعلاقتي السابقه واتردد اكمل. 

نرمان : هاي حالات لا شعوريه تصير يعني شي مو بيدج بس ممكن تتغلبين عليها من تقوه علاقتكم. 

سيلين : ماعرف شلون تقوه واني منطويه على نفسي ما انطيه مجال. 

نرمان: زين تقربي انتي منه وشوفي شلون تتغير مشاعرج.. 

سيلين : ماعرف صعب بس انطيج سر صغير امانه متحجين بيه لاحد خصوصا لادهم. 

نرمان : احجي اكيد اني صديقه اسرارج .. 

سيلين : مرات امر من يم غرفته خصوصا بليل او الفجر واسمعه يناجي رب العالمين ومرات يبجي بحركه من يطلبني منه .

نرمان : هاي ادري بيها وياما وياما شهدت حركه كلبه عليج وشفت دموعه وين الجديد يعني او السر بالموضع ما كلنه ندري بأدهم متأذي عليج ..

سيلين : لا السر اني احس بفرحه بغرور من اشوفه يبجي ويتمناني بس والله وروح بابا ماجنت هيج ، هاي صارلي فتره احس روحي حقيره .

عكدت حاجبها نرمان حسيتها ضاجت بعدين كالت. 

نرمان : اعتقد بسبب الصارلج كمتي ما تتأثرين بالمقابل او تصير عندج رغبه تزيدين المه. 

سيلين : صح اكذب اذا كتلج لا. 

نرمان : زين ليش كتيلي بهذا السر. 

سيلين: اريد تساعديني اني ما اكدر احجي ويه ادهم خاف يتحسس مني اريد اعوف هاي الصفه واتخلص منها. 

نرمان : ماعرف حيرتيني هاي بس ادهم يكدر يحلهة الج لان اني مو اختصاصي اعالج اني تخصصي يختلف .. 

سيلين : مااكدر اكله شسوي 

نرمان: الافضل تحجيله كلشي لان من تضمين عليه وميعرف وبمرور الايام يكتشف هذا الشي بيج راح يكرهج او يضوج منج ادهم واعرفه. 

سيلين : ماعرف صعب اعترفله صعب.

نرمان : احس عندج هواي شغلات ضامتها مو؟ 

سيلين : اي وماكدر احجيها. 

نرمان : زين سؤال لتعتبريه تدخل مني ؟ 

سيلين : جواب 

نرمان : شعجب ماصار عندج طفل من سامر؟ 

دنكت وجريت نفس قوي. 

سيلين : هو ماجان يريد. 

نرمان : ليش ؟ 

سيلين : ماعرف مقبل نسوي..

نرمان : زين وعلاقتكم شلونها. 

سيلين : مو كلش يعني عاديه كأي زوجين مابينه شغف. 

نرمان : شنو السبب .؟ 

سيلين : هو صاحب علاقات كلش هواي وعرفت من اول اسبوع اتصلت عليه طالبه وطلع وياها من سألته كال ويه صديق بس من رجعت دزتله رسائل وجان موبايله على الميز وقريت . 

نرمان : الله يعينج يعني جان ميحبج. 

سيلين : ماعرف يحبني او لا بس المهم جنت كلشي ما احس وياه يعني لا احبه ولا اكرهه مجرد تعويد على شخص. 

نرمان : يعني مجنتي تتأثرين او هو يأثر بيج. 

سيلين : ابد ماكو هيج شي كتلج علاقه عاديه وماتت بسبب الخيانات تعرفيني اني ماحب مشاكل جنت اسكت وهو من يشوفني اسكت يتمادى اكثر .

نرمان : شكد استمريتو هيج. 

سيلين : لحد ماصار الصار وخلاني ادمن. 

نرمان : هم يجي يوم تحجيلي . 

سيلين : ماكدر ممكن احجي لادهم بس منتضره تقوه علاقتنه وينزاح ستار الخجل بينه يلا احجيله. 

نرمان : امانه سيلين امانه تحبيه فعلا لو تريدين تعلقيه بيج بدافع معين. 

سيلين : شنو قصدج؟ 

نرمان : لتاخذين كلامي بقصد سوء عندي علامات استفهام حول تصرفاتج واريد تتوضح الصوره عندي. 

سيلين : تمام اسألي واجاوبج. 

نرمان: يعني من رادج زوجه اله رفضتي وجان رفضج قاسي وحتى ردتي تتركين البيت بالمهر كأنما وحده ارتبطت بعشيقها التحبه بجنون واني استغربت وحتى ادهم. 

سيلين : هو اني لو فاهمه نفسي جان فهمتج مو قبل شويه كاعد اشكيلج من حالتي هههههه. 

نرمان : راح تخبليني . 

سيلين : هاي صفات السايكو للأسف لا يتأثر بالمقابل من يشوف حزنه ويتلون كل يوم شكل والله يستر من الجاي شلون راح تكون تصرفاتي بس اني حجيتلج حتى توكفين ويايه اذا بيوم من الايام خطأت بحق ادهم او اذيته بدون قصد. 

نرمان : ماشي تدللي وياج وياج لحد متصيرين زينه. 

سيلين : الله يوفقج ويسهل امرج .. 

مديت ايدي على ايدها ربتت عليها .. 

نرمان : الجاي صار بارد هههه. 

سيلين : احمي الج. 

نرمان : لا ميحتاج

سيلين : راح انظف البيت لعد. 

نرمان : انتظري اجي وياج. 

سيلين : لا هسه اكمل على السريع ماعندي شي صدك اكلج وين ايمن شو ماكو صار كم يوم. 

نرمان : بابا اتصل عليه وراح يمهم صارله ٣ ايام. 

سيلين : يطول لو يرجع. 

نرمان : ماعرف بس يريد يقدم دراسات هاي السنه وراح يسأل على المواد التدخل بالامتحان. 

سيلين : هااا الله يوفقه 

نرمان : يوفق الجميع ان شاءالله.. 

ابتسمت ورحت انظف كملت كل الغرف واخر شي دخلت لغرفه ادهم مرتبه من كاعها اصلا متحتاج ارتبها هيج انسان منظم مشايفه ابد .. 

لفت نظري شي جوه مخدته جانت مو عدله رحت رفعتها واشوف ثوبي مال مهر ، ضحكت شبسرعه خمطه وشوكت يفوت لغرفتي حبيت اخبث عليه فرشته على الجربايه وجبت ورقه وقلم كتبت بيها.. 

( اويلي عليك كضيتها تشمشم بالهدوم ) 

خليتها على الفستان ونظفت غرفته وطلعت .. 

وره ساعه رجع جايب المسواك شافني ضحك. 

سيلين : الله يساعدك اشيل عنك. 

نطاني علاكه صغيره خلاها بيدي ومشى للمطبخ...

ادهم : صار الغده تره ميت جوع. 

سيلين : ماعرف نرمان كالت اني اسوي. 

فات للمطبخ وسألها ... 

ادهم : سويتي غده لا. 

نرمان : لا هسه راح ابلش. 

ادهم : صفي المسواك وامشو نتغده بره .

نرمان : ليش هسه اسوي. 

ادهم : يمعوده شتسوين بعد هواي يلا يصير. 

نرمان: يلا صلي بين ما اصفي المسواك ونبدل ونروح. 

ادهم : راح اسبح حاره كلش بره.

نرمان : اي صدك الجو دبك. 

اني واكفه يمهم وهمه يسولفون صفينه المسواك وكل وحده راحت تبدل ، للأسف اني لحد الان مرجعت للصلاه ولا كدرت اوكف اصلي كل يوم احاول وارجع افشل.. 

حسيت بذنب مو طبيعي يقفل على صدري وبنفس الوقت ما اريد اضغط على نفسي اكثر .. 

بدلت وطلعت انتظرهم بالهول اجتي مرايم يمي.. 

سيلين : مشتاقين يابه هاي وين الغيبه. 

مريم : هههههه اني هم.

سيلين : شلونج. 

مريم : زينه. 

سيلين : شو زينه من وره خشمج. 

مريم : ضايجه . 

حجتها ودنكت راسها. 

سيلين : ليش قلبي من شنو ضايجه. 

مريم : بابا ميسمحلي اروح يم عمو فهد وففه يكول عيب وبعد ممنوع تباتين ..

سيلين : ههههههه ففه شنو ولج عيب 

مريم : عمو ميقبل اصيحلها ايفين يضوج . 

سيلين : ههههه خبال لفهد. 

مريم : لتحجين على عمو ديري بالج. 

حجتها بنتره بحيث تفاجأت. 

سيلين : حبيبتي اني مو قصدي. 

مريم : انتو كلكم متحبون عمو لان حباب ويشتريلي اشياء مثل ميشتري لعلاوي. 

سيلين : اوكفي اوكفي ياعلاوي قصدج. 

مريم : علاوي ابن عمو فهد شبيج مو مسافر  

سيلين : اي ادري مسافر بس ليش يشتريله غراض. 

مريم : يكول راح يرجع ويلعب ويايه واشتراله غرفه وجابله جربايه مثل مالتي وكنتور وترسها ملاعيب وملابس بس مرات من نروح نشتري ملابس ينقهر ويصير عصبي ويعوف المحل ونروح نشتري بس اليه..

سيلين : ليش ؟ 

مريم : يكول ماعرف شكد طوله هسه ولا اعرفه سمين لو ضعيف ومرات يبجي اني ما احب اي واحد يضوج عمو واكرهه اكوم. 

سيلين : محد يضوج من عمج كلنا نحبه. 

مريم : بس انتي هسه كلتي عليه مخبل مو عيب. 

سيلين : صح عيب اعتذر...

مريم : بابا ميقبل واحد يغلط على الاكبر منه وحتى الصغير منصير نغلط عليه 

سيلين : صحيح ياحبيبتي كلش صحيح واني اسفه واعتذر. 

سكتت وكعدت بعد ما فشلتني وكلت بكلبي شلون حظ حتى الجهال تدافعله بس فعلا تأثرت من حجتلي على موقف ابنه ودعيت من كل كلبي يلتقي بيه. 

طلع ادهم من غرفته توجه عليه مبتسم بيده ورقه خلاها بحضني وكال.. 

ادهم : منتضركم بالسياره ..

سيلين : ماشي

باوعت بالورقه مكتوب بيها. 

( عن قريب راح اشمشم بسيطه ) ضحكت عرفته قاري الورقه مالتي... 

كملت نرمان وطلعنه ... 

وصلنه للمطعم طلبنه غده تغدينه

اكل وعيوني على حوض السمج عشقته 

ادهم : عجبج. 

ابتسمت ورديت بلهفه 

سيلين : كلش عجبني ادهم كلش. 

ضحك ورجع يكمل اكل... 

كملنه ورجعنه للبيت بالطريق مريم طلبت من ابوها ياخذها لبيت فهد. 

مريم : بابا وديني يم عمو فهد والله اشتاقيتله. 

ادهم : كل يوم تروحين مريم انه شكلت 

مريم : بابا تعودت عليه واحبه وديني. 

ادهم : لا حبيبتي غير وكت انه وياج ونرمان وسيلين نروح ساعتين ونرجع. 

مريم : بابا اريد ابات مثل قبل معليه. 

ادهم : مرايم اوديج بس مو اليوم اسمعي كلام. 

ضاجت كلش ودارت وجها على الجامه تأفأف.. 

رجعنه للبيت ومر اليوم اعتيادي.. 

وره اسبوع جنت بغرفتي سمعت صوت ادهم يصيح ...

ادهم : سيلينتي .. 

حجاها وفتح باب الغرفه مبتسم ... 

سيلين : نعم 

ادهم : تعاي شوفي شنو جبت.. 

رحت وراه لكيته جايب حوض مال سمج.. 

سيلين : هاي شنو؟ ههههه 

ادهم : حوض سمج مو عجبج ذاك اليوم من رحنه للمطعم.. 

سيلين : اي عجبني.. 

اجه تقرب يمي لزم ايدي وباسها خلاها على وجهه وغمض.. 

يطبع قبله على ايدي ويهمس احبج ويرجع يطبع الثانيه ويصيح احبج ..اخر شي باوعلي بنضره ذبلانه.. 

ادهم : شوكت ؟ 

سيلين : شنو؟ 

ادهم : تحنين عليه مو كلبي طك والله العظيم. 

سيلين : اصبر حباب. 

ادهم : شكد يعني انطيني مده. 

سيلين : ماعرف.. 

ادهم : سيلينه تعبت. 

سيلين : الله يساعدك بس والله ماكدر هسه الله يخليك اتوسلك اصبرلي. 

ادهم : ماشي اصبر .. 

عيونه بدت تاكلني اكل وتتجرأ اكثر. 

سيلين : ادهم .. 

حجيتها بصوت حاد. 

همس .. 

ادهم : هممم

سيلين : عينك. 

ادهم : هيه صلفه تباوع مو انه صدكيني تركض تحضنج قبلي. 

سيلين : ههههه شلون سالفه هاي. 

ادهم : تعرفين لو يرجع بيه الزمن شسوي. 

سيلين : شتسوي. 

تقرب حاوط خصري وكال ..

ادهم : ماعوفج لغيري لو تحتركين كدامي مااسمحلج شنو من غباء عندي وفرطت بيج بسهوله شلون صبرت شلووون تحملت ولج جنت امووووت كل يوم كل يوم اتخيلج بحضنه احترك انجن. 

سيلين : بس قبل ولا جنت مبين انت تحبني لهذا الحد..

ادهم : انه شخصيتي هيج شكد ردت امثل عدم المبالاه بس اخر شي كلبي طك و ماكدرت ابين الج انه ما مهتم خصوصا من عرفت راح تروحين مني .. 

سيلين : صارت بعد.. 

ادهم : ندمان حيل 

سيلين: تصدك اني هم. 

ادهم : صدك ؟ 

سيلين : اي هسه يلا عرفت اختياري خطأ.

ادهم : ممممم يلا الحمدلله..

سيلين : الف الحمدلله 

ادهم : صليتي اليوم. 

سيلين : لا 

ادهم : ليش معشوقتي.. 

سيلين : ماعرف والله مكاعد اكدر ابد 

ادهم : واذا كتلج لخاطري. 

سيلين : راح احاول . 

ادهم : اي عفيه. 

ابتسمت وسحبت روحي منه عافني بهدوء رحت توضيت وكفت اصلي ، ارجف وصعبه عليه عبالك عندي امتحان.. 

كملت بس بثقل وتعبت حيل. 

مشت الايام وشويه شويه رجعت لربي وانتظمت بصلاني وادهم حيل فرحان بيه لان التزمت.. 

مشت الايام واني يوميه ارتب نفسي وابدل واخلي مكياج وادهم يركض ورايه وين ما اروح حبيت هاي اللعبه ماعرف حسيتها متعه اشلع كلبه بس فعلا تصرفاتي جانت مو مال وحده بعقلها من اتذكر هسه اضحك على نفسي شلون جنت هيج اسوي ... 

بيوم طك كلبه وبلش يمثل عليه بالبدايه عبالي صدك لان هو دائما راسه يوجعه بس بعدين حسيته يمثل ويطلب الاهتمام مني بطريقه غير مباشره ..

وهذا موقف من المواقف ..

جنت كاعده بغرفتي واكلب بالموبايل الجديد اشتراه اليه ادهم قبل كم يوم اندكت الباب ودخلت مريم. 

مريم: سيلي..

سيلين : ها حبي. 

مريم : بابا يريدج. 

سيلين : وينه 

مريم : بغرفته نايم. 

سيلين : بيه شي يعني لو هيج. 

مريم : يكول راسي راح اموت. 

سيلين : يااا هم راسه شلون حظ. 

اني هم شمرت موبايلي وطفيت الضويات ورحت لغرفته جان مطفي كلشي اعرف بيه من راسه يوجعه عدوه الضوه لهذا معلكته تقدمت امشي واكمكش بيدي وصلت يمه بعدني مطاخه بالجربايه انجريت وكعت بحضنه.. 

سيلين : ههههههه يا لوتي يعني مابيك شي. 

همس ذايب...

ادهم : بيه هواي اشياء. 

دافن راسي بصدره وقافل ايده عليه..

سيلين: راسك يوجعك مو خل اشوف شو وخر. 

ادهم : نامي وبس هسه اصير زين. 

سيلين : ادهم شكد وكح صاير ولوتي ...

ادهم : هههههههه والله عمي تجيك التهايم وانت نايم بابه مريض...

سيلين : هسه شنو يوجعك غير تحجي. 

ادهم : كلبي يوجعني وهسه صار زين. 

سيلين : اهووو ادهم شنو السالفه صدك تحجي..

ادهم: اي احجي صدك كلبي يوجعني يريدج ودزيت عليج بيها شي. 

سيلين : لا مابيها بس ضل بالي عليك..

ادهم : خلص نامي 

سكتت وره شويه ذبلت عيني من النعاس ونمت اول مره بحياتي انام هيج نومه وبهيج راحه كعدت الصبح على قبلات تتوزع على وجهي.. 

فتحت عيني ابتسمت 

سيلين : صباح الخير. 

ادهم : صباح الحب نمتي زين مو...

سيلين : اي كلش. 

ادهم : حسيت بيج ههههه 

سيلين : وانت ؟ 

ادهم: ما غمضت لحظه. 

سيلين : لا والله 

ادهم : والله. 

سيلين : ليش ؟

ادهم : اتأملج..

سيلين : ههههه نام هسه راسك يكوم يوجعك. 

ادهم : الحك انام ...

سيلين : راح اسوي ريوك تريك وارجع نام. 

ادهم : ماشي. 

كمت ورجع تغطه رحت سويت ريوك رجعت لكيته نايم انقهرت اكعده كلت هو شوكت ميكعد اسويله ريوك ، كعدت مريم ونرمان وتريكنه سوه.. 

العصر كعد من النوم سبح واجه للمطبخ جنت لابسه كلبيه ماروني وراسمه شفتي بالروج طبعا ماعندي اي لون حمره غير تدرجات البني وكلت بس اطلع اشتري غير الوان لان مليت اريد اغير مرات حتى من البس وردي اني خاله بني واضحك على التنسيق. 

ادهم : اكو غده قلب ...

التفتت عليه ضحكت وكتله ..

سيلين : اي اكو هههه 

ادهم : هاي شنو؟ 

سيلين : شنو؟ 

تقرب مني يضحك وعيونه اجتي على شفتي ويحجي ويايه...همس بصوت ذايب ..

ادهم : يصير اتذوق .. 

سيلين : شنو ؟؟ 

باوعتله بمكر اني اعرف شنو يقصد بس استغبيت .. 

ادهم : احم ، هذا شنو طعمه . 

حجاها واشر بعيونه على فمي .. 

سكتت مجاوبته .. 

ادهم : شنو رأيج اجرب ؟؟ 

سيلين : انت متشوف نفسك هواي تماديت ...

ادهم : وانتي متحسين بروحج هواي مأذيتني هالايام اي ليش تخلين من هذا اللون ليش مو جننتيني ... 

سيلين : ماعندي غيره شنو اخلي لعد. 

ادهم : اريد اجرب طعمه مره وحده وبس.... 

سيلين : ادهم اكعد راحه . 

بدون ميجاوبني وبدون مقدمات باسني بلهفه عاشق ولهان قبلني بشغف واني تفاعلت وياه لاول مره احس بهيج شعور .. 

اختلطت انفاسنه سوه طعم ما مجربته قبل اشبه برحيق الورد.. 

ماحسيته ويه سامر ابد كلشي ويه ادهمي مختلف ، متحمل اكثر شالني بلهفه واخذني لغرفته وسد الباب.. 

طفو الكامره ونامو 

الفصل الرابع والخمسون من هنا 

شكرا لزيارتكم عالم روايات سكيرهوم