رواية ناديه الفصل السادس والخمسون 56 بقلم انين الليل

حنين 

من اجه عمو سراج البيت هادي وبعدها اجوي الشرطه واجت وراي افراح الي گالت 

:ها شمصخمه مو كافي فضيحة اختج 

انا ما اعرف على شنو تحچي هي كالت بنتر 

:حنين خاتون البسي عباتج وجيبي جنسيتج والشهاده وانزلي يردونج

:عمه انا والله ما مسويه شي 

:اي هم ذيج هسه تطلع ما مسويه شي انزلي كون الله يفكنه منج مثل ما فكنه منها

اشوف افراح رغم ما تبچي على ياسر بس من تحچي ولا كانه ابنها مسجون انا بوكتها لابسه دشداشه وجواها 

بجامه لان من امسح البيت ارفع الدشداشه فالبجامه تسترني هي ما خلتني ابدل شافت العبايه معلگه جابتها 

وشمرتها بوجهي وهي تحچي بعصبيه 

:البسي تره ما جاي ايخطبونج

لبست عباتي وعدلت شالي ونزلت وانا ارجف وريگي يابس بس شافني هادي صار يتهدد لكن سراج خلاني ورا 

وهو يگله ::على كيفك هادي خلي نفتهم 

وهادي يسب ويغلط ويگله //شتفتهم وحد من امها واختها 

سراج لزمني من ايدي واخذني للسياره وانا مدنگه وابچي هو بقى ساكت وصلنه ونزلني اخذني الغرفه وگلي 

::حنين لا تخافيين انا يمچ 

سالته وانا ارجف //فدوه عمو شصاير ليش جايبيني لهنا انا ما مسويه شي

::اعرف بابا بس هذا الي يصير كله المصلحتج ومصلحة اختج اي شي لا تحچيين وصوت لا تطلعيين يجي 

عمج رضا وترحين ويا اذا تردين تفتكين من هادي ومرته 

انا اتعجبت من كلام سراج گتله //لا عمو وين اروح ارجع البيت عمي 

هز راسه وگلي ::شنو ما واثقه بيه حنين مو انتي الي طلبتي من زهراء ما تبقيين ابيت هادي 

انا برطمت وگلت //چان ابدي اروح يم بيبي جميله بس 

::بس شنو لا تخافيين انا يمج انا القاعده الي لازمج انتي واختج

باوعتله وسالته //يعني عمو انت تعرف ناديه وين 

هو جر نفس وگلي ::بابا حنين اسمعي الكلام الي ايهمني هسه انتي ما اريدج تبقيين يم هادي لان بقائج هناك بي 

خطر عليج وعلى ناديه وحتى عليه

ما فهمت قصده طلع وانا بقيت بالغرفه احس من كلامه انو يعرف شي عن ناديه وبعدين اجه عمو رضا واخذني الفندق 

ودخلت بغرفه هو گلي // اقفليها عليج ونامي 

بليلتها نمت رغم القلق والخوف على اختي وعلى نفسي لكن نمت وثاني يوم اخذني سراج ورضا وطلعنا 

وانا اسمع رضا يگله// اخذها للصويره يم سكنه

رغم شگد الي ثقه بسراج بس خفت ليش هلگد بعدوني عن بيت هادي ومنو سكنه وشنو راح يصير 

لكن من وصلت وشفت خاله سكنه ومريم وحتى ابنهم رضا هدئت شويه 

اول يوم بتت يم مريم وخاله سكنه وانا مرتبكه وخايفه وثاني يوم الصبح دز عليه سراج وانطاني فلوس وگلي 

::من ترتاحيين روحي ويه مريم اشتري ملابس

وراحو بعد ان وصاني ادير بالي وما ابچي وگلي لازم ابدي اقرا واعوض الايام الي غبتهن عن الدوام 

چان كل شي مبهم بالنسبه الي بس راحو انا بقيت بالغرفه ما طلعت منها وكت الغدا اجت مريم وهي تگلي 

- - شنو هاي الهسه بعدج بالغرفه لا عيني ما عدنا بنات يبقن گاعدات ياالله (لزمتني من ايدي وطلعتني )

ياالله تعاي ساعديني خلي انحضر الغدا

طلعنه وانا خجلانه لان استحي وما متعوده عليهم اخذتني للمغسله وغسلت اديه ورحنه للصاله شفت ام مريم جايبه 

صينيه وخاله بيها غدا وگعدنا وهي تگلي 

:اكلي خاله لا تستحيين هذا بيتج 

جاوبتها بخجل //شكرا خاله 

سكنه //ياا اگلها بيتج تگلي شكرا ياالله يمه سمي باسم الله وربج ايحلها

اشوف بعيون ام مريم حزن رغم هي تحاول ما تظهره لكن ما يعرف الحزن اله الي معايشه 

كملنه غدا وشلت الصينيه هي گالت //لا مريم تشيلها 

انا جاوبتها //توچ تگليلي هذا بيتچ وهسه ما ترديني اشيل الصينيه 

مريم بضحكه //اي والله حنونه وسويلنه چاي 

سكنه خزرت مريم وگالت //ايا ما تستحين شو تامرين عليها

مريم //شلقصه يمه مو تگول بيتي ياالله حبيبتي ام البيت راوينه ندارتج 

انا رحت للمطبخ خليت القوري ع النار ولميت الصحون حتى اغسلهن ومريم لزمت المكناسه وصارت تنظف

 بالصاله رغم هي نظيفه بس الظاهر هذا روتينهم لمن ما اجه رضا وهو يگول //يمه لحگي تره ميت من الجوع 

سكنه بنتر // شكم مره اگلك لا تهبطني 

هو فات للمطبخ وهو يگلي 

مريم صبيلي غ... اتفاجأ بيه لان الظاهر ما منتبه الوجودي هو گال //العفو السلام عليكم

انا دنگت وگلت // عليكم السلام 

اجت مريم //رضا شبيك خرعت البنيه 

رضا باوع المريم // انا خرعتها لو انتي تونه اسم الله بالطبك البنيه البارحه اجت تشغلينها 

مريم اتقربت عليه // شوف شوف الله عليج حنين انا شغلتج 

رضا // اذا مو انتي امي 

جاوبته بهدوء وانا مدنگه // لا لا انا ما سويت شي بس شلت المواعين

هو راح الغرفته واجت مريم تصبله غدا وانا اخذت الچاي وخليته يم خاله سكنه وبعدين رحت للغرفه اجت مريم 

وجابتلي كوب چاي واتمددت ونامت وانا شربت الچاي واتمددت على فراشي بالگاع بقيت افكر ما اعرف شسوي

درت على صفحتي گبال بوفية عمه سكنه وصرت افكر بالي صارلي ومن غير شعور شهگت بالبچي وانا دايره 

وجهي ما حسيت اله مريم حضنتني وهي تگلي //لا تبچيين حنين سلمي امرج ال الله

انا وكانما مريم مصبرتني فقدت صرت ابچي حييل وراحت مريم جابتلي گلاص ماي وهي تگلي 

: شبيج حنين كافي بچي صدگيني كل شي يتغير انتي بس اتوكلي على الله 

بقيت مدنگه وهي گلتلي // حنين احمدي ربج لگيتي احد يساعدج مثل عمج وعمي لكن اكو ناس محتاره ما 

لاگيه احد حتى يصبرها لو بكلمه 

بقيت مدنگه وانا اشهك مريم گلتلي //عمرها الدموع ما حلت مشكله لكن احنه بحاجه للبچي شوفي امي صار 

من عشرين سنه ويمكن اكثر دومها بس تبچي يمكن الفرحه الوحيده الي شفناها على وجهها هو لمن نجح رضا 

من السادس

سالتها باستغراب // ليش خاله دووم تبچي ؟

مريم جرت حسره //مو اگلج الي يسمع مصيبة الناس تهون علي مصيبته هسه انتي فاقده اختج ومصيرج مجهول 

لكن اول وتالي تنكشف الحقيقه وتعرفين مصيرها وحتى لا سمح الله اذا ما عرفتي سنه سنتين تنسين وغصبن ما 

عليج تعيشين حياتج سواء بفرح او بحزن

رديت عليها //تتصورين المثلي تنسى اختها 

هزت راسها //لا مو اله بس الوكت كفيل 

: اذا مثل ما تگولين هاي امج ليش دائما تبچي ليش ما نست مثلا 

مريم //لان الوكت ما انطاها فرصه للنسيان توالت الاحداث وحده فوك الثانيه 

:شلون يعني ؟

مريم //هاي يامحفوظة السلامه ( اتربعت وگعدت ) امي تزوجت بابا الي هو اخو عمو رضا والي هو يصير ابن

عم امي 

انا باهتمام //ايي 

مريم //ايي بعد صيرتي باشهر خالي كتل ابوي على مود گاع واهل ابوي اخذوني انا ورضا من امي وبيبي 

ام رضا الله يرحمها تدولبت بينا لان چنا زغار وره فتره سنه اكثر اقل عمي رضا كتل خالي وبوكتها خالي چان رفيق 

والدنيا والحكومه انكلبت على موده واضطر عمي رضا ياخذ بيبي وعمي علي واحنا ونجي يمكم للبصره

حتى يگولون گعدنا ابيتكم انا ما اتذكر لان زغيره

حنين //حتى انا ما اتذكر 

مريم //ايي اهنا امي صارت هي الضحيه منا حماها الي اخذ بثاره وكتل اخوها ومنا زوجها الي كتله خالي ومنا

انحرمت من جهالها 

عاد بعد السقوط هواي اتبدلت امور وعمي رضا رجع الكاع البيت جدي الي همه بالاساس مطلوبين من قبل هواي 

ناس لان خالي رفيق وطلعت علي هوايه قضايا بوكتها عمي رضا اشترى الاراضي من بيت جدي واشترالنه هذا

 البيت ورجعنه الامي

- - وهاي احنا عايشين لكن امي دووم حزينه وتبچي واحنا ننطيها الحق منا اترملت وهي زغيره ومنا الي قتل زوجها

 اخوها والي قتل اخوها حماها وصارت بينها وبين اهلها فجوه لان ما قبلت تتركنا وتتزوج وهم بينها وبين عمامي

فجوه لان قتلو اخوها 

جاوبتها //الله يساعدها

اتقربت يمي وكالت //شفتي ياحنين اليسمع مصيبة الناس تهون علي مصيبته

اتحسرت وهزيت راسي باوعتلها شفتها تبتسم گتلها //ياالله خلي نگوم نسوي عشا 

مريم //حيلج حيلج شنو جايه تكربين 

  - - لا مي خالف الهي روحي ياالله انتو شتسوون عشا يوميه 

مريم //القاسمه الله بس لان انتي اهنا لازم بعد نسوي شي خصوصي 

باوعتلها //لا على شنو هالخصوصي حالي من حالكم

مريم //اكيد ما راح نذبح لج خروف ياالله امشي خلي نشوف شنسوي 

لگينه خاله تصلي وگفنا على ما كملت گالت //هاا خير 

مريم // يمه حنين اتبرعت تسوي العشا واجينه نسالج 

باوعتلي وگالت //گبل العشا روحن صلن مو گاضياتها سوالف

اشوف خاله سكنه شديده بس تحمل گلب طيب وهموم وتعب سنين بسرعه اتوضينه وصلينه وكملنه ورجعنا هي 

باوعت گالت //بسم الله الرحمن الرحيم يمته كملتن 

مريم // يمه والله صلينه بس مو مثل صلاتج 

باوعت وابتسمت //اي وهسه 

مريم //كل خير انريد نسوي عشا 

:لا تسوون رضا راح يجيب كباب

جاوبتها //خاله اذا على مودي لا تتكلفون انا حالي من حالكم 

:ادري بيج حبيبتي هو انتي شتاكلين بس رضا دوومه يجيبلنه عشا 

  - - اذا هيچ بالعافيه 

سكنه //الله يعافيج ياروحي 

مريم //يعني باجر سوي العشا 

:ان شالله صار

سكنه خزرت مريم وهزت ايدها وباوعتلي // روحي خاله سوي شعريه حلوه تعرفيلها 

هزيت راسي وگتلها //اي 

باوعت المريم //روحي ويه اختج دليها وين الشعريه والشكر 

مريم //صار ياالله اختي 

سكنه //وخضي لبن 

درنا اثنينه //صار 

ضحكنا وصارت مريم تدليني انا گتلها //خلص روحي اقري وانا اكمل

هي ضحكت وراحت وانا بقيت بالمطبخ رغم كان بسيط بس نازك وحلو ومرتب ونظيف انا بلشت اسوي 

شعريه حلوه وطلعت روبه من الثلاجه وطرگت لبن وبعدها خليته بجكايتين وخليت بوحده ثلج وقطعت

ليمونه عليها والثانيه خليتله بس ماي بارد 

وهدرت الشعريه ورجعت للغرفه

بوكتها چنت ما اعرف شنو الي يصير او ليش هيچ عمو سراج اتصرف او حتى ما اعرف اختي ناديه 

وين بس الصراحه حسيت براحه يم هذوله الناس الي ما تربطني بيهم سابق معرفه بس لان رضا يصير عمهم 

رحت گعدت يم مريم لان استحي اكعد ابحدي يم خاله سكنه سمعت صوت رضا وهو يسلم على امه وهي تگله 

   - - - هلا بيك بعد روحي 

وسمعتها تگول //تعالن بنات خلن عشا 

طلعنه ومريم گالت //الله يساعدك رضاوي 

رضا //هلا بيج مريومه ياالله صبي عشا 

انا سلمت وانا مدنگه السلام عليكم (ورحت للمطبخ )

هو رد //عليكم السلام

صبينا العشا ومريم اخذته للصاله انا بصراحه انحرجت ما اعرف شلون اتصرف بقيت بحجة اخدر الچاي لمن ما 

اجتني خاله سكنه وهي تگلي //ليش اهنا باقيه ما تجيين تتعشين 

جاوبتها وانا مدنگه //اي هسه بس الچاي يخدر 

:ياچاي تعاي 

 هي نصت على القوري ولزمتني من ايدي وگالت //اگعدي اكلي ويانه

هي گعدت ورضا گعد يمها ومريم گعدت بصفها من الجهه الثانيه وانا گعدت يم مريم رضا باوعلي وگال 

اذا تستحيين انا اخلي مريم تجيبلي الاكل بغرفتي 

انا اختنك صوتي وگتله //لا عادي 

مريم گالت //شبيج حنونه انتي مو گلتي حالي من حالكم

بدون ما اباوع هزيت راسي وگلت //ان شالله 

خاله سكنه// هاك ضوك الشعريه انت تحبها 

رضا اخذ الصحن وسال امه //عليج الله يمه بس لا مسويتها مريم 

سكنه //لا مو مريم 

رضا //احلفي 

: والله مو مريم

مريم بحرگه // ليش شبيها شعريتي 

رضا //ما بيها شي بس حلفت ما اكلها من انتي تسوينها 

مريم تهز بايدها //خلي نشوف من تتزوج مرتك تعرف تسويها مثلي 

رضا وهو ياكل //الله تخبل عاشت ايدج سكنه لو هيج الشعريه لو ماكو 

: بالعافيه بس مو انا

رضا غص // افه يمه تضحكين عليه امريييم مسويتها وخليتيني اكلها 

سكنه //لا مو مريم (واشرت عليه )حنين سوتها 

باوعلي رضا وابتسم //صدك والله 

سكنه //اي وداعتك هي سوتها 

رضا //الله كلش طيبه ولا تشبه الي تسويها مريم

سالتهم //ليش شبيها بس تعيبون

رضا حك لحيته وابتسم وگال //انا من شفت مريم تطبخها حلفت ما اكل الشعريه رغم احبها 

سالته وانا عاكفه حواجبي //اي شسوت مريم 

رضا وهو ياشر //تخلي الهيله بحلگها تكسرها ما ادري تعلسها وتخليها فوك الشعريه 

مريم //انا الك رضا اله اخلي فوك الكاستر والمحلبي ما طوول فضحتني

رضا //ولج شفتج بعيني 

مريم //هي مره وحده امي ما طاحنه هيل وما عرفت بيش ادگه عاد كسرتها بحلگي 

جاوبتهم //بالطبر 

الكل صفن عليه وسكنه گالت //شتطبرين 

مريم //شنو راس باچه وتطبرينه 

هزيت راسي //لا مو هيج بس شفت ما عدكم هيل مطحون اخذت چيس نايلون زغير وخليت بي هيلات ولفيته 

ودگيتهن بالطبر لان ما لگيت الهاون

مريم //لو عالستهن وما مخليته ياكل الشعريه 

رضا //بس هي بهيل او بدون هيل طيبه عاشت ايدج 

جاوبته //بالعافيه 

سكنه //هاك لبن اشرب 

:لا ما اريد 

مريم //اشرب رضا مو مثل لبنه هذا لبن بالليمون هم سوته حنين

رضا //صدك بالله 

مريم //اي قابل اچذب عليك هاك اشرب 

شرب رضا وگال //الحمد لله بس مريم عيب البنيه ضيفه عيب الاستغلال 

مريم //هاي هي واسألها هي گالت انا اسوي الشعريه واخلط اللبن

وكملنه عشا وجمعنه المواعين ورحنا للمطبخ غسلناهن انا ومريم وحده تجلف والثانيه تشطف واخذت مريم الچاي 

وانا بقيت امسح بالكاونتر لمن ما خاله سكنه صاحتلي //حنين تعاي يمه 

اجيت وگتلها// ها خاله 

رضا انطاني علاگه وگلي //اخذي هاي العلاگه بيها كتب وملازم السادس حاولي تقرين وتعوضيين الوكت الفاتج

اخذتهن وانا گوه لازمه نفسي ما اريد ابچي لان اتذكرت ناديه وهي تگلي 

... ... كون اتطلعين صيدلانيه طبيبه وانا الغبيه اختاريت الفنون حتى اتخرج بسرعه وما انشده عن مرتضى 

مرتضى الي باعني بلحظه. وحتى ما اعترف بغلطته لا هو ولا ابو

باوعلي رضا وگلي //شدي حيلج وشنو تحتاجينه انا ومريم موجودين 

سكنه // چا وانا وين رحت

هو اتقرب منها وباس راسها وگلها //انتي الخير والبركه شعدنا غيرج 

مريم //اي والله يمه شعدنا غيرج ياست الحبايب 

انا باوعت السكنه اتمنيتها تكون امي لان احس بيها شگد حنينه على اولادها هي باوعتلي وسوتلي باديها تعاي 

انا بدون شعور رحت حضنتها وظليت اشهگ من البچي وهي تمسح على ظهري وتگلي 

: كافي لا تبچيين يابعد روحي اسكتي يمه الله كريم

  زدت بالبچي حسيت بحضنها حضن امي الي ما اذكره وحنية بيبي الي عافتنا بنص الدرب 

بعدها هدئت وانتبهت انا حاضنه خاله سكنه ورضا ومريم يباعون عليه عدلت گعدتي وبقيت مدنگه هي گالت 

: ياالله بس اليوم سماح من باچر دراسه اريدج تنجحين وترفعين راسي 

مريم //حنين بعد الحجيه حچت محد ايگلها لا ولا يزعلها تره اتحوبه

سكنه //مريم مالي غرض بيج طلعتي من السادس ورضا بعدله سنتين ويتخرج انا عدي هسه حنونه ابنيتي 

اريدها تنجح 

 باوعتلي // وانتي يمه الكاتبه الله يصير وداعتج لا تهمين والله ربچ دگومي ياعيني غسلي وجهج وسمي بالرحمن 

رضا //مريم

مريم //ها رضا 

رضا //ما تگليلي امي چم گلب وعين وروح عدها

مريم //اهووو هواااي يكفي السلف بس هسه هي راح تطيهن كلهن الحنين 

رضا //ها يعني احنا بره 

سكنه //وشحارك گلبكم ياالله كلمن على حجرته كافي سولفتو وقلدتو

كلامها وحنيتها خلت عدي امل بان انجح ولازم انجح واذا الله كاتبلي اشوف اختي راح اشوفها وان شالله اشوفها 

صرت اقرا وهم صرت مثل ناديه الليل ما انامه افكر باختي وبوضعي واقرا وبالنهار احاول اشتغل بالبيت رغم

 خاله سكنه ما تقبل بس انا استحي اگعد انظف واغسل المواعين وهي تطبخ دووم اسمعها من تگعد تنعى بصوت 

خافت وتبچي

انا مرات اگعد اتصنط وهم ابچي وياها وهي ما تدري ومن يجون نخلي الغدا ونتغدا وانا اروح انام شويه ومريم 

تغسل المواعين وهم تجي تنام ومن احتاج شي اطلبه منها لكن هي تسال رضا ويجي ايفهمني ودائما يسالني افتهمتي 

انا اهز راسي اي بس الصراحه ما افهم اهنا يلگفني من يگلي اشرحيلي وانا اتلكأ وهو يرجع يشرح وانا اعيد ورا 

وتميت ابيت خاله ام رضا وانا ابالي شي اتمنى يصير لكن هذا الشي الي اتمنا محال يصير

///////////////.///////.//////////.////////.///////.///////./////.

سراج 

بعد ان سمعت من توفيق وليث وعرفت منو الي خلاهم ايخطفون ناديه اتاكدت من كلام ناديه وانها هي كانت ضحيه 

مثل اول يوم الي صارت بي كانت ضحيه انها بنت مياده وبعدها صارت ضحيه لان عدهن ورث عباس الى ان وصل 

حقد افراح الى خطفها وانطت ملايين حتى تتخلص منها

افراح وهادي الي اتنعمو بمحل عباس اكثر من سبعطعش سنه وبعدها راتبه واجار البيتين وايراد المحل كل هذا ما 

شفع الناديه يم افراح شافتها اخذت حقها وكبرت صار لازم تتخلص منها

بيومها طلبت من عبدالعزيز ان يكمل اطلاق سراح ياسر وياخذه بايده وقررت ارجع البغداد بس حتى ابتعد وافكر 

شلون تكون المواجهه والتهم خصوصا وانو ناديه مغتصبيها بناءا على طلب افراح

ما اعرف من ركبت السياره وين اروح الكربلا او البغداد او حتى للمجر رضا وياي وانا امشي مره اضرب على 

الاستيرن ومره اضحك وانا اگول :: شلون فاتتني ما فكرت بافراح 

::اي ما فكرت بيها چنت كل شي متوقع منها بس تسوي هيج لا 

  رضا // الچلبه سوتلها عمله الگ... ما يسونها

هزيت راسي :: افراح بدعت على الكل تدري رضا 

- - شني 

   :: لو بيدي ارجع واخنگها وقبل ما تموت اتركها تجر نفس وارجع اخنگها واتركها تجر 

نفس وابقى اطلع روحها شويه شويه 

رضا // والله قليل بحقها لو عدي يوميه اوذر لحمها كيلو كيلو وهيه عدله

اتصل بيه عبد العزيز وگال //وصلت ياسر الاهله ورجعت بدون ما احچي ويا

::زين تسوي عفيه عليك 

:بس گلت الابو احتمال نستدعي وبسرعه رجعت 

؛؛هذا هو شكرا انت باشر تحقيقاتك وبلغني اول باول 

:صار استاذ 

::ولا تسوي اي اجراء اله ترجعلي فيمان الله والف شكر 

 — الله وياك توصل بالسلامه

بالطريق قريب اريد اوصل البغداد خابرتني امي انا رديت 

::الو هلا ماما 

:هلا بيك سراج انت وين 

::چان عندي شغل وهسه راجع البغداد 

امي بنتر //زين حس على نفسك وگول عدي ام اسال عليها لو خلص انت بعت الاكو والماكو 

::لا يمه شنو هالحچي ابيع الدنيا كلها وما ابيعچ 

: لعد تعال بس توصل 

::صار مسافة الطريق رايده شي اجيبلج وياي

:لا كول شي ما رايده 

باوعت الرضا وگتله ::امي صوتها ما عجبني 

رضا //ليش سراج 

::ما ادري چنها مقهوره 

رضا // منك ياخوي منك مقهوره هاي صار شگد حتى ما سائل عليها 

باوعتله بعتب ::ليش رضا الظرف الي انا بي يخليني اسأل احك راسي 

: اي والله صدك الله يساعدك بس هاي امك وحقها عليك 

::ادري رضا والله ما مقصر منها

رضا هز ايده //چا تگلي هسه بوجهك الها لاتمر بكل احد 

::اي هو هم هيچ بس انزلك واروح للبيت اسبح واغير ملابسي 

وصلنه البغداد ونزلت رضا يم بيته وانا رحت البيتي مجرد ما اخذت حمام وغيرت ملابسي رحت البيت اهلي 

دگيت الباب لان بسبب وجود مرت موفق ما افتح الباب بالمفتاح 

وفتحلي ابن موفق والثاني راح يگللهم عمو اجه دخلت للصاله اتلگتني مرت موفق وهي تگول

الله يساعدك سراج 

انا ابتسمت ورديت ::اهلا شلونج 

: الحمد لله شنو ناسي اسمي ؟

اجاني صوت امي وهي تگول //هو الينسى امه ما ينسى اسم مرت اخو 

باوعت وراي شفت امي واگفه اباب غرفتها انا رحت بستها بخدها وراسها وبايدها واگللها

::والله ماما شغل الفوگ راسي 

هزت ايدها //اي مبين عندك شغل وشغل مهم بحيث لا حالق شعرك ولا لحيتك وشفتك صايره سوده من كثر التدخين 

چان مبين من نبرتها زعلانه وشايله عليه اجت مرت موفق وگالت //سراج اخليلك عشا 

ابتسمت وگتلها ::لا تسلمين ماكل بالطريق بس اذا ما ازاحمج چاي 

:تدلل هسه 

::اشكرج

راحت مرت موفق وامي تباوعلي اعرف بعيونها كلام واسئله هواي اجت مرت موفق جابت الچاي وخلته وطلعت

انا بديت اشرب سالت امي :: يووم شلون صحتج 

جاوبتني بهدوء// زينه الحمد لله بس منك (هزت راسها ) مو زينه 

انا خليت الكوب على الميز وگتلها :: ليش ام سراج انا شمسوي 

خزرتني وگالت بنتر // سراج بشرني لگيت ناديه لو بعدهي مهزومه

من كلمة مهزومه عرفت امي زعلانه وضايجه جاوبتها 

:: ماما ناديه ما مهزومه ناديه مخطوفه وبعدين منو گلج ؟

:ها يعني ما تريدني اعرف اتصور كلش عيب وما يليق بيك تارك اهلك اووظيفتك وتدور على وحده شارده

الله اعلم ويامن 

عرفت هذا مو كلام امي ولا كلام ولد عمي جميل جاوبتها 

:: ماما انا ما مسوي شي مو زين لا سمح الله بت ابن عمتي ضايعه ورحت ادور عليها

امي باستهزاء // وان شالله لگيتها ؟

:: ماما شبيچ شكو ليش هيچ تستهزئين 

جاوبتني بعصبيه // اي استهزأ بيك يامحترم عايف شغلك وداير تدور على وحده استغفر الله اكلك سراج تره 

امها من سوت المصيبه چانت بعمرها 

انا رديت عليها بعصبيه :: ناديه مخطوفه وما مسويه اي مصيبه

امي هزت راسها // : هاا اذا ما مسويه مصيبه ليش مانع اخوك او ولد عمك جميل ايگلولي ليش ما خليت عمتك جميله 

تجي ونشوفها وهي صار الها شهر ابيت زهراء حتى ما راحت العمك جميل تطمن علي كل هذا وتگول ناديه ما مسويه شي 

حچيت بعصبيه ::ايي اي ما مسويه والي گلج اكبر حقير افراح مو هي خابرتچ وشگلتلج بعد 

امي وگفت // انت منتبه النفسك شلون تصيح عليه هذا العياط على مود ايش على مود بت مياده

حنين 

من اجه عمو سراج البيت هادي وبعدها اجوي الشرطه واجت وراي افراح الي گالت 

:ها شمصخمه مو كافي فضيحة اختج 

انا ما اعرف على شنو تحچي هي كالت بنتر 

:حنين خاتون البسي عباتج وجيبي جنسيتج والشهاده وانزلي يردونج

:عمه انا والله ما مسويه شي 

:اي هم ذيج هسه تطلع ما مسويه شي انزلي كون الله يفكنه منج مثل ما فكنه منها

اشوف افراح رغم ما تبچي على ياسر بس من تحچي ولا كانه ابنها مسجون انا بوكتها لابسه دشداشه وجواها 

بجامه لان من امسح البيت ارفع الدشداشه فالبجامه تسترني هي ما خلتني ابدل شافت العبايه معلگه جابتها 

وشمرتها بوجهي وهي تحچي بعصبيه 

:البسي تره ما جاي ايخطبونج

لبست عباتي وعدلت شالي ونزلت وانا ارجف وريگي يابس بس شافني هادي صار يتهدد لكن سراج خلاني ورا 

وهو يگله ::على كيفك هادي خلي نفتهم 

وهادي يسب ويغلط ويگله //شتفتهم وحد من امها واختها 

سراج لزمني من ايدي واخذني للسياره وانا مدنگه وابچي هو بقى ساكت وصلنه ونزلني اخذني الغرفه وگلي 

::حنين لا تخافيين انا يمچ 

سالته وانا ارجف //فدوه عمو شصاير ليش جايبيني لهنا انا ما مسويه شي

::اعرف بابا بس هذا الي يصير كله المصلحتج ومصلحة اختج اي شي لا تحچيين وصوت لا تطلعيين يجي 

عمج رضا وترحين ويا اذا تردين تفتكين من هادي ومرته 

انا اتعجبت من كلام سراج گتله //لا عمو وين اروح ارجع البيت عمي 

هز راسه وگلي ::شنو ما واثقه بيه حنين مو انتي الي طلبتي من زهراء ما تبقيين ابيت هادي 

انا برطمت وگلت //چان ابدي اروح يم بيبي جميله بس 

::بس شنو لا تخافيين انا يمج انا القاعده الي لازمج انتي واختج

باوعتله وسالته //يعني عمو انت تعرف ناديه وين 

هو جر نفس وگلي ::بابا حنين اسمعي الكلام الي ايهمني هسه انتي ما اريدج تبقيين يم هادي لان بقائج هناك بي 

خطر عليج وعلى ناديه وحتى عليه

ما فهمت قصده طلع وانا بقيت بالغرفه احس من كلامه انو يعرف شي عن ناديه وبعدين اجه عمو رضا واخذني الفندق 

ودخلت بغرفه هو گلي // اقفليها عليج ونامي 

بليلتها نمت رغم القلق والخوف على اختي وعلى نفسي لكن نمت وثاني يوم اخذني سراج ورضا وطلعنا 

وانا اسمع رضا يگله// اخذها للصويره يم سكنه

رغم شگد الي ثقه بسراج بس خفت ليش هلگد بعدوني عن بيت هادي ومنو سكنه وشنو راح يصير 

لكن من وصلت وشفت خاله سكنه ومريم وحتى ابنهم رضا هدئت شويه 

اول يوم بتت يم مريم وخاله سكنه وانا مرتبكه وخايفه وثاني يوم الصبح دز عليه سراج وانطاني فلوس وگلي 

::من ترتاحيين روحي ويه مريم اشتري ملابس

وراحو بعد ان وصاني ادير بالي وما ابچي وگلي لازم ابدي اقرا واعوض الايام الي غبتهن عن الدوام 

چان كل شي مبهم بالنسبه الي بس راحو انا بقيت بالغرفه ما طلعت منها وكت الغدا اجت مريم وهي تگلي 

- - شنو هاي الهسه بعدج بالغرفه لا عيني ما عدنا بنات يبقن گاعدات ياالله (لزمتني من ايدي وطلعتني )

ياالله تعاي ساعديني خلي انحضر الغدا

دخل موفق وهو يسمعني اعيط گال //شنو سراج اشو تحچي بصوت عالي وانت عبالك جاي اتحقق ويه امي  

جريت نفس :: موفق هي مو بس امك هي امي وانا الچبير وانا ما احقق جاي اسالها 

امي جاوبت //وانا ما عندي جواب وانت مو ابني اذا تبقى وره بنات مياده 

::على كل انا عرفت منو گلج بس صدگي راح يكون انتقامي عسير

موفق حاچاني بحده لاول مره //وانت الى متى تبقى هالشكل ما تشوف الناس الي بگدك اولادها راح يتزوجون

وانت داير وره بنات وحده ساقطه الله العليم منين جايبتهن 

كلامه قهرني اتقربت منه وحاچيته ::وانت شكو وهيج تحچي وياي بعدين انا جاي البيت ابويه وجاي اشوف امي 

موفق //وامك ما تريدك اذا تبقى وره بنات مياده

عضيت على شفتي بغضب :: مو كانما لسانك طولان ويرادله گص لك احچي عدل لا اعرفك حجمك 

موفق باستهزاء// لا باالله وشنو حجمي باالله 

:: درووح بابا انا ما احچي ويه زعاطيط 

انا اريد اطلع وهو لزمني من ايدي و يگلي // اوگف منو الزعطوط

باوعتله وانا رافع حواجبي ::انت موفق وانا ما الي خلك اتناگر ويه واحد مثلك 

موفق //ها وشبيه اني (اهنا دفعني انا كمشته وحصرته ع الحايط واجت امي وهي تگلي )

: سراج عوفه الاخوك 

انا ماسمعت الامي بقيت كامشه وهو هم لازمني من قميصي 

امي تحچي// سراج اگلك عوفه الاخوك كافي حس على نفسك 

هي لزمتني ودفعتني انا عتيت ايدها وطلعت وموفق يصيح ويتهدد

ركبت بالسياره ورجعت للبيت ما اعرف شلون لان اتهام امي اليه شي مو بسيط معقوله هيچ الناس تشوفني 

انا چان عندي علاقه ويه مياده دخلت للبيت وشمرت السويج ع الطاوله وبس ذبيت حذائي اتمددت ع الچربايه 

على وجهي بدون ما اغيرملابسي وبقيت افكر واگول 

  

:: شنو هذا الي سمعته معقوله ياربي امي تتهمني وموفق يرفع ايده بوجهي 

بقيت افكر وغفيت يمكن من التعب والسفر اجاني اتصال 

گعدت طلعت الجهاز من جيبي شفت الساعه بالاربعه الفجر چان المتصل رضا اتفاجأت رديت علي بتعب 

:: هاا رضا شكو 

رضا //سراج انا اباب البيت افتحلي 

::خير رضا شصاير ؟

: كل شي ماكو جاي اشوفك

::جايك انت ارفع السرگي وادخل لان ما قافله وهسه افتحلك باب الصاله 

رحت امشي بتعب ودايخ فتحت الباب اشوف رضا دخل مو على بعضه 

::ها رضا خير 

: ماكو شي عندي شغله وياك غسل وجهك وتعال 

اتثاوبت وگتله // اريد ارجع انام گللي شكو 

:،سراج خابرني موفق يگول الوالده اتخربطت ونقلوها للمستشفى

انا فزيت من مكاني وگتله :: شنو رضا 

: اي قبل شويه خابرني ياالله سراج امشينا 

انا ما عرفت شسوي طلعت رضا وگفني على كيفك سراج رووح غسل وجهك والبس حذائك انا متانيك 

بسيارتي 

طلعت وانا ما اعرف اوصف وضعي امي حبيبتي امي معقوله صدگت كلام افراح معقوله انقهرت

رضا يسوق وانا عيوني يجرن وانا اتذكرها واتذكر سوالفها وحبها الابوي وحنانها علينه وصلت باوعت الموفق

 وخزرته شفته واگف هو وزوجته ونور وعلي يعني مخابر الدنيا كلها وما مخابرني اجتني نور وهي تگلي وتبچي 

— سراج ماما ماما 

حضنتها وانا اگلها بصوت مكسور:: حبيبتي نور ان شاء الله ما بيها شي

اجاني علي وسلم عليه وسلم على رضا وحضنه لان من زمان ما شايفه بقيت واگف وادخن الى ان طلع الطبيب 

شفت موفق يگله ها دكتور 

الطبيب گال //ان شاء الله خير لكن حاليا لازم انخليها بالعنايه المركزه ونراقبها 

هو كتب ورقه للممرضه وراح انا ورضا وعلي رحنا ورا للغرفه هو گال بعد ان سلمت علي 

    ——- الوالده عدها تعب بالقلب وضغطها مرتفع ولازم نخليها تحت المراقبه

جاوبته :: دكتور اذا تحتاج اسفرها 

الدكتور // استاذ اكيد اهناك افضل الها لكن بالوقت الحاضر ما تتحمل سفر 

ردت اشوفها لكن هو منع الزياره عنها بقينا للصبح واگفين الصبح اجو ولد عمي جميل ورضا راح جاب ريوك 

وطلب مني اكل لو لگمه اشوف موفق يسولف ويگللهم // انقهرت وفجأه وگعت

الصبح اجه الطبيب وگال ياجماعه وگفتكم اهنا ما الها داعي يبقى بس واحد وبره هم مو داخل 

نور گالت انا ابقى انا درت على موفق وگتله ::اخذ نور ومرتك وروحو انا باقي يم امي 

موفق راد يحچي بس انا خزرته واتنفست قوي هو هم گال// يالله نور خلي نروح

وراحو الكل بقيت بس انا واجه يمي رضا باوعتله ::رضا رووح ارتاح 

:وداعتك سرااج ما اتحرك منا اله رجلي على رجلك فلا اتعب حالك 

سكتت وبقيت منتظر وانا على نار افكار تاخذني وافكار تجيبني واحچي ويه نفسي 

  :: افراح هي ماكو غيرها الي وصلت الامي اي اعرف بيها بس شگد ساقطه صدگي يا افراح اذا صار 

على امي شي ما ارحمج

رضا جاب چاي الضحى اجو ولد خالي عبد الحميد وگفو شويه وراحو لان الطبيب مانع عنها الزياره 

الظهر رضا جاب غدا اكلنه شويه والعصر اجه موفق هو ونور وگلولي رووح ارتاح لكن انا ما قبلت ما اعرف 

اكو تضارب بافكاري وحتى نور گالت الرضا رووح ارتاح ورضا گال انا باقي يم سراج خاف يحتاج شي

وكل شويه واحد جايني للمستشفى ويريد ايبدل وياي لكن انا ما اقبل وما الي خلگ مجاملات 

بالليل اتقرب عليه موفق وگلي// سراج روح اسبح وغير ملابسك وارجع انا ابقى يمها 

انا هزيت راسي بدون ما اجاوبه هو حاچاني بهدوء وخجل // انا ابقى انت روح ارتاح شويه 

عيوني ما صبرن نزلن دموعي هو حضني وباس راسي وباس ايدي ويگلي 

—. سامحني سراج تدري بيه ما اتحمل احد يزمخ على امي سامحني

رحت گعدت على الكرسي وچتفت اديه ودنگت موفق وگف شويه ورضا راح يمه گله // ارجع انت للبيت انا يمه 

راح موفق وبقيت انا ورضا بس ندخن جگاير ورضا يجيب عصير ومره يجيب چاي ما نحس اله الصبح صاير

صلينه وبقينه منتظرين الطبيب الي اجه وهو شافني سالني 

هاي انت من امس ما رحت 

انا هزيت راسي هو دخل وبعدها بشويه طلعت الممرضه وگالت 

الطبيب رايدك

دخلت وانا گلبي يدگ الطبيب گلها //حجيه ام سراج هذا ابنج من امس الفجر الهسه على فد وگفه 

هي دمدمت بصوت // الله يحمي ويحفظه 

الطبيب گلي // وضعها استقروهسه راح ننقلها الغرفه خاصه

وطلع واجت ممرضه وياها اثنين واخذوها بالسديه الغرفه خاصه دخلت وراها للغرفه اتقربت منها بست 

راسها وايدها وصرت اشهك بالبچي واگلها 

::يووم سامحيني انتي روحي من الدنيا 

هي خلت ايدها على راسي وگالت //سرااج دير بالك على موفق 

::يووم بعيوني هذا اخوي ونور اختي 

ادرري بيك انت بكل شي ما تشبهني تشبه ابوك وعمتك

::يووم سامحيني مو قصدي اضوجج او اعيط عليج 

هي جرت نفس واجت ممرضه وانطتها علاج وگلتلها// حجيه ادعي الابنج من البارحه على وگفه وحده

انا بقيت افكر يعني افراح حاكت مؤامرتها حتى عليه معقوله عرفت بتوفيق وجريد قبضو عليهم

يعني ما صار بعينها وگفتي الياسر 

ضليت افكر واحرك برجلي واتوصلت انو انا لازم اطمن امي لان اكيد هاي الحقيره راح تتصل بامي 

اجه رضا يريد يسلم على امي واتشافالها انا ردت اطمنها گتله

:: ابو علي احنه اخوان وانا هاي گدامك ما الي شغل بناديه واختها ومو كل شويه جايني بخبر 

رضا افتهم حاجاني بشي يشبه الزعل //يعني شنو سراج 

:: يعني ما عليه بحنين عدها عمامها واقارب ابوها وهمه مسؤولين عنها ومنك الهم 

رضا هز راسه وگال //حقك سراج بس ردت اگلك القاضي طالب حنين حتى يوثق الشكوى 

:: بعد هاي يمك ابو علي انا ما عليه

- - يعني افهم منك انت شلت ايدك 

:: شلتها نهائي ومثل ما گتلك عمها هادي وعمها كرم موجودين ومنك الهم 

- - هذا هو سراج فيمان الله 

وطلع رضا وانا بقيت يم امي الي تحاچيني بتعب 

:شفت سراج اجاك كلامي هلگدها وتشتكي تخليك وتخلي عمامها وتشتكي والله اختها ضايعه وهي اختها الله اعلم 

هسه وين او ويامن 

:: يووم ما عليج بكلام افراح تره ياسر اعترف

:اي طبعا يعترف هي مخبلته استغفر الله ما اگدر احچي تره افراح ما تكرهن لو ما شايفه شي چبير 

::افراح تلفق ماما افراح مو خيره 

امي هزت راسها //لا ما تلفق 

::وتهمتها اليه بمياده 

جرت نفس // لا لا مو افراح الي گالتلي ناس غيرها وانا اتخبلت

نفخت لان اعرف امي تچذب عليه وگتلها 

::ماما انتي جرحتيني لان شكيتتي بيه مو انا الي تدني نفسي على مال غيري تشكين بيه انا 

امي بتعب //ادري بيك واعرف كل شي لكن من سمعت عقل ما بقى براسي سراج ناديه اتركها اذا عدله محد 

يدري هي وين وشنو صار بيها وحتى من ترجع محد يرحمها واذا ميته هذا قدرها كافي سراج 

جاوبتها ::ماما لا اتعبين نفسج هذا هو ارتاحي وبعدين نحچي

امي //لا سراج لازم تعرف ناديه من لزمت الفلوس طغت وما صار احد بعينها قشمرت ياسر وضحكت علي 

واكثر من مره افراح شايفتها وهي تطلع من غرفته شتتصور اقبل ابني الچبير الخلوق الحلو المؤدب تارك كل شي 

وباقي يدور على وحده اللهم ياكافي 

::شنو ماما شتحچين ؟

:اي مثل ما سمعت هم تدري افراح ليش ما قبلت تاخذها الابنها مو لان تشوفها كل يوم بالليل يمه لا افراح 

 شايفه تصوير الها بالكليه وهي من حضن الحضن ورگص وحفلة شباب للصبح وفضايح ومصايب 

الها اول ما الها تالي

انا صرت اتنفس قوي واحچي ويه نفسي :: هاي افراح الوين تريد توصل 

جاوبت امي 

::ماما اكبر چذابه افراح تكره ناديه وانتي تعرفين هذا الشي وناديه مستحيل تسوي هالشكل 

امي //لا مو مستحييل انا شفت التصوير بعيني 

انا عبالك انضربت طلقه :: ماما تحچيين صدك 

: لعد اچذب عليك ما تشوفني عقل ما بقى براسي

رغم ادري بالكلام الي سمعته چذب لكن انا صرت عباره عن بركان بداخلي حبيت اهدي امي 

:: اطمني ماما مثل ما تردين 

امي // سراج انا ما عليه باي احد انا خايفه عليك صدگني وعلى اسمك ومركزك الي كونته بتعب وسهر 

::اطمني ماما المهم انتي ياست الحبايب 

الله يرضى عليك اريدك تستقر

::انتي بس طيبي والي تردي انا حاضر اسوي 

::اريدك تنسى شي اسمه ناديه وحنين لان اخاف عليك 

هزيت راسي:: اعتبري صار

امي //سراج اخاف عليك هذني امهن كتلت الرجال وناديه لعبت لعب بياسر وحتى بابو 

::استغفر الله 

اني //لا صدك لعد هي افراح ليش تكرهن 

::ولا يهمج ماما الي تردينه يصير

بقيت شويه يمها وحاولت اغير الموضوع وقنعتها بعد ما عليه بناديه وحنين وراح ابقى يمها 

اقتنعت وهدئت شويه بقينا نسولف وگلتلي بس تطلع من المستشفى تخطبلي 

وانا جاوبتها ان شالله نامت وانا طلعت ادخن جگاره ورضا راد يعرف شبيه بس انا ما جاوبته

الظهر اجه موفق ونور وگلولي رووح غير ملابسك وارتاح طلعنه انا ورضا وبالطريق اتصلت اخت رضا وگالتله 

خلي سراج يحچي ويه ناديه 

انا صارگدامي كلام امي وهي تگلي ناديه من حضن الحضن لزمت الموبايل ما سمعتها شتريد وراسا سبيتها 

وسبيت ابوها و ىسديت التلفون بوجهها

رضا راد يحچي لكن من شافني عصبي سكت وصلني يم البيت وهو راح البيته انا دخلت وانا مزيج من نار 

وقهر وخذلان 

دخلت للحمام سبحت وغيرت ملابسي واتمددت حاولت انام ما گدرت گعدت بدلت واخذت السويج وطلعت

سقت السياره ورحت للكاظميه وهناك لزمت الشباج المبارك وصرت اسولف وابچي

////////////////...//////////