رواية اغفري لي الفصل السادس والخمسون بقلم أوتار حزينة
مهيب
«،،،شدكولين ام منير
ابويه سال امي ردت علي
««شاكول واني جاي اشوف حاله شلون
صاير من وراها وشوفه كام يرجف من اعصابه
لان ماقبلنا ياخذها
«،،يعني شنو
«،،يعني هاهيه ابو منير نروح ونخطبها اله
اختي كامت تهلهل واني فزيت من مكاني من فرحتي ورحت بستها من راسها وايدها
بجت وباستني من عيوني
وكالت
«،،،والله لخاطر هاي الفرحه الي شفتها بوجهك
الا اسويلك احلى عرس وبأحسن
مكان
«،،الله يخليج اليه يمه
«،،واني يابه مالي حصه لو بس امك
رحت لابويه كام بوجهي بسته من راسه
حظني وباسني هم من عيوني
وحجه وي امي بتاثر
«،،شوفي شلون لونه رد اله بس وافقنا عليها
ابتسمت فرحان والدنيا اخير فرحت اليه وره
مشوار كعدت بغرفتي خابرت منتضر وبلغته عكب
باجر احنا جايين عليه وطلبت احجي
وياها كال
«،،راح ادزلك رقمها
الولد دز رقمها خابرتها جاوبت
«،،هلا مهيب
«،،هلا بريحه هلي هلا بيلي اللي هلا بتالي العمر هلا هلا بالاولي
سكتت كملت
«،،هلا بلي خلت روحي معلگه بروحها
سمعتها كامت تبجي كلت
«،،ولج ليش هالبجي افرحي يضوه عيوني
عگب باجر راح تصيرين حلالي وتنورين
بيتي وروحي
«،،خجلانه من اهلك ومااعرف شلون راح اواجههم
واني جنت مجذبه عليهم هاي الجذبه
الجبيره
«،،اهلي يحبوج صح راح تشوفين منهم زعل
وعتب وكلام بس اعتبري عتب
محبين
««،اني والله ماجذبت الا من خوفي على نفسي
وردت والله احجيلك وضعي بس
ماكدرت مهيب خفت عليك
والله خفت لايأذوك
واخسرك
««ولج الله خلصهم مني من اخذهم وبقى ابوج الگواد يابه اذا ماخليت الگيبل يلعب علي اني مو نقيب مهيب
«،،عوفه لله هو ياخذ حقنا منه مثل مااخذه
من ذاك الي جان اسمه اخويه
وسعيد العار
جاوبتني بخنكه وبتأثر غيرت الموضوع وكلت
«،،باجر راح اجي واجيب اهلي
حتى تطلعين وياها اجهزين للمهر
«،،تعرف اشتاگيت الهم كلش
«««واني مااشتاگيتي اليه
سكتت كلت
«،،راح اتصل واتس ونفتح كامره
«،،تمام
سديت الخط واتصلت واتس فتحت كام
وهي هم صفنت عليها من شفتها
مفرعه ووالكذله
نازله على العيون وخرتها خجلانه مني
كلت هايم بيها وضايع
بحبها
«،،اشتاگيتي اليه لو مالي نصيب بهل الشوك
«،،لا الك نصيب وجبير
سكتت وكملت
،،،شوف حالي وانت تعرف فراكك والشوگ
الك شسوه بي
گلبي كام يدك سريع وصفنت عليها بنظرات
عاشك تعبه هالعشك ماردت احجي
شي ردتها هي تحجي واسمع لان كامت تحجي كلام ابد مو سامعه منها شالت شي وكالت
«،،شوف هذا لفافك
رفعت حواجبي وكلت
«،،هذا شيسوي عندج
««اخذته من غرفتك من رجعنا لبيت ام ياسين
وظل بجيبي من اخذوني لاربيل
يوميا احظنه واشم عطرك اريد اغفى ومن انام اشوفك بالحلم تعتب عليه وزعلان
سكتت دموعها نزلت كملت
«،،افز ادور عليك ماالكيك مهيب
انهارت بالبجي رددت
«،،ولج كافي تبجين
ماسكتت غطت وجهها واختنكت بالبجي
روحي انمردت عليها وصحت
«،،بالقران راح اجي عليج هسه
«،،لاا
ردت بخنگه تحاولت تسكت ماتكدر كلت
«،كافي يابه وانسي الصار انسي وافرحي،
مااريدج بعد تبجين والله اطك براسي هسه
اروح اسحل ابوج من شواربه بسياره
الدوريه للمركز
«،،لاا عوفه مااريدك توصخ ايده بي
حجت هيج وسكتت كامت تمسح بدموعها
صفنت عليها واني مو مصدك لحد
هاي اللحظه هي طلعت
بنيه تحارشت
«،،طلعتي بنيه ولج
دارت وجهها بسرعه والخجل بين بملامحها
كملت
،«،،وعرفت هسه ليش من جنت احجي وياج
غميج تخجلين وتغيرين الموضوع
«،،،،شفت يمامه
««،،ههههه
خربت ضحك من غيرت الموضوع كملت
«،،كبرانه موو
سكتت مركز بعيوني عليها الخجل زاد
وارتبكت بعد اكثر رديت اضحك
«،اي وصايره تخبل وعرفتني مانستني وصاحتني
بابا
«،،اي لان جنا يوميا بليل نشوف صورك
«،،صوري
سالت ردت
«،،اخذتهن من صفحتك بالفيس والانستا
«،،يعني جنتي ادورين ورايه
«،،اي وماكدرت انساك ولو لحظه عشت
ويايه يوم بيوم لاا لحظه بلحظه
جنت احجي وياك بخيالي
الي جنت مااكدر احجي
بالواقع
«،،ولج انتي شنو هذا كلامج راح يخليني
اجي عليج بهل الليل
«،،لااا راح اسكت والله
«،،دحك ياربي تريد تسكت واني مو مصدك كمت
اسمع منها كلام حلو
ماردت بس ابتسمت والوجه تغير كلت
،«،،اوف ربي جن السما جانت مغيمه قبل شويه
وهسه فتحت وطلعت شمسك
نزلت راسها مبتسمه كلت
«،،،يضوه عيوني
رفعته وردت
«،،،ها مهيب
«،،،شراح تسوين بيه من اشوفج بثوب العرس
راح تخبليني يمامه وتخليني افقد
بذيج الليله
«،،اروح
«،،ديربالج تحجين هالكلمه مره ثانيه اذبحج
ولج والله اسحلج من عطوبج اذا
انهزمتي مني وسديتي
الخط
«،،،لعد غير الموضوع
«،،هههه اغيره ادللي بس تره هو جايج
«،،مهيب كافي
جاوبتني بزعل وحسيت بيها خافت كلت
«،،شراح تلبسين بالمهر
«،،مااعرف
«،،البسي شي نازك وفلي شعرج هو بعده
طويل مو
«،،اي وطول بعد اكثر
«،،بله كومي خلي اشوف طوله
فلته وكامت انطتني ظهرها دحكت على
طوله وتخليت هذا راح ينفل على صدري واشمه
بنفس طويل كلت
«،،،ولج عطبت وشليتي حالي
«،،ها ليش
«،،ياربي والله وكعت بواحده فاهيه
افتهمت ومادحكت عليه
كعدت وخلته على جتفها وهم غيرت الموضوع
«،،عبالي اكص منه شويه
«،،ابدا اشعلهم لاهلج اذا كصتي منه شعره
رديت بغضب صفنت عليه الوجه ضحك
ودارته مني كلت
«،،ها ولج ليش تضحكين
«،،لا هيج
«،،لاا احجي ليش ضحكتي ودرتي وجهج
«،،،بعدك مخبل وماعقلت
ابتسمت وعضيت شفتي وكلت
«،،وشوفي المخبل شراح يسوي بيج بليله
العرس
«،،تره والله ابطل
«،،ههههه
ضحكت بصوت قوي مسحت شواربي
وكلت
«،،بله صدك
«،،اي لان والله كاعد تخوفني منك
«،،يمه خافت البنيه
«،،سخيف
«،،هههههه
هم خربت ضحك هي كامت تلف بخصله
بشعرها بايده كلت
«،شوف التوتر راح تگطع شعرها من
الخوف ولج بابا اني جذاب
كلشي ماراح اسوي
«،شلون وياك مهيب يعني ماراح تسكت
«،ههه لا يابه راح اسكت بس شيصبرني لعكب
باجر والله اريد هسه اجي
واعقد عليج
«،،انت صبرت هوايه وهن يومين غمض فتح خلصن
غمضت فتحت كلت
«،«ها اشو ماخلصن
ابتسمت وردت
««،هو گوة والله مااكدرلك سياده النقيب
«««لا والله تكدرين اليه وتسحليني من شواربي
وذيج الايام تشهد
الوجه ضحك وجاوبت
«،،جنت تستاهل اسحلك لان جنت وكح
غمزت ورديت
«،«وبعدني وكح وراح اتوكح بعد اكثر من اخذج
«،،اي حتى يكولون اخذها وتخبل
«،،لا مو جدام اهلي الوكاحه بس بغرفتنا
«،،اهووو والله راح اسد الخط
بوجهك
«،«ههههه
ضحكت ورديت
««جربي تسويها والله تشوفيني بعد جم
ساعه يم باب بيتكم
«،اعرف تسويها لان انت مخبل
«،،مخبل بيج يضوه عيوني
سكتت كلت
«،تعرفين جنت احس اسم حنين مو اسمج
ولا لايك الج وطلع اسمج
يمامه ومن صدك
شفته يلوك
الج كلش
««،امي سمتني هالاسم وحنين هم
صوتها تغير كلت
«««الله يرحمهن برحمته الواسعه
«««خلصن من ابويه وهاي الدنيا الي ماشافن
منها غير بس التعب والاذيه
«،،يمامه احجيلي طلعي الي بگلبج اريد
اعرف شلون عشتي وياهم
«،،انت تعرف لان جنت تشوفني اني وياها
نشحذ بالتقاطع الي جنت تجي
من يمه
عكدت حواجبي سالت
«،،ليش اني شايف اختج
«،اي
««بس اني مااذكر شايفها
«««تذكر مره من دعمت بنيه يم تقاطع بشارع الاميرات بالمنصور
فكيت عيوني وصحت
»«،،،هااي اختج
«،،اي وجنت وياها وانطيتني بوكتها فلوس
««ولج اي اذكرت بس هي ماجانت تشبهج
«،،،اي لان جنت ضعيفه كلش بس
من سمنت صرت نسخه ثانيه منها
«،،بس العيون تختلف
جاوبتها هزت راسها كملت
،،،احجي يمامه اليوم ماراح انام اريد اسمعج
ظليت اسمعها تحجي شلون عاشت
وي ابوها بعذاب وشلون
جان قاسي وياها
هو وذاك اخوها الي انگبر
اسمع واغلي من الغضب اريد اكوم اعدمه
العافيه لابوها الگواد بس سكتت
وتحملت اسمع كلام يفتت
الصخر من قسوته
ردتها اطلع الي بگلبها حتى ترتاح بس،جنت
اعرف هي ماراح تنسى اي
شي من السوه بيها
جرح الي يجي من الاهل صعب يطيب لان
انقش بالعقل والجسد من الطفوله
وهذا الشي خله جثير
اطفال ينحرفون
ويضيعون بهل الدنيا والسبب الاهل وهي
الله لطف بحالها وانطاها قوه من عدنا حتى
تكدر تواجه هاي الدنيا الصعبه
والذيابه الي بره
وجوه
ظلينا للفجر نحجي ونسينا روحنا اخر شي
شفتها تعبت لان جانت تحجي
قصتها تبجي تسكت
بعدين ترجع
هم عيونها تصب دمع كلت
«،،روحي نامي وارتاحي اني هم راح انام جم
ساعه واكعد اجيب الاهل عليج
«،،،ديربالك على روحك خاف تشوف نفسك
ماتكدر تسوق ارتاح وخليها لباجر
«،،مانلحك يمامه باجر كلها راح تجي ولازم
اليوم نفض كل التجهيزات
«،،مو اخاف عليك من الطريق
ابتسمت ورديت
«،،شلون بيه والله اريد اسد الخط وايدي
ماتنطيني اسوي هيج
«،،واني هم والله مااريد اسده بس
لازم تروح ترتاح
«،،عجل سدي انتي
«،،يله روح راح اسده
«،،رحت يضوه عيوني
«،،مهيب
«،،ها يبعد مهيب
«،،لاتسوق سريع
«،،اي
«،،وديريالك على روحك لاتستعجل
«،،،اي
«،،ولاتطلع وانت بعدك مو شبعان نوم
«،،صار ادللي
سكتت بعدين كالت بخجل
«،،انتظرك يااول حب واخر حب
«،،بله هسه اني شلون راح اكدر اسده
واروح انام بعد الي سمعته
منج
«،،لاا روح نام باي
سدت الكام صفنت على الايقونه مالتها
جانت خاله صوره يمامه
الصغيره
كلت
«،،والله لاصيرج اب وسند وامان الج والها
وماراح يضيمج ضيم وخشمي
يشتم الهوه
قائد
جنت اشوف ليلى مقهوره وتحجي بسالفه
غاده وحمزه ومتأثره كلش كاعدين على
العشه اسمعهن يحجن
بسالفتهم خالتي
كالت
«،،ظلي احجي وياها فهميها الولد ماسوه السواه الا من خوفه عليها
«،،،حجيت ماما وواهلها هم حجوا وياها وماجاي
تسمع اي احد
«،«هو استجعل الله يسلمه ويأس من رحمه ربه
عمي رد ليلى كالت
«««ماجان بعقله من سوه هيج لان الكل يعرف
شصار بي والصار من عمامه خلاه
يحجي هالكلمه
«،،والله حمزه مايستاهل الكاعد يصير
حجيت وكملت
««،،ولا هي لان كلنا نعرفهم شلون واحد تعلق بالخ وهالفراك والله صعب عليها وعلي
««،الله يهديها وتسامحه
خالتي حجت كلنا
««امين
««يله ماما كافي خلي نكوم انغسل وروح يم جدو
ليلى حجت وكامت شايله ادم عمي كام
وكال
«««ها صدك نسيت اكلكم باجر تره راح تجي شركه
تنصب كامرات للبيت
«،،يا ليش ابو ليلى تريد تخلي كامرات
خالتي سالت رد
«،،للامان ندى حتى هم تشوفون منو يدك
الباب قبل لاتفحتوا
دحگت على ليلى ابتسمت صفنت عليه نزلت راسي
اريد اكتم الضحكه
كمت وكلت
«،،جايج ام ادم
«،،تشربه يم بابا لو فوك
«،،لا فوك لان عندي شغل بالحاسبه
«،،تمام
صعدت لفوك كعدت اشتغل
واذكر ذاك اليوم واضحك
وي روحي
اجت وره مشوار شايله صينيه الجاي
خلته يمي سالت مبتسمه
«،ليش ضحكت من حجه بابا وكال راح اخلي كامرات
بالبيت
«،لان اذكرت ذاك اليوم من نزلت على بيتكم
وصعدت لغرفتج
ضحكت وكملت
«،،الله فگنا وماشدها بذاك الوگت
«««ههه جان انعلست منه
صفنت عليه مبتسم وسالت
«،،بله ماراح تفگيني اذا انعلست منه
«،،هههه لا لان بس اخلي روحي راح انعلس وياك
«،جبانه
،،،من خاف سلم
«،،هههه
خربت ضحك وكلت
«،،يعني اروح بيها
«،،باي باي
«،،هههه
ضحكت بصوت هي ويايه كلت
«،،اكلج مادام الجوة فارغ وذاك الكواد جوه
يم ابوج خلي ناخذ راحتنا لان الوضعيه
صايره فيطي ويابسه فد
مرة
«،يابسه لو تمن
جاوبتني فاحطه ضحك وخرت الحاسبه جاوبتني
«،،باجر سويها
«،،ههه شاسوي
«،،اليابسه ام حلك هي والتمن
جاوبتها وهجمت ،،وياها جنت انسى الوكت
واضيع بلحظات تخليني
احس اني عايش
واشتم الهوه
ثاني يوم اني بالشغل يمي حسين مهيب
خابرني سلم
«،،شلونك ولك
«،«ها خير اشوفك اليوم صاحي
««،ههه اي ولك وفرحان كلش
سكت وكمل
«««باجر اعقد
صفنت وسالت
«،،،تعقد يعني عقد مهر
«،،لا اعگد يم ام عباس واسوي سحر
جاوبني يضحك وكمل
«،،حضر روحك انت والتك الخ حتى تجون
باجر لاربيل وي المشيه مالتي
«،،شنو العروس كرديه
«،،،لا عربيه وهي ولك هي الي رداها الگلب
وصارت اله اخيرا
فگيت عيوني وكلت
«،،،ام يمامه
«،،اي
«،،ولك اوكف لحظه هي مو مزوجه
«،لااا طلعت سالفتها مو مثل ماسمعت
قصتها قصه من اشوفك
احجيلها الك
«،،هسه انت وين
«،طالع لاربيل اجهز للمهر
«،،جان حجيت كلت حتى نجي وياك اني
وحسين ونساعدك
««لا هسه اني مو محتاجكم باجر تعالو وي
المشيه ولكم اعلگوها اليه لان
الي ردتها راح تصير
اليه
ابتسمت وفرحت كلش من شفت فرحته
كلت
«،،بيك خير وادللي والله لاعلكها الك ونسويلك
احلى عرس
««كفوو منك ماتقصر وهسه اروح لان وصلنا
«،،تمام بس دزلي الموقع مال بيتهم
«،،من اوصل لبيتهم ادزه الك
««،الف مبروك اخويه والله يتممها على خير
«،،امين ابو ادم سلامي لذاك الگواد
«،،ههه يوصل
سلم وراح حسين اجه حجيت اله ااسمعته
من كال
«،،شنو اطلگت من رجلها وراح ياخذها
««،مدري كال بعدين احجيلكم قصتها
جاوبته وكملت
«،،باجر حضر روحك حتى نطلع لاربيل نحضر
عقده
«،،تمام
يمامه
جنت متوتره وخجلانه كلش من اهل مهيب ومن العقد وماعرفت شلون اتصرف او شأسوي
فرحانه وبنفس الوقت حزينة لان احتاجيت امي وحنين بهذا اليوم ودمعتي ظلت بعيوني
مهيب ظل يخابر كل مشوار يطمني
عليهم
ساعه عشره اتصل وكال وصلنا شارعكم
وره مشوار سمعنا صوت سياره وكفت يم
بيتنا منتضر كام وكال
«،،،اجوي
طلع الهم وراه يمامه اني ظليت بالهول افرك
بأيدي من التوتر والخجل موتني
سمعت صوت ميسون
صاحت
«،،يممه شوفي يمامه شلون كبرانه
بسرعه طبيت غرفتي وختلت هناك گلبي يدك
سريع واريد ابجي لان ماكدرت اواجههم
ولا عرفت شلون راح اتصرف
وياهم او شنو
احجي
ظليت اروح واجي بيها سمعت صوتهم بالهول
وره لحظه الباب انفتح منتضر طب
شفت مهيب كاعد اگبالي
شافني ضحك
واشر براسه
اطلعي
اخويه حجه مبتسم
«،،ماتجين تسلمين على اهل مهيب
هو يحجي وذاك ماد راسه يباوع من وراه
والوجه يضحك وفرحان كلش
جاوبت
«،،ها اي
«««يله تعالي
كادني من ايدي مشيت ويا منزله راسي
وميته خجل سمعت صوت
الحجيه كالت
«،هلا يمه هلا بعروستنا
هي حجت هي ودموعي نزلت رحت بسرعه عليها
وذبيت روحي بحظنها حظتني صوتي
طلع وكمت اشهك كالت
«««لاتبجين يمه والله ياخذج حقج من كل
واحد ظلمج
الكل كال
«،،امين
ماكدرت اسكت هي كملت
«،ولج كافي والله اني گلبي مايتحمل وهسه
اكوم ابجي وياج
وخرت منها بصعوبه شفت وجهها صار دم
والدمعه نزلت كالت
««حسبي الله على كل واحد مايخاف الله بولده
واالله ياخذ حق كل واحد انظلم من
عند اهله
««امين
عمو جان واكف يمها حجه بحنيه
«،هلا يابه هلا بالغاليه ام يمامه
هم رحت لحظنه حظني وباسني من راسي
وكال
«،هلا بعروس الغالي
ماكدرت احجي شي ميسون قربت العيون مغوركه
حظتني بجت واني هم وخرت
وكالت
«،ولج هاي شصاير بيج شوفيها يمه ضعفانه كلش
مو حنين اقصد يمامه الي جنا نعرفها
عيوني راحت لمهيب صافن عليه مبين علي متأثر
كملت وياي
«،حالج مثل حال مهيب هم تعب من الصار
ومااريد اعتب عليج ولا الومج
لان ماحجيتي النا الصدگ
سكتت وباوعت علي كالت مبتسمه
«،،نريد ننسى ونفرح بيكم وبهل الخبر الحلو
خدودي اشتعلت نار لان افتهمت شنو تقصد ونزلت
راسي بعد مارفعته ابو احمد سلم عليه
وكال مبتسم ياشر علي
«،من تاخذين هذاا عقلي وخلي عاد يركد
بيتهم
ابتسم وما حجه شي
الحجيه كعدت وكالت
«،،تعالي اكعدي يمي
كعدت يمها ميسون يمي يمامه بحظن مهيب
تفر راسها علينا ومبرطمه الحجيه حجت
بحنيه
«،،تعالي على بيبي
نزلت واجت عليه شلتها حظنتني
وكامت تبجي
«««اش ماما اسكتي
حجيت وياها كعدت بحظني تشهك الحجيه
حجت بحنيه ومدت ايدها
الها
««ماتجين على بيبي
صفنت عليها بعدين على مهيب مثل
الواحد الي يذكر بعدين
ذبت روحها عليها
حظنتها بلهفه
تردد
«،،يمه يبعد روحي والله بيتي صار گبر من
طلعتي منه وعفتينا اني
وجدو
حجت هيج وكملت بتاثر وفرح
«،،شفتها ابو منير مانستنا
اي ظلت تذكر ااي يحبوها
رد عليها اخويه كام راح للمطبخ رجع شايل صينيه
قدم مي وكعد يمي عمو حجه
«،،يابه احنا جايين وطالبين اختك لابنا مهيب
على سنه الله ورسوله
««،اتشرف بيكم عم وهي اله بأذن الله
«،،،بارك الله بيك والله يحفظك وادللوا
شكد تريدون مهر احنا حاضرين
اخويه ماعرف شيحجي باوع عليه اني
هم سكتت مااعرف شاحجي
او اطلب عيوني
راحت اله صافن عليه ومبتسم صوتي
طلع وكلت بغصه
«،،عمو اني مااريد شي بس تصيرون اليه
اهل
«««احنا اهلج من زمان بنتي وهذا حگ الله وحگج
ولازم ننطي الج ونخلي بالعقد من
ينعقد
«،،انتو بكيفكم فصل عم واحنا نلبس
اخويه رد هو كال
«««ثلاثين مليون مقدم والمؤخر خمسين شدكول
ابني
اخويه صفن علي بعدين عليه رد
««ها والله ماادري هي بكيفها
سكتت مااعرف شاحجي مهيب ضحك
وكال
«،،خاف قليل
«،،هاا لااا
جاوبته بسرعه وخجلت كلش نزلت راسي
بعد رفعته خرب ضحك وكال
«،راح تختفي من الكره الارضيه
ماحجيت شي عمو كال
«،،شوفي الضحكه حجيه جانت حسره علينا
نشوفها
«،،اي فرحان بعد امه
هو حجه
««منتضر اليوم لازم نفض تجهيزات المهر كلها لان باجر راح تجي المشايه نعقد وراها نرجع
لبغداد
««وليش نرجع لبغداد خلينا هنا احسن
جاوبه وكمل مرتبك
«««يعني انت تعرف احنا ماعدنا احد هناك
وهم ماعدنا مكان نكعد بي
«،،اذا على المكان شقتي موجوده اكعدوا بيها
وهاي مال ماعدنا احد مااريد اسمعها منك مرة
ثانيه لان احنا راح نصير اهلكم
وحزام ظهر الكم
اخويه تأثر والعيون غوركت
ظل ساكت الحجيه انقهرت علي وكالت
«،،يمه لاتنقهر واحسبني اني امك وبو منير ابوك
وولدي اخوتك وحزام ظهر الك
رد بخنكه
««تسلمين خاله والله يطول بعمرج
يمامه شافته شلون انقهر نزلت من حظن الحجيه
واجت وكفت كدامه ابتسم بوجهها
وكال
«،مابيه شي
««شوفيها يمه شلون حنينه علي وتحبه
الحجيه حجت هو رد من شالها وخلاها
بحظنه
«،،واني هم احبها واموت عليها لان من ريحه
حنين
غمضت عيوني دمعتي نزلت فتحت مهيب
يباوع عليه كال
««الله يرحمها برحمته الواسعه
«،،امين
جاوبته والكل هم بعدين كمت كلت
«،،اروح اسويلكم ريوك
«،اي والله وجاي ثكيل لان راسي صدع
هو جاوبني مشيت ام احمد لحكتني طبت
وياي للمطبخ عبالي راح تحجي
بالموضوع بس هي
كالت
«،شنو بالج تلبسي بالمهر
«،،ها والله مااعرف
«،،باعي انتي ضعفانه كلش ولازم تاخذين شي
كلوش مو ضيق ويبرز ضعفج
بعد اكثر
«،،اي
«،،ولازم باجر من الصبح نروح لمركز اعرفه وجايه
علي اكثر من مره حتى تحفين وتشلين
هاي شواربج الي ينحلف
بيها
فكيت عيوني ولزمتها صحت
«،،صدك
خربت ضحك وجاوبت
«««هههه لا ولج جاي اشاقه
سوالفها مثل سوالف اخوها وكسرت شويه
من خجلي وهم ارتاحيت من ماحجت
بالصار خليت القوري
على النار
وكمت اطك بيض هي حضرت صينيه النا
وللحجيه وعمو لان مايكدرون يكعدون
بالگاع كملنا صحت منتضر اجه شالها وخلاها بالهول وصينيه امه على
طبله
«،،يله تفضلوا ولو هو مو من واجبكم
اخويه حجه ابو احمد رد
«،،كاهي وگيمر وبيض وعسل ومو من واجبنا
شتريد تخلي يابه لحم غزال
حتى يصير من واجبنا
«««والله كلشي اسوي اشوفه قليل بحقكم
لان انتو ناس تتخلون على
الراس
«،يسلم راسك وليدي ومابيك قصور والله
يفرحنا بيك واكفلك بيوم
عرسك
«،،ماتقصرين خاله
رد على الحجيه وكمل
«،،يله تفضلوا مادام البيض حار
كعدنا كلنا يمامه بحظني هو گبالي يلف وياكل
وكل ساع يباوع عليه مبتسم
ميسون مالت علي
مااعرف شحجت
ويا الوجه
ضحك
وهز راسه
يمامه كامت من حظني راحت ليم الحجيه وعمو
صعدت على القنفه وكعدت بينهم
تاكل بلفه
«،،يمه فدوه لهل الخلقه الحلوه
باستها وكملت
«،،راح تجين يمي ويم جدو
منتضر صفن عليها بعدين على مهيب حس
وكال مبتسم
«،،تره اني راح اخذهن اثنيهن يعني شيله
وحده
سكت الحجيه كالت
««لعد شلون يمه غير هي وياها قابل تريد تعوفها
وهي الربتها وصارت امها
باوعت الها بحنيه وكملت
««،واني هم اريدها لان روحي معلكه بيها
وهاا انت ويمامه ماعليكم بيها
التهوا بروحكم وجيبوا
الكم جاهل التهوا
بي وعوفلي يمامه الصغيره
اليه اني وابوك
مو حجي
«،،اي وشدوا حيلكم من اول شهر بشرونا
بحفيد الخ
متتت من الخجل كمت بسرعه وكلت
«،،اروح اجيب مي
مشيت اسمع ضحگهم طبيت
المطبخ خدودي مشتعله نار غسلت
وجهي اكثر من مره انتظرت
شويه اخذت مي
ورجعت ليمهم
هو ماكو ولا عمو ولا ابو احمد اخويه ماخذهم
لبره حتى يغسلون
خليت مي يم الحجيه كالت
«،،،تسلمين يمه على هذا الريوك الطيب
«،،الف عافيه خاله
طبوا،،،اخويه من كامت ام احمد
شال الصينيه واني هم
شلت صينيه الحجيه
وودينها للمطبخ
«،«صبي بعد جاي وللكل
«،،تمام
طلع من يمي حميته مره الخ وصبيت للكل
اخذته ليمهم منتضر اخذه مني وقدمه
الهم كعدت
يم الحجيه هو حجه
«،،يابه خلي اخذكم للفندق حتى ترتاحون
هناك
«،،ليش خليهم يمنا
منتضر حجه مهيب سكت يباوع لامه ردت
،،،والله يمه خليني هنا يم يمامه الصغير من يكملن
البنات كلشي ويرجعن نروح للفندق
«،،تمام
رد عليها بعدين حجه وياي
«،،يله يمامه كومي بدلي خلي نروح نجهز للمهر
لان مانلحك العصر نكمل كلشي
«،،زين العقد راح تسوي هنا
اخويه سال
«،،والله عبالي اسوي هنا بس يعني مااعرف
اكول لو نرجع لبغداد وهناك نسوي
شدكول يابه وانتي
يمامه
الحجي حجه
«،عجل شكو نجهز منه ناخذهم ونرجع لبغداد وهناك نجهزها ونعقد بيتنا
«،،مدري هي بكيفها
الحجيه جاوبت العيون صارت عليه رديت
«،انتوا بكيفكم يعني اني مااعرف شنو المناسب
الي يريحكم سوه
مهيب ابتسم وكال
«،،يعني ماعندج مشكله
باوعت لمنتضر رد
«،،،لا ماعدنا مشكله
«««عجل يله كومي حضري غراضكم خلي نرجع
ومناك نطلع انجهز
وهذا الصار مهيب اخذنا ورجعنا لبغداد اخويه
وياي كعدنا بشقته واخذ اهله لبيتهم
ثاني يوم اجه ويا وام ياسين اول ماشفتها
حظنتها وكمت ابجي وهي هم كامت
تلوم بي وتعتب وادكول
«،،خليتنا نشيل خطيتج يمه وانتي طلعتي
مظلومه ومن قهر اهلج وظلمهم
انهزمتي منهم
بس بعدين سكتت وكالت
«،مااريد اعتب عليج خلينا فرحانين بيج
ومهيب وعبالك والله عرس
ولدي الي راح
اوكف بي
«،واحنا ولدج خاله واعرفج ماراح تقصرين بعرسي
اني ويمامه
رد عليها وكمل
«،،يله يابه خلي نطلع ورانا فره طويله يله نكمل كل شي
جانت جايبه غراضي الظلت يمها ومن،ضمنها الحلقه
اخذنا للمنصور هو عجبه فستان واخذه اليه
جان مكشوف من الجتف ونازك كلش

وماقصر ويايه بشي واشترى اليه كلشي غالي
جان مستعجل كلش يريد بس يعقد
يردد مبتسم
«،،ولج اريد اگضبج بأيدي خايف لاطيرين مني
بس المهر تاخر من وره الهويه مالتي ومااعرف هو
شسوه وطلعها اليه سألته
رد
«،اني تصرفت ولادوخين روحج بهاي السوالف
من حجاها شفت وجهه تغير للغضب
سالت
«،،مهيب انت سويت شي لابويه
«،«كتلج لاتسألين ولا دوخين روحج بهل السوالف
عرفت هو ماعافه وانتقم منه وكلت حيل
بي وابو زايد ولو يموت والله
ماابجي علي ولا
احزن
المهر صار بيوم الخميس،،، كعدت بيت اهله
بكوشه تخبل اطار ورد وتور ابيض
تجهيرات مهر تخبل وانيقه
كلش
شي خيالي حتى باحلامي
ماشفته
اشوف،،،،،امه فرحانه بينا هي واخته وكم
مره من گرايب الحجيه وكرايب عمو بس
بس انتبهت بيت عمه ابو نبأ مااجوي ولا عمتهم
عرفت من ورة سالفه بنتهم زعلوا
علي ومااجوي نسوان
الجوارين جانن
متفاجأت بيه
وظليت اشوف منهن نظرات قهرتني كلت هسه
يكولن شلون اخذها وهي جانت
تشتغل خدامه عدهم
كتمت قهري ونزلت راسي مااريد ابجي بهل اليوم
ردت افرح بي وبروحي اباوع ليمامه
كاعده يمي وطالعه تخبل
بالبدله الحمره
بس جانت خجلانه ولازكه بي
ورة لحظات ميسون كالت
««،يله تعالي حتى تعقدون
كمت كدت يمامه
كعدت على كرسي يم الباب خلت شال ابيض
على راسي وفتحت قران بحظني وخلت ايدي علي بين اصابعي حبات هيل
دكت الباب انفتح شويه
عمو طلع كال
«،،بنتي راح يسالج الشيخ منو وكيلج كولي
اخوج الوكيل مالتج
هزيت راسي باي رجع لجوه الشيخ
سالني ووكلت منتضر سمعت العقد وصرت اله
للي اخذ گلبي وانكتبت باسمه
عيوني غورگت وكمت ابجي مو مصدكه اني
صرت اله كلت يمكن جاي احلم بس
لاا هاي هوسه الشباب
تصبح
«،،،شايف خير ومستاهلها
هلاهل النسوان علگت يمي وامه اجت حظنتني
تبجي هي واخته كالت
«،«ولج شوفي منو علك الجوه بامريكا
مسحت دموعي شفت ماريا وياره وخاله
ارؤى واعتماد يركصن ويهلهن
عمو منير وراهن هو وعمو
مفيد والولد يهوسون
النا بگلبي
كلت
لو اشكر الله الف مره مارح ارد اله جزء من
الي انطاه اليه لان عوضني بهيج
ناس طيبه ويخافون
الله
«،،ولج اذبحج اذا ازجتو واحنا مو يمكم
ماريا صاحت خاله ارؤى،كالت
«،،جااين هلااسبوع والا نعلكها الكم
كامت تهلهل هي وخاله اعتماد كمت وي
خاله ام ياسين وكعدت بمكاني
باستني تبجي وكالت
««،الف مبروك يمه ويوما افرح بضناج
«،،تسلمين خاله
جاوبتها اسمع هوسه الشباب علگوها بره
عرفته راح يجي كلشي تخربط
بيه وتوترت بعد اكثر
طب من شفته گلبي كام يدك سريع والعيون
اسرها لان جان لابس قاط اسود طالع بي كلش حلو صفن عليه والوجه ضحك
من شفت النظرات
نزلت راسي
بعد مارفعته
سمعت امه تبارك اله هي واخته وكم مره
ولا باوعت
مهيب
يمامه طلبت مني اعوف ابوها كلت اي
بس اني ماسويت هيج دزيت علي قوه وجاوبوه
للمركز هناك خليت الولد يلعبون بي
طوبه ماجان يعرف
شنو تهمته ولا
ليش اعتقلنا
طبيت علي صاير فد مره من شافني فز وخاف
خزرته بحقد وكتله
««،ولك گواد شلون انطاك گلبك تسوين بعرضك
هيج شلووون ردت تبيعها لابو ملهى
وهي بنتك وشرفك
رحت ليمه صاير نار جان مجتف وكاعد
بالگاع جريت مسدسي
وعتيته من هدومه خليته براسه
وصحت بي
«،وولك والله اريد اكتلك اريد اخلي طلقه
براسك بس ااخ مااكدر من وراها
لان كالت عوفه لله
كام يتوسل بيه
«،سيدي لاتقتلني والله بعد مالي شغله
بيها ولا واعرفها ولا تعرفني
كمت اكزكز من غضبي اضغط
بالمسدس براسه اريد
اگتله وابرد نار
گلبي بي
ونار كلبها هي واخوتها كام يبجي ويردد
«،،الله يخليك وخر مني والله
بعد ماعليه بيها
حجيت بأعصاب
«،،شوفه لهذا طلقه وحده منه تجي بهذا
راسك الخايس واسلمك بأيدي
لعزرائيل وهو عاد يعرف
شغله وياك
سكتت وكملت
««والسجل يم ربك ثگيل وحسابك بعد اثگل
مارد كام يرجف كملت
«،«ولا عبالك راح تطلع منا لا يابه راح اخليك
هينه الما تخيس واجيف وشوكت
ماطگت عندي اطلعك وديربالك
ولك
عتيته بقوه وصحت
«،ديربالك تشوفها خلقتك الها او لمنتضر
او حتى ادور وراهم وتريد تتواصل
وياهم
««لاااا والله ماعليه بيهم واذا سمعت بيه
جاي عليهم اگتلني سيدي
بهذا مسدسك
دفعته بقوه كمت اخزر بي وكلت
«،طاح حظك وحظ كل واحد مثلك مايخاف
الله بضناه
عفته مسجون هو وذولك الجلاب ولد عمام
حمزه وهم لعبت بيهم طوبه لان
اذوه جثير وقهروه
وخلوه من وره قهرهم وقهر الصار بي
يحجي جلمه هجمت علاقته
بمرته
بهل الايام سويت الها هويه بعد مااخذت مستمسكات ابوها الگواد وسويت
الها بطاقه وكلت بس
ازوج امشي بطاقه يمامه
الصغيره
استعجلت بكلشي وركضت بهل جم يوم
حتى افض المهر بسرعه وعقدت
وصارت حلالي وبأسمي
حمزه حضر العقد وراح شفته مو علي بعضه
والقهر تارس ملامحه
الولد قائد وحسين علگوها اليه شالوني وكاموا يهوسون اليه هم وربعي بالدوام فرحان
وطاير من فرحتي لان بعد شويه راح
اشوفها للي حبها اخذ
عقلي وگلبي
وشفتها من خابرتني اختي وكالت يله تعال
حتى تلبسون الحلقات
طبيت للهول جانت كاعده بنص
كوشه ورد وهي الورد صفنت عليها والعيون
التقت ردت ادفر الكل بره
اظل بس اني وياها
حتى العب
براحتي
حست بنظراتي ونزلت راسها بسرعه الجگليت
انطش عليه امي واختي كامن
يهلهن اجتي عليه تحجي
بتأثر وهي تبجي
«،،مبروك يمه وشايف كل الخير
«،،الله يبارك بيج حجيه
بستها من راسها وعيوني عليها اختي باستني وباركت اليه وكالت بفرح
«،،امشي شوف عروستك
مشيت ليمها ام ياسين كومتها صارت گبالي
صفنت على الخلقه والشعر تذكرت
ذاك اليوم من طبت
على غرفتي
وشفتها اول مره بالمكياج ومفرعه
كلت هايم بيها واحبها
موت
«،،مبروك يبعد العمر كله
رفعت راسها العيون مغوركه ابتسمت
وكلت اريد اطلف الجو
«،،مبروك عليج اني
«««هههه
اختي ضحكت وكالت
«،،ومبروك عليك هي
مديت ايدي وگضبت ايدها ميسون
انطتني الحلقه الي اشتريتها الها وكتبت اسمي
عليها خليتها باصبعها رادت تسحبها
ماخليته رفعتها وبست الحلقه الكل
كام يهلهل هي الخجل
كتلها سحبتها
اختي انطتها حلقتي مديت ايدي خلتها
باصبعي رادت ترجع ليوره
گضبتها من خصرها
وشلتها لفوك
وصحت من
فرحتي
«،،وجااان اصيرين حلالي وبأسمي
افتريت بيها بهداوه اسمع الهلاهل والجگليت
انطش علينا نزلتها وبستها من
راسها امي حظتني اني
وياها تهوس
«،،عين الحاره الحمزه يطفيها
وعين البارده كل الهلا ييها
ميسون ردت
«،،وعيون الغزاله عيون جنتنا
صلوا على النبي الصيده صيدتنا
امي كالت
«،بنيتنا چنها ورد العباس
ومن خدها لازم تنباس
حجت هيج وباستها من خدها بست امي
من راسها لان ماقصرت وياي ولا
تعبتني من كلت اريدها
طلعت من يمهم بس جنت انتظر على نار
حتى اكعد وياها واخذها
لحظني
وصار هالشي من رحت لغرفتي الجوه كلت لاختي
اجيبها عليه لان البيت هوسه وكرايب
ابويه ظلو يمنا
الباب انفتح طبت تضحك وكالت
«،،،وهاي اجتك عروسك
طبت خجلانه حتى مادحگت عليه
«،،اني اروح بس هااا صير عاقل ولك
«،،صار ادللي بس روحي
«،،هههه رايحه لادفع
جاوبتني وطلعت خلت الباب مفتوح يمامه
جانت اتابعها بعيونها مشيت ليمها
بسرعه دارت وجهها شافتني گبالها
شهكت تحركت ليوره گضبتها من
خصرها بأيد وجبتها عليه بقوه
وسديت الباب بأيد
الخ
سندت روحي علي وهي بحظني صاحت
م
ماكملت لان بستها بلهفه ولميتها لصدري
اريد اخليها جوه بضلوعي اشتعلت
من ضگت الشفه
اوخر وارجع ابوسها بلهفه من لهفتي شلتها
لصدري ابوس بيها هي دفعتني
اكثر من مره اخر شي
من مشيت بيها للجربايه
عضتني من جتفي بقوه
وخرت فلتت من ايدي وراحت مسافه عني
تخزر بيه كلت من گضبت گلبي
«،،يمه گلبي ولج بعد اخزري والله هي هاي
الخزره الي جابتني من شواربي
ليمج
«،،مهيب اعقل
«،،ولج ماظل عقل عكب مابست الشفه
احجي واتقدم توسلت
«،،بس بوسه الخ واطلعج
«،،حباب خليني اروح
جاوبتني بتوسل وخايفه مني
«،،والله بس وحده هيج صغيرونه من الخد
ضربت برجلها بالگاع وصاحت تخزر
بيه
«،،ولك خليني ااطلع
«،والله ماتطلعين الا ابوسج مره الخ
الباب اندك وانفتح جانت ميسون هي من
شافتها بسرعه مشت من يمي
وطلعت اختي ضحكت
وكالت
«،ها شسويت الها
«،ولج هي شسوت بيه
«،،يبوو عزه ولك والله عرفتك ماراح تكعد
راحه
«،،اختي
«،ها ياعيون اختك
«،،،استعجلوا بزواجي لان اخوج عطب واحترك
افاده
«،،هههه يمه منك ومن الي راح تسوي بيها
«،،العب لعب والا اكسر الجربايه
«،هههه ولك كافي اخجل شويه
ضحكت وكلت
«،«روحي شوفيها وين انهزمت
«،،خرب عرضك والله تورطت بيك خوش
ورطه
حجت هيج ومشت من يمي
غاده
بليل اني كاعده بغرفتي جهازي دك جان رقم
غريب عرفته هو مارديت اتصل مره الخ
هم ماجاوبت فصل اخذته
اريد احضره اجت
رساله
«،،جاوبي ولاتخليني هسه اجي عليج
وتشوفين مني شي مايعجبج
جان يهدد اتصل نترت بي بغضب
«،،ها شتريد
«،،جاوبي عدل وكافي تصرفين مثل الجهال
«،،اني حمزه اني اتصرف مثل الجهال
«،،اي غاده لان انتي تعرفين كلش زين اني ليش
هيج سويت
«،«فهمني اني شلون هنت عليك وحجيتها
بوجهي
«،«ماهنتي لجن انه الهنت
«،،اانت شلون بله
«،،هنت عليج من اجيتج لباب بيتكم وماطلعتي
اليه هنت عليج من ماصدگتي اكولن
هالجلمه حتى اجلبين بيها
«،،حمزو روح وبعد لاتتصل
«،،،بكيفج ااانتي اروحن
صاح بيه وكمل بغضب
«،،ااسمعي ولج انه جاي هسه واريدن المره
الي ماتمشي وياي والله والعباس
الا تشوفين مني شي
مايسرج
«،، تهدد حمزه
«،،ااااي
صاح بصوت قوي وكمل باعصاب
«،،اي جاااي اهدد غاده لان ماخليتي عقل براسي
خبلتني ولج اجيتج بالعين والاغاتي
وانتي عنااااد وزدتي مانقصتي
«،،كتلك رجعه مااااارجع الك وطلگني حمزه
،،جاايج ولج والله اليوم لو گاتل لو مكتول
حجه هيج وسد الخط
گلبي كام يدك سريع وخفت منه كلش،لا يروح
يتعارك وي ابويه لو معاذ
وتعلك بينهم
كمت نزلت لجوه بابا كاعد بالصاله يمه
ماما ومعاذ شافوني
بابا
«،هاي شبيج
«،حمزه راح يجي يريدني ارجع ويا واني
مااريد ارجع مااريد
حجيت هيج وكمت ابجي جرس الباب اندك
فزيت كلت هو بس شلون شبسرعه
وصل بابا كام وطلع
وره لحظه
سمعت صوته
وعرفت هو جان قريب من عدنا سلم
وكال
«،،عم غاده ترجع وياي اليوم ترجع
هذا اخر الكلام وياها ووياكم
معاذ راح ليمه كله
«،،شنو انت جاي تهدد
«،،اااي
نتر بي وكمل
«،،اي جاااي اهدد
«،،حمزه اهدأ وهالحجي عيب تحجي بيتي
بابا حجه ويا زهره اجت مخطوف لونها
وخايفه رد
«،،عم مااريدن اطول الحجي روح لبنتك خلي
تلم غراضها وجيب ولدي وتجي
«،،وهي ماتريدك بعد غصب تااخذها
اخويه صاح بي نتر
«،،اسمع اذا اختك ماطلعت ومشت وياي،
انه اسحب زهره منك وهاي بهاي
«،،يمه عزه العزاني
زهره كامت تلطم على وجهها جانت
حامل بشهرها وتعبانه كلش
معاذ انهد بي
«،،انت رجال سويها وشوف شراح اسوي بيك
«،،اطلع منااا روح اخذي ابنج ورحوا منا
بابا كام يصيح طبيت بسرعه شفت ماما
تجر باخويه وبابا واكف كدامه
مايريده يروح علي
شافني اشر بأيده عليه وحجه
بغضب
«،تمشين وياي لو تعرفين شأسوي
«،،،وواك لااتهدددها
معاذ هد علي العياط گب من خواتي وزهره
وكفوا بوجهه ماخلوه يتلازم ويا
بابا دفعه يصيح
«،،ولك ااانت ماعليك امشي منااا
«،،ولكم جاااي يهددها كدامنا
«،،اااسمعي،الجلمه وامشي
صاح بيه بخبال ويرجف من غضبه اخويه ماسكت
ظل يغلط علي ويهد خفت لاا واحد
منهم يوكع واخسره صحت
بصوت عالي
«،،كااافي راح اااروح ويا
شكرا لزيارتكم عالم روايات سكيرهوم
