رواية قصة وجدان الفصل السابع والخمسون 57 بقلم انين الليل

اتزوجت رقيه رحت خطبتها من اهلها راح وياي رحيم ومرته لان اعرف اي واحد من اهلي 

ما يقبل يروح وياي اصلا محد عنده علم بان انا خطبت وعقدت

   من حجييت وياهم اهلها رحبو بالعكس ابوها كال وين نلكى مثلك بس اخذ راي البنيه

ام غياث يمنه گالت / / انا هسه اخذ رايها شنو تريد احسن من عاصف 

رديت عليها :: بس لازم تشوفون عمامها اهلكم 

   ابوها رد // احنه ما نجبر البنيه اذا تقبل محد يوگف بطريقها 

    :: مي خالف لازم تشوف اهلك

راحت ام غياث وابوها وبعدها الرجال طلب مهله يومين ويرجعلي الخبر 

چنت ابغداد نايم لمن ما اجاني اتصال شفته من رحيم گللي 

مبروك اهلها وعمامها وافقو 

كعدت على حيلي جاوبته :: رحيم ما اريد احد يدري لان ما راح يقبلون 

رحيم // وليش قابل انت بايك ناهب

:: انا ادري بيهم ما يقبلون

رحيم // ولا يهمك انا وياك وناخذ. شيخ ويانه شهود نعقد وهاي هي 

   :: اي انا هالشكل اريدها عود اسويلها عرس وافاجئهم 

رحيم // هذا هو عاصف يجرالك

صدكوني مستغرب مو من السويته لا انا رجال واكيد الي اسبابي لكن مستغرب من رحيم وتاثير مرته 

جانت عمتي ام كريم الله يرحمها تحچيلي عنه وشگد هو يمشي وره كلامها وهذا الشي شفته لمن اتوفت عمتي 

وراد الورث وما قبل يبقى بالبيت ويديرونه باسمهم هو وكريم حتى بوكتها شيماء گالت اتنازل عن حصتي 

لكن هو كال // لا انا اريد اروح اشتري يم نسابتي واسويلي مشروع بالفلوس اليبقن 

وصلت بي انو يكل الكريم // اذا ما تبيع البيت وتنطيني حصتي راح اقسمه وابيع حصتي 

وفعلا اتبايع ع البيت واخذ حصته

من خطبت وعقدت صرت ما اگعد هواي بالبيت ولا حتى اكعد يم امي واسولف دومني بره وروحي 

بخشمي اشتريت الغرفه بعد ان جبت عمال وشالو اغراض بهاء واغراض رجاء بقت بس غرفة فرح 

امي كالت زين تسوي اشتريت غرفه جديده تستاهل بس لو ناصبها جوه 

كل ظنها امي انو الغرفه مشتريها الوجدان

قبل يوم من العرس المغرب خابرني كريم ابن عمي رديت :: الو  

- - شلونك عاصف 

:: الحمد لله حياك الله هلا ابو كرار 

- - اكلك عاصف شيماء خابرتني مرت رحيم كايلتلها اليوم عرسك ياعرس هذا 

جريت نفس :: عرسي 

- - ها شنو يابه اتذكرت تسويلك حفله ًمن تالي وحتى ما عزمتنا

:: كريم لا تتغابى عليه ما دام مرت رحيم حاجيه الشيماء اكيد تعرف انا ما خذمن 

— مع الا سف ما عبالي هالشكل 

:: ليش شسويت حقي 

— اي حقك بس مو من حقك تكسر كلب بنيه يتيمه 

:: ما كاسر كلبها هي ابيتها معززه مكرمه وهاي جايبها يم امي 

- - عاصف ليش اخذت على مرتك شنو القصور الطلع منها

بقيت ساكت هو رد // اكلك مو هاي نفسها الگتلك اتزوجها وانت كتلي الكلب بي بس وحده 

:: صارت بعد صارت 

- - لا انت الي طغييت وعليمن على بنيه يتيمه جانت اتشوفك ابو واخو وعم مع الاسف 

:: شبيك كريم ويني او وين الطغا 

جاوبني بعصبيه // دروووح بابا انت واحد ما تخاف من الله

سد النقال بوجهي ما جنت متوقع اسمع من كريم هيج رزاله اتنفست بعمق وكتبتله 

:: كريم وجدان ما تدري عود انا تالي اجي وافهمها 

قراها وما رد عليه

وبيوم العرس انا اجيت يم امي شفتها گاعده هي وعلاوي 

سالتني // شني عدك عزيمه علي يكول 

:: اي 

-خو ماكو شي 

:: يمه خطبت واليوم عرسي 

صفنت امي وردت // رقيه مو 

استغربت من رد امي سالتها // شمدريج

- - من شفتها وانا ولا ارتاحيت الها ولا الامها 

:: يمه رقيه مرتي 

- وهسه شتريد 

:: ترحين تزفينها 

- عمت عينك وعينها ازفمن ولك 

:: يمه

ردت بعصبيه // بس ولا حجايه انا مو امك تره گلبي حاس سكتك وروحك بخشمك والاخشاب الجديده

وكشكة رجاء وفريح ونهوده كلت وراها شي بس لدالي هيج تسوي 

:: يمه تره انا مو زعطوط وهيج تحجيين وياي 

- - واكبر زعطوط ستر الله ع الزعطوط

شفتها صارت ترجف وشفايفها بيض حجيت بصوت :: تعاي فرح وينج 

هاي انا بابا 

:: بسرعه جيبي الحبوبتج علاجها 

- - هذا علاجي جوه راسي علاوي طلعلي ماي

فرح راحت للمطبخ يم امها وخالتها وانا اباوع الامي وهي تاخذ العلاج وترجف 

اتقربت منها بستها براسها بس هي دفعتني // فووت عاصف ما اريد اشوفك

طلعت بره شفت مهدي يم الطبابيخ انا حاجيته :: مهدي 

باوعلي وابتسم //. ها ابو فرح 

:: عوف الطبابيخ وفوت بدل منا وهيج تجينه ناس 

- - صار وتدلل يمته نروح نزف العروس 

  :: وره الغدا بالثنتين ونص

  - - ان شاالله اكلك عاصف عود على مود ...

قاطعته بايدي :: مهدي اذا على مود بهاء تريد اتحاجيني انا ما امنعه يجي ويحضر بس لا يسلم عليه ولا يحاجيني 

— - ادري مو اخذتلك مره بعد هالزعل ليش 

  :: انا هيج عقلي مسودن مطلوب بطلابه 

مهدي //براحتك عاصف

اجونه ناس وصبو الغدا وراحو وصار لازم اروح اجيب العروس انا ما بلغت لا امل ولا انصاف لان ادري

بيهن ما يقبلن ويجوز يسون مشكله وهم ادري بيهن ما تهون عليهن بت اخوهن لذلك گلت خلي يسمعن

من الناس تقريبا الساعه بالثنتين دخلت بدلت لبست صايه لون سمائي وقميص ابيض ووبشت اسود 

وعكال وجفيه والساعه اجيت اخلي من العطر الي تحبه وجدان بس ما خليت طلعت عطر ثاني 

نزلت واشوف فرح ونهاد ورجاء يهلهلن دخلت الحجرة امي شفتها متمدده ودايره وجهها اتقربت منها

:: يمه ادريبيج گاعده ما الله يهديج وتمشين وياي 

  - - ياريتني ميته ولا شايفه هذا اليوم 

:: حجيه عمرج طويل شني عجبه الله محللي اربعه 

- - بالعافيه عليك عسى ما تاخذ عشره 

:: يمه امشي وياي الخاطري 

بقت ساكته ما ردت عليه حاجيتها :: يمه كدام الناس امي وياي

- - والناس من اطووك مره ما گالو وين امك وين اخواتك ليش ما اجو وياك 

:: يعرفوني واطوني 

- - ظل بعرفك وعوفني والينشدك گله امي ماتت من انا عمري ست تشهر 

هي دارت وجهها وغطت وجهها بشيلتها وانا الاعرف امي الشي الماراضيه علي محد يقنعها وترضى

طلعت شفت فرح والبنات ونهاد ورجاء ركبن بالسيارات سميره بقت يم امي 

وانا وجابر ركب وياي وابو فواد هو ومهدي 

واولاد مهدي بسياره همه واولاد ابر واولاد ابو فؤاد

بالمضيف الي بقى يستقبل الناس جلال وبهاء واحمد ابن مهدي 

كبل ما اوصل خابرت رقيه هي ردت

- - ها حبيبي 

:: بس اجي بساع اخذج ونروح 

- - اي بس مو تدخل ابوي وعماني موجودين 

:: ان شاالله بس ما اتاخر بعد خمس دقايق واوصل

وصلنه يم اهل رقيه والسيارت اتدك هورنات وهلاهل النسوان دخلت ونزلن وياي رجاء وجربزتها انا دخلت

سلمت على ابوها واخوانها وعمامها الي ما شفتهم من خطبتها وهمه طلعو يسلمون على جابو ومهدي وابو فؤاد 

دخلت وهذني يهوسن لزمتها من ايدها وطلبت من امها تخلي عبايه سوده فوكها 

امها ردت مو مخلين العبايه البيضه 

خالتها جابت عبايه وخلتها

وصلنه للبيت دخلتها للصاله وراسا طلعت بس اختها كالت 

عاصف خلي اخذلكم صور 

صار تاخذ النه صوره واحنه واكفيين شفت نرت رحيم راحت يم امي وامي طلعت بس شفتها كوه لزمت

نفسي ما بجييت بحضنها وانا اشوف نظرة العتب والقهر بوجهها اجت يمهن وام رقيه سلمت عليها

كعدت امي ورقيه كعدت بصفها وانا كعدت لان من شفت امي فرحت لكن اعرف فرحي مثل ابتسامتها

كله جذب

طلعت للمضيف وصبو العشا من اجيت اريد اصعد فووك التلفون صار يتصل يتصل بدون انقطاع 

وصلت للغرفه طلعت النقال من جيبي كل ظني رقيه شفت المتصل وجدان ظليت واكف ما دخلت للغرفه 

اجتني رساله منها ع الواتساب تكلي = عاصف صدك اتزوجت وخذلتني 

بعدها اتصلت بيه اريد اجاوبها هي حاجتني بثوت مخنوك اعرف بيها جاي تبجي 

عاصف انت قتلتني اتهنا

صرت اتصل بيها ما ترد نزلت بسرعه من الدرج والكل مذهول ركبت سيارتي وانا اتصل بيها لكن هي ما ترد 

خفت عليها لان گالت قتلتني اتذكرت من راحت يم الشط رادت تشمر روحها 

الى ان وصلت انا ابد ما اتوقفت حتى ما خليت بانزين الى ان دخلت بس شافتني نا هلت شي ما كالته 

والكلام الي تردده هو طلكني اكرهك ناهيك عن الغلط والمسبه

اهنا قررت ان اخليها زوجتي لان شفت بعيونها حب وغيره وحتى كره وحقد لذلك اخذت حقي كزوج رغم رفضها 

ورغم مدت ايدها عليه ضربتني وسبتني وخرمشتني وانا ما قصرت شكتت هدومها وربتها وهي عضتني 

يمكن بوكتها شلعت لحمه من ايدي

طلعت من الغرفه ما اعرف شمو شعوري انتصار او يمكن هزيمه بجييت وخممي طك دم ما اتوقف غيرت 

ملابسي وردت اروح الها واعتذر منها لكن شفت الباب مقفول بقيت الوره الفجر ورجعت وهم الباب 

بقفلته عرفت هاي اذا ادك عليها الباب يمكن تلم عليه الناس قررت اطلع ارجع للناصريه واعوفها 

يومين تلاثه وبعدها ارجع واحچي وياها 

طلعت من الشقه وصرت اسوق ودموعي تنزل واسال بنفسي ليش كل هذا صار منو السبب 

انا لو هي لو يمكن الظروف 

وصلت الضحى للبيت رحت يم امي الي بقت متمدده حتى ما جنها تشوفني كعدت ع الجربايه سالتني ابرود 

- - وين جنت ؟ 

  :: يمها 

- - شني اشتاكيت الها لو كسرت خاطرك 

  بقيت ساكت هي نترت عليه // شو ساكت ما تحجي

اتنفست بعمق :: يمه لا تصيرين حتى انتي عليه 

كعدت باوعتلي // فووت بدل دشداشتك كلها دم 

   :: اي خشمي ينزف 

  - - ينزف من الحركه لو من الندم ؟

طلعت من يم امي رحت الغرفتي لبست دشداشه ثانيه وطلعت ما اريد اكعد بيها اول مره احس هذا الاحساس 

رديت يم امي وانا ادكم هي شافت الخراميش 

سالتني // هاي هي ؟

    لزمت ركبتي :: اتسودنت شسويلها 

     حركت اديها // حكها الطلعت ظهرها ورا كسرها 

   رديت بعصبيه :: يمه انتي ما تدرين شس...

امي رفعت ايدها وقاطعتني // لو شما سوت عاصف لو شما سوت تتحملها بس بسالفة الشرف 

لا اكتلها خلاص بس هيج تنجلها لا جان خفت ربك بنيه اشافت بعمرها ضيم بضيم لا ام لا ابو 

لا خال بي حظ لا عم مثل الناس عود كلت الله التفت عليها بيك تالي انت طلعت زايد فوك زيدان ومزيد 

:: حجيه ان...

  - - دا كافي ولك انا الادري بيك عاصف يجوز بيناتكم زعل بس انت لو هي مسويه وياك شي جبير

انت ما تخليها دقيقه تكتلها تذبحها انا الاعرفك انت ابني الربيتك وعشت وياك اكثر من بزري انت

انلعب بيك شو شمالك

اتحسرت :: يمه انا مو 

امي رفعت ايدها وهي تاشر بوجهها درت شفت رقيه وهي لابسه بدلة نوم قصيره وفوگاها رووب خفيف 

اجت تبجي الامي 

- - جده انت هم اتقبليين ابنج عايفني بليلة عرسي وما ادري وين چان ليش انا شبيه شناقصني اذا 

ما يريدني ليش اخذني 

امي تباوع الي ومستغربه رديت عليها بعصبيه :: انتي شلون تنزلين هيج 

   باوعتلي // ما بيها شي عاصف هذا بيتي

:: حتى لو ما كلتي واحد من الولد يجي حتى لو مو الولد مره تدخل تشوفج هيج لابسه شتكول 

رادت تجاوب امي ردت باستهزاء. // اصعدي حبوبه الحجرتج ما عدنا بنات هيج يلبسن وجدان اكثر

من ست سنين عدنا ما يوم نزعت حجابها لو احد شاف شعرها لو لبست شي مفضوح 

  ردت // جده انا عروس 

- - اي عيني عروس ادري عدج حجره تلبسين بيها اليعجبج بس عتبي على عمتج مرت ارحيم ما علمتج 

عاداتنا وتقاليدنا لو بس هلللي بلللي

اشرت الها فوتي اصعدي 

راحت وكفت اريد اصعد وراها امي كالت // اوگف عاصف 

باوعت الها //. هاي الفرخه مو ملبوسك 

  :: حجيه تتعلم 

  - - هاي الفرخه مو ثوبك وما تفيدك هسه شتسوي شتتصرف انت زلمه وتعرف تطلع منها 

   :: بعد ما ترهم طاح الفاس بالراس 

  - - لا ترهم. وترهم عمتها مرت ارحيم تكول مو زين منها رضت تعيش بالعشاير وتاخذ على شرج 

ومن كتلها انتن تدرن ترد عليه اول وتالي ياخذها للولايه هذني مخططات وانت الا ابني صدك وانا ربيتك 

اطلع منها

  نفخت :: يمه بنات الناس مو لعبه 

:: لا موش لعبه بس المن دمك ولحمك لعبه چا ما طوول هيج ما خليتها تاخذ اخو سميره ما عفتها ترد اهنا 

وتعيش حالها من حالي 

     اشرت على صدري :: انا حميتها 

امي // لا انت عشكتها واسودنت عليها واتمرضت وعاركت الدنيا على مودها وتالي خوش جازيتها اخذتلك

عليها مره شوف عاصف لو ما طلعت نهوده ورجاء متراهمات ويه هاي ام ثوب المستور انا مو فرحه

اتقربت اريد ابوس راسها بس هي دفعتني وكالت // ما راضيه عليك 

صعدت فوك واحسب بكلام امي الي تريدني اعوف رقيه وارجع الوجدان 

مهما جانت تكره سعدي بس تحب وجدان وعلي 

وصلت الغرفتي فتحتها لگيت رقيه گاعده ع الجربايه وامها يمها من شافني وكفن اثنينهن انا سلمت

  :: صباح الخير 

رقيه ردت // صباح النور 

امها ابرود // هلا عاصف 

:: هلا بيج ام جعفر اشلونج 

- - الحمد لله بخير 

راحت تمشي للباب // بس انا زعلانه عليك 

   ابتسمت :: اه ليش يا ستار

      ردت بعتب // شلون تعوف بتي عروس بكليلها وتبات بره هاي تقبلها على بتك على اختك 

  :: لا طبعا ما اقبلها 

رادت تحجي قاطعتها :: بس اذا تتذكرين من خطبت بتج گدامج وگدامها وكدام عمتها واختها كلت 

  عكفت حاجبها ورقيه اتاشر الها اسكتي // شگلت 

:: گلت انا رجال متزوج اولا مرتي وثانيا مرتي وعاشرا مرتي يمته ما اريد اروح الها وابقى شكد ما يعجبني 

وبتج رضت وحتى انتي هم قبلتي

- - بتي رضت تحبك وتريدك 

:: وانا ما قشمرتها 

رقيه //. ماما انا قبلت بكل شي مثل ما گال اني احبه وشيگول صار 

- - بس انتي عروس وحقج يبقى يمج 

- — ماما عاصف بكيفه بلي ايعجبه وهذا هو وين راح يعني راح الزوجته ورجع الزوجته مو هيج حبيبي

اتقربت مني وباستني گدام امها بصراحه انا خجلت من جراتها امها ضحكت وهزت ايدها وراحت 

وهي كعدت بحضني وصارت تلعب بشعري وتكلي 

- - المفروض بهيج حاله وانا عروس انت الي تبادر بس انا لان احبك واعشكك واحب التراب الي تمشي علي 

شتريد اامرني وانا طوع امرك ولا تاخذ ابالك من كلام امي هسه انت زوجي وانا ملكك

كلامها ورغم جراته لكن اثر بيه وخلاني اخجل من نفسي ولازم ابادلها الشي الي تريده لان هي مستعده 

اتسويلي كل شي واي شي اريده 

كنت اتمنى اعيش هذا الشي ويه وجدان لكن هي برعونيتها خربت كل شي وخسرتني بمكن للابد ،

ظليت ما نزلت للظهر او خلي نكول نمت من تعب السفر والسهر والضغط الي عايش بي كعدت حوالي 

الساعه بالثنتين على بوسات على خدي فتحت عيوني شفتها رقيه وهي اتگلي 

- - كوم حبيبي اتغدا انا جوعانه 

كمت بدون اي ردة فعل دخل للحمام سبحت وطلعت هي حضنتني وتگلي // نعيما حبيبي 

:: الله ينعم عليج 

حضنتني وهي تردد// احبك

كعدت حتى اكل وهي اجت يمي اخذت اول لكمه قربتها من حلگي اكلتها وانا ابتسم وهي صارت تاكل وياي 

كملت كلتلي // اشو ما اكلت 

:: الحمد لله شبعت 

- - لا حبي هذا مو اكل لاتنسى انت تدخن وتشتغل لازم تداري نفسك

طلعت جكاره من الباكيت وصرت ادخن بس تدرون انا صاراكثر من تلث تشهر مقلل التدخين وكفت اريد انزل 

جوه سالتني // وين عاصف 

:: راح انزل يم امي 

- - اي انتظرني ابدل وانزل وياك 

:: رقيه شنو مثلا انتظرج هذا بيتج تنزلين وتصعدين براحتج 

  - - اعرف بس لان عرسان لازم ننزل سوا 

:: تمام بس استعجلي لان متعود اشرب جاي وره الغدا

هي راحت غسلت وبدلت ع السريع وخلت مكياج وعطر وگلتلي وهي تفتر // شنو رايك 

  :: حلو 

حضنتني وتگلي بهمس // انت الحلو الي بحياتي

نزلنه انا وهي وشفت امها واختها وخالتها ومرت رحيم ورجاء ونهاد وبناتها وفرح وحتى ساره متجمعات

جوه بالصاله من نزلنه صارت نهاد ومرت رحيم تهلهل واجتني فرح باستني وهي تكلي 

- - - مبروك بابا حبيبي 

استغربت تصرفها واتذكرت لمن اجت ويه نهاد ومهدي البغداد 

  وصوت مرت رحيم وام رقيه وهنن يگللي// شايف كل الخير منك المال ومنها العيال 

ورجاء ونهاد يكللي// مهنا شايف خير

سالت :: امي وين ؟

نهاد اتاشر //بالحجره 

دخلت شفت علي كاعد يمها كعدت يمها وحاجيتها :: شني ما تكليلي مبارك شايف خير 

ما ردت عليه اجت رقيه دنكت على امي وباستها بخدها واخذت ايدها وهي تكللها // حبيبتي جده 

امي ردت // الله يستر عليج 

حييل استغربت ردة فعل امي رقيه // جده تعاي يمنه بالهول 

- - راسي يوجعني ما بيه ع الهوسه

علي وگف يريد يطلع امي حاجته //. وين طالع 

( ) للمضيف 

ابقى هنا شعدك بالمضيف 

() ميخالف بيبي 

ظل اهنا يمي هذا بيتك بيت جدك وهذا مكانك

اتقربت منه :: ^علاوي ابقى يم حبوبتك وين تروح 

اشرت الرقيه تطلع طلعت وهي تبتسم سالتها // يمه اشبيج 

- - ما بيه شي ليش اشايفني 

  :: يمه عاد الخاطري 

- - مو انت اشتريت خاطري 

  ::ما سويت شي

  سالت علي // علاوي جده حضرت اهدومك 

هز راسه سالتها :: وين رايح ؟

  - - انا ويا رايحيين 

  :: وين يمه ؟

  - - - البغداد اروحلي سبة وكت يم وجدان

طلعت النقال من جيبها // هاك جده طلع رقم جابر 

:: يمه شتردين برقم جابر ؟

  - - اطلع روح يم مرتتك وحبايبها 

   :: انعلج ابو مرتي شتردين برقم جابر ؟

علي ( ) عمو هو يوصلنه البغداد 

  :: ابقي انا اخذج 

- - لا انت رجال ملتهي توك عريس 

  :: وبعد شعدج يمه كولي 

ظلت ساكته علي وكف ( ) رايح شويه يم بيت جابر اسلم عليهم 

- - مو تتاخر جده باجر ورانه غبشه

طلع علي باوعت الها :: يمه هاي اول مره هيج وياي 

  - - واظلن هيج وما ارضى عنك 

    ابتسمت بزعل :: ما ادري بيج هاكثر تحبينها 

دارت عليه وجهها كله عتب. // شني وانت ما تحبها 

وكفت :: باچر الصبح اخذج البغداد 

   ردت باستهزاء // مو خاف زحمه من مرتك وحبايبها

  :: ماكو زحمه باجر غياث يجي وياخذهن 

- - جا ظل تاني بعد هو نسيبك وهالجددت النسبه واخذت بت خاله 

   :: يمه ليش هيجي وياي 

   ردت بعصبيه وهمس // ولك عاصف موتتني شجرالك ليش سويت كل هذا 

  :: اريدلي مره 

   - - چذااب 

   :: انا ؟

  امي // واكبر چذااب شني ما ادري بيك چا مو كل سبه تاخذلك وحده سبة وكت وتالي اتطلكها 

فتحت عيوني عي ردت // شلدالك ما ادري لا ادري وادري ومو اليوم وحكك رجال يرادلك مره 

  :: اي وهسه اخذتلي وحده دووم 

  - - جا مو عدك مره ؟

ما رديت عليها. كالت // شوف عاصف هي كلمه هاي البره ما اريدها ولا اريد كاع التريدها اله اذا 

بت ابني خاينتك ويه واحد ثاني ذاك الوكت انا بيدي هاي اخنكها واطم عارها هسه اتكلي

لا وروح غازي اروح وبعد ما تشوفني 

وصلت يمها :: يمه وجدان كل شي تسوي بس لا تخون ولا تبووك 

طلعت مستغرب من تصرف امي ادري بيها تحب وجدان وهم ادري ب امي عدها نظره لبعيد وهم ما 

ادري ليش ما تحب رقيه رغم رقيه شكد تتقرب الها 

شافتني رقيه اريد اطلع لحگتني // حبيبي وين رايح 

باوعت الها :: للبستان 

- - شتسوي ؟ 

لملمت حلكي تالي جاوبت :: اتمشى 

ابتسمت // يعني مو شغل ؟

هزيت راسي :: لا ليش ؟

ابتسمت // مو اريد اطلع وياك 

  :: ياالله 

  - - اي 

وگفت باوعت الها :: هيج اتطلعيين 

- - اي 

  :: ادخلي البسي عبايه اسلاميه وعدلي حجابج والبسي جواريب

  - - ليش مو چنت من اجي هالشكل اطلع وياك 

    اتنفست :: هسه انتي مرتي وهذا بيتج ومكانج والمكان اله قانون 

ابتسمت // صار تدلل 

صعدت وانا واكف اجت ساره جابت بدر شلته وبسته ونهاد اجت // الله يترس حضنك ويفرحك 

:: الله يخليج بس هذا ابن ابن الغالي 

  ساره // اي عمي حتى جدتي كل ما اخلي بحضنها تحبه وتشمه وتبجي

   رقيه // ياالله حبيبي جاهزه 

طلعنه من الباب سالتها :: وين تردين اخذج ؟

- - الاي مكان المهم وياك 

اخذتها للبستان الوره بيتنا كعدت ع الجربايه مالت امي وحاجيتها :: اسمعيني رقيه من تردين تطلعين وياي

لاتجيني يم الباب من اريد اطلع لا ابيناتنا بالغرفه اسالينياذا رايح للبستان وما عندي شغل اخذج 

  رقيه // ليش ؟

:: لان يجوز ما عدي شغل بس رايح اشوف جماعتي 

- - لان ذيج المره 

  :: ذيج المره تختلف تمام 

- - تمام حبيبي بس لا تزعل تدري ما شايفه هذا المكان قريب وحلو 

:: هو اهنا اذا يعجبج تجيله تعاي ابحدج الغير مكان ممنوع

ابتسمت واتقربت مني وصارت تتنفس بقوه حمحمت :: روحي اتمشي

ردت بزعل //. شنو ما اعجبك ليش ما تبادلني الحب 

:: افتهمي هذا المكان مفتوح يجوز احد يمر يشوفنه واحنه ما نشوفه

شافتني ضجت هي ابتسمت // اتحملني حبيبي تدري بيه ما اريد اعرفك ثانيه اريد احبك واسولف عليك واحضنك 

ادلعك والعب وياك وشتريد اسويلك 

راحت تتمشى وانا دخنت جكاره واجتني كل الذكريات الي ما تفاركني لا بالليل ولا بنهار من اكعد من 

انام من اكل من اشرب من اسولف وياي اتذكرت لمن امي تستهزا بيها

وتگلي ما تعرف شنو قريوله لو لمن لازمه الطلي التوه صاير وشايلته وتگول خروفي 

لو لمن اتكلي شرير 

لو من صارت تبجي ع الخروف لان ذبحنا وبقت فتره ما تاكل اللحم

صفنت واتساءلت هسه شجاي تسوين 

لزمت ايدي الي عضتها وتلقاىيا على رگبتي اتحسستها اجت رقيه // ها حبيبي نرجع 

   هزيت راسي :: اي روحي انتي 

  - - وانت ؟

:: عدي شغل اكمله وارجع  

- - وين ؟

اتقربت منها وسلهمت عيوني :: ما متعود احد يسالني 

- - بس انا مرتك مو احد 

   اتنفست :: حتى لو بس امي هي التسالني 

اتقربت مني وباستني وتگلي // اسفه لا تزعل 

:: مو زعلان جاي انبهج فوتي ادخلي للبيت ومن تردين تطلعيين اطلعي اهنا انتي وفرح 

  - - ان شاالله

درت عليها :: وشي ثاني بيت ساره ما توصلينه افتهمتي 

   - - ليش مو بخطبة فرح رحنه وكعدنا واتعشينه 

   :: اي بس بعد ممنوع توصليله 

  - - تمام تأمر امر

رحت يم ابو جلال وشافني جابر هم اجه وسلم صرت امشي وما الي خلك الشغل جابر يحجي ع الكاع 

ولازم نكربها وابو فلان ما اجه وانا ولا يمه احس بروحي مفرفحه اريد اروح الها لكن بلحظه اوكف

جابر سالني //. شني خويه صار ساعه احجي 

رديت :: مو كايلك اتصرف من يمك 

  - - اي بكاعك والجماعه 

  :: مالك غرض بيهم يردون يجونك 

جابر // خوش حچي بس انت المو خوش شبيك عاصف 

  :: مالي خلك

جابر // امشي عدنا بالبيت 

  :: لا يمعود 

  - - تمشي شني تخاف من مرتك 

رحت ويا وكال الابنه مصطفى // جيب النه فراش بره وشعل نار 

كعدنا اجت سميره // هله خويه شلونك ابو فرح 

:: هله بيج ام مصطفى 

جابر // سميره سويلنه عشا

  :: لا تسوون شي ما اشتهي 

  جابر // شني ما تشتهي اشويلنه دجاجه ع الحطب 

   :: شبيك انت شني استحي لو اريد جا كتلك 

   سميره // هسه ما تريد بعد شويه تجوعون

صار مغرب اتوضينه وصلينه وكعدنا جابر كلي // تدري عاصف سميره زعلانه عليك 

  :: ها وليش شمسويلها 

اتصلت رقيه رفضته وسالت جابر 

:: اي ابو مصطفى ما گتلي ليش سميره زعلانه

جابر // تكول شلون ياخذ على وجدان مره هي وجدان احد ياخذ عليها وانا ما رضيت كتلها عيال بيت لا تتدخلين 

بقيت ما رديت ورقيه تتصل وانطي رفض لمن ما اجت ام مصطفى جايبه دجاجه شوي وخبز تنور وطماطه 

سميره كالت // اتفضل خويه واعذرنا من القصور 

:: لا تسلميين ماكو كل قصور صيحي للولد خلي يتعشون 

  سميره // يا خويه عشيتهم انتم اتهنو الف عافيه

صرت اكل خبز وطماطه واشرب لبن جابر گال // ‎ااه شلون نسوه انت ما تاكل الدجاج 

رديت بقهر :: لا ا اكل هسه اكل 

بذيج اللحظه اتذكرت لمن قطعتلي لحم من الدجاج وكالت = اكل الخاطري 

اخذت شويه من الفخذ وخليته بخبزه واكلته واحجي ويه نفسي :: وينج صرت اكل الدجاج لان انتي تحبينه ،

اتحسرت وكلت :: الحمد لله والشكر 

- - ما اكلت 

:: الحمد لله شبعت

بهاي الاثناء هم رجعت اتصلت رقيه ونفس الشي رفضته كتبت الها شويه واجي يمي جماعه 

جابر گال // تعاي ام مصطفى 

اجت // شوفي هذا اكل عاصف 

:: شني تعزمني على بيتي 

   سميره // خافنه يريد يروح يتعشى ويه العروس 

  جابر خزرها // روحي جيبي الچاي

راحت جابت القوري والاستكانات وكعدت اتصب النه جاي سالتها 

  :: شني ام مصطفى صدك زعلانه عليه ايكلي جابر 

   سميره // عليمن زعلانه شني خافن غرگانه السفن 

:: مبين من كلامج زعلانه 

قدمت الصينيه وردت// اي ليش الجذب زعلانه وزعلانه هواي

جابر بعصبيه // سميره 

:: عوفها جابر شبيك ليش زعلانه ام مصطفى 

  ردت بعفويه // اكلك خويه وجدان ينوخذ عليها ما تريدها چان ما اخذتها خطيه البنيه يتيمه وطلعت 

ظهرها وراك تالي هيج تاخذلك مره ثانيه على فرخه جاهل 

  رديت :: والله متعجب كلكم زعلانيين چي اخذتلي مره ام مصطفى تره وجدان هناك تكمل دراستها وراح 

تبقى ابغداد وانا اكثر شغلي هنا واريدلي وحده تخدم امي

  سميره // احنه ابختك اي والله تره وجدان ما ترمت عليك اله هناك 

جابر // كافي سميره كومي 

- - اي كايمه بس ابو فرح تره وجدان طفله زغيره وما شافت شي من حياتها امها ماتت واجت لهنا ومن شبت

انت اخذتها وهسه نچلتها لو ما ماخذها احسن مخليها مكمله دراستها وشايفه مستقبلها 

جابر // كافي سميره وفوتي روحي للبيت عاصف لاتزعل

:: لا منين ازعل ام مصطفى تمون 

  سميره راحت داخل وانا حاچيت جابر :: باجر اخذ امي وعلاوي البغداد انت دير بالك ع الشغل 

     - - باجر رايح البغداد 

  :: اي علاوي ورا مدرسه وا مي تريد تروح تشوف بيت كريم 

جابر // وانت ؟

:: انا شني ؟

  جابر // تروح اتشوف من ؟

وكفت :: ياالله انا اروح تصبح على خير 

جابر وكف // اجمعين هلا بيك عاصف بروح ابوك لاتزعل من ام مصطفى 

   ابتسمت :: شبيك جابر ما زعلان المره حجت البگلبها هي تحب وجدان وهلتحچيلها 

جابر // اي ليش الچذب هواي تحبها تكول بنيه مودبه وفقيره وما عليها لا بليروح ولا باليجي 

:: فيماالله 

- - الله وياك

اجيت امشي وانا ادخن واحجي ويه روحي :: شو كلها ما راضيه على عرسي 

رجعت لكيتهن بكعدتهن رجاء ونهاد ورقيه مبدله وبنات مهدي وفرح وساره واهل رقيه وضحكهن وسوالفهن عابر المضيف 

دخلت :: السلام عليكم 

هنه ردن السلام رقيه وگفت واتقربت مني وباستني // هلا حبيبي الله يساعدك 

:: هلا يابه

فرح // بابا اخليلك عشا 

:: امي اتعشت 

  - - اي بابا رادت حليب 

  :: وعلاوي 

- - اتعشى ويه ابراهيم وغازي بالمضيف ورجع يم حبوبتي

دخلت شفتها متمدده وبايدها السبحه حاجيتها بهدوء :: يمه نمتي 

ردت بزعل // اريد انام اطلع وسد الباب 

طلعت رحت فووك لحكتني رقيه // حبيبي شبيك 

:: ما بيه 

- - ضايج 

  :: لا ما كو شي 

- -وين اتعشيت 

:: يم جابر 

ردت بزعل // بس هالشكل ما يصير 

:: شني الما يصير 

- - يعني انا عروس صارلي يووم شلون تروح تتعشى ابحدك 

  :: رقيه اسمعيني انتي كاعده ويه امج واختج وعمتج شني ترديني اگعد واكل وياهن على ابو عريس 

  - - اي ليش لا 

  :: شني هي اليش 

   رقيه // الي اعرفه جنتو تلتمون كلكم سوا وتاكلون 

  :: شقصدج ؟

   رقيه // قصدي انا هم اريد ناكل سوا 

  :: منا وهيج ناكل انا وياج وامي واذا تردين صيحي الفرح ويانه 

   - - وليش كل ما اتصل.ترفضه 

   :: لان انا كاعد ويه جماعه ما مسافر لبعيد وكل شويه تتصلين بيه 

   - - اتصور من حقي 

   :: لازم تعرفين انا شغلي ويه زلم وكل شويه تتصلين عيب

صرت اغير بملابسي هي اجتني وحضنتني وتكلي // احضني حييل ياروحي لان انا الهسه ما مصدكه انت 

صرت زوجي وانا زوجتك 

مارديت اكتفييت احضنها وهي اخذتني الغير عالم لكن برغم كل شي طيف وجدان يجيني 

بالتسعه الصبح كعدت وشفت رقيه نايمه وجهه بصدري كمت سبحت وبدلت هي گعدت اتثاوبت وسالتني 

- - بيش الساعه ؟

  :: بالتسعه 

  - - وين اشو مبدل 

  :: رايح البغداد

هي گعدت // شنو ؟

:: شنو شنو رايح البغداد 

  — انت امس اجيت من بغداد 

  :: اي واليوم راجع 

- - بس هالشكل ما يصير 

  :: شنو الما يصير 

- - تره انا عروس

حكيت حنجي // رايح اودي امي وعلاوي وعندي شغل لو بالليل لوباجر ارجع 

- - يعني الشغل ما يتاجل

  :: لا ما يتاجل 

  - - بس عاصف احنه عرسان ما يصير تروح اقلها ابقى فد يومين وروح 

  :: ما اتاخر يجوز العصر او بالليل ارجع 

   - - كول رايح الها

خزرتها صارت تبچي // ما دامك هالشكل تحبها لويش اتزوجتني 

ما رديت عليها هي گالت //. عاصف مو احجي وياك

:: وانا اسمعج 

- -ليش ما ترد عليه 

   :: متاني تكملين كلامج 

- - كملت

درت فتحت الباب وطلعت لكيت امها واختها وخالتها كاعدات بالصاله سلمت عليهم ردن السلام دخلت الامي 

:: صباح الخير 

ردت ابرود // صباح النور 

:: جاهزين 

— اي 

:: ياالله خلي نتوكل

طلعت كدامهم وامي راحت مرت رحيم حاجتها // ها عمه جا وين رايحه 

  - - اريد اروح البغداد 

- - خير خو ماكو شي 

  - - لا من زمان على مرت ابني اروح اشوفها 

- - راشده سلمينه 

- - الله يسلمج 

اجتها ام رقيه // الله وياج حجيه 

— هلا بيج خاله

رحت كبلهم فتحت السياره امي ركبت وره وعلاوي ركب بالصدر رجعت للبيت اتاكدت من وغرفتي غرفة امي مقفولات

شفت رقيه نازله انا وصلت يم ام رقيه 

بست راسها وخليت بايدها مبلغ هي ما قبلت بس انا كتلها هذني شي بسيط 

وهم انطيت الام غياث 

  من طلعت شفت مهدي وصيته من يجي غياث يگومله بالواجب

ركبت بالسياره واتوكلنه الطريق كله امي ما تحجي وياي حتى من وصلنه للمطعم وانا بدون ريوك امي 

ما قبلت تنزل علي جابلها جاي ولفه هي ما قبلت تاكلها طلبت من علي يجيب الها باكيت بسكت 

كملنه طريقنا الى ان وصلنه للشقه وهناك انا گلت الامي اتانيها يم ابو يوسف لكن امي ما رضت كالت 

تريد تبقى يم وجدان

حاجيتها :: يمه اتانيج 

- -وين اتانيني ماعليك بيه 

  :: شني ما علي بيج اتانيج 

- - اگلك رووح شني انا زغيره ما اعرف لو ما اندل 

  :: لا مو هالشكل بس ...

قاطعتني/= لا هالشكل ولا يحزنون بس انت ليش ما تدش البيتك 

:: حجيه زعلانه عليه اتسودنت ما تريد تشوفني ومنا ناس وخاف تصيح وعيب

نزلت امي بقيت يم ابو يوسف تقريبا نص ساعه او اقل شفت امي طالعه وكفت يمها هي كالت 

- - اخذني البيت كريم 

:: شني يمه فهميني 

- - ماكو شي بس عدي شغله يم بيت كريم 

رديت. :: انتي مو جايه يم بت ابنج اتكعدين بس كولي هي قلةادبها انا الها هسه ارجع اطيح حظها 

  - - لا قلة ادبها ولا ابد 

:: چا شني فهميني 

   - - عاصف مالي خلك الحجي وديني البيت كريم

بقينه ساكتين بالسياره وانا اتحلف بوجدان اتمنى امي اتكلي طردتني او قلة ادبها عليه حتى تكون عدي حجه

عليها بس امي الدرب كله وهي ساكته وصلنه البيت كريم نزلت امي وانا بقيت بالسياره لان كريم اتحاجى وياي 

من سمع بيه اتزوجت 

طلع كرارشافني اجه عليه// هلا عمي 

اتسالم وياي وهو يگلي // اتفضل انزل 

    :: لا حبيبي عدي شغل هاي حبوبتك جايه تشوفكم 

  - - اي فوت عمو خلي نشوفك 

  :: غير مره فيمان الله سلم على اهلك 

   - - الله وياك يوصل

نزلت امي سالتها :: يمته ا جي عليك 

- - بعدني انت رووح ما عليك بيه 

:: ما تكليلي شصار ويه بت ابنج 

  - - ما صار شي شفتها وعدي شغل يم كريم ومرته انت رووح يم عروسك

طلعت بالسياره ردت ارجع اعرف شبيها امي لكن هي امي ما تقبل تگلي شصار 

رحت اشوف البنايه والمقاول اتغديت بالمطعم وبصراحه جنت منتظر كريم يخابرني لكن ما خابر 

العصر خابرني ابو يوسف وگلي انو وجدان طلعت هي وعلي وجابت عامل غير كيلون الباب 

كلت يمكن راح تتنازل وتذعن للامر الواقع وماتطلب الطلاك 

دزيت الها رساله وهي ما ردت بعدها كتبت الها مشتاقلج 

وهي ردت اكرهك

صدكوني ضحكت لان تخيلتها عمرها خمس سنوات وانا اخذت لعبتها وهي تبجي وتكلي اكرهك 

رجعت للناصريه وانا ما اعرف شنو صار بين وجدان وامي وما اعرف امي ليش بقت عد بيت كريم 

لكن من حجييت وياها وطالبتها بالمؤخر عرفت انو امي ساحبتلها كل رواتب ابوها 

ومن اجيت وحجييت وياها وسمعتها ممكن تنطيني نص الموخر انا ما قبلت لكن اتفاجات بيها تشمر على 

روحها نفط بهاي اللحظه مو بس خفت لا حسيت راح افقدها للابد وانو لازم اتصرف وياها بحكمه وحده 

بنفس الوقت

وفعلا كدرت امتص غضبها وطلعت من الشقه وانا ماخذ ملابسي وقررت بعد ما اجي صوبها 

ما اكذب عليكم حاولت اتعايش ويه رقيه ما صرت اجي البغداد اله كل اسبوع او عشر تيام 

ورغم رقيه جاي تبذل كل جهدها بس حتى تسعدني وحتى انسى وجدان لكن مو من السهوله 

انسى البنيه الوحيده الي حاسبها كل شي اليه

صرت اروح وما امر بس اخابر ابو يوسف واساله وهو ينطيني كل الاخبار 

ومر تقريبا شهرين لمن ما ام غانم خابرتني وهاي اول مره من اتزوجت رقيه لحد الان خابرت هي 

لا سالت ولا باركت ولا عاتبت مره وحده خابرتها وما ردت وتاللي خابرت غانم الي گلي 

خالي هاي هي يمي وتاشرلي اتكلي كله نايمه 

عرفت امل مو بس زعلانه عليه لا وما تريد حتى تحجي وياي

استغربت من شفتها متصله وهنا جانت المفاجاه الي ما جانت على بالي رديت 

:: الو 

- - شلونك عاصف 

:: هلا ام غانم الله يسلمج انتي شلونج 

- - عاصف انت هسه وين 

:: بالحقل ليش امريني 

- - ياهو يمك 

  :: محد 

- - عاصف وجدان حامل 

///////////.

وجدان 

ابجي وخابرت عمتي هي ردت // الو هلا عمه 

  = عمه اني حامل 

- - شني 

= اني حامل 

- - صلوات على محمد وال محمد يابعد بيتي ياحيلي الف مبروك 

  = عمه تعالي رايدتج 

   - - اي جايه وداعتج هسه بس لاتبچيين

  = لا تكولين العاصف 

  - - لا بهاي انا ما ارضى شلون غير ابشره 

  = لا عليج الله بروح جدي غازي لا تكولين الكل احد 

- - شوفي انا اجيج اليوم بس اذا غانم عده شغل باجر من غبشه يمج 

رديت واني ابجي = وتوعديني ما تحچيين الاخوج 

- - اوعدج 

  = زين منتظرتج 

  - - لا تبجيين عمه مو زين عليج

  = راح تجيين 

- - اي وداعتج راح اجي

انتظرت على احر من الجمر الساعه بثمانيه بالليل خابرتني عمتي 

= الو 

- - افتحيلي البلب 

رحت امشي بسرعه وخاله حجابي على شعري 

بس شفت عمتي حضنتها غانم كال 

   - - اشلونج خويه ياالله يمه انا رايح البيت عمي والصبح ارجع وانتي يمته ما ترديني خابريني 

  امل // الله وياك دير بالك 

دخلنه وسديت الباب وعمه اتكلي // على كيفج عمه مو زين عليج تعاي خلي نگعد وسولفيلي ولا تبچيين 

  = عمه اني اريد اتطلك هنوب حامل 

  - - هاا لا مو قبول هاي عود انتي التخافيين من الله جاي تعترضين على حكمه 

  = والنعم باالله بس عمه ما اريد احمل منه لان انا ما اريده 

- - مي خالف خلي نتاكد وبعدها الله كريم

   = عمه حللت وطلع حمل 

  هزت راسها // مي خالف باجر نعيد التحليل بغير مختبر ياالله انا جايبه وياي عشا وفواكه 

  = المن عمه منو يشتهي 

  - - انتي وانا وعلاوي خايبه ما عليج كل شي يتصلح

راحت عمتي وخلت العشا عباره عن مشاوي وجايبه ببسي وعصير وفواكه 

هي وعلي اكلو وانا جبرت نفسي اخذت بس شيش كباب بدون لا صمون ولا شي 

اكلته سالتني // شمشتهيه 

= عادي ما اشتهي شي 

- - لا عليج الله 

= يعني مو هلكد تلعب نفسي بس احب الرمان واحب اكل ملوحه ودووم ابدي انام 

  رفعت ايدها بالدعاء // الله يتمم بخير

باوعت الها بزعل لكن هي كالت // هذا رزق الله والله سبحانه اله بيها اراده كل هذا اليصير بيج اله بيها اراده 

ثاني يوم رحت للدووام وعمه بقت بالشقه طلبت مني سبير مفتاح سالتها = المن 

- - ردت اريد اروح للسوك محتاجه شغلات 

  = هاج عمه بس مو تنطين العاصف يستنسخ علي 

حركت ايدها // احنه ابختج هو عاصف انا وين شايفته وروح ابوي حتى بالتلفون ما مخابرته

رجعت الظهر لكيت عمتي بالشقه وطابخه مرك سمج وتمن ورايحه للسوك جايبه خضره ورمان 

انا من شفت هالشكل كعدت بملابسي اريد اكل رمان هي زمخت عليه 

- - فوتي بدلي هدوم المدرسه لا يتلثكن والرمان ما يطلع من الهدووم 

رحت بدلت وصليت وعمتي صابه الغدا كعدنا ناكل اكلت شويه وبعدها اخذت صحن الرمان وصرت اكل بي 

اخليله ملح واكله وعمه حتى المواعين غسلتهن وجابت جاي كعدت تشرب

- - من تكملين فوتي ارتاحي حتى العصر نروح نحلل 

  = ليش عمه 

- - احسن نتاكد 

  = ولو اشوف ما اله داعي بس مثل ما تردين

العصر بدلت وراح علاوي ويانه اخذنا تكسي ورحنه الغير مختبر حللت وطلعت النتيجه حامل 

عمتي ما قبلت نرجع كالت خلي شويه نفتر ونتعشى بره هم تغيرون جو 

وفعلا افترينه ع المحلات وهي اشترت شغلات الها والبناتها واخذت العلاوي قميص وانا اشترتلي تراك 

حاجيتها = عمه عندي كومايات 

  ابتسمت // ميخالف هذا مني 

بعدها دخلنه مطعم واتعشينه وعمه ابد ما حجت بموضوع حملي

وصلنه للشقه ودخلنه جنه تعبانين كلش رحت اغسل وبدلت ورجعت شفت عمتي كاعده بالصاله 

= عمه محتاجه اسويلج شي 

- - لا ياعيني بس فراشي جيبي اهنا 

  = صار 

رحت جبت الها فراشها هي فرشته من اريد اروح الغرفتي عمتي استوقفتني // وجدان 

= بلي عمه 

- - اكعدي خلي احجي وياج 

= بشنو ؟

  - - لازم نراجع طبيبه حتى تشوفج 

  = عمه اني ما اريد احتفظ بهذا الطف...

عمتي قاطعتني بنتر // شني شتحجيين وجدان هذا الطفل مو بس الج النه كلنه 

= عمه عاصف عنده مرته وخلي تحمل وتجيبلكم اطفال يملوون الگاع 

- - دا انجبي وسمعيني هذا البطنج مو بس العاصف الج انتي بت سعدي بت نجاة 

  = ما اريده لان عاصف ابو 

عمتي. //. استغفر الله صح عاصف ابو بس انتي امه وفرحه جدته وخلي اكلج انا مره اخاف من الله

اوديج للطبيبه الكالت حملج مو زين عليج لو الطفل ضعيف وما يعيش انا كبل لا تذبينه ابلغ ابو وحبوبتج 

واذا كالت لا ما بيج شي والطفل زين انا هم اطيهم خبر 

=عمه ما اريده 

   - - ياهو الما تردينه عاصف لو الطفل الي ابطنج 

  = اثنينهم انا اريد اتطلك

  عمتي باوعتلي // يا مخبله فكري بنفسج هذا الجاهل من يصير والله يطول بعمره شيملك عاصف اله بدل 

ما اليملكه الفريحه وهاي الاخذها انتي شحصلتي طوول هاي السنين كل شي ما حصلتي من يصير الطفل

حتى لو يطلكج انتي ضامنه مستقبلج ومستقبل اخوج وابنج 

  = اخوج يريد مني عشر دفاتر حتى يطلكني 

  - - جا اكعدي وسكتي ومن الله يطيج ايده ذاك الوكت يصير خير

وثاني يوم عمتي اخذتني للطبيبه الي ودتني للسونار وبعدها كالتلي انتي حامل شهر ونص امورج تمام تديرين

بالج على نفسج وعلى اكلج وما تعبين روحج 

عمتي // دكتوره كل شي ما عدها بس هي تدرس طالبة سادس 

  الطبيبه بابتسامه // اووووو الله يساعدج ياالله شده وتزول البكلوريا شدتها مثل الحمل والولاده اهم شي 

لا تعبين بهاي الفتره

كتبتلي على علاج بس عمتي ما صرفته خلت الراجيته بجزدانها من وصلنه للبيت 

انطتني تلفونها وكالت // صوريلي السونار والتحليل 

   = ليش 

  - - اوديهن العاصف 

= على شنو عمه 

- - على مودج وعلى موده اريده يصحه من الهوه بي 

  = عمه بس اني ما اريده اريد بس يطلكني 

هزت راسها // اي حتى لو تردين ايطلكج خلي يعرف انتي حامل هاي الدنيا ما تنحزر والبني ادم 

كل شي يطلع منه

= شتقصدين ؟

- - انتي بعدج زغيره ما تعرفين شكو بضمير العالم مو بعيده الحيايه من يسمعن ايگلله يمته رايح يمها 

يمته واصلها منين جابته 

اتغيرت كل ملامح وجهي راسا جاوبت عمتي بعصبيه = ياكلن تبن كل من يحجي عليه هو يعرف يمته جاي 

عمتي ابتسمت // ليش اكلج خلي انكله حتى ما يگول ضمت عليه وتتصرف من وراي 

عمتي امل اتصلت وفتحت الحاكيه هو رد

:: الو 

  ردت بزعل // شلونك عاصف 

:: هلا ام غانم اشلونج 

  - - اكلك عاصف انت هسه وين 

   :: بالحقل ليش 

  - - ياهو يمك 

  :: محد اامريني 

- - عاصف وجدان حامل 

بقى ساكت لحظات :: ها شنو 

- - مرتك وجدان مو مرتك اسمها وجدان لو يتراوالي مرتك حامل 

   :: يمته 

- - شني يمته جاي اكلك مرتك حامل اخذتها للطبيبه وسوت تحليل واخذت الها سونار هسه اودي الك واتاكد

سدته عمتي من يمه وهو شاف صورة التحليل وصورة السونار 

اتصل على عمتي ردت // ها عاصف 

= امل انتي هسه وين 

- - يمها 

:: امل ابقي يمها انا باجر اجي واخذها 

- - وين تاخذها 

  :: اخذها الطبيبه اريد اتاكد 

  - - جا مو انا هالاخذتها لو لدالك نضحك عليك

   :: لا لا مو هيج ام غانم رحمه الروح ابوي لا تفسرينها هالشكل. 

   - - بكيفك خويه المره مرتك والشايلته ابطنها بزرك 

سمعته صوتي = واني ما اريد اروح ويا 

  :: الصبح جاي وفهميها البت اخوج تروح وياي وغصبا عليها 

سد الخط باوعت العمتي بعتب هي ردت // وجدان عمه ما يصير يبقى رجلج

= مو رجلي واكرهه اصلا تلعب نفسي من صوته 

  - - ميخالف نروح ويا 

= لا ما اروح 

- - تردين تسوين مشاكل 

= ما اريده اكرهه 

   - - على كيفج ويه روحج انا احجي ويا 

= عمه كتلج ما اروح شنو هو عباله نجذب لو ميته اريده بس يجي 

- - مو هيج الحجي عمه الزلمه ما يتعاند على كيفج انا احلها 

= اني رايحه انام باجر عندي دوام تصبحين على خير

دخلت الغرفتي واني بكلبي دا اسب بعاصف. = الحقير عباله نكذب لو اريد اموت حتى اشوفه

ما يدري اني اكرهه واتمنى اعمى ولا اشوفه كدامي 

حضرت جدولي وملابسي حاولت انام ما كدرت لكن اتمددت وبعدها غفيت كعدت الفجر صليت وراجعت شويه 

لمن ما عمه دكت الباب وهي اتكلي // ياالله حبيبتي تعالي اتريكي

طلعت فتت للمطبخ لكيت عمه مسويتلي ريوك ملوكي بيض وجبن وطماطه كلي ومفوره حليب وخاله زيتون 

سالتها = عمه المن هذا كله 

  - - الج انتي واخوج وانا هم اكل وياكم 

  = منو كلج احنه دببه وراح ناكل كل هذا الاكل 

— - انا اكول انتي يراد تاكلين وتشربين حليب ما دام ما تلعب نفسج من الاكل اكلي واتقوي

شربت شويه حليب واريد اكوم هي لزمت ايدي وكالت // اكلي هاي البيضه السلك 

= عمه ما اكدر 

- - اكليها ابحدها بلا خبز 

اكلتها وهي كالت // ياالله فوتي غسلي وبدلي واكعدي شويه ارتاحي كبل لا يجيج الخط 

عمه = اريد اشرب جاي راسي يصير اياذيني 

- - ولو مو زين عليج بس روحي بدلي وكملي وتعاي اشربي جاي

ط

رحت غسلت وبدلت وجبت جنطتي واجيت شربت جاي باستكان وعمه خلت بجنطتي تفاحه وبرتقاله 

  = ههه شنو زغيره 

- - لا انتي عدج دراسه وحمل ونساوه اتعبين عاد ضبي كلبج بذني 

ابتسمت حلو كلامها علووش اجا الخط واني ورا بدقايق هماتين اجاني الخط ورحت للدوام وانا يتهيا الي 

انو بطني كبيره والكل يباوعلي باستغراب 

كملت دوامي ورجعت فتحت الباب شفت عمتي گاعده بالصاله وصلت يمها بستها= مسا الخير عمه 

— - هلا بيج يابعد العمه

انفتح باب غرفة علي شفت عاصف طالع منها اتفاجآت من شفته اتقرب مني اني ما باوعتله اريد اروح الغرفتي

هو كلي :: اوگفي احجي وياج 

   بدون ما اباوعله رديت = ما بيناتنا كلام 

عمتي // اكعدي عمه واسمعي 

هزيت راسي وانا ضامه شفايفي هو رد :: ام غانم من رخصتج اريد احجي ويه ... وياها 

عمتي دارت تريد تروح الغرفتي استوقفتها = اوكفي عمه لا ترحين ما عندي شي اضمه عليج

عمتي بابتسامه // مي خالف حبيبتي اگعدي واسمعي رجلج شيريد منج 

باوعت الها لان ما عجبتني كلمة رجلج راحت عمتي وهو واگف اباب غرفة علي اتقرب وكلي 

:: ليش مغيره قفل الباب 

ما جاوبته هو رد :: مو احجي وياج 

  = اتصور تدري من زمان مغيرته 

   :: اي ادري وما ناسي بس انتي يامدام الي نسيتي انو هاي الشقه مالتي

= لا ما نسيت بس ا نت الي نسيت بيوم الي عقدت عليه وسالتك اذا صادف وطلكتني وين اروح

كتلي تبقيين بهاي الشقه 

  :: اي وانا عد كلامي اذا طلكتج بس انا ما مطلكج ولا افكر اطلكج اله تدفعيلي الموخر 

  = واني بنفس اليوم الي تطلكني بي اخذ اخويه واطلع منا

:: مو هذا موضوعنا العصر اتحضري اخذج لطبيبه 

  = واني ما اروح 

  :: بس انا اريد اخذج 

  = ليش عبالك اكذب عليك ما عندي لامبرر ولا سبب 

  :: لا مو هذا قصدي بس من حقي اعرف وضع الجنين وضع امه 

  = ما بيه شي والجنين مو كبير يادوب شهر ونص 

  :: ادري بس انا اريد تراجعين عد هاي الطبيبه بالذات

   سالته بحده = والمطلوب ؟

   :: ترحين وياي الها 

  = ما اروح وياك 

  :: لا ترحين وغصبا عليج 

   = وروح امي ما اروح ولا اعتب باب الشقه وياك 

اتنفس بعمق نفخ. :: ام غانم 

— ها خويه 

  :: العصر اودي سايق يجيبج انتي وياها للطبيبه وانا هناك اتانيكم

   امل // عاصف انا اخذها 

  :: اي انتي تاخذينها بس ما يمنع انا اكون موجود تره البطنها ابني 

  — صار خويه 

وصل يم الباب. // وين رايح عاصف ابقى اتغدا 

  :: لا عدي شغل انا اخابرج حتى تتحضرن 

  - - ان شاالله خويه

طلع وعمتي تحجي عليه = ولج شبيج اتخبلتي 

  = عمه شنو شبيه عباله نكذب لو نريده بس يجي 

  - - جان شويه اتنازلتي طخيتي مو الخاطر شي الخاطر الي بطنج 

  = البطني يخصني الي هو عنده مرته وتجيبله 

  - - فوتي بدلي هدومج وخلي نتغدا

رحت بدلت واتوضيت وصليت وطلعت اتغدينه دجاج شوي وتمن وزلاطه سالت عمتي = منو الي جاب الدجاج 

- - انا رحت وجبته ومن رجعت صادفت عاصف بالباب ليش 

  = لا هالشكل 

- - انا سويت الزلاطه وطبخت شويه تمن 

  = جاي اتعبج وياي

- - تعبج راحه انا باجر اروح الاهلي 

  = ليش عمه 

- - اليوم اروح وياج للطبيبه وباجر اردن لهلي 

  = علوا تبقيين 

     - - لا عمه مناك ابو غانم واولادي وبناتي انا معزه بيج واجي 

  = ليش مو اني بت اخوج وما الي احد

عمتي برطمت // صدك كلامج بس بعد شسوي الخاطرج بدل ما اروح اشوف امي اجيتج بس خابرتيني 

كملت غدا اريد الم الصحون عمتي ما قبلت كالت فوتي غسلي واتمددي شويه حتى نكعد نروح 

رحت للغرفه واني دا افكر بعاصف = هو حتى ما سالني على احوالي حتى ما باوع بوجهي من يحجي وياي 

= بعد احسن اقلها ...

وسكتت ما ردت اكمل الجمله حتى بيني وبين نفسي

ما نمت رغم تعبانه دخلت سبحت وبدلت ورحت خدرت جاي وجبته العمتي الي شفتها متمدده بالصاله ومغطيه

وجهها بشيلتها = اكعدي عمه جبتلج جاي 

شربت شويه ماي وتشوفني اشرب بالجاي كالت // عمه تره مو زين ع الحامل تشرب هواي جاي 

ابتسمت كملت ورحت بدلت الى ان دك الباب وعلي فتحه واجه يكول (. ) ابو يوسف يكول التكسي وصلت

طلعنه انا وعمه وعلي الي اشوفه حيل ضايج وصلنه التكسي دخلنه للعياده وشفنه عاصف گاعد وهو لابس 

بنطلون وقميص والسويج بالجيب والنقال بايده وصلت عمتييمه هو انطاها الباص رحت كعدت بعيد عنه

واجتني عمتي والباص بيدها احنه رقمنه سته 

هزيت راسي علي راح يم عاصف وطلعو ما اعرف وين راحو غابو فتره واجه علي جايب بطلين ماي وبطلين 

عصير عمتي سالتني // ما تشربين 

  = لا

اعرف بعاصف يراقبني لكن اني هملته ولا كانما اشوفه ما اباوع اله گاعده ساكته ما احجي الى ان اجه

سراي ودخلت ع الطبيبه هو دخل وياي وعمتي هماتين سلمنه ع الطبيبه هو حاجاها

:: اتعذريني دكتوره انا زوجها وهاي اختي احنه من الناصريه او تكدرين تكولين انا شغلي بالناصريه

وزوجتي اهنا وهي طالبة سادس فدخلت حتى اطمن عليها

  الدكتوره بابتسامه // حجتلي السكرتيره 

:: ممنون منج ومنها 

  الدكتوره ابتسمت بوجهي // شنو اسمج 

  = وجدان 

  انطيتها التحليل وحتى السونار هي سالتني // يمته اخر دوره تتذكرينها 

باوعتله = بلي يوم 23/1

الدكتوره //. بهذا التاريخ وكعت

هزيت راسي ردت // تمام كومي حبيبتي نامي ع السديه

عمتي // اجي وياها دكتوره 

- - لا ماكو شي 

صعدت ع السديه الي تفصل عن مكتبها برده شافت بطني ولزمت ايدي سالتني // بطنج هم تلويج 

  = مراات 

   فتحت عيوني ولزمت ايدي تشوف النبض وفحصتني بصدري وكالت اخذي نفس قوي 

   - - تمام كومي 

عدلت ملابسي وطلعت هي گعدت وره ميزها وردت // امورج زينه بس اريد هذا التحليل

  :: شنو هذا دكتوره 

- - اريد اشوف نسبة دمها 

هو طلع واحنه طلعنه ورا رحنه للمختبر سحبو مني دم كال العمتي :... اخذيها يم غرفة الطبيبه وانا اجيب التحليل 

رحنه بغرفة الانتظار وهو ما اتاخر جاب التحليل 

دخلنه وانطيته الها شافته // مثل ما اتوقعت عندج فقر دم لازم حاد تاكلين زين 

  = جاي اكل دكتوره 

  - - يعني ما عندج وحام 

  = لا الحمد لله

   ابتسمت // لعد ما شاء الله الطفل قوي واول ب اول يسحب شكو فيت امينات بجسمج راح اسجل الج 

على مقويات تاخذيهن ما تقطعيهن 

والاكل اريد تكثريلي فواكه وخضروات كرزات سمج دجاج تبتعدين عن الحلويات عصائر طبيعيه خصوصا 

عصير الزبيب 

ما اريد توتر ما اريد اعصاب لان اعرف السادس يخبل الواحد مو صحيح 

  رد. :: كلش دكتوره يخبله كلش

   ابتسمت // اني هسه اكول الله يساعدك انت عليها بس ميخالف اتحملها 

  :: شسوي دكتوره ما تشوفيني شارد منها بغير محافظه 

  - - لا مو الهلدرجه ( باوعتلي ) ما اوصيج وجدان ديري بالج واكلي زين وبعد شهر اشوفج 

  = ان شاالله 

  :: اشكرج دكتوره زاحمتج 

  = ولو اهلا وسهلا

طلعنه وراح للصيذليه جاب العلاج وكلي :: تعاي خلي الدكتوره تاشرلج علي 

دخلت واشرتلي بعدها طلعنه هو اجر تكسي وانطا العنوان ركبنا وصلنه للشقه حسيت بدوخه عمتي كالت

لان ما نمتي شويه 

هزيت راسي // روحي بدلي ونامي على ما اشوف شنسوي عشا 

= عمه لا تعبين روحج هسه نوصي ابو يوسف يجيب كباب 

  - - بكيفج اكلج وجدان 

= بلي 

- - شفتي عاصف من گالت الطبيبه ما شاء الله الطفل قوي شكد فرح الدنيا ما وسعته 

  = عباله نكذب 

- - لا راد يطمن عليج

اندك الباب باوعت بالكامره شفته عاصف 

  = اووو هذا جاي شيريد 

امل. خلت اصبعها على حلكها //. اسس وجدان هذا بعده رجلج وهذا البيت بيته روح عمه افتح العمك الباب 

فتح الباب علي دخل :: السلام عليكم 

  عمه وعلي ردو بس انا بقيت ساكته عمتي // اتفضل عاصف اكعد 

  :: لا اموله عدي شغل بس جاي عدي حچايه ويه ام فيصل

غيرت ملامح وجهي باستهزاء وعمه امل جاوبت بفرح // فدوه سميته فيصل على اسم ابوك 

  اتحسر :: اي ابوي هم مثلي ما شاف من الدنيا شي خذاها تعب بتعب ومن صرت انا كل شي ما شاف 

مني عاد مبارك اسمي ابني على اسمه 

  علي ( ). واذا بنيه شتسميها 

  :: ريم على اسم اختي لان امي الله يرحمها اسمها قديم واذا وجدان يعجبها اتسميها غير اسم بكيفها 

بقيت ساكته ما جاوبته هو رد :: هاك علاوي وصل المصرف الاختك

  راسا جاوبته = ما نريد منك شي 

:: مو الج مو الج للي بطنج انتي وهو مسوولين مني على ما الله ينطيج ايده وتالي لكل حادث حديث

بس منا الى ان تجيبين دواج واكلج وكل شي يخصج مني

ردت احجي عمتي لزمت ايدي // اي طبعا هي مرتك ولبطنها ابنك 

  :: تمام

   امل // اگلك عاصف يمته تروح للناصريه 

  :: يمكن باجر ليش 

- - اريد اروح لهلي كلت اروح وياك 

  :: اي هذا هو الصبح امرلج جا ليش ما تبقيين يومين تلاثه 

  - - لا خويه اروح حتى شهر واردن اشوفها واخذها للطبيبه 

  :: اي هم صدك الصبح ان شاالله امرلج 

  - - ان شاالله

وكف وگال :: وجدان محتاجه شي 

اتقربت منه وخليت عيني بعينه = محتاجه اثنين اشياء 

بدون ما يباوعلي :: اي كولي اجيبهن هسه 

= ياريت 

:: شنو تردين 

  = ما اريد اشوفك واريدك تطلكني 

الفصل الثامن والخمسون من هنا 

شكرا لزيارتكم عالم روايات سكيرهوم