رواية ناديه الفصل الثامن والخمسون 58 بقلم انين الليل

هوااي يسالوني / /. سراج مو من بغداد اشو ما يحچي بغدادي ورضا صدك هاي لهجته 

صحيح لكن سراج ما كاعد ابغداد ربى اكثر شي بالبصره ويه عباس بعدها يم منيره وانوب رضا 

اما رضا اي هاي لهجته كلام وعبارات اهل الجنوب العفويه والي انا عن نفسي احبها واتقنها 

لان كل كلمه بيها طيبة اهلنه الحقيقين الغير متصنعيين ولا ما بدلتهم المواقف والاحداث

هذا البارت كتبته رغم اوجاع ايدي هو بدايه لنهاية قصتنا اتمنى يعجبكم ولحد يگلي قصير 6000 كلمه

 ولا بيها اي شي معاد احداث انوجدت ولازم تنربط ويه البارت القادم 

تحياتي # آنين الليل # 

//////❤️💖❤️////////

سراج

شارفت الساعه على تلاثه الفجر وانا احاول افهم من ناديه شنو الامانه لكن عرفت انو الشي العد عمتي

جميله شي يهم ناديه ويجوز بي مفتاح حل لغز او اله  يد بقضيتها 

اباوع الها شلون ذبلانه وشلون صوتها رايح وهي ترجف ويوگعن دموعها بالگاع انا يمها گاعد على طرف 

الچربايه لكن احس بانفاسها شگد حاره واحس بيها مهضومه ويمكن انا اي انا احد اسباب هضمتها

هي گاعده وما تباوعلي وبس دموعها يوگعن وحنين واگفه وتشهك من البچي انا وگفت على حيلي 

باوعت الحنين گتلها ::عمو لا تبچيين اوعدج ما اخليج تنزلين دمعة حزن على نفسج او على اختج 

رجعت يمها وحاچيتها بنتر انا هم مقهور ومهضوم ويجوز اكثر منها

::وانتي يابه اتدزين على رضا وانا مخليتني خارج قوس زين انا رايح الجميله وبعدين نتحاسب

  من وصلت للباب درت على حنين وگتلها:: حنونه بعدني القاعده الي لازم الهرم موو 

ناديه رفعت راسها وكانها اتذكرت شي وحنين اتقربت وحضنتني وهي تگلي 

:عمو انت طوول عمرك القاعده الي شايلنه الله يخليك 

بستها براسها وگلت ::انا رايح وانتي واختج نامن والصبح انطيها علاجها وره ما تاكل وانتي 

تگعدين تقرين 

حنين بابتسامه //صار عمو

ضحكت بوجهها الطفولي ::وانا من اجي اجيبلج جبس وعصير 

:ههههههه تسلم يااحلى عم بالدنيا بس لا تنسى الحب عفيه 

لملمت حلگي. :: مي خالف اجيبلج بس تلميين الگشر مو تخلينه وراج عيب كبرتي هسه الناس شتگول علينه

طلعت لگيت رضا وابن اخو گاعدين بالصاله گتله //ابو علي انا رايح البغداد تروح وياي لو تعبان 

رضا //هاا تعبان شويه بس ياالله اروح وياك 

ابن اخو //عمي انت ابقى وانا اروح ويه عمي سراج 

رضا//مو عندك دواام 

  - - يووم ما اياثر

اشوف علامات الفرح على وجه رضا رحت بدلت ورضا فات الغرفته هم يبدل وطلعنه البغداد الي ما تبعد اله 

ساعتين لكن مرات تكون اكثر بسبب الازدحامات من صعدنا گتله ::عمي رضا انت نام وانا اسوق 

رد عليه //لا عمي انا نمت كسرت انعاسي بس انت ولا غمض جفنك خليني اسوق وانت ارتاح 

سالته :: تعرف تسوق 

ابتسم وهز راسه وداعتك سايق وبمرتبة الشرف عمي من وانا. زغير علمني كل شي

  يعجبني كلام رضا عفوي مثل كلام عمه انطيته السويج وصار هو الي يسوق وانا گعدت بصفه 

ما نمت بقيت احچي ويا واسأل بي واراقبه لان هو شاب ويجوز يتعب بسرعه وصلنه البغداد تقريبا 

بالسته ونص عود هاي اكثر 

السيطرات ما تفتشنا رضا گلي //هسه وين عمي

    :: امشي خلي نروح البيتي انام ونرتاح وبعدين نروح البيت عمتي 

رضا //ليش مو هسه نروح 

   جاوبته وانا ابتسم. :: هسه اذا رحنا جميله تفضحنا بالصياح ومو بعيده تجي الشرطه تلقي القبض علينه 

رضا باستغراب //ليش عمي 

        ضحكت :: بعدك ما تعرف جميله امشي هسه اناملي ساعتين ونتريك ونروح

:بكيفك الي تشوفه 

وصلنه للبيت واخذت حمام ورضا هم انا انطيتته تراك مني وفتت للغرفه هو ما قبل گال انام ع القنفه 

::لا رووح نام بالغرفه الثانيه 

رضا جاوبني //عمي شلقصه كلها ساعتين ونگعد نروح البيبي جميله على گولت حنين اقصد البنات

باوعتله وانا رافع حواجبي هو دنك رحت جبتله مخده وديباج وعلگت السبلت وانا رحت للغرفه بس خليت 

راسي نمت حسيت على رضا يندهني ويگلي 

:عمي سراج اگعد راح الوكت گعدت باوعت للساعه بالعشره حاچيته 

::ليش خليتني هلگد انام 

:حتى انا ما گعدت اله قبل نص ساعه

رحت للمغسله ورجعت للغرفه بدلت وطلعت للصاله خابرت نور اختي 

::الو نور شلونج 

هلا سراج صباح الخير 

::صباح النور يا نور اشلون امي 

طلعت من المستشفى وانا باقيه يمها 

::عفيه عليج حبيبتي

نور //  امي كل ساع وگلتلي روحي البيتج وجهالج بس علي فهمني ما اتركها ابد 

     :: مشكور ابو حسين ما يقصر خو افراح ما خابرت 

     ———.    اي خابرت اول امس وگتلها الاطباء منعوعنها الزياره 

::نور شلون تحاچيني گدامها 

———لا سراج انا بالمطبخ وامي نايمه بالغرفه

::زين ديري بالج عليها ما اوصيج واي شي يستجد بلغيني 

  - - اعرف سراج علي فهمني 

::مع السلامه 

     - - الله وياك وانت هم دير بالك على نفسك

من انا اسولف ويه نور اجه رضا وجابلي صينيه بيها جبن وصمون حار وچاي وبيض سلك باوعتله باستفهام 

هو جاوبني //عمي شفتها مو حلوه نروح البيت عمتك ما متريگين عاد انا رحت للمحل اليم بيتك وجبت منه جبن

 وبيض وسالته على الفرن دلاني واجيت خدرت جاي وهسه خلي نتريك 

ابتسمت وانا اتثاوب وصرنا ناكل وخابرت زهراء 

  :: الو شلونج ام سفر 

   زهراء بعتب.  // هلا بيك سراج همزين اتذكرتنا وخابرت 

::دووم ع البال بس انتي ادرى بالحال

هي اتحسرت// والله اعرف شلونك وشلون الوالده البارحه خالي جميل خابر امي وگللها على عمه امنه وامي الله 

لايراويك خبصت الدنيا عليه من غير المسبه عاد گتلها انا ما ادري العصر راح اخذها تشوف الوالده 

::هلا بيكم اگلج زهوره اريد اجي اشوف عمتي خو ابو طلال ما يمانع 

   - - هاي شنو منك سراج البيت بيتك شنو توك تعرفه الرجلي 

::لا والله والنعم منه ما قصر انا جاي هسه

  - - اي تعال بس لازم تتحمل جميله ما عليه متحلفه بيك 

::ادري زهراء مو بس هي كلها متحلفه بيه (واتحسرت )ياالله جايكم بس لا تگليلها الله عليج 

   - - لا ما راح اگللها قابل بايعه نفسي هههه

ركبنا بالسياره او وصلنه البيت زهراء لگينه زوجها الي رحب بينه واجت زهراء سلمت علينه 

بعد ان عرفتها برضا گعدنا بالديوانيه واستاذنت اروح اشوف عمتي دخلت زهراء قبلي وانا ورضا 

وابو طلال رحنا وراها 

زهراء //ماما سراج ابن اخوج جاي يسإل عنج 

هي بدون ما تباوع ردت //خلي ايولي الترس مثلهم وانگس جاي ما اريد اشوفه ابو حلك

انا باوعت الرضا وابتسمت دخلت عليها للغرفه باوعت الها شفتها متغيره كلش اجيت يمها 

      :: جملو ايهون عليج اجي لهنا وما تشوفيني 

هي ما باوعتلي جاوبت //چا وحد مثل ما هنت عليك هاي شگد سنتين ما ادري تلاثه ما نشدت عليه 

    :: سامحيني جميله شغل وتعب 

هزت ايدها وهي تگول //هههي هي شغل الي يسمعك يگول يشتغل عماله يشيل طاسه شو مبنطر وراكب سياره

:: هههههه (اتقربت عليها وحضنتها وهي تدفع بيه وتگول )

   لزمت العكازه //.  اگلك مييل ما اريدك 

::افه جميله مع الاسف بساع بعتيني 

هي رفن شفايفها //انا البعتك لو انتم البعتوني 

زهراء //يمه سراج ملتهي الله يساعده 

انا حضنتها واگول ::ابيع الدنيا كلها وما ابيعج تدرين بيه احبج واموت عليج

بست راسها وهي شمتني برگبتي وهي تگول// ليش ما تنشد عليه 

    جريت نفس :: ملتهي عمه سامحيني 

جميله //وذاك الهرفه النذل هم ملتهي ( تقصد كرم قبل ما اجاوب باوعت شافت رضا واگف سالتني )

   اگلك هذا الوليد منين 

::عمه هذا ابن اخو رضا صاحبي (اشرتله )تعال رضاوي سلم على بيبي جميله حبيبتي

لمت حلگها وعوجته //حبيبته انهجم بيتك حبيبتك وحتى ما تكض التلفون وتگول اريد اسلم على عمتي 

وصل رضا وحب راسها وگال //اشلونج حبوبه 

:هلا بيك ياروحي انت شلونك (باوعتلي وگالت ) اگلك سراج مو هذوله الاجو ذيج السنه شاردين 

وگعدو ابيت عباس واخو الي اخذ نور 

::ايي عمه همه 

صلوات كبران وصاير شاب شلونها امك

::الحمد لله زينه وتسلم 

الله يسلمها ويخليك الشبابك شني جايبك سراج واسطه حتى ما اطرده 

::لا حبوبه انا لزيت ويا گتله اريد اروح وياك اشوف بيبي 

باوعتله //ها ومنين تعرفني

رضا //حبوبه عمي سراج ما يبطل سوالف عنج هيج عمتي وهيج عمتي وتموت عليه ومدللتني 

عاد انا گلت اجي اشوفج 

جميله وهي تعدل بشيلتها //وشفتني هاا اصيرلك مره بس انا شويه چبيره عليك وامك ما ترضى 

رضا //يا چبيره تسوين هذني المايعات امهات الاندومي 

هي باوعتلي وتبتسم //ها اسريج شفت اسمع الحچي شلون معدل 

::ههههههه افه عمه بساع ما بعتيني

اتحسرت وگالت //انا يو انت حتى امك اتمرضت ما خابرتني 

::عمه مانعين عنها الزياره گلت تنقهرين ومو زين عليج 

گعدنا هي باوعت الزهراء //اگلج شو واگفه عاد ابو طلال كريم انتي عليمن طالعه سوي ريوگ جيبي چاي 

زهراء//يمه وكت غدا وكل شي جاهز 

::لا تونه اتريگنا ورانا رجعه

جميله لزمت العصا //ورا رجعه يريد ايحرر القدس وتضيع منه تظل للغدا شوراك ما تگلي 

باوعت الرضا يعني اطلع راح للديوان هو ورجل زهراء انا اتقربت يمها وگتلها ::عمه اشلونج 

هي باوعتلي وگالت //ابنادم الچبير دووم يريد واحد ينشد علي وانت حتى ما رفعت التلفون وگلت 

خلي انشد زهراء شلون عمتي باالله ذاك ابني غسلت ايدي منه

زهراء //يمه لا تظلمين كرم يوميه يخابر هو ومرتضى وما تقبلين لاتحاچينه ولا تحاچيين ابنه وحتى بناته

بس تحچيين ويه فيحاء وهم من وره خشمج 

جميله //شمالني احچي ويا ما تخلينه يولي النذل هو. وابنه اخذلي بت افريحه 

زهراء //يمه بعد اخذها وهو يحبها انتي ليش ما قابله

عوجت حلگها وهزت ايدها //يحبها من يمته مو چان يحب حنين مو گالنه اخطبوها اليه مو من حچت فيحاء 

هو گاللها يمه حنين مو مثل امها والربتها بيبي منيره مو البنيه طلعت ظهرها ورا ليش نچلها راحلي وره بت افريحه 

الحبوبتها نصره ام السحوره

اتقربت عليها وانا اگول ::عمتي تعرف معدن افراح 

هزت راسها وگالت// ايي اعرف الناس منيره كفت شر نصره بفلوس خليل وعباس وانا بلساني 

سالتها ::شلون بلسانج ؟

جميله //لزمة عليها لزمه 

زهراء //يمه هسه مو وكت هذا الحچي شلنه شغل بالناس سراج جاي يشوفج 

    - - هله بي وانا ما نشدته گدام رجلج وهذا الوليد (جرت حسره وباوعتلي ) ما لگيت ناديه

اتقربت اكثر يمها وگتلها:: عمه بروح منيره وعباس اريد الامانه 

هي اتفاجئت من سمعتني باوعت وگالت وهي ترجف //سراج لگيت ناديه 

::ما لگيتها بس اريد الامانه 

   - - الا ما لگيتها منين تدري بالامانه 

::حنين گالتلي

جميله رفعت عكازتها بوجهي وهي تگلي //چذاب واكبر چذاب ناديه من خلت الامانه عدي حنين 

مو يمنا شني عبالك خرفت وجاي تضحك عليه (باوعت الزهراء بنتر )

وانتي زهيرا شو ساكته تدرين بي لاگي ناديه وما تگليلي 

زهراء //لا يمه انا مثلج متفاجئه سراج منو گلك ع الامانه 

جميله باستهزاء//هسه يگلج حنين لاگينه ازواج يضحك علينه هسه هسه وين عباتي هسه تاخذني اشوف ناديه

اتقربت يمها وكلت ::عمه اذا هسه ترحين الناديه راح تنكشف ويجوز الي خطفوها يكتلونها لو يلبسون 

قضيتها براسي وحتى انا هم ايكتلوني 

باوعتلي وكالت //ها شتگول يعني ناديه عدك لاگيها وضام عليه اايا نذل 

::اي عمه انا نذل وداعتج بس اصطبريلي شكم يووم وبايدي اخذج لو اجيبها اهنا الج 

جميله //شوف سراج مو هاي انا ما اگدر امشي اله على عكازه بس صدگني الحگك مشي واوصل 

البنات عباس شني ولك قابل اريد مضرتهن

::واذا اجه كرم وعرف مو راح نضرهن

جميله //ما يجي افريحه عمته مثل ما عمت هادي 

::زين اطيني الامانه وانا اخذج 

  - - اروح وياك وانا اسلمها الامانه 

زهراء//وانا يمه

   - - انتي تبقيين اهنا وصي رجلج من يخابر اخوج يگله ما تقبل ترد عليك  ياالله زهره لمي هدومي وخلي نمشي 

زهراء//اي يمه خلي الولد يتغدون بس يمه نسوي زحمه على الناس 

جميله تعدل بشيلتها //لا كل زحمه ماكو عود انا بدل ما اكلي يوميه خروف اكل دجاجه وما انام بحجره انام بره

   - - لا يمه مو هيج بس اشوفها صعبه 

جميله بنتر //اگلج اروح اشوف ناديه وارجع 

هزيت راسي الزهراء واتقربت يم عمتي وگتلها ::ولو سؤال مو بوكته ما دام هلگد تحبين عباس ليش ما انطيتي 

بتج 

باوعتلي وبرطمت واتنفست قوي // البشر يغلط وانا غلطت بحق اختي وابن اختي وبحق بتي يمكن اذا ماخذه 

عباس كل هذا ما صاير وجان ناديه وحنين بناتها بس الله ما راد

لملمت حلگها واتحسرت // عباس ومنيره وگفو النه من ردنا نبني البيت الي اشترا خليل وعباس 

اشترا السياره الكرم وگله اشتغل بيها وره الدوام من چان حصار وانوب كرم راد يشتري محل وعباس 

انطا فلوس وساعده وانا اشوف اختي شگد گلبها ابيض لا حقدت ولا منعت ابنها من عدنا 

وانا سويت وياهه گواطيع الوجه

هزت راسها // يمه سراج الينكر ابن حرام كل هذا خيركرم من عباس 

ومن اتطلگت زهراء انا وديت على منيره وگتلها اخذيها العباس بس هو الله يرحمه عزت علي 

نفسه وحقه بوكتها ما لمته 

 مسحت دمعه نزلت من خدها وباوعتلي // عرفت ليش انا اسوي هيج لان ناديه بت حلال مثل ابوها وحبوبتها 

وانا يابني متندمه لان ظلمت اختي وظلمت ابن اختي وبتي

وصارت جميله تبچي واتقربت يمها زهراء وهي اتگللها 

   - - يمه لا تبچيين تره البي سراج مو شويه والصارصار ما نگدر انغيره 

اجه ابو طلال وگال //ياالله زهراء جابو الغدا 

باوعتله وگلت //ابو طلال تعبناكم وزاحمناكم 

     - - لا ما كو اي تعب اشو كله وصينا علي جاهز

اتغدينه ع السريع وشربنا چاي واجت جميله وهي تگل الرضا //بيبي صدك من اروح وياكم اكلفكم 

رضا //افه عليج بيبي على راسي اخليج وبعيوني اذا ما تشيلج الكاع 

باوعتلي وغمتني // ها شفت اسريج بعد طايحلي نكلف الناس وعيب (باوعت الرجل زهراء ) 

   - - وانت عمه من يخابرك ابني گله ما تريد تحچي وياك 

    ابو طلال //تدللين ام كرم بس والله ابو مرتضى گلبه طيب 

     جميله //طاح حظه وحظ گلبه

دخنت جگاره واتقربت منها ::عمه ما اريدج هسه ترحين اذا صدك تهمج مصلحة ناديه 

باوعتلي باستغراب //شلون ما اروح ولك طاگ گلبي عليها 

هزيت راسي ::وهي همه تريد تشوفج بس بروحتج وياي تصير شكوك وخاف يلگونه وتندار القصه 

عليه وعلى رضا وانتي ما تقبلينها وره هذا التعب كله نتاذى 

زهراء//يمه كلام سراج صحيح

    جميله //چا گول ما لا گيهه تچذب عليه 

::عمه الله يخليج اذا ما لاگيها شلون ادري بالامانه عمه ناديه لگيتها بس والله من يعرفون الخاطفيها لگيتها

يكتلونه كلنه انتي اصبري كلها چم يوم وتجيين وتشوفينها 

رضا اتقرب وگلي //عمي اتصل خلي تحچي وياها 

    :: ها جميله اتصل

هي هزت راسها وجرت حسره اتصلت برضا وفتحت الحاكيه ::الو 

- - هلا سراج الله يساعدك 

::هلا بيك ابو علي اگلك  اخذ التلفون الناديه خلي تحچي وياي 

   - - اي صار هسه 

انطيت التلفون العمتي ::هاج جميله حاچيها بس ناديه مريضه وصوتها مبحوح

هي بعصبيه //اطيني اياها حتى ما يگول عمه يسميني باسمي متلوه من هو هلگده يركض 

وما ملحك (اخذت النقال وحچت )

:الو الو وينج يابيبي 

اجاها صوت ناديه بعبره ... ... الو بيبي 

جميله وهي ترجف //ندوه بيبي انتي يو مو انتي 

... ... انا بيبي والله انا 

:انتي زينه 

... ... لا بيبي مو زينه (وصارت تبچي )

:الو ندوه حبوبه حاچيني 

:الو بيبي انا حنين 

هلا بيج اي هذا حسج 

حنين بعتب //اشلونج بيبي ليش عفتيني ورحتي بعد ما اريدج لا انتي ولا زهراء 

جميله بچت// حگج شتگولين بيبي بس والله الخاطرج عفت بيتي ورحت

اخذت النقال من عمتي وحچيت ويه حنين ::انطيني ناديه 

اي عمو 

جاوبتني ... ... الو 

::حاچي بيبيتج المن دزيتيني 

وانطيت النقال الجميله //ها بيبي ناديه ولج هذا المسودن گالي الگاها ولگاج 

... ... بيبي انطي السراج الامانه بروح منيره وعباس

هاا ما ترديني اجي واشوفج 

... ... علواا بيبي تعالي 

مو اسريج ما يقبل والله هذا الوليد الويا خوش وليد يگول اخليج على راسي 

... ... بيبي انطي السراج الامانه 

اي حبوبه هاج هاي عمتج زهوره وياج

زهراءوهي تبچي // شلونج ندووش 

... ... هلا عمه انتي شلونج 

انا زينه من سمعت صوتج (صارت تشهك )كافي ناديه لا تبچيين كلنه يمج وسراج ما يعوفج 

انطيني حنين 

حنين بدون ما تاخذ الموبايل حچت بصوت عالي //ما اريد ما احچي وياها 

زهراء //خليها براحتها راح نجيكم باقرب وكت 

... ... ان شالله

اخذت الموبايل وباوعت الجميله :: ها عمه اتاكدتي 

هزت راسها وشالت علاگه // هاك عمه هاي الامانه والله يشهد من جابتها ما عرفت شبيها وهاي عليها خطة 

العباس لمن توصل الناديه وتصير بايدها ياالله تنجاس

ضحكت من كلامها حاچيتها ::اكلج جملو انتي مو بغداديه ابا عن جد ولادتج بغداد 

  هزت راسها //. اي ليش 

::   شو من تحچيين عبالك ام حسين اخت رضا شلقصه 

  هزت ايدها //. هههه هي عبالي عدك سالفه انا وين عشت واتزوجت ذاك المحروك الصفحه 

     ::  بالبصره 

هزت راسها // والبصره ام الفقير تجيها الناس تشتغل وتكعد بيها من الجنوب ومن بغداد ومن اكل مكان واهلها طيبين بطيب

التمر البرحي والسمج والناس تتواصل واحد يسال ع الثاني وجيراني چانو من العماره والناصريه 

ومسيح وبغاده بعد شتريدني احجي 

:: والله كل كلامج حلو مثلج

- - -  شووف سراج اسبوع اكثر من اسبوع لو چنت بسابع كاع ماخذ ناديه اجيكم 

 ::  صار وتدللين بس عمه هم ديري بالج عليه يكولون انا ابن اخوج 

——-  خاب انچب انت ابني وبعز روحي بس ذنيج يتيمات واهلهن ما رحموهن جا 

من تسمع الناس الغربه شتحجي

اتمنيت عباس ما رافض الزواج من زهراء وما متزوج مياده يمكن چان حالهن احسن بهوااي 

اخذتها وانا اگلها :: صدك جميله ما مامنه بيه 

جميله //والله بهالوكت بابوي ما اامن 

::حقج ياالله احنه نروح وكلها يومين تلاثه واودي عليج من رخصة ابو طلال تجين عمه انتي وزهراء 

ابو طلال //تدلل سراج

::ما قصرت والله هواي ساعدتني 

:هذا واجبي احنه اهل 

::فيمان الله 

:الله وياكم

سلمنه على ابو طلال ورحت العمتي جميله سلمت عليها وطلبت من زهراء تاخذها تشوف امي ولا تگلها انا اجيت 

وفهمتها باسرع وقت اخابر وتجون 

جميله بزعل //چا ما تروح ويانه تشوف امك 

::عمه  بالوقت الحاضر اي حركه محسوبه عليه 

جميله //شني ابنيه مخطوفه كظ الباكوها ورجعها 

اتقربت منها وگلت ::هو هذا الي جاي يصير بس اكو هواي شغلات لازم نحسبلهن احساب

هزت راسها وگالت //ادري سراج ويمكن عرفت ياهو الخاطفها 

ضحكت وگلت ::ادري بيج جميله هولمز وتحليلج صحيح ياالله روحي الامي وبيج وما تحچيين عليه گدامها 

جميله //راح اشعل صفيحة ......

::ها شو سكتي 

خايب رووح اشعل صفحة الاكرهم 

 ضحكت ::  ههههه ايي هسه صدك انتي جميله تحشيش

بستها وگلت ::عمه ادعيلي 

:الله ينور دربك ويبرد گلبك ويستر عليك 

رضا اتقرب عليها وگلها //بيبي ادعيلي 

جميله //والله انت خوش اوليد الله يخليك الامك والشبابك ويرزقك ابنية حلال

طلعنه انا ورضا ورجعنا للصويره بالطريق سالني رضا //عمي شنو قصدك من تگل الابو طلال هواي ساعدتنا 

::ايي ابو طلال ساعدني بقضية ناديه عنده معارف وخابرهم وقدمولي مساعده ادخل الاماكن ممنوعه

 واشرف على التحقيق ودائما وياي ويسالني ويقدملي الاستشاره 

رضا //الله يوفقه ما قصر صدك اذا خليت قلبت

باوعتله وگلت :: وانتم رضا هم ما قصرتو وعمك ماكو منه اثنين بهذا العالم 

رضا //ما سوينه اله الواجب وعمي طيب وحنون 

بگلبي گلت :: ومسكين عايش على امل ما يتحقق 

وصلنه بالليل وتلگانه رضا وگعدنه بالديوانيه وانا رحت غسلت وبعدها جابولنه عشا اكلنه 

وشربنا الچاي باوعت الرضا وگتله

::عمو بلا زحمه گل للوالده اريد اشوف ناديه 

اي عمي تدلل 

  راح بقينا انا ورضا سالته    :: اشلونك ابو علي 

هز راسه وگلي //اضحك چذب ياخوي والبيه بيه 

ومباوك النظرات عمت عليه 

جاوبته ::الله يساعدك وچم دووب

    اتحسر // الله كريم الكاتبه ربك يصير 

اجه رضا وگال //اتفضل عمي بس ناديه گالت كلكم تجون 

رضا// تقصد انا وياك وسراج 

   هز راسه // ايي عمي وحتى امي ومريم 

عضيت على شفتي ونفخت  :: ياالله

فات رضا گدامنا وانا وابو علي فتنا ورا دخلنه شفنه ناديه گاعده ع الجربايه وهي لابسه حجابها وام رضا

لابسه عبايتها او واگفه 

ومريم وحنين گاعدات يمها بس شافنه وگفت حنين وانا سلمت ردن السلام بس ناديه حتى ما باوعت بوجهي

انطيتها العلاگه وهي فتحتها وطلعت جنطه رضا گال العمه وهو يضحك

  - - - بيبي جميله دارت خطة العباس ع العلاگه عبالها نفتحها 

رضا //لا باالله 

:اي وداعتك 

رضا //شفتها العمة سراج  شلون انسانه طيبه 

:والله طيبه وتحب البنات ولو تشوفها مره تغلط على عمي سراج ومره تدعيله

ناديه فتحت الجنطه وطلعت موبايل فتحته شافت بي قليل شحن خلته ع الشاحن وباوعت النه وگالت 

... ... انا من ردت تجون كلكم حتى تشوفون بعينكم لان انتم سمعتو كرم وهو يحچي على اختي 

رضا // عمي  ناديه شنو بي هذا الجهاز

ناديه ... ... بي شي بسيط وقبل ما ادزه اريدكم تشوفونه لان يجوز سراج عباله اچذب او افبركه

رضا // لا انتي ما تچذبين هذا احنه شفناج خليتي ع الشاحن وهسه راح نطلع ويبقى يمج بس سراج 

حتى حنين هم ما تبقى 

هزت راسها وباوعت والدمعه على خدها ... ... لا عمو الشغله تخص حنين 

رضا //مي خالف (دار على مريم )بابا مريم اخذي امج وحنين وروحي  منا وانا ورضا نروح للديوان

ردت بعصبيه وهي ترفع اصبعها ... ...  الكل يطلع بس انت عمو رضا تبقى لان انت الوحيد الي نصفتني 

ولازم تبقون خصوصا انت وخاله  تبقون وتشوفون الي يشوفه سراج

انا ما حچيت لان اعرف بناديه منهاره وحقها طلعت مريم هي وحنين وطلع رضا وبقينا منتظرين ناديه كالت

... ... انا من دزيتك سراج تجيب الامانه لان ما بيها شي ايخصني ولا ابالي بيوم من الايام اراويها الاحد لان بيها 

اعراض ناس خليتها بس حتى من يحجون ويعيروني بذيج الي انقبرت مجرد ما اباوع الهذا التسجيل ارفع راسي 

واضحك على عقولهم لكن كلام كرم على اختي 

وزواج مرتضى من هديل وكسر خاطر حنين هاي چبيره وچبيره كلش

جاوبتها بعصبيه //اي غير افتهم اقصد نفتهم شبي النقال 

رضا //على كيفك سراج خلي ناديه تحچي كل الي بگلبها احجي بابا وما عليج بي 

هي لزمت النقال وگالت ... ... ما عندي اي شي احچي لكن هذا التصوير البي راح ادزه الك سراج شوفه انت 

وعمي رضا لان بي اشياء مثل ما گال عمي  ما لازم لا مريم ولا حنين ايشوفنها  وهم قبل ...

وشفتها شلون منهاره وتحاول تلزم نفسها سالتها :: قبل شنو ناديه 

ما جاوبتني واجاني المقطع ويا صوره محادثه انا ما اهتميتله او بالاحرى ما حاولت اعرف شنو 

بي لان احسه مو مهم 

هي باوعتلي وگالت ... ... سراج راوي المقطع العمي رضا وحتى خاله خلي اتشوفه لو انت هم ما 

تريد احد ايمس شرف اولاد خالك اولاد الحسب والنسب

باوعتلها هي وگفت وهي ترجف ... ...  اي اولاد خالك كرم وهادي واولادهم الي يحچون بالشرف 

والمثاليه مرتضى وهديل لكن انا وحنين عادي الكل لازم يعرف بينه احنه مو خوش لان احنه بنات مياده 

مو هاي احنه ننخطف نتعذب ننضرب عادي لان ماعدنا ام تحن علينه وابو يوگف بوجههم 

اتقربت ام رضا وهي تحضن بيهاوتگلها وهي تبچي  //عمت عينه الي يجيب طاريجن بالموزينه 

هذا بس الناقص وما عده غيره

شفت ناديه بچت بحرگه اتذكرت كلام عمتي جميله ام رضا گالت //كافي يا روحي كافي يغدولچن فدوه ونذر 

 ولاتگولين ما عدچن ام انا امچن وابن مره وطالع من ظهر ابو الي ايمسچن بنگطة ماي اله يگولون چان 

اهنا واحد اسمه فلان

ناديه شالت راسها من حضن ام رضا وگالت ... ... سراج انا راح ادز المقطع الكرم ومرتضى بس حتى ابيض 

صفحة اختي 

رضا جر نفس واتقرب منها //عمو ناديه صفحة اختج بيضه ما تحتاج كرم وهادي يبيضونها بس الي اطلبه 

منج هسه لا ترسلين المقطع ما نريد تعبي انا وسراج يروح ابلاش

باوعتلي انا هزيت راسي وجريت نفس وصرت افرك اديه ومدنك :: اثير مات كتلته وقبضت على العصابه الي خطفتج

هي صارت تتنفس قوي باوعت الها هزيت راسي وگتلها ::على كيفج  راح انتقم منهم واحد واحد بس انطيني مهله 

جاوبتني ... ... وياسر اولهم 

ابتسمت بخيبة امل :: لا يمعوده ياسر هذا غبي 

... ... لا تگول غبي هو الي خطفني 

هزيت راسي :...لا ما خطفج اصلا عباله انتي ميته ياسر خطيه ضحيه حاله حالج بس صدگيني هم راح 

اعاقبه وعقاب شديد

حكت خشمها وگالت الرضا //عمو رضا شوف المقطع واحكم بنفسك

رضا دنك هي ردت ... ... لا عمو انت اول واحد واولى واحد يشوف المقطع لان انت ما اتخليت 

لا عني ولا عن اختي (باوعتلي وكملت كلامها ) بوكت كلها الناس تهمتنا باطل

رضا //ناديه انا حاس بنار گلبج بس خلي اگلج انتي عندج عتب على سراج واليسمعج يگول حقها بس 

 (هز راسه ) لا يابابا ما الج اي حق تعتبين على سراج الي من يوم الحادثه وهو لا نام ولا اكل مثل العالم 

انا راح اشوفه للمقطع بس مثل ما اعتبرتيني عمج ما اريدج تودينه الاي احد لا تخربين علينه تعبنا 

ها عمي ناديه توعديني

هي هزت راسها وگالت  ... ... ايي اوعدك بس انت هم اوعدني لاتمنعني ارسله

رضا // افه انا امنعج لا والله ترسلينه وكلمن ياخذ حگه وكلمن يگعد بمكانه اقلها هذا 

المسودن (يأشر عليه ) شويه يهمد يلگف گاعه 

ام رضا //لا ابو علي سراج مو مسودن حگه 

رضا بحسره //اي حگه هسه مو لگاها شويه اگعد ارتاح اكل مثل العالم تدرين عمي ناديه سراج 

امه مريضه من راح الحبوبتج ام كرم يجيب الامانه  ما مر بيها الخاطرج

هي عادي ولا اهتمت للخبر عرفت بيها مجروحه ومجروحه بقوه بحيث صارت تكره كل الناس 

دارت على سكنه وگالتلها بعد ان غلقت الجهاز ... ... هاج خاله هذا امانه يمج ما تنطينه بس الحنين 

ام رضا ابتسمت وگالت الها //اي يا روحي بعيني امني

طلعت انا ورضا رحنا للديوان لگينه رضا گاعد فاتح التلفزيون من شافنه وكف واحنه گلنه //الله بالخير 

هو رد //الله بالخير

رضا گال //من رخصتكم 

ابو علي //وين رايح 

:شويه بالباب ولد صديقي جاي عليه 

رضا //تانيني انا هم اطلع وياك

عرفت يردون ايخلوني ابحدي حتى اشوف المقطع طلعو وانا شغلت المقطع الي شفته فاجأني قبلها شفت 

التاريخ قبل اقل السنه 

وقريت المحادثه عرفت بينها وبين افراح بس هذا الي بالمقطع ويه هديل لا مرتضى ولا توفيق 

وانا هددت توفيق اذا يجيب اسم هديل اموته اثاري هديل ما مقصره

گعدت صرت افكر وانا اكول ::يعني افراح انتقمت من ناديه بسبب هذا المقطع 

::اي اكيد ما كو غير تفسير 

::زين شلون قنعت مرتضى ياخذ بتها 

حكيت لحيتي بالضبط مثل ما قنعت ام......ايي امي اكيد افراح فبركت المقطع وراوته الها اكيد ياويلج افراح 

من الي راح تشوفينه بس لازم اخلي امي تشوفه

طلعت للباب شفت رضا وابن اخو واگفين رضا گلي //ها سراج 

لزمته وگتله //تعال رايدك 

دخلنه انا ورضا للديوان وانا راويته المقطع رغم هو ما قبل بس انا گتله ::لازم اتشوفه لان ناديه اعتبرتك 

انت ولي امرها 

رضا //لاتزعل من كلام ناديه الله يساعدها وتعال اگلك صدك انا ولي امرها هي وحنين

باوعتله وعضيت على شفتي ::هسه ياصاحبي راح يبدي انتقامي من افراح 

رضا // چا وهادي هذا النعجه لو مثل ما گالت ناديه لان ابن عمتك 

جاوبته ::صدك يارضا كل واحد متعاون وياها اله انتقم منه وانتقم منه شر انتقام 

  رضا يفر بايده // وشناوي تسوي 

::من باچر ابدي بالخطه مالتي وبعدين افضالك 

باوعلي وعكف حواجبه //ها خويه شني انا وياهم

:: لا بس لازم الگالك حل انت او ......

رضا جر حسره //لو شما يصير ما تلگالي حل 

هزيت راسي وگلت ::شوف 

رضا هز راسه //اي اشوف بس لا اتعب حالك 

::هسه ما فاضيلك يراد افكرلك بخطه

رضا بضحك //وداعتك سراج ولا تشرشل يسويلي حل 

::الله كريم رضا مو دووم انت تگلي الها ساعة فرج 

باوعلي وشفت بعيونه دمعه گتله ::ها رضا هسه ياهو المخبل

جر حسره جاوبني بلحن حزين // اخبالي خبال معدان وگلبي 

اهم الليل بسكته وگلبه

يروحي بسج امهاده وتگلبين 

صفحه من الحبيب الموش اليه

وهاماي وها ماي وهاماي 

فراك المحب كاتلني وهمي 

محزون لا عمري ولا ابني مه همني ماهمني 

طگاني طگاني زماني يويلي يويلي بعيني وهاماي وهماي 

وخلاني مسودن والوادم والوادم تضحك عليه

عليه عليه عليه ااه الليل يسدل سواده عليه 

وبلكن اهجع ويصبر عليه 

تعالي اهنا ياخويه يااعليه 

تلاحگيني بشوفة احباب گلبي

بچيت لان رضا ما صبر نحب بعبره صدك ساعات الظلم يجي من اقرب الناس 

رحت يم الباب صحت على رضا ::رضاا رضا 

اجاني //ها عمي آآمر 

::ما يؤمر عليك ظالم بس روح الاخواتك گلهن يتحضرن حتى نروح الصبح للبصره

كان ابالي شي ردت اعرفه وعرفته باوعت لابو علي ::ها رضا اخذ البنات لو اول مره اروح ابحدي 

:لا سراج رووح الوحدك وانا الحگك بيهن 

::زين خلي يجن وافهمهن وبعدين  اناملي شويه حتى اغبش من الصبح بس قبلها خلي اخابر واضبط اموري 

صرت اخابر بجماعتي وخابرت زهراء گتلها باجر تجيب عمتي وتجي للبصره 

رضا گلي :: هسه الصبح تتوكل تروح

بقيت ساكت وگتله ::لا رضا الصبح اروح اشوف امي وبعدها ارجع للبصره

  رضا // شني سراج ابن بطوطه 

   هزيت راسي :: مي خالف تهون

اجه رضا ويا امه وسلمت علينه وكالت //خويه صدك تاخذ البنات 

باوعت الابو علي وغمزتله بعيني ::لا ام رضا البنات مو باچر اخذهن يجوز يومين ليش 

ام رضا //عود اگول حنين خطيه سادس وما الها بالمشاكل اريدها تظل اهنا يمي تدرس خطيه 

تدري شگد تتاثر وهي سوده عليه ما بطلت بچي من سمعت كلام عمها

وگفت وگلت ::ام رضا انتي كفيتي او وفيتي مثل ما راح ابيض صفحة ناديه لازم ابيض صفحة حنين 

جاوبتني //وجهن ابيض بحييل الله 

::رحم الله والديج بس انا اريد ابو علي يراويج التصوير وتشوفينه بعينج وتسولفينه المريم ورضا 

رضا //لا عمي هاي اعراض ناس لا يمكن اسال عنه واشوفه

اتقربت منه وبسته بگصته وگلت ::امك خوش ام وتربيتها تربية شيوخ وانت معدل على عمك تعال رايدك بشغله 

من رخصتج ام رضا وانت ابو علي شغل المقطع خليها تشوفه 

لزمت رضا من ايده وطلعنا  لحگنا عمه اول مره اشوف خوف بوجه ابو علي اتقرب يمي وشاورني 

:سراج لاتتهور انا وسكنه مصيبتنا چبيره

رغم استغربت من كلامه وعرفت اكو شي خطير بس طمنته گتله ::لاتخاف شبيك مو على قضيتك عدي ويا شغله 

طلعت وره رضا الي سبقني للطارمه باوعتله وحچيت ويا بدون مقدمات 

::رضا انت تريد حنين 

هو اتفاجأ استردفت ::لا تتفاجأ بابا انت فاضحتك عيونك وانت رجال نشمي وسبع لكن انا ما اريد حنين تنصدم 

مره ثانيه اذا كنت انا متوهم او غلطان فاعتبرني ما حچيت وياك اي شي وانت ما سمعت من عندي ولا كلمه

هو بقى مدنك گتله:: انا اريد انام لان باچر وراي سفر 

رضا //اروح وياك عمي 

هزيت راسي ::لا انت تبقى اهنا بعدين شنو اشو اخذت رجلك ناسي وراك كليه 

دخلت للديوانيه وقبلها گلت ياالله 

سكنه باوعتلي وگالت //الله يعينكم خويه الحمد لله من الله طلع براءة البنات

::الحمد لله والشكر (باوعت الرضا وگتله ) الصبح اروح البغداد وانت وياي ابو علي 

رضا جاوبني //صار تدلل (حاچى ابن اخو )جيبلنه فراش بعد عمك

نمنا وگعدنا الفجر صلينه ورضا جابلنه ريوك لان امه ما تقبل نطلع بدون ريوك انا باوعت الرضا الي اكل 

وهو ساكت سلمنه على رضا او وصينا يدير باله وطلعنه البغداد وصلنه تقريبا الساعه ثمانيه وشويه باوعت 

الرضا واتصلت بموفق 

::الو اشلونك موفق 

هلا بيك سراج صباح الخير 

::صباح النور امي شلونها 

زينه الحمد لله

::منو يمها 

نور ما تقبل تروح البيتها وانا وزوجتي والبارحه اجتنا عمه جميله وزهراء 

::اهاا ومنو خابركم 

كرم وهادي وانا مثل ما فهمتني اگللهم تعبانه 

::زين يابه انا فد شويه وجايكم مو تگللها 

هلا بيك لا ما اگول

سديته وباوعت الرضا وگتله :: تمشي وياي 

لا ذبني يم بيتي اغسل وابدل واروح اشوف المحل من يمته عايفينه

::عدك ما يضيع شي ابو علي 

رحم والديك بس الحق حق 

::گتلك ابو علي عدك ما يضيع

ونزلته وطلعت بوجهي الاهلي وشفت نور ومرت موفق ولگيت موفق طالع عنده شغل سلمت عليهم ورحت 

الغرفة اني شفتها گاعده وبيدها السبحه اتقربت منها وبستها بخدها وايدها وگتلها ::ما شاء الله منوره 

هي باوعتلي //هلا بيك اشلونك 

::الحمد لله المهم انتي زينه

هزت راسها وگالت// انا من اشوفك اصير زينه وهسه اطمنت 

::ها على شنو اطمنتي

امي //اطمنت لان باقي بشغلك لا منا ولا منا 

هزيت راسي ::اي يووم عدنا انذار 

رفعت ايدها بالدعاء//الله يقويك ويحفظك 

حضنتها ::والله يطول عمرج ويخليج يا احلى ام بالدنيا نور تگلي جميله وزهراء جايات عليج 

هزت راسها //ايي البارحه اجني شويه وراحن لان نور گالت الهن الزياره اتعبني

اتقربت منها ولزمت ايدها وبستها وگلت ::يووم اريد اسالج وتجاوبيني بصراحه بروح ابويه 

هي باوعتلي وگالت باستعغراب // ها سراج شجوه راسك من خبر 

:: بس الخيران شالله

لعد ليش تحلفني بروح ابووك 

::لان ادري بيج شگد تحبينه وما تچذبين عليه 

  - - يعني اني بنظرك اچذب مشكور 

  ::  لا يووم بس من احلفج بروح ابوي ما تضميين شي 

     - - گول سراج

::يووم انتي من دزتلج افراح التصوير شفتي صورة ناديه 

  ردت بعصبيه // گتلك مو افراح الي دزتلي التصوير 

جريت نفس ::ياالله مو افراح انتي يووم شفتي صورة ناديه 

هزت راسها //اي شفتها بس مو هلگد واضحه

::يووم اذا مو واضح التصوير شلون عرفتيها ناديه 

امي //هي حفله ورگص وشرب وسوالف مكسره هوسه فواحد يگلها ناديه تعالي الي والثاني ايگله لا ناديه اليه 

واحد يگلهم هووب واحد واحد هاي شبيكم قابل هي طايره ما تشوفوها مرضيتنا كلنه

من سمعت هذا الشي يمكن لو يمي ناديه راميها جاوبت امي بعصبيه ::يعني يووم ما شفتي وجهه ا 

هزت راسها //لا سراج بس سمعت وحده تگلها ناديه لو يشوفج عمج شراح يسوي 

هي جاوبت وعبالك سكرانه // طزز بهادي وبسوايته

باوعت الامي ودخنت جگاره وگتلها ::تتذكرين لمن چنه زغار انا وموفق شنو چنتي اتگليلي انتي وابوي 

لا تحچون باعراض الناس واستر تستر 

امي جاوبتني //والهسه وباچر بس يا......

قاطعتها ::ولمن مياده انثبت عليها التهمه شنو گلتي انا اگلج گلتي اذا تگدر لاتضيع دم عباس هذا اخوك الي ما ولدته 

ولمن عدموها بقيتي تبچيين گلتي الله يساعدها الناديه لا اب ولا ام شراح تشوف من مآسي

جاوبتني //انا ما اتبليت  عليها شفت بعيني ولان انت ابني واخاف على سمعتك وسمعة اخوك واولادك واولاد

 اخوك حچيت والا صدگني لو مو دزولي فديو لو شايفتها بعيني ما احچي انطيها العذر اگول ابنيه وشابه ومتهوره

 ويجوز محرومه بس توصل يم ولدي لا ما اسكت لو شيصير

:: لكن يووم انتي رغم الي شفتي ما مصدگه 

امي //اي ليش اچذب ما مصدگه لان شايفتها واعرفها بس اگول هم الفلوس تبدل الواحد 

::يووم  صحيح كل الي صار الناديه سببه الفلوس 

   باوعتلي // شلون يعني وانت مو وعدتني تترك شغلة ناديه 

::تدرين بيه اگدر اتركها اذا ما اعرف الحقيقه 

امي //هاا يعني استغفلتني 

:: لا بس مثل ما انتي تهمج سمعة ابنج وما تخلين ابختج على بنات الناس انا تهمني سمعة بنات عباس

اتقربت عليها وشغلت المقطع بعد ان خفيت وجه هديل وامي صارت تباوع وهي تگلي باستغراب 

  —— شنو هذا ومنو هاي الي مغطي وجهه 

جريت نفس ::تردين تعرفين هاي الي مغطي وجهه بالصوره مني ولو ما چان ودي افضحها لكن تعرفيها مني 

امي هزت راسها وگالت //ايي ناديه

::لا يووم هاي هديل بت هادي بت افراح الي انتي مصره تگليلي مو هي الي راوتج المقطع 

وفتحت المقطع الاصلي وراويته الامي الي صارت مستغربه وهي تگلي 

   - - لا ما معقوله 

::ليش ام سراج ما معقوله لان هديل بت افراح وهادي يووم احنه عدنا اخت وموفق عنده زوجه وانتي ما 

تظلمين بختج  الله عليج مو افراح الي شوفتج المقطع بروح ابويه گولي وريحي بالي

امي گالت بنتر //انت ريح بالي من ذاك اليوم وانا عايشه فلم رعب كل ما يندك الباب اگول اجه هادي وكرم

 واولادهم هادين عليك لان خاطف بتهم ومره تگلي متزوجها بالسر ومره تگلي لا ومره هي عندك ومو بالبيت 

وما اعرف سراج اني خايفه عليك 

::منين خايفه ؟

امي //ماما خايفه  من ...

قاطعت امي //انا اگلج انتي خايفه من افراح لاتفر قضية الخطف براسي تدرين ليش لان انتي تعرفين كلش زين 

 منو هي افراح وتعرفيها شگد چذابه وهي الي مفبركه الفديو الي راوته الج 

امي //لا تزعل مني سراج انا خايفه عليك اريدك تنتبه النفسك وتستقر 

ابتسمت بوجهها ::وداعتج امونه ان شالله استقر وعن قريب 

: يووم انا شاريد اريدك ترتاح واشوف جهالك 

هزيت راسي وبستها بايدها وطلعت فلوس انطيتها گالت // شلي بيهن عندي رضا يدزلي من المحل وموفق

 ينطيني شسوي بيهن

ضحكت بوجهه وگلت ::سافري واتونسي وسوي تجميل ارجعي شباب 

هزت راسها //لا كل هذا مو مهم عندي اريد اشوف جهالك باقرب فرصه 

::لعد يووم ضمي الفلوس الجهالي لان عن قريب راح يگلولج بيبي انطينه خلي نشتري شنو تنطيين 

بس الجهال عمو موفق 

رفعت ايدها بالدعاء //يارب سراج هيج وافرح 

::ان شالله ماما ياالله انا اروح 

  - - ما شفتك ابقى تغدا

:: ياغدا انذار ما نرفع راسنا 

- - الله وياك 

::ادعيلي يوم 

  رفعت ايدها للسما // الله ينور طريقك ويحفظك دير بالك 

وحتى اطمنها گتلها :: يمته ما ترديني اجي رنة تلفون تلگيني يمج حتى لو انذار اجي اسجل حضور وارجع

هي ابتسمت طلعت سلمت ع البنات وبوست اولاد موفق وركبت بالسياره خابرت رضا:: انت وين 

بالمحل سراج ليش 

::هسه مارلك 

منتظرك

طلعت رحت الرضا لگيته بالمحل دخلت وسلمت وانا اشوف رضا وره الميز ويشوف بالدفاتر بعدها طلع فلوس 

من القاصه وانطى العامل شهريته وحسبلي فلوس وانطاهن الي انا اخذتهن ومثل كل شهر يخلي يمي السجل 

وانا ارفض باوعتله وگتله ::ياالله هم ياالله نمشي 

هو وصى العامل وگله //دير بالك واي شي يصير خابرني

طلعنه ركبنا بالسياره وانا مريت بالبيت دخلت طلعت جنطه جبتها واجيت ركبت بالسياره وصلنه المطعم گتله 

::خلي ننزل نتغدا لان جوعان 

المطعم چان ع الشط اخذت طاوله بعيده وگعدت انا ورضا وطلبنه غدا اكلنه وشربنا چاي بعدها قدمتله جگاره 

وگتله ::ايي رضا عدي موضوع وياك اريد اخذ رايك بي 

اسمعك سراج 

:... اريد ازوجك بعد ما ترهم تبقى الوحدك 

هو ابتسم  وگلي //شنو يابه شاكيلك

::بدون ما تشكي خاف عبالك بعدك زغير تره ادري تصبغ الشيب 

ههههههه

::ها يعني موافق 

رضا //شموافق ياخوي انا راحت عليه جربت حظي مره وبعد ما اعيدها 

::بس انت هيج تظلم نفسك لازم رضا انت يرادلك مره 

رضا بابتسامه //خو انت اخذ ليش انت ما يرادلك مره 

جاوبته ابرود :: منو گال ما يرادلي مره بس انا افرق عنك

رفع حواجبه باستغراب //ها وبيش تفرق عني

جريت نفس ::عوفنا رضا انا من ارجع احچي ويه ام رضا وباچر اخليها تروح وتشوف البنيه الشفتها الك 

هي جيران بيت اهلي حلوه وزغيره وبت ناس ومرت موفق حچت ويه امها وهمه ما عدهم مانع 

هو اتبدلت ضحكته وگال //لا شنو تگل السكنه تخطبلي هذا الموضوع مو يمي ولا على بالي

دخنت جگاره ::رضا شنو بينك وبين سكنه 

هو باوعلي انا هزيتله راسي ::جاوبني ابو علي اريد اعرف شنو بيناتكم

رد بتوتر //هاي شبيك سراج حتى قضية ناديه ما خلصنه منها تدور على قضيه جديده 

::رضا لاتبدل الموضوع جاوبني 

شنو سراج شمتراويلك ناسي سكنه ارملة اخوي

:: بس ما نسيت البارحه من اخذت رضا لحگتني وانت خايف  وتگلي لا تتهور انا وسكنه مصيبتنا چبيره

وهسه رضا گلي شكو شصاير 

رضا هز راسه //ما كو شي سراج هاي انت يتراوالك 

:: شوف رضا خليها ابالك من اريد اعرف شي اعرفه وانت براحتك

هو شعل چكاره وكف صار يباوع للشط انا اجيت يمه وحچيت بهدوء ::ياالله ابو علي خلي نروح 

وركبنا وانا متاكد مليون بالميه انو رضا ضام عليه شي 

وصلنه العصر ودخلنه للديوان واجه رضا گتله ::صيحلي ناديه وحنين والوالده 

واجن حتى مريم وياهن ناديه لحد هسه ما تباوع بوجهي كله مدنكه وام رضا سلمت انا حچيت

::باچر ابو علي يجيبج للبصره لان آن الاوان تطلع الحقيقه وانتي حنين ام رضا تگول خليها تبقى اهنا تدرس

وانتي بكيفج ما اجبرج 

حنين جاوبتني //لا عمو هالمره اروح وياكم اريد اواجه الناس الي ما يخافون من الله بكل كلمه گالوها 

بحقي بس اتمنى شي 

::شنو حنونه گولي 

اتقربت يم سكنه //اتمنى خاله ام رضا تروح ويانه وحتى مريم

انا استردفت ::اذا تقبل حتى رضا هم يجي ويانه 

حنين ابتسمت ورضا گال// اي ليش لا نروح 

مريم //يا رضا والدوام 

شنو مريم هنه يومين بعدين مو گاعدين نتحضر للامتحانات 

مريم //ايي هم صدك 

انا خابرت علي المحامي وگتله فضيلي بيت او شقه اريده باجر جاهز 

وطلعنه الصبح للبصره وكل واحد بينه عنده امل وامنيات ان شالله تتحقق 

/////////// //////////...//////////....///