رواية قصة وجدان الفصل التاسع والخمسون 59 بقلم انين الليل

وجدان 

اجه فيصل للدنيا عرفت الكل يبجي من جابته الممرضه الي كلهم فرحانيين لكن دموعهم تنزل 

بيبي دموعها تختلف وعاصف الي يغالب دموعه بكبرياءه وهو ما يريدها تنزل

وامل وام كرار 

خلو بحضني شميته واحجي ويا بتعب نا يخلو من الفرح = تدري اني اعرف هاي ريحتك

ام كرار اتقربت وطلعت صدري حتى يرضعه لكن اني اشرت الها على عاصف 

   ام كرار. //. عيوني ابو فيصل اطلع خلي امه ترضعه 

  رد وهويباوعلي وعيونه تلمع :: شنو نسيتن هي مرتي يعني مو عيب ولا حرام

بيبي ابتسمت هي خلت قطعة قماش من جتفي النهاية ايدي وصارت تساعدني ارضعه 

بعدها بيبي كالت // اطوني ايا گلبي طك علي 

خلو بحضنها صلت ع النبي وحبته وشمته وحجت بعتب // ما كلولي باامك حامل يمه من كالولي ما صدكت 

امل حبته وكالت //شفناك وجملناك

انطته العاصف عيونه يلمعن يباوعله بشغف :: ها بابا ها يا بطل 

بيبي // مو تصير مثل ابوك 

امل /./ يمه احنه نريده مثل ابو سبع وحنين 

اتقرب مني ويكلي :: شوفي يمد باالسانه جوعان مو 

بيبي // تطلع خلي تكدر ترضعه البنيه عمليه وما تسيطر 

طلع وامل حاجتها// يمه شبيج ويه عاصف ؟

ام كرار // عمه ما شفتي من صار. فيصل وجابته الممرضه شايله ويبجي ويكله 

انت وين جنت ليش هلكد اتعطلت عليه 

فقد وصار ينطي بالفلوس للفراشيين للممضمدات عمه خطيه حتى كريم يبجي على عاصف 

بيبي رفعت ايدها بالدعاء //. الله يخلي وياكل نما

اجت الطبيبه // اشلونج اليوم 

= الحمد لله زينه 

   رضعتي ابنج من صدرج 

=. بلي دكتوره 

  باوعت للمضمده // الطفل ودي للخدج 

= ليش دكتوره 

- - ماكو شي بس احسن بس الليله. و باجر حتى من تطلعون تاخذونه وياكم وجيبي الها ترضعه كل فتره 

الممرضه //. صار دكتوره

الطبيبه بابتسامه // اكلج وجدان ما ادري هاي الناس كلها تحبج 

   بيبي // هي تنحب 

   الطبيبه. // منو الحجيه ؟

    ابتسمت = بيبي 

دارت عليها // هلا حجيه 

  - - هلا بيج يبعد روحي دا تعاي احبج 

بيبي باستها // اشكرج حجيه 

  رفعت ايدها بالدعاء // الله يمهلج بشبابج

  الطبيبه // اشكرج ( باوعتلي ) انتي امورج زينه وتكدرين تطلعين باجر وتاخذين البطل وياج 

  = ان شااله 

امل // دكتوره وگلبها 

— الطبيب هسه يجي وافتهمو منه يمها العافيه 

- - الله يعافيج

اخذو للخدج وبعدها اجه الطبيب ويا عاصف فحصني وعاصف ساله :: بشر دكتور 

  الطبيب // هاي عدها خلي افهمكم اياها نسميها فرفره يعني دكات قويه بالقلب نتيجة تعب 

او ارهاق او توتر او خوف عظلة القلب تتقلص فبالتالي الاوكسجين ما يوصل بصوره صحيحه على اثرها

يحس الشخص بالخنكه بعدم التوازن وطبعا هاي اذا ما تعالج المريض راح تتفاقم المساله ويجوز اتصير مضاعفات 

خطيره احنه هسه راح نكتب علاجات بسيطه لان انتي جاي ترضعي للطفل بس بالمستقبل نكتب علاج شويه اقوى

وان شاالله خير

:: يعني ما كو خوف على صحتها 

  الطبيب // لا بس ابعدوها من التوتر والخوف ما عليها شي وبعد شهر اشوفج 

   :: تسلم دكتور 

  - - واجبنا يمها العافيه

يومين وطلعنه من المستشفى كريم كال ناخذها البيتنا لكن اني ما قبلت لان استحي بيومها الكل اجه

وياي للشقه بيبي وامل وام كرار وحتى عاصف الي اول ما اريد ادخل اجه ابو يوسف وذبح خروف وكلي 

الف مبروك ويجعله من ابناء السلامه 

حتى بيبي شالت فلوس الابو يوسف وانطته وعاصف كله :: توزع الخروف ع الناس ومثل ما وصيتك 

  ابو يوسف // اي ان شاالله سويت كل الكلت علي

بيبي لازمه فيصل وتهوس اله وامل وام كرار يصفكن واني. اتمددت على فراشي وسالت = علي وين 

   ام كرار // يم الولد وطمنته والعصر يجي 

بيبي انطتني فيصل كالت ارضعي 

رضعته وعمه امل راحت جابت عصير برتقال وتكلي // اشربي 

  = ما اشتهي 

- - ماكو ما تشتهيين انتي عمليه وتعبتي هواي

شربت العصير وبعدها صارت الصلاة واندك الباب بيبي // ياهو اجه 

   سمعنا صوت كريم // خلو اهنا مشكورين 

طلعت امل ورجعت // عاصف ذابح ذبيحه ومسويها قوزي وجايبها كلها 

   بيبي // عود صدك 

  - - اي يكول هذا غدا ام فيصل 

   بيبي باستهزاء // ياا ماادري بي هيج كريم

  امل // ياهو يمه عاصف. چا الا عاصف مو كريم ياهو الكريم مهدي 

     بيبي //. ذاك هو ونهوده دوله ابحدهم 

       امل // دا تعالي خلي نتغدا وخلي نجيب الوجدان غداها 

   بيبي // ما اريد اكل من ذبيحة عاصف اكل خبز وماي وما اكل منه وانتي امل مو لدالج اعبرها الج 

   امل // شني يمه ؟

  بيبي رافعه العكازه // وغمه وطمه 

   - - يا يايمه ليش ؟

  عاصف واكف بالباب وامل تصحك وتحاجي // الحك النه امي تريد تكتلني وتكتلك 

  اجه يمها وجاوبها وهو مدنك عليها :: تمون فرحه كدامها 

   بيبي تدفع بي // ولي ولي كل شي حسبت بس هيج لا ابد 

  :: ليش يمه شسويت ؟

— — تسع. تشهر الفرخه حبله ما ادري بيها محد كلي ( اتاشر على امل ) وهاي الجلبه تكول ما يمر بيها ولا بمصرف 

:: صدك ما جذبت ام غانم وما ردنا احد يعرف 

  بيبي // هاعمنك تعرفهن ليش لازك بيهن 

كريم // وداعتج عمه لازك بصمغ اميري 

  رد وهو يضحك :: لا وداعتك لحيم مال حديد

امل // كومي يمه خلي نتغدا الولد واكفيين على رجليهم هاي يومين

  - - اتغدو انا ما ريد 

  كريم // عمه كلنه ما ناكل 

باوعتلي // انتي تاكلين 

هزيت راسي // خوش جيبولي اهنا يم بنيتي 

راحو وامل بقت // يمه ليش تكسرين بخاطر عاصف 

   بيبي بعصبيه // تولي ولي انتي هم ساحراتج الحبايب 

امل //. تالي افهمج

طلعت عمه امل وهي تبتسم واجت ام كرار جايبه صينية عليها فخذ وداير مدايرها المعلاك مشوي

ونص من الراس وهي تكول 

   - - عمه عاصف. يكول امي تحب الراس 

بيبي دايره وجهها ام كرار سالتني // تگدرين تاكلين لو اساعدج 

  = اني اكل ابحدي شكرا خاله 

ام كرار // دياالله عمه ادني عليها خلي البنيه تاكل

اتقربت بيبي واني من كد الخجل ما ارفع وجهي بعينها لان قسيت عليها وعرفت شكد تحبني وما اهون عليها 

يعني لو اي احد سامع مني الكلام الكلته الها ما كان سامحني ولا دافعلي 

هي تخلي كدامي بدون ما تحجي واني اكل بتعب لمن ما انفتح الباب وعاصف بيده التلفون وكلي 

: هاج احجي 

   رفعت راسي = منو ؟

  :: احجي بسرعه ماكو وكت 

  = هشام ؟

    صوته وهو يرجف // ا حلفي صرتي ام وانا خال 

بقيت ارجف واني اسمع صوت هشام / هو يگلي الف مبروك ربي وديري بالج علي 

     مبرطمه وجاوبته = ان شاالله ات شلونك 

- - انا كلش زين لا يظل بالج وكافي لاتبجيين مو زين عليج 

  = هاي بيبي تريد تحجي وياك 

— - هلا جده شلونك يابعد حيلي 

- - الله يسلمك ياالله شد حيلك واطلع اسبوع واعرسلك 

- - بعد روحي الله وياك الله يسلمك

بيبي //. كافي لا تبجيين ما يصلح 

   اخذ التلفون ويلع للصاله امل وره الغدا اجت وشالت الصينيه وجابت جاي وهي تكول 

كريم نشد عاصف شلون هشام كدر يتصل ب اخته يردله بالفلوس كل شي نكدر نسوي 

بيبي سالتها // وديتو البيت كريم غدا 

  - - اي يمه هسه اخذه كريم ومرته 

   - - تعبو ويانه الله يطيهم العافيه

اجه عاصف وهو يكول :: ياالله 

دخل وصل يم سرير فيصل كعد يباوعله وهو يسال :: ياهو التعبو يمه 

   بيبي بنتر // شني تتصنط علينه 

   :: لا بس سمعتج من ردت ادخل تكولين تعبو ويانه 

   - - بيت كريم ومرته ما قصرو 

    :: اي ما قصرو الله يحفظهم 

   بيبي // كريم من اوانه خوش ولد وسبع مو مثل ذاكه خنيجه

   :: اي حاله من حال مهدي 

   بيبي // واتعس ستر الله على مهدي 

     امل // يتراوالي رحيم حاقد ع الدنيا كلها 

  بيبي وهي تحرك بيدها //. هههههي عليش حاقد هسه رااح يصيرله الخيط والعصفور هو وهاي الحيه 

امل // يممه 

  بيبي //. خايبه تولي ما حچييت اله الصدك اكلك عاصف 

  :: ها حجيه 

عود مو تحجي 

  :: عليش ؟

   بيبي // مو تكول صار عدي ولد 

:: شلون ما احجي يمه هذا فرحة عمري 

- - مو هالذبحتله ذبيحه مو اطيت صدقه كلش كافي 

امل //. عاصف امي قصدها 

  هو هز راسه :: اعرف قصدها امل بس هذا ابني امر واقع 

بيبي // ادري ابنك بس تره احنه النسوان كيدنه كيد العظيم

دنك وعض شفته ويمرر اصبعه على وجه فيصل ويحاجي ب امل :: شو نايم ما يكعد 

  - - اسم الله خويه طفل انفاس ينام لداله بعده ابطن امه 

بيبي كالت // ما طول بس احنه اهنا اريد احجي واثنينكم انسمعوني 

:: كولي يمه 

اتنفست // شني تالي الزعل 

هو وكف :: مو وكتها حجيه خلينه فرحانين بفيصل

  بيبي // انت تكول. مو وگتها خوش وانتي 

= اني 

  - - اي انتي كل زعل ولابد منه رضا 

   رديت بتعب = اله زعلي بيبي ما اقبل ولا ارضى 

   اتحسرت // منين اتطلبينها ابوج ياهو وجدج ياهو 

  :: راح شويه اتمدد بالهول من تحتاجن شي اموله كليلي 

- عساك سالم

من طلع بيبي كالت // شكو باقي اهنا ما يروح البيته 

دار عليها ويباوعلي = هذا بيتي يمه يمته ما يعجبني اجي 

من راح عمتي امل كالت /. شيصير لو شويه تتنازلين ولج اتخبل عليج ما خلى بحلكه نگطة ماي الى ان 

طلعتي والطبيب طمنه 

= هذا اعلام عمه اني وانتي وبيبي نعرف كلش زين ليش هالشكل سوا 

  امل // والله انتي وامي ظالمات عاصف

   = ليش بيبي بشنو ظالمته ؟

  امل // ولج حبوبتج من يوم العرس حدها ويا على كد السلام 

  بيبي بعتب // اي وهي ما قصرت وياي 

ما حاجيتها كل الي سويته غمضت عيوني وحاولت انام

صار العصر ولازم ام كرار تجي تضربني ابره بس هي خابرت جاييتها اختها وتعتذر ما تكدر تجي

اهنا عمه امل كالت العاصف يشوف مضمده او يسال ابو يوسف اذا يعرف اخد يجي يطيني الابره 

راح عاصف ورجع كال :: بس ممرض موجود 

بيبي // اي جا خلي يجي يضربها 

يمه شني هلي انا راح اضربها الابره 

لا اراديا گلت = ما اريد

  امل // شني بكيفج هاي ابر تيبس الجرح وتطيبه ولازم بوكته 

   = لعد اخذوني الاي ممرضه 

بيبي // وتطلعين وانتي نفسه اكلك عاصف انت مو تعرف تضرب ابر 

     :: اي اعرف 

     - - چا ما تجي تضربها شمتاني 

     اتفاجأت وكنت اتمنى ما يقبل لكن عمتي كالت // ياالله عمه ياالله دوري على صفحتج

درت على مضض واتغطييت وعمتي طلعت جزء من مكان ضرب الابره المهم اخذتها وانا مشمئزه 

    بالبدايه ما حسيت بيها لكن العلاج البيها قوي كمل وگال :: بالشفا 

بقيت دايره وجهي ما رديت وهو غطاني او يمكن عمتي غطتني بقيت دايره وجهي ما اباوع الى ان مر 

وكت درت شفته گاعد يم سرير فيصل ويباوع اله وما شفت لا عمه ولا بيبي هو من شافني درت وجهي 

وفاتحه عيوني وكف وطلع اجتني عمه امل سالتها = انتي وينج ؟

  امل // شني رجال ومرته شني ظاله بنصهم 

سكتت ما جاوبتها عرفتها مخليتنه ابحدنا وطالعه وهو ضاربني الابره ومرجع ملابسي

بقت عمه امل اسبوع ورجعتني للطبيبه هي وام كرار اخذنه عاصف بسيارته شالت الخيوط وكتبتلي حليب للطفل 

كالت احتمال ما يشبع لان شكيت منه الليل كله يبچي واني ما انام وبيبي بقت اسبوعين وبعدها راحت 

لان مهدي صار يخابرها وهي اتكله يم امل وتالي كالتله انا يم بيت كريم

عاصف صار كل اسبوع يجيب حليب وحفاظات وحتى ماي ومن يريد يجي يشوف فيصل كان يخلي ام كرار

تخابرني مرات يجون ويا بيت كريم ومرات يجي ابحده واني افضيله الغرفه ويدخل يشوف ابنه واني اقفل 

الغرفه الثانيه عليه بعد ان اخلي علووش گاعد بالصاله كان يجي 

مرات يبقى ساعه ومرات ساعتين ومره استبطيته لگيته خال فيصل بحظنه ونايم ع الجربايه 

اضطريت اندهه واخذ فيصل منه ،

عاصف وانا نتعامل كانما اغراب كل الي يربطنا هو فيصل 

انا ما صرت اكله طلگني وهو ما صار لا يخابر ولا يحچي بالمؤخر

طلع قبولي تربيه انكليزي وهنا بسرعه رحت سجلت اخذت فيصل وياي هو وعلاوي هنه تلث تيام

سجلت بيهن ورجعت 

من طلع قبولي اتوقفت اسال بنفسي 

= ياترى اداوم واذا اداوم شلون باابني لو ااجل وهم يروح من عمري سنه اني اريد الزم الشهاده بايدي 

= وهذا من يدري شيسوي اكيد ايهددني ياخذه واي واحد بمكانه ما يقبل فما وراي اله انو اقرر 

اداوم يعني لازم اخلي ابني بمكان اطمن بي علي 

لو ااجل

ارتايت انو اني ابادر واكله حتى اشوف شنو رده وهماتين اعرف بشنو يفكر

اتصلت بعاصف وهاي اول مره اسويها من بعد زواجه جاوب 

   :: الو 

= اشلونك ابو فيصل 

  :: هلا بيج وجد اشلونج 

  = الحمد لله 

  :: فيصل ما بي شي 

     =. لا كل شي مابي الحمد لله

      :: اامريني 

   = بلا زحمه رايده اشوفك 

  :: اي صار بس اكيد فيصل ما بي شي 

   = لا لا ماكو شي بس شغله حابه تعرفها 

   :: تمام يمته ترديني اجي

   = انت يمته موجود ؟

   :: انا اهنا ابغداد 

  = زين لعد نتلاكى يم بيت عمو كريم 

   :: يناسبج بثمانيه بالليل 

   = بلي جدا يناسبني 

  :: تمام راح اخلي ابو يوسف ياجرلج تكسي

ما حبيت ارادده لانه بحاجه انو يكون هادى 

وصلت الساعه بثمانيه اله ربع وكان ابنيتي احجي ويه ام كرار وعمو كريم حتى يساعدوني 

ويكونون بصفي لكن لگيته گدامي بمجرد ما دخلت ام كرار اخذت فيصل وشالته عني بعدين اخذته

اله صار يبوس بي ويكله :: مشتاقلك

كعدت وابو كرار سالني // شلونج عمو 

   ابتسمت = الحمد لله تمام 

  - - وهذا البطل خو ما ماذيج 

  = لا عمو انت كلت بطل 

  كريم // واحلى بطل مو هالشكل عاصف 

     اتحسر :: اي مو احنه مشكلتنا عاطفيين نشوف من جانب واحد لهناك نكتشف الحقيقه بس بعديش 

بعد ما فات الاوان

  ما حبيت ادخل باامور جانبيه حچييت = احم اني طلع قبولي بالكليه 

  ابو كرار // مبروك شنو 

  = تربيه انكليزي 

- - خوش قسم 

   ابتسمت واباوع العاصف الي صفن وهو لازم ايد فيصل = بس بقى عندي مشكله 

   ام كرار // شنو ؟

  = فيصل وين اخلي 

   كريم // اي صدك. هاي مشكله 

ام كرار // جيبي عدنا وبعدين من تحلين تعالي اخذي 

كريم // اي خوش راي 

عاصف :: ما ترهم طفل ومنا وهيج شتا وازدحام ومطر شنو ياجايبته يا مرجعته تدرون بيش لازم تطلع

اتجيبه الكم وسط هذا الازدحام اقل شي بالخمسه خمسه ونص ترجعلك من الكليه توصل ع الاربعه

على ما يرجعون للبيت بالخمسه يعني اقل شي اثنعش ساعه

كريم // لعد شنو الحل ؟ 

عاصف باوعلي رديت = اني اجيت لهنا اريد اعرف انت شتكول 

  :: خليني اسمعج. وبعدين انقرر 

   = احم يعني اني اكول نشوفله مره اقصد انت تشوفله وحده تكعد ويا واني انطيها راتبها 

   :: منين اشوف وشلون اامن على ابني ويه وحده غريبه 

كريم // صحيح الدنيا تخوف 

    = لعد اسجله حضانه ومن يحل علووش من المدرسه يروح ايجيبه

   :: وتتصورين علاوي يعرف الطفل عمره شهرين 

    = لعد شنو الحل ؟

  وكف انطاني فيصل :: ولو مشتهي جكاره بس اخاف على صدره المهم راح اسالج سوال بحضور عمج ومرت عمج 

كريم // اسال

    حك خشمه :: تتذكرين اول ما حملتي شكلتيلي 

باوعتله. هو رد :: انا اكلج كلتي هذا البطني ما اريده ويجوز اوكعه بس حتى ما يظل شي يربطني بيك

كريم // عاصف مو وكت العتب هسه 

  :: تو تؤ موعتب ابو كرار بعدني ما ساىلها وما مكمل كلامي 

   - - اتفضل 

  

:: بوكتها اتخبلت وكتلج اذا تتذكرين اموتج اذا يصير بي شي وانا ادري انتي ما تسوينها لان اعرفج تخافين

من الله شغلة حلال وحرام وهم ادري بيج انتي ما يهون عليج لان هو قطعه من روحج وهسه راح اسالج وانطيج

حل كدام عمج ومرته 

  :: تنطيني فيصل وانتي تداومين بالكليه ومصاريفج عليه وانا كل اسبوع اجيبه الج يبات وارجع اخذه شتكولين 

او تختارين لو دراستج لو ابنج والج مطلق الحريه بالاختيار 

  

= يعني شنو ؟

  نفخ :: بكيفج انا گلت العندي 

      جاوبت بعصبيه = لا اني ما افرط باابني لو شما يصير 

  :: تمام 

   = معناتها اني ااجل السنه يعني هماتين تروح مني سنه 

ام كرار // وسنة التجي شلون 

      :: يحلها الحلال بوكتها نشوف 

       وكفت = الله كريم ياالله علاوي 

  

ام كرار // خلي يم عبودي مو باجر جمعه والسبت عطله عودن كريم يجيبه 

هزيت راسي وكفت. = ياالله مع السلامه 

  عاصف وكف :: وين تردين ترحين ابحدج 

رديت بدون ما اباوع = المسافه قريبه هياته 

  رد بعصبيه : شنو اشايفتنه شادينهن فوك روسنا اثنين زلم موجودين بالبيت ونخلينه مره شابه تطلع 

ابحدها وبالليل ( وگف ) ياالله كريم امشي انت وام كرار خلي نوصلها

ما حبيت احجي او اعاند لان هو اله حق بهاي طلعت ام كرار وعمو كريم وهو سبقنه للسياره انطى الكريم

السويج كله :: انت سوق انا اريد اشيل فيصل

  مد ايده :: انطيني ايا 

اخذه مني وطخت ايده بايدي راسا شلتها بحيث فيصل راد يوكع هو ركب وفيصل بحضنه واني ركبت

ورا مباشرة وام كرار بصفي هو يبوس بفيصل ويگله :: تدري حتى من انام اتخايلك بحضني 

كريم // تحبه عاصف ؟

   :: هههههه هذا السوال الي مستحيل اجاوبه 

اني ساكته ومهضومه واحجي ويه نفسي = داىما ما تكمل وياي

الدمعه بطرف عيني حتى ما اگدر احجي وصلنه اريد انزل عاصف نزل قبلي وكريم ومرته بقو بالسياره حاجيتهم 

= شكرا الكم هواي جاي ازاحمكم 

ام كرار // لا تحجيين هالشكل صدكي تتعدل وتصير سوالف 

  = ان شاالله تصبحون على خير 

- - وانتي من اهله 

وصلت هو واكف يم باب الشقه ويبوس بفيصل لمن ما وصلت سالني 

  :: مقهوره مو 

  = مو هذا الي انت تريده 

  :: انا ؟

  = بلي بس خلي اذكرك الرجال كلمه تتذكر من كتلي هذا وعد عليه اوصلج للكليه واخليج تحصلين الشهاده 

واامنلج مستقبلج طلع كل كلامك كذب 

:: اكلج ليش ما تخليين علي يجي للبستان يم حبوبتج باايام العطل 

    استفزني رديت = ما ترهم على كولتك 

ابتسم :: وليش باالله 

  = لان البيت بي مره غريبه وتريد تاخذ راحتها بي

اتحسر وبلع ريكه :: البيت مو بيت المره الغريبه البيت بيت غازي الي هو جدج يعني بيتج وبيت اخوج

وبالنسبه للمره الغريبه الي تكولين عنها بعد فد شهر او اكثر ننتقل البيتنا الجديد وبيت جدج تبقى بي 

حبوبتج يعني ذاك الوكت حتى انتي تكدرين تجيين بي 

  ابتسمت = اكيد طبعا اجي وابقى 

:: ليش ما تجيين هسه لو تغارين

= تؤ هسه ما اجي لان احس بي مو نظيف فمن اتطلعون منه راح اجي بالبدايه اغسله بنفط وتالي اجيب فد عشر

انواع معقم حتى اعقمه من الجراثيم الي عالقه بي 

  ابتسم :: هاج ابنج وديري بالج علي

اخذت فيصل منه بعد ان فتحت الباب دخلت وسديت الباب واني احظن بفيصل الي بدا يبتسم واني اناغيله 

= وهاي ماما حتكعد يمك وتروح سنه من عمرها واني اعد الايام يوم يوم بس حتى اكمل واحصل على شهاده 

ياالله كلشي يهونلك يابطل

السبت بالليل اجه علووش جابه عمو كريم.حاچيته = علووش هواي اتاخرت يمكن ما تلحك تقرا جدولك 

( ). اني قررت ما اداوم وابقى يم فيصل 

  = شنو انت شدا تحجي ؟

(. ) اي مو مشكله سنه سنتين المهم انتي تكملين دراسه 

  = اسكت علووش ما اريد اسمع اي كلمه 

    ( ) بس حرامات تروح سنه علييج

= مو مشكله اكيد بهاي السنه الكى حل ياالله حضر جدولك مو انت ما تريد تدرس وتسويلك حجه 

   ( ) ليش الكذب ما احب الدراسه احب اشتغل واكون نفسي 

    حركت ايدي = شنو تشتغل مثلا بيا املاك ويا شركات حبيبي اذا تريد تكون نفسك اشتغل عليها ادرس واجتهد

حتى بعدين تشوف المستقبل فاتحلك اديناته

بقيت بالشقه ويه فيصل وعلي يداوم كان يوم سبت اندك الباب باوعت شفته عاصف. بس شفت ويا مره 

خليت شالي على راسي واني اتساءل منو هاي الويا فتحت الباب هو دخل وگللها :: اتفضلي ام وسام

- - زاد فضلك حجي السلام عليكم 

= ع ليكم السلام

كانت المره تقريبا عمرها اكثر من اربعين سنه هو كعد بالصاله والمره بقت واكفه واني يمها هو گال 

   :: هاي ام وسام الي راح تكعد يم فيصل ،

   بلعت ريكي = ليش تكعد ؟

  جاوبني بابتسامه :: شنو نسيتي مو لازم تداومين كليه

بصراحه ما عرفت شنو احجي ولا مفتهمه كمية التناقض الي معيشني بيها عاصف وهو هماتين عايش بيها 

باوعتله گال :: بلا زحمه استكان جاي 

رحت سويت جاي صبيت استكانين وقدمته اله سالني 

  :: علاوي وين 

  = نايم 

  :: يدرس مو 

  = بلي

ام رسام سالتني // وينه ابنج الله يخلي 

  = نايم هسه اجيبه 

  - - اي دادا 

وكفت واشرت العاصف يجي هو اجه وراي وهو ايكللها:: ام وسام اعتبري البيت بيتج 

دخلت للغرفه سالته = شعجب جبت مره تبقى يم فيصل 

  :: مو هذا الي انتي تردينه 

   = بس انت ما قبلت

  :: اي لكن انا واعدج والرجال كلمه 

  = وهاي منين تعرفها يعني مثل ما انت تكول الوكت ما يتامن 

   :: لا تخافين ان شاالله تطلع ثقه جابها اليه واحد من اليشتغلون عدي على ضمانته 

   = يعني تندل بيتها تعرفهم 

:: اعرف سابع جد الهم لا تهتمين 

   = اكيد ؟

  :: شنو اكيد فيصل ابني تعرفين شنو ابني يعني لو ما متاكد منها ما اجيبها 

  = زين 

  :: باحر اجيبله كاروك اخلي بالصاله وانتي من تطلعين اقفلي غرفتج واقفلي غرفة علاوي تمام 

  = ان شاالله 

   :: اخذي وعلميها وديري بالج تعرف انا ما اجي لهنا لاتبينين اي شي وهم وصي علي 

   = يعني باجر اداوم 

     اتنفس بعمق :: داومي وانا الصبح احاول اجي واشوفه

   = وشكد راتبها ؟

   :: خمسميه 

   = مو هوااي 

   :: شنسوي 

  = ميخالف 

شاله وراد يطلع كتله = عاصف 

    :: ها 

= شكرا هذا الجميل ما راح انسا 

  :: ولو يمعوده ما سوينه شي

اخذ فيصل الام وسام الي شالته وصارت تسمي الرحمن وتصلي ع النبي هو كللها 

:: شوفي ام وسام انا اجي الصيح اطمن على ابني ادك الباب رغم عدي مفتاح بس الامر ما يخلو يعني 

مره ابحدج الج احترامج فمن ادك الباب انتي افتحي بعد ان تتاكدين من الكامرا انو انا الي جاي 

ام وسام //. ان شاالله 

:: وشي ثاني ام فيصل وعلاوي عدهم نسخة مفتاح فيجون راسا يفتحون الباب ويدخلون اي احد يدك الباب

لا تفتحينه ولا حتى تكولين منو تحتاجين شي سيفتلج رقم ابو يوسف الحارس فقط هذا من تردين شي تخابرينه 

صار معلوم 

- - صار استاذ 

ثاني يوم اجت ام وسام بالسته ونص واني طلعت الها فيصل كتلها على ما ابو يجيبله سرير نيمي ع القنفه وهذا حليبه والملابس والماي وامشي واوصي واول يوم داومت كل ساعه اتصل بيها واطمن وهي كلتلي انو عاصف جابله سرير وفراش خلاهن بالصاله 

ام وسام لا باس بيها كايمه بفيصل على اتم وجه الصبح بمجرد ما تجي ربع ساعه ويجيني الخط ومن 

ارجع هي تروح البيتها وقبلها اتگلي اجه الاستاذ بقى يم فيصل ساعه وراح 

الله يحفظه الكم خوش انسان وخايف الله وكريم كل ما يجي ينطيني القاسمه الله

ومشت حياتي بين الكليه والبيت وكل همي ادرس حتى صداقاتي محصوره بزمالة بنات يعني ما عندي 

صديقات مقربات 

ونهاية الشهر طلعت لام وسام راتبها من المبلغ الي انطتنيا بيبي رواتب ابويه لكن اتفاجآت بيها اتكلي 

انو عاصف دافع الها مال اربع تشهر وتسالني شنو ما گلج ف انا اهنا ابتسمت ورديت اتصدگين خاله نسيت

صرت افكر واحچي = من باب يريد مني عشر دفاتر حتى يطلك ومن باب يدفع اربع تشهر للمربيه هذا 

ليش هالشكل يتصرف وشنو الي يريده بالضبط واني شنو الي اريده منه

من داومت ام كرار وعمه امل داىما يتصلن وره دوامي بشهر اجني عماتي انصاف وامل ياالله شكد 

فرحت بجيتهن وعمه انصاف تبجي وتكول // ضامينه عليه شني اكرهكم لو احسدكم 

امل // يابه وين شايفينج غير ملتهيه ويه الحجي مريض 

تبوس بي وتكلي // ذبيحته موجوده وين اجيبها هنا هناك 

   ابتسمت = لا عمه خليها يمكم يكبر ويجي ياخذها 

  عمتي هزت ايدها // شبيج عمه مطيته ذبيحه مو زلمه

   = شنو يعني ؟

- - يعني الذبيحه تكتل روحها تظل سنه وتالي يو نبيعها يو نكبره خرووف وانتي شلج بالخروف شني 

عندج طليات تردينه اه ... 

امل بضحك // يايا تكافي كافي ودي هناك للحقل وعاصف بكيفه يبيعه يذبحه 

    سالتهن = وليش يبيعه لو يذبحه ؟

  امل // شفكيتيلنه انصاف. من ربابه ( باوعتلي ) عمه الا باعه فلوسه الابنج والا ذبحه هم يطيج بمكانه فلوس 

   = اذا هالشكل خوش

 

بليلتها جبنه كباب وبسسي وصمون اتعشينه وتالي بقينه انسولف وعمه انصاف تباوعلي وتبرطم وتگول 

لوحيدج وگلبج وجعج محد يمج 

هزيت راسي 

انصاف // وليش هيجي عاصف ليش اخذ عليج لو انحطله لو انتي مسويتلج شي لو سامع شي 

   امل // انا اشك عاصف ما يمض بي سحر 

  انصاف // ليش نهوده ما تعرف لو ما تندل 

  - - جان سحرت عاصف الرجاء 

  - - هم صدك جا يجوز رقيه

  امل // يجوز صايرات على فد گلب امي تكول بيوم عرسه دبجن دبج ركصن ركص عبالك المعرس واحد من اولادهن 

  انصاف // لا تنسيين نهاد تكره وجدان على ...

وكانما ما اعرف بنهاد تكرهني على كره ابويه لان ما اتزوجها غلست

امل // وهسه هي شبيها نهاد شعوزها شو مهدي محبس بيدها ولدها وبناتها يباعون الحلكها 

     انصاف // ولو الحقد ونهاد حاقده 

   - - قصدج جلبه 

   انصاف // احنه هسه هذا كله ما يهمنا المهم انتي عمه 

  = اني 

  - - اي انتي 

= اني شبيه 

امل // شوفي عمه تره انا وانصاف وحبوبتج ما ندري بلصار بينج وبين عاصف ولهسه دايخات ونكول عاصف ليش سوا هالشكل وشجم دووب انتي ويا هيج 

  = عمه اني اريد اتطلك بس عاصف كاتب بالعقد الغايب حين المطالبه من اي احد يطلب الطلاك 

   انصاف // شلون ؟

= اني تالي قريت العقد مخلي شرط اذا اني اطلب الطلاق لازم ادفعله الغايب وكل شي واذا هو يطلك 

هو يدفعلي الغايب وكل شي 

انصاف // بسج عمه اسم الله ياطلاك هذا 

  = مترهم عيشتي ويا اصلا هو وين 

    انصاف // هناك لدالهن هو يجي يمج من كالتلي امل اتعجبت 

باوعت العمتي هي هزت راسها وگالت // مقسم الايام خمس تيام اهنا ويومين هناك عايف الكاع والحلال 

وجاي لهنا وهو حتى مره ما يمر 

  = لا ليش الكذب هو كل اسبوع يجي يشوف فيصل ويروح وهسه صار. يجي الصبح من اني بالكليه

يشوفه ويكعد يمه ساعه ويروح 

  امل // وچم دووب 

= هو خيرني اذا اريد اتطلك يااما الغايب يااما فيصل واني اثنينهن ما اكدر الهن الغايب ما عندي وفيصل

لو يموت ما اتخلى عنه 

انصاف // جا مللي وهو يطلك

باوعت العمتي انصاف الي هزت راسها// اي خلي ايمل انتي مو ما تردينه وهو هم ما يريدج شكو 

مخليج معلكه ولج مللي خلي ايمل منج ويطلكج 

امل //. شتحجيين انصاف 

- - شني شحجي بنيه زغيره ورضت بي وهسه الله ما قسم الهم ليش مخليها معلكه ويريد منها عشر دفاتر

ياالله يطلك منين اتجيبهن عاد تخلي ايمل ويطلك

امل // شلون اتملله شتدرين بعاصف يمل ينهز من سالفه 

هزت راسها //اي ايمل من تحكره 

= هو اني هالشكل ويا اصلا من يجي يشوف ابنه ادخل للغرفه واقفلها عليه 

انصاف // ولج مو بس هيج البسي واطلعي اكعدي بالصاله ولا تهتميين الوجوده خلي يشوفج ويتحسر عليج

امل // عمه. هسه بس احنه عماتج وستر وغطا عليج كليلنه شصاير بيناتكم ليش ما تقبلين تحجيين 

= كتلج عمه بيوم الخطبه مالت فرح اتعاركنا عركه بسيطه واني اعتذرت 

امل /. هم كالت يوم الخطبه ولج اجاني وره شهر يكلي ما اكدر افاركها ياخطبة فرح 

= عم ه صدكي هذا الصار واني اعتذرتمنه 

- - جا اكو ان بالموضوع 

انصاف // مثل ما گتلجن الحبايب لو شربنه لو دفنله 

امل // جا ليش نكعد خلي نروح نسال نشوف احد يساعدنه

= المن اني ما اريد لا ابقى ويا ولا ارجعلله كل الي اريده يطلكني وابني يعيش وياي واني ما احرمه منه 

امل // عمه انتي مو بكيفج ت تشرطين وانصحج لا تخلين عاصف يعند واذا عاند صدگي تخسرين

هوااي وانتي منووالج هشام بالسجن وعلاوي زغير ومريض ومهدي الله يجرم بيد نهاد

= لعد شسوي 

امل // انتي مو زغيره ولا قاصره وذكيه وحلوه وما ناقصج شي 

انصاف // وهو يحبج

ابتسمت باستهزاء = هو كل شي اله انو يحبني 

امل // لا يحبج ويموت عليج بس اكو شي صاير وما يقبل يكوله ما دام هو قبل تداومين وجاب وحده يم ابنج 

معناها هو يحبج وما عليج بحجي انصاف المره الذكيه هي التعرف شلون تحافظ على بيتها ورجلها 

انصاف // شبيج امل انا من اكللها بدلي وتحمري وحطي رجل على رجل اريدها تحرك كلبه ولج عمه خير 

عاصف انريده الج ولبنج انتي احق وحده بي

انصاف تبتسم // راح اخابره حتى يجي 

= وين يحي ؟

- - اهنا شني خايفه منه 

= خلي لتخابرينه هو يوميه الصبح يجي 

انصاف // والله ياعمه اشوفج هسه تردينه يجي ويشبكج وينومج على ايده 

امل بضحك // يا شبيج انصاف 

- - شبيه تشوفيها شلون فزت من كلت راح اخابره

بلعت ريكي = لان ليل وخاف صدك يجي 

عيبت // تولي 

اتصلت وفتحت الحاكيه رد :: الو 

- - اشلونك عاصف 

:: هلا ام احمد شلونج شذكرج بينه 

- - مو انت مت عيني مكطع النعل بشارعنه يوميه جاي لاختك

:: هههههه هي اختي حتى سلام ما تسلم عليه ما سامعه الاجه خلافك عكبك

انصاف // ها هيج جا شتريد. اجييك ادك واركص جيفن اخذت على بت خوي مره 

بقى ساكت // شو سكتت ما علينه انت وين 

:: ابغداد ليش ؟

- - جا انا يم ام فيصل انا وامل 

:: ها يمته اجيتي 

- - هسه هاائها وصلنه ما تجي نشوفك 

:: اي جاي مسافة الطريق 

- - هلا بيك وكل شي لا تجيب ام فيصل بعد روحي كامت بالواجب وازود

رحت سويت كيكه خباثه لان ادري ما يحبها وخليت كرزات وسويت عصير وحضرت فواكه خليتها ع طبلة 

الصاله وخدرت جاي بالترمز وجبت استكانات وامل بخرت الصاله وانصاف كالت //فوتي غسلي وبدلي 

=. ع شنو عمه 

- - خايبه الروحج لا يكول مقهوره عليه جيفن اخذت عليها مره

رحت الغرفتي سديت الباب واحجي =. اي ليش الكذب طبعا مقهوره ليش السوا بحقي قليل 

غيرت ملابسي وخليت عطر سشورت شعري وطلعت اندك الباب وراحت عمه امل فتحته دخل 

سلم على عماتي وباس راسهن 

كان فيصل عد عمه انصاف اخذه وصار يبوسه بايده وبخده وفيصل يضوج يمكن من شاربه 

عمتي امل قدمتله قطعة كيك هو كللها :: ما اكله ام غانم 

ردت // هاي ام فيصل مسويتها ضوكها اتخبل 

باوعلي وگلي :: بلا زحمه استكان جاي

كمت صبيتله استكان وقدمته اله هو اخذه وخلا ومد ايده اخذ قطعة كيك وصار ياكل استغربت هو بحياته

ما ماكل الكيك انطاني فيصل خاف يشرب للجاي ويمد ايده اخذته من اتقربت حسيت انو اتنفس بعمق امل سالته 

شلونك عاصف 

:: الحمد لله بخير ( سالني ) وين علاوي 

= راح البيت عمو كريم ويه عبودي 

بيها الخير 

انصاف // الخير بوجهك عاصف ما شاء الله اشوف راده روحك احسن من ذيج المره الشفتك بيها

ابتسم :: مو قللت الجكاير 

امل // خو كول من صار فيصل ردت روحي 

:: لا اموله من صار فيصل ما ادري يمكن ملكت الدنيا بااكملها 

امل تدعي // الله يحفظه ويخلي 

:: رحم الله والديج وهم بالطريق جايله اخ لو اخت 

//////////

الفصل الستون من هنا 

شكرا لزيارتكم عالم روايات سكيرهوم