رواية قصة وجدان الفصل الستون 60 بقلم انين الليل

صار تلث تيام اكتب بالبارت ما شفت تعليقاتكم لان تاخذ مني وكت ومرات افرح ومرات انقهر عاد گلت 

خلي ابلش بالكتابه لان بصراحه انا ككاتبه اتفاجآت من گد المفاجآت الي موجوده بهاي القصه

ناس تحب 

ناس تكره 

ناس طيبه مثل گلوبكم ما تخون العشره ولا تنكر الجميل 

هذا البارت كتبته الكم حار وحلو ومكسب وطويل. وبي احداث 

قاربنه ع النهايه 

لا تنسوون اتكافئوني بالضغط ع النجمه واموت بتعليقاتكم 

ارفعو القصه وشاركوها تستاهل مثل هيج قصه تنقري وتنعرف 

اتمنالكم قراءه شيقه ومعايشه مع الاحداث 

تره انتو جزء مهم من قصصي 

احبكم 

#آنيين_الليل 

////////////////////

وجدان 

كل الوجوه اتغيرت واني رجف كلبي بس بينت عدم اهتمامي امل ابتسمت باقتضاب // شني مرتك حامل 

    ابتسم :: اي البارحه خابرتني وكالت حامل 

  انصاف // بالمبارك بس شعجب تكول لو اخ لو اخت 

  :: جا هي الحامل شتجيب لو ولد لو بت

امل // اي هم صدك اتذكر وجدان من حبلت وانت دريت كله تكول ابني والولد واخاف علي وديري بالج 

لا يصير بي شي 

  ::: ههههههه 

انصاف // بعد هو الابو عده احساس شيجي ولد بت صدك عاصف اكلك من حبلت رجاء شني احساسك 

ولد لو بت

بلع ريكه وباوعلي رد :: ما جنت مهتم بذاك الوكت محتار العيشه صعبه اركض منا وارضي هذا وما اغث ذاك 

  امل // اي هم صدك الله لا يعيد ذيج الايام علينه

بقى گاعد وفيصل من ايد عمتي الايده اني رحت للغرفه ما اعرف ليش ضايجه بس حاولت ما ابين ضوجتي

لزمت ملزمه وصرت ابين اقرا بيها عمه انصاف كالت // وينج وجدان تعاي 

اجيت والملزمه بايدي سالتني // وين رحتي عمه 

= استغليت فيصل يمكم ورحت اقرا شويه ها عمه 

- - رجلج يريد يروح رايدج

باوعتله هو كال :: عود اريد اخذ فيصل يم امي يومين 

  ابتسمت = طبعا اكيد بس هسه اني عندي امتحانات اشوف فد اسبوع ما بي امتحان حتى نروح 

  :: ان شاالله ديري بالج على فيصل 

  = اكيد 

  :: تصبحون على خير 

  امل // ما تبات اهنا عاصف من زمان ما شايفينك

   :: لا ما اكدر الفجر اغبش 

   - - وين ان شاالله راشده بوجهكو

  ::الاربيل عدي شغل 

   رفعت ايدها عمه بالدعاء // الله يباوعلك ويكثر خيرك 

  :: فيمان الله 

   - - الله وياك

راح وعمتي امل ابتسمت وحاجتني // عفيه عليج هيج اريدج

   انصاف تحرك بيدها //. شني عليمن. ؟

  امل // من گال اريد اخذ فيصل ما ردت. واتنرفزت وگالت وشني تاخذه او عدمن يظل وياهو اله بعد

ايدي عرفت شلون ترد 

  انصاف تفرك باديها ///بس شلفايده ذيج العوبه حبلى

  امل // جا شني ما تحبل شوفيها هسه تترسله البيت فروخ 

   انصاف // انتي امل انتي ما خليتيني احجي ويا 

  - - شتحجيين انصاف خلي البت تدرس وابنها يمها تالي من تكمل بلكت الله ويعود باخوها يطلع 

من السجن وذاك لوكت تتطلك وتشوف روحها 

  انصاف. // اووف ومن يطلع شيلكى لا بيت ولا مستقبل 

   امل // جا ليش ما اريدج تحجيين عاد بلكي الله وهي تلكالها وظيفه شي ويتساعدون ع الدنيا 

  - - الله كريم

ما قبلن ينامن لا يمي ولا بغرفة علووش فرشت الهن بالصاله وعمتي انصاف تگول 

    - - انا منج. من سمعت بمرته حامل اگله ابو فيصل ابقى بات. هنا ابيتك يم اخواتك 

  ضحكت = هههههه. والله انتن تحفه مره اتكللي احكري مره اموله اتكلي عاشت ايدج زين تسوين بي 

من كلج خلي اخذه يم امي هسه اتي اتكليلي اكله ابو فيصل ابقى البيت بيتك الو عماتي شنو شبيجن

انصاف // ولج محروك كلبنه عليج جا شبينه 

  سالتهن بحزن. = ليش مو انتن اتكرهن ابويه 

استغربن كلامي امل ردت // شني هذا الكلام منو گلج بي 

ابتسمت =. اني اعرف بدون محد ايكلي انتن ولا بيوم شفتجن اجيتن النه ولا سالتن علينه اله من مات ابويه

وامي اتوفت اصلا ما حسيت بحنيتجن اله وره وفاة امي بس هسه دا اشوف حركة كلبجن عليه

باوعت الهن شفتهن يبجن انصاف // ابوج الله يرحمه ولا حسسنا هو اخونه من جنه زغار جان يحتار

شيسوي بينه طك واهانه ومسبه ومن كبرنا لا سال ولا بيوم مر بوحده بينه ابوج ما ادري شني ملته

بس لو شيصير انتي بت اخونه وما عدج احد وغصبا علينه نجي وننشد ونعلم وندعيلج بالخير 

انتي يعمه فالسه لا من عم ولا من خوال عاد احنه ما طولنه عدلات

صرت ابجي وهنه حضنني وانصاف اتكلي // ادرسي عمه محد يفيد عبالي عاصف يكبرج بس مع 

الاسف كل الزمطلي طلع جذاب 

- - كافي عمه لاتبجيين اكلج هو من يجي الابنه يطيج مصرف 

سحبت خشمي واباوع الهن = هو دفع راتب المره التبقى يم فيصل وكل اسبوع يجيب حفاظات وحليب وماي 

   امل // ومصرف ؟

   = عمه اني وعلوش دا نصرف من راتب ابويه هو ما ملزم بينه

فيصل نام وهنه ما قبلن اخذه للغرفه كالن روحي اقري وخلي نايم بكاروكه الي بالصاله 

خليتله الحليب والحفاظات واني اكللهن = الله شكد حلو لو تبقن يمي 

   انصاف // ياعياره ما ميته علينه على مود نظل يم ابنج مو 

  = اي ليش الكذب 

  - - دا فوتي اقري ونامي 

  = تصبحون على خيز 

- - اجمعين

رحت للغرفه واني ما اعرف شلسبب الي مخليني ضايجه فتحت النقال رحت ع الواتساب ردت اكتبله ما عرفت

شكتب فجاه اجتني رساله. :: ليش ما نايمه الهسه 

:: بشنو تفكرين 

:: ليش ما تردين

   كتبت اله = مستغربه 

  :: منين ؟

  = منك 

  :: ليش 

  = من تكول تريد تاخذفيصل

  :: اي اتصور ابني ومن حقي اخذه لو عندج اعتراض 

  = شلون تاخذه ؟

   :: اقصد اخذكم 

  = واني ما اريد اروح 

:: ليش تغارين ؟

  = منين ؟

   ::...من مرتي

  = كلتها مرتك وانت ما تخصني بشي فليش اغار كل الي يربطني بيك هو ابنك 

  :: قصدج ابنه 

  = بلي ابنه ولان ابنه هو الي يربطنه فما احب اروح المكان انت وناسك متواجدين بي او كي اروح 

البيبي بس بعد ما يفضى المكان منك ومن الي يخصوك 

   :: السانج كلش طولان

  = تو بس حجيت شي واقع ما حبيت احجي كدام عماتي احتراما الهن 

   :: تمام تصبحين على خير ديري بالج على فيصل 

   = ههههه 

:: ليش تضحكين 

  = دووم توصيني ادير بالي على ابني ناسي هو ابني واني امه يعني مو مرت ابو فلا 

توصي ام على ابنها باااي

من جاوبته هالشكل شويه هدئت بقن عماتي الجمعه والسبت بالعشره الصبح راحن ومشت الايام اعتياديه 

اني بدوامي وام وسام تجي وداىما اتكلي اجه الاستاذ لو الحجي مر وسالني اذا محتاجين شي

الى ان تقريبا وره شهر اندك الباب بالليل شفت عاصف ويا بيبي وعمه امل فتحت الباب اتفاجات

بيبي كلش تعبانه وعاصف لازمها وكال خلي اندخلها بالغرفه 

يقصد غرفة علي رحت بسرعه عدلت الفراش وهو جابها مددها اني وصلت يمها بستها = سلامتج بيبي 

جاوبتني بتعب // الله يسلمج

باوعت العمتي امل الي جانت كلش مقهوره ودمعتها بطرف عينها هو رد 

  :: ها يمه تناميين 

   - - اي اريد انام انتم اتعشو مو تظلون 

   امل. //. يمه حتى بهاي حالتج تهميين بينه 

    اتقربت منها = بيبي شبيج ؟

  هي لتنفست // ما بيه شي لا تخافيين انا كتلهم يجيبوني اهنا ويخلوني يمج 

   = حبيبتي ياروحي اشيلج بعيوني 

امل لزمتني // ياالله خلي امي ترتاح يمه بس اصلي واجيج

اشرت بيدها طلعت سالت عمه = شبيها بيبي ؟

   - تعبت هاي اسبوع نراكض بيها تالي جابها عاصف 

   = شبيها ؟ 

  رد وهو يدخن جكاره :: مره جبيره وما تحمل تعب 

   = بيبي قويه لازم صاير وياها شي 

   امل // عمي انتم كل واحد بير مال اسرار محد يحجي

  صحت على علي = تعال علاوي 

  ( ) ها 

اشرتله يجي وراي للغرفه عاصف گله :: تعال عمي خلي نروح نجيب عشا 

   علي رد ( ) لا عمي كل شي عدنا خير من الله 

امل //. فدوه عاصف علي صار يحجي مثلنه 

  ربت على جتفه :: علي زلمه حووك ياالله امشينه بويه مشتهي كباب

طلع هو وعلي واني رجعت البيبي شفتها متمدده لمست جبينها حار جبت ماي وقطعة قماش وصرت اسويلها

كمادات وعمتي امل لازمه فيصل اندك الباب عمه هي الي فتحته همه اجوي وهو دخل للغرفه شافني

اسوي كمادات لمس خدها كلي :: عاشت ايدج خفت حرارتها 

  حاچيته. = اي غير تفهموني بيبي شبيها 

  :: ما ادري حالي من حالج خابروني ورحت لگيتها هالشكل ماخذينها للطبيب وحالتها تعبت اكثر هالجبتها

= وشكال الدكتور 

  :: كال لازم تنام مستشفى بس هي ما قبلت 

اجت عمه امل // ياالله تعالو اتعشو 

   :: ياالله كومي 

  = لا اتعشى انت بالعافيه 

بيبي. // كومي اكليلج لكمه انتي مرضع

رحت شفت عمتي مخليه الاكل ع الطاوله اني رحت للغرفه اجت وراي امل // تعاي عمه اتعشي 

   = لا عمه بالعافيه ما اشتهي هسه 

    اتحسرت // ما تشتهيين لو ... تو استغفر الله 

    ابتسمت = روحي انتي اكلي وبعدين اني اكل

راحت عمتي اجه علووش جايبلي لفتين وبطل لبن اخذتهن واني ساكته وصرت اكل بيهن سمعتهم بعد نص ساعه 

طلعت حتى اسوي جاي بالمطبخ اجه علي وگال 

(. ) عمي عاصف يكول خلي تجيب الجاي وتجي رايدها 

صبيت استكانين جاي واجيت هو حجى // امل وينج تعاي 

طلعت عمتي من الغرفه سالها // ها شلونها هسه 

   - - بعدهي نايمه

كعدت واخذت استكانها وهو حاجاني 

  :: امي راح تبقى اهنا يمج لان انا مسافر للصين شهر يجوز اكثر عندي شغل كلش مهم وما اكدر ااجله 

   امل // يمتى تسافر 

  :: عكب باجر وحبوبتج هي الكالت توديني يم وجدان والبيت خبصه هناك رقيه حامل وفرح تحضر العرسها 

وحتى ساره هم حامل وكلها ملتهيه ف انسب مكان هو يمج انتي تعرفين تنطينها الدوه وتديرين بالج عليها

وام وسام بالنهار يمج

= ان شاالله اني اخدم بيبي بعيوني حتى لو ماكو عذر بيبي تخصني اكثر من اي احد واجبي اخدمها 

  امل // عفيه عليج عمه 

  :: باجر ارجعها ع الطبيب امش،ي ويانه 

  = ان شاالله 

  :: اليوم اتثاقل عليكم ابات اهنا 

   امل // لا شني تتثاقل بيتك هذا هسه افرشلك انت وعلاوي بالهول

راح يم بيبي وعمتي نزلت فراش وفرشت الهم بالصاله بعدها طلب اخلي فيصل يمه واني وعمتي 

بقينه نتناوب على بيبي ثاني يوم ما داومت رغم اجت ام وسام وعمه كلتلي داومي لكن اني ما قبلت 

  العصر اخذنه بيبي للدكتور الي كال يرادلها مداراة وكتب علاج ونوع الاكل وطبعا نصح بعدم العصبيه 

والابتعاد عن التوتر

من رجعت اخذت بيبي الغرفتي لان بيها حمام 

واني وعمه يمها ما عفناها ثاني يوم عاصف راح للناصريه ورجع بالليل كال يبات ومنا يطلع للمطار 

الساعه بالاربعه الفجر دك باب الغرفه صحيت من نومي فتحتله الباب واني ما خاله شي على شعري 

ولابسه شلحه هو باوعلي اني حسيت على نفسي بس عدلت شعري هو كلي

   :: راح اروح ما اوصيج على امي 

طلع فلوس تقريبا خمس ملايين حاجيته = المن 

  :: مصاريف الكم والامي لان منا وهيج راح ناس كرايبنه يسمعون ب امي ويجون ومهدي ي واكيد ويا مرته 

واخواتي هم يجن ما اريد اتقصرين بشي 

  = بس اني عندي فلوس 

   :: فلوسج لا تصرفيين منهن

  هزيت راسي = لا مو فلوسي فلوسك 

  :: فلوسي ؟

   = بلي خمس ملايين بالقاصه 

:: ما صرفتي منهن ؟

  = لا مالاتك شلون اخذهن

اتنفس واتثاوب :: خليهن بقاصتهن وهذني اصرفي منهن ومن تحتاجيين اطلعي من ذنيج 

و امي ترجعينها للطبيب وشوفي شيكول سويلها 

  = ان شاالله 

   بلع ريكه :: وجدان امي امانة الله وامانتج 

   ابتسمت = هاي بيبي واقرب وحده الي لا توصيني

  :: شوفي امل متغطيه اريد اشوف امي 

    طليت = بلي اتفضل 

   دخل للغرفه دنك عليها :: يمه راح اروح ادعيلي بالتوفيق 

   بيبي بتعب // الله يوفقك 

  :: وارضي عليه 

    - - دير بالك على روحك

باس ايدها وباسها بخدها وراح السرير فيصل باسه ويكله // انت وخالك حامي الحرم دير بالك على امك وحبوبتك 

ابتسمت هو باوعلي :: ما اوصيج 

= اطمن لا توصي حريص 

:: لبسي زين 

= بلي كلش حلو

  ضم شفايفه نفخ :: فيمان الله 

  = الله وياك 

   راح يمشي لزم يدة الباب دار عليه :: محتاجه شي اجيبه الج 

   = لا شكرا 

:: اذا شي يعجبج صوري الي وانا اجيبه

ما رديت رااح واول يومين ما اتصل بعدها صار ويوميه يتصل مرتين وتلاثه وهو يوصيني على بيبي 

ومرات يتصل كامرايحجي ويه بيبي او عمتي ويطلب مني يشوف فيصل 

مهدي اجه هو ونهاد البيبي وهاي اول مره يجون بعد اول جيه الهم واول مره يشوفون فيصل 

نهاد بعد ان شافت بيبي اجت كعدت يمي وهي تگول

  - - جا ليش امل حزبتي مهدي على عاصف 

   امل // عليش 

- - يا انوب عليش تكولين لا يمر ولا ينشد 

   - - اي ولهسه 

- - الما يمر وما ينشد ما تحبل وتجيب

امل بنتر // شو انتي ما تعرفين تحجيين هذا الفرخ حبلت بي گبل لا يعرس تالي من لعبن الحبايب لعبتهن

لا يمر ولا ينشد 

  - - ومن صار ابنه 

  - - من صار ابنه انا خابرته لان رادو يو رجلها يو اخوها يو عمها حتى يوقعون ع العمليه 

  نهاد بابتسامه مصطنعه // يا جا وانا ما ودي فرحت بكد الدنيا من درينه صاير عده ولد بس عتبنا ليش 

عاصف ما گال النه

     امل اتاشر // ذاك عاصف من يجي حاجي وعتبي 

   نهاد سالتني // وانتي تداومين كليه 

=. بلي عمه دا اداوم 

— — بيها الخير

بقو بيت مهدي يومين وراحو وما اسولف ع الفعاليات وراهم اجت سميره هي وعمو جابر باتت بس سميره 

وعمو جابر راح ويه ابو كرار الي داىما موجودين ويانه وفاتحين بيتهم 

واجت عمه سعاد وهم شافت بيبي عمه سعاد الي القهر على ابنها ما يفاركها ومن كعدت وسالتها ام كرار. 

صارت تبجي وتكول // هو ابني ميت بس ليش انحرم من ابنه 

وعرفت باان زوجته حاصله ع الطلاك وتريد تتزوج وعمه سعاد هي تروح تشوف حفيدها

واجت عمه انصاف وياها ابنها وبنتها الي باتو ليله وراحو وياهم راحت عمه امل لان هنه يتناوبن 

على بيبي يجن يمها 

كنت راجعه من الكليه ودخلت للشقه ورحت بوجهي اشوف بيبي واتفاجات ...... 

شفت ساره وبهاء وياهم ابنهم

ما عرفت شسوي بلحظتها هاي اكثر من تلث سنوات ما شايفه بيها بهاء وشنو هالصلافه ويدخل للبيت 

اني اتماسكت وسلمت بابتسامه مقتضبه اجت ساره باوستني وهي تكلي // اشلونج وجدان 

     = اهلا بيج حبيبتي 

هو وگف وبدون ما يباوع // اشلونج ام فيصل 

   رديت ابرود. = اهلا

رحت للغرفه وعمه انصاف لحكتني // شبيج عمه 

  = هذا شلو ن يتجرا ويجي 

  - - عمه صدك جذب جاي يشوف حبوبته نسيتي هي الي ربته وتعبت علي 

    = عمه بس ...

      قاطعتني وهي تحرك باديها // لا بس ولا هم يحزنون الولد ابن عمج ومثل اخوج والفات مات وهو ابيتج 

وما جاي ابحده ويا مرته

ما اعرف شسوي هل هو بس كره البهاء لو خوف من عاصف كل الي سويته خابرت ام كرار وحجيت الها 

   ردت عليه // راح نجي اني وابو كرار انتي عادي اتصرفي 

اجوي واني دزيت ابو يوسف يجيب عشا والرجال ما قصر 

ساره سالتني على ام وسام // شنو هاي المره مربيه الابنج 

عمتي جاوبت // لا يا مربيه هاي كرايب هذا الحارس من اتمرضت امي وجدان تخليها بالبيت يم فيصل

ساره // جا بالدوام وين تودينه 

  = بحضانة الكليه 

- - ها بيها حضانه 

  = اي بيها بيها الاطفال الاساتذه فانا حجييت للشوون وقبلو اجيبه الابني 

ام كرار // اي دادا لو تشوفين بداية دوامها تجيبه يمنه وترجع تاخذه خطيه وحييل اتاذت 

انصاف // وانتي ساره شكد عليج 

    لزمت بطنها وابتسمت // ثالث 

— الله يتمم

رحت للمطبخ احضر العشا وام كرار وياي سالتها = فهمتي عمو

 - - اي فهمته 

  = والله خاله لو ما الطبيب كال ما اريد عصبيه ولا توتر كان طردته 

- - لا لا تطردينه ولا هم يحزنون هسه بس يتعشى ناخذه ويانه 

  = تسلمين خاله الله يخليكم والله ما اعرف شلون ارد افضالكم 

   - - ما سوينه شي. انتي عزيزه وعاصف افضاله ما ننساهه اكلج سمعتي تكول طرحت مرته 

   انصاف باستهزاء // اي مو هو شايلته بجنكال

   ام كرار // يجوز ظهرها ما يتحمل 

   انصاف طلعت كصتها ورفعت اديها // عساها بجاه كلمن عده جاه عد رب العالمين 

   ام كرار. // لاتدعين ام احمد 

      جاوبت بحركه. //. ادعي كسر الخاطر جبير عد الله وهمه كسرو خاطر اليتيمه 

     ام كرار. //. كله من هاي الحيه مرت رحيم 

   انصاف //. جا والحيايه العدنا ذابات لحم يهوسن ويركصن

راح بهاء ويه عمو كريم وساره هم راحت ويا مع العلم اني وعمه لزمنه بيها تبات لكن هي ردت 

لا اروح لان باجر نرجع البيتنا 

وراها بيومين اجت فرح هي وخطيبها وامه استغربت شلون تجي ويا ابحدها يعني هذا الشي ما يصير 

  عدنا عبرت شكم محافظه حتى وصلت لهنا 

ونفس الشي كمت بالواجب الهم الغريب فرح ابد ما لزمت فيصل ولا حتى باسته 

محتاره بخطيبها وب امه خطيبها سلم على بيبي وكعد شويه وراح ويه عمو كريم وبقت ام كرار ما راحت

مرت رحيم اجت وراي شافتني كاعده بالصاله كالت وهي تبتسم 

   - - مبين زعلانه عليه 

  باوعت الها من فوك ليجوه وخليت رجل على رجل وسالتها واني ااشر على حالي = منو الزعلان اني 

   بنفس ابتسامتها // اي انتي بس تره عاصف ما سوا لا عيب ولا حرام رادل...

رفعت ايدي وقاطعتها = الي وصلج المعلومه چذاب اني ما ازعل على شي ما يهمني 

   فتحت عيونها وعضت شفتها. // يعني عاصف ما يهمج ؟

عرفت تريد اتجرجرني بالحجي ما اعرف شنو غايتها رديت 

  = لا تحورين الكلام الي دا احجي عاصف ابو فيصل زوجي ومن حقه يختار بدل المره تلاثه الي ما 

يهمني ( اشرتعليها ) انتي وبت اخوج انتو الي ما تهموني 

  هي بعصبيه عاطت // فرح فرح وينج 

   طلعت من غرفة بيبي // ها عمه 

  - - انا گتلج ما نجي احسن ترزلنه من وره جيتنه 

   فرح بعصبيه // منو رزلتج ؟

  تباوعلي وتاشر // بعد منو هايه مرت ابوج 

فرح اجتني هاده لزمت ثوبي من جتفي وتنتر بكلامها // ولج انتي شلون تحجيين هيج ويه عمتي طايحة الحظ 

عمتي انصاف ردت // احترمي نفسج ولا تحجيين هيج 

- - انا محترمه غصبا ع اليقبل والما يقبل خاف عبالج صار عندج ولد حسبالج ابوي يكلبج لا بردي راسج 

ابوي متاني فيصل يكبر وياخذه منج ويخليج حالج من حال الجلب 

بيبي طلعت على صوت فرح // صدك انتي ما تستحيين جايه اهنا تتعاركين بس مو صوجج صوج امج ما ربتج

تستمر القصة أدناه

عتيت ايدها ورحت يم بيبي احجي وياها =. عوفيها معليج بيها ارجعي الفراشج 

فرح //. اي تمسكني ولج كاشفتج من زمان تل... 

ام كرار قاطعتهن. // انتن ما تستحن جايات اهنا تتعاركن شكد عيب عليج 

    ام غياث // خو انتي مسويه روحج بس انتي وبس عود شوفوني بس كلنه ندري ليش انتي هالشكل 

عاصف اشترالكم البيت وجاي تحرمسوله بالفلوس البقت عليكم 

ام كرار // صدك ما تستحيين وحرامات واحد يحجي وياج

    انصاف //. اذا عاصف اشترى البيت ف اشترى البيت الابن عمه مو مثلج خططتي حتى تحصلين 

   لكه منا ومنا 

       ام غياث // ياالله فروحه امشينه خابري غياث خلي يجي علينه 

عمتي انصاف. بعصبيه // اوكفي اوكفي انتي ماخذه بتنا وطالعه بكيفج 

    ام غياث //. اي بكيفي اجت ويانه وترجع ويانه 

    انصاف //. خوش وشيصير بيها انحملج المسووليه 

   فرح // محد اله غرض بيه اجيت وياهم وارجع وياهم ياالله عمه ما يشرفني ابقى اهنا 

انصاف //. اا يا طايحة الحظ الج اهل الاحجي وياهم

  ام كرار خابرت عمو كريم وحجتله الي صار وعمتي انصاف خابرت رجاء بعد ان فتحت الحاكيه ردت عليها 

   - - الو 

   انصاف // ولج رجاء من وديتي بتج على اساس تشوف جدتها ما وصيتيها تحترم نفسها وتحترم البيت الدخلتله 

    رجاء بنتر // ها انصاف شعدج ويه بتي جايه البيت ابوها 

   - - بتج طايح حظها وما متربيه وهسه اخابر بهاء واگله 

    ارتبكت رجاء. // او گفي انصاف فهميني شصاير 

انصاف // من تجي بتج وعمتها اساليها وانا بس يجي عاصف راح اكله على بتج وتصرفاتها مو عبالج اعبرها الها

سدت عمتي وبيبي صار كلبها يدك صرت ابتسم واحجي = بيبي لتهتمين ولتضوجين فرح من زمان متعوده عليها 

   بيبي ///الجلبه ما ادري شبعد الها 

  عمه انصاف احسها راح تنفجر من الغضب //. هسه اخابر بهاء 

     = عمه ماكو داعي لا تكبرين الموضوع 

  انصاف // لا اله داعي ونص ابوها ما موجود اخوها بمكانه تدرين شراح يحچن ويلفقن من يجي عاصف 

    =. معليه بيهن 

     بيبي //. خابري بهاء هسه وگليله 

      

  انصاف اتصلت هو جاوب // الو هلا عمه 

     - - شلونك بهاء 

  - - هلا عمه انتي شلونج الحجيه شلونها 

      - - الله يسلمك زينه بعد يومين ونردها ونردها للطبيب نشوفه شيگول 

- - ان شاالله خير 

         انصاف // اكلك عمه ؟

آآمريني 

    ما يامر عليك ظالم انت تدري بفرح اختك اجت الحبوبتها وياها ابن رحيم وامه 

        - - هاا 

    هزت راسها // اي ابحدهم شنو ما كايلاتلك 

  - - لا هسه سمعت منج هاي امي جاي تتصل بيه وفرح همه شصاير 

انصاف // ما بيها شي الولد عاقد عليها بس من اجت هي ومرت رحيم اجن متحاملات على ام البيت 

   غلط ومسبه وتهديد البنيه ساكته واختك تريد بس تتعارك وياها وخاف تكول انا احامي البت اخوي ام 

كرار شاهده وحتى حبوبتك كامت من فراشها ما تگلي فرح شتريد بيش طالبه وجدان

بهاء //. هسه هنه وين 

- - اتعاركن وطلعن فهمهن عمه عيب اليجي متعني البيت واحد يحترمه البيوت الها حرمه 

  بهاء بس خلي اوصل وانا اعلمها الفرح 

  انصاف // انا كتلك هذا الشي حتى تلفت نظرها اتكلها عيب وجدان بت عمج ومرت ابوج وعيب التسوينه وياها 

   بهاء //. تجيج الاخبار اله اكسر راسها 

    انصاف // بعد اختك وبكيفك 

  بهاء //. عمه اتعذريلي من جدتي ومن ام فيصل

سدته عمتي من بهاء وهي تتوعد // ما دام محد بعينها وابوها ما موجود عاد اخوها يبتصر بيها 

وره تلث تيام اجت عمتي امل وعمه انصاف قبلها مخابرتها وحاجيه الها كل شي وامل كلتلي 

بس يجي عاصف اله اكله 

المهم عمه امل بقت يمنه واني اداوم يوميه ام وسام تجي وعمه ترجعها الساعه بالوحده تكول 

ما عدنا شي وما اريد احد يجي ويلكاها ذيج المره كلنه كرايب الحارس من يشوفوها ما يصدكون 

ما اعرف سبب الي يخلي عمه هالشكل تتصرفسالتها

= واذا شافوها ؟

امل //. ما اريدهم يشوفونها وبس 

سكتت ما حاجيتها ومن رجعت للدوام لاكاني بهاء اباب الشقه جاي شفته وسلم عليه 

  رديت علي ابرود بدون ما اباوع بوجهه هو كلي // ام فيصل انا جاي حتى اعتذر على الشي الي بدر من فرح 

  = ما صار شي 

  - - صدكي لزمتها كطعتها اتكطع وطيحت حظ خطيبها وكتله ما الك مره يمنه 

   هزيت راسي = لا لويش ما صار شي 

فتحت الباب ودخلت اضطريت اگله = دقيقه بس اشوف منو موجود

عمه امل طلعت // هلا يمه اجيتي 

=. بلي عمه السلام عليكم شلون بيبي 

    - - اليوم زينه الحمد لله 

اشرت الها ع الباب 

عمتي ما افتهمت بس اني حركت راسي هي راحت وشافته ولزمته من ايده دخلته للبيت وهي اتكول 

  - - شني انت غريب هذا بيتك 

   دخل وكال // دايم البيت واهله

هو دخل الغرفة بيبي شافني كاعده يمها هو دنك عليها // شلونج جده 

- - هلا بهاء هلا بيك 

باسها براسها وايدها ويكللها // فرحه لا تتمضيكين هاي عياره ترديلج رجل 

رغم هو ايشاقي بس حسيت ابرود بكلامه رحت للغرفه الثانيه وهو بقى يم بيبي سمعت فيصل يبجي 

اجيت اخذه عمتي امل شايلته وبهاء واكف // عمه ابقى اتعشى وروح

  - - لا عندي شغل 

— — شغليش بالليل 

  — —. شغل ويه ولد ما محتاجين شي 

  —- عساك سالم 

وصل يمي // وجدان انا اعتذر عن كل شي بدر مني ومن امي ومن اختي 

= الله يسامح الجميع 

- - - اريدج انتي اتسامحيني

بقيت ساكته ما رديت لان ما اكدر انسى الي سوا بيه هو طلع واني بقيت كاعده بالصاله اجت امل يمي وهي اتگلي 

- - لا تضوجيين عمه 

رحت يم بيبي كعدت هي سالتني // راح بهاء 

هزيت راسي اتنفست وردت // انا دولبتج 

  = ليش تحجيين هالشكل 

   - - عندج دراسه وانتي ناس داخله وناس طالعه 

   ابتسمت. = بيبي ما اذيتيني ولا شي والناس جايه الج اخليهم على راسي 

   حضنتني وهي تكول // يابعد اليوجعني ياجده انتي ذهب صافي 

   دغدتها = انتي الذهب ياذهب

كلبي ينغزني هلايام يمكن بسبب الدراسه والسهر ويه فيصل وهماتين بيبي والناس الي تجي تعبت هوااي 

وما عندي مجال اروح اراجع طبيب اجت رجاء تتشافى البيبي واني رغم مو بس اكرهه لا حتى احتقرها 

بعد الكلام المسموم الي سمعته الي لكن رحبت بيها تبقى دايسه عتبة بيتي وجايه تطمن على بيبي

هي باوستني وراحت تشوف بيبي وعمه امل يمها بعدها اجت هي وعمه للمطبخ 

وهي تبوس بيه وتعتذر عن كلام فرح وتصرفها وياي وتكلي

تبقيين لو مهما يصير انتي اخت فرح وهي اختج بس هي تدرين بيها ابوها مدلعها من كد ما يحبها 

وماخذه الدنيا هالشكل لا تزعليين منها عمه وامسحيها بوجهي 

  = لا ما ازعل على كلامج تبقى فرح اختي 

— — انتي طيبه وحبابه حتى بهاء يگول شكد ما غلطت بحقها بس هي ما زعلانه مني 

     =. اي احد يجي البيبي هلا بي ما دامها موجوده ابيتي هي والجايها على راسي 

رجاء. بت اصول ومتربيه

ما اعرف لويش ما ارتاحييت الكلامها رغم هي تجي وتساعد بالمطبخ بس الي انتبهت اله 

ما شالت فيصل ولا حتى باسته يعني مثل ما يوت فرح بقت رجاء تلث تيام وراحت اجه عليها بهاء 

ما دخل خابرها وهي طلعت بعدها اني وعمه امل وابو كرار اخذنا بيبي للدكتور الي كال

- -الحمد لله حجيه انتي صرتي كلش زينه واستقرت امورج وهذا العلاج الي كتبته الج تبقيين تاخذينه 

من هذا حبايه الصبح وهذا الباكيت تاخذين حبايه بالليل 

بيبي // الله يطيك العافيه ما قصرت 

— مو بس اني اولادج وحفيدتج 

- - اي ما قصرو بس هاي (اتاشر عليه ) كلش تعبت وياي منا ابنها ومنا دوامها ومنا الخطار الي انكلب 

عليها ناس رايحه وناس جايه 

الطبيب // مو اهلنه قبل يگولون الحضن الي يربي هاي انتي حضنج نظيف وربى ابوها وهي جازتج 

  بيبي تباوعلي // لا دكتور هاي نطفة رحمن الله يحفظها

بست بيبي وطلعناها وره يومين بيبي كالت اريد ارجع البيتي واني ما قبلت حاجيتها

= بيبي ابقي يمي اني اداريج هناك شنو باقيه 

- - كافي ياحبوبه هاي صار. اكثر من شهر وانتي محتاره بيه 

  = بيبي لتحجيين هالشكل وابقي ايهنا اصلا اني اتعودت. عليج 

   — اي اجي وابقى من تردين انتي وعاصف مثل گبل

ما جاوبت هي كالت// عاصف بي شي مو صري صاير ويا شي واذا ما نتحزبله خاف 

امل // خاف شني يمه

  - - خاف حتى هذا ابنه هم يشمره 

جاوبتها = بيبي اني عايشه الخاطر ابني واخويه ومنتظره هشام يطلع واني الحمد لله ما عوزني شي 

وياريت من يجي ابنج اتقنعينه يطلكني بالحسنى وهو يبقى ابو ابني وصاحب فضل عليه 

امل كرصتني من جتفي // اسكتي هسه مو وكت هذا الحجي

انذكرت الطبيب من گال لا تخلوها تنقهر واعرف بيبي هواي تحب عاصف وما تنطي بي 

ثاني يوم اجه عمو جابر اخذ بيبي وعمه امل ورجعو للبستان صدك بيومها استاحشت على بيبي 

هواي فجاه الشقه فضت علينه صرت اخابرها البيبي يوميه واذكرها تاخذ العلاج واسالها شنو سوولها 

اكل وهي هم توصيني ادير بالي على ابني واخويه وتدرس وقررت بنهاية الاسبوع اروح للطبيب 

لان گلبي هالايام حييل ينغزني ودگاته ابد ما منتظمه فگلت اروح الجمعه الصبح اخذ علي وفيصل 

ومناك نتغدا بره

كان يوم خميس الساعه بالسته اندك الباب كنت بالمطبخ ومخليه فيصل بالصاله يم علي الي فتحه للباب 

سمعته وهو يحچي 

هلا عمي شلونك 

صوت عاصف يرد :: هلا حبيبي 

طلعت من المطبخ شفت عاصف جاي لكن علامات الغضب بوجهه 

  باوعلي وهو يخزرني بدون ما يحجي وياي 

طلع فلوس من جيبه كال العلي :: روح اشتري من الاسواق وجيبلي جكاير

استغربت طلبه او حسيت اكو شي مو طبيعي كتله = اوكف علي لا تروح 

هو رد :: علاوي عندي حجايه ويه اختك شغلة عشر دقايق 

طلع علي وسد الباب وعاصف اتقرب مني لزمني من شعري وهو يگلي :: ادري بساسج نكس يانكسه 

شمرني وكعت ع عالحايط وراح على فيصل اخذه وهو ايكول 

:: مثلج ما يشرفني يربييلي ولد انتي وحده ساقطه باجر اطلگج وتحلمين تشوفين ابنج بعد

اختل كل توازني وگلبي صار يدك الدنيا سوده بعيني ما اشوف بعيوني وما اكدر اتنفس 

شنو صار وليش هالشكل ما ادري 

وين اني يمكن متت اي متت حسيت نفس يم خدي وصوت يم اذني وهو يكلي  

:: اذا تسمعيني ارفعي اصبعج 

عرفته عاصف ركزت ويه نفسي يعني اني ما متت رد عليه :: وجد اذا تسمعيني ارفعي اصبعج الخاطر فيصل

تلقاىيا رفعت اصبعي ما اكدر لا احجي ولا افتح عيوني صوته باذني يهمس 

:: لاتخافيين انتي بس اتشجعي وكومي بالسلامه 

:: لا تعوفين ابنج اتشجعي وجد ام فيصل ابنج محتاجج 

:: طيبي واجيبه الج بس لا تخذلينه وترحيين مثل ما امي وابوي سوو وياي

ما اعرف شكد مر من وكت فتحت عيوني شفت طبيب وممرضه وعاصف واكف الطبيب يكلي 

— الحمد لله ع السلامه هيج تخوفتينه عليج 

صرت اتنفس الطبيب رد كلي // شو خلي اسمع صوتج احجي 

جاوبت بكلام متقطع كوه = الله يسلمك 

- - اشلون صرتي 

= الحمد لله 

- - الحمد لله ما اريدج لا اتعبين ولا تضوجين الدنيا كلها ما تسوى لحظة زعل

احس النفس مقطوع. = ار يد اط لع 

- - ان شاالله يومين تلاثه. وتطلعين بس نطمن عليج 

الدكتور صار يحجي ويه الممرضه وعلكولي مغذي وخلت بي ابر 

دخلت ام كرار وهي تبوس بيه وتكلي // الحمد لله ع السلامه هيج خوفتينه عليج

رديت بتعب وعبره = في صل 

- - عدي ابيتي وخالته بعيوني 

    = احلفي بدا. عة كرار فيص ل ي مج 

     - - وداعة كرار وروح هديه 

     = و علي و. وي نه 

- - بره الطبيب كال لا انتعبج بالزياره 

= ار يد بس اش وف ه

دخل علاوي الي باسني وهو يبجي ابتسمت واحجي ويا = ما بيه شي لا تخاف 

خليت راسه على صدري وصرت امسد بشعره واحجي بتعب 

= لا تبچي انت هسه س ند ي اني ما بقا لي شي 

ام كرار // شنو هالكلام وجدان شدي حيلج وصيري قويه كلنه سندج تعال خاله علاوي اطلع مو شفتها

ياالله روح ويه كرار البيتنا ياالله حبيبي دير بالك على فيصل

طلع علي وبقت بس ام كرار = خاله اتقربي يمي 

- - ها حبيبتي  

بجييت = ابني فيصل لا تعوفينه عليج الله اذا اني ما طلعت منا عدله ديري بالج تنطينه الاحد

حتى ابوو لا تخلينه يمه عفيه خاله 

ام كرار // شنو هالحجي هذا دا كافي كافي ابنج يمج انتي وابو چان. هسه جبته الج بس الطبيب 

منعنه انجيبه يكول على ما تشدين حيلج

= احلفي 

- - وداعتج وداعة ظليمتج الماندري بيها شنو وروح نجاة ابنج يمنه ما راح الاي مكان وعاصف بره 

وصارله اربع تيام يمج بالمستشفى صدك ما ندري شصاير بيناتكم بس ما عافج ولا دقيقه 

= حقير نذل اخذ مني ابني 

مسحت دموعي // كافي لا تبجيين وهسه اسال الطبيب اذا يقبل اروح اجيبه واجي

اجت عمتي امل دخلت وصوتها يسال // شبيها عاصف البنيه عفناها چنها ورد شصاير 

- - ظل دووم ساكت لا تحجي بس خطيتها وحوبتها راح تطلع بيك وبعافيتك وحتى ... استغفر الله 

اتقربت مني وهي تبجي // عمه يابعد روحي شجرالج 

وكانما اتقويت = ابني ابني اخذه اريد. ابني 

امل // هسه اروح اجيبه واشوف ياهو يمنعني

ام كرار // ابنها موجود يمنه بس الطبيب يكول تتوتر ومو زين عليها 

= اريد اشوفه 

امل // راح اجيبه بس كون اتصيرين زينه وتكومين على حيلج 

= بس جيبو 

امل // لا تبجيين هسه رايحه اجيبه وابن امه اليمنعني 

ام كرار // ابقي يمها انتي ام غانم اني حجيب فيصل واجي

راحت ام كرار وعمتي مره تبوسني مره تسالني //. شني شصاير ليش هيج 

مر وكت سمعت صوتها // ميل مني ما عليك بيه 

عاصف :: يمه شجابج 

بيبي // جابني رجليه يا ما عدك مروه وينها 

امل فتحت الباب // تعاي يمه هاي اهنا

وصلت بيبي // جده يبعد رويحتي شجرالج 

باستني ودمعتها نزلت على خدي // انتي زينه 

= الحمد لله 

- - شصار بيج شني انتي والعمليه

صارت تبوسني بايدي وادري بيها تبجي // وينج او وين الضيم ما شبع منج يدور عليج ادواره 

دخل عاصف ما ا عرف شلون لان مغمضه عيوني بس حسيت بي بالغرفه بيبي حاجته بعصبيه يمكن وكفت 

- - ما كفاك السويته شتريد منها ادا عدك طلابه وياها انا جبيلتك بس عوفها كافي ما شبعت 

:: يمه مو 

قاطعته // وغمه گلبي وربي غضبانيين عليك وما مسامحتك واريد حك كل دقيقه ربيتك بيها وكل دمعه نزلت من عيني 

   بيش ولك مان علينه شخذينه منك شو فلوسك وماليتك على گلبك ما اكلنه حكك مان علينه باللكمه لو بلشكم متر 

ال رجعتهن واحد غيرنه ماخذ فلوسك وشامرك شمرة الجلب بس انت الطلعت جلب وما بين بيك لا ربى ولا تعب

امل //. يمه على كيفج انتي مريضه 

  بيبي تدك بعكازتها //. عوفيني خليني احجي ويه هذا اسمعني وخلي كلامي ابالك بت ابني تجي 

يمي وتتطلك منك وتاخذ آغاتك وانت ما عليك بيها وابنها غصبا على شاربك تربي وتشوفه ومو لدالك يكبر 

وتقشمر علي وتكله عافتك اله انا وامل وانصاف جوه التراب وانت وحبايبك بكيفك احجي ولفق وما طولني

اهنا ما اريد اشوفك وهناك من تروح تلم جوالاتك وتطلع انت وذيج الما ادري منين ما منين جبتها وخوتنتها

لا اريد اشوفك ولا اعرفك جراب الحفظ ونفض

رد. ابرود. :: تامرين امر 

طلع عاصف وامل اتكللها // يمه مو هيج ما تدرين بي من يعاند 

بيبي بعصبيه //. وخلي يعاند وهذا هو يسمعني ادري بي واكف بالباب بس تطيب انا جبيلته وغصبا

علي يطلكها واجيبها عدي تدرس وتكمل وتالي تاخذ تاج راسه وتترس بيتها فروخ خاف ناسي هي ياهو

جدها ياهو عمها وحتى ابوها مو قاصر

امل // يمه وابنها 

- - شبي ابنها فنه الفات علي 

امل // شتحجيين انتي هذا عاصف ايده طايله ويكدر 

——. هههه واذا طايله ايده خلي شيريد ايسوي يسوي شني بايكه سايگه خلي يگول على مود انفصله 

امل // يمه على كيفج ويه روحج انتم واحد اعند من الثاني وانتي التعرفين عاصف 

    - - اي اعرفه ياما وياما بس يم بت ابني وكف شيريد ايسوي وما سوا يريد ياخذ ابنها فنه اليوصله 

هاي انا احچي گدامها ما بيها شي خلي تتقوى وتكوم على حيلها تفهمنه ليش هيج سوا بيها وداعتج جده

ما احشم مهيدي لو اولاده وداعتج احشم اهاليتي واخليهم يجون يسوون بي الما يتسوى انتي بس كومي 

على حيلج وشوفي جدتج شراح تسوي

ما اعرف افرح لو ابجي واني اشوف بيبي شلون مستقتله عليه اجت ام كرار وجابت فيصل بس شفته صرت 

ابجي وبيبي اتگلي // لا تبچيين گومي الروحج والوليدج 

بسته وشميته بس ما اگدر اكعد وهو من شافني صار يناغيلي وبيبي اخذته وگالتله 

- - انا اولى بيك منهم اثنينهم بس تطلع امك اخذها يمي واليصير يصير 

ام كرار // شبيها عمتي ؟

امل // اتعاركت ويه عاصف

ام كرار // لا عمه. ما يستاهل لو تشوفينه شلون من خابرني وهو يرجف ومن اجينه ولكينا مكابلها ويبجي 

بيبي // مو هو الاخذ ابنها منها 

ام كرار // ما ندري شصاير بيناتهم بس علاوي گال اجه وكلي رووح للاسواق اشتري وجيبلي جكاير

ومن اجيت دكييت الباب محد فتحلي وساءل الحارس كايله اخذ ابنه وطلع وصار علي يدك بالباب بعدين

الحارس متصل على عاصف وكايله اندك بالباب ومحد فتح راح نكسره وكاسرينه ومخابرينه وجاي عمه 

لو تشوفيين حاله والله يصعب ع الكافر

بيبي // جا وهاي المسكينه حالها ما يصعب ع الكافر 

ام كرار // هاي الله كتبلها عمر جديد تره واصله ميته للمستشفى بس انطوها نتله بكلبها ياالله انتعش 

بيبي وهي تمسح بدموعها //مثل امج. من ماتت وره رامي وعافتج تتلطمين من ايد الايد كومي الابنج 

واخوج وكل شي ينحل

الصراحه كلام بيبي هو الي خلاني متمسكه بالحياة وخلاني اصر اتشافى واوكف على حيلي وما يهمني

عاصف اخر همي المهم نفسي وابني واخوي ومستقبلي 

بقيت وره ما اجت بيبي تلث تيام بالمستشفى وطلعت ام كرار كالت ابيتنا لكن اني كلت لا اروح للشقه وبعدين

اقرر وين ممكن اسكن

عمتي انصاف وعمتي امل وبيبي يمي واجت خاله شيماء وحتى سميره مرت جابر ويوميه يجيبون فيصل يمي 

وبيبي تحجي على عمو كريم وتكله

- - عاصف شيريد الوين يوصل ما يخلي الجاهل يم امه يريد ياخذه الحبايبه جيف انها طرحت 

ام كرار اتبرد الموقف وتكول // مو زين على وجدان يبقى يمها على ما تتشافى كلش

من بعد اسبوع من خروجي من المستشفى اخذتني ام كرار وابو كرار للطبيب بعد ان خلت فيصل

يم بيبي وعماتي ومن رجعت لكيت عاصف موجود ما سلمت بيبي اشرتلي اكعد بصفها كعدت وباستني 

سالت عمو كريم // شكال الطبيب 

رد // الحمد لله الطبيب يكول امورها زينه ورجعت طبيعيه 

بيبي // خووش وهذا الشي الي نريده انتي زينه احبيبه 

=. الحمد لله

بيبي // وجدان جده عاصف جاي يحجي وياج وبحضورنه هاي انا وعماتج وعمج كريم وام كرار 

نفخ الدخان :: انا نويت اطلك ما اريد ادخل بسين وجيم ومحاكم ومحامي ابني يبقى يمي ويمته 

ما تردين اتشوفينه بس تخابرين اجيبه الج بليل بنهار وانتي زين اتعودتي على فراكه 

عرفت جملته الاخيره اله بيها قصد رديت = اني مطمنه لان هو عد بيت عمو ابو كرار وهسه 

ما دامني اموري زينه ابني حيبقى وياي 

:: تؤ هذا الشي ما يصير 

ابو كرار //. بلا شد اعصاب نتفاهم ونتوصل الحل يرضي كل الاطراف 

:: انا هذا العدي

ردت احجي بيبي لزمت ايدي // انا عدي حجايه اسمعوها لاكت لاكت ما لاكت ما جني حجيتها 

كريم // احجي عمه انتي كلامج ذهب 

- - وجدان بس تخلص امتحانات تجي تعيش يمي ابيت جدها وابنها وياها وانت ابيتك البنيته يمته 

ما تريد ابنك تجي تاخذه يبات يمك يتعشى يتغدا محد يحچي وياك وهيج ابنكم يظل ابيناتكم ذاك الوكت

من تاخذ امه رجل عود اخذ ابنك يمك

ام كرار بابتسامه // خوش كلام عمتي بمحله وعلى ما تشد حيلها وجدان فيصل يبقى يمي ما دامك 

انت عاصف هالوكت ابغداد 

= ليش ما يبقى يمي 

ام كرار // انتي مريضه ويراد احد ايداريج فيصل يمي ويوميه اجيبه اتشوفينه 

كريم // شتكول عاصف 

اتقرب على بيبي وباس راسها :: انا كل شي تكوله امي اقبل بي المهم ترضى عني 

- - ما ارضى عنك اله تكلي شبيك

رجع كعد // شوفي حجيه اكدر اخذ ابني وبالقانون ومحد يوكف بوجهي وتدرون بيه ما اخاف من اي احد 

بس مخلي ابني عد بيت ابو كرار حتى ما ازعلج وما دام انتي گلتي راح ترجع امه للبستان هذا هو شهر

واشيل البيتي وعود خلي تجي 

عمه انصاف // جا وجامعتها 

وكف :: انا هذا العدي مره تريد ابنها تجي اهناك ( صار يباوعلي ) وهي اكيد تقبل تجي لان ترتاح اكثر 

فيمان الله

فتح الباب وطلع بدون ما يسمع شنو ردنا كريم سالني // شبي هالشكل يحچي 

= ما اعرف من تشوفه اساله 

كريم ايهز بايده // لا انتي تحجيين ولا هو يحجي ومن نسالكم هو يكول اسالها وانتي تكولين ما صاير شي اسالو  

انصاف // شوفو اذا ما طلع هذا كله تدبير فريحه وحبايبها 

بيبي // شلون ؟

- - شني نسيتي شسوت

ام كرار // اي صدك اصلا هي ومرته الرحيم جايات محتامات بس كون يعاركن 

   انصاف وهي تحرك بديها // عاد شوف شدبرن شحجن وكاللى وهو ما جذب خبر 

امل // هسه احنه ليش انجذب على روحنه وعلى وجدان الزلمه يريد يطلك وبالمقابل يريد ياخذ ابنه

بس لان شاف حالتج والطبيب كايل اي ازعاج وعصبيه وقهر ممكن تنتهيين منها عاد 

امي هذا صار حجيها وانتي لازم تقبلين بي 

= واني اقبل بس عندي طلب من عمو كريم 

- - كولي يابه

= عمو هالفتره اتحمل بيها فيصل يمكم على ما اكمل امتحانات وتالي ارجع البيت جدي 

- - وهو يقبل مو سمعتي كال شهر ويشيل وانتي تجيبين ابنج وتجيين يم حبوبتج 

:: بلي يقبل لان هالايام شغله ايهنا وما اعتقد بشهر يشيل 

بيبي //. لا يشيل كمللها القصر للمسعده 

كريم // انا اساله وارجع الج خبر 

= لا عمو مو بس تساله اريدك تقنعه 

- - ان شاالله يصير خير

بقو كاعدين يمنه وفيصل بحضني بالليل اخذو بيت ابو كرار وثاني يوم خابرني عمو ابو مرار وكلي 

- - انا حجييت ويه عاصف وهو قبل بس بشرط من تردين تجيين تشوفينه تنطينه خبر وهو يجي قبلنه 

= تمام واني موافقه 

امل //. ليش عود اله تنطي خبر وهو موجود 

عمتي انصاف //. ليش على مود ايشوفها خلى هذا الشرط اووف لو ادري هالولد هذا شجراله 

امل // شجراله لعبن لعبتهن ياالله عمه كومي نامي على فراشج 

بجييت بحركه = اريد انام بحضن بيبي 

عماتي بجن وياي وهي فكتلي اديها ونمنا كلنه بالصاله بس اني ما بطلت بجي وهي تسكت بيه 

الى ان غفييت الدكتور كتبلي اجازه مرضيه شهر وحده من البنات صارت تدزلي كل شي اخذنا

واني اقرا الى ان عماتي اسبوع وراحن وبيبي بقت وياي وره اسبوعين طلعت تلفونها وكلتلي 

- - هاج خابري جابر خلي يجيني 

اتصلت وانطيته الها هو اجه حتى ياخذها ودخل واني سويتله ريوك

بيبي سولفتله وهي توصي بي مو يجيب طاري وجابر كال //. عمه تحجيين صدك كل هذا يطلع من عاصف 

بيبي //. اي وداعتك 

جابر // هذا شبي شجراله 

- - ما ادري ياعمه حارم اليتيمه من ابنها 

جابر // لا تكولين يتيمه وانا وين رحت عمي وجدان هاي ترخصلج ( اشر على رگبته ) شوفي من 

تعتازين اي شي تردينه بس كولي بس اشري وداعتج وكتها شكد عاصف انا ويا اخوان وخوتنه خوة دم 

بس لا لهنا ويوكف 

= شكرا عمو 

بيبي // الله عليك يمه مثل هاي البنيه تتزعل يحتار شيسوي بيها

جابر // عمه احنه ابختج ما نكدر نحجي محضوره بس من ترد المراديد شني عاصف شني رجاء 

باوعتلي //ها جده اروح 

= بكيفج 

- - بس تعتازيني بس تلفون. وانا اخلي عمج جابر يجيبني  

جابر گلي // اخذي رقمي عمي واي شي تردينه بس خابريني وهاج هذا رقم سميره

انطاني رقمه ورقم زوجته وطلعو وسط دعاء بيبي الي بالصحه وتوصياتها لا اضوج ولا اغث روحي 

يوميه يتردد بااذني كلام بيبي العاصف من كنت بالمستشفى

بت ابني تجي يمي وتتطلك منك وتاخذلها رجل وابنها غصبا على شاربك تجي وتشوفه ومو لدالك

يكبر وتقشمر علي وتكله عافتك اله انا وامل وانصاف جوه التراب وانت وحبايبك بكيفك احجي ولفق

هواي افكر بكلامها وسبحان الله يسويلي جرعة امل بقيت بالشقه وعلاوي وياي ويوميه اخابر اروح اشوف فيصل 

ومرات ادري بعاصف يخبث يكول عندي شغل اني ما اروح وام كرار تخابرني اتكلي اجه اعرف هالشكل يسوي 

يريد اخلق مشكله بس اني ساكته او وافقت هالشكل اسوي اريد اكسب وقت وهم حتى اكمل السنه

صرت مرات اخابره اريده يكون موجود اريد اشوف فيصل واتحجج انو اتصلت على ام كرار وما جاوبتني طبعا

بعد ما اخابرها واوصيها وداىما الكا موجود واني اكعد ويه ابني بغرفة بيبي هديه اشوفه واناغيله. ام كرار سالتني 

- - والى متى خاله 

  = اني اعرف جاي ازاحمكم وانتي ما قصرتي بس اني جاي اكسب وقت 

- - وقتيش ؟

= خاله انتي من كل وعقلج اني اعوف ابني عد عاصف واخلي وحده مثل رقيه تربي لو حتى تشوفه 

— — لعد شتسوين ؟

= الي اريد اسوي انتي اتساعديني بي 

ام كرار بزعل // لا هاي مو مقبوله منج تردين تاخذين ابنج وتنهزمين 

= بلي خاله بس لا تفهميني غلط 

- - شنو ما افهمج اذا انتي تردين تاخذينه وتنهزمين

= خاله اخذه وانهزم حتى اعرف شنو السبب عاصف هالشكل دا يسوي وياي

ام كرار //. طبعا اكيد اكو شي صاير. وشي چبير وهو ما يقبل ايگوله 

= خاله عاصف هجم عليه اول ما اجه من السفر ضربني وراد ايموتني واخذه الفيصل لو ما القدر 

اتدخل وابو يوسف كسر الباب اني ميته هسه وهذا ابني الله العليم وين وشيصير بي 

ام كرار //. اسم الله شراح تسوين 

= اني من اخذ ابني انتي اصلا معليج بس انتي غطي عليه

- - شلون يعني ؟

= يعني كل الي اريده تاخذين جاي العاصف وتبقيين تسولفين علي شغلة نص ساعه. بس وبعدها اتگليله راح اشوف وجدان واجيبلك فيصل وهنا ترجعيين وتگليله ما لگيتها بس ها خاله شغلة نص ساعه مو اقل 

وين تاخذينه 

هسه اكلج اذا عجبتج خطتي ذاك الوكت هو يقر بكل شي وانتي كل العليج تسجليلي كلامه بتلفونج واذا يسكت

معناتها هو راح يكتشف الحقيقه 

///////// ///////

الفصل الواحد والستون من هنا 

شكرا لزيارتكم عالم روايات سكيرهوم