رواية زواج حياة الفصل الخامس بقلم جمانه السعيدي
حياة....بين يوم ويوم الحجي يدز السايق يجيب امي تبقى يمي النهار كله ومن ترجع البيته اني انطيه مصرف ومسواك
طبعا هي ماتقبل تكول اني بطرك عمري ادبر نفسي بأي شي
استمر حالنا مثل ماهو اكعد الصبح ومالكه الحجي
وابقه كاعده طول النهار وحدي لو تجيني امي
لو خالتي يرجع المغرب نتعشى ونكعد شويه
مرات هو يطلع لو يجون على جماعته
ونام وخلص على هيج
صحيح حياتنا روتينيه وممله
بس من اضوج ارجع اقارنه بحياتي السابقه
واحس بلفرق واسكت
صحيح هو أكبر مني وماكو بينا اي مشاعر او رومانسيه
بس هو ابد مايضوجني لو يحاسبني
عايفني على راحتي
بس مايقبل اطلع الاي مكان اله شغله مهمه وتكون وياي امي
جمانه السعيدي
خلص شهر واجتني الدوره من عرف حيل ضاج
كان متأمل اطلع حامل
طبعا هو ماسمعني كلام ولا كال اي كلمه بس بين على ضايج
بيومها بعد العشى
الحجي...اني طالع ويه جماعه أصدقائي وماارجع اليله
تحبين اجيب امج تبات يمج
حياة...امي بهليل هسه تلكاها نامت وشبعت نوم
روح الله وياك اني مااخاف بعدين ام سعد موجوده
طلع وبقيت وحدي لان ام سعد بس نضفت المطبخ نامت
شكد ضجت ضجت علي وضجت منه
شلون يعوفني وحدي بعدين صار بس شهر واحد
صحيح هو متلهف على الاطفال بس مو من شهر واحد
ثاني يوم للمغرب يله رجع
حياة...هلو حجي الله يساعدك
الحجي...هلو بيج تعشينا شويه سمعته يحجي بلتليفون
بس ماركزت بكلامه بس بلاخير سمعته كال بعصبيه
ااي ااي افتهمنا
اجيت يمه سد التليفون
الحجي...اكلج حياة يصير هسه تراجعين علمود الحمل
حياة...من اكمل اسبوع واتنضف اروح للدكتوره
الحجي...اي عفيه خل امج تاخذج واني اخلي السايق ياخذكم ويرجعكم
حياة...تمام حجي صار
نمنا وثاني يوم اجت امي وحجيتله كلشي صار
امي...حقه رجال عمره بلخمسين وكلبه مفرفح على الاطفال
يريد يشوف جهاله ويفرح بيهم
حياة...صار بس شهر واحد
امي...هو شمعرفه بسوالف النسوان الرجال متوقع بس يكرب للمره تحبل كبل مايعرف ذني السوالف
بس تغسلين اخذج للدكتوره ونشوف شنو السبب
فعلا بس خلصت كلت الحجي والسائق جاب امي ورحنا
بعد الفحص والتحاليل
الدكتوره أكدت ماكو اي سبب يمنع الحمل
انطتني شويه منشطات وشويه فيتامينات ورجعت
من رجعت اتصل عليه الحجي يطمن
. ... هااا شكالت الدكتوره
...ماكو اي سبب يمنع الحمل انشاء الله راح تحملين بأقرب فرصه
الحجي...انشاء الله هاي خوش دكتوره تفتهم لو ترحين الغيره
حياة....لا خوش دكتوره
جمانه السعيدي
للشهر الي بعده اتاخرت عليه الدوره
دزيت ام سعد حابتلي تحليل منزل وطلع اكو حمل
من رجع الحجي كال باجر اخذج حتى اطمن
وفعلا ثاني يوم رحنا سوينا تحاليل كامله
وطلع اكو حمل
ماتتخيلون فرحت الحجي شكبرها
مامصدك نفسه
نزلنا انام جوه يكول بعد ممنوع تصعدين الدرج
ممنوع تشلين اي شي
وفرحت امي جانت اكبر لان زواجي يعتمد على هذا الحمل
تريدني اعيش واستقر ويصير عندي اطفال
الحجي وصااا الممرضه ام ايمان تجيني بلاسبوع مرتين
تجيك الضغط والسكر
وتنطيني مقويات وكل شهر أزور الدكتوره واتأكد الحمل تمام وماكو اي خطوره
بلشهر الخامس اتاكدت اني حامل بولد
الحجي نسه نفسه حاضني ويبوس بيه
اول مره اشوفه هيج متلهف عليه
خله تقويم واشر اول يوم حمل اليه ويوميه يشخط يوم
ويحسب الايام والساعات
عبالك حامل بولي عهد انكلترا
من اشوف لهفته عليه وعلى ابني افرح اكثر واكثر
واحمد ربي واشكره الف مره
الحد ماوصلت للولاده رحت للدكتوره وكالت اكثر شي بعد يومين وجيبين
واكدتلي الطفل صحته زينه وكلشي تمام
بدا الحجي يحضر للولاده بلبيت
حياة....ليش اجيب بلبيت الطفل الاول اني اكول اجيب بلمستشفى
الحجي...لا الولاده بلبيت احسن المستشفى مو نضيف
اني اجيبلج احسن كادر يجيبج هنااا لا تخافين
بعدها بيوم واحد اضايقت كلش وكمت اصرخ من اللم الولاده
اجت ام ايمان وياها وحده يصيحوله دكتورة توليد
بقيت اطلك خمس ساعات
وهنا يحاولن ويااااي اصرخ اريد امي وين امي
ام ايمان ترد عليه راح الحجي يجيبه
حياة..ليش اتاخرت عليه
ام ايمان هسه تجي
حياة ليش تعوفني ماتدري عندي ولاده
ام ايمان...الحجي يكول خاف تنهبط وهي عدها سكر
اروح اني اجيبه واجي
الحد ماوصلت حدها وطلكات كامن يجن وحده ورا الثانيه
واني ماكو على الساني غير اريد امي اريد امي ووين امي
سمعت الطفل عاط وبعد مااعرف شصار بيه مثل دخلت بغيبوبه او نمت مااعرف
جمانه السعيدي
مااعرف شكد فات وقت ساعه ساعتين مااعرف
كعدت لكيت امي يمي وتبجي
والحجي كاعد بعيد عني
حياة...ليش تبجين مابيه شي اني زينه ووين ابني
اريد اشوفه اريد اشوف ابني
اني صار شكد نايمه
بس امي ماردت عليه
حياة...ليش ماتحجين وياي وين ابني اريد اشوفه
رفعت راسه امي ومسحت وجهي
بس علامات الحزن على وجه وحسيته ضايجه حيل
حاولت اكعد بصعوبه يمه وين ابني ليش ماتردين عليه
امي.. الله يعوض عليج
حياة...شنو يعوض عليه اني سمعته يصرخ
امي...اي بعد الولاده بدقايق مات وأبو اخذه دفنه
حياة...يمه لا تخبليني شنو مات الدكتوره قبل يومين اكدتلي صحته تمام ومابي شي
حياة ...التفتت على الحجي حجي احجي ابني وين
بقه مدنك ومارد عليه ابد
حياة...ليش دفنته ليش ماخليتني اشوفه انتم ماتعرفون
عبالكم ميت بس هو عايش لان زغير بعده
ليش دفنتو منوكاللكم ادفنو
يمه حاجيني انتي شفتي ميت
امي...لا يمه ماشفته اني مو كتلج من اطلكين خابربني
وصلت لكيتج جايبه ومكمله والحجي ماخذ الطفل يطلعله شهادة وفاة
حياة... حجي اريد ابني ووين ابني ووين وديته ابني مابي شي
الحجي... الله اطا ولله اخذه شنو متعجبه انتي اول لو اخر وحده اجيب ويموت ابنه
حياة.. كمت اعيط بصوت عالي وبشكل هستيري اريد ابني
اريد ابني حسيت نفسي كمت انزف من الانفعال
كام يوكع عليه دم هووواي
امي....يمه سمي بلرحمن شبيج مامقسوم بعدج زغيره وجيبين غيره
فدوه لا تطلعين كلبي ولله سكري صاعد واحس راسي راح ينفجر
راسا الحجي طلع وطبك الباب ورا
حياة ...يمه اكلهم اريد امي يكولون لا تهبطيه راح الحجي يجيبه
امي.. اني اجاني السايق وجابني ولكيتج جايبه ومخلصه
سئلتهم على الطفل كالو بس طلع شويه ومات
ومالكيت الحجي ماخذه يدفنه
حياة.. ولله مامصدكه مات اريد ابني شلون مات
