رواية زواج حياة الفصل السادس بقلم جمانه السعيدي
حياة...بقيت ابجي ومنهاره والحجي بيومه مارجع للبيت
كنت اكول خطيه انصدم جان منتضر هذا الولد بفارغ الصبر
وبعدين خسره
بس اني شبيدي هذا ابني مثل ماهو ابنه
امي الوحيده الي كانت يمي وتصبرني
مااعرف ليش عقلي مايقبل يصدك ابني مات
صوته بعده باذني اني متأكده سمعته يصرخ
بهذا اليوم الحجي مارجع للبيت واني من قهري مااتصلت بي هو المفروض يواسيني مو اني الي اواسي
فوك وجع والم الولاده دار وجه وطلع
امي كل شويه وكالت اتصلي بزوجج
حياة...عوفي هسه يرجع وحده قابل اني مزعلته ابدال مايوكف وياي ويصبرني
ثاني يوم مااجه استغربت حيل من تصرفه
ليش هيج يسوي حتلو زعلان على ابنه ماالمفروض يطلع ومايرجع
اجت خالتي تشوفني رغم كلش حزينه وضايجه بس احس نفسي احسن من اول يوم
ثالث يوم بليل رجع
جمانه السعيدي
دخل سلم علينا وطلع كعد برا
امي...كومي احجي ويه زوجج وهوني علي
حياة....كايمه كمت من مكاني طلعت لكيته كاعد برا
...الله يساعدك حجي
...هله
...اني زعلانه عليك واني بهذا الوضع عفتني صار يومين ماكووو
...انتي ماشفتي نفسج شلون اصيحين عليه شنو هو قابل بس ابنج ترا هو ابني هم واني كنت منتضره بفارغ الصبر
حياة...المفروض تقدر وضعي توني طالعه من الولاده وتفاجئت بلخبر اكيد راح تكون ردت فعلي هيج واكثر
الحجي....ليش تعيطين عليه شنو اني اشتغل عندج
حياة...اسفه اعذرني ماكدرت اسيطر على نفسي
سكت مارد عليه صعد نام بلغرفه فوك والصبح كعدت مالكيته
للمغرب مارجع بقيت انتضره امي كاعده يمي
امي...اتصلي اطمني على زوجج خاف صار شي علي
حياة...سحبت التليفون رن اول مره مارد عليه
المره الثانيه رد
حياة...هلو حجي وينك ليش اتاخرت قلقت عليك
...اني معزوم يم جماعتي مااعرف ارجع لو لا اتعشي لا تنتظريني
سديت التليفون واني كل يوم استغرب منه اكثر واكثر
امي...عوفي براحته ضايج على ابنه خلي يطلع ويغير جو
سكتت صدري يوجعني من الحليب بقيت كاعده للساعه ١٢ ومارجع
الصبح كعدت مالكيته
جمانه السعيدي
بقا الوضع هيج عشر ايام وهو مابايت بلبيت غير اتلث مرات
امي رجعت البيته واني بدلت وبقيت انتضره
اتصلت علي كال هسه اجي اتاخر رجعت اتصلت علي مره ثانيه صار عصبي عليه
رجع متاخر حيل
حياة...الله يساعدك حجي
...هله
...ممكن اعرف ليش جاي تعاقبني ترا مو اني الي كتلت ابنك
...اهووو رجعنا الهاي السالفه انتي ماتعبين اسكتي وهذا الموضوع سدي فهمتي لو لا
...حاضر راح اسكت هسه بس اطلع الاربعين اراجع واحمل مره ثانيه ترا الصوج منك حجي انت ماقبلت اجيب بلمستشفى هناك عدهم عنايه احسن
...انتي شنو متتعبين مو صوجج صوجي اني رجعت للبيت
راسا طلع ركضت ورا بس ماقبل يسمعني شغل سيارته وطلع
كعدت واني اعيد حساباتي ليش جاي يعاقبني اني شكلت
بس حقه هو ضايج على الطفل واني جاي اضغط والله علي
جمانه السعيدي
طلعت التليفون واتصلت علي يطلع مغلق
ثاني يوم لا يرد على التليفون ولا يرجع للبيت
دخلت بمرحلة كئابه حاده تعامله وياي دمرني
ام سعد اخذت اجازه تربد تروح تشوف جهاله وبيته
مابقت بس امي بين يوم ويوم تجيني
وتتصل عليه اربع مرات بليوم
من تجيني ابقه مكابلته وابجي
لا اني من ابني ولا زوجي زين وياي تبدل حاله ببن يوم وليله
الحجي كام مايجي للبيت ابد واني مليت من الكعده وحدي
اتصل علي مايرد
اني راح اتخبل ليش جاي يسوي وياي هيج
اي خل يرجع عادي احمل مره ثانيه لا اني اول ولا اخر وحده
يصير وياها هيج
جمانه السعيدي
قررت اروح للدكتوره واسئله عن سبب موت ابني
بس بدون مايعرف الحجي واذا تنطيني اي علاج حتى احمل بسرعه بيتي راح يخرب وجاي افقد كلشي
من شرحتله كلشي صار وياي الدكتوره استغربت شلون مات
مامعقوله صحته كلش زينه
وطلبت مني اقدم دعوه على الدكتوره الي تمت الولاده على ايدها واشتكي على ام ايمان حتى يحققون وياهن ويعرفون السبب شنوووو
بس اني رفضت مااريد مشاكل اني ماناقصه
وكتله اريد منشطات اريد احمل بسرعه
انطتني شوية منشطات وفيتامينات
رجعت اتصلت على الحجي ومايرد
دزيتله رساله
حجي اذا غلطت بحقك اعذرني اليوم رحت للدكتوره
وتكول كلشي تمام تكدرين تحملين مره ثانيه
اوعدك ابدال الطفل عشره
ارجع اني منتضرتك
بس قرأ الرساله اتصل عليه وهو عصبي
...منو كالج اطلعين اني مو مانع عنج الطلعه انتي ليش ماتحترميني بعد ما كمتي تتصرفين بكيفج
مالج مكان بيتي تاخذين ملابسج وتروحين بيت اهلج وورقتج توصلج فهمتي لو لا
قريت الرساله عشر مرات هذا شبي يتحجج عليه
ليش هيج كرهني وكام مامطيقني
...حجي تحجي صدك اطلكني لان رحت للدكتوره
...هذا اخر كلام عندي راح ادز واحد ياخذ مفاتيح البيت
اللج منا للعصر تكونين طالعه من الببت ورقة طلاكج توصلج باجر
...من الصدمه احس كلبي كام يوجعني
تخربطت مااكدر اوكف على حيلي
اتصلت على امي وكتله الحكيلي الحجي راح يطلكني
جمانه السعيدي
اجت امي وحجيتله كلشي صار خطيه تخربطت من سمعت هذا الخبر
وقررت تروح تحجي ويااا وتفهم منه
راحت امي واني بقيت كاعده ومااعرف شسوي
امي بس وصلت للمكتب وشافه الحجي
امي..الله يساعدك حجي
...بنتج بعد ماتبقى على ذمتي المره الي ماتسمع كلامي مااريده
...ماسوت شي غلط واني اخذته ورجعته بايدي تريد تفرحك وجيبلك طفل شافتك زعلان ونقهرت عليك
...اني كلت اخر كلام عندي تطلع من البيت ورقة طلاكه توصله
....حجي كول يالله الشيطان دخل بينكم
عاف امي تحجي وحدها وراح
رجعت امي سكرها صاعد وتعبانه ومصدومه
حرت بامي حالته مااطمن
ليش الوكت يلطم بيه اني شسويت
لا من ابني ولا من زوجي وامي حالته تخوووف
وين اروح والمن انطي وجهي
شكرا لزيارتكم عالم روايات سكيرهوم
