رواية اخذوني دفع للدار فصليه الفصل السادس بقلم زينب الموسوي
چا عدمن أضم روحي
الـيضم حلمه بـحضن فانوس
ينباگ بشبر هندس
ولو أدري . .
بـعيوني أتـوب
چا ماصـلي للـقمصان
بس مجبور . .
السچـه التنـثلم تكسر ضهر لــ ريل
شـينفع حضن الـولايات
الـماعنده عرف بلــ آخ
وكت اليل ويـن يبـات
..............///////
سامر : فزيت ع ضوه ابيض فاقع لونه كلش فتحت عيوني ع كيف واشوف امي كاعده يمي تبجي كتلها يمه وين انه ...
علي : كاعدين على الاخبار وفجئه اتصل عليه رقم رديت انت ابو عبدالله ولد اسمه سامر لكينا ع طريق البصره مسوي حادث وهسه هوه بمستشفى ال وحالته موزينه كلش سمعت وصرخت كبل اجو ولدي
ولكم اخوكم مسوي حادث على طريق البصره وهسه حالته موزينه
سميه : يمه ابني
علي : ضلت تصرخ كتلها بسج صريخ الولد مامات بعده عايش طلعنه كلنه للمستشفى وبقى بس ساهر ومحمد بالبيت وايمن وعبدالله واحمد وعمار اجو ويانه ورحنه وصلنه للمستشفى ورحت للدكتور كبل ها دكتور بشر
الدكتور : وي منو جايين انتم
علي : الولد الي ندعم سامر
الدكتور : مادري شكلكم سوينه العلينا وهسه حاليا هوه بالعنايه ع ماتستقر حالته ياله نطلعه بس بغيبوبه وماندري يمته يكعد انتم وحضكم
علي : ضليت مصدوم بحجيه وسميه يمي تبجي وتلطم مر اليوم وطلعو بغرفه وكالو ضعه ستقر
تعدين يومين فتح عيونه اول مافتح سال امه وكال
سامر : وين انه يمه
سميه : يمه وليدي حمدالله والشكر من فتحت عينك سويت حادث وهسه يلا كعدت
سامر : حكيت وكلت يمه ماتذكر غير جنت امشي سريع واجه ضوه بعيني تقرب عليه ابوي وخواني وكالي ابوي
علي : شجنت تسوي بالبصره رد هسه
سامر : حجيت الي صار كله الابويه وضل يلوم بيه ويحجي
علي : لا يايويه قصرت من رحت مايصير هيج بويه نزلت راسك وكرامتك تتوسل بيهم واختك مابقه شي انشالله والايام تعدي وتصير زينه خليت وطلعت وجان اشوف .....
...............///
نهر : دخلت للطوارئ وجان الدكتورة تسالني
الدكتوره : منو مسوي وياج هيج كليلي اشتكي عليه ومايكدر يوصلج بعدً لاسكتين عن حقج
نهر: اسمع حجي الدكتوره وعيني على ليث يباوعلي وهوه ساكت رديت عليها لادكتوره محد مسويلي هيج انه طحت من الدرج جاي انضف والدرجات بيهن ماي وزلكت وكعت بس جانت شوي قويه قبل ثلاث ايام صار هيج وعبالي مابيه شي
الدكتوره : ماشي ماما ولو مامقتنعه بس خلي نحولج اشعه
نهر : مشيت ويخالتي وانه بديت احس بالالم
ضليت اصرخ واصرخ من الوجع التفت هذا عليه وكلي بيج شي شنو يوجعج اول مرا احس بعينه شويه رحمه تجاهي بس فجئه تغير وجهه ورجعت نضرته القاسيه الي مشينه سوينه اشعه بطلاع الروح ورجعت للدكتوره وكالت
الدكتوره : حبيبتي طلع عندج كسر بضلعج ورضوض بايدج اليمنه حاولي تنامين وماتتحركين لمده شهر ورجعيلي
نهر : انشالله حولتني على مود يضمدون الكسر وين ماجاي نطلع وشفت من بعيد شخص كلت لا مستحيل هذا مو ابوي لا شيجيبه للبصره وشيسوي هنا تقربت وكلت بصوت عالي الكل اللتفت الي بابا رحت عليه ونسيت المي وحضنته حيل وشميت ريحته وع صوته طلعو خواني وامي ضليت صافنه وفجئه
......../////
ليث : بعد ماباوعتلي بهالنضره الي مافسرت شسوت بيه دخلت للحمام شوي وسمعت نور صرخت دخلت عليها وشفت نهر تعبانه حيل ونور كالتلي شوف باوعت لكيت مكان ضلعها ازرك بداخلي حيل نقهرت كلت هسه شعليها هيه اخذناها للمستشفى ودخلت يم الدكتوره وسالتها بس حيل كبرت بعيني من ردت عليها لا انه طحت من الدرج ونضرتها الي مجان بيها خوف حتى اكول خافت مني لا حسيت بيها قويه كلش وعيونها حيل حلوه من تباوع بحده كتبتلها الدكتوره اشعه ومن طلعنه جاي نمشي جان تضل تصرخ حسيت بيها من الالم باوعتلها بكسر خاطر نوب رجعت ملامحي حديه اخذنه اشعه وطلع عدها كسر ورضوض والدكتوره كالت لازم ترتاح شهر متجيس شي حتى طيب وحنه طالعين من تضميد الكسر شافت شخص ضلت تصرخ وكالت بابا وراحت حضنته وطلعو خوانه الي عرفته نو اخوها ورا ماراجع مسوي حادث قوي واليوم يلا صحه عصبت وفجئته رحت سحبتها كل قوتي من ايدها وصعدها للسياره وكتلها
ليث : انتي منو سمحلج ترحين جاوبي
نهر : لارد
قسمه : ولك يمه عوفها ماشوف وضعها شلون تعبانه
ليث : سالتج جاوبي جاوبتني وضلت تبجي
نهر : هذول اهلي وكل حياتي ودنيتي وسندي حسيت بامان من حضنت ابويه وشفت خواني بس انت شسويت اخذتني وماراعيت حتى مرضي واذيتني
ليث : كالت هيج وسكتت ضجت بداخلي عليها وسكتت وصلتهم للبيت وكلت الامي تجهزلها غرفه فوك لان هاي موزينه وبارده ورطبه حتى جرحها يصير زين بسرعه وتنزل مرا ثانيه
قسمه : حاضر. وليدي هسه اكول النور
ليث : بدخلتنه للبيت نزلت لجين صيح ماما
ليوثي احت حضنتني وحضنت ماما وكلتلهم انه هسه وصلت شفتها تباوع لنهر
لجين : منو هايه يمه
قسمه : هاي نهر
لجين : اخت كتال اخوي مو
قسمه : لاتكولين هيج البنيه مالها ذنب
لجين : اجيت من الدوام للبيت مالكيت احد غير نور ماسالتها وين امي لان ادري بيها مرات تطلع لبيت خالتي بنفس الفرع جاي انزل وشفت امي واخوي ليث سلمت عليهم وياهم بنيه رغم الكدمات الي على وجهه بس حيل حلوه سالت امي وعرفت هاي الفصليه بس حيل كسرت خاطري كتلها هاي اخت كتال اخوي وردت عليه امي قسمه :البنيه مالها ذنب بعمله اخوها والصار قضاء قدر
لجين :ضليت ابجي وصدك نقهرت عليها حتى حسيت بتانيب الضمير كلت اخوها السبب هيه شكو المهم سلمت عليها وكتلها الحمدالله ع السلامه وردت عليه الله يسلمج بس جانت حيل تعبانه صاحلي ليث وكال
ليث : اخذيها بوحده من الغرف فوك
لجين : صار خويه
ليث : طلعت برا وبالي يمها حيل ضجت عليها وع اذيته بس موبيدي توجهت للديوان وجان تجيني رساله من .....
........../////
علي : طلعت برا وجان اشوف بنتي ونضر عيني بس شصاير بيها حيل تعبانه جان تجي تركض وصاحت بابا وحضنتني حيل ضليت ابجي وع صوتها طلعو خوانها وضلو يباوعون عليها ماشوف الا اجه شيخ ليث واخذها من ايدها كل قوته تمنيت مو رجلها جان كسرت ايده النمدت عليها شفت خوانها حيل نقهرو اخذها وراح وكتلهم لحد يجيب سيره السامر خلو يرتاح
ردت سميه
سميه : صار ابو عبدالله
علي : مشن الايام ورا عشر ايام طلع سامر من المستشفى ورجعنه لبيتنه وسوينه عزيمه ع سلامته وكلها اجت رغم هذا كله احس عندي نقص نقص جبير وهيه نهر حبيبتي بنيتي اعد يوم يوم حتى ترجع بالسلامه .
........////
نهر : شفت ابوي وركضت اله وحضنته وفجئه اجه هذا واخذني من ايدي كل قوتي احس روحي راحت من الالم صعدني بالسياره وكال
ليث : انتي منو سمحلج ترحين جاوبي
نهر : مارديت عليه وخالتي كالت
قسمه : ولك يمه عوفها ماشوف وضعها شلون تعبانه
ليث : سالتج جاوبي جاوبتني وضلت تبجي
نهر : هذول اهلي وكل حياتي ودنيتي وسندي حسيت بامان من حضنت ابويه وشفت خواني بس انت شسويت اخذتني وماراعيت حتى مرضي واذيتني كلت هالحجي وسكتت كلت ماريد اطوخ نوب احصل ضرب ثاني بس بداخلي ماكو غير شعور الكره تجاهه وصلنه للبيت وكال الامه خليلها غرفه بحده فوك ع ماترتاح نوب تنزل شويه وشفت بنيه نزلت بس حيل حلوه عيونه سود تخبل اجت صوبي وعرفته هيه اخت هذا الوحش الوراي وكالت هاي الفصليه نوب سلمت عليه وصعدتني فوك بوحده من الغرف ضليت بيها ماطلع بقيت ع هالحاله عشر ايام حسيت روحي صرت احسن وهذا الوحش مفتكه منه حتى صوته ماسمعه وجاي انزل الدرج وسمعت صوت بنات جوه وسمعتهن يباركن لهاي الي ضربتني اول مااجت حجت نور
نور : الف مبروك صدوفه تنورين بيتنه انشالله
صدف : الله يبارك بيج حبيبتي يوم الالج
نهر: نزلت وشافتني وتعمدت تكمل كلامها
صدف : يوم الالج واخيرا راح اخذ حب طفولتي وحبيبي ليوثي عمري وحياتي
نهر : انه اسمعها واهز بيدي وحجي بكلبي اكول تهي بهي عبالها ميته عليه سليمه صكه تتهنين بيه انشالله واخلص منه اف تقربت منها حتى متكول تغار وكتلها الف مبروك صدف انشالله منه المال ومنج العيال
صدف : الله يبارك بيج يالفصليه
تقربت عليه وكالت مابقى شي واجي اعلمج الخدامه شلون تصير وشلون تخدم شيوخها
نهر : ضحكت وخرت وعدت المبارك الها وطلعت للمطبخ احجي بيني وبين نفسي واكول اصلا انه مابقى شي وارجع الاهلي واخلص منكم ومن ضيمكم ومن ضلمكم الي وانه جاي حجي ومعصبه حيل طاح كلاص من ايدي ونكسر ف رحت اجيب شي المه بيه وجان ........
