رواية نصف عذراء الفصل السادس بقلم جمانه السعيدي
رجعنا للبيت واني الف حسبه ابالي الى متى راح ابقى اتهرب من الواقع وشكد راح اكدر اسيطر على كلامي وياهم
وشني نهايتي
قابل راح يتحملوني العمر كله
اكيد كل واحد منهم راح يختار طريقه بلاخير واني شنو مصيري بعدين
مرت الايام واني اسمع فهد يدور على دكتور دماغ واعصاب
حتى يعرضني علي
اكيد راح انكشف الدكتور راح يعرف اني مابيه شي
اخير شي لكه دكتور زين بغداد بس الحجز بعد شهرين
وفهد صمم يحجزلي يمه
كل يوم ادور حل المشكلتي بس مشكلتي صعبه مالها حل
خلصت ندى امتحانات وبدو يجهزون للمهر
ندى فرحانه كلش وسجى حزينه كلش
واني من يوم الي رحت للمحل مال مهند ابد بعد ماشفته ولاشافني بس اسمع جايهم ادخل للغرفه واسد الباب
جمانه السعيدي
انسان لاذمه ولا ضمير خاف يركب مصيبه براسي خل اجنبه احسن اليه
اني خطاره بهذا البيت ومو من مصلحتي اسوي مشاكل
بس هو حس نفسه مسيطر لان اني ماحجيت اي شي عن التحرش بلمحل وسكتت
تحدد يوم المهر وتوسلت بيه ام فهد اروح اشتري فستان بس رفضت ما اريد
اروح واشوف مهند مره ثانيه اريده يشيلني من تفكيره
من رجعن من السوك ندى وام فهد وعمتي جابن اليه فستان اخضر داكن مخصر يخبل عليه عبالك مفصل على كدي
وجابن فستان ماروني كلش حلو السجى لان ماقبلت تروح وياهن
نظفنا البيت وجهزنا كلشي للحفله
قبله بيوم راحت ندى تحف وجها وراحت وياها عمتي وصممت تاخذني وياها حفيت وجهي
رادت تصبغ شعري وتخصله بس اني ماقبلت
ندى معرسه وتغير بشكله قابل اني معرسه وياها
بس الحفافه غيرت هواي بشكلي من خلصت تفاجئت بشكلي وحواجبي مسويتهن يخبلن
رجعنا الكل تفاجى بشكلي ورا اللحفافه
فهد باوع عليه نضره مطوله وبعدين دنك وما حجه اي شي
صعد الغرفته
جمانه السعيدي
فهد صعدت الغرفتي تمددت واني احجي ويا نفسي
منيين طلعتيلي وليش دخلتي حياتي
بديت اتعود عليج ا
جاي ادور على اهلج بس بكلبي اكول كون ما الكاهم
خاف ياخذونج مني
خايف من تعلقي بيج عندي صدمه قديمه خاف اتعلق بيج وتعوفيني مثل ما عافتني اسيا
يارب لاتخليني اتعلق بيها ابد ما اكدر على صدمات ثانيه بحياتي
ساعدني حتى الكه اهلها واطلعها من حياتي
ثاني يوم رادت ندى اروح وياها للصالون بس اني ماقبلت ابد
اني وسجى بقينا بلبيت وندى وعمتي وام العريس راحن للصالون
بدلت وخليت مكياج خفيف بس حسيت سجى حيل ضايجه
نرجس....شبيج سجى حاستج موتمام
سجى...لا بس بطني توجعني ما اعرف شبيه
نرجس...زين روحي ارتاحي واني بمكانج
سجى...لا هسه اصير احسن
شويه واجت العروس والهلاهل ترست البيت والاغاني شتغلت
خليت شال على راسي ووكفت على صفحه
اجت بت عمهم ونسوان اقاربهم ونتسرت الغرفه نسوان
وبدا الشيخ يعقد الهم
كمل العقد ودخل مهند يلبسها الذهب
فهد دخلت مهند جوا للغرفه ودخلت ويا لان احنا كلنا اهل بيناتنا
كعد مهند يلبسها الذهب واني عيوني يدورن على نرجس
شويه وما احس اله ايد ندستني بجتفي
التفتت واشوف الضيم كله
نرجس واكفه وراي وعيونها اجن بعيوني لابسه ثوب ضارب على لون عيونها ومكياج خفيف
طالعه تكتل
نرجس....فهد تعال اريد احجي وياك
طبعا كالت ذني الكلمات وماسمعتهن ابد لان الي شفته مو شويه هاي صاروخ مو بنيه
فهد...نعم...ماسمعتج
لزمتني من ايدي وطلعنا خارج الغرفه
نرجس....سجى تخربطت وبس تتقئ ما اعرف شبيها
خاف اكول الخالتي وتنهبط تعال شوفها شبيها
فهد...امشي اشوفها
دخلنا للغرفه ولكينا سجى حالها حال وجها اصفر وبس تتقئ
فهد...شبيج
سجى...راح اموت الحكلي فهد بعد ما اكدر
نرجس...خل ناخذها للمستشفى
فهد...اي حالته ما اطمن
نرجس...بس اني وياك نروح وياها مانريد احد يعرف خاف تخرب الحفله جيب سيارتك من الباب الثاني واني البس عباتي واطلعها
طبعا همه بيتهم ركن وعدهم باب من الشارع الثاني
فهد...اي لبسيها عبايتها وطلعن من الباب الثاني واني راح اجيب سيارتي واجي
جمانه السعيدي
وفعلا لزمت العبايات بايدي خاف خاله تشوفني ووصلنا للباب ولبست عبايتي ولبستها
طلعنا واجنا فهد وصعدنا وهي تتلوا وتصرخ من الالم
وصلنا للمستشفى فحصها الدكتور كال هاي عدها مصران اعور
لازم ندخلها عمليات فورا خاف ينفجر ابطنها
اني بقيت يمها وفهد لان يداوم بلمستشفى كمل كل الاجرائات
دخلوها صالة العمليات واني وفهد بقينا ننتضر برا
لان هو معروف بلمستشفى كل شويه وجايه واحد يسئل
شكو...محتاج مساعده...خوماصار شي
اجو ثنيين اصدقائه يحجون ويا وعينهم عليه
بس راحو... طلع كلنس ونطاني وكال امسحي المكياج
نرجس...هسه احنا بيا حال
فهد...امسحي لاولله اعوف سجى وارجعج للبيت كل الي يجي يريد ياكلج بعيونه
نرجس...صار اخذت الكلنس ودخلت للصحيات مسحت المكياج
طلعت لكيته يفور يروح ويرجع بلممر منتضر الدكتور يطلع
شويه وخابر حجي سعد يسئل وينكم وين رحتو
فهد...لايابه ماكو شي بس سجى تتقيئ وجبناها اني ونرجس للمستشفى
حجي سعد....شبيها
فهد...لاتخاف يابه مابيها شي يمكن تسمم خلولها ابره فلاجين بلمغذي بس يخلص نرجع للبيت
طمنهم مابيها شي شي بسيط
حجي سعد...ليش ماكلتو من طلعتو
فهد...يابه شغله بسيطه هسه شويه وراجعين للبيت لاتخاف
حجي....سعد يله مع السلامه طمنونا على سجى
فهد...اي يابه مع السلامه
جمانه السعيدي
نرجس ..على كيفك ليش هلكد متوتر انشاء الله خير هسه تطلع مابيها شي
فهد...انشاء الله
ساعه وطلع الدكتور وطمنا عليها
طلعوها ودخلناها غرفه خاصه
كل شويه يخابرون علينا من طلعت من العمليات
خابرناهم وحجيناللهم الي صار
ربع ساعه وكلهم اجو ورانا للمستشفى بس ندى بقت بلبيت هي ومهند
وخاله ام فهد وابو فهد وعمه وليث كلهم اجو ورانا
وبعدين اجت ام مهند وابو مهند وعمامهم اثنيينهم
كال فهد يله مزين عليها الهوسه
الكل يرجع للبيت واني ابقى يمها
خالتي صممت تبقى ويه فهد واحنا كلنا رجعنا للبيت
ثاني يوم كعدت من الصبح وسويت ريوك وكعدت عمي تريك هو وعمتي واخذنا ريوك ورحنا وراهم للمستشفى
فهد حيل شكله تعبان من السهر اليل كله
وسجى تبجي تريد ماي تشرب
بس ممنوع عليها الشرب
اجا الدكتور وطمني عليها
كل شويه يجي واحد من المستشفى يطمن على سجى
لان كلهم أصدقاء فهد
وكل الي يجي يضل يباوع عليه
حسيت فهد تعصب
فهد عمتي وابوي يبقون هنا واني وامي ونرجس نرجع للبيت
نرجس فهد لزمني من ايدي ومشا بسرعه وكال
انتي بعد ممنوع تجين هنا فهمتي
نرجس ليش
فهد بدون ليش امشي
وصلنا للبيت اني بدلت وفهد دخل يسبح
وعمتي تخابر
اندك الباب رحت افتح طلع مهند
بس شفته رجعت ليورا
هو لزمني من ايدي
نرجس عوفني احنا بلبيت ماتستحي
مهند هااا يعني اذا مو بلبيت تسوين اي شي اريدها
نرجس لو تموت
مهند ولله مشتاق الهاي العيون الحلوه
نرجس عوفني الله ياخذك
راسا فهد صاح منووووو
مهند اني اجيت اطمن على سجى
فهد وليش واكف برا ادخل
شكرا لزيارتكم عالم روايات سكيرهوم
