رواية سراج السادة الفصل السادس بقلم عسق ادريس
ليسَ لَها إلّا رحمَتُك , ولَن يُخرِجني منها سِواك.
الحمدلله
الحمدلله
الحمدلله
سبحان الله
سبحان الله
سبحان الله
الله اكبر
الله اكبر
الله اكبر
استغفرالله ربي واتوب اليه
استغفرالله ربي واتوب اليه
استغفرالله ربي واتوب اليه
اللهم صل عل محمد وال محمد 🤍.
اجر الي والك 🤍.
علقو بين الفقرات وصوتو للقصه
شكرا عل تصاميمكم الجميله ومساعدتكم لنشر القصه
ل اكبر عدد من المشاهدين والمتابعين واستفاده الجميع من القصه لان اساس القصه هوا اظهار الجانب الايجابي من برنامج الواتباد ونشر الوعي والدين للجميع وعسى ان تكون هذه القصه سبب لتوبه احدهم او السبب لمعرفه الاخرين الجانب المجهول من السلام والمفقود من بصيره الجميع سواء كان كبير او صغير
ومعرفه علوم اهل البيت عليهم افضل الصلاه والسلام
وشكرا
حساباتي بنهايه البارت قناتي تلغرام دوم اكول دخلو بيها يعني قارئين القصه 6 الاف وفوقق
محد يدخل بقناه التلغرام ازعلللل!!!!
احم احم المهم اي قناتي ب النهايه نوروني
خلونه ويا الساده..... ‼️🤍
"قس"
جاحط جار الله ال..... صافنه عل الاسم الي عل قبر جار الله؟ احسه غريب شنو جار الله شلون يصيحو زين شلون يدلعو تاريخ الوفاه من السبعينات يعني الاسم قديم كمت مستغربه معقوله اكو بعد يسمون هيج اسماء.؟ زين هم حرام لان اسم الله موجود؟ كسر صفنتي صريخ قدس شلت عباتي وطلعت من السرداب اتبع صوت الصريخ مستغربه طلعت خارج السرداب اتلفتت عل مصدر الصوت شفت قدس تركض ووراها بزونه سوده تركض؛!
ركضت شايله عباتي وعيوني عل قدس
تركض بين القبور وتتلفت عل بزونه دقائق فقط
واختفت من انظاري وتوقف صوت صريخها كمزت
اركض فوك الكبور من خرعتي واصرخ ب اسمها شفت من بعيد البزونه واكفه فوك حفره تباوع لداخل القبر يبسن رجلي من الخوف والهبطه واني اشوف البزونه تلوف عل قبر ثلاث مرات!!!!!!
وكفت البزونه ورفعت راسها ب اتجاهي وركضت بين القبور اختفت من انظاري!!!
ركضت مهبوطه اصرخ ب اسم قدس اريدها تجاوبني
ليش سكتت!!!
انتبهت هذه قبر محفور ب الجديد شمرت عباتي وركضت اباوع لداخل القبر رجف جسمي ب الكامل واني اشوف بس ايد قدس طالعه وراسها وباقي جسمها
مضموم بداخل مكان وضع الجثمان
_قس:: قدسسسسس يمههه لحكيني ولج قدس
كمزت اصرخ وابجي الحفره عميقه اخاف ادخل ويطيح عليها رمل وبنفس الوقت اخاف ادخل ومااكدر اطلع شفت البنات يركضن من بعيد مستغربات شافني ابجي واصرخ اجن يركضن وصلن يمي مانتبهات على الحفره
_قادسيه:: شبيججج قسس شكوو قدس وين!!!!
_قس:: ب الكبر ب الكبرر
باوعلي مستغربات وكفت فوك الحفره الطم عل رجلي واصرخ مدن روسهن ثنينهن ونصدمن
_قسار:: قدسسس شبيهاااا قسس شبيهااا ليش ماتتحرك
_قادسيه:: بناتتت دم هذه دممممممم
انتبهت لخط من الدم يسيل من راسها روحي راحت ضليت ادك عل وجهي وابجي والبنات منهارات محد مر ماكو بشر ابد الوادم اختفت كمت اريد اركض لزمتني قادسيه تصرخ
_قادسيه:: وينننن ويننن
_قس:: اصيحح الواحد يطلعها لا تموتتتت اختييي تموتتت لو ضلت
دفعت قادسيه مني وركضت بين الكبور طلعت من حصره الكبور لشارع صاير بين الكبور ركضت متوجهه لخارج المقبره لابسه بنطرون وبدي لركبي ناسيه العبايه
ركضت عل شارع ابجي وكفت اجر النفس مسحت دموعي ورجعت اركض صارت كدامي سياره سوده توها تددخل لشارع ركضت اصرخ وأشر بيدي صرت كدام السياره موقفه سيرها وكف سايق السياره بسرعه نفتحت بيبان السياره ونزل منها رجال لابس دشداشه سوده نفتح الباب الثاني ونزلت مرأة لابسه نقاب ضاهر بس عيونها وصفحه كصتها ركضت مستغربه الي فاتحه ايدها تكومني
_:: اسم الله امي اسم الله شبيج
_قس:: فدوه خاله الله يخليج اختي راحح تموتتتتت
_:: وينهااااا شبيها!!
_قس:: طاحت ب الكبر راسها يصب دم ماتحجي ويانا ساكته خاف ماتت خاله فدوه اختيي
_:: كومي كومي دلينييي وينها فقار طفي السياره وراناا تعال يلااا
هز راسه الي اسمه فقار وصعد ب السياره يصف السياره لان جانت بنص الشارع اخذتها من ايدها متوجهه الاخواتي وابجي كل شوي اصفن اتذكر طريقي وصلنا عل مسافه من البنات شافت خواتي يبجن ويصرخن عافتني وركضت عليهنن مشيت وراها كوا امشي وكفت فوك الحفره صافنه جوا دارت علينه مستغربه
_جهاد:: شلونن طاحت!!!!
_قادسيه:: مادريييي مادريييي راسها يصب دممم خالهه
كعدت على مسافه منتجيه على الكبر وابجي نزعت نقابها وشالت عابتها تتلفتت شفت فقار اجه يركض لابس دشداشه سوده محزم
_فقار:: ها عمه
_جهاد:: فقار هاي ب الكبرر طايحه
_فقار:: هاي شلون!!!
_جهاد:: مادري فقار ادخل ب الحفره طلعها اني اشيلها ويا البنات يلا البنيه تنزف من راسها
_فقار:: شلون ادخل عمه شلون اشيلها
_جهاد:: شنو شلون تشيلها بيدك تشيلها!!
_فقار:: ادري بيدي عمه شلون الزمها حرامم
_جهاد:: فقار البنيه مغمي عليها ماعليك ذنب
جان متردد يدخل يشيلها ومصر يصيح حرام وعمته تقنعه التفت وركض طالع عل شارع صاحت بي عمته
_جهاد:: وينننننن
_فقار:: جايجج لحظه
طلع يركض عل شارع وعمته رجعت صافنه عل قدس بداخل القبر التفتت تباوع للبنات وتباوعلي
_جهاد:: اريدجن سبعات بس يشيلها نلكفها منه مفهوم!!!!
هزينه راسنه اني والبنات نبجي رجع فقار بيده بطانيتات ثنين
_فقار:: هاج عمه هاي فرشيها ب الكاع من اطلعها تنام عليها وهاي البيدي اشيلها بيها
_جهاد:: يلاااا
شمر البطانيه عل وجهه قدس ونزل جان طويل مايتعب بس خله رجل دخل للكبر دنك متقيد من ضيق الحفره والرمل ينزل عل بطانيه لزم طرف البطانيه وخلاها عل ايد قدس ولزمها بيده وسحبها اله غمض عيونه بقوه من صار جسم قدس عل بطنه لف البطانيه عل قدس وشالها وكفه لزمت عمته ايدها ركضنا اني والبنات لازماتها من جهه صدرها وضهرها سحبنها للخارج الحفره وخليناها عل بطانيه الثانيه
بجيت من لزمت جهه راسها من فوك الشال وصار الدم بيدي
بستها من خدها اشهك اني والبنات طلع فقار من الحفره
لفتها عمته وهوا شالها يركض بيها وعمته وراه اخذت عباتي من الكاع وركضت وراهم اني والبنات توجه لسيارته ركضت عمته قبله فتحت الباب وصعدت فاتحه ايدها اخذتها منها حاضنتها عل صدرها لازمه راسها ركبت قادسيه كدام يم السايق واني وسقار عل جهتين
_جهاد:: فقار بسرعه لو تعرف تطير طيرررر!!!
هز راسه وشغل السياره شخطها بقوه ومشه التفتت علينا المره مستغربه
_جهاد:: بس فهمني شلون طاحت ب الحفره وهم مو حفره هاي كبر جديد مبين رايدين يدفنون بي
_قس:: مادري والله جانت ب الحمام واني ب السرداب سمعت صوتها تصرخ طلعت لكيت البزونه تركض وراها
_جهاد:: بزونه!!!!
_قس:: اي بزونه سوده وهيه مامنتبهه عل حفره عيونها على البزونه وطاحت ب الحفره وسكتت بعد ماتحركتت
حجتها ومسحت دموعي الطاحت هزت راسها ودارت تباوع لقدس رفع فقار جهازه يتصل فاتح سبيكر اجه صوت واحد
_:: هلا سيد
_فقار:: السلام عليكم مجتبى
_مجتبى:: عليكم السلام سيد شلونك الوالد وسيد عبد الرؤف شلونه
_فقار:: الحمدلله كلهم بخير مجتبى بلا زحمه عليك انت ب المستشفى
_مجتبى:: اي سيد ليش ان شاءلله خير؟
_ققار:: خير خويه خير ب الطريق انا والعلويات
_مجتبى:: انتضرك
ودعه وسد الاتصال صفنت على قدس فاتحه حلكها ووجهها اصفر خليت ايدي عل خشمها تتنفس بس ببطىء وصلنا للمستشفى وكف فقار بباب المستشفى فتح بابه بسرعه و دخل للمستشفى نزلت اني وقادسيه نزل فقار وياه دكاتره وممرضين يدفعون ب السديه شالها فقار ب البطانيه وخلها عل سديه
دخلو للمستشفى يدفعون بيها عل سديه واني وخواتي
وراهم دخلوها للغرفه ومنعونا ندخل كعدت عل كراسي
روحي مسحونه خليت ايدي عل وجهي وبجيت
انحطت ايد عل كتفي رفعت راسي شفتها نفسها هزت راسها وكعدت يمي
_:: قوي نفسج مابيها شي ان شاءلله
_قس:: هواي نزفت
_:: اهم شي طلعت تشم الهوه
اجه الدكتور صديق فقار مدنك يسلم عل مره انتبهت كل صاحها اكثر من مره علويه؟ ولفقار سيد
مر الوقت والعلويه والسيد ويانا طلع الدكتور حجه ويا فقار وراح اجه فقار ااتجاهنا مدنك
_فقار:: مخيطين راسها
_:: جم خياط؟
_فقار:: ست اخيطات
هزت العلويه راسها وادرت علينا مبتسمه
_جهاد:: الحمدلله عل سلامتها
_قس:: الله يسلمج علويه ماعرف شلون اشكرج لو ما انتِ والسيد جان اختي راحت
_جهاد:: الشكر لله بنيتي
_قادسيه:: علويه تضل ب المستشفى لو نكدر نطلعها
_جهاد:: هسه اشوف فقار يحجي ويا الدكتور
تمشت لفقار الي جان واكف ومدنك من وصلت
يمه رفع راسه يسمع لعمته هز راسه وتوجه للدكتور مجتبى حجه وياه وانطاه ورقه ماطول ورد عليها اجت ب اتجاهنا
_جهاد:: تكدر تطلع
هزيت راسي ودخلت للغرفه شفتها مفتحه عيونها وصافنه عل سقف يمها سقار تمسح على ايدها كعدت يم راسها مبتسمه خلت عينها بعيني وابتسمت بتعب
_قس:: خوفتيني عليج
ماردت علي ورجعت صافنه عل سقف مر الوقت والكل ساكت دخلت العلويه شافتنا كاعدات
_جهاد:: يلا بنات
_قدس:: وين
_جهاد:: سوولنا خروج
كمنا اني والبنات نجهز والعلويه طلعت
_قس:: يلا قدوس اكومج
هزت راسها ب اي خليت ايدي ورا ضهرها اني وقسار وكعدناها غمضت عيونها متألمه دخلت العلويه بيدها عربانه المستشفى خلته يم رجلين قدس وبعدتني اني وقسار ولزمتها من ضهرها بقوه خلتها توكف عل رجليها وكعدتها عل كرسي
_جهاد:: كملتن؟
_قادسيه:: اي هاي هيه
دفعت العلويه العربانه وطلعت من الغرفه مشينه
وراها اني والبنات شفت فقار هوا وشخص ثاني
يحجون سوا جان اضخم من فقار واطول ملامحه تخوف يحجي وعاكد حواجبه رفع راسه ب اتجاهنا
انتبهت لون عيونه خليط من لونين منطي لون زراق فاتح وخضار وجهه انظار للعلويه
_جهاد:: ها جادح
_جادح:: هلا علويه
_جهاد:: يلا كملنا
_جادح:: يلا.. فقار مثل ماكتلك
_فقار:: ان شاءلله
طلعنا كلنا من المستشفى راح فقار لسيارته ودعنا ومشه
توجهت العلويه لسياره سوده عاليه واشرت النا فتح جادح الباب واشر النا نركب
_جادح:: ركبن خويه ثنين يركبن ورا ووحده تكعد يم اختها
دخلت قادسيه وقسار ورا واني وقدس كدامهن والعلويه كعدت يم السايق راح جادح يرجع العربانه دارت علينه العلويه مبتسمه
_جهاد:: ها قدوسه احسن
_قدس:: مشكوره
_جهاد:: تدللين امي
خلت قدس راسها عل رجلي ومدتت رجليها عل كشن غطيتها ب العبايه امسح عل مقدمه راسها ب خفه صعد جادح شعل السياره ومشه
_جهاد:: جادح عل كيفك عل طسات البنيه راسها
_جادح:: ان شاءالله
_جهاد:: صدك اطبك عل صيدله جيب هذه العلاج
هز راسه وكمل طريق والعلويه دارت تباوع من الجامه وكل شوي تتدور عل قدس تشوفها وكف جادح ونزل للصيدليه طلع من الصيدليه بيده جيس متروس علاج
نطاه للعلويه
_جادح:: هذا العلاج كتب على الادويه الاستخدامات
دارت علينه ماده جيس الادويه ضليت صافنه عل جيس باوعتلي مستغربه
_جهاد:: ها؟
_قس:: علويه شكد كلف العلاج
_جهاد:: ليش؟
_قس:: انطيج الفلوس
_جهاد:: اخذي شو
_قس:: لا علويه والله عندي فلوس ماخذه بلاش
_جهاد:: قس شوفي مستعده اشمره من الجامه هسه ومأخذ فلوسج ف صيري حبابه واخذي يلا
اخذت الجيس مستحيه منها هواي تعبت ويانا هيه والساده مديته للقادسيه تخلي يمها
_جادح:: علويه وين الدرب
_جهاد:: اي صدك قس وين بيتكم؟
صفنت صفنه محد صافنها قبل تدرون حتى نسيت بيتنا؟ صفنت بوجهه ارمش
_قس:: ب السنيه
_جهاد:: ب السنيه وين صايره
جانت دايره تعدل ربطتها وتحجي وياي
_قس:: ب الديوانيه
من حجيتها لافت هيه وجادح يباوعون لبعض صافنين
دارت علينه مستغربه
_جهاد:: يعني مو من النجف انتن؟
_قس:: لاا جايات زياره
_جهاد:: تدرين عبالي من النجف
_جادح:: شنو علويه نطلع لديوانيه
_جهاد:: اي مو ب الفرع الديوانيه وتطلع الها بعدين ترا البنيه ماتتحمل طريق طويل وطسات تحتاج راحه
_قس:: اي صح لا مانرجع للديوانيه
_جهاد:: وين ترحن لعد؟
_قس:: نشوف النا فندق لو نروح للامام ب السرداب
هزت راسها ب اي واشرت لجادح
_جهاد:: جادح لبيتنه
_قس:: لاا علويه والله مشكوره يكفي تعبانج انت والساده من مساع تركضون بينه
_جهاد:: هذه واجبنا ومابي شكر وبعدين من تردين ترحين للفندق ترا متروسات ترس الفنادق يردالج ساعه تكعدين تدوريلج فندق بي خير وغيرها ماكو بس الفنادق الغاليه يعني ياخذ عل نفر وانت واخواتج اربعه يطلعج ليله وحده ب 300 الف واكثر؟
_قس:: ها اي نروح للسرداب لعد
_جهاد:: بنيتي ماكلج لاترحين بس السرداب هوسه وصوت وحدج لليل ترا ويسدو او يكعدون ينظفون يطلعون الموجدين كلها واختج يردالها راحه وماكو صوت لان يأثر عل راسها
_قس:: مادري والله
_جهاد:: جادح اطلع لبيتنا وبعدين ترا احنا نتونس عل خطار واني الماخذتجن مو انتن العزمتن نفسجن يعني مالج حق تستحين او تحسين نفسج مكلفه
دنكت ساكته ودرت اباوع من الجامه جذبني صوت العلويه من بدت تقره
_جهاد::_كل ماشوفك ب الطيف..... لازم تهل نسمه صيف من نومتي تصحيني
_مادري ي الغالي شصار... لا هو الهود يجيب اخبار وانا الهجر ماذيني
_ي النايم بعيني حزن.... ب الصدفه يغمضلي جفن واصرخ مثل الكلبي الجرحته
_ناحن حمامات السفر.... وبناضري جمره ومطر.. ليله ب الف ليلي السهرته
_ارجع ولو ساعه ردت.. خاطر اكلك من رحت جم خاطر بخاطر كسرته
سكتت صافنه صوتها يخلي المقابل غصبنا عنه يصفن على جماليه الصوت
وعلى كميه الحزن ب الصوت
وكفت السياره كدام بيت تصميمه قديم لاكن مرتب وجبير نزلت العلويه وجادح فتح باب البيت
_قس:: قدوس يلا كومي وصلنا
فتحت عيونها بتعب كعدتها عل حيلها صفنت
_قدس:: وين اجينه
_قس:: بيت العلويه
هزت راسها ساكته اجت العلويه ب اتجاهنا
_جهاد:: يلا بنات
نزلنا قدس اني والعلويه لازماتها دخلنا للبيت ابتسمت من المنظر الصار كدامي
البيت عباره عن ورد الحيطان الاماميه كلها نبات متسلق
والورد على شبابيك حديقه مساحتها ثلاث امتار او اقل عل الجهه اليمنه مزروعه ب انواع النباتات وشجره ورد ضليت صافنه عل جمالها هاي الشجره ب الضبط اعشقها لون وردها وردي طوخ
وعل الجهه اليسرى شجره نبكه طالعه خارج البيت ونازله عل داخل البيت منظر يجنن حسيت ب الراحه
اشرت النا ندخل لداخل دخلت اني والبنات عل جهه المطبخ غمضت عيوني من لفتحتني ريحه طيبه ريحه عطر بس مو اي عطر حسيت نفسي شامته قبل بس ماتذكر وين
صارت كدامنا ابنيه لابسه ربطه ومبتسمه وجهه مريح وجميل بيضه وملامحها طفوليه تقدمت ب اتجاهنا تضحك باوعت للقدس وحجت
_:: الحمدلله عل سلامه حبيبتي ماتشوفين شر يارب
_قدس:: الله يسلمج
_جهاد:: عاتكه جهزتي الغرفه؟
_:: عاتكه:: اي عمه جهزتها
_جهاد:: يلا لعد
توجهت بينه لعلويه لداخل البيت جنت اوزع انضاري
على البيت بكامله الصاله جبيره مصبوغه ب لون ابيض والفرشه ب نص الصاله والباقي سراميك تخم جلسات فخم لون مأل للجوزي الغامض طاوله بنص الصاله واكثر شي جذبني صور اهل البيت عل حيطان وصور ايأت قرأنيه
_عاتكه:: تعالن حبيباتي كعدن اهنا ارتاحن
كعدن البنات وصعدنا اني والعلويه لطابق الثاني مامعقوله بيت هيج هادء؟ ماكو فرخ يصرخ يبجي يلطم شو احنا جهالنا حتى هلاهل يهلهلون
الطابق الثاني عباره عن مرر طويل عل الجهتين متوزعه الغرف دخلنا بوحده من الغرف بيها جربايه مفروشه لحاف اخضر ملكي ورف علي كتب قرأنيه وقصص توجهنا بيها للجربايه
_قدس:: لا ماريد عل جربايه عل ارض ارتاح اكثر
_جهاد:: براحتج
فرشت الها ب الارض دارت علي العلويه
_جهاد:: وين علاجها؟
_قس:: عد البنات جوا
_جهاد:: نزلي جيبي ووياج ماي هم
هزيت راسي وطلعت من الغرفه نازله الدرج شفت البنات كاعدات وعاتكه يمهن ست بنات بعد كاعدات يمهن استغربت منين اجن باوعلي كلهن نزلت راسي متوتره
_قس:: بلا زحمه عاتكه ماي اريد
_عاتكه:: رحمه ان شاءالله
حجتها وكامت اخذت العلاكه العلاج وبقيت واكفه منتضرتها نفتح باب وحده من الغرف وطلعت منها بنيه طويله وضخمه تشبه العلويه جهاد ووراها بنيه انعم منها جميله بشكل باوعن ب اتجاهنا مستغربات
_حميده:: ها شبيجن تتناكرن؟
_شاهيناز:: هاي ملاك عقدتني والله
_ملاك:: شمسويه انييي
_شاهيناز:: بنات اخذن بت عمجن من يمي انوب تفتر وراي عبالك بزونه وجهالها وراها
_اديان:: تريد تحسن العلاقات
_شاهيناز:: ابدد لو تركع متأسفه لن ولم اسامح
_ملاك:: ولن ولم اركع لكي
_عاتكه:: بنات صوتجن عمتي كالت ماريد صوت
اجت عاتكه شايله جكه ماي وكلاص اخذته منها وصعدت للطابق الثاني فتحت الباب شفت العلويه صافنه على قدس وقدس صافنه عل سقف باوعتلي العلويه واخذت مني الماي والعلاج قرت عل علاج الاستخدام وواحد منهن قبل النوم انطته لقدس وشربتها الماي
_جهاد:: ارتاحي
حجتها واشرتلي نطلع طفت الضوه وطلعنا
_جهاد:: تحتاج راحه
_قس:: هيه ليش ماتحجي هواي
_جهاد:: ماتكدر الصوت والكلام يأثر عل راسها تحتاج وقت
نزلنا اني والعلويه شافت البنات متجمعات
_شاهيناز:: هلا عمه
_جهاد:: هلا شاهيناز
_مهجان:: هلا عمه
_جهاد:: هلا مهوج
_حميده:: هلا عمه
_جهاد:: هلاااا بيجن كلجننن
كعدت عل قنقه وحاوطنها البنات
_جهاد:: ها شكو
_شاهيناز:: مشتاقيلج عمه
_جهاد:: تشتاقلج العافيه.. رحتن للحوزه اليوم؟
_عاتكه:: اي بس اني رحت ويا غضيمر البنات ماراحن
هزت راسها ساكته باوعت ب اتجاهنا وابتسمت
_جهاد:: تعرفتن عل قافيات؟
_مهجان:: القافيات؟
_جهاد:: اي قس وقدس وقسار وقادسيه
_اديان:: هاي شنو
_حميده:: بس والله حلوات الاسماء تحسين بيهن تناغم
_شاهيناز:: اي لحن واحد
_قادسيه:: هههه وعدنا بعد قبس
_حوراء:: شنو الموضوع ليش كلجن ب الق وال س؟
_قس:: قسار وقاسم تؤم وعدنا ثنين اخوان تؤم باسم وجاسم ف اهلنا حتى نصير مميزين خلونا كلنا جره وحده
_شاهيناز:: ماشاء الله حلوه هيج
بدينه نسولف وتغير جونا ويا البنات وسوالفهن ابد ماعقدنا ب السوالف ولاحسسنه ب الثقل انتبهت شاهيناز وملاك كل شوي يتناكرن بس ثنينهم وحده كاعده يم الثانيه وثنينهم منتجيات عل بعض سمعنه صوت الاذان سكتن البنات كلهن من صاح المؤذن _اشهد ان محمدا رسول الله_ حجن العلويات سوا
_صلى الله عليه واله الطاهرين اللهم اجعل عملي برا وموده ال محمد في قلبي مستقراً وأدر علي الرزق درا)
جنا اني والبنات صافنات عليهن بحيث الهدوء الي صار فضيع بس شفايفهن يتحركن من خلص الاذان كامن سوا باوعتلنا العلويه واشرتلنا نكوم
_جهاد:: يلا صلاه
كمنا اني والبنات مشينه وراهن دخلن للمطبخ وفتحن باب خارج المطبخ دخلنا عل مكان خارج المطبخ مثل الحديقه موجود ب النص بناء جبير بي طربمات ماي نزعت العلويه ربطتها هيا والبنات وبدن يتوضون نزعنا اني والبنات شالاتنا
_عاتكه:: تعالن بنات توضن اهنا
توضينا وطلعنا شفت شاهيناز كاعده وحدها ب الصاله
_جهاد:: ماتصلين
_شاهيناز:: معذوره
هزت العلويه راسها وتوجهت لباب محطوط فوكه صوره
مكتوب عليها اللهم صل على محمد وال محمد
وسيف منقوش بي
لافتى الا علي ولاسيف اذا ذو الفقار.
فتحت الباب وتوسعت عيوني عل جمال المكان الكتب تارسه الرفوف والشبابيك مفتوحه وعلى كل شباك ورده لون المصلايات والترب عل رفوف مثل تصميم حرم الامام كعدنا اني والبنات والعلويه كدامنا بدت تصلي واحنا وراها حسيت بشعور راحه مو طبيعي كملنا صلاه المغرب واخذن العلويات قرأين يقرن سوره الواقعه اخذت واحد من القرأين الموجوده وكعدت اني وخواتي نقره وياهن كملن القرأه وبدن ب صلاه العشاء ونفس الشي بس كملن الصلاه اخذن القرأن يقرن سوره الملك
كملنا صلاه وبدينا نسبح باوعتلي عاتكه وابتسمت
_عاتكه:: مقبوله
_قس:: منا ومنكم صالح الاعمال
طلعن البنات وبقينا اني وعاتكه والعلويه حتى قادسيه وقسار طلعن
_جهاد:: مرتاحه قس؟
_قس:: كلش مرتاحه البنات حبابات
_جهاد:: عفيه مانريد قيود.. عاتكه وين العلويات؟
_عاتكه::العلويات والساده راحو لبيت السيد محمد مسوي ثواب للوالدته
_جهاد:: الله يرحمها
_عاتكه:: امين
نفتح الباب ودخلت حميده ماده راسها
_حميده:: عمه ام سرحان اجت هيه والنسوان برا
كامت العلويه وطلعت بقينه اني وعاتكه
_قس:: عاتكه شكد عمرج؟
_عاتكه:: 23
_قس:: ماشاء الله مامبين؟
_عاتكه:: اي اني وشاهيناز وحميده نفس العمر بس مبين على شاهيناز واني وحميده لا
_قس:: يعني اجيتن بنفس السنه؟
_عاتكه:: اي نفس السنه بس بينه شهور اني ب الشهر الخامس وشاهيناز ب الثالث وحميده ب التاسع
بدينه نسولف بمواضيع عشوائيه.. دخلت العلويه وياها حزب نسوان كبار وصغار كمنا اني وعاتكه نسلم عليهن كعدن والعلويه كعدت كدامهن بدن يحجن بمواضيع عشوائيه واحد هذه الموضيع الي جرتني
_:: علويه مرت اخوي ظلمتني واني محترك كلبي منها كل يوم كل ما يأذن ادعي عليها هم ينحسب علي حرام
_جهاد:: الامام الحسين (ع) يقول اذا طلبت بمظلمه فلا تدع على صاحبك فلا تزال تدعو حتى تكون ظالماً
_:: والله علويه ماذيتني خربتني ويا اهلي وخوي
_جهاد:: تكدرين بدال الدعاء تكولين
(يا من اهلك عادا الاولى وثمود فما ابقى وقوم نوح من قبل انهم كانو هم اظلم واطغى والمؤتفكه اهوى فغشاها ما غشى ان كان فلان ابن فلان ظالما فيما ارتكبني به فاجعل عليه منك وعدا ولاتجعل له في حلمك نصيبا يا اقرب الاقربين)
وتكدرين غيرها تصلين ركعتين بمكان ماتنحجب عنه السماء وترفعين ايديج وتكولين
(اللهم ان فلان بن فلان ظلمني وليس لي احد اصول به غيرك فاستوف لي ظلامتي الساعه الساعه بالاسم الذي سألك به المضطر فكشفت ما به من ضر ومكنت له في الارض وجعلته خليفتك على خلقك فأسالك ان تصلي على محمد وال محمد وان تستوفي لي ظلامتي الساعه الساعه) الامام الحسين يقول فانك لا تلبث حتى ماترى ماتحب
وافضل دوم توكلين امرج لربج وتخلي ياخذ حقج
_::علويه هاي بنيت ابني سادس وتدرس ليل ونهار بس تنسى والله دوم تكابلني وتبجي تكلي بيبي نسيت الي حفظته ماكو دعاء سوره اخليها تقراها بلكت الله يوخر النسيان منها
_جهاد:: اذا عل نسيان تخلي ايدها عل راسها وتكول
(اللهم اني اسألك يا مذكر الخير وفاعله والامر به ان تصلي على محمد وال محمد وتذكرني ما انسانيه الشيطان الرجيم)
واذا عل الحفظ تكتب ب الزعفران سوره الحمد اوايه الكرسي والقدر ويس والواقعه وسبح والحشر وتبارك والصمد والمعوذتين بصحن نظيف وتخلي علي ماي نظيف وتخلي مثقالين علج مر وعشر مثاقيل سكر وعشره عسل وتخلي بليل جوا السماء وتغطي وتصلي اخر اليل ركعتين تقرا بكل ركعه الحمد والصمد خمسين مره بس تخلص الصلاه تشرب الماي وهذي مجربه للحفظ وان شاءالله تشوف نتيجه
_:: علويه اني راسي يأذيني اموت منه موت مافاد العلاج ابد
_جهاد:: تصلين ركعتين ب الركعه الاولى الحمد والصمد ثلاث مرات وقوله تعالى
(رب اني وهن العظم مني واشتعل الرأس شيبا ولم اكن بدعائك رب شقيا)
_:: علويه اسم الله عليج كلبي دوم يوجعني هسه احجي وياج ويبز بيه
_جهاد:: سوره هود ايه 46 وسوره يونس ايه 23
وسوره القمر ايه 45 و46 وسوره فاطر ايه 39 تقرينها عل ماي وتشربي
_:: علويه العين شنو دواها
_جهاد:: قصدج الحسد؟
_:: اي علويه عين الحسد
_جهاد:: الامام الصادق يقول لو كان شيء يسبق القدر سبقته العين تقرين الفاتحه وتكتبين بورقه
(باسم الله اعيذ فلان ابن فلانه بكلمات الله التامات من شر ما خلق وذرأ ومن كل عين ناظرة واذن سامعه ولسان ناطق ان ربي على صراط مستقيم ومن شر الشيطان وعمل الشيطان وخليه ورجله وقال يابني لاتدخلو من باب واحد وادخلو من ابواب متفرقه)
_:: علويه اني والله مادري شلون احجيها بس مشكلتي الغيبه لو كعدت بمكان ما الزم لساني
_جهاد:: على ابن الحسين (ع) يقول حق اللسان اكرامه عن الغنى وتعويده الخير وترك الفضول التي لافائده لها والبر بالناس وحسن القزل فيهم
وحق السمع سماع الغيبه وسماع ما لايحل سماعه
_:: علويه والصبر
_جهاد:: رسول الله (ص) قال اذا كان يوم القيامه جمع الله الخلائق في صعيد واحد ونادى مناد من عند الله يسمع اخرهم كما يسمع اولهم يقول اين اهل الصبر؟
فيقوم عنق من الناس فتستقبلهم زمره من الملائكه فيقولون لهم ماكان صبركم هذا الذي صبرتم فيقولون صبرنا انفسنا على طاعه الله وصبرناها عن معصيته
فينادى مناد من عند الله صدق عبادي خلو سبيلهم ليدخلو الجنه بغير حساب
جانن النساء يسألن والعلويه تجاوب باحاديث وايات وسور ضليت صافنه عليها وعلى اجوبتها عرفت الدين اكبر من الي اعرفه ختمت كلامها ب جواب احدى النساء عن الصلاه
_جهاد:: الصلاه اقسام مثلا الي يصلي واجب يصلي لان يعرف هذه واجب علي ولازم يقضي والي يصلي رياء ونفاق هذه يصلي حتى الناس تشوفه ويراوي الكدامه اني اصلي ومؤمن بس ب الواقع الي بداخله شي وهذول الي يخدعون الناس بس مايخدعون الله والي يصلي حباً لله هذه ب الضبط الله اختاره شلون؟ هذه الله حباه ف جابه اله وخلاه يصلي مو لان واجب لا يصلي لان هوا مشتاق للقاء الله هذه مو الله يشتاق اله؟ يخلي يجيله ب الصلاه لان الله هم يشتاق للعبد شوق الله اكبر من شوق العبد مثل ما احنا نتلهف الله يتلهف للقائنا هذه الي يصلي حب لله مكانته جبيره عند الله واكو
يصلي من يريد شي اذا راد شي من الله يصلي يعني صلاه طلبه
_:: ماحب هذه القسم من الناس الي يصلي من يحتاج الله بس
_جهاد:: باسكال يقول صنفان فقط من الناس يجوز ان نسميهم عقلاء الذين يعرفون الله والذين يجحدون في البحث عنه لانهم لايعرفونه
يعني الي يصلي من يحتاج الله هذه يعرف الله ومؤمن لان يعرف قدره الله وواثق بقدره ربه وانو الله ماراح يرده لهذه يتجهه لله بس يعتاز خوفج من اليعرف الله ومايروحله من يعتاز
كلامها خلاني اصفن واعيد حساباتي الف مره....
"شاهيناز"
سمعت دكه باب كمت من البنات فتحت باب المطبخ صار بوجهي جادح واكف يم باب الشارع ومدنك يدخن من شافني خله عينه بعيني ودنك يمشي باتجاهي
_شاهيناز:: ها
_جادح:: ها؟
_شاهيناز:: شتريد
_جادح:: شنو شريد شو طردين
_شاهيناز:: ها لا ماطرد بس اسأل يعني
_جادح:: الساده وين
_شاهيناز:: ماموجودين معزومين عند سيد محمد
_جادح:: العلويه وين؟
_شاهيناز:: يمها نسوان ب المصلا
_جادح:: جيد
حجاها وجر كرسي من الكراسي الموجوده ب الحديقه كعد وخله رجل عل رجل بيده الجكاره يهز برجلي صافن على الحديقه شافني بقيت واكفه بمكاني باوعلي
_جادح:: محتاجه شي؟
_شاهيناز:: لا بس السيد مايرضى واحد يدخن
_جادح:: وينه السيد
_شاهيناز:: عد سيد محمد
_جادح:: خلص يعني ماموجود اهنا من يجي اطفيها
_شاهيناز:: اي بس هم مايرضى يكول هاي اذيه للنفس
_جادح:: اعرف نادراً ادخن
_شاهيناز:: يعني شنو الغريب مثلا؟ تبقى اذيه للنفس
_جادح:: بويه هسه انت ليش مهتمه خليني مأذي نفسي سيد عبد الرؤف الثاني الله يطول بعمره
_شاهيناز:: اميننن الله يطول بعمره
ضحك ودار وجهه بقيت واكفه بمكاني اباوع اله اول مره اسويها واحتك بشخص غير محلل علي حتى الساده اولاد عمي علاقتنا صح حلوه بس من بعيد لبعيد دار علي شافني واكفه
_جادح:: اكلج انتِ ياهو مسلطج علي؟
_شاهيناز:: محد
_جادح:: لعد واكفتلي وخازرتني هيج شكو حتى الجكاره ماريدها بعد
حجاها وخلاها بيده يطفيها
_شاهيناز:: عزاااا هاي شنو
كمزت من مكاني متوجهه اله أشرر عل ايده
_جادح:: الله اكبرر الجكاره وطفيناها بعد شنو
_شاهيناز:: والله حراممم
_جادح:: حرام؟
_شاهيناز:: اييي من تطفيها ب ايدك اذيت نفسك وهاي اذيه للنفس
_جادح:: اكلج علويه
_شاهيناز:: ها
_جادح:: داخل عل جدح تعوفيني منين اتلكاها ياربي منج من عمتج
_شاهيناز:: هاااا هسه عمتي مو زينه عمههههه تعاي شوفي ابو ميرزا يحجي عليج
_جادح:: احتركت صفحتك غضمبر
حجاها وكام مخنزر رجعت للمطبخ لازمه الباب بيدي وصل لباب الشارع دار علي خازرني وطلع من البيت سديت الباب ودرت ادخل.. ندك الباب التفتت فتحته صار بوجهي جادح كمزت من مكاني
_جادح:: صالج ساعه واكفتلي هنا جنج فرعون زغنبتيني تزغنب وهسه من طلعت دخلتي
حجاها وسد الباب هزيت ايدي ماعاجبني
_شاهيناز:: شبي هذه
دخلت للمصلا يم البنات...
"قدس"
ماكدر اوصف كميه الرعب الي عشتها بهذه اليوم كل ماتذكر البزونه وركضتها وراي اختنك واخاف درت اعدل نومتي نمت عل يسرتي غمضت عيوني مكمله نومتي سمعت صوت فتحت الباب فتحت عيوني ببطء متوقعه وحده من البنات بس مالكيت احد بس الباب مفتوح والضوه الخارج الغرفه خفيف رجعت غمضت عيوني سمعت صوت خطوات قريبه مني
فتحت عيوني اباوع عل جهه الباب شفت مره لابسه عبايه مرت من يم الباب فتحت عيوني ب الكامل استوعب رجعت مره ثانيه واكفه كدام الباب
شكلها ماواضح بس هيئتها طويله لابسه عبايه
توقعتها وحده من العلويات لزمت راسي اعدل كعدتي
ابتعدت من الباب ورجعت خطواتها للخلف
استغربت حراكاتها وكفت كدام الغرفه عل مسافه فتحت عيوني مركزه وياها تقدمت للباب الغرفه بس بدت تطول!!
كل ماتتقدم تتطول ب الزايد وصلت لباب الغرفه على كد ماالباب طويل بس كانت اطول!!!!
دنكت راسها ودخلت للغرفه جانت عيوني مركزه على وجهه مايبين مامبيين منهااا شي!!!!
توجهت لزاويه البصف الباب ودارت وجهه عل الحايط حجيت خايفه من حركاتها
قدس:: علويه شبيج خوفتيني والله
ماتحركت من مكانها بده الخوف يسيطر علي وعيوني يدمعن
_قدس:: علويه الله يخليج والله راح ابجي
حجيتها ومسحت دمعتي الطاحت بقيت انظاري عليها ماتحركت ضلت واكفه صافنه عل حايط كلشي تغير وكل جزء بجسمي توقف من هول الموقف ورعبه من
رفعت راسها لسقف وكملت نزول براسها للخلف بقيت فاتحه عيوني من عوجت راسها للخلف ب الكامل فتحت عيونها تباوعلي هاي مو العلويه!!
رجف كلبي وعيوني وكفن حتى ماكدرت ارمش بعد من فتحت عيونها مبتسمه بوجهي هسه بينت ملامحها جانت ملامحها مرعبه مو بشر هاي مو ملامح بشر هاي جن اي جن
_قدس:: منو انتتتت قسسسسس قادسيه قسار وينجن انت منو طلعي منا طلعي الله يخليج والله راح اموت من الخوف طلعي الله يخليج
بدت دموعي تسقط من عيوني بخزاره وشهكتي تطلع من صدري غمضت عيونها ورفعت راسها مرجعته للحايط سكتت وبدت تلوف براسها ببطء ب اتجاهي
رجعت فتحت عيونها وابتسمت بس هل مره مو مثل اول مره!!!
هل مره ركضت ب اتجاهي بسرعه فاتحه ايديها وحلكها
"عاتكه"
طلعت عمتي ورا النساء تودعهن بقينه اني وقس دخلن البنات يمنه نسولف.. كمزنا كلنا من سمعنا صريخ قدس طفرت قس من مكانها فتحت الباب شفت عمتي تركض قبلنا عل درج كلنا ركضنا متوجهات لغرفتي ب الطابق الثاني وعمتي قبلنا فتحنا الباب نصدمنا من شفنا قدس تتمرغل ويا نفسها ب الكاع وتصرخ ركضت عمتي تلزمها وهيه تصرخ
_قدس:: عوفينيييييي لاااااااا وخري عنيي
_جهاد:: قدسسس اهدييييي
ركضن خواتها يحاولن يسيطرن عليها مايكدرن جانت مغمضه عيونها وتصرخ دفعت عمتي من صدرها بقوه وضربت خواتها رجعت قس خاله ايدها على عينها تصرخ ركضنا اني والبنات لازماتها لزمتها شاهيناز من ضهرها تسيطر عليها وكفت تدفع بشاهيناز فتحت عيونها جانن عباره عن قطعه حمره!!!
شمرت نفسها عل اختها قادسيه خلت راسها بركبتها وعاضتها صرخت قادسيه بقوه متوجعه
الكل جان مرعوب من الموقف وقوتها جانت غريبه جانت تضرب وتهجم علينا بدون ماتحس لزمتها عمتي من راسها تبعدها عن اختها بس جانت اقوه تعض بكل قوتها بركبه اختها شفت ركبه قادسيه تنزف دم سمعت صوت الساده من جوا طلعت اركض من الغرفه صارو كدامي يردون يصعدون
_عاتكه:: سيددد الحكككك
شمر السيد عباته على ايليا وصعد منع فقار الساده يصعدون
_فقار:: بناتتتت ولدد اوكفوو
ركضت ورا السيد دخل للغرفه مستغرب ومصدوم ضل فاتج عيونه من شافها كلها فوك قدس يحاولون وياها وهيه صامده رفعت العلويه راسهااا وصرخت
_جهاد:: مضرورههه سيدددد
ركض السيد عليها خله ايده عل راسها وبده يقره ويا نفسه بس شفايفه نتحرك ركضت عمتي لرف من الرفوف جان موجود قرأن صغير خلته قريب عل وجه قدس فتحته وسدته ثلاث مرات بوجهه والسيد مستمر ب القرأه رفعت راسها وكلبت عيونها غايبه عن الوعي
طاحت عل راسها بقوه بصف اختها قادسيه الي الدم بده يخرج بقوه من ركبتها مستعده حتى تغيب عن الوعي صاح السيد بينه
_عبد الرؤف:: لبسنهننن ناخذهن للمستشفى
ركضنا اني وحميده شمرنه عليهن العبايه والشال قسار بيدها شالها وخالته عل ركبه قادسيه وقس خاله شالها على راس قدس من الخلف لان الدم بده ياخذها وعمتي صافنه نزل السيد يصيح للساده اخذت حميده ربطه من ربطاتي وانطتهن للبنات يلبسنها
دخل فقار وجادح مدنكين
_جهاد:؛ دخلو
غطت عمتي البنات ببطانيات شال فقار قدس وجادح قادسيه الي جانت بس فاتحه عيونها ونزلو بيهن راحت وياهم عمتي جهاد وقس كعدنا اني والبنات مصدومات والساده يردون يفهمون من عدنا كل ماتذكر الموقف استغرب وانصدم هيه جانت نايمه مابيها شي ليش هيج صار؟ ليش هجمت علينا بهذه الشكل!! ليش أذت اختها بهذه الشكل...؟
"قس"
وضعي ماينحسد علي كميه الخوف والرعب الي صابتني واني اشوف اختي بهذه الشكل والشراسه وهيه تحاول تقتل اختي الثانيه!!! دخلنا المستشفى ركضو الدكاتره اخذوهن من عدنا ودخلوهن للغرفه كعدت ب الكاع مصدومه حتى دموعي ماطاحن بعد اجت العلويه ب اتجاهي
_جهاد:: كومي قس اريدج
كمت وياها لزمتني من ايدي ومشتني متوجهه لساده الي جانو واكفين مستغربين جان فقار يحجي من وصلنا سكت شفت السيد الجبير ابتسم بوجهي يطمني
_السيد عبد الرؤف:: قوي نفسج بنيتي
_قس:: سيد اختي مادري شبيها ماجانت هيج والله
_عبد الرؤف:: اعرف بابا بس اريدج تحجيلي كلشي
_قس:: شحجي
_جهاد:: قس من طاحت ب الكبر رجعي احجي من البدايه للسيد
هزيت راسي وبديت احجي للسيد كل الي صار وصلت من دارت البزونه ثلاث مرات عل حفره استغربو كلهم
_عبد الرؤف:: دارت حول الكبر ثلاث مرات!
_جهاد:: ماكتيلي
_قس:: نسيت علويه من خوفي وقتها بس اي البزونه دارت عل كبر ثلاث مرات ومشت
صفنو بوجه بعض اخذتني العلويه وكعدتني عل كراسي وكعدت يمي طلع الدكتور توجهو الساده اله واني والعلويه ركضنا بداخل الغرفه شفتهن ثنينهن مفتحات عيونهن بس قادسيه جانت صافنه عل قدس خايفه وقدس تبجي من شافتني شهكت ركضت حضنتها ابجي وياها
_قدس؛؛ مادري والله مادري شصار بيه قس والله مو اني هاي هيه اجت تكتلني والله
_جهاد:: منو هيه؟
_قدس:: ماعرف والله وحده طويله تشبهج
_جهاد:: نعم الله عليج
حضنتها اهدء بيها والعلويه مشت لقادسيه
_جهاد:: قادسيه شلونج؟
_قادسيه:: زينه
_جهاد:: متوجعه؟
_قادسيه:: شوي
طلعت العلويه من الغرفه واني بقيت يم البنات رجعت العلويه دخلت واشرت النا نطلع اخذت قادسيه تعينها واني قدس طلعنا من الغرفه الساده منتضرينا برا من شافنا السيد اجه علينه
_عبد الرؤف:: الحمدلله على السلامه
_قادسيه:: الله يسلمك سيد
_عبد الرؤف:: يلا بنياتي
طلعنا من المستشفى لسياره جادح ركب السيد كدام والعلويه وفقار وراهم واني والبنات وراهم مشت السياره بينه راجعين للبيت جنت صافنه عل خواتي وبالي كله يم قدس تباوع من الجامه وشفايفها يرجفن من بين الاحاديث الي صارت بين الساده دار السيد على جادح
_عبد الرؤف:: اخوانكم رجعو؟
_جادح:: اي سيد بكربلاء هسه اعتقد باجر يجون لنجف
_عبد الرؤف:: بعده غضمبر ماموافق؟
_جادح:: للاا البارحه السيد رجع حجه ويا
_عبد الرؤف:: اي وشكال؟
_جادح:: والله سيد نفسه نفسه غضمبر ميبس راسه
هز السيد راسه وسكت...
"عاتكه"
سمعنا صوتهم وكفنا اني والبنات منتضرين دخلتهم دخلت عمتي لازمه قادسيه وخلفها قس لازمه قدس وسيدنا وراهم ركضت قسار عليهن تبجي وتحضن بيهن باوعتلنا قدس جنا متكترات عل صفحه
_قدس:: اسفه بنات
ضحكت شاهيناز تلطف الجو ومشت الها لازمتها من ايدها
_شاهيناز:: شسالفه حبيبه عليمن تتأسفين
_عاتكه:: الحمدلله عل سلامتج اوللا ثانيه ماكو داعي للاعتذار
_حميده:: اهم شي انتن بخير
تجمعنا اني والبنات عليهن ابتسمت عمتي وقس
_جهاد:: مابيهن شي جنهن العافيه
_علويه زهراء::ولج يمه خليهن يرتاحن تعبتهن من الوكفه دخلنهن لغرفتي خاف مابيهن يصعدن
_جهاد:: اي احسن من صعده الدرج
توجهن لغرفه العلويه والسيد وقسار وقس وياهن كعد السيد للمصلا والساده ورا
_العلويه زهراء:: ولجن يمه خطيه سولجن لكمه للبنيات ياكلنها
_شاهيناز:؛ بعلي لزكتني قدس براجدي خلتني صافنه
_حميده:: ماشاء الله هاي كلنا ولا كدرنا الها
_اديان:: بنات امانه خفت
_دعاء:: من كمزت عل اختها والله رجلي يبسن من الخوف
شالت العلويه فازه من الطاوله وجهتها عليهن
_العلويه زهراء:: ولجنننن سكتن لا البنات يسمعجن عيب وييلا يلاا للمطبخ
راحن البنات للمطبخ واني بقيت كاعده يم العلويه طلعت عمتي وقس من الغرفه
_قس:: علويه اريد احجي ويا السيد
_جهاد:: تعاي
فتحت عمتي باب المصلا ودخلت دخلت وراها قس طفرنا اني والعلويه واكفات يم الباب تمشت قس للسيد وكعدت بصفه ابتسم السيد
_عبد الرؤف:: ها بنيتي
_قس:: سيد ماعرف شلون اشكرك والله انت والعلويه والساده والكل تعبناكم اني وخواتي وموقف اليوم حيل اعتذرلك منه
_عبد الرؤف:: بنتي ماكو داعي للاعتذار انا والدج والساده اخوتج والعلويه اختج الجبيره دامجن دخلتن ببيت الساده لاتشيلنن هم للباقي
تشكرت من السيد وطلعت مر الوقت واني والبنات نسينى الحادثه صار اليل والكل راح ينام قس والعلويه دخلن للغرفه والسيد ب المصلا واني والبنات توجهنا للغرفتي
"قدس"
فزيت فاتحه عيوني عل سقف غمضت عيوني وكعدت لازمه راسي متوجعه شفت قسار نايمه يمي وب الكاع العلويه وقس وقادسيه نزلت من الجربايه صافنه عليهم
اجاني وجع ببطني احتاج الحمام بس استحي شلون اطلع باوعت للساعه المعلكه مامبين منها من الظلمه
فتحت باب الغرفه ووكفت محد موجود والبيت هدوء صارت كدامي الساعه ب 2:15
طلعت من الغرفه لازمه بطني وين الحمام حتى ماندله
تمشيت عل باب موجود ب الصاله فتحته صار كدامي المطبخ رجعت طلعت فتحت باب الصاله
صار بوجهي الحمام الخارجي لبست نعال رجالي ودخلت... طلعت من الحمام واكفه اغسل ب المغسله بس احس بشي غريب شعور اني مراقبه شعور شخص قريب مني نشفت ايدي ودخلت اركض للبيت سديت الباب درت اكمل طريقي صارت كدامي مرايه
طويله ب الصاله
باوعت لنفسي ب المرايه مستغربه اكو شي غريب بيه
تقدمت للمرايه مركزه ويا وجهي ب المرايه هاي اني بس اكو شي غريب وكفت كدام المرايه اباوع لنفسي سمعت صوت جاي من المطبخ باوعت لباب المطبخ ورجعت باوعت للمرايه صرخت مفزوعه من الي شفته جنت مبتسمه ب المرايه بطريقه مرعبه ومقربه راسي بس ب الواقع اني لاااا؟!!
"عاتكه"
فزيت من نومي على صريخ قدس طلعت اركض من الغرفه تذكرت الشال ورجعت للغرفه سبقني البنات لابسات شالاتهن اخذت شالي وركضت البسه واني امشي نزلت الدرج وصفنت واني اشوف قدس تضرب ب المرايه بقوه وتصرخ يحاولون يلزمها مايكدرون ركضت عل سيد الي جان مصدوم ويحاول يهدء بيه تبجي
_قدس:: سيد الله يخليك خليها تعوفنييي تريددد تكتلنييي سيددد
_قس:: منووو تكتلج محد اهناااا قدس
_قدس:: لاااا هيههه جايه تكتلني تريد تكتلني
كلنا جنا صافنين عليها وهيه تضرب بنفسها بقوه اول مره يصير كدامي هيج اول مره!!! انتبهت المرايه الي ي الصاله مكسوره لزمتها عمتي وخواتها يهددون بيها وهيه على اخر صيحه دخلوها للغرفه والعلويه زهراء دخلت ورها تقره عليها بعد مرورر وقت طويل هدئت حاضنه اختها قس الي جانت تبجي بحركه وتباوعلنا خجلانه
طلعنا كلنا من الغرفه وخليناها هيه واختها دخل السيد للمصلا والساده ويا دخلنا اني والبنات وياهم صافنات ومخترعات هز ابو ميرزا راسه مستغرب
_جادح:: سيد شنو الموضوع معقوله نسكنت من طيحه الكبر
_فقار:: اكيد جانت بداخل القبر مثل الجثه وفوكها بزونه طبيعي نضرت
_ايليا:: سيد تكدر تسيطر علي هسه دام ببدايته؟
_غضيمر:: زين هيه شلون بليله ويوم؟؟
ويا كل الاسئله السيد وعمتي ساكتين ندك باب المصلا وجهنا انظارنا كلنا عل باب دخلت قس مبتسمه بخجل وتفرك ب ايديها وكف السيد
_عبد الرؤف:: تعاي بنيتي تعاي ارتاحي
_قس:: سيد والله اعتذر
_جهاد:: قس شكد تعتذرينن ولج طالبين منج اعتذار؟؟
_قس:: لاعلويه بس الي جاي يصير ماعرف شكول والله ماعرف اول مره هيج يصير
_جادح:: خويه الاعتذار مايفيد هسه واجبج تسندين اختج لبعدين
_قس:: يعني راح تستمر بهاي تصرفاتها؟ ماكو علاج؟؟
_عبد الرؤف:: موجود علاجها القران النبي محمد (ص) يقول من لم يستشف بالقران فلا شفاه الله والقران شفاء من كل داء
_قس:: ان شاءالله سيد اني اشكركم عل حسن ضيافتكم وارجع اعتذر على الي صار اني وخواتي ان شاءلله الصبح نرجع لديرتنا واهلنا
_علويه زهراء:: ليش يمه اكو واحد سمعج احجايه
_قس:: لا علويه ابد والله ماشفت منكم بس الخير بس اهلي بعد هما المسؤلين والي لازم يتحملون هذه كله
وكف السيد عل حيله ووزع انظاره عل جميع
_عبد الرؤف:: ماتطلع اذا علاجها مو بيدها وكايمه على حيلها.....
صفنت قس عل السيد والباقين كلنا جنا متوقعين الي بداخل قدس شي سهل ممكن يطلع بليله ويوم بس محد جان متخيل شنو الايام ضامتلنا وشلون راح تبدي الدنيا تلوف ويا الساده محد جان يعرف الي بداخل وحوالين قدس راح يغير دوران الساعه ببيت السيد عبد الرؤف !!!!
شكرا لزيارتكم عالم روايات سكيرهوم
