رواية خطيئة الماضي الفصل السادس بقلم جمانه السعيدي
دبروا كلشي بينهم واني ماادري
بيوم المهر امي اجت وكالت تعاي اليوم مهرج
رونق شنو مهري تشاقين
امي هذا وجه اتشاقه ويااااا واحد خطبج من بابا والزواج راح يتم خلال أسبوع واليوم يجي يعقد عليج
رونق انتي ليش تردين بس تخلصين مني اني شسويت
امي لازم تزوجين شنو مطلقه وكاعده على كلبي راح تشوهين سمعت خواتج
رونق مااريد ازوج اني مااتحمل اي واحد يقرب عليه
فهمتي لو لا
امي شوفي هلمره اذا رجعتي عليه اني اذبحج بايدي واخلص منج ممنوع ترجعين فهمتي لو لا
رونق ليش هيج اني كمت اشك انتي امي ليش هيج تسوين بيه
امي مااريد كلام زايد هذا اخر جنص اللج
جمانه السعيدي
لليل كالو اجا العريس ويااا الشيخ
طبعا هو رايح للدائره قبل اسبوع ومتفق ويااا بابا على كلشي
ومحددين موعد عقد الشيخ
امي يله الرجال مستعجل بدلي وتعاي
لبست ثوب اسود على روحي وربطت شعري كبايه
وطلعت اريد اشوف هلمره عليمن راح يبيعوني
وشكد الثمن
دخلت واني اباوع على الكل بحقد
اباوع للعريس رجال جبير يجوز عمره ٥٥ شعره ولحيته كله شيب
التفتت على بابا وكتله هذا العريس
بابا اي ابو سامر مشتريج وراح يدللج دلال
رونق اتفقت على الصفقه كلشي تمام هلمره اتاكدت البيعه مضمونه
بابا اسكتي لا تحجين اي كلمه
بدا الشيخ يعقد النا واني افور من الداخل جنت ماراضيه على اثير وهسه ابو سامر
اي ياروحي كل بوم يدفنونج دفنه
كمل العقد وابو سأمر التفت عليه وكال مبروك
كلشي مارديت علي طلعت من المكان ورجعت للغرفه
جمانه السعيدي
شويه وطلع امي اجت وراي باجر الزواج
وهذا مهرج وماكو عقد محكمه لان يخاف زوجته تعرف
رونق بعد رخصوني اكثر واكثر خل يكون بعلمج انتي وابوي هلمره من اطلع من هذا البيت بعد ماتشوفون وجهي ابد
حتلو اكدي بلشوارع ماارجعلكم ابد
امي اي ولله تسوين فضل علوا نفتك منج للابد
ديري بالج تطلكين وترجعين هنا فهمتي
انسي عندج اهل
ماكدرت انام من القهر والحسره الصبح كعدت جمعت ملابسي وشغلاتي
للعصر اجا ابو سأمر ياخذني
طلعت بدون مااودعهم صعدت بلسياره ومشت ببنا
تقرببا نص ساعه ووصلنا
مااجرلي مشتمل المشتمل طالع من بيت
المشتمل زغير غرفه وهول ومطبخ بس مرتب
بي غرفة نوم وطباخ وكاونتر وثلاجه وفراش
اسمعه اتصل على بيته الثاني وكال اني عندي شغل اليوم مااجي
كمل المكالمه وكال اني راح اجيب عشى واجي
دخلت ملابسي وبدلت لبست تراك وشعري لفيته كبايه
رجع جايب اكل كعد يتعشى واني كابلته وماكدرت اكل ابد
ياكل بصوت ونفسه عالي
ياربي هذا بكد بابا معقوله اهلي ماشافو جبير
رجعت احجي ويه نفسي
ياأهل رونق يااا اهل تحجين عنهم
خلص اكل وراح يغسل
اني رحت للغرفه اتأكد من تليفوني
جمانه السعيدي
اجا وراي
ابو سامر باعي اني عندي شرط كلش مهم اني ماخذج
للونسه يعني مااريد اطفال
اني ولدي زلم كبار وعندي بنات المره مريضه
واني رجال اريد اشبع رغباتي وزوجت
اني مراح اقصر وياج بشي
رونق تنفست بصوت عالي حسيت الهوا ضاع عليه
ابو سامر فهمتي لو لا
رونق هزيت راسي حاول يقربلي واني ابتعدت
ابو سامر هاي شبيج
رونق ممكن تعوفني اليله لان مامتعوده عليك بعدني
ابو سامر شوف هاي عباله احنا بحفلة تعارف
بابا اني بس اليله يمج باجر مااجي كل يومين لو اتلاثه
اجيج ليله
شنو نتعارف انتي مو مطلكه بعد شنو قابل الشغله جديده عليج
رونق اي جديده عليه واني كلش خايفه
ابو سامر باعي هاي السوالف مو عليه
سحبني واني كمت كلني ارجف بس ولا همته حالتي ابد
ذبحني مثل ماتنذبح النعجه
اريده يبتعد عني ماكووو مثل الثور الهايج
ابتعد واني كمت الملم بنفسي وابجي وادعي على اهلي
الله لايوفقهم ولا يرضا عليهم
اني هيج يشمروني شمره
جمانه السعيدي
راسا خله راسه على اامخده وراح بسابع نومه
وصوت الشخير واصل السابع جار
اريد اكوم مااكدر مكسره تكسر عبالك واكعه من فوك الجبل
الدم اخذني وحالتي حاله
خوف على حزن على احساس بلضلم على ضياع
معقوله اكو وحده مثلي بهاي الدنيا كله
كوه نزلت من الجربايه امشي على كيف
عبالك مااعرف امشي قبل
دخلت سبحت وغيرت ملابسي
رجعت اريد انام مااكدر عندي وجع بطني ترجف
رجليه يوجعني
خليت فراش بلكاع وتمددت لمن طلعت الشمس يله غفيت
شويه وسمعته كعد
ابو سامر باعي اني طالع للشغل ومن افرغ امر عليج
الثلاجه بيه مسواك
وهذا مصرف اللج
وهذا رقمي إذا احتاجيتي شي اتصلي عليه
اله شي ضروري يله تتصلين مو كل شويه مدوختني
طلع واني تغطيت ورجعت نمت احس نفسي حيل تعبانه
ومابيه حيل
الساعه ١٢ اندكت الباب كعدت على صوت دكت الباب
كمت منو اجاني
رونق منوووو بدون ماافتح الباب
ام سرى اني جارتج عيوني صاحبت المشتمل افتحي الباب
جبتلكم غده
فتحت الباب مره بيضه حلوه ووجه يضحك عمرها تقريبا
٣٧ سنه
رونق تفضلي
ام سرى زاد فضلج سمعت انتي عروسه الف مبروك
رونق الله يبارك بيج حبيبتي
ام سرى هذا الغده واعذروني من التقصير
رونق حشاج من التقصير حبيبتي ليش كلفتي نفسج
ام سرى اني انسانه احب الجواربن واحب اخدم الناس
الله عليج شنو تحتاجين بس تعاي تدللين
رونق تسلمين
طلعت وفتحت الاكل برياني ودجاج شوي وطرشي ولبن وزلاطه وفواكه وخبز
الاكل يشهي واني من البارحه بدون اكل
رحت غسلت ورجعت كعدت اكل لان كلش جوعانه
كملت وضميت الاكل الزايد
وغسلت المواعين بدلت بنطرون وبدي واخذت المواعين ارجعهن
دكيت الباب طلعتلي سرى تقريبا عمره ١٤ سنه
رونق انتي اكيد سرى الحلوه
سرى اي اني سرى وانتي منو
رونق اني رونق جارتكم بلمشتمل ذني المواعين وشكرا جزيلا
سرى بلعافيه
رونق ممكن رمز الشبكه الحد مانسحب خط انترنت
سرى اي جيبي تليفوج واني اكنكلج
اخذت التليفون وكنكت عليهم
رجعت للمشتمل
للعصر اتصلت على ابو سأمر
رونق هلو ابو سامر
...هلوووو شكو
رونق لا ماكو شي حبيت اسئلك تجي اليله
...لا ء مااجي يجوز باجر لو عكبه لمن افرغ
رونق براحتك
....اقفلي الباب ونامي المنطقه هاي امان خوما تخافين
رونق لا مااخاف ابد
...هاي هي تمام اقفلي الباب ونامي ماعليج شي
رونق ارتاحيت همزين مايجي خفتا وراحه
جمانه السعيدي
سويت عشى بسيط تعشيت وبقيت على الانترنيت
تعبت وتمددت
اهلي ماذكروني ابد ولا فكرو بيه الله لايبتلي البنات باهل مثل اهلي ابد
لازم اتعود على هذا الوضع واعيش مستحيل ارجع اللهم ابد
يومين واجاني ابو سامر جايبلي مسواك وجاي
اني عندي علم بجيته حضرت العشى
كعدنا نتعشي وهو تليفون مايسكت ابد
لو اهله يتصلون بي لو اتصال من الشغل
هو يشتغل بلاستيراد والتصدير
يستورد بضاعه من الصين ويوزعه على التجار
خلصنا عشى كعد شويه وبعدين دخل الغرفه وكال تعاي وراي
شكد بيه عقده من يقربلي احسه كاعد ينهش بلحمي
اكره هاي العلاقه
بس مضطره اتحمل واصبر
مادام اكو سكف يحميني ويجيبلي مسواك
وينطيني مصرف هاي هي
ولا ذلة
شكرا لزيارتكم عالم روايات سكيرهوم
