رواية نهوة صقر الفصل السادس بقلم جمانه السعيدي
صقر...ماكدرت انام مكاني متغير والمستشفى بي حركه وصوت رغم اني كلش تعبان كعدت على الكرسي وحاولت
اغمض
لان زينه نامت بعد مااخذت المسكن
يمكن غفيت نص ساعه واني كاعد على الكرسي
سمعته تون
فتحت عيوني شفته تون
صكر...زينه يوجعج شي
زينه...رجلي توجعني وراسي
صكر...مو اخذتي مسكن
زينه...مااعرف عندي وجع بيش الساعه هسه
صكر...بلثنتين وثلث
زينه...انت ليش كاعد
صكر....سمعتج تتئلمين وكعدت
زينه...اخ الوجع حتى عيوني يوجعني
صكر...راح اجيب الممرضه تشوفج
رحت ادور على الممرضه كالو بغرفته
دكيت الباب عليه
...منو
.صكر...اني محتاج مساعدتج
طلعت كوه فاتحه عيونه وتتثاوب تفضل
صكر...المريضه بغرفه ٢٧ جاي تتالم
الممرضه...اي شسويله يعني العلاج المخصص اله اخذته
اكيد تتالم هو أبو الكسر يبقى يتألم وخاصه بليل
صكر...شلون هسه ماكو اي مسكن
الممرضه..مااكدر انطيه شي على مسوليتي
صكر...خطيه شوفيله اي شي
الممرضه....مااكدر اساعدك بيه مسوليه عليه
جمانه السعيدي
صكر....دخلت الممرضه وطبكت الباب واني رجعت على زينه من الباب واسمعه تتالم
صكر...هااا ماصرتي احسن
زينه...مااكدر كل جسمي يوجعني
صكر...المشكله الممرضه ماتقبل تنطيني مسكن تكول ممنوع
زينه....يمه راح اموت من الوجع
صكر...خل اقرالج آيات بلكت شويه تصيرين احسن
بديت اقرا سورة ياسين والتوحيد والحمد
وهي تتالم كدامي ومااكدر اسويله شي
لزمته مصخنه
رحت جبت ماي بارد وكمت اسويه كمادات
علي وجه
صكر....زينه تسمعيني خلي هاي الكماده جوه ابطج حتى تنزل الحراره
زينه...بردانه مااكدر غطيني
صكر...مايصير اغطيج انتي مصخنه
فتحت دكم قميصه ورفعت ايدها وخليت الكماده جوا ابطه
زينه...بردانه صكر بردانه غطيني
صكر...خل اجيب الممرضه
رجعت دكيت الباب هم طلعتلي مغمضه
صكر...المريضه بغرفة ٢٧ حرارته حيل ارتفعت
الممرضه...هسه اجيب المحرار واجي وراك
صكر...رجعت لكيته كله تختض غطيته كلش خفت عليه
شويه واجت الممرضه
قاست حرارته لكته صاعده
راسا راحت جابت ابره خافظ حراره وضربته
اني بقيت اسوي كمادات واخلي على اديه وجوا ابطه
نص ساعه صارت احسن
صكر...هااا صرتي احسن
زينه...الحمد لله قبل شويه حسيت عيوني راح يطكن من الحراره
صكر...هسه راحت الحراره
زينه ...تعبتك وياي
صكر... ماكو تعب
زينه...راح انام
صكر...اني يمج اذا تحتاجيتي شي
جمانه السعيدي
كعدت على الكرسي تقريبا عشر دقايق ورجعت لزمت ايدها خاف حرارته صعدت
زينه...حسيت بي لزم ايدي يتأكد من الحراره
.اشرت بايدي......مابيه شي نام
صكر...تمام بس خليت راسي غفيت لان متت من التعب
والساعه صارت بلاربعه واني بعدني كاعد
ثاني يو م كعدت الساعه بثمانيه على صوت الممرضه
طفرت من مكاني
الممرضه...اسم الله شبيك شدعوه هلكد خايف عليه
اكيد زوجتك
صكر...لا مو زوجتي
الممرضه...لعد شصير منك
صكر...بت عمي
الممرضه سلامته الف سلامه
زينه اني كنت اسمع كلامهم بس مسويه نفسي نايمه
قرب صكر عليه وكمش ايدي يتأكد من حرارة جسمي
زينه.... صباح الخير
صكر...صباح الخير شلونج اليوم
زينه...الحمد لله احس وصاخه تطلع من عيوني اريد
شي امسحهن
الممرضه...هذا العلاج بعد الريوك وهاي الابره هسه اضربه
ولا تنسى الكمادات الدافيه لعيونها
صكر...تمام ضربته الممرضه ابره واني رحت جبت مي دافي وخليت الشاش وكمت اخلي على عيونه
هي اخذته مني ومسحت عيونه
زينه...اريد وحدا ثانيه هاي صارت وصخه
صكر...اي هسه طلعت شاش ثاني وسويت كماده
جابو الريوك كمت اشربه شوربه من كملت اخذت علاجه
زينه...صكر.اريد اروح اشوف اهلي اول خل اروح الامي
اطمن عليه
صكر...صفنت ياربي شراح اكلله
زينه...صكر انت هنا
صكر...اي
زينه...ليش ماجاوب
صكر...اولا عيونج وارمه ماتشوفين ثانيا رجلج ماصار يومين من سويتي عمليه وممنوع الحركه
زينه...بس احجي وياها حتلو مااشوفه فدوه صكر
اعرف جاي اتعبك
صكر...مو قصة اتعبيني بس الحركه موزينه عليج
باجر اذا صرتي احسن اخذج تشوفيه
زينه....مااعرف ليش مامطمنه
صكر....شنو مامطمنه تقوي حتى تصيرين احسن
هسه يله نرتب شعرج
ترا اني اعرف اسوي تسريحات خنفشاريه
زينه...كون اسبح ضجت من نفسي وشعري يحكني
صكر...لا مو خوش خبر بسلا صار بيج كمل عيييع عييييع
زينه...هههه ايجوز اعديك
صكر...شو خل اشوف كمت افتح بشعرها لا لا لا
هاي كمله ثنيين للك للك هذا جيش كمل
زينه...تعرف شعري كام يحكني من الحجي
صكر...ياا حجي افتحي ايدج هاج
زينه....صدك تحجي فتحت ايدي
صكر....من كل عقله فتحت ايدها
خليت اصابعي هاج هاي وحده
زينه...وينه كلشي ماكوووووو
صكر...اضحك عليج
زينه...ولله تضحك عليه
صكر...اصلا شعرج كلش نضيف وريحته طيبه
زينه...ريحة الديتول تسطر
صكر....بسته بشعرها يخبل
زينه...الله يجبر خاطرك مثل ماجبرت خاطري
صكر... راح اجيب الممرضه تغير ضماد راسج يمكن
راسج يحكج من الضماد
رحت جبت الممرضه هاي غير ذيج الممرضه مال البارحه
الشفت الصباحي
صكر...ممكن تجين تغيرين الضماد
الممرضه...اي اجيت
اجت وفتحت الضماد زين الجرح مو جبير وصاير احسن
صكر...ممكن تخلين ضماد على كد الجرح لان شعرها يحكه
بسبب الضماد
الممرضه...اصلا ماتحتاج ضماد الجرح ناشف
صكر...شكر
جمانه السعيدي
زينه...الحمد لله عبالك جبل على راسي جان
ولله لو اكو مشط
صكر... اني بس الكه هذا الولد التمرجم راح اخلي يجيب شغلات النا من برا مشط وصابونه ركي ومعطر وخاولي
زينه...اي ولله عبالك بكلبي هذني الاشياء حيل محتاجتهن
صكر...تدللين خل افرغ جيس الادار
زينه...لا عوفه هسه تجي الممرضه وتفرغه
صكر...تتأخر وهو مليان
زينه...ولله جاي تحرجني بتصرفاتك
صكر...بس صيري زينه ماكو اي احراج
زينه...الله يحفظك ويبارك بيك
فرغت الجيس ورجعت رجعته المكانه
صكر...ماكلتي اي كليه نقبلتي لو مانجحتي من السادس
زينه....كليه تربيه قسم لغه عربيه
صكر...اي هاي الاخبار الحلوه
زينه...بس هيه بغداد تخوف منو يكول راح اكدر أكمل السنه
صكر....حتلو سنة الاخ بس يستقر الوضع كملي دراستج
زينه....انت كلك طاقه ايجابيه
صكر...وليش الطاقه السلبيه الدنيا ماتسوا
طلعت ادور على الولد المترجم
شفته بلممر الجوه راسا اشرتله اجاني
....العفو صكر نسيتك محتاج شي
صكر...اريد شويه شغلات اشتري من برا خاف اطلع ومايرجعوني بعد
المترجم...اني هسه اشوف ابو حسن راح يطلع يسوك من برا
اتروح وياا وترجع ويااا
واني اوصي الحارس بلبوابه عليك
صكر...الف رحمه على والديك
المترجم....محتاج فلوس
صكر...لا الحمد لله خير من الله عندي بس انطي خبر الزينه واجي
رجعت للغرفه
صكر....زينه راح اروح للسوك بعد تردين شي
زينه....بكيفك اي شي بس اهم شي صابونه ومعطر وخاولي
صكر...ديري بالج على نفسج
زينه...لا تتأخر عليه
صكر....صار بأسرع وقت ارجع
نزلت ولكيت هذا الولد المترجم واكف يم سياره عسكريه
جيب اشرلي اصعد
صعدت وسلمت على السايق وطلعنا للسوك
اشتريت كل الاشياء الي محتاجيهن
وشتريت تراك ودشداشه الزينه وكماشات شعر ومشط
حتى ملابس داخليه اشتريله رغم هاي السالفه
كلش محرجه بلنسبه اليه
بس الضروف تحكم
رجعنا كبل صعدت اله
بس دخلت راسا كالت صكر اجيت
صكر...شمدريج
زينه...كمت أميز عطرك واعرف خطوات رجليك
صكر....جبتلج كلشي تحتاجي
زينه....اريد تسئل الدكتور على عيوني راح يرجعن مثل قبل
صكر...اكيد يرجعن احسن من قبل
جبتلج ملابس اذا تردين تغيرين ملابسج
زينه....الف رحمه على روح اهلك صدك ضجت من القميص والبنطرون الدكتور شكه من جهة رجلي ام العمليه
ومااكدر اتحرك براحتي
صكر....جبت صابونه علمود الجرح بوجهج وحتى اغسل شعرج لان يحكج
زينه....انت وين جنت شني هاي الحنيه الشايله
صكر...اني من زمان هيج بس انتي شارده مني
يله اول خل نغسل شعرج ونمشطه وبعدين انطيج دشداشه تغيرين ملابسج
شكرا لزيارتكم عالم روايات سكيرهوم
