رواية مليكه الفصل السادس بقلم جمانه السعيدي
مليكه...سلكت البيض وفورة الحليب
طبعا اني بيت جدي كلشي مااشتغل ابد
اي شي مالزم ولا واحد يتجراء يصخرني يخافون من جدي
فمان اعرف اطبخ
بس بلنسبه للبيض السلك والحليب سهل
طلع سند من الحمام واجا للمطبخ لابس فانيله تعلاكه
بيضه وشورت الحد الركبه ابيض
والمنشفه على ركبته وشعرا مبلل نازل رغم شعرا قصير
بس حلو طالع علي
وعطر الصابون مدري الشامبووو ترس المكان
ان من شفته دنكت
خليت البيض بماعون وخليت مملحه وصبيت الحليب بكلاص وخليت خبز
اجا كعد بعدين التفت كال شكرا
مليكه...العفو
سند...تعاي اتريكي وياي
مليكه...لا انتضر نورهان نتريك سوا
سند...يعني راح يكتلج الجوع لان نورهان تكعد بلوحده
تعاي تريكي احسلج
مليكه...ماأحب البيض السلك
سند...اصلا البيض السلك كل الفوائد بي تعرفين دكاترة
التغذيه صنفو الأعلى بلبروتين حتى أعلى من اللحوم والسمج والدجاج
بالاضافه ينطي طاقه للجسم ويحسس بلشبع اطول فتره ممكنه
مليكه...مااحبه
سند... بكيفج انتي تلعبين رياضه
طبعا هذا الحديث كله هو كاعد على ميز الطعام واني واكفه يم الكاونتر
مليكه...لا
سند...بس جسمج متناسق
مليكه...هوواي اتحرك واكمز واركض ماأحب اكعد واسكت
جمانه السعيدي
سند...تجين نتسابق بلركض
مليكه...شلون يعني
سند...اني يوميه اكعد بلسته ونص واطلع اركض ساعه ونص تجين نتسابق بلركض
مليكه...ههه لا
سند...ليش لا مو تكولين اني حركه واركض
اذا سبقتني اللج هديه
واذا سبقتج يوميه تسويلي ريوك مثل هذا الريوك الحلوو
ونبدي التحدي من باجر
مليكه...حبيت الفكره وخصوصا وهو يحجي بحماس
رديت على موافقه
سند...نبدي من باجر تمام
مليكه...اي تمام
جمانه السعيدي
طلع واني مااعرف شعوري شنووو اول مره احس هيج شعور
حلووو حسيت نفسي مميزه
شويه وندكت الباب
مليكه توقعت هو نسى شي فتحت الباب لكيته ضياء
ضياء...شنو هلنشاط صباح الخير
مليكه ...صباح الخيرات
ضياء...اعرف الكل نايم هاي مسره اليوم ماقبلت تروح الحضانه وجبته تبقى يمكم امه راحت للدوام
باوعت بنيه تخبل الشعر مفلفل وعيونه كبار عبالك مكحلات لابسه نفنوف احمر يجنن عليه
باجيه واكو بقيا دموع بعينه
مليكه..فتحت ايدي وكتله تعاي
راسا حضنتني ومااستغربت مني
حبيته وحبيت عطرها وشكله الحلووو
طلع ضياء وكال مااوصيج عليه بعد
مليكه..تدلل
دخلنا جووه صبيتله حليب ماقبلت تشرب
شربت اني وهي كالت اييد عود اريد
شربت نص كوب
بعدين طكيت بيض واكلنا اني وياها
صعدنا الغرفتي وكمنا نلعب
الحد الساعه ١٢ كعدت نورهان واجت الغرفتي
نورهان ..هاي مسره عدنا اليوم يامرحبا يامرحبا نورك طغى على الكهربا
شالته نورهان وكالت من يمته كعدتي
مليكه...الساعه ٨ كعدت
نورهان ...شنو هذا النشاط
نزلنا نحضر الاكل وياا هاجر للغدا
هاجر...مليكه بعد الغدا عندي حجي وياج مهم
مليكه...اي تمام
تغدينا وسند مااجه للغدا
كملنا ونضفنا المطبخ اني ونورهان
ومسره لازمه رجليه وتصيحلي مميته عو مليكه
الساعه بلثنتين اجا ضياء ياخذ مسره
وهي لازمتني وماتقبل تروح ويااا
شفت هاجر اخذت ضياء تحجي ويااا
شويه وصاحتني شلت مسره ورحت يمهم
هاجر...اكعدي اريدج تفتحين اذانج وتفتهمين كلامي زين
مليكه...اي
هاجر...عندي اللج مقترح مناسب
بمكان ماانتي كاعده هنا وعايفه بيتكم وجدج قلق عليج
شنو رائيج انطيج خمس ملايين
وتسوين وكاله الضياء وهو يمشي بالمعامله بمكانج
وانتي هسه تاخذين الفلوس وترتاحين
لان هاي الشغله راح اطول هوواي
وخمس ملايين مو مبلغ بسيط لا انتي ولا اهلج تحلمون بي
جمانه السعيدي
مليكه...الصراحه من سمعت خمس ملايين حسيتهن
هواي يعني اني يكون عندي خمس ملايين وحدي
بعدين فكرت بكلام جدي
هاجر...هااا شو صفنتي طبعا خمس ملايين مبلغ محترم
هو هواي عليج بس اني الخاطر ابوج اريد افيدج
مليكه...خل اسئل جدي بلاول
هاجر...شنو تسئلين جدج جدج شنو علاقته بلموضوع
لو هو الي دزج طمعان بلفلوس
مليكه...لهنا وكافي جدي شايل مسوليتي من عمري يوم
الحد هسه عمري ١٩ سنه
وابد ماتعاجز من مسوليتي
وابوي جان يصرف عليكم ومعيشكم احسن مستوا
ومافكر بيه ابد
عايشين بخير ابوي صار سنيين
جدي يطلبكم كل فلس صرفه عليه
جدي ماطمعان بفلوسكم ابد
واني مااسوي اي شي اذا مااسئل جدي ويوافق
عفتهم وكمت اجت مسرا تركض وراي
عفته وصعدت فوك سديت باب الغرفه عليه
ومسره ادك بلباب وصيح مميته افتح باب
اجت نورهان اخذته
اتصلت على جدي وحجيتله كلشي
جدي...ديري بالج توافقين يردون يضحكون عليج ويأخذون فلوسج اني سئلت على املاك جدج
خير من الله وهو ماعندا بس ولد ثنيين ابوج وعمج
من غير البيت الي ساكنيبن بي
يردون يضحكون عليج
اي ورقه لا توقعين عليه بدون ماتقريه عشر مرات وتفتهمين
صوري الاوراق الي يردون توقعيهن ودزيلي الصوره
اني اشوفه للمحامي واكلج وقعي لو لا
ذوله عصابه يردون يقشمرونج
عفيه بنيتي انت بنتي السباعيه
مليكه...تمام جدي
جمانه السعيدي
بقيت بغرفتي مانزلت صعدت نورهان
نورهان...دكيت الباب هلو مليكه وينج اليوم ماكووو
مليكه...طلعت هااا
نورهان..تعاي نطلع نفتر اني وياج ونتونس ونشتري ملابس
ونتعشى برا
مليكه...بس اني وياج
نورهان...لا ناخذ ويانه حرس شعلينا بابا افهمي احنا بغداد
مو بمنطقتكم
يله حضري نفسج
مليكه...اريد من هذا الكريم الي خليتني البارحه الوجهي
اليوم وجهي يخبل
نورهان..تدللين يله بدلي خل نطلع
بدلت ونزلت طلعنا جان اصيح هاجر وين
نورهان....نشتري كم شغله ونرجع
هاجر...مو تتاخرين
مليكه...اخذتني أماكن بمعمري مااحلم اشوفه ابد
اجنن اشتريت تراك رياضي وحذاء رياضي
نورهان شسوين بيهن
مليكه...هااا علمود درس الرياضه لان عجبني هناك ماكو مثلهن ( طبعا اني اريد البسهن الصبح من اطلع اركض ويااا
سند )
وشتريت كريم الوجهي وعطر وبوند رياضي
ونورهان اشترتلي فستان يخبل قصير بس كلش حلوو
عبالك من فساتين سعاد حسني باافلامه القديمه
شكرا لزيارتكم عالم روايات سكيرهوم
