رواية اوجاع يتيمة الفصل السادس بقلم جمانه السعيدي
الساعه عشره بليل صعد حسام اجاني وجايب علاكة حلويات
اشكال بيها مامخلي شي ماجايبه وحده اليه
وحده الاخواته
وجايب عصاره اضيع الاثر من ايدي
اطمن عليه وانطانياهن ونزل
ثاني يوم ربطة ايدي ورحت للدوام
ومن رجعت عمتي صممت انضف المطبخ حتى لو بايد وحده
جمانه السعيدي
نضفت واني ايدي توجعني وبس اكول حسبي الله ونعم الوكيل عليها وعلى ضلمها
خلصت السنه على خير والحمد لله
تخرج حسام
واني والبنات نجحنا
لان هو الجبير وخلص كليه قررو يزوجونه
صحيح اني ما جنت متوقعه يخطبوني اله بس كان عندي امل ضعيف اوهم نفسي بي
..ام حسام هاي هيه يمه بعد انت موزغير الحمد لله تخرجت ولازم محل ابوك بعد نفرح بيك يمه
اريد اخطبلك والعروسه موجوده
اخطبلك نجلاء بت عمك
ابو حسين
...يمه او منو كالج اريد نجلاء
...يمه احنا ما ناخذ غريبه
شفت عمك شحصل من الغريبه هذاك هل نايم بلسجن
وشبيها نجلاء تخبل وبت عمك بت خالتك
جمانه السعيدي
...يمه رحمه الاهلج سدي الموضوع
...لا ما اسده تزوج يعني تزوج وازوجك انت وعامر بنفس اليوم اخوك ما تعدله غير المره
هسه طايش وما يعرف شيسوي
من تصير عدا مره يستقر
وباجر يصير عندا جهال ويعرف المسوليه ويبطل ذني سوالفه
المكسرات كلهن
واني افكر افتحله شغله وحدا
بس يزوج ويصير عندا شغل وحده راح يتغير
ويصير انسان ثاني
....وهاي يا تعيسة الحظ الي راح تورطينها بي
...ايناس يزوج ايناس ابدال ما مخلينها نعلف عليها وماكو
وهي يمنا اول وتالي
....يمه خطيه عليج شنو ذنب هاي المسكينه
ابنج لا مال زواج ولايتحمل مسوليه
بعدين اني عاجبتني ايناس واريدها
...شنو شنو ماسمعت زين
عاجبته ايناس ولله لوتنطبك السما على الارض هاي الشغله ماتصير
انت حسام خريج وهيبه وشاطر والناس كلها تحلف بيك اخذلك ايناس بت سهام
ولله هاي الشغله ماتصير ابد
هي عامر هواي عليه
مزين راح اخطبها العامر بعد شتريد
عاد توفي ثمن كعدتها بلبيت تاكل وتشرب وتنام بلاش
..يمه خصم الحجي اني ما ازوج شيلي هاي الفكره من بالج
عمتي ام حسام دبرت خطه حتى حسام يقبل بهاي الزواجه سوت روحها مريضه
وماتقبل تحجي ويا ابد
وبنفس الوكت تقنع بعمي ان الزواج هو الي راح يصلح حال عامر
لمن تكون عندا زوجه واطفال راح يحس بلمسوليه
ويتغير حاله
جمانه السعيدي
كدرت تقنع عمي بزواج عامر وانو اني انسب وحده الهذا الزواج لان الغريبه مستحيل تتحمله
واني اعرف طبعه وعايشه ويا
وما كو وحده مناسبه ان تكون كبش فداء غيري
جمانه السعيدي
اسبوعين ماتحجي ويه حسام ومن يجي اسوي نفسه مريضه
وسلطت ابو علي يقنعه بلموضوع
حسام حيل متعلق بابو وما يكدر يرفضله طلب
هاي الاحداث كلها اني ما ادري اشوف عمتي ماتحجي ويه حسام بس ما اعرف ليش
اضطر حسام يوافق بعد ما شنت علي حرب طاحنه وحاصرته من كل الجهات
.
اجتني عمتي بيوم ايناس يله حضري نفسج ااخذج للصالون تحفين وتعدلين شعرج
اني استغربت شعجب توديني للصالون هي من جان عمي ينطيها فلوس تشتريلي ملابس تشتريلي قطعه وحده وتاخذ باقي الفلوس الها
.اني كاعده اغسل امواعين التفتت عليها كتلها شني المناسبه عمه
...المناسبه مهرج يوم الخميس مهرج
...مهري اني شو ما ادري
...هسه دريتي يله فضيني ولاتسئلين هواي
...مهري اني ومنو
...انتي وعامر
..اني راسا طاحت الصينيه من ايدي للكاع
...شنو اني وعامر
...اي شبيج انتي وعامر
وحسام ونجلاء راح نسوي عرس واحد
....اني راسا اتخربطت حسيت انفجار صار بدماغي
ما ادري شلون حملت الصدمه
يمكن لان عمري زغير لو شويه جبيره اكيد تصير بيه جلطه
المشكله الساني يبس واحس نفسي ما اكدر احجي
سحبت كرسي المطبخ وكعدت
وهي ضلت تحجي تفاصيل واني كلشي ما اسمع بس اشوف شفايفه تتحرك وعيوني صار غشاء عليهن
ما اجه ابالي فكره غير اشرد
لان اني ما اكدر اواجهم وحدي
صعدت للغرفه فوك واني بس ابجي
يعني كل الفات كوم وزواجي من عامر كوم
مستحيل ما اكدر اني ما اطيق احجي ويا انوب اصير زوجته
بس اتخيل الموقف عقلي يطير مني
مانزلت اتغديت وياهم بقيت كاعده فوك
زين اشرد وين اروح كلشي ما اندل وكلشي ما اعرف ياربي شهل مصيبه
خليتهم نامو الضهر ولبست حجابي وجبتي ونزلت اسحب على كيف
كوه اشوف كدامي
راسي يوجعني من البجي والتفكير
فتحت الباب وطلعت بسرعه واني اركض وتلفت خاف واحد يشوفني
بعدين فحطت كلش
وتعبت واني ما ادري وين اروح
ياربي مصيبتين بوكت واحد مصيبة زواج حسام
والمصيبه الثانيه زواجي من عامر
الاهي استرني وحميني اني ما اكدر تعبت معقوله هاي المصايب كلها تنزل عليه مره وحده
ما اعاتب بس امي امي المسوله الي مافكرت عدها بنيه
وابوي الي دمر حياتي بعصبيته
لو ميته ويه امي بنفس اليوم ولا هاي العيشه
فكرت اشمر نفسي كدام سياره واخلص من هاي الحياة التعيسه
لكن سايق السياره شني ذنبه يبتلي بيه المسكين
امشي وابجي مثل المخبله وافتر ما ادري وين اروح وين اجي
ياربي ليش ليش هيج يصير بيه
اني ازوج عامر السكير
ياربي اخذ عمري قبل لايجي هيج يوووم
ام حسام تعرف لو راحت تخطبله محد يقبل ينطي مره
سمعته سابقته
فما اكو غيري كدامه
يعني سهله ورخيصه وحتى ماكو احد يدافع عني
عامر لو يذبحني محد راح يحجي ولا واحد يدافع عني
وهم ماتخسر خدامتها الي تخدمها بدون مقابل
بس ما اكول غير حسبي الله ونعم الوكيل عليه
انسانه ضالمه وماتخاف من الله
