رواية كريات الدم السوداء الجزء الثاني الفصل الخامس بقلم زحل شريف
_____بنين_______
_بعد ماراحت قدر احس الغرفة وحشه
شكد اتصلت عليها مغلق . وكل مااسال ابوي يرد.
ابو اسعد::مادام يم اهله يعني بخير.
_كم يوم ومناوشات بين جبار وابوي
بسبب مريم الي تريد بيت وحدها وثابت رافض .
ابو اسعد::والحل تبقه معلكه ترى مصختوها.
ثابت::تعزل فوك يابه قابل جهالنه كثرت
انه دوم عله سفر . خو متبقه لوحدها .
ابو اسعد::انه تعبت رتب وضعك
وحاول تستعجل . بموضوع الجماعة.
_ضلت مريم يوميه مطلعتلها سالفه
اخر شي ابو دز عليهم . كالهم اذا ماترجع
ازوجه .جابها ابوها وهم خذولهم مشوار عتب
الايام تشبه بعضها بس اسعد اتغير حيل صار كلش عصبي ورغم مايفصلنا سياج بس قلت جياته النه
خلص محرم ورجع روتين الغدة والعشه كاعده اثرم كباب وشرط امي نفس ماسوته قدر .
وفيه::الله يعاين لحالها وين ماتكون
مااعرف ليش هل بنيه ماجاي تطلع من بالي.
بنين::كل مااخابر يطلعلي مغلق.
وفية::اكيد خوالها مانعيها.
_تدرين يمه جنت اتهاون بوقت صلاتي الواجبه
بس من شفت قدر رغم محنتها جانت حريصه
تصلي الوقت بوقته وطول ماهيه كاعده
السبحه بيدها وتستغفر .
وفيه::عجيب امرها ولج حته ابوج دايخ
بتصرفاتها.ونوب سامعها تردد لطميه
يكول صوتها كلش حلو بحيث كاتبلها
ابيات للام البنين عليها السلام ومن قاريتهن
متخبل يكلي عبالك مله متمرسه ماعدها غلط بالوزن .
_يا غير سالتها تكول اختي صوتها احله
بحيث تكلي ماكو احد يشبها من تغني
عله اساس وراثه من عمتهن.حته شكلها تكول
عمتنا هيج دخيل الله شنو من خلقه
وفية::مولده . ماخذه من خوالها ومن ابوها
ثابت يكول خوالها كلش حلوين.
_لا هيه كالت حته اختي حلوة.
وفيه::اي بس سمرة مو بلون قدر.
_كملت عجين الكباب وكترته
لبعد المغرب اجو ابوي وثابت وانضم للكعده اياد
واحب لمتهم بالمطبخ حته ماتعب ودي ماي جيبي جاي
مريم رجعت مثل قبل ماتطلع من غرفتها بس وقت الاكل وامي مغلسه عنها ضلو ابوي والولد يتناقشون وانه كمت اكلي كباب . دخل اسعد سلم ودنك عله ابوي باسه التفتت اريد اسلم عليه وانتبهت لاياد . مثل الي
واكف بالاستعداد دنك ثابت يخفي ضحكته وابوي مستغرب الموضوع يتلفت بينهم هز ايده اسعد ماعاجبه والتفت عليه.
اسعد::بنون جوعان لفه سريعه.
_مد ايده لماعون الكباب اخذ وحده ياكل بشهيه
اسعد::امممم عاشت ايدج يخبل.
_كل هذا واياد واكف .دار وجه اسعد
جر الكرسي كعد وهو ياشر لاياد .
اسعد::استريح.
_كمزت من صوت ابوي
الي مستنكر حالة اياد .
ابو اسعد::شنو استريح وانته شنو وكفتك.
اياد::ماكو شي يابه بس لان هو اعله مني .
_صاح ابوي مقاطع كلامه.
ابو اسعد::ولك يااعله يااقل .فهموني نوب
تكبرون عله بعضكم . احجووو.
اسعد::اعصابك يابه . ماكو شي ترى هو .
ابو اسعد::فهمني سيادتك
بعد يومين تريدني اخذلك تحيه.
_طفر اسعد حظن ابوي
يبوس براسه ويتعذر
اسعد::حجي وعيونك .
كلاوجي ويريد يحرك فلمي يمك هسه .
انه سلمت عادي هو متحسس مو هذا ثابت .
ثابت::اسحلك انته ومنصبك.
_التفت ابوي لاياد .
ابو اسعد:: شصاير بينكم.
اياد::ماكو شي يابه. بس هذا نضام عملنا.
اسعد:؛ احنه هسه بالبيت
عود بالدوام ادي التحيه .
ابو اسعد::تكبر عله اخوك.
اسعد::مو تكبر يابه
بس حته لايتصرف بدون علمي.
اياد::سمعته يابه .
_ضحك اسعد وابوي استلمه عتب
مديت السفرة . صاحت امي عله مريم.
وفية::صيحي نغم واريج خل يتعشون ويانه.
_التمو صارت كعدتي بين امي واسعد .
اسعد::بنون صايرة فنانه بالاكل.
وفية::شطابخه مفطح.
اسعد::غير طعم الكباب فد شي.
وفيه::هاي قدر الله يذكرها بالخير
ماخذه الطريقه من اختها وعلمتنا.
اسعد::ام اعطوب تسوي اكل.
_ عرفته يقصد سونه . لان من خلال كلام
قدر عنها شال راسه ثابت باوعله خطيه انحرج الضاهر حجاها بدون ماينتبه . همزين اريج ماسمعته ملتهيه تسولف ويه نغم كملنه عشه هنه كفن المواعين ومريم
سوت جاي ضلينه نسولف بمواضيع عامه واكيد مولي
مايضيع فرصه يداهر بيها ابوي.
مولي::يابه بداعت ثابت انطيني السويج.
ابو اسعد::وين تريد تدعمها هل مرة؟
مولي::حجي شلون اتعلم اذا مااندعم ؟.
ابو اسعد::ولك بايسكل هيه.
زلغت السيارة تزلغ.
اسعد::ادخل دورة عله شنو هل هوسه.
مولي::يعني ثابت دخل دورة قبل.
_ضحكو الولد وهو يحجي من عقله.
ابو اسعد::لك ماتستحي شبيك
زغيرون وتغار . الي بعمرك اولادهم تارسين الشارع.
مولي؛؛والي بعمر ثابت . صار عدهم احفاد .
_اسعد اختنك واياد كام يريد ايلزمه.
وعبالك ابوي جان منتضر احد يحجي
كبل التفت موجه كلامه لثابت .
ابو اسعد::ها تالي مولي يعيرنا.
_احس بطني كامت تاذيني من الضحك
انسحبو ثابت مريم لغرفتهم .اياد ونغم راحو
بقه اسعد يسولف ويه ابوي عله شغله الخال .
اسعد::بس يخلص من هاي القضيه
يقدم تقاعد .
وفية::سبحان الله عمر هو يحلم بالولد
خمس بنات ومرته تكول بعد عندي امل
يصير عندي ولد . تالي يجي من هيج مرة.
ابو اسعد::حكمة ربج .المهم زوجة خالك
وبناته شلون راح يتقبلون الامر .
اسعد::يابه قابل يمنعونه
لو يفرضون عليه يعوف ابنه.
ابو اسعد::زين شتتوقع حكمه
يعني حسب ماسمعت هو متورط.
الباشا::ماعليه اثبات جرمي . احتمال ينحكم
عله تعاطي والتستر بس المحامي شاطر
وقدمله مضلوميه .
ابو اسعد::الله يفرج عنه.
اسعد،::بس الولد وضعه تعبان وعليه هواي سلبيات
ومشاكل لهذا السبب لازم الخال يستعجل بتنسيبه.
ابو اسعد::ان شاء الله
هذا الاسبوع اجمع عمامنا.
_صفنت يعني عادي ابن الخال تقبلو
وماكالو ابن كاوليه . بس قدر واختها استنكروهن
فزيت من صفنتي عله صوت مريم وثابت الضاهر تعاركو كام اسعد يريد يطلع .
اسعد::يله تصبحون على خير.
_بعده ماطالعو اسعد ودخلت مريم
تركض صارت ورا ابوي .
ابو اسعد::شكو شبيكم .
_رد ثابت وهو ياشر لمريم
ترجع للغرفه.
ثابت::ماكو شي يابه.
انكسحي للغرفه .
مريم::لا عمي اكو احجي كلهم
منو سونه الي تخلص اليل مراسلات
انت وياها ..
_____قدر_____
_اباوع للفراغ رغم وجود التلفزيون كبالي
فصلت عن كلشي . مالي رغبه حته اتحرك
حته صلاتي اهملتها اوكف عله المصلايه مااعرف شقرء
بس ادموعي اتصب ابجي وادعي ربي يرسيني عله بر
دخل ثابت وهاي عادته يجي محمل علاليك اكل..
ثابت::سلام عليكم.
_ هزيت راسي كرد. عله سلامة.
ياخذني حنيني واريد اسأله عنها واتراجع
.وكل مرة يجي يحاول يخلق بينا حديث
ثابت::ليش جهازج مغلق.
_انه طفيته.
ثابت::بنين ضال بالها يمج.
_التفت عليه يحجي بهدوء
وهذا اكثر شي يغثني . عبالك انه طفله
ويحاول يقشمرني لو يتوددلي .
ثابت::ليش خو تخلصين وقت بمكالمتج
وياها وهم فهميها متكدري تفتحين نقالج
بكل وقت .
_وليش،اجذب خو مارد افضل
ثابت::حابه اطلعج بالسيارة تغيرين
جو شويه احس اعصابج تعبانه
مالومج بس ان شاء الله فترة .
_حجيت صاكه عله اسنوني
فترة وشيصير مثل ترجع امي لو يطلع كل العشته حلم
لو تنزل معجزة والكه نفسي بنت ناس وعندي اب واهل.
ثابت::شوفي ماتت امي وانه زغير كلش خواتي
كلهن متزوجات .احنه ناس عشاير بناتنا تزوج زغار
فبقيت بين ابوي واخواني تعلقت باابو اسعد كلش
جان توه متزوج ام اسعد تصير بنت عمي ربيت بحظنهم دللوني حيل بس كل هذا وانه احس فاقد شيء الام محد يعوض مكانها بعد فترة توفه ابوي .
_عدلت كعدتي واستمعله بتركيز
جكارته باايده وكل شويه يجر حسرة .
ثابت::رغم ماكنت متعلق بي
وكل وقتي يم ابو اسعد
بس اثر بيه فقدانه هنا حسيت باليتم.
_بس ماجربت
احساس الرخص كلش فضيع
من تعرف نفسك منبوذ ومالك احد والكل مستنكف
تواصله بيك . تهون عليك نفسك وتتمنى الموت لان الساتر الوحيد لعيب الانسان . وعبالك بغير كوكب مو من هذا العالم مايربطني شي بالناس لا قرابه ولا اهل ولا اسم .
ثابت::هواي ناس انولدت من اباء مجهولة
وربت بالميتم .
_لو رابيه بميتم كان تأقلمت
بس شلون اوصفلك الانه بي تدري مرات
اصفن واكول خاف انه فاقده الذاكرة لو اعيش حاله نفسيه وناكرة اهلي . ماجاي اتقبل الامر شسوي
وحته من انفرض عليه سكتت مجبورة وعوضت فقدان امي بسونه وكلت الحمد الله الي اخت تالي حته هيه نبذتني جا شكد مقززة انه .
ثابت::لو شما احجي ماراح اكدر ابرد نار كلبج
بس الي ماتعرفي اختج . تعبانه اكثر منج ورادت تحميج كل ضنها انتي عد خوالج .
_ماريدها بعد خل تروح تبني حياتها
ثابت::ليش ؟
ماتفتحين تلفونج وتحجين وياها.
_لا خاف انوب تكول
خربتي عليه حياتي.
ثابت::شنو ابالج .
_رفعت راسي اباوعله .
ثابت::اقصد شتردين اسوي حته اطلعين من هاي حالتج شوفي خاف ابالج انو اضغط عليج لازم نعقد
لا فكري وقرري وانه وياج وتحت خدمتج .
_لميت رجليه لصدري وخلي راسي
بينهن محتارة بأمري . كام وهو يحجي.
ثابت::لاتضنين اتخله عنج مهما كان
قرارج ابقه مساندج لحد ماتستقرين.
_رجع بيده لفه وكوب جاي
خلاهن كدامي وكعد ودوم يشتت نضرة عني
ماعرف شنو الي خلاني اسأله عن محابس وسليمه
ثابت::سليمه عليها اكثر من اعتراف.
محابس امرة اهون منها احتمال حكمه خفيف.
_زين هم سال عن سونه.
ثابت::اكيد ودور عليها وشرط انو انامن الها
مكان يله سلم نفسه . بس ليش سالتي.
_مااعرف بس يمكن فكرت
لو هو واكف النا لان ابو .
ثابت::شتتوقعين لو محابس بعد ماعرف ابو
وعارض عله اختج الزواج . راح تقبل.
_مااعرف بس اكيد تقبل
لان هو جان رايدها بس ضروفه .
ثابت::اذن انتي ماتعرفين اختج .
_باوعتله بعدم رضا. شنو قصدك.
ثابت::سالتها نفس السوال بس كان جوابها
جدا عقلاني ومحترم ومال بنت قمت النضوج
كالت في يوم اخذوني اركص للخال مبيوعه يعني
ولو ما الباشا جان تم بيني وبين الخال عقد جذابي
لان بذاك الوقت جنت اريد كشايه اتحامه بيها .
_مافهمت .
ثابت::يعني شلون تواجه او تعيش
مع رجل كان ابو عينه منها وراكصه كباله.
فهمتي اختج ذكيه وفاهمه.وحته محابس
هم حسب الامر من هل جانب .
_زين ومديحه شنو صار وياها.
ثابت::خدمتها مساعدتها لسلاسل بيوم
الي سلمن العصابه جانت هيه متعاونه
محابس برئها وحته الباشا عله كولتكم هم ساعدها
لان هيه جانت مجبورة وهم امها مسكينه منو الها .
_بس هيه ماساعدت سونه
وماجانت تعرف بالخطه .
ثابت::بعد كدرت تنقذ نفسها
بهل موقف . الله يفرج عنها.
_درت وجهي . يعني كلها افضل من عدنا.
ثابت::انتي واختج افضل من هواي
ناس متوفر الها كل شيء وهيه سلكت طريق الخطئ
محافظاجن عله انفسجن وجهادجن لاجل اطلعن من هذا المستنقع هو الي خلاني اقرر اوكف وياجن.
_شلون هان عليها تعوفني.
ثابت::لاجل مصلحتج .
_وين المصلحه بالموضوع وانه ضايعه
محبوسه بين اربع حيطان احس جاي اعيد
ماضي امي. هيج جانت منبوذه عد بيت فاروق.
ثابت::زين لنفرض اخذتي حصتة امج
واكيد مفكرة تخليلج سكن.
_اي هو ماريد بس مكان اسكن بي.
ثابت::تمام يعني تعيشين وحدج.
_جنت مخططه نعيش انه واختي.
ثابت::اتزوجت اختج . ماتزوجت ماتت .
_هم اعيش مثل البشر
اطلع براحتي يعني.
ثابت::وين ترحين يله اعتبري
نفسج هذا بيتج . وانه ماموجود .
_مااعرف بس اقل شي
مااحس ضاميني خاف احد يعرف بوجودي.
ثابت::ماضامج وهذا الباب وهاي مفاتيح البيت
وين تردين ترحين روحي ومفاتيحج عندج .
_باوعتله بحيرة شكله جان يحجي جد
هز راسه اي . كمت بخطوات متردده
عدلت شالي ولبست حذاء انطتنيا بنين
مشيت وانه اتلفت وكل ضني يمنعي وصلت الباب الرئيسي طلعت اباوع وين اروح رديت بعدني ماخطيه
صاح وراي التفتت وعبالك اريدلي حجه ها مو كتلك ماتخلوني اطلع . دنك خافي ضحكته مد ايده لجيبه طلع فلوس .
ثابت::شلون نخليج اطلعين بدون فلوس
بله شفتي شي وعجبج تشترين لو تعبتي
من المشي وحبيتي ترجعين بتكسي ؟
_فشلني اخذتهن بتردد . دار متوجه لسيارته
صحت ورا انته وين رايح ؟
ثابت::عندي شغل . ومناك اروح للبيت.
رايده شي .
_لا بس المنطقه مكطوعه
اقصد لو توصلني لشارع ومناك انه اخذ تكسي.
ثابت::اي بالخدمه اصعدي.
_صعدت ويا .عيني للشارع اباوع بشرود
نبهني صوته.
ثابت::لو انتي بيت فاروق
وطالعه وين ممكن تروحين.
_رديت بدون مااباوع عليه
ماجان عمو فاروق يقبل اطلع حدي للدوام
بس طارق مرات ياخذني اكل موطه لو لفات
وهم نترزل بس مايهمنا نحس مسوين انجاز .
ثابت::عدكم مكان معين تاكلون بي موطا.
_اي ب.... موطه بالراشي وازبري.
غصيت بعبرتي. ماكدرت احجي
سيارة تمشي وانه ماشوف غير ضحكاتنا
انه وطارق وكل موقف مر بينا .
ثابت::ننزل ناكل لو اجيبلج هنا.
_مسحت دموعي درت وجهي اباوع
واكف بنفس المكان الي اشتري منه
ثابت::لو تردين اعوفج انتي تنزلين .
_لا مااعرف ابقه وحدي يعني
جان طارق هو ينزل .
ثابت::تدرين هم انه احب الازبري
وبيوم تراهنت ويه اسعد منو يكدر يكمل قبل الثاني وبعقل طفولي اكلت ثنين يابه رجعنا للبيت
وبلاعيمي كالن حضر نفسك بقيت ٣ ايام مريض
من يومها حرمه علينا الحجي بس مااعرف ليش كل ممنوع مرغوب . بحيث من ينتهي الدوام نطلع ركض
لابو المرطبات نشتري وعبالك مسوين انجاز.
_التفتت اباوعله
ضحك بخفه ونزل . شويه واجه جايب
ازبري عجيب تصرفه ابد مو يم شخصيته قدملي واحد وصعد بحذر خاف تتلعوس ملابسه ..
ثابت::وين رجعتيني ليا عمر.
هههههه شبعنا كفخات من ام اسعد
كل ماناكل ازبري نتعارك وتتلعوس القمصان.
_عدلت كعدتي وانه اساله
انته والباشا نفس العمر.
ثابت::لا انه اكبر منه بس مو هواي.
_يعني شكد تقريبا. صفن
رديت ترى عادي اذا متريد تكول.
ثابت::لا يابه قابل عيب لو شنو
بس سوالفج رجعتني لايام البرائه
اسعد من زغرة وكح وسوالفه .
_سكت مثل الي انتبه لنفسه راح يجفص
مامنتبه للطريق لحد ماوكف كبال مطعم بيتزا
ثابت::هذا اكله طيب شتكولين لوتعزميني
_هنه فلوسك . بس معقوله انته تاكل بيزا.
ثابت::ترى بشر حالي حالج
ليش احسج تشوفيني عملاق.
_خرب فشلني . رديت لا موهيج
بس اعرف الرجال مايحبون هيج شغلات.
ثابت::الحمد الله شايفتني رجال
يله ننزل لو تردين اعرفج وحدج خاف تخلين تاكلين كدامي لان اعرف النساء تخجل تاكل كدام الرجال.
_لا مو هيج بس مايوم داخله مطعم وحدي
ثابت::جربي الحياة تجارب
اعتبري نفسج وحدج اتجاهلي وجودي.
_اي بس مو هسه يعني
غير ارتب نفسي .
ثابت::مرتبه وجنج القدر .
_كلامه يوتر ضليت مدنكه
نزل وهو يسالني.
ثابت::لحم لو دجاج لو خضروات.
_اي شي . هز راسه تمام
عيوني تتبع خطواته يمشي برزانه
واثق من نفسه . جاب البيزا احس ريحتها
دخلت لدماغي وانه جوعانه .
ثابت::تاكلين لو حابه نكعد فد مكان.
_خجلت منه . رديت وعيني على تلفونه
الي يضوي . لا رجعني للشركه .
ثابت::تمام .
_بفضول كتله نقالك يدك.
مد ايده باوع للرقم تحسر ورد بثكل.
ثابت::اامرني باشا.
_ركزت بكلامه.
ثابت::رايد شي سيادتك طالع ويه صديقي
اها هلا بيك تنورني . لا بيتزا تمام قريب دقايق واوصل .
_نهى مكالمته والتفت عليه هزيت راسي
بمعنى شنو .
ثابت::الباشا ينتضرنا بالشركه
خو ماتضايقين . لان حاب يكعد يمي .
_لا بس عادي يعني يعرف بيه يمك.
ثابت::اول وتالي يعرف ولازم يعرفون.
_مافهمت . اقصد لشوكت ابقه هنا.
ثابت::انتي تحددين وين ولشوكت.
_ليش تريد تساعدني .
ثابت::لله ولان انتي تستحقين.
بس الي اطلبه منج انو ماتحمليني ذنب
ثقي ماجبرج بس كلامي وتواجدي وياج حرام.
_يعني اذا عقدت عليه اهلك يرضون
اقصد تكلهم لو لا.
ثابت::اكيد يابه شلون اضم هيج شي
احنه غايتنا حمايتج لحد ماتوكفي عله رجليج
يعني بعد يومين اهل فاروق دزو عله الحجي
غير عنده علم انتي عله ذمتي حته يكلهم زوجها.
_وبعدين يعني بعد مااخذ حصتي .
ثابت::اامن عليج واعوفج.
_اذا هيج الامر سهل ليش ماخليتو الباشا
يحمي اختي ليش ابو اسعد عاركه.
ثابت::لان وضعه ومنصبه عله المحك
لان عنده اعداء وجانو ينتضرون الزله
جان اتهمو متعاون ويه اختج وبرئها وهم حفاظا عله اختج لحد الان مانعرف سلبيت القضيه ولاتلومين ابو اسعد اكيد الامر مو هين لان زوجة الباشا بنت اختنا
وحامل وتحبه وهو اخذها بعد علاقه.
_ وشمعنى زوجتك عادي هيه مو بنت
عمك مافهمت يعني زوجتك ماتحبك
لو ماراح تعرف اذا انته عقدت عليه.
ثابت::اكيد تعرف بس هم تعرف
سبب عقدي عليج خو لازم افهمها واقنعها .
_هم الباشا .
ثابت::لا الباشا يحب احتج ولو
احنه موافقين جان فرضها عله زوجته
وهيج تصير بينه وبين اهلنه مشاكل.
_انته تحب زوجتك.
ثابت::طبعا غير زوجتي.ليش هل سؤال
_كلامك متناقض . تكول زوجه الباشا تحبه
يعني حسبتو حساب خاف تنقهر او تصير بينهم
مشاكل بس زوجتك عادي .
ثابت::يابه مو هيج بس انه ماتعرض لامر قانوني
يعني مايحكمني عملي او اضطر اتخله عن منصبي
وذول اهله تعبو عليه لحد ماوصل للي هو بي
وفرحانين برتبته مو هين يخسر كلشي.
_سكتت لحد ماوصلنه
دخلت والبيزا بيدي. صف السيارة وتبعني.
ثابت::اكلي لاتبرد مو طيبه.
_اذا اجه الباشا اضم روحي لو لا.
ثابت::بالي يريحج.
_حجاها وطلع كعدت محتارة
ماشتهيت اكل . شويه واسمع صوتهم
ركضت للغرفه دخل الباشا يحجي بعصبيه.
الباشا::اهون عليك تشوفني افتر
وادور ليش هيج. كتلك بس اطمن عليها.
ثابت::صدكني هيج احسن الها عوفها
تعيش مستحيل تكدر تفرضها عليهم.
الباشا::لاتقررر عني لاتحجيون بكيفكم.
_سكت شويه ياخذ نفس بلع ريگه وكال بصوت واهن .
الباشا : برائتها رغم السانها وقوتها .
جانت ضعيفه.
_هو يحجي وانه ادموعي تصب.
الباشا: سمارها وصوتها هههههه ام اعطوب
اخذت روحي هزتني .
_اباوع ثابت ساكت وكانوا يريده
يحجي الي بداخله حرف واحد مانطق
_حولت نضري للباشا رايح بغير عالم يحجي
وعبالك وحده ماكو اي شخص يمه.
الباشا : ضلمتها اذيتها هواي عيرتها بنسبها ضربتها !
عافت الكل والتچأت الي حت احميها منهم بس زدت كسرتها فوك كسرتهم .
_جسمه يرجف وعيونه مدمعه صافن بل فراغ
ابد ماتخيلت يجي يوم واشوفه واصل الهيج مرحله
جنت اعرف يحبها وكم مرة كتلها بس جانت تكول
يگضي وقت فقط كلشي تغير كلشي هذا مو الباشا
شخص ثاني !!
_كال وهو يخلي ايده ع عيونه حت يمنع انو يبجي حلگه يرجف صوته رايح بعد ايده وباوع لثابت
وگال بصوت هز گلبي هز .
الباشا:: ياويلي من عذاب كسرتها ياويلي.
اترجاك بس احجي وياها ماريد شي بس اشوفها
صدكني ماجبرها عله شي .
_كام ثابت حظنه محاول يهدءه
ثابت::هيه رفضت حته ويه اختها
مارادت تتواصل ..
_احس كلامه مثل الجمر
ليش هيج شنو السبب
الي خلا يخفي مكان سلاسل.
الباشا:بس دليني ومعليك .
_فتحت الباب وطلعت رفع راسه
باوعلي . كام متوجه عليه يحجي برجاء
الباشا::ماخليت محافظه تعبت واني ادور أثرها
اترجاج بروح امج بس اشوفها زين بس اسمع صوتها.
_رد ثابت موجه كلامه للباشا.
ثابت:: طريقكم مسدود انته ملتزم بعمل يمنع ارتباطك بيها لاسوي نفسك كانو ماتعرف كلشي خاص بشغلك مابعدتها سلاسل هيه الي بعدت اني بس حاولت اساعدها وماخليها تتاذه البنيه تحملت كلشي دخلت بلعبه جبيره لاالعمرها ولاتناسبها بأي شكل من الأشكال هيه البعدت عوفها بحال سبيلها تشوف حياتها طريقكم مسدود والكل شاهد على هذا الشي .
_ضليت محتارة وعيوني تتنقل بينهم.
الباشا::يااخي معليك انه اعرف ارتب وضعي
انته مو احرص مني عله عملي.
_احس ماعدي طاقه اتحمل
صحت بي جا ليش عفتها ليش ماحميتها
مو كلتلك بس طلعنا من الصعده.هسه جاي تتوسل.
ايام وليالي وانته تهين بيها تتعمد تسهر ويه ام طيبه
وهيه تبقه لازمه الشباك تباوعلك .
الباشا::ماردتهم يعرفون هيه نقطه ضعف الي حتى تصرفاتي وياها وأسلوبي جان اله غايه ماخليها تتعلق بيه حتى ميعرفون شنو هيه بالنسبه الي كلت تخلص المهمه واعوضها .
_تتعلق بيك لا والله زين مفكر بيها
يعني ماانتبهت الها شلون تحترك
من تشوف ام طيبه بحضنك . احجي بصوت عالي
تقدم ثابت جرني متوجه بيه للغرفه. سكتنا صوت الباب عافني وطلع التفتت للباشا .
الباشا::خابريها خل ترجع وانه اامن الكم مكان
وشرفي وحق الله مااجبرها عله شي،
_ مااندل مكانها ثابت يعرف
كال خاطبها شخص .
الباشا::اتصلي بيها شوفي وين هيه
كليلها ارد اجيج .
_سكتنا دخول اياد .
ثابت::يابه لاتلح كتلك خلص الموضوع..
_احس كلبي انمله حقد صحت بي
خوش كمل معروفك وصلني لاختي .
ثابت::وين اخذج يابه كتلج رجلها غريب
وحاليا جاي يمشون بمعاملة الجواز يردون يسافرون.
_ليش رافض اشوفها ليش احس انتم مسوين
بيها شي .
ثابت::ها مو قبل كم ساعه كتلج خابريها رفضتي.
_عفته وركضت لجنطتي طلعت نقالي
دكيت مغلق .
الباشا::شبيج مغلق اكيد غيرو رقمها.
_اي بس اكيد ثابت يعرفه
ثابت::ماعرفه.
_باوعتله ودرت وجهي دخلت للغرفه
اخذت جنطتي وطلعت كام الباشا وراي.
ثابت::وين رايحه معوده. تعاي احجي وياج.
_حطمونه وضيعو اختي
و عادي بالنسبه الكم
اهم شي ابنكم مايخسر متصبه.
اياد ::كافي عاد اختج هيه الي ماقبلت ترجع
والدليل حته انتي قطعت تواصلها وياج .
_التفتت عليه خوش وصلوني الها
ومعليكم تطردني تاخذني هذا شي بينا.
هز ايده ماراضي . ودار وجه لثابت كام
اشرلي الباشا يله طلعت ركض ورانا ثابت.
ثابت::وين ماخذ البت معود .
الباشا::ادور عله اختها.
ثابت::رجعي قدر
لا تخربين الي جاي اسوي لمصلحتج.
_وانه اريد احتي اذا صدك انته تريد تساعدني
مثل ماتكول لله سويها لله وديني الها .
ثابت::صار ادخلي وانه اوديج وشرفي .
_باوعت للباشا هز راسه اي
دخلت صاح بيهم ثابت.
ثابت::يله شعدكم مكابليني .
الباشا::تعاي قدر سجلي رقمي
اذا مانفذ كلامه اتصلي بيه.
_بسرعه اطيته النقال سجلي الرقم
وطلعو .
ثابت::هيج تزغريني كدامهم
مو هذا العشم ياقدر جا شلون نكدر نواجه
الناس اذا انتي مالج ثقه بيه وانه وكفت بوجه الكل
وحته ماهمني زوجتي في سبيل اساعدج .
_دنكت ابجي بصوت. تعبت خليك بمكاني
انه ضايعه تايه مالي بس اختي .
ثابت::وانه مو ناقص ولا يهون عليه
تبعد عنج بس ردت ارتب وضعكم
ماردت تحسون بضعف لو احد يمن عليكم.
_وين هيه بس خل اطمن عليها.
ثابت::نعقد واخذج الها شتكولين.
_يعني تساومني .
ثابت::لا بس حته اكدر اوكف
بوجه اي شخص يحاول يستضعفكم.
_يعني تتوقع هيه تخرب زواجها
وتقبل ترجع وياي.
ثابت::ماعرف بس يجوز تشرط
عله زوجها انو تاخذج وياها.
_واذا ماقبل . اكيد هيه ماتضحي بيه
هيج اخرب عليها.
ثابت::يولي انعل ابو قابل انتن
بحاجته انه اخليلكم مكان وكعدن .
_خوش . موافقه يله شوكت نعقد
ثابت::باجر الصبح اجيب الشيخ هنا.
_حجاها وكام .
ثابت::يله انه اروح حته افهم الحجي.
_طلع . كمت قفلت الباب . احس بروحي
تعبانه حيل تمددت بمكاني الجو بارد ماعرف شلون غفيت فززني صوت الباب كمت بسرعه فتحته دخل وابو اسعد ورا . سلمو رديت وانه متوجه للحمام غسلت وطلعت كاعدين عرفت جيتهم لاجل نكمل العقد.
ابو اسعد::شلونج بابا.
_هزيت راسي تمام .
ابو اسعد::ماطولها عليج بس لازم يكون عندج علم
ويكولون الاوله شرط اخرة نور.
_رفعت راسي باوعت لثابت غمض بمعنى اي.
استرسل ابو اسعد يحجي.
ابو اسعد::العلينه نوكف وياج لحد ماتاخذين
حصة امج وبعدها . مانجبرج عله البقاء
بس بشرط . اختج تبتعد عن الباشا.
_بلعت غصتي ورديت . عمو اختي اصلا متريده
وهيه حاليا جاي تجهز لسفرها واعتقد عندك علم.
ابو اسعد::كل شي يصير يجوز من تعرف
انج كدرتي تامنين مكان تعيشن بي تجيج.
_سكتت ثواني . رفع راسه باوعلي رديت
بثقه . عمو اذا مساعدتكم النا مشروطه
الله الغني عنها .
ابو اسعد::مو هيج.
_حجي شنو مو هيج يعني اكيد اذا اختي بيوم التجئتلي استقبلها بعيوني خو ماتفرض عليه اقطع صلتي بيها خلي ابالك موافقتي عله العقد لاجلها.
ابو اسعد::الله يستر عليها.
وان شاء الله تستقر مع الرجال الي خطبها.
_حجاها والتفت عله ثابت . الي دك نقاله.
ثابت::اهلا اهلا شيخ اي موجود
_نهى مكالمته ودار عليه.
ثابت::وصل الشيخ والشهود .
اخلي للغرفه من يطلب موفقتج عود ردي.
_كمت وانه احجي بكلبي والله لندمكم عله
استزغاركم النا . لو اعرف سونه صايرين عدها
٣ جهال هم اخليها تطلك وترجع تراويكم الويل.
يتبع.....
#اشباه_الابطال
شلونكم شخباركم
حبايبي .
#ملاحظه::بخصوص احداث الروايه
الصعده مكان معروف جدا
والاحداث الي صارت ودخول القوات الامنيه
هذا الشيء نقلت كل مواقع التواصل
وقتها قبضو عله اكثر من عصابه
اما الطقوس فهيه بالنسبه لااصحاب البشرة السمراء
موروث ثقافي وتكدرون تتاكدون ابحثو عنه لحد الان هل طقوس تقام ايام محدده من الاسبوع.
بسبب خصوصيه النشر بالواتباد
مانقلت الاحداث كلها .هواي امور اختصرتها
اتمنى تتحملون التاخير .
انتضر تعليقاتكم . ياريت تصوتون وتعلقون للبنات
الي تنشر تيك توك حته تصعد الروايه.
من ماانزل اشباه تحجون من نزلت تسببتلي مشاكل
شكرا لزيارتكم عالم روايات سكيرهوم
