رواية عوده مستحيله الفصل السادس بقلم جمانه السعيد
نسرين ام عامر زوجت الشيخ صاحت على ام امل
تنضف هذا البيت الي هو بيت زوجت الشيخ الزغيره الله يرحمه حتى شاهين يرجع البيته بعد وفاة امه ويستقر بي
طلعت ام عامر رجعت البيته
وام امل بدت اطلع الفراشات برا
اني احس نفسي تكسرت
نسرين...خل اساعدج خاله
ام امل...يله خل نشوف شطارتج
نزعت العبايه ولفيت فوطت امي على راسي
اذكرت نسيت جنطت ملابسي بيت وليد لان امه ماانطتني مجال دفعتني وطلعتني برا
بس المستمسكات مالتي عندي بجنطه زغيره لابسته صفح
بجتفي
نزعت الجنطه ولفيته بلعبايه وخليته على صفحه
وبديت اطلع الفراشات ويااا ام امل
ونزلت البردات خليتهن بلغساله
البيت كله ريحة جكاير
ام امل لزمت الفراشات تغسلهن
واني كعدت انضف المطبخ من الجاي الكاونتر صاير اسود
والطباخ كله دهن
جمانه السعيدي
نسرين ...خاله اريد منضفات
ام امل...هسه اجيبلج
راحت جابت منضفات واني استلمت المطبخ جلف
سويته يلمع جمعت الزباله وطلعته
بعدين بديت اغسل بلبيت ونشفته طلعت البردات وشريتهن برا
طلعت لكيت ام امل ماكوو يمكن يردوها بشغل
باقي بس مدات مامغسولات غسلتهن وعفتهن ينشفن
دخلت اكو غرفه مسدود الباب فتحته لكيته هوسه
يمكن غرفة المرحومه لان بيه كانونه وابر وجيس علاج
جمعت كل العلاج والابر وخليتهن بلزباله
طلعت الجرجف ووجه المخده والبرده مال الغرفه
خليتهن للغساله
رجعت فتحت الشباك واكنس بلغرفه
مااحس غير واحد دخل عليه
رفعت راسي واحد ضخم لا بس دشداشه اسود وخال جراويه على راسه شكله هيبه اشكر وعيونه صفر
اني راسا ارتبكت شمرت المكناسه وعدلت الفوطه وطلعت بسرعه من الغرفه
جمانه السعيدي
ماحجه اي كلمه راسا سد الباب وراي واسمعه يبجي ويناشغ مثل الطفل
يمكن هذا ابنه اليوم يله كدر يدخل غرفته
لان البيت جان بي فاتحة النسوان
اني لبست عباتي واخذت جنطتي وطلعت
راسا لا كتني ام امل
ام امل ..هااا خلصتي
نسربن ...بعد بس غرفة المرحومه اجا ولد دخل واني طلعت
ام امل...سوده عليه هذا اكيد شاهين
دخلت ام امل واني بقيت منتضرته برا
شويه وطلعت
ام امل...عاشت ايدج شنو هذا الشغل الي يخبل البيت يلمع
نسرين ...شكرا
ام امل ...شلون بي شاهين شلون راح يصبر على فراك امه ماادري
نسرين ...الله يساعده ماعنده اخ اخت
ام امل...لا ماعنده بس هو
نسربن...الله يصبر كلبه
ام امل.... تعاي وياي للبيت الجبير خلي شاهين ياخذ راحته
اخذتني وياها للبيت الجبير
مو بيت فله يخبل كلش جبير والبناء فد شي
والأثاث كلش راقي
اتخيلو المطبخ مطلعينه خارج البيت وجبير كلش خاف ريحة الاكل تصير بلبيت
بي مجمدات كبار ثنيين وثلاجات ثنيين وطباخات ثنيين
من غير طباخات جبيره للمناسبات
يمكن خمس قواري جاي كبار على الطباخ واكو ثنيين نسوان ينضفن من غير ام امل
جمانه السعيدي
وعدهم منحل ورا بيتهم صاير يطلعون منه نحل طبيعي
والبستان بي خيرات الله كلشي زارعين بي
دخلت للمطبخ وياها
كالت اوكفي على الجاي نزعت عباتي ووكفت على الجاي
نسرين ..خاله الشيخ عنده بس شاهين
ام امل ...ام عامر هي الجبيره عدها اربع ولد وثنيبن بنات
نسرين ...ماشاء الله
خلصت النهار بلمطبخ ويه ام امل تغدينا سوا
ماتتخيلون كمية الجاي طول النهار احنا نزل قوري ونصعد كتلي للساعه ١٢ بليل والجاي والماي مابطل
من غير الكهوجي هذا كاعد يم الشيخ كعده
يصب كهوه ويرجع ورا
بليل ام امل كالت تعاي نامي بيتي ماعندي احد بس اني وبتي امل
نسربن...وين ببتكم
ام امل ...هنا بلبستان ورا بيت الشيخ
اخذتني وياها ورحنا ورا بيت الشيخ بلبستان بيت زغير كلش
دخلنا بيت بسيط بس مرتب
طلعت امل بنيه عمرها ١٥ سنه حلوه ومرتبه
نسرين...خاله اريد اسبح صار اربع ايام ماسبحه حمضت
ام امل...اي هذا الحمام يمه امل صابونه جديده وشامبو الزينب تريد تسبح
نسرين ...ماعندي ملابس اريد دشداشه بين مااغسل دشداشتي وتنشف
ام امل...اي تدللين هسه انطيج دشداشه جديده توني جبته من الخياطه بعدني مالابسته ابد
اخذت الدشادشه ودخلت سبحت وطلعت
امشط بشعري وام امل تباوع عليه
ام امل شكلج عروس حافه وميشه تخبلين
وين اهلج ليش عايفين وحده مثلج حلوه وحدها
نسرين ..الضروف تحكم اريد انام لان تعبانه حيل
ام امل ...اي تدللين يمه امل فراش جديد نزلي وبطانيه ومخده
نسرين...شكرا خاله تعبتج وياي
ام امل...احجي الصدك اني حبيتج مااعرف ليش
نسرين ...رحمله والديج انت انسانه طيبه
جمانه السعيدي
ثاني يوم كعدت الصبح رحت اغسل مالكيت بس امل نايمه
يمكن امه رايحه للبيت الجبير تشتغل
غسلت وجهي وجبت دشداشتي من الحبل لبسته
لفيت جنطتي بلعبايه وخليته بعلاكه وشمرته فوك الكنتور
اخاف احد يلكاها ويعرف اسمي الحقيقي
خل افكر شلون راح اطلع من هاي المصيبه
لفيت فوطة امي على راسي
الله بيه ريحة امي شكد مشتاقتله
الله يعلم شصار بحالهم هسه
رحت للمطبخ الي ببت الشيخ
دخلت وصبحت عليهم لكيتهن مخبوصات ناس تنضف دجاج وناس تخدر جاي وناس تغسل مواعين
ام امل...صباح الخير اتريكتي يمه
نسرين ..لا بس اريد حاي
ام امل...حقج ماضايكه العسل والكيمر غير طعمه يخبل
خلتلي كيمر وعسل ونطتني خبزه
صدك طعم غير كلش طيب اتريكت وشربت جاي
كتلهم اساعدكم
جمانه السعيدي
ام امل...روحي جيبي التمن خل نغسله
جبته واجت يمي ام امل تساعدني
ام امل... الشيخ كلش مشغول ناس جايه وناس طالعه اني كلت الام عامر كالت بس يفرغ اني احاجي على زينب
نسرين...انشاء الله
ام امل ...عينج على الجاي خل اخذ ريوك الشاهين
بلكت ياكل من ماتت امه وهو اكله كلش قليل
حتى شكله تغير حيل
راحت ام امل واني بقيت واكفه يم الجاي
شويه واجت ام عامر...صباح الخير يبنات استعجلن شويه
الشيخ جايين خطار بلطريق
رجعت ام امل ...يمه زينب شاهين ماقبل يتريك وطلع من البيت اريدج ترحين تنضفين البيت
وملابسه خليتهن بلغساله طلعيهن
وشوفي الفرشات اذا ناشفه ارجعي افرشيهن
عفيه بنيتي النادره
نسرين...صار خاله تدللين
