 |
رواية دعني احطم غرورك الفصل السادس بقلم منال سالم
وفي الغرفة التجارية حيث الاجتماع الدوري لرجــال الأعمال في مصر ، وفي أثناء فترة الراحة ،
-حسين: يوسف حبيبي ، انت فين يا راجل ، من يوم العزومة وانت قولت عدولي ، ولا أكل الحاجة سهير معجبكش ؟؟؟
-يوسف بفرحة: حبيبي يا سحس ، والله مشاغل ، متقولش كده ، ده نفسها في الطبيخ مالوش حل ...
-حسين: طمنتني يا جوو ، المهم اخبارك انت ايه وازي البشمهندس عز ابنك ، مش باين ليه ؟؟
-يوسف: اهوو عز ابني ده انا كنت عاوز أكلمك في موضوع عنه
-حسين بقلق : خير يا يوسف في ايه قلقتني ؟؟
-يوسف: لأ اطمن ، ان شاء الله خير ، بس الكلام مش هينفع هنا في الدوشة دي
-حسين : طيب خلاص كلمني نتفق على ميعاد ومكان نتكلم فيه
-يوسف: بامر الله .. تعالى بس نقعد لأحسن هيبدأ الاجتماع
-حسين: يالا يا جوو
.....
وفي منزل المهندس حسين الدمنهوري
-سهير: يعني هو مقالكش عاوزك فيه ايه؟؟
-حسين: لا والله يا سهير .. هو قالي انه عاوزني في موضوع يخص ابنه عز
-سهير: ربنا يستر
-حسين : ولو اني حاسس انها هتكون اخبار حلوة
-سهير بمكر: طب ماتقولي ايه اللي حاسس بيه
-حسين: كلام في سرك ، انا حاسس ان يوسف حاطط عينه على واحدة من البنات لابنه عز
-سهير: ده يوم المنى يوم ما نجوز البنات
-حسين: ششششش وطي صوتك ، مش عاوزين البنات تحس بحاجة لحد ما نتأكد
-سهير: حاضر يا حاج ، ربنا يصلح حال بناتي ويعدلهالهم على خير
..........
وفي داخل مكتب عز حيث كان ينتهي من توقيع بعض الأوراق
-عز: خلاص يا أ. ريم ، انا خلصت الملفات دي ، ابعتيهم للاستاذ سليم في الشئون القانونية يتأكد من صحة العقود
-ريم: حاضر يا مستر ، تؤمر بحاجة تانية
-عز: لأ شكراً ، اه متنسيش تخلي عم سيد يعملي فنجان قهوة تاني ويبعتهولي على مكتب والدي ،أنا رايحله الوقتي
-ريم: حاضر يا فندم ، عن اذنك
-عز: اتفضلي
وفي شركة يوسف الكيلاني ، وتحديداً داخل مكتب المهندس يوسف حيث كان يتحدث في الهاتف
-يوسف: هههههههههههههههه ، اومال ايه
- .........................................
-يوسف: لأ أنا عارف طبعاً ، ده احنا يزيدنا شرف بيك يا حسين
-.......................................
وهنا دخل عز الدين على والده المكتب ، فأشار له يوسف بالجلوس على الكنبة لحين الانتهاء من مكالمته
-يوسف: هههههههههههههههههه، لأ احنا راحت علينا بقى ، البركة في العيال هما اللي يفرحونا
- ..........................................
-يوسف: خلاص شوف الجماعة عندك ، وبلغني
- ................................
-يوسف: بامر الله ..... تمام تمام .... ماشي يا سحس ، وعليكم السلام ...
-عز: خير يا بابا في ايه؟؟
-يوسف وهو يتحرك ليجلس بجوار ابنه: خير ان شاء الله يا بني ،انت عارف يا حبيبي انك غالي عندي ، واني بفرح اوي لما بلاقي اسمك بيكبر في السوق ، لأ وكمان شوية هتنافسني
-عز: ربنا يباركلي فيك يابابا ، بس المقدمة الطويلة دي ليه
-يوسف: احم .. بص يا حبيبي ، انت عارف انا الوقتي كبرت في السن ، ومحدش ضامن عمره ، ونفسي أفرح بيك أنا ووالدتك قبل نموت
-عز: بعد الشر عنك يا بابا ، بس انا مش في بالي الموضوع ده الوقتي ، وبعدين هو أنا بنت رايح تخطبلي وتدورلي على عروسة
-يوسف: ماهو انت مش في بالك ، بس أنا في بالي ،وخلاص لاقيتلك عروسة حلوة وبنت ناس محترمين جدااااا ، وانت كمان شوفتها وعارفها وكلمت أبوها كمان..
-عز بنرفزة: اييييييييييه .. كمان كلمت ابوها ،ماشاء الله ماشاء الله ، ومين تعيسة الحظ دي ان شاء الله ؟
-يوسف بفرحة: دينا
-عز: دينا مين ؟؟
-يوسف: دينا .. دينا .. ايه مش عارفها ، دينا بنت عمك المهندس حسين الدمنهوري
-عز: نعم !!! دينا ... البت المسهوكة على نفسها دي
-يوسف: ايووووه ، هي دي ، ايه رأيك فيها ، حلوة وزي القمر صح ؟؟ وأبوها اييييه راجل حكاية ، ولا مامتها ست محترمة ، حتى بنت عمها تربية خواجات
-عز باستخفاف: لأ واضح فعلا ، نسب يشرف أي حد
-يوسف: مش قولتلك
-عز : أنا أسف يا بابا ، لكن أنا مش موافق على اللي انت بتقوله ده
-يوسف: افندم ، بتقول ايه ؟؟ مش فاهم
-عز بحدة: يعني انا مش موافق على اني اخطب دينا بنت حسين صاحبك
-يوسف: ولد !! ، انت نسيت نفسك ، اتكلم عدل مع أبوك
-عز: انا أسف ، بس برضوه مش موافق على الخطوبة دي ، عن اذنك
-يوسف بحدة: هتروح تخطبها غصب عنك يا عز ، سواء رضيت ولا مرضتش ، انت فاهم ، سامعني !!!! انا مش هاخسر صاحبي ولا شغلي عشان دلعك ده !!!
فترك عز الدين مكتب والده وهو في قمة غضبه دون أن يجيبه ، ويوسف مندهش من تصرف ابنه
............
وفي منزل حسين الدمنهوري
-حسين: يا سهير ، يا سهير ، تعالي عاوزك
-سهير: خير يا حسين ؟؟
-حسين : تعالي بس الأوضة واقفلي الباب وراكي
-سهير وهي تغلق الباب خلفها : خير يا حاج
-حسين بفرحة : اللي قولتلك عليه حصل
-سهير: اللي هو ايه يا حاج
-حسين: احساسي يا سوسو ها لسه معرفتيش ؟؟ ، عن الخطوبة
-سهير: بجد ؟؟ بجد يا حاج
-حسين: ايوه يا حبيبتي ، حصل ، يوسف كلمني النهاردة وفاتحني في الموضوع ، وانا حبيبت أبلغك بيه بنفسي في البيت مش في التليفون
-سهير بلهفة: ها قولي بالتفصيل ، قالك ايه بالظبط ؟؟؟
-حسين : اصبري عليا بس اخد نفسي وهحكيلك كل حاجة
-سهير: يالا يا حاج شوقتني
-حسين وهو يخلع حذائه : بصي يا ستي ، يوسف فاتحني في انه عاوز يطلب ايد بنتك دينا لعز ابنه
-سهير: اللهم صلي على النبي ، اهي دي الاخبار ولا بلاش ، لولووووووولي ، عقبال ما نفرح بجانا كمان عن قريب يااااا رب
-حسين : عليه الصلاة والسلام ، اللهم أمييييين ياااارب العالمين
-سهير : أما أروح أقول للبنات عشان يفرحوا
-حسين: وماله يا سهير ، فرحيهم ، وخليهم يستعدوا ، وخصوصا العروسة
وتوجهت سهير فوراً إلى حيث تجلس الفتاتين
-سهير والفرحة تعلو وجهها: يا بنات ، يا بنات ، النهاردة جه عريس لدينا
-دينا بشوق: ايه عريس ، بجد يا مامي ، انتي بتهزري صح
-جانا: Congratulations دودي ، مين بقى يا أنطي حد نعرفه ؟؟
-سهير: ده حد نعرفه ونص وتلات تربع
-دينا بلهفة: ها يا مامتي قوليلي بسرعة مين .. ها مين ....؟؟؟؟؟
-سهير: مش هتصدقي
-دينا: لأ هصدق بس قولي بسرعة بسرعة يا مامي ، ها ميييين ؟؟؟؟
-سهير بابتسامة: عز ............. عز الدين الكيلاني
-جانا بشهقة: What??? نعم مييييييييييييييين ؟؟
-دينا بصدمة : عز ، عز الكيوت الجانتي هااااااااااااااااااح
-سهير: ايووووه هو عز ، البشمهندس عز بشحمه ولحمه
-جانا بضيق: الله يعينك يا دودي هتوحشينا يا غالية
-دينا: انا فرحانة اوي يا مامي ، أحلى خبر قولتيه
-جانا في سرها: ياما جاب الغراب لأمه
-سهير موجهة كلامها لجانا: ها يا جوجو ، ايه رأيك في عريس دودي
-جانا بقرف: مش بطال تتهنى بيه
-دينا: ايه مش بطال دي ؟؟ وهو احنا بنقيس فستان ، ده عز ، انتي مش عارفة مين عز ده .. واخذت تقفز فوق السرير وتحلق بعقلها في أحلام وردية وخيالات سعيدة
-جانا: دينا goes banana (جالها لُطف) بدري بدري واحنا لسه بنقول يا هادي
-سهير: عقبالك يا جوجو لما نفرح بيكي يا حبيبتي وعن قريب ان شاء الله
-جانا: لأ مش عاوزة ، انا كده تمام التمام
...................
في النادي حيث كان يجلس عز والعصبية تتملكه مع ياسين
-ياسين : يعني خلاص هتخش القفص برجيلك يا حلو ،كان بدري عليك عليك بدري ههههههههههههههه
-عز: بقولك ايه يا ياسين أنا مخنوق خلقة لوحدي مش ناقص هزارك البايخ ده دلوقتي ، شوفلي حل في المصيبة دي
-ياسين بغمزة : وهو الجواز مصيبة يا زوز ، ده حاجات ومحتاجات ، وهو انا اللي هعرفك برضوه
-عز: انا غلطان ياخي اني بحكي معاك ، وعاملك قيمة ، قوم غور من قدامي
-ياسين: حيلك حيلك ، اهدى بس ، كل حاجة وليها حل
وهنا انضم باقي أفراد الشلة إلى عز وياسين
-حازم: مالكوا يا جماعة في ايه
-عز بنرفزة: مافيش
-دارين: طمني عليك يا بيبي ، you look so nerves, what's wrong ? .. مالك بس
-عز: برضوه بيبي ، ايه مش بتزهقي ، وبعدين أنا مش متعصب ولا حاجة ، هو ايه بالعافية !!
-دارين: طيب متتعصبش عليا بس ، انا عاوزة اطمن عليك مش اكتر
-عز: انا كويس
-حازم: اهدى يا كوتش كده ، انت بقالك فترة متغير ، قولنا يا كبير ع اللي مضايقك مش أحنا أصحابك برضوه
-لوجي بسهتنة : اااااه قول ، واحنا هنريحك ع الأخر بس انت تشاور
-عز: سوري يا جماعة ، مافيش حاجة ، شوية مشاكل في الشغل كده وعاوز اشوفلها حل
-حازم: طيب قول انت يا ياسين ، ايه اللي مضايق صاحبك مانتو الاتنين سركوا مع بعض
-ياسين وهو ينظر لعز: مافيش يا عم ، ماهو قالك مشاكل ، سيبوه بقى في حاله
-عز وهو ينهض من مكانه : عن اذنكوا يا جماعة انا ماشي
-دارين بلهفة: هو انت لحقت يا عز ، متقعد معنا شوية ، ملحقناش نشبع منك
-عز: وقت تاني يا دارين ، سلام
-دارين بحنق: لأ بقى ، الموضوع زاد عن حده وانا هعرف يعني هعرف
ثم وجهت كلامها إلى ياسين
-دارين: بص يا ياسين ، تقولي شغل ومشاكل ، الكلام ده مش هياكل معايا ، قولي من الاخر في ايه مع عز
-ياسين: هو انتي مش قادرة تتشطري عليه ، هتتشطري عليا انا ، اسأليه هو
-دارين بغيظ: ياسين ، قوووول بقى ، اووووف مش هتحايل عليك
-ياسين تاركاً المكان: ماليش فيه ، عندك عز صاحب الليلة اسأليه ، تشاوو
-دارين : بقى كده ، it's okay ، وانا هعرف يعني هعرف بس بطريقتي
واخرجت هاتفها المحمول وطلبت عايدة هانم
-دارين: أنطي ديلة ، هاي ، وحشاني كتيرر
-..................................
- دارين: fine ، انتي اخبارك ايه
-.................................
-دارين : أنطي انا عاوزة اجيلك ، أحكي معاكي شوية ، يا ترى فاضية
- .........................
-دارين : اوكي أنطي ، شور ، I'm on my way ، باي
-حازم : ها ناوية على ايه
-دارين بمكر : بعدين هاقولك ، باي الوقتي
واستقلت سيارتها وتوجهت نحو فيلا الكيلاني لتقابل عايدة هانم السويفي
.......................
