رواية قصة وجدان الفصل الواحد والستون 61 بقلم انين الليل

مرات القدر يبطي باان ينهي كل شي ومرات يسرع بالاحداث عبالك مو هي ذيج الي 

تنقط علينه بالقطاره طيلة سنين

////// / //. / //. //////

عاصف 

بعد الي شفته والي سمعته اجيت وانا اغلي من القهر والحركه ومن الي شفته وابد ما متوقع هذا الشي 

صرت ما افكر بس شلون انتقم منها وااذيها واعذبها 

طلعت بوجهي على الشقه قبل المغرب بشويه واني بس اريد اشرب من دمها 

فتحلي علي الباب علي المسكين الي كله براءه والي بصراحه احبه يمكن لان شفت معاناته والي صار بي 

هو سلم عليه وحضني وانا طلعت اله فلوس وكتله رووح اشتري من الاسواق وجيبلي جگاير 

طلعت شافتني وحاجت اخوها بخوف 

= علي ابقى لا تروح 

باوعتله وگتله :: رايد اختك بحچايه عشر دقايق وارجع

1

طلع وسد الباب ورا انا بدون ولا كلمه اتقربت منها واخزر بيهالزمتها من شعرها واضرب بيها بالحايط 

واغلط عليها شمرتها ما اعرف وين طاحت ع الكاع ع الحايط اخذت ابني وطلعت ركبت بالسياره

وسط ذهول ابو يوسف

1

اسوق واباوع للجامه اكول :: طلعت تريد ابنها 

لكن ما صار هذا الشي اتوقعتها تلحكني وهي حافيه وتتوسل بيه لكن ماكو 

رن تلفوني شفته ابو يوسف جاوبته 

:: ها 

• حجي علي اجه والمفتاح مو ويا 

  :: وشسويله 

• حجي جاي يدك بالباب ومحد يجاوب 

  : : اي خلي يدك 

• حجي جاي اندك الباب بقوه وماكو احد يرد علينه من رخصتك راح اكسر الباب

1

سدا وانا استهزا :: وطبها طووب الفكت الباب والما فكته 

لكن فكرت :: معقوله بقت ساكته ما صرخت ولا لحگتني 

حسيت بخوف ما اعرف شنو مصدره اتصل ابو يوسف راسا فتحت ويا خط قبل ما احجي كلي 

    :: الحك عمي لكيت ام فيصل ميته

هاي الجمله نزلت عليه مثل الصاعقه الولد بحضني رجعت اسوق مثل المخبل وصلت شفتها فعلا ميته

وعلي يحرك بيها ويبچي والناس ملتمه 

انطيت الولد الابو يوسف وصلت يمها هزيتها ماكو اي حركه خليت اذني على كلبها نبض ما اعرف شوصفه 

يمكن نبض او يمكن لا يتهيالي 

خليتها بالسياره من وره وركبت علي ويا فيصل صرت اسوق بسرعه جنونيه اتصلت بكريم رد عليه

1

تستمر القصة أدناه

- - الو هلا عا... 

    قاطعته :: كريم الحكلي وجدان ماتت 

  رد بعصبيه // شنو شتكول وين انت هسه 

       :: رايح للمستشفى جيب مرتك وتعال

دخلتها للطوارى اخذوها من عندي والطبيب يفحص بيها ما اعرف شنو كللهم جابو الجهاز نتله والثانيه والثالثه

انتعش گلبها راسا نقلوها للانعاش 

بذيج اللحظه شكد ما چنت اريد انتقم منها واكتلها لكن خفت عليها خفت تموت خفت افقدها

اجت مرت كريم وهي تلطم خدها وتحجي // شبيها وجدان شكو عفتها امس جنها ورد شبيها عاصف 

بقيت ساكت اجه الطبيب سالته كال // هي بالانعاش ادعولها 

بوقتها ادارة المستشفى طلبو اوراقها الثبوتيه رجعت للشقه وشافني ابو يوسف سالني

- - ها عمي طمني ع ام فيصل 

  :: الحمد لله بعدهي بالانعاش 

- - ما تستاهل الله يگومها بالسلامه 

  :: تعيش 

- - ام فيصل خوش انسانه وهواي تعبت بهذا الشهر الجانت الحجيه اهنا 

   :: شلون تعبت ؟

- - ياعمي ناس داخله وناس طالعه وهي تداوم وترجع توصيني على مسواك وتاخذ الحجيه للطبيب 

ولازم هم تدرس وعدها طفل الله يساعدها 

:: ما اوصيك تدير بالك 

    - - ان شاالله تامر امر

   :: خوش اروح وارجع دير بالك

اخذت الاوراق من القاصه وبالطريق رحت على عيادة الطبيب الي تراجع عنده واخذت رقم مستعجل استاذنت

من المرضى :: الحاله خطيره بالمستشفى واريد انطي علم حتى من يكمل منكم يجي يباشرها

دخلت بسرعه وشرحتله الحاله رد عليه مجرد ما يكمل المرضى مالته راح يجي للمستشفى 

رجعت انطيت الاوراق ودفعت فلوس شفت ابو كرار وام كرار كاعدين بالانتظار سالني // شسويت 

:: جبت الاوراق ومريت ع الطبيب كال من يكمل المرضى يجي يشوف حالتها 

ام كرار //. شصار وهيج وكعت

ما جاوبت اكتفييت اعض بشفتي اجه كرار سلم عليه واتحمدلي السلاامه امه كلتله 

- - ماما اخذ علي وفيصل ومر با لصيدليه اخذله حليب وممه انطي الاختك انا فهمتها 

- - تمام 

   ابو كرار // دير بالك على علاوي 

- - ان شاالله 

علي يمسح بدموعه. ويحجي ويه ابو كرار. //. لا ابقى اهنا يم اختي 

ابو كرار نزل المستوا. //. علاوي حتى احنه راح نجي وياك بس باقيين اخاف يحتاجون دم او ناخذها الغير مستشفى 

رووح واحنه ما نتاخر 

ام كرار //. علاوي عمه لا تبجي ادعيلها الله يكومها بالسلامه

راح وعلي حتى ما يباوع بوجهي 

بقيت واگف وما منتبه النفسي وانا جاي اعض باصبع ايدي عضات متواصله طلع الطبيب من يمها سالته رد 

  - - ان شاالله خير ادعولها 

ام كرا ر. //. دكتور ميخالف ادخل بس اشوفها دقيقه وحده 

هز راسه // لا بالوقت الحاضر ما ممكن 

ام كرار حا بسه دموعها وتلم بحلكها وصلت يمي // شجاها البنيه الجنها ورد

ما رديت انتظرت الطبيب الاخصاىي اجه ويا الطبيب الي اشرف على حالتها صارو يحجون بمصطلحات اجنبيه

بعدها الطبيب حاجانه 

- - اليوم راح تبقى تحت المراقبه الصبح ناخذ الها ايكو ومفراس ونشوف شنكدر نسوي 

:: دكتور شنو بيها 

- - هو جبتوها حسب كلام الطبيب كلبها متوقف لكن الله سبحانه وتعالى كاتب الها عمر لذلك ادعولها 

وبقاءكم اهنا ما منه فاىده واحد بس يبقى

تستمر القصة أدناه

راح الطبيب واجتني ام كرار // عاصف روح ارتاح ويه كريم اني اهنا يمها 

  :: لا خويه انا ابقى يمها انتي روحي يم فيصل 

- - شلون ح... 

  قاطعتها :: ام كرار انا باقي يمها روحي انتي 

بقيت للصبح كاعد بره وكل شويه افوت اطل عليها واسال الممرضه والطبيب المقيم عن حالتها وانا اشوف

الاجهزه بكل جسمها وكلمهتهم الي ايرددوها ادعوالها 

اذن الفجر ورحت للحديقه اصلي بعد ان جبت مصلايه وتربه من داخل المستشفى صليت وصرت ادعي ربي

ان ياخذ بايدها ويكومها بالسلامه لان هي رغم اخطاءها ما شافت شي من حياتها الي خلصتها يتم وقهر وتعب 

صدگو انا استغربت من نفسي شجاي اسوي وشنو هذا الي يصير وياي معقوله جاي ادعيلها تكوم بالسلامه 

وانا كبل ساعات ردت اموتها بايدي

مرت الساعات عليه ثكيله وانا اباوع الها والاجهزه على جسمها الى ان حضر الطبيب وسوولها كل الي طلبه منها 

اجت ام كرار هي وزوجها وبعدها رحنه للطبيب وهنا فاجآني الطبيب من كلي

— مع الاسف گلبها متعب ولازم نسويلها عملية فتح قلب وهاي العمليه كلش مو هينه وبيها هواي مخاطر لكن 

مضطرين نسوي هذا الشي وبااسرع وقت ممكن 

:: يمته دكتور 

- - هسه اذا انت توافق 

   :: اي سويها وشكد ما تكلف المهم تعيش 

- - ان شاالله

  بعدها بساعتين دخلوها بعد ان استدعى الطبيب طبيب ثاني ويا ودخلت وجدان العمليه امشي وياها النهاية 

الممر وانا اكللها :: كومي لا تضيعين فيصل 

يمكن اصعب ساعات مرن عليه لان وجدان فاقده وما تعرف بلي جاي يصير 

كريم جابلي بطل ماي لكن ما شربته كل الي سويته انو ادعيلها الله ياخذ بايدها ويكومها بالسلامه

كنت اروح الحديقة المستشفى بحجة ادخن لكن انا كنت اكعد بزويه بعيده ابچي واعاتب بنفسي 

:: على شنو تبجي خايف عليها مو انت الي وصلتها الهاي الحاله 

   :: ومن يرجع بيه الوكت هم اكتلها  

   :: بس هسه اريدها تكوم ما عليه بيها المهم تنجح العمليه وتكوم بالسلامه

1

جنت خايف عليها افقدها بقت بالعمليات خمس ساعات الى ان طلع الطبيب وسالته رد 

- - سوينه كل الي كدرنا علي ان شاالله خير تبقى تحت المراقبه تلاثه وسبعين ساعه اذا مرت على خير اكدر اكلك 

نجحت عمليتها واتجاوزت مرحلة الخطر ادعولها

بقيت بالمستشفى حتى ملابسي ما بدلتهن ولا رحت الاي مكان ولا خبرت احد يجون بيت ابو كرار يبقون 

يمي وبعدها يرحون الى ان بعد يومين من العمليه طلبت من الطبيب ادخل واشوفها 

الطبيب بالبدايه ما قبل لكن انا اتوسلت بي 

دخلت شفتها نايمه والاجهزه عليها حجيت وياها حسيت تسمعني من كلت الها ارفعي اصبعج 

حاجيتها :: اطلعي وصيري قويه ابنج بحاجتج

طلعت من يمها وانا احجي ويه نفسي 

  :: شنو هالتناقض اخذت منها ابنها وهسه اتكللها صيري قويه ابنج بحاجتج 

ما لگيت جواب بس الدعاء :: الله ينطيها الصحه والعافيه وتگوم من محنتها

تستمر القصة أدناه

وفعلا گامت واتعدت ازمتها والطبيب طمني وگال 

- - الله كتب الها عمر جديده وهي انسانه متمسكه بالحياة

بعد ان درت واخواتي اجن وبعيونهن عتب عليه لكن فاجاني موقف امي ودفاعها المستميت استغربت ليش هالشكل 

تسوي مو هاي الي اول يوم جبتها رفضتيها لو ما انا اتوسلت بيج شفتها مستميته وتدافع عنها وحتى غلطت

عليه وطردتني 

بعدها طلعت من المستشفى وانا خليت فيصل عد بيت كريم الى ان نلكى حل يرضي جميع الاطراف

وخليت الحجه انو مو زين عليها تتعب وتتوتر بس انا ردتها تتوسل بيه وتسالني ليش هالشكل سويت وياها 

لكن هي ما سالتني 

راحت المراجعة الطبيب انا اجيت للشقه وانتظرتها بوجود امي واختي

من رجعت هي ما تباوع بوجهي واتوصلنه الحل وهذا الحل امي الي حجت بي بعد ان صار كلام وجذب وشد 

اتفاقي ويه امي خليت فيصل يم ام كرار لان اعرفها شكد راح تدير بالها علي وهم حتى امه تجي اتشوفه 

وحتى تطيب من مرضها وهم اتكمل امتحاناتها وترجع للبستان يم امي وهناك اكون انا كملت بيتي

واتحول بي وبعدها اشوف شلون راح اتصرف وياها

صحيح انا كرهتها وحقدت عليها لكن مرضها وعمليتها صار واقع حال وقررت يكون انفصالنه بهدوء تجنبا للمشاكل 

والقال والقلت وهم الخاطر ابني من يكبر ويسال ليش انفصلتو فالحجه انو امك مريضه واحنه ما اتوافقنه 

وفعلا شكد حاولت امي وابو كرار واخواتي ايعرفون السبب لكن انا كنت اردد كلمتي اسالوها

وتم الاتفاق انا ما قابل بي لكن حتى ارضي امي وحتى يكون ابني گدام عيني

من اكعد بيني وبين نفسي اكول اطلكها وافضحها  

بغض النظر عن كل شي هي ما تستاهل لا واحد يحبها ولا واحد يحترمها وحتى امي من تعرف بلي 

صار وعماتها اكيد ما راح يقبلن وبالتالي راح هي تحس على نفسها وتكعد الى ان يطلع اخوها من 

السجن واسلمها اله وبهيج اكون انا سويت العليه

استغربت من روحي من تصرفاتي شبيه هالشكل ليش هيج اتصرف لكن بالحقيقه 

من شفتها تريد تموت اتخبلت عليها وسويت كل شي الها حتى تصير زينه وتكوم بالسلامه 

ومن اتشافت سبحان الله رجعت ارد اطلكها

الي فاجآني تصرف امي وياي وهي اتهددني بااهلها الي همه خوالي وعليمن على مود وجدان بت سعدي 

وكل هذا الشي ضمرته بكلبي وقررت اسكت الى ان تجي اللحظه المناسبه وهي تكون موجوده هناك او اواجهها

بس كان قراري اواجهها يم امي وعماتها بدون تدخل مهدي لان اعرفه ما يهش ولا ينش ولازم اخلص كل اموري 

بهدوء 

يوميه اتصل بكريم اساله على فيصل وهو ايطمني وهي تجي كل تلث تيام او اربعه تشوفه عد بيت 

كريم وشرطي اكون انا موجود 

ورغم هذا الشي حييل ايضوجني وحتى انو اتثاقل من وجودي ابيت كريم لكن انا اجي وابقى بس حتى اشوفها

المستغرب اله اكثر انو هي هم موافقه على وجود فيصل تشوفه بهالشكل 

ومن تروح دووم اسال ام كرار على صحتها. وهي ترد بعدهي تعبانه وتنفسها حييل صعب 

علي ما صار يحجي وياي من يشوفني يسلم ابرود وابد ما يباوع بوجهي

تستمر القصة أدناه

كنت بالشغل لمن ما خابرتني ام كرار انو. وجدان تريد تجي اتشوف ابنها هي متعوده تشوفه العصر لكن ام كرار

گالت // تعال اتغدا عدنا هي تجي بالثنتين 

:: ليش شعجب مو كل مره تجي العصر 

- - تگول تعبانه تريد تشوفه وترجع ترتاح باجر عدها موعد ويه الطبيب

جاوبتها بدون تفكير // روحي وياها للطبيب 

- - اي طبعا اروح بدون ما تكول 

:: كرار بالبيت خافن كريم يتاخر 

- - اي بالبيت وكريم اليوم يجي من وكت 

:: خير ان شاالله

اجيت البيت كريم وكرار فتحلي الباب كعدنا بالديوان وصليت بعدها اجه كريم وام كرار صبتلنه غدا 

اتغدينه اندك الباب فتحه كرار اجت وجدان طبعا انا ما شفتها لان كاعد بالديوان البراني وفيصل عدي 

دخل علاوي سلم ردينه وكريم ساله 

شلونك عمو 

(. ). تمام الحمد لله 

اجت ام كرار وهي تكول //. خطيه مبين عليها كلش تعبانه 

كريم // ناخذها للطبيب 

- - تكول حجزت على باچر خلي اخذلها فيصل وانتو نامو وارتاحو

اخذت فيصل وبقينه نسولف انا وكريم بعدها اتمددت غفييت والساعه بتلاثه ونص اجت ام كرار وگالت 

- - شنو نمتو شو اكعدو اشربو چاي 

جابت النه جاي وكريم سالها // وجدان وين 

  - - بالغرفه جاي تنيم باابنها 

   - - خوش من ينام صيحيها خلي تجي يمنه 

  - - اي ان شالله

ام كرار صبت جاي وقدمته الي والكريم وسالتني 

    - - اكلك ابو فيصل ليش ما تنقل شغلك البغداد 

     كريم. // وكاعه وبستانه شبيج انتي شنو ايعوفهن 

   ام كرار. //. ما يعوفهن بس اشوفه تعبان يجي البغداد ويرجع للناصريه 

كريم يضحك // ههههه رجال الاعمال كلهم هيج كل ساعه ابلد وابن عمي رجل اعمال بس محلي ولو صار يسافر 

ويروح ويرجع

جاوبت :: بس كلام ام مرار بي وجهة نظر 

ام كرار //. شفت كريم شلون اني على حق تره ابو فيصل العمر اله حوبه 

:: هو ان شاالله بالقريب العاجل اجي البغداد استقر 

ابو كرار //. بس مو تاخذلك ثالثه 

:: هاي اكيد بدون ما تكول

ضحكنه وصرنا نسولف باامور الشغل وام كرار كالت // خلي اروح اشوفها مبين تعبانه وما الها خلك 

  كريم // خليها براحتها اذا ما تريد تجي انا اروح اسلم عليها واگللها انا وخالتج ناخذج للطبيب

راحت ام كرار وغابت اكثر من عشر دقايق رجعت وجهها ما يتفسر سالها كريم // شبيج شصاير 

وهي تعصر بيدها // وجدان لا هي ولا الولد موجودين 

فزيت من مكاني وكريم ايكللها // شنو شتحجيين انتي 

    - - دخلت ما لكيتها وشفت ماخذه مميته وملابسه 

     كريم بعصبيه // دورتي خاف يم البنات 

   - - بكل مكان دورت البت ماكو لا هي ولا ابنها

دخلت للغرفه وياي كريم كل شي ما شفنه كريم كال // خلي نتصل على نقالها 

ردت اتصل كريم // انا اتصل عاصف واحجي وياها 

اتصل خارج التغطيه رجعت اتصلت انا ماكو رد ركبت سيارتي وطلعت ادور عليها وياي كريم الي ايهدي بيه ويكلي 

  - - وين تروح يجوز راحت للشقه ما تشوف مخليه علاوي يمنه

تستمر القصة أدناه

اتصلت باابو يوسف سالته اذا شافها اجت ابو يوسف كال ما شفتها رجعت شفتها من طلعت هي واخوها 

صرت مثل المجنون وانا اسال بكريم // وين اخذت الولد 

- - شبيك عاصف وين اخذته لاتنسى هي امه 

  اضرب ع الاستيرن :: بس خلي الكفها اله للموت بعد ما اخليها تشوفه خاف ذيج المره كسرت خاطري 

وسحكت على نفسي وخليتها اتشوفه هسه اله انا جوه التراب وتشوفه بس خلي الزمها

رجعنا البيت كريم وسالنه ام كرار الي گالت // هي طالعه م الباب الثاني 

   - - شلون عرفتي 

   حركت ايدها //. من كد الصدمه نسينه الكامرات رجعتهن ما شفتها تطلع بس من اجت موجوده

رجعت الكامرات وشفتها. من اجت هي واخوها بس مثل ما كالت ام كرار ماطلعت من الباب الرئيسي 

طلعت ادور وكريم ايگلي // وين ندور شنو شلون نلكاها 

:: لو ادري افر العراق عليها شبر شبر لازم الكاها واخذ ابني وهي طبها مرض والم وعساها بالموت 

بقيت افتر مره رحنه للكراج الموحد ومرات وين ما نشوف ناس هوسه نوكف الساعه بالوحده بالليل 

اتلت ام كرار على زوجها رد 

  - الو 

- - كريم جيب عاصف وتعالو بسرعه 

- - شكو ات 

- - جاي اكلك تعالو لا تتاخرون

كريم كلي //. خلي نروح للبيت 

صرت اسوق بسرعه جنونيه وكل ظني الكاها راجعه لكن من دخلت ما لكييت شي ام كرار اشرت 

  - - تعالو 

رحنه الغرفة عمتي الله يرحمها گالت // اجيت للغرفه هيج كعدت وانا اسال بنفسي وين راحت وليش هالشكل سوت 

انتجييت ع الميز لا اراديا فتحت الجراره لكيت هذني

  انطتهن اليه باوعت جان نقالها الجبته الها ويا ورقه مكتوب عليها 

= افتح التسجيلات واسمع وبعدها رسيني على بر 

= وانت عمو كريم اخذ علي اخوي ودي البيبي هي اولى بي يمها وتربي يبقى ابن ابنها 

كريم اخذ الورقه وحجى // هاي شبيها اتخبلت شو محد بعينها

اخذت النقال وطلعت رحت للفندق صرت اباوع بي اي شي ما موجود استهزا بيها 

من عرفت راح افضحها كالت اخذ النقال وشوف شبي 

كريم اتصل // ها عاصف شلكيت 

:: ما كو شي بس انا اندليتها 

   - - وين ؟

  :: مو وكته كريم انا هسه طالع لو كاتل لو مكتول 

- - عاصف البنيه بتنا وطلعت من بيتنا يعني لازم اتكلي هي وين وانا وياك مو عليك 

  :: بس هي بعدهي بحكم الشرع مرتي وانا لازم اقتص منها 

- - مو بكيفك كلنه نقتص منها مهدي وانا واولاد مهدي وحتى بهاء 

  رديت بعصبيه وصوت عالي :: ولك يابهاء هي اصلا شارده ويا 

   كريم // شلك بهالحجي عاصف لا تذبلك تهمه كبل ما تتاكد 

   :: ياتهمه انا متاكد انا شفتهم بعيني وعرفت كل شي

ركبت سيارتي وطلعت للناصريه وانا كل شي بيه يرجف اتنكبت بالجفيه وخليت بس عيوني طالعه 

ما اريد احد لا يسلم عليه ولا يسالني وصلت لاگتني رقيه // الله يساعدك حبيبي 

  :: هلا وين امي 

- - جوا بحجرتها اخليلك اكل 

  :: ما اريد

تستمر القصة أدناه

دخلت الامي وسديت الباب وراي سركيته هي شافتني // ها عاصف شبيك 

  :: بت ابنج الشريفه اخذت ابني وشردت 

  - - شتكول 

  :: اي شردت ويه عشيكها

امي وكفت على حيلها اتقربت مني ضربتني راشدي وهي اتكلي 

- - بت ابني اشرف منك يانذل واشرف من الجانيهن ابيتك يا ما عدك مروه 

  :: بت ابنج باكت ابني وانهزمت 

  - - شوف ولك لا تصير تحطحط بالحجي تعرف غريمها كلنه واحنه نتصرف وياها 

   هزيت راسي وانا اتنفس بسرعه :: اي اعرفه ابن ابنج 

      اتغير كل شكل وجهها // ياهو ؟

   :: بهاء بهاء ابني الربيته خوش طعني بكلبي 

  - - خايب انجب يا بهاء الصبح مر عليه يمته شرد هو وياها 

:: انتي سدسدي الهم بس وروح ابوي اليوم انا لو كا تل لو مكتول 

امي لزمتني وهي اتكلي // على كيفك وسمي بالرحمن 

نزعت الجفيه مني وضغطت على خشمي // على كيفك خشمك طك دم 

:: ياريتني اموت ولا سوت السوته بيه

باوعت الها صحيح عيونها مليانه دموع بس هي ما مهتمه للصار. امي لا اتخربطت لا صار بيها 

شي باوعت الها هي ضاغطه على خشمي // شوف عاصف مو وجدان التنسى المرت بي وتروح ويه واحد

مثل بهاء مو هي الي تدوس على اسمك وكرامتك وجدان مثلك ومثلي ومثل ابوها ما تنسى وتسامح بسرعه

  ولا حتى بهاء يسوي بيك هذا الشي على كيفك وفكر وشوف غريمك ياهو 

  رديت باستهزاء:: شو ما مهتمه البت ابنج

- - بت ابني يجوز راحت للبصره الخوالها يجوز ماجره بيت ابغداد بس مالت تشرد ويه احد هاي لا تفكر بيها ،

   ااشر على عيوني :: يمه شفتهم بعيني 

  - - شفتها شردت ويا ؟

- - استغفر الله هاي احچي ويا هيج تردلي هيج 

  - - رووح ارتاح بهاي حجرتك لا تصعد فووك ولا تخلي احد يدري بيك وتصير فضيحه واحنه ما متاكدين 

والنوب كلها تصير زلم براسم على كيفك وسمي بالرحمن وهي تنحل 

:: شتنحل ا كلج شارده

   هزت راسها // اي خوش شارده التريد تشرد ويه صاحبها عشيگها ما تاخذلها وياهاجاهل شني دلاعه

التريددتشرد تروح ابحدها تشرد ابحدها تعوف كل شي وراها انت مو غشيم 

    :: حجيه كليلي اذا تعرفين شي بردي كلبي 

- - لو اعرف شي ما لكيتني اهنا دروح يمه ذب دشداشتك وارتاح وتنحل 

دخلت للغرفه نزعت الدشداشه ولبست غيرها وطلعت امي سالتني // وين رايح ؟

ما جاوبتها لحكتني رقيه // عاصف شنو ما تريد تتغدا ترتاح 

:: شويه وارجع 

- - وين رايح ؟

    حجيت بنتر. :: شغل

طلعت سقت السياره رحت للولايه الاسواق بهاء دخلت شفت بس العمال سلمت عليهم وسالتهم 

كالو الصبح راح كال عندي شغل 

:: ما كللكم وين راح 

- - لا حجي ما كال 

:: فيمان الله 

ركبت سيارتي وانا احچي ويه نفسي :: شردت ياجبان اشرد الكاك الگاك وين تروح مني

اجاني تلفون شفتها انصاف اجاني امل انو تكون عدها راسا جاوبت 

:: هلا ام احمد 

- - اشلونك خويه 

:: هلا بيج 

- - الحمد لله ع السلامه ولو اجت متاخره 

    اجاوب اريد اعرف الزبده. :: الله يسلمج شلونه الحجي 

- - الحمد لله احمد اخذه للهند ويكول زين 

  :: الله يرجعه بالسلامه وينطي الصحه والعافيه

تستمر القصة أدناه

انصاف // اگلك عاصف عدي حجايه وياك ولو امي وامل وحتى مرتك منعني احجيها بس لا لازم تعرفها 

  رغم حسيت بخيبة ظن بس جاوبتها :: شني انصاف شصاير 

  - - انت من سافرت اجو كل كرايبنه حتى ايشوفون امي ، يتشافولها تدري مو 

   رديت بخيبة امل. :: اي وشني 

  - - ومن ضمن الاجو بتك فرح وياها خطيبها وامه وجانت ام كرار موجوده الشهاده ال الله الولد سلم وراح 

اخذه ابو كرار البيته

   :: اي وتالي 

- - مرت رحيم حاجت مرتك وكلتلها انتي زعلانه من... 

   قاطعتها. :: انصاف هذا الحجي كله ادري بي 

- - ها خوش جا لدالي ما تدري 

  :: لا ادري 

  - - وشسويت البتك ؟

    :: عليش ؟

  

    انصاف //. جا ما تدري ابتك هدت على وجدان ورادت اتطكها وانا بيومها خابرت امها ورديت خابرت اخوها 

   :: خابرتي من 

  - - امها رجاءوخابرت بهاء واجه اعتذر بعد ما كاتلها الفريحه كتله غسل ولبس 

   :: وانتي هسه اتذكرتي اتكليلي 

  - - ولا ابالي اكلك بس مرتك خابرتني توها وكلتلي اكلك 

     :: مرتي ياهي ؟

   - - ياهي بعد وجدان 

   :: انتي شتگولين يمته خابرتج 

   - - توها ها ائها گبل لا اتصل بيك شبيك عاصف 

   :: انصاف شجاي تحچيين

انصاف // هذا الصار اتصل عليه رقم غريب مره وثاني مره شلته طلعت مرتك وجدان وكالتلي اتصلي بعاصف 

وكليله شسوت بته 

   :: انصاف اطيني الرقم 

  - - يارقم ؟

    :: الرقم الي اتصلت وجدان منه عليج 

      - - ليش جا هو مو عدك 

      :: عدي وضاع مني 

     - - اي هسه احوله الك

حولتلي انصاف الرقم اتصلت لگيته مغلق مره وثنين وتلاثه وانا احجي 

:: جاي تلعبين عليه بت الكلب خلي الزمج حتى الموت قليل بحقج 

صرت اسوق واباوع للنقال :: وينج شتردين توصلين شفت بعيني وسمعت بااذني وما اسامحج وما يبرد غليلي اله اموتج

1

وصلت يم البستان وكريم خابرني ما رديت بالبدايه ظل يتصل جاوبته. :: ها كريم شكو 

- - انا شكو لو انت شبيك عاصف لا تتهور 

:: شتهور ولك ابني ماكو ومرتي شارده 

- - جان شردت كبل وهي حامل جان ما كالتلك بعدين انت شفت تلفونها ،

  :: شفته كل شي ما بي اتچذب تكسب وكت حتى تنهزم وما نكضها 

   - - انت شتحچي ؟

   :: اگلك كريم شو انت وامي تتعاملون جنكم تدرون بيها وين وضاميين عليه 

- - لا ما ندري بس نعرفها لو تريد تنهزم مو وهي مريضه وحملها شثكله اقلها چان اخذت تلفونها

   مو ما اخذت اي شي وياها رووح للشقه شوف اذا ماخذه الفلوس والذهب معناتها منهزمه ومقرره واذا 

كل شي بمكانه وطالعه بطرك روحها وابنها معناتها صاير وياها شي

   :: اي تسوي هيج تغطي على مصيبتها 

  - - يا مصيبه شمسويه هي 

   :: مسويه هواي وبعد ما اسكت افضحها 

   - اذا تعرف شي گوله بس اگلك انت سمعت التسجيل 

  :: يا تسجيل الواتساب ما بي شي بعد تسجيليش 

    - - ياواتساب شبيك تسجيل الصوت 

    :: لا ما شفته 

  - - افتحه وشوفه مو هي كاتبلك اسمع التسجيل

1

وكفت على صفحه وطلعت التسجيلات شفت تسجيل واحد شغلته سمعت كلام رجاء وياها وسمعت ردها شفت 

التاريخ بيوم خطبة فرح وبقت ضامه كل هاي الفتره عليه 

رحت للاستديو شفت صورتي بيوم عرسي على رقيه دخلت اريد اشوف الرقم الي اندز منه ما اعرفه المن 

وبنفس الوكت قريت المكتوب جوه الصور 

حجييت :: كل هذا ما يشفعلج ياخاينه

1

صار كل همي اعرف وين بهاء تلث تيام وانا ادور مثل المخبل اي سياره تشبه سيارته موكفها رحت البيته الي اخذها اله 

ما لكيت بي بس فلاح وسالته گلي انا اشتغل عد بهاء ويطيني ربع من المحصول 

وصرت ادور بكل مكان بس ما لگيته 

تلث تيام رحت البغداد دخلت للشقه فتحت القاصه كل الفلوس بمكانهن والذهب ومسدس ابوها والاوراق 

اي شي ما ماخذه وياها صرت ادور وارجع بدون محد يعرف شصاير ورقيه ما بطلت اتصال ورسايل

ما جاوبتها

تلث تيام بس ماي وجكاير وجاي 

رحت الداليا وطلبت منها تخابر منار الي اكدتلي هي حتى ما متصله وحتى اتطمني اكثر احسان اتزوج وعايش

ويه زوجته وعدهم طفل

رجعت من بغداد وبالطريق حسيت براسي افتر لان ما نايم هاي تلث تيام ركنت السياره وغفييت گعدت 

شفت روحي نمت اربع ساعات وشفت اتصالات من رقيه ورسايل ع الواتس فتحت التلفون وشفت كومه رسايل 

لكن اكو رساله من رقمها قريتها وانا ارجف

= عاصف اني موجوده وقريبه منك وما ارجع اله تگلي لويش اتهجمت عليه وردت تقتلني وانت الي لازم تطلع 

براءتي وذاك الوقت ارجع اني وابنك 

كتبت الها :: انتي وين ارجعي وخلي نتفاهم ما اسويلج شي 

لكن هي غالقه النقال 

صرت اسوق الى ان وصلتني كومة رسايل منها

= لبش تريد تعرف مكاني حتى شتسويلي 

= تقتلني 

= لو تلبسني تهمه 

= لو شنو بقى ما سويته وياي

= عاصف بكل الاشياء الزينه الي سويتها الي شوف اني اكدر افضح رجاء وافضحك واكول فرح مو بتك

وبالمقابل انت هماتين تطلع الملف وتكول ابويه السبب باعدام بدر 

= وشنو الي يصير يجوز رجاء ابنها ينبذها بس ما يقتلها ويجوز فرح غياث ما يتقبلها لان بت حرام بس شنو 

الي يصير النه الابنك الفيصل ثق بهاء راح يقتله لان هو ابني ويجوز يقتل علي لان ابن سعدي احنه اثنينه

راح نخسر ابنه

1

= صار اكثر من سنه اني ما عاتبتك ولا كتلك لويش اتزوجت عليه واعرف مو لان كلت ذيج الكلمه عليك 

لان اعرف انت هواي تتحمل وتنطي اعذار للمقابيل وعوفك اتزوجت الله يهنيك 

= بس اريد اعرف انت لويش ردت تقتلني ؟

= ليش تريد تحرمني اربي ابني واشوفه يكبر وافرح بي

= ليش تريد تحرمني من شي انت وعدت بي امي انو احصل على شهاده 

   =. واصلا الشهاده بعد ما اريدها بس اهم شي احافظ على ابني 

= عاصف اني سكتت كل هاي الفتره ما سمعتك التسجيل تدري ليش لان عرفت اني ما اعنيلك شي 

لكن توصل بيك تريد تقتلني وتحرمني من ابني اهنا اوگف وراجعها النفسك وفكر وقارن وبعدها احكم

= لا تصير انت السجان وا لمسجون بنفس الوقت انتبه وحرر نفسك اذا كنت غلطت بحقك اعترف غلطت 

بالكلمه الي كلتها بساعة غضب وبلحظة غيره واصلا متندمه لان غرت على واحد مثلك واعتذرت 

   = اما اذا اتشوفني غلطانه بشي اكبر. او انت تعرف شي اني مسويته وهذا الشي ما ينغفر 

فلازم تتاكد بنفسك وتعرف الحقيقه وبذاك الوقت انت الوحيد الي الك الحق ان تقتص مني لان انت من عرفتك

كنت ولي امري ومسوول عني وهسه اني زوجتك وام ابنك

///////

شكرا لزيارتكم عالم روايات سكيرهوم