رواية دعني احطم غرورك الفصل الستون
صعدت جانا إلى غرفة عز الدين وطرقت الباب فلم تجد اجابة منه، ففتحته وكان بانتظارها عز الدين وهو يزفر من الغضب
-جانا بفرحة: حبيبي ، مالك مضايق ليه ؟؟ أنا عندي ليك أخبار حلوة أوي أول ما هتسمعها مش هتصدق
-عز: كنتي فين؟
-جانا: يعني مش عاوز تعرف الأخبار الحلوة اللي عندي ؟
-عز بحدة: كنتي فيييييييييييين ؟؟
-جانا: الله !! في ايه مالك يا عز ؟؟؟ بتزعق ليه ، طب مش قايلالك حاجة
-عز وقد أمسكها من ذراعها وعيناه توحيان بالشر: كنتي فين يا هانم ؟ ردي ع سؤالي
-جانا متآلمة: آآاااه سيب ايدي يا عز
-عز: طبعاً معندكيش حاجة تقوليها ! وأوعي تقوليلي انك كنتي عند دينا ، عشان أنا لسه جاي من هناك
-جانا مترددة:آآآ.. كنت.. انت كنت ..عـ. عند دينا وأنطي سهير
-عز: ايوه يا هانم !
-جانا بدلع: طب مش هاقولك كنت فين إلا لما تصالحني !
-عز وقد صفعها بقوة: طبعااااااااااا كنتي ماشية ع حل شعرك
-جانا بحدة: انت اتجننت ، ايه اللي بتقوله ده؟؟؟
-عز: بقول الحقيقة يا هانم ، ان مراتي صايعة و..
-جانا: اخرررررس متكلمش عني بكلمة واحدة ، أنا أشرف من أي حد كنت تعرفه
-عز: لأ واضح فعلاااااا .. طيب والسلسلة دي بتعمل ايه في الساونا
-جانا بعدم فهم: سلسلة ايه ؟ وساونا ايه ؟؟ أنا مش فاهمة حاجة م اللي انت بتقولها !!!
رأت جانا السلسلة الخاصة بها مع عز الدين فتعجبت كيف تكون السلسلة معه وهي قد أرسلتها قبل يومين لإصلاح القفل الخاص بها الذي كان قد كُسر منها مع الخادمة دلال ، وكان من المفترض أن تستلمها بعد أسبوع ،،،
-جانا: دي سلسلتي ؟؟؟ هي وصلتلك ازاي ؟؟؟ ده انا كنت مودياها تتصلح معــ.....
-عز وقد صفعها مرة أخرى: تتصلح برضوه يا زبالة !!
-جانا : انت بتضربني ليه ، أنا عملتلك ايه ؟
-عز: يعني مش عارفة ، كفاية كدب بقى ، مش كنتي في حضن عشيقك ،ده انا لسه شايفك من شوية !!
-جانا: انت كداب ومفتري ، ده محصلش ، اقسم بالله ما حصل
-عز: قالوا للحرامي احلف !!! طب والصور دي يا هانم ،و الفيديو ده كمان كدب ؟؟؟؟
أخذت جانا الهاتف المحمول من عز لترى صوراً مفبركة لها وهي تضحك ، واخرى من الخلف وصور بصحبة شخص ما لا تعرفه ، وصور لأحد ما يرتدى ملابس تشبه ملابسها ، ثم فتحت الفيديو لتجد غرفة مظلمة يتصاعد منها البخار ولا يظهر فيها سوى خيالات لأشخاص في أوضاع لا يصح أن تُرى
-جانا: ايه دول ؟؟؟ دي صوري ؟؟ مين اللي عمل كده ، بس..بس.. دول مش بتوعي ، هو أه شبه لبسي لكن.. لكن مش أنا
-عز: ده نفس لبسك يا هانم هو انا هتوه عن استايلك
-جانا: قصدك ايه ، إني اللي في الصور والفيديو ده ؟؟؟ أنا استحالة أعمل كده ، طب أنا هأقولك أنا كنت فين !!!
-عز: اطلعي بره
-جانا: طب عز ركز كده في الصور وشوف دي مش أنــ......
-عز مقاطعاً : انت مابتسمعيش بقولك اطلعي بره
-جانا: عز اسمعني
-عز وهو يدفعها إلى خارج الغرفة: اطلعي بره .. وانتي .. انتي طــــــــالق !!
-جانا غير مصدقة : ايه بتقول ايه ؟
-عز: انتي طااااااااااااااااااااالق
انتفض جميع من بالأسفل على صوت عز الدين وهو يعلن طلاقه من جانا ،،
-يوسف: يا ساتر يا رب
-عايدة: عز !
-ياسين: ايه اللي بتعمله ده آعز ؟
-جانا وهي تقف بجوار الدرج (السلم ) العلوي : طلقتني يا عز ؟؟؟
-عز: اطلعي بررررره !! مش عاوز أشوف وشك !
-جانا بعدم تصديق: طلقتني من قبل ما تسمعني حتى؟
-عز: غوري من وشي بدل ما أموتك يا خاينة !
-جانا ببكاء شديد : طلقتني وبتقول عليا خاينة ، وأنا... وأنا اللي كنت ..كنت عاوزة .. آآآآ.....
-عز وهو يدفعها بكل قوة: غوووووري في داهية تاخدك !!
-جانا: لألألألأ .. آاااااااااااااااااه
لم يتحمل عز الدين أن يستمع لصوت جانا الباكي فأمسكها من ذراعيها وقام بدفعها بكل قوته لتفقد جانا توازنها وتسقط من أعلى الدرج وسط ذهول الجميع ،،،
-يوسف: حااااااااااااااسبي ، حاسبي يا جانا
-عايدة: جااااااااانا
-ياسين: عـــــــــــز !!!!!!!!!!
أسرع يوسف وعايدة وياسين ناحية جانا ، بينما وقف عز الدين يراقب المشهد من أعلى
-يوسف: جانا بنتي ، انتي كويسة ، ايه اللي انت عملته ده يا عز ؟؟؟
-عايدة: جاااانا ، ردي عليا يا حبيبتي
-ياسين: أنت مجنون يا عز في حد يعمل في مراته كده
-عز من أعلى وبكل برود: مبقتش مراتي خلاص !!
-يوسف: اطلب الاسعاف بسرررعة يا ياسين ، البنت بتنزف
-ياسين وقد أخرج هاتفه وخرج ليتحدث من الخارج: ع طووول يا عمي
-جانا بصوت متقطع : أنـ... أنااا.. حــامل
-عايدة: بتقولي ايه ؟؟؟؟
-يوسف: استرها يا رب
-عز : مش ابني !!!
-عايدة: انت اتجننت ، اخررررس
-جانا: ابنـ.. ابني... الحقه ..يا انكل... يوسف
-ياسين: الاسعاف جاي في الطريق
-يوسف: اسندها يا ياسين معايا ، أنا هخدها في عربيتي ع المستشفى ، ده يوم الاسعاف بسنة ، وأنا مش هستنى البنت تضيع مننا
-عايدة: بسرررعة يا يوسف
-عز: اياكش تموت ونخلص !
-عايدة بحدة : استحالة تكون ابني ! خلي في قلبك رحمة
-عز: معدتش مراتي ولا تفرق معايا
-ياسين: يالا يا عمي
وبالفعل حمل يوسف وياسين جانا إلى المستشفى بصحبة عايدة ، بينما ظل عز الدين في الفيلا يلعن اليوم الذي قابل فيه جانا واليوم الذي قرر أن يرتبط بها ، واليوم الذي أصر فيه على أن يتزوجها وأخيراً حينما أعلن عن استسلام قلبه لحبها
-عز لنفسه: تستاهل اللي جرالها ، ايوه ده مش ابني ، ده ابن ...... !!
وقطع تفكيره اتصال هاتفي ،،،
-عز: ألووو ، عاوز ايه يا زفت !!!
-حارس الأمن محسن: عز باشا ، الحقنا يا بشمهندس
-عز: ايه في ايه ؟
-حارس الأمن محسن: بلطجية يا باشا هجموا علينا وكسروا الشركة كلها وولعوا فيها
-عز: انت بتقول ايه ؟؟؟؟؟؟
-حارس الأمن محسن: أحنا بنطلبك من بدري يا باشا عشان نبلغك بس حضرتك مش بترد
-عز بخضة : يادي النصيبة اللي وقعت ع دماغي ، انا جايلك فورا
توجه عز الدين إلى مقر شركته حيث وجد النيران تشتعل بالطابق العلوي والمطافيء تحاول اخماد الحريق ،،،
-أحد المتواجدين: لا حول ولا قوة إلا بالله
-شخص أخر: الله يصبرك يا بني
-عز وهو يضع يده على رأسه: دي كارثة ، ايه اللي حصل بالظبط ؟
-حارس الأمن سيد : يا بيه بعد ما سعاتك مشيت بدقايق هجم علينا لوري فيه ناس متخفيين عدمونا العافية وكسروا كل حاجة في الشركة ، وبعد كده طلعوا ع مكتب سعاتك ولعوا فيه
-عز: الورق ، الملفات ، الصفقات ، ياااااا ربي
-حارس الأمن سيد: احنا بلغنا المطافي والبوليس وحاولنا نوصلك يا بيه بس ساعتك مكونتش بترد
-عز: خلاص اسكت اما أشوف هتصرف ازاي
-حارس الأمن سيد: حاضر يا بيه
......
في المستشفى ،،،،
-الطبيبة: للأسف يا فندم الجنين نزل، ربنا يعوض عليكم
-يوسف: ايييه ؟
-عايدة: وجانا عاملة ايه ؟
-الطبيبة: حالتها مستقرة
-ياسين: جنين ايه؟ هي كانت حامل ؟؟
-يوسف: ايوه يا ياسين ، كانت ، إنا لله وإنا إليه راجعون !!
-عايدة: عيني عليكي يا جانا
-ياسين: وعز كان عارف انها حامل
-يوسف: ايوه ، وسابها تنزف قدامه وقال ده مش ابني
-ياسين: ليه كده يا عز !! عملت كده ليه ؟؟ موت ابنك بايدك !!
-عايدة: لازم نبلغ المهندس حسين باللي حصل
-يوسف: انا مش عارف هبلغه ازاي ، ولا حتى أوريه وشي ازاي بعد اللي ابني عمله في جانا
-ياسين: لا حول ولا قوة إلا بالله .. استرها يا رب
............
في منزل حسين الدمنهوري
-حسين هاتفياً : بتقول ايه يا يوسف ، جانا !! حصل امتى ده؟
-يوسف: ...............................
-حسين: لا حول ولا قوة إلا بالله ، لا حول ولا قوة إلا بالله ، انا جايلك في السكة
-يوسف:.......................
-حسين: اكيد هيجوا معايا ، اومال يعني هسيبهم لوحدهم ، استرها يا رب ، اديني العنوان بسرعة !!
-يوسف: ...........................
-حسين: ماشي ، سلام
-حسين : يا سهير ، ياااااا سهير
-سهير: خير يا حاج
-حسين: مش خير خالص ، البسي بسرعة , وقولي لدينا تلبس بسرعة ، جانا في المستشفى
-سهير بلهفة: في المستشفى ، يا سااااتر يا رب ، ايه اللي حصل
-حسين: مش وقته يا سهير ، البسي بسرعة ، وإلا قسماً بالله أنزل لوحدي
-سهير: حاضر ياحاج على طول أهوو .. يا دودي يا دودي
-دينا: خير يا مامي
-سهير: البسي بسرعة هدومك ، جانا في المستشفى
-دينا: OMG .. ايه اللي حصلها ؟؟
-سهير : معرفش ، البسي وأبوكي هيقولنا
-دينا: ع طووول يا مامي
.......
في المستشفى ،،،،،
-يوسف هاتفياً : بتقول ايه يا عز ؟؟
-عز: الشركة ولعوا فيها بعد ما كسروها
-يوسف: وانت كنت فين يا بيه لما حصل ده ؟
-عز: معرفش ، انا جالي تليفون من الـ security بيبلغني باللي حصل !
-يوسف: طب وعرفت مين عمل كده؟
-عز: لأ لسه يا بابا ، التحريات شغالة والبوليس موجود بياخد أقوال الشهود وهيطلبوا أكيد يشوفوا كاميرات المراقبة
-يوسف: استرها علينا يا رب ، أكيد بفعل فاعل
-عز: ده الواضح يا بابا
-يوسف: ومراتك يا بني ، هتعمل ايه معاها مش هتيجي تشوفها وتطمن عليها وخصوصاً انك السبب في اللي حصلها
-عز: مبقتش مراتي خلاص ، انا طلقتها
-يوسف: طيب عاوزك تعرف ان جانا .. يعني ... إن الجنين نزل !!!!
-عز وقد بدى عليه التأثر ولكنه حاول أن يتماسك : آآآ.. ايه .. نـ..نزل ، كده.. كده احسن ، عشان ميبقاش في حاجة تربطنا ببعض
-يوسف: انت معندكش دم ، بقولك مراتك بين الحياة والموت بسببك وابنكوا راح وانت تقولي عشان ميبقاش في حاجة تربطنا
-عز: بابا من فضلك ، سيبني أشوف النصيبة اللي أنا فيها
-يوسف: ما تولع الشركة المهم مراتك
-عز بحدة: ماهي ولعت خلاص ، وبعدين يابابا قولتلك معدتش مراتي خلاص ، ليه مش عاوز تسمعني أنا طلقتها وبكرة ورقتها هتوصلها عند عمها !!!!
-يوسف: مش هاقول غير حسبي الله
-عز: بتحسبن على ابنك يا بابا
-يوسف: اقفل الوقتي يا عز أما أشوف البنت الغلبانة دي
-عز: سلام يابابا
-عز في نفسه: هي السبب ، هي اللي وصلتني لكده ، خانتني بعد حبي ليها يبقى تستاهل اللي حصلها ، بس..بس ابني مالوش ذنب ، مش يمكن ميكونش ابني ويكون ابن الزفت حازم وأنا اللي كنت نايم ع وداني ! بس..بس .......
قطع تفكيره اتصال ياسين به ،،،،
-ياسين: ايه اللي سمعته ده؟
-عز: سمعت ايه تاني
-ياسين: مراتك كانت حامل وانت ..انت...
-عز مقاطعاً: متقولش مراتي ، انا طلقتها
-ياسين: تطلقها أنت حر لكن تموت ابنك اللي لسه مجاش الدنيا
-عز: وأنا ايش دراني انه ابني
-ياسين: انت غبي ومجنون ، ازاي تصدق ع مراتك ده ، اومال لو مكونتش عارف أخلاقها كويس وعارف انت عملت ايه عشان تتجوزها
-عز: طول عمرها كدابة ، وبتاعة حركات وأفلام فمش بعيد تكون رسمتها صح عليا عشان تنتقم مني
-ياسين: والمصحف انت مجنون
-عز: ما تحترم نفسك وتسيبني في المصايب اللي انا فيها
-ياسين: هو في اكتر من كده مصيبة ؟
-عز: اه ياخويا في ان شركتي ولعت
-ياسين: بتقول ايه ؟
-عز: اللي سمعته ، الشركة اتدمرت وولعوا فيها ولاد الحرام
-ياسين: أنا مش عارف أقولك ايه ، مش هقدر اسيب الجماعة هنا ، هطمن بس ع جانا وأجيلك
-عز: يوووه متجبش سيرتها تاني ، خلاص بححح
......
-سيلين: Great news
-رامز: عشان تعرفي يا سولي لما رامز يحط حاجة في دماغه !
-سيلين: برافو يا بيبي ، كده انت ضربت عصفورين بـ One Stone
-رامز: طبعااااا ، ولسه ، فاضل بس ناخد الفلوس ويبقى وجودنا هنا is over !
-سيلين: ده بقى دوري
ورن هاتف سيلين ،،،
-سيلين: ألوو .. ييس
-المتصل: ......................
-سيلين: Good job
-المتصل: .......................
-سيلين: اطمن ، deal is deal
-المتصل: ...................
-سيلين: اوك .. باي
-رامز: مين يا سولي
-سيلين: nobody حياتي
-رامز: ممم ، بتعملي شغل من ورايا يا سولي
-سيلين: لأ يا بيبي ، بس بحاول اعرف أخبار عن جانا
-رامز: أها .. اوك
....................
عودة مرة أخرى للمستشفى ،،،،،
-حسين بلهفة: خير يا يوسف جانا بنت مالها ؟؟
-يوسف : هي.. هي.. حالتها الوقتي مستقرة ، لكن..لكن للأسف ..الجنين ...نـ.. نزل !!
-سهير: ايه بتقول ايه ، يا حبيبتي يا جوجو
-حسين: لا حول ولا قوة إلا بالله ، لا حول ولا قوة إلا بالله
-عايدة : أنا مش عارفة أقول ايه يا سهير هانم
-حسين: وده حصلها من ايه ، قولي يا يوسف
-دينا وهي تبكي : عشان كده هي قالت ان وراها مشوار مهم ، يا ريتك كنتي قولتلي يا جوجو
-ياسين: قدر الله وماشاء فعل ، انا هاروح أدفع الفاتورة وأرجعلكم ..
-حسين: مردتش عليا يا يوسف ، ده حصلها من ايه ؟
-يوسف: آآآآ... هي ..هي ..
وفجأة رأوا الممرضات تصطحب جانا على الترولي متوجهين بها إلى غرفة عادية للاقامة بها
-الجميع: جانا ... جانا
-سهير: ردي عليا يا حبيبتي
-حسين: بنتي ، أحنا هنا جمبك يا حبيبتي
-عايدة: لا حول ولا قوة إلا بالله
-يوسف: ربنا يعوض عليها بالأحسن
-دينا: جوجو بليز ردي عليا
-الممرضة الأولى : من فضلكم يا جماعة ، سيبوها لما تفوق هنبلغ حضراتكم ، عن اذنكم ، اتفضلوا حضراتكم بره الوقتي، سيبوها ترتـــاح
-الممرضة الأخرى : يالا يا جماعة ، مينفعش كده!
-يوسف: حاضر ، هنطلع ، يالا يا حسين
-حسين: مش هينفع أسيبها لوحدها
-يوسف: هي مش لوحدها ، احنا معاها بس هنقف بره
وبالفعل خرج الجميع إلى خارج غرفة جانا ،،،،
-حسين: ليه محدش عاوز يقولي ايه اللي حصل لبنتي جانا
-يوسف: آآآآآ... بص يا حسين .. الحكايــ....
-عز مقاطعاً: أنا هأقولك اللي حصل يا عمي .............................. !!!!!
